نقطة رجـــــــــــوع

>> الأربعاء، 28 أبريل، 2010

نقطة رجــــــــوع











طبعا عنوان البوست غريب وعجيب



على فكره ده اسم فيلم شوفته من فتره

كان بطولة شريف منير و نور


فى جزء من الفيلم بيحكى على فقد الذاكره



ياترى الانسان ممكن يبدأ حياته من جديد



فى حالة فقده للذاكره لا قدر الله



ياترى ممكن يحصل ايه

ياترى ممكن ينسى كل حاجه فى حياته السابقه


هينسى نفسه وكل الحاجات اللى كان بيحبها





عمرك تمنيت قبل كده انك تقفد الذاكره بجد

ياترى لو فقدتها فعلا ايه الحاجات اللى مش ممكن تنساها ابدا

ياترى فى اشخاص صعب انك تنساهم حتى لو فقدت الذاكره



معلش هو موضوع غريب شويه



السبب انى كتبته انى من فتره كده



اقرأ فى موضوع فقدان الذاكره



اتمنى ان الموضوع يعجبكم رغم انى عارفه انه غريب







البوست الغريب العجيب فكرة : زهـــــــــراء







Read more...

غــــــريبه الناس !!!!

>> الثلاثاء، 20 أبريل، 2010





غريبه الناس



-*-*-*-*-







طبعا ده عنوان اغنيه للمطرب وائل جسار






من اجمل الاغنيات اللى سمعتها فى حياتى



لما فكرت كده مع نفسى قولت ياترى يا هل ترى


هو فعلا الناس اللى بقيت غريبه او الدنيا اللى اتغيرت





بصراحه كده بيت الشعر اللى بيقول



نعيب زماننا والعيب فينا


وما لزماننا عيب سوانا




صح ميه فى الميه

الناس هى اللى بتتغير النفوس بقيت سيئه




اكيد مش كل الناس لكن عن جد نسبه كبيره منهم اوى اتغيروا



كل واحد تتكلم معاه تحس انه مظلوم مقهور فى حياته




طيب لما كل الناس مظلومه كده مين اللى ظلمهم




غريبه الناس







تعالوا نقرب اوى من جملة غريبه الناس


ياترى فكرت لما تغلط فى حق حد





تجرى بسرعه وتعتذر له وتقول له اسف


والله مش قصدى تزعل منى



او تقول خلاص بالسلامه يزعل او حتى يتفلق



غريبه الناس



ياترى لما ربنا ينعم عليك بحاجه كويسه


بتقول للناس اللى بتحبهم انه جه لك حاجه كويسه



او تقول يا عم بلاش دارى على شمعتك احسن برضه



غريبه الناس







ياترى لما تلاقى حد من الناس



اللى كانوا فى يوم قريبيبن منك



بقى بعيد ومش يسال فيك بتريح دماغك



وتقول كبر كبر يا عم الحاج



يسال او ان شا الله عن اهله ما سأل





طيب ما تروح تسأل انت تفهم ماله



ليه اتغير معاك ليه بقى بعيد عنك



غريبه الناس





لما تفشل قصة حب بتزعل





وتقول ياترى ممكن اقابل حد تانى



فى حياتى احبه ويحبنى



او تقول يلا بالسلامه يا حبيبى


والقلب كمان داعى لك


وبكره اقابل احسن منك مليون مره



وتنسى بسرعه حبيبك فى ثوانى




غريبه الناس



ياترى عمرك كنت قاعد مع ناس


واحد فيهم مش لاقى شغل


ولاقيت حد بيتكلم عن فضل العمل



وازاى هو شغله مريح ويتكلم ويتكلم



ومش بيراعى اى مشاعر



للشخص اللى موجود معاكم




غريبه الناس







دى بعض مواقف جت فى دماغى وانا بافكر فى جملة



غريبه الناس



اكيد فى غيرها كتير وكتير

كل واحد فيكم يتكلم بقى على المواقف الغريبه


سواء المواقف دى قابلها فى حياته


او سمع عنها او حتى هو عملها





او ممكن تكون اتعملت فيه

همسه فى اذن كل واحد فيكم



حاولوا تحافظوا على شعور الاخرين


لاننا بصراحه من غير ناس احنا مش نساوى اى شئ


ده المثل بيقول جنه من غير ناس ما تنداس


اكيد كل واحد فينا بيحتاج لوجود الناس فى حياته


علشان يحكى ويفضفض معاهم



حتى لو كان الكلام اللى هيقوله كلام خاص اوى

الوقت لسه امامكم حاولوا تصلحوا اى غلط حصل قبل كده



بلاش نقول غريبه الناس بالمعنى الوحش



تعالوا نقولها بالمعنى الحلو



يعنى الناس بقيت غريبه علشان بقينا نحب بعض اكتر



نخاف على بعض اكتر نفهم بعض اكتر

وغريبه الناس











كانت معاكم تتحدث عن أحوال الناس : زهراء








Read more...

رسائل القدر

>> الثلاثاء، 13 أبريل، 2010

رسائل القدر





******
















من حوالى شهر كنت عاوزه اروح السنيما



وقررت بناء على نصيحه متكرره


من بعض الاصدقاء


انى ادخل فيلم رسائل البحر


للمخرج داود عبد السيد




وقد كان ودخلته بالفعل




الفيلم تحفه بكل المقاييس




الكلام عنه وفيه كثير جدا جدا




لكن هناك شئ لفت نظرى فى الفيلم





وهو عنوانه و لان البحر قد اهدى الى




آسر ياسين بطل الفيلم رساله مجهوله




مكتوبه بلغه غير مفهومه يعنى




مش لغه عربيه او انجليزيه





او يطالى او المانى او لاتينى




وبدأ يلف بها على بعض من يجيدون لغات كثيره



وفى النهايه لم يصل الى ان يفهم مضمون الرساله




هذا المشهد لفت انتباهى بشكل عجيب


ياترى يا هل ترى احنا كمان ممكن القدر



يبعت لنا رسايل ولا نفهم منها اى شئ





قد تكون الرساله من قريب او غريب





قد تكون من صديق او عابر سبيل




قد يرسل لنا القدر رساله واضحه





لكن لانستطيع ان ندركها فى وقتها



قد نفهم فى بعض الاحيان رسالة القدر





فى لحظتها ويتغير معها اتجاهنا فى الحياه




وقد لا نفهمها فى وقتها ونندم لفتره




على عدم فهمها لنا





انها رسائل من الله سبحانه وتعالى




يرسلها لنا علنا نفهم مضمونها





فى انتظار حكايتكم مع رسائل القدر







شاهدت لكم الفيلم : زهراء







Read more...

لا تخبروه

>> الخميس، 8 أبريل، 2010

لا تـــــخـــــبروه


*******************













اخبـــــروه بانني قــــــــد نسيت ذكرياته الخائنة



وقــــــد تناسيــــــــت حكاياتـــــه الواهيـــــــــة




وقد محيت مـــــن داخلي كلمـاتــــــــه الزائفــــة




ولم تعد مشاعري كما كان يظــــــــن واهنـــــــة




اخبروه اننيِ قــــــــد اكتشفت حقيقتــه الكاذبـــــة




وازلت عـــــــن عينـــــــيِ هـــــــذا الغبــــــــــار




اخبروه اننـــــــــــيِ قد اسدلت عــــن حبه الستار





وفكيــــــــــــت عــــن قلبــــــيِ قيـــــــود الحصار




فهــــو لم يتــــــــــرك لرحيلنـــــــــا اي خيـــــــار





اخبروه انني انهيت القصة وانه قراري واخر قرارا




خبروه ان السور الذي بناه لكبريائه امامي قد انهــار




اخبــــروه انه لم يترك لقلبي عن كرهه اي اختيــــار




فلتخبروه ..لا لا




تخبروه فالصمت احياناً قرار غير معلن لكنه اسلم قرار






رســــــالــــــــــة لــــــــن تصل اليــــــك...



سوف احرمك من اعلامك بقراري..


سوف احرمك من ان تكون شيئاً في حياتي..


لن اخبرك ولن يخبروك عني..


اعلم انك تريد سماع حتى صوتي ..


فلن تسمع الا سكاتي..




اعلم انك تحتاج لسماع اسمي


فلن يُسموعك حرفٍ من حروفي..


فلتخرج الان من حياتي ..



مطروداً منها ..



كما دخلتها عنوة .



الان اطردك من جنة قلبي للابد ....


كما طرد ابليس اول مرة منها ولن يعود ابداً اليها.






الاشعار والتنفيذ : هبه مصطفى (لـــولا )

Read more...

مين اللى صعب تلاقى زيه فى الحياه

>> الخميس، 1 أبريل، 2010









مين اللى صعب تلاقى زيه فى الحياه





اصدقائى الحلوين يارب بخير ومبسوطين


كل واحد نقابله فى حياتنا بيكون صعب انه يتكرر تانى




لانه بيأثر فى حياتنا


سواء بالسلب او الايجاب



يعنى باختصار كده فى ناس



بتقول صعب انى الاقي تانى فى حياتى زيه






طبعا الاب والام والاخوات والابناء


استحاله اى شخص يلاقى حد زيهم


او يقابل حد فى حياته لو حتى صدفه زيهم



اذا كنت فعلا انسان محظوظ



يبقى ممكن تقابل حد زيهم





فى صديق صعب تلاقي زيه


لانه ممكن يكون هو الصديق الحقيقى


فى حياتك وقف جنبك فى الحزن قبل الفرح


كان نعم الصديق لك


كنت تلاقيه واقف امامك قبل ما تقول


قبل ما تنده وتقول محتاج لك


تلاقيه واقف على بابك






فى انسان ممكن يكون جرحك جرح غائر


وغرس فى قلبك سكين


حطم احلامك وامالك


واثر على قلبك وصعب انك تلاقى زيه فى الحياه




تعالوا نتكلم مع بعض على ناس


صعب نلاقى زيهم فى حياتنا






فكرة الموضوع : زهراء


Read more...

Free CursorsMyspace LayoutsMyspace Comments

    © بالحب اتجمعنا. Friends Forever Template by Emporium Digital 2009

Back to TOP