ابدأ بنفسك " استر نفسك "

>> الأربعاء، 29 فبراير، 2012



تكمله لحملة ابدأ بنفسك

النهارده هاتكلم عن حاجه نبدأ بها

استر نفسك

اكيد فينا ناس تابعت حملة الستر

اللى قام بها الاعلامى عمرو اديب

مع بنك الطعام وجمعية الاورمان

وبغض النظر انت مختلف مع عمرو اديب

او متفق معاه لكن تظل حملاته من اقوى الحملات

فى الفتره الاخيره

اكيد برضه اننا عارفين اللى بيستر

انسان فى الدنيا ربنا بيستره دنيا واخره

الغرض النهارده من كلامى هو مش مجرد

ستر مادى يعنى فلوس او اكل او شرب

انما كمان ستر معنوى

يعنى بفرض اننا سمعنا عن انسان شائعه

مش ننقلها ونعيد ونزيد فيها

انما نستر عليه حتى لو كان غلطان

اتمنى ان كل انسان يستر نفسه بطريقته

يعنى شوف حد تعرفه مسكين او

روح لاقرب جمعيه خيريه

مش شرط تدفع مبلغ كبير

لكن ممكن بحاجه بسيطه من عندك

مايكونش لها اى قيمه بالنسبه لك

لغيرك تكون هى قمة الستر

مين قال هيكمل معايا الحمله


تتابع معاكم الحمله : زهـــــــراء

Read more...

همسات.. ازرعني نبتاً

>> الأحد، 19 فبراير، 2012


الكلمات والاداء الصوتي : هبه مصطفى .
شكراً لزهرة حياتي ع الصورة الجميلة (: .

Read more...

ابدأ بنفسك ...

>> الخميس، 2 فبراير، 2012





من فتره طويله بافكر



فى حاجه نقدر نعملها كلنا



والفكره كانت عباره عن حمله



كل واحد هيكون فيها زعيم



هيكون فيها قائد



انتشرت فى الاونه الاخيره



كلمات وحوارات



كل واحد بيتكلم واللى مش بيتكلم



بينقل كلام ويعمل له شير



والدنيا بقيت عباره عن مكلمه



بكل هدوء فكرتى



اننا هنبدا بانفسنا



يعنى عشان البلد دى ينصلح حالها



كل واحد هيبدا بنفسه



وخلينا فاكرين الايه الكريمه



ان الله لا يغير ما بقوم



حتى يغيروا ما بأنفسهم



بعد اللى تابعته امبارح



واللى شوفتهم دول مش مصريين



قولت كل واحد لازم يبدا بنفسه



كل واحد فينا هيغير من نفسه



الحمله دى هتكون بداية رجوعى



لعالم التدوين ان شاء الله



كل واحد هيشوف اوحش صفه فيه



ويغيرها وارجع واقول كل واحد يبدا بنفسه



عاوزين نكون بنى ادميين بجد



مش اى حاجه تانيه



مش مهم هتغير بعد كام يوم



لكن الاهم اننا نبدا نهتم بانفسنا



نحسن من شكلنا امام انفسنا



مش عارفه بصراحه الفكره واصله



او اسلوبى غريب عن جد



انا مش قادره اكتب اى حاجه



يارب تكون الفكره وصلت



واى حد تعجبه الفكره ياريت



يبدا معايا واى حد مش تعجبه



يقول فكره تافهه من انسانه



اتفه وكأنك مش قرات اى حاجه






على جنب كده



عندى طلب صغير بكره ان شاء الله



فى صلاة الجمعه وكمان اخواتى الاقباط



عندهم قداس ياريت كلنا نوحد الدعوات



ونصفى النيه لرب السموات




زهـــــــــراء

Read more...

Free CursorsMyspace LayoutsMyspace Comments

    © بالحب اتجمعنا. Friends Forever Template by Emporium Digital 2009

Back to TOP