مش عيب ....
>> الثلاثاء، 25 أغسطس 2015
مش عيب ان الناس تتكلم عنك
العيب ان الكلام يأثر فيك
مش عيب انك تتألم من جرح جوه منك
العيب ان مدة الوجع تتطول
مش عيب انك تخسر او تنهزم
العيب انك تستسلم للخساره او تكسرك الهزيمه
مش عيب ان الناس تلجأ لك فى مشاكلهم
العيب انك تردهم وماتوقفش معاهم
مش عيب اذا ابتعد عنك من اعتقدت انه حبيب
العيب ان حياتك توقف من بعدها
مش عيب انك تكون فى محنه وماحدش حاسس بيك
العيب انك تنسى ان كل واحد فينا عنده ما يكفى من مشاكل وهموم
مش عيب انك تحس انك بعيد عن ربنا لفتره ما
العيب ان الفتره تتطول وماتحاولش تساعد نفسك
