باقى من الزمن ساعه

>> الأربعاء، 30 يونيو، 2010

باقى من الـــزمن ســــــــــاعه





























طبعا العنوان غريب ممكن يفكرنا بأيام الامتحانات





لكن اقصد من باقى من الزمن ساعه





على اصعب امتحان ممكن يمر علينا فى حياتنا





تخيلوا لو باقى من حياة كل واحد فينا ساعه واحده فقط





هنرحل عن دنيا البشر .. هنبعد عن كل الاحباء




هى ساعه واحده اللى باقيه فى عمرنا





ياترى هنعمل ايه فى الساعه دى





هنجرى بسرعه نتوضأ ونصلى ونقف بين ايادى الرحمن





هنجرى على ابائنا ونقعد تحت ارجلهم شويه





هنجرى على اولادنا نحضن فيهم





هنجرى على حد يكون زعل مننا ونصالحه






هنمسك التليفون ونودع احبابنا






ياريت ماحدش يستغرب من كلمة نجرى






خلاص مافيش وقت هى ساعه اللى باقيه من العمر





فى مقوله بتقول اعمل لدنياك كأنك تعيش ابدا






واعمل لاخرتك كأنك تموت غدا






ماحدش يقول البوست كئيب







كل ما فى الموضوع انى عاوزه اذكر نفسى











ان العمرقصير جدا











وفجأه ممكن يكون باقى من العمر ساعه واحده فقط







يبقى من دلوقتى نجرى على اهالينا واحبابنا وياريت



نحاول اننا مش نزعل اى حد منهم




اللحظه اللى بتمر علينا مش هترجع تانى





مهما حاولنا اننا نرجعها خلاص اللى بيعدى مش بيرجع





ياترى لو باقى فى عمرك ساعه واحده فقط





هتعمل فيها ايه ؟؟؟








اتمنى لكم العمر كله فى طاعة الرحمن









كانت معاكم : زهــــــــــراء

Read more...

انا لـــــــست سنــــدريلا

>> الخميس، 24 يونيو، 2010



أنا لـــــست سنـــــدريلا






http://www.4shared.com/video/fFTV5RM5/___online.html








عذرا سيدي انا لست بسندريلا ..



انت تحتاج لدمية تفصيل حتى تجتمع بداخلها مواصفاتك الفذة .. التحفة اخترت ان

تعيش مع جسد ...



فهنيئاً لك بدميتك الجديدة .

ملحوظة : ليس شرطاَ ان يعبر العمل عني .

ادخل حمل العمل واحدة واحدة واسمعه على رواقة مرة واحدة


اوديو>>>

http://www.4shared.com/audio/NC7f4nCz/___online.html


يوتيوب>>>

http://www.youtube.com/watch?v=nHy60U6Z8qI


فيديو>>>


http://www.4shared.com/video/fFTV5RM5/___online.html


العمل من تأليف واداء واخراج : هبة مصطفــى ( لـــولا)

Read more...

الفـــــراشــــة الحــــزينـة

>> السبت، 19 يونيو، 2010



الفـــراشه الحـــزينــــه


















تمايلت بغصنها النحيل وبأوراقها الحزينة

على نغمات النسيم الرقيقة التي عزفت الحاناَ هادئة



طارت لأعلى بخفة وحملتها الرياح بعيدا بعيداَ..

نزلت على اطرافها تتراقص وتتمايل كفراشة احتوتها الرياح في احضانها ..

نزلت قطرات من الندى منها عليها بشدة

اهتزت واهتزت اوراق ازهارها معها..

لفت حول محورها عدة مرات

وفجأة توقفت عن الحركة كما توقفت النغمات الرقيقة

وتسلطت بؤرة الاضاءة عليها وحدها

اكتسى كل ما حولها بالسواد ..

لم تهتم الا ببؤرة الاضاءه التي احاطتها ..

رغم دموعها التي اغرقت عينها الا انها اخفتها وراء ابتسامتها

وهي تحي جمهورها وقف مشاهديها

تتسارع ايديهم في تحية تلك الفراشة البارعة.



اهـــــداء

الـى ذلك الفن الراقي الذي اعشـــق... فـــن البـــاليــــة .



لــــولا ( هبه مصطفى )

Read more...

التـــــــــــاج ده بتاع " زهـــراء"

>> الخميس، 17 يونيو، 2010




التــــــــــاج ده بتاعى انــــــا







اولا لابد من تقديم الشكر الى رضوى على اهداء التاج الاول




اما التاج التانى الشكر الى ليلة شتاء




اسمك


فاطمــة الــزهــراء



سنك

الحقيقى اللى بجد اوى يعنى

مش هاقول عليه لانه مش يهم


اى حد غيرى وكل اللى مقربين ليا

عارفين تاريخ ميلادى


اسم مدونتك

بالحب اتجمعنا

مجال دراستك


ليسانس حقوق


معايا كورسات فى حاجات كتير

على سبيل المثال وليس الحصر


دعايه واعلان



فوتو شوب

نقد فنى

كورس تجميل لبنانى


وحاليا ادرس ماستر





هل فكرت فى اغلاق مدونتك وما السبب

اها ولاسباب كتير اوى

يعنى مثلا فى فتره ولظروف ما كانت لولا مش بتدخل المدونه

وكنت باكتب مواضيع كثيره وحاسه انها مش ذات جدوى

ده وقت من الاوقات اللى قررت اغلق المدونه

بس فى اوقات تانيه وارجع وافكر

ان فى لولا معايا ولازم اخد رايها برضه


ايه رد فعلك لو حد قل ادبه عليك فى المدونه

اممممممممممممممممممممم


اللى عاوز يقله اهلا وسهلا

ومن حقى انى امسح التعليق علشان

مش اخدش حياء اى حد من قلة الادب



اسوا مدونه دخلتها

بصراحه مافيش مدونات اقول عليها

سيئه لان كل واحد بيعبر عن حاجه بداخله بطريقته الخاصه




هيحصل ايه لايميلك بعد موتك


مش عارفه طبعا لانى هاكون فى عالم تانى

بس عادى انى ممكن اقرر انى اعتزل عالم النت


واقفل ايميلى وانا لسه على قيد الحياه


السفر بالنسبه لك ايه

مشروع مؤجل المقصود السفر الى خارج مصر



ولما تيجى فرصة سفر بجد سبحان الله



بيحصل حاجه ومش تكمل حد عاوز يجى معايا


المود بتاعك

انا موديه جدا جدا يعنى ممكن اتاثر بأى حاجه ....


كلمه .. ضحكه ... همسه أى حاجه بتاثر فيا اوى اوى

بتعمل ايه فى وقت فراغك

حاليا نفسى اجد وقت فراغ لمدة نص ساعه فى اليوم

عادة اقرا او اعمل اى حاجه لها علاقه بالفن




الاكلات المفضله


كل المأكولات البحريه



المكرونه بالباشميل - السمبوسك


الحلــــــــــــويات بكل انوعها شرقيه وغريبه



وماحدش يقول مفجوعه





الصفات اللى اخدتها عن والدك

اخدت منه كتير اوى الله يرحمه



بس اهم حاجه انى اكون نفسى


ومش احاول ابث لاى حد همومى

انى اعرف اعبر عن نفسى كويس اوى


واقول اللى جوايا



الجـــــــــراءه


الصفات اللى اخدتها عن والدتك

تحمل المسئوليه بطريقه غير طبيعيه

مساعدة كل الناس


اكتر ست حاجات بتحبها


اسرتى – اصدقائى – مدينتى


الصدق – الصراحه – حل المشكلات




اكتر ست حاجات تكرهها

الظلم – الكدب – الغدر

الخيانه – الجرح - الصوت العالى


شخصيتك نوعها ايه


هوائيه - تبعا لبرجى اللى هو الجوزاء


وماحدش يفهم كلمة هوائيه غلط

احمل كل المتناقضات

دماغى بتتعب من كتر التفكير


لماذا دخلت عالم التدوين من الاساس

بصراحه عمر ما كان فى بالى موضوع التدوين خالص مالص

والمفروض انه كانت عندى فرصه انى يتعرض شغل لى على الملأ

لكن لظرف ما الموضوع فشل ولله الحمد

وبعدين مره
الدكتوره الجميله نورا قالت انها تتمنى تزورنى فى مدونتى




فكرت مع صديقتى لولا فى عمل مدونه ودى كانت الفكره


اهمية التعليقات بالنسبه لك

ياااااااااااااااه اهم من الشغل نفسه

لانى اشعر بمدى التواصل وكمان اشعر ان شغلنا له قيمه بجد

كل لما اشوف تعليق جديد اطير من الفرح

احلى بوست عملته مع ذكر السبب

يااااااااااااارب

السبب لانى شعرت انى قريبه اوى من ربنا




وحسيت ان الناس اللى بتعلق كل واحد فيهم



بيكلم ربنا بطريقته



كمان بوست اعلم جيدا لانى كنت اتكلم فيه بصفه شخصيه


من شغل لــولا لها حاجات كتير بس باعشق






افضل مدونه قراتها


اول مدونه دخلتها فى حياتى

واتعلمت فيها كتيييييييييير


انا مدينه لتركيب بالفضل فى حاجات كتير


كـــــــــــمان



كل المدونات اللى فى الريدر


واخص منهم على سبيل المثال

عمـــــــود نـــــــــور


ابــوعلى



قصـتى انــــا


كلمــــات


صيدلانيه طالعه نازله

ممــــــــكن


الترتيب له معنى والمعنى فى بطن الشاعر

اهمية الانترنت

نص حياتى لان اقرب اصدقاء ليا

اتواصل معاهم على النت لانهم مش عايشين

فى نفس مكانى

اهداء التاج


إيهاب " صدفه جميله "



زنــــــاتى




--------------------------

التاج التانى

6 حاجات او اسرار اللى يقابلنى لاول مره مش يعرفهم

طبعا كده هابقى كتااااااااب مفتوح امام اى حد يتعامل معايا


اول حاجه
-*-*-*
اى حد بيشوفنى لاول مره بياخد عنى فكره انى هاديه اوى



ولكن على العكس انا شقيه جدا جدا وفيا روح وشقاوة الاطفال



تانى حاجه
-*-*-*

فى ناس كتير من اللى عرفتنى عن طريق المدونه



قالت انى رومانسيه لكن على العكس


انى عقلانيه جدا جدا ويمكن الرومانسيه ابعد ما تكون عنى



تالت حاجه
-*-*-*
معروف انى عندى عدد لا حصر له من الاصدقاء

انا فعلا صديقه لناس كتير اوى

لكن اصدقائى اللى ارتاح معاهم فى الكلام


واللى باكون معاهم براحتى فى الكلام عددهم قليل



رابع حاجه
-*-*-*
بصراحه كده ساعات باعمل هبله او عبيطه




علشان اريح اللى يتعامل معايا

واحاول اوضح له انى ساذجه ومش فاهمه كلامه

لكن طبعا باكون عارفه مقصده وكلامه " ماحدش يقول عليا خبيثه " هههههه

خامس حاجه
-*-*-*
باعرف اعبر عن نفسى كويس


عن مشاعرى وافكارى واهتماتى


مش اخجل انى اقول اى حاجه عاوزه اقولها


وده ممكن يكون فى نظر بعض الناس غلط


لكن انا كده وصعب انى اتغير بعد السن ده



سادس حاجه
-*-*-
عندى طمووووح عالى اوى


انى اكون فى يوم من الايام حاجه

ولما اخسر حاجه بازعل شويه وارجع افكر انا هاعمل ايه علشان


اوصل لتحقيق احلامى

الغريب بقى ان معظم اللى حواليا بيحاولوا


انهم يقولوا يا بنتى مافيش فايده من اللى انتى بتعملى

مش التفت لهم خالص مالص


لكن ساعات برضه كلامهم بيأثر فيا اوى اوى


ويتملكنى الياس و الاحباط


لكن برضه عندى حاجه فى حياتى جميله جدا


وهى امى اللى تحاول انها تدفعنى الى الامام على الدوام



اخيرا وليس اخرا



هذا الفيديو اهداء الى كل المدونين



الذيت تشرفت ان اكون واحده منهم



ويمكن لانى لاول ولاخر مره اتكلم فيها عن نفسى معاكم



















لما دخلت عالم التدوين عمرى ما تخيلت ان

فى ناس رقيقه وجميله وراقيه اوى كده

كان ليا الشرف انى اتعرفت على ناس اغلى من الماس

ناس غاليين بالقلب ولاحساس

ناس غيروا فيا حاجات

مليون كلمة شكر لكل الناس

اللى اتعرفت عليهم فى عالم التدوين

شــــــــــــــــــــــــكراً

Read more...

تــاج لـــولا

>> الاثنين، 14 يونيو، 2010

تــــــــــــــاج لولا


التاج ده وصلنا من الجميلة رضوى طالبة مقهورة من بداياتنا اسفة ع التاخيريا دودو



التاج بتاعك التاج بتاعي التاج بتاعنا كلناااااااااااااااا :d


اسمك؟


انا اسمي لـــولا ( هبة مصطفى )


وانا بعتز جدا بأسمي الحقيقي عشان كدة هتلاقوا فيه اعمال نازل عليها اسمي الحقيقي


ولـــولا اختصار لـ لـــولا رحمتك ربي لكنت من الظالمين والحمد لله على نعمة الاسلام

وكفى بها نعمة من رب العالمين


وكمان لـــولا هي كلمة بالغة العامية معناها اللؤللؤ وهو حجر برجي ...السرطان وانا بحبه

جدا جدا لانه شئ ناعم ورقيق وبراق


وزهرة ساعات تقولي دانة يعني اللؤلؤ الاسود نادر الوجود .


عشان كدة بحب اسمع لولا من زهرة جدااااااااا




سنك؟


انا عندي وبلا فخر 26 سنة:d


ههههه حد عايز يزود (:



اسم مدونتك؟


بالحب اتولدنا


وبالحب كبرنا


وبالحب عشنا


والحب لغة نبض قلوبنا


عشان كدة


بالحـــــــــب اتجمعنـــــــا





مجال دراستك؟


بكالريوس تجارة - جامعة عين شمس دفعة 2004 /2005


وتانية دراسات عليا قسم اقتصاد عالمي بس شكلي مش هكملها ههههه


وعندي شوية حاجات كدة صغنونة جمب البكالريوس درستها في مجال الفن


في كتابة السيناريو والاخراج والكتابة الاذاعية وكتابة المسرح





هل فكرت فى اغلاق مدونتك والسبب؟



ان شاء الله لأ مش هنغلقها


احنا لسة بنقول بسم الله الرحمن الرحيم


وان شاء الله هنكون قادرين نقف قدام اي صعوبات ولازم نكون اد المسئولية


وادام مش هنفكر في اغلاقها بأذن الله يبقى الحب معشش جوا قلوبنا لسة




ايه رد فعلك لو حد قل أدبه عليك فى المدونة ؟


هرد عليه بكل احترام لو هو نسى يتكلم بلغة البني ادمين انا منستش آدميتي


قال صلى الله عليه وسلم لاتكن امعة


بأختصار ان احسن الناس احسنوا طيب وان اساءوا؟ احسنوا برضه (: قمة التسامح

والحب يا حبيبي يارسول الله صلى الله عليه وسلم



ولو فيه تخطي للحدود الحمرا في الكلام هرجع لزهرة في اتخاذ اي اجراءات وهي هتعمل

كدا برضه هترجع لي في اي خطوة قبل ما تخطوها واللي هنتفق عليه يمشي وساعتها

الرد هيكون بأسمنا احنا لاتنين وهنرد بكل ذوق واحترام برضه




أسوأ مدونة دخلتها ؟

اعتذر مش هقدر اقول اسماء مدونات


عشان مجرحش شعور اصحابها ربنا يوفقهم للاحسن يارب


هيحصل ايه لايميلك بعد ماتموت؟


فاطمة ان شاء الله هتفتحه من بعدي


وتبلغ الكل بوفاتي وتطلب منهم دعوات ليا وهتبعتلي صدقة جارية عن طريقه




اديت الباسوورد لحد قبل كده؟


لاختي فاطمة ( زهرة) وانا بذكرها يافاطمة انا لما كل شوية


بقول الباسورد قدامك بكون قاصده اذكرك




بالكلمة عشان انا عارفة الزهايمر شغال اليومين دول عااااااااااااااااالي


شغال يونيفرسال خااالص هههههه..


الا هل يمنع نشر الاعلانات في المدونات كمان ؟


ولا الكلام ده خاص بالاذاعة والتلفزيون وبس ؟ هههههه




السفر بالنسبة لك ايه؟

مراية بتعكسلي حياة تانية معشتهاش ولاول مرة بشوفها


بسرح بالسفر مع غصن اخضر بيميل


ولا عجلات ساقية بدور


ولا بسمة فوق شفايف طفل صغيور


بحب السفر لانه استجمام هدووووووووووء راحة


المود بتاعك؟


انا مزاجية جداً ومودية ومتقلبة المزاج ..


وبحب الهدوووووووووووء





وبحب اعمل اللي على مزاجي في الوقت اللي على مزاجي

وبمل بسرعة ولما بخلص شغل احب محدش يستعجلني


فيه حتى لو كانت زهرة :d ههههه

وهي بجد محترمة الحتة دي فيا قوووي


وعارفة الهدوء والتركيز واحساسي بالشغل مهم في حياتي وادائي اد ايه


بعشق الهدوووووء وبحب الصوت الهادي المنخفض .


.لان لما حد بيتكلم بعصبية قدامي

بيفقدني السيطرة على اعصابي وبيشتت تركيزي


قال يعني الحكاية ناقصة تشتيت ..دا انا بتلكك لوحدي هههه-


بحب عيني تقع على كل ما هو جميل ...


بالرغم من ان من سماتي الرزانة والهدوء الا ان من السهل جدا متتوقعش رد فعلي
وخصوصاً لو اشي مس كرامتي وكبريائي او حد خان ثقتي فيه ... لما بتصدم فيه حل
من اتنين لاما اعتزل الدنيا لفترة لاما اترجم الخيانة لعناد وتحدي وقوة ... وده المنهج
اللي ربنا هداني اليه لان الاستسلام ضعف وانا مش ضعيفة .



بتعمل ايه فى وقت فراغك

بحب اقرأ - ادخل على النت - اقعد في هدوء مع حالي -

بحب ادخل المطبخ جداا بعشقه وبحب فن الطبخ -

بحب امسك الورقة والقلم وادون خواطري -

ساعات احب امسك الفرش والالوان وارسم مناظر طبيعية -

اسمع موسيقى هادية وخصوصاً لعمر خيرت -

احب اقرأ لاستاذي نبيل فاروق ومنى هلال وبلال فضل -

احب اقرأ واسجل لفاروق شوشة -

ادون مؤلفات شوية حلقات اذاعية شوية

فصل من مسرح وفي الغالب الاعمال مبكملش تدونها

لاني بمل بسرعة وبالرغم من ان النهاية وتفاصيل الاحداث في دماغي

_ بحب قوي اتعلم حاجات كتير في الفن


والفن عموماً يعني اكسسورز وخرز وعجينة السيراميك

والملح واحب اشوف اخر ما وصل اليه الفن

ده لاني من عشاق اي شئ فيها لمسة فن .


الاكلات المفضله

المشويات

انا قطة سمك وجمبري هههههه


احب اعمل المكرونة بالباشمل بس مش اكيلة لها

احب البيتزا وعندي طرقي الخاصة فيها -


والمسقعة باللحمة المفرومة وبحب الجلاش باللحمة المفرومة


وصينية السمك الماكريل بموت فيه


والفول النابت امووووووت فيه واحب البصارة وشوربة العدس بالجبة .

الصفات اللى اخدتها عن والدك


هههههههه اخدت منه العصبية في بعض الاحيان


- حب تعلم كل شئ جديد -


بابا فنان بأختصار بيعمل من الفسيخ شربااااااااااات


وانا اخدت منه حبي للفن بكل انواعه


- اخدت منه عشقه لتراث والحارة الشعبية العتيقة



الصفات اللى اخدتها عن والدتك


الطيبة والحنان والحزم والانضباط والنقاء


والتسامح وحب الناس


وقلبي يبقى مفتوووووووووح ياخد اللي حوليا بالاحضان


اخدت منها الكبرياء والاباء وعزة النفس


والدماغ النشفة ههههه ممكن اهزر واضحك واكون ملاك



لكن وقت ما تمس كرامتي


هتشوف انسانة لاول مرة في حياتك هتشوفها -
اخدت منها حساسيتها الزيادة عن اللزوم

لاننا تقريبا مواليد نفس اليوم لنفس الشهر


- تقاسمت معاها ملامح وجهها -


يمكن بنكمل كل شئ سوا لما تفكر في شئ تلاقيني بقولهولها


ده والله العظيم حقيقة


ممكن اسامح بسهولة بس صعب انسى الاساءة



اكتر ست حاجات بتحبها

ربنا ورسولي عليه افضل الصلاة والسلام اسلامي فخورة بيه


بابا - ماما- اخواتي - اصدقائي -

عيلتي - حبايبي - الاهلي - الطيبة - الوفاء -


الهدوووووووووووووء - الفن -


معلهش هما ستة يعني اد ايه؟ اصلي انا مش شاطرة في الحساب :d


اكتر ست حاجات تكرهها


الخيانة


الغش


الخداع


نصيحة>>>التمثيل على مسرح الحياة خارج خشبة المسرح


ممكن تمثل اي دور في الحياة ..تتقنه هتكون خسة او ندالة لكن اوعى تلعب بمشاعر حد
او تلعب بأوتار قلب لانك ساعتها مش هتكون انسان وبرضه مش هترتقي لمكانة
الحيوان
!!!




شخصيتك نوعها ايه

بسهولة بسامح لكن مبنساش



طيبة اه لكن مش ساذجة


اعرف امتى اقول اه وامت اقول لا ياحبيبي لااااااااااااااااااااااااا


عنيدة ودماغي ناشفة


انا مش صورة من حد ومحبش اكون غير انا


رومانسية جدااااااااااااا وهادية قوووي بس مش دايماً بكون هادية


بيقولوا المرأة زي البحر مش دايماً بيبقى هادي


برجي هو السرطان وليس الاسد


شخصيتي ممكن تتعرف من حجر برجي اللؤلؤ


..>>>
براق لكنه صلب وعنيد

رقيق لكنه غير قابل للتشكيل ولا التتطويع


وواخدة من القمر لونه الفضي


لكنه عميق من جواه وبحره غميييييييييق


واخدة من البحر زرقتة مايته الصافية


وقلبه كبيييييييير


ممكن تفكر انك لما تقربله قربت تمسكه بأيدك


لكنه حر ومش ضعيف


لماذا دخلت عالم التدوين من الاساس


لاني بحب الاذاعة جداااااااا ..


وف يوم وليلة فجأتني زهرة بموضوع اننا نعمل مدونة


بالفعل والفكرة كانت مطروحة قبل التنفيذ بكام شهر


ربنا يخليها ليا وتدوم الاخوة والصداقة بينا لاااااااااااخر العمر يااااارب .

اهمية التعليقات بالنسبه لك


شئ كبييير جداً هي صدى صوت العمل


اللي بنقدمه ترمومتر ومؤشر نجاحنا او خفقانا

احلى بوست عملته مع ذكر السبب


احلى بوست عموماً كان يارب

كان لزهرة و اعلم جيداَ

لزهرة واحلى بوست انا عملته كان

الاستاذ

لاني كنت قلقانة جداً ومتردده اني احطه

ولاخر لحظة كنت بكلم زهرة وكنت هقولها فاطمة انا غيرت رائى

انزلي بالشغل اللي محضرينه التاني وبلاش الاستاذ


تنزليه فوجئت انها بتقولي لولا احنا اتفقنا ننزله وانا بالفعل نزلته وادخلي شوفي التعليقات....ربنا يخليكم يارب متعرفوش تعليقاتكم وكلامكم الطيب كان تأثيره ايه عليا

نبضات قلب


امن اجلك انت احببتها


افضل مدونه قراتها


همس الكلمات لهيفا


وبلو ويف الموجة الزرقاء لدكتور عمرو فاروق


ولا انسى ابداً عالم تركيب لاخويا الكبير دكتور حسام الدين


عمود نور محمد فؤاد عيسى


ومدونة الاستاذ هيثم رمضان


وقصتي انا لصدفة جميلة


واحمد لو مخنتنيش الذاكرة


ووليد كنج توت


وابو علي سمع هوس


وابو علي شيب يور لايف


ووليد الدوغري هي وظروفها


دكتورا علا صيدلانية طالعة نازلة


ودكتورا نورا صعبان عليا حالنا


وطالبة مقهورة


ليلة شتاء
ودموع قد تكون فرح او حزن


طفلة مش عايزة تكبر


بيتنـــا


شذا الروح


الفردوس الضائع


...


الترتيب في طياته لا يحمل اي معنى

واكيد نسيت مدونات تستحق الذكر

اعتذر


اهمية الانترنت

شئ مقدرش استغنى عنه


اهداء التاج
فؤاد عيسى عمود نور

احمد لو مخنتنيش الذاكرة عن قصة ملائكة تعيش على كوكبنا



قصتي انا صدفة جميلة - عن مجمل اعماله













التــــــــــــــــــــاج التــــــــــــــــــانــــــــــــــــي



من الجميلة ليلة شتاء






6حاجات محدش يعرفهم عني






اول حاجة : بالرغم من اني هادية جدااااااااااا ورومانسية زي ما بتقولوا لكني في بعض الاحيان بكون عصبية واتقي شر الحليم اذاغضب بجد دي مقولة تنطبق عليا لحظتها

ثانياَ:
رغم اني بعشق الحيوانات الا اني بخاااااااااااف من أي شئ فيه روح قطط وكتاكيت والعصافير ووو............بحبهم من بعيد لبعيد مقدرش اللمسهم .

ثالثاَ :
انا طفلة قوووووي يعني اموت في الاطفال وفي ثانية انسى الدنيا معاهم وابقى واحدة منهم .

رابعاَ
: بالرغم من ان كلكم بتقولوا عليا رومانسية وبمشي اوزع رومانسية الا اني في الحياة العملية بحاول ادعي عكس ذلك واعمل طبقة وعازل تحميني من أي حد يحاول يستغل رومانسيتي دي لان الرومانسية مش كلنا يفهمها صح واي حد بيفتكر البنت الرومانسية شئ ضعيف وهش وسهل انه يضحك عليها بكلمتين ولكنهم يفجئوا في الحقيقة انها ارجل من مائة راجل وتفهمهم ان لكل رسالة وقتها التي تقال فيه والا فقدت مصداقيتها وقيمتها ..اللي يحبني ماعنديش شئ اقوله غير كلم بابا .

خامساَ :
انا دموعي قريبة جداَ بس محبش تنزل في أي وقت قدام أي حد ..لو في مرة نزلت دموعي قدامك تعرف انك بقيت حد قريب من قلبي .

سادساَ : بضايق قوي لما حد يفهم شعري واعمال الرومانسية غلط


بحس اني متهمة في كل لحظة وان عليا رفع يافتة فيها دفاع عني لكي ادرء عني أي ظلم يقع عليا ..بس في النهاية انا مش مضطرة اعمل كدة ربنا شاهد ع العقول ...والتدين مينفيش عني رومانسيتي لانها مش شئ عيب ولا رومانسيتي تنفي عني تديني لان التدين مش تهمة ...من فضلكم اروني كما انا ولا تصنعوا مني فتاة اخرى فأنا اتكلم عن الرومانسية لكني لا انسى انني فتاة متدينة شرقية هناك خطوط الا يمكنني تخطيها.



سابعاَ ممكن اخليهم 7 : انا بعشق البنفسج.



ملحوظة>>> احنا حصلنا على 3 تيجان التاج التالت اللي ادهولنا ياريت يفكرنا بيه عشان الزهايمر شغااال يونيفرسال.


Read more...

بحــــــــبك

>> الخميس، 10 يونيو، 2010

بحــــــبك













بحبك مـــــن قـــبل مــــــا اشــــوفـــــك


ونور قلبــــــي كتبلــــي حــــــروفـــــك


وسمعـــــت قبل ما تنطــــــق صـــــوتك


واتنقلي حسك الدافي مـن لمعة عيـــونك


بحبك ياترى كلمة تكفي تطمن بيها خوفك ؟



ادخل حمل العمل مرة واحدة واسمعه على رواقة واحدة واحدة


http://www.youtube.com/watch?v=1r0d131FCdY

ملحوظة : العمل مش شرط يكون بيعبر عني او حالة اكون عشتها ممكن حالة نفسي اعيش زيها

البوست من تصميم واخراج : لـــــــولا

Read more...

الماريـــونت

>> الأحد، 6 يونيو، 2010

الماريــــــــــــــونت

































الى كل من اراد ان يلعب دور عروس الماريونت



وارتضى لنفسه ان يعيش كخيال الظل ...




فسيظل دوماَ خيالاَ للظل .




الى كل من ارتضى بكل بلادة ان يغمى عينيه




و لا يفعل الا ما يملى عليه ...





جاسوس يتسلل بين الاخرين لينقل الاخبار لسيده





ويظن انه اتقن اللعبة .. فسيظل خيالاَ للظل.




الى كل من لا يدري ان خيوطة صارت





مع من ظن ان اللعبة خالت عليهم فقد صار





ينقل من خلالهم ما ارادوا



وعبثوا بأفكاره كما اردوا هم ...




أصعب شئ ان يحركك شخص بالريموت..



والاصعب منه ان تصبح مجرد عروس بخيوط ...






عروس ماريونت.






هذا البوست فكرة وتصميم وتنفيذ : لـــــــــولا

Read more...

احســـــــــاس بالاحتيــــــــاج

>> الثلاثاء، 1 يونيو، 2010

احســـاس بالاحتيـــــاج















جلست قرب نافذتها في حجرة ليس بها أي إضاءة




سوى نور يبعث من نار المدفأة



وبرق يخط داخل غرفتها بين لحظة وأخرى..



جلست تترقب خلف زجاج نافذتها



تلك القطرات التي تسقطها السماء



وتسألت لماذا أشفق عليها!!


لماذا اشفق على تلك القطرات ؟




مازال يخط البرق بغتة مقتحماَ غرفتها دون استئذان





مازالت خطوات العقرب





في كل خطوة يخطوها تدق مع قلبها في رتابة



تلك الخطوات التي لم تسكتها اصوات




الرعد ولا هطول الامطار بالخارج




شددت شالها على كتفيها




واحست ببرودة تقتحم كيانها..


وهو لم يأتي بعد ليشعرها بالدفء ...!!



تخلت عن مقعدها بجوار النافذة



واحتلت مكاناَ اخر امام المدفأة



مازالت تشدد شالها حول كتفيها


وترقب بعيون هطل دمعها النيران المتراقصة امامها .




























ياتـــــــــــــــرى ليــــــــــه المطـــــــر بيــــــــصعـــــب عليـــــــــــــا




يمكن عشان زي دمعـــــــــــــي فـــــــي بعـــــــــــدي عنــــــــــــك!!!




او يمكن عشان نفسي يهطل مـــن عنيا بس وانا فــــــي حضن قلبـــــك




او يمكن اتمنى المـــــح بوادره في عيونك لما لساني يقـــــــولك بحبــك




او يمكن عشان مطر عيوني قرب يجف من سهري كل يوم استنى قربك




يمكن بحبه وبيصعب عليا لانه بيفكرني انه زيي فــي اللقا محرومة منك



بس الاكيد المطر مالي عيوني دلوقتـــــي بس .... عشــــان بحبـــــــك




البوست من تنفيذ وتصميم : لـــــــولا

Read more...

Free CursorsMyspace LayoutsMyspace Comments

    © بالحب اتجمعنا. Friends Forever Template by Emporium Digital 2009

Back to TOP