إلى صديقى الحقيقى ...

هو اللى مش حبيب

 ومش صديق

بس عندى الأهم

كل حاجه بيسمعها منى

حتى كلامى التافه

برضه عنده مهم

هو اللى عارف 

أمتى يطبطب 

 يحتوى ..أو يهتم 

شايل معايا أحلامى

شايل معايا كتير م الهم

وقت الجد .. ناصح أمين

معرفتى به من سنين

وقت الهزار ..

لسه احنا اتنين عيال صغيرين

نضحك لحد ما الدموع

تملا العينين

سند بجد.. مش أى حد

نتكلم فى كل حاجه

هزار.. ضحك .. جد

لو يوم الدنيا تيجى عليا

أول واحد يقف

ويعمل بينى وبين الحزن  سد

لا عمره اشتكى ولا قال زهقت

صديق بجد مش أى حد