نقطة رجـــــــــــوع

>> الأربعاء، 28 أبريل، 2010

نقطة رجــــــــوع











طبعا عنوان البوست غريب وعجيب



على فكره ده اسم فيلم شوفته من فتره

كان بطولة شريف منير و نور


فى جزء من الفيلم بيحكى على فقد الذاكره



ياترى الانسان ممكن يبدأ حياته من جديد



فى حالة فقده للذاكره لا قدر الله



ياترى ممكن يحصل ايه

ياترى ممكن ينسى كل حاجه فى حياته السابقه


هينسى نفسه وكل الحاجات اللى كان بيحبها





عمرك تمنيت قبل كده انك تقفد الذاكره بجد

ياترى لو فقدتها فعلا ايه الحاجات اللى مش ممكن تنساها ابدا

ياترى فى اشخاص صعب انك تنساهم حتى لو فقدت الذاكره



معلش هو موضوع غريب شويه



السبب انى كتبته انى من فتره كده



اقرأ فى موضوع فقدان الذاكره



اتمنى ان الموضوع يعجبكم رغم انى عارفه انه غريب







البوست الغريب العجيب فكرة : زهـــــــــراء







65 التعليقات:

أبو حسام الدين 28 أبريل، 2010 10:00 م  

تحية طيبة.

طبعا فقدان الذاكرة من الأمور التي يمكن أن يتعرض لها اي إنسان في حياته، ولكن تختلف مدة فقدها من شخص لأخر، قد يفقدها البعض 24 ساعة فقط وقد يفقدها البعض الأخر لمدة غير محددة..
أما سؤالك عن ما سيحدث وما سيتذكره من حدت له ذلك فهو شيء يبقى سرا غامضا لا يدكه إلا من خاض التجربة.

شكرا على الموضوع،وأدعوك للتواصل.

فتاه من الصعيد 28 أبريل، 2010 10:33 م  

فقدان الذاكره ده بيحصل نتيجه تلف في مكان معين بالمخ

بس اعتقد مابيكونش في اختيار انك تنسى ايه او مين ... الا لوكان في سبب نفسي لفقدان الذاكره ده... ساعتها ممكن المخ يلغي حاجات معينه

انا قريت زمان ان في ناس بيمحو فترات الطفوله لو حزينه ...ومره كتبت قصه عن كده بس ده زمان

تحياتي

سمع هوص (Abo 3li) 28 أبريل، 2010 10:56 م  

لا انا عن نفسي محبش اني افقد الزاكرة...
لانها بكل الفيها من حاجات حلوة ووحشة... هما دول الطلعت بيه من السنين دوول... شوية الزكريات...

Haytham Alsayes 28 أبريل، 2010 11:52 م  

السلام عليكم

ازيك يازهراء فعلا موضوع فقدان الذاكرة دة خطير وممكن لاي حد يتعرض له وساعات بتخيل لو اتحيطت في الموضوع دة لا قدر الله معقولة انسي كل اللي في حياتي فعلا فكرة شنيعة

وربنا يحفظنا جميعا


تحياتي لمواضيعك الجميلة

مهموهـــــــة 29 أبريل، 2010 12:01 ص  

حبيبة قلبي يا زهراء
طبعا واحشاني موت موت و الله
و اكيد بشتاقلك كل ثانية و الله لاني بقيت بحبك اكتر من اختي و الله

سلامي ل حبيبتي لولا على ما النت يرجع عندها يا رب

اما الموضوع فعلا غريب
لكن لو فكرنا فيه فعلا هنلاقي ليه ابعاد كتيرة اوي

انا هجاوب عن نفسي
لو لا قدر الله فقدت الذاكرة
اكيد هعيش حياة تانية
بس ساعتها هبقى حزينة يمكن لاني هبقى ظلمت ناس بيحبوني و انا مش عارفة
يمكن لاني هبقى سيبت ناس بحبهم و يحبوني اكتر من الناس الجديدة اللي انا معاهم

يعني باختصار حتى لو كنت عايشة مع نفس الناس اللي معايا

هيفضل الماضي يجري ورايا
و هحاول ادور عليه علشان اعرف انا مين بالظبط

بوسة على الفكرة الحلوة دي يا قمر

خالص حبي و تقديري

خواطر شابة 29 أبريل، 2010 12:09 ص  

صراحة عمري ماجاه في بالي موضوع فقد الذاكرة ومعرفش صراحة ايه هي الاشياء اللي مش حنساها ولا مين الاشخاص اللي مينفعش انساهم اللي يقدر يجاوب هو حد عاش التجربة واسترجع ذاكرته
تعرفي انا حابة اشوف فيلم نقطة رجوع قرأت قصته لكني للان لم أشاهده
دمت بكل ود عزيزتي

شذا الروح 29 أبريل، 2010 12:18 ص  

السلام عليكم
وحشتونى اووى وزعلانه منكم اووى ليه مشبتذورونى

ليه؟

ممممممممممممممممممم

شذا الروح 29 أبريل، 2010 12:22 ص  

فقدان الذاكره دايما فى الازمات نتمنى ننسى الاحداث وتفاصيلها اكيد

واحيانا اتمنى اكون شخص غيرى وانسى مين انا
لكن كما تفضلتى لو نسيت من انا هنسى اشياء واشخاص هى اغلى من وجودى هى السبب فى انى انا

اشخاص فارقتهم والنسيان اجبرنى على فراقهم لكنى احارب من اجل ان لاانساهم بكل تفاصيل حياتهم

احبهم احبهم ولا اريد فقدان عقلى من اجلهم
وبعدهم اريد النسيان وفقدان الهويه

وتحياتى اليك لاتفقدى ذاكرتك فانتى كائن فردى ربك خلقك وخلقنا وكل منا لن يتكرر

miroooo 29 أبريل، 2010 10:57 ص  

زهراء حبيبتى والله البوست مش غريب اوى لانى فعلا الفكرة دى جت فى دماغى قبل كده وسالت نفسى هل انى من الافضل انى افقد الذاكرة ولا ابقى على ما انا عليه ؟ لاقيت الاجابه انى مفقدهاش طبعا وبصراحه معرفش ايه اللى بيحصل لما الانسان يفقد الذاكرة لانى مجربتش قبل كده و لاقدر الله لو حصلتلى حاجه زى دى هتبقى حاجه صعبه جدا بس اهلى مش ممكن انساهم ابدا وحبيبى طبعا الموضوع صعب جدا ربنا ميكتبها على حد ابدا يارب
تحياتى لموضوعك الرائع ده وليكى طبعا

MR.PRESIDENT 29 أبريل، 2010 11:15 ص  

انا اسمع ان الدين مش بيتنسي مش عارف ليه .. وطب الدين لو اتنسي ,, ومفتكرش ملته ايه اللي هيعمله .. وايضا بيقولوا ان اللغة اللي اتعلمها الفرد مش بتتنسي يعني لو واحد بيتكلم عربي ,, وحطيته في انجلترا بعد ان يفوق مش هتلاقيه بيتكم انجليزي ...
غير كده علي حد معرفتي كل حاجة تتنسي ,, وممكن يتذكر منها ومضات علي فترات أو لايتذكر لكنه يتخذ حياة جديدة في حالة انه مقطوع من شجرة

هيثــم رمضـــان 29 أبريل، 2010 1:54 م  

فعلاً يا زهراء هو موضوع غريب وعلشان كده هو موضوع مميز جداً ومش عارف ممكن حد يتمني إنه يفقد الذاكره إذا كانت أحداث حياته حزينه ومريره ولا كل واحد بيشوف إن الأحداث جزء منه ولو فقدها يبقي فقد نفسه ويبقي تايه في الحياة, وكمان عايز أتكلم عن شعور المحيطين بيه يمكن اللي فقد الذاكره بيكون خلاص مش حاسس ومش فاكر أي حاجه فاتت ومش فارق معاه حاجه وممكن يبدأ حياة جديدة لكن الناس اللي حواليه واللي كانوا بيحبوه أكيد هيبقي الموضوع صعب قوي لما تحسي إنك بتحبي حد قوي وهو كان بيحبك قوي وفجأة يبقي مش عارفك وكأنك حد غريب عليه بصراحه شعور في منتهي القسوه وأنا شايفه أكثر ألماً من ألم فاقد الذاكره نفسه.

الموضوع محتاج قراءة علمية وقصص واقعية من أصحاب التجارب .

تحياتي

مجرد فتاة 29 أبريل، 2010 2:41 م  

انا شخصيا محبش افقد الذاكرة
لأني حتى لو نسيت ذكرياتي الوحشة
اكيد هاكتسب ذكريات تانية بعد كدة ومنها الوحش ومنها الحلو
والحياة كدة مينفعش تفتكر الحلو وتنسى المر :(

ليله شتاء 29 أبريل، 2010 2:55 م  

السلام عليكم
واحشتونى جدااا
البوست غريب أه بس أعتقد أمنية لناس كتير
يعنى انا مثلا طبعااااا نفسى افقد الذاكرة تماما ومش عايزه افتكر حاجة حلوة او وحشة هههههه

وبرده الانسان ممكن يبدأ حياته من جديد من غير ما يفقد الذاكرة ولا حاجه يعنى وقفات مع النفس تعمل حياة جديدة!
دمتى بخير

ليله شتاء 29 أبريل، 2010 2:57 م  

زهراء
تعليقى على تعليقك فى مدونتى انا الحمد لله مفيش حاجه بس دى مجرد خواطر وليس لها علاقة بواقعى مرسى جدااااااااا ليكى ياقمر على الاهتمام
لكى حبى وتقديرى

زهراء 29 أبريل، 2010 5:47 م  

أبو حسام الدين

-*-*-*-*-*-*-*

اهلا وسهلا اول زياره لنا


فى البدايه اشكر حضرتك لانك اتكلمت على الموضوع من ناحيه طبيه بحته
والله كنت اقصد من البوست الغريب العجيب
اننا نفكر .... كل واحد فينا يفكر فى حياته ويشوف هو فعلا اتمنى انه يفقد الذاكره قبل كده او ممكن يكون تخيل كده
الموضوع رغم انه غريب لكنه مش بعيد عن اى حد فينا واعتقد ان الزهايمر ممكن يكون نوع من فقدان الذاكره


اشكر تواجدك معنا
ان شاء الله نتواصل معاك

زهراء 29 أبريل، 2010 5:49 م  

فتاه من الصعيد

-*-*-*-*-*-*-

احلى فتاه فى الصعيد كله

صح كلامك ان فقدان الذاكره ممكن يكون نتجية تلف جزء فى المخ وممكن يكون له اسباب
اعتقد ان الواحد اللى بيفقد ذاكرته هو بيفقد كل حاجه من ماضيه حتى اسمه لكن فى حاجات بيفضل فاكره زى لغته اللى اتعلمها واللى بيتكلم بها والسواقه كمان مش تتنسى

مشكووووووووووره على كلامك
ربنا يديم بينا التواصل

زهراء 29 أبريل، 2010 5:51 م  

سمع هوص (Abo 3li)

-*-*-*-*-*-*-*-*-

اهلين يا ابو على

فعلا ذاكرة الانسان ما هى غير شوية ذكريات من زمن فات سواء الذكرات دى حلوه او وحشه لكنها فى الاخر ذكريات خاصه بنا

تحيه لتواجدك معنا

شرفت ونورت

زهراء 29 أبريل، 2010 5:54 م  

Haytham Alsayes

-*-*-*-*-*-*-*-*-*-*

هيــــــثم

وعليكم السلام ورحمة الله وبركاته


انا عارفه انه صعب على الانسان انه يتخيل مجرد تخيل انه ينسى جزء من حياته فمابالك بانه ينسى حياته كلها


فعلا الفكره صعبه اوى اوى على اى حد يتخيلها

ربنا يسترها علينا

زهراء 29 أبريل، 2010 5:57 م  

مهموهـــــــة

-*-*-*-*-*-*-*

مــــــــــها القمر

تسلمى على كلامك الرقيق الجميل
كلك ذوق واخلاق ربنا يديم بينا الحب والاخوه والتواصل
حبيبة قلبي يا زهراء


سلامك وصل للولا طبعا على الموبايل وناويه ابعت لكى الفاتوره :-P

انا قولت من الاول الموضوع غريب عجيب
وفعلاه له ابعاد كتير اوى اوى


كلامك تحفه بجد
يمكن انا مش فكرت فى اننا ممكن نظلم ناس معنا
ناس احنا كل حياتهم يمكن هما جزء من حياتنا لكن احنا الكل مش مجدر الحزء
ياترى الناس دى ممكن تعيش ازاى لو احنا فقدنا الذاكره بجد وبقينا بعيد عنهم
فكرتك برضه حلوه اوى وكلامك معقول جدا جدا
بوسه لكى انتى على انك فتحتى حاجه فى الموضوع مش اخدت بالى منها

ربنا يحفظك يا مهموهه

زهراء 29 أبريل، 2010 6:00 م  

خواطر شابة

-*-*-*-*-*-*-

نــــــــــوجا

طبيعى ان الموضوع مش يجى فى بال اى حد لنا قولت من الاول انه موضوع غريب عجيب

الفيلم حلو اوى ومحتاج تركيز عالى اوى وانتى بتشوفيه

شرفتى ونورتى
مشكوووووووووووووره على كلامك

زهراء 29 أبريل، 2010 6:02 م  

شذا الروح

-*-*-*-*-

وعليكم السلام ورحمة الله وبركاته

انتى كمان وحشتينا ومش نقدر على الزعل

والله شوية ظروف اللى منعتنا اننا نتشرف بزيارتك


بس بالفعل تمت الزياره
ربنا مش يجيب بنا اى زعل

زهراء 29 أبريل، 2010 6:04 م  

شذا الروح

-*-*-*-*-**

صح كلامك
فى بعض الاحيان الواحد بيتمنى انه ينسى جزء من الاحداث المريره اللى مريت فى حياته

رأيك اكتر من رائع لدرجة انى كنت اتمنى اضيفه للبوست بجد
كلامك صح اوى ومليان مشاعر واحاسيس عاليه اوى كمان

فرحانه بتواجدك وبكلامك

زهراء 29 أبريل، 2010 6:09 م  

miroooo

-*-*-*-*-*-*-

ميروووووووووووووو

ايه توارد الافكار ده اللى بينا ههههه

ربنا مش يكتب عليكى او على اى حد انه يفقد الذاكره لان اى حد بيفقد جزء من ذاكرته كانه فقد ايام من حياته وكأن جزء من حياته ضاعت من غير حساب
احلى تحيه لكى يا ميرووووووووووو

انتى حد جميل اوى اوى
عن جد باكون فرحانه لما باشوفك
واشوف اى جمله لكى

زهراء 29 أبريل، 2010 6:11 م  

MR.PRESIDENT
*/**-*-*-*-*-*/---

صح كلامك اللغه مش تتنسى لكن موضوع الدين بصراحه ش عارفه

فى الاول وفى الاخر كل حاله ولها ظروفها الخاصه

ربنا مش يكتبها على اى حد فينا

نورت وشرفت

زهراء 29 أبريل، 2010 6:15 م  

هيثــم رمضـــان

-/-/-/-/-/-/-/-

هيــــــــثم
انا قولت من الاول انه موضوع غريب عجيب
اكيد اللى بيعيش حياه صعبه تيجى عليه لحظات يتمنى انه يفقد الذاكره بجد وينسى كل احداث حياته

بالنسبه للمحيطسن به بيككون حالهم صعب اوى ويمكن اصعب منه شخصيا

عارف يا هيثم انا قرات فى الموضوع ده من فتره تقريبا من حاولى 5 شهور وانا باحاول اقرا فيه واتناقش مع ناس كتسر فيهم متخصص وفيهم لا
الغرض من البوست هنا هو طرح الفكره من الناحيه النفسيه مش من الناحيه الطبيه


على طول بتشرفنى يا هيثم بكلامك وبارائك

شرفت ونورت

زهراء 29 أبريل، 2010 6:21 م  

مجرد فتاة

-*-*-*-*

كلام جميل
كلام معقول مااقدرش اقول حاجه عنه

وجهة نظر حلوه برضه ومحترمه

الحياه ما هى غير ذكريات حلوه ومره ولولا وجود الذكريات المره لما شعرنا بقيمة الاحداث الحلوه فى حياتنا

زهراء 29 أبريل، 2010 6:25 م  

ليله شتاء

-*-*-*-*-*

احلى ليله
وعليكم السلام ورحمة الله وبركاته

انتى كمان بتوحشينا جدا جدا

احنا متفقين من الاول ان البوست غريب عجيب
لييييييه بس تفقدى الذاكره هههههههههههه

فعلا الانسان ممكن يبدا حياته من جديد بس المشكله ان اللى بيفقد الذاكره بينسى كل حاجه حصلت فى حياته السابقه

صح كلامك الانسان ممكن بعمل وقفات مع النفس حلو كلامك ومش غريب على حد جميل اوى زيك


شرفتى ونورتى

زهراء 29 أبريل، 2010 6:26 م  

ليله شتاء

-/-*/-*/-*//

الحمد لله اننا اطمنا عليكى
ربنا يكرمك ويوفقك
كويس انى اطمنت عليكى

Ms Venus 29 أبريل، 2010 6:41 م  

زهرااء


مساء الورد لعيونك حبيبتى


موضوع فقدان الذاكرة ده بجد غريب بس حقيقة

كتير بنتمنى ده لما بنمر بأزمات


اوقات بنحس اننا عاوزين ننسى حتى نفسنا

من كتر الألم


ربنا يسعدك دايما حبيبتى

هي وظروفها 29 أبريل، 2010 8:10 م  

مساء الخير يا بني ادمين يللي هنا

في ناس الواحد يا زهرا

الواحد لو فقد الذاكره

مفقدش الذاكره

بيفضلوا موجودين

وفاكرينهم ولو فقدنا الذاكره بكل الاحداث الا ان ناس معينه
علّمت مع الواحد وحفرت بحروف من نور اساميها وملامحها وروحها
جوه علي جدران القلب
بس انا عن نفسي محبش افقد الذاكره
واحب يكون عندي القدره والارادهاني اخللي اللي يستاهل
موجود بقوه واللي ميستاهلش اخليه علي جمب
بس حتي الناس الوحشه اللي الواحد عرفها في حياته
لو كان بيفهم بيدوله طاقه ايجابيه

اقله بيعرفوه قيمه الحلو وازاي يحافظ عليه

افتكر اني فقدان الذاكره مبياخدش معاه فقدان الحواس
يعني مثلا لو كان الواحد حب في حياته انسان او انسنه وقرب منه بعناق مثلا وحس معاه بطعم ودفا وريحه حبه
افتكر ساعتها قلوبنا هتروح مذمره وتنطق وتقول ده منك وانت منه
ده حبيبك
ياريتنا كنا نعرف نعمل ريكافرذاكره للقديم ونرجع فيه بدل ما نحاول ننساهم
جميل قوي انه يكون ماضي الانسان مليان جمال
بس بردو الاجمل انه ينتظر الحاضر ويتفاؤل بانه هيكون ضعف ضعفين جمال ماضيه
زهرا لولا مش باينه يعني
سلامي ليها امانه يا ارق اخت في عالم التدوين

طالبة مقهورة ..درجة أولى 29 أبريل، 2010 8:46 م  

بنااااااات ازيكوا

وحشتوني جدا جدا سو ماتش كورة :)

زهراء...
موضوع ملفت جدا..بس بمجرد التفكير فيه اني ممكن لحظة انسى كل اللي بحبهم وكل اللي عايشة عشانهم..وافقد ذاكرتي..بيوجع اوي

مش متخيلاها او مش متمنياها

فكرة غريبة بس جديدة ومميزة :)
سلمت يداااكي يا فتاتي

NeVeN 30 أبريل، 2010 2:17 ص  

زهراء ولولا
ازييكم يا قمرات
انتى بتسالى عن اننا اتمنينا قبل كدة نفقد ا ننا نفقد الذاكرة
انا كنت بتمنى بس حاليا مبتمناش خالص


لانى هفقد معاها كل اللى اتعلمته من الدنيا و الناس وابدء من اول وجديد واعانى و اتعذب واتخان ووووو من اول وجديد
بس اعتقد لو لقدر الله وحصل
مش هنسى اى انسان حبيته من جوة قلبى او حتى قدرنى

مساءكم عسل

Mona 30 أبريل، 2010 4:07 ص  

موضوع غريب فعلا بس فقدان الذاكرة ده شىء قاسى جدا سواء مؤقت أو غير مؤقت يعنى لو شفتى فيلم ميكانو مثلا - أو لا قدر الله الناس الى بيجى لها الزهايمر أنا عن نفسى لا أتمنى أبدا أن أفقد ذاكرة أى لحظة فى حياتى حتى لو كانت وحشة - ويارب دايما كلكم تكونوا وتفضلوا بأحسن حال يارب

حياه بلا عنوان 30 أبريل، 2010 2:01 م  

السلام عليكم ورحمه الله وبركاته
طبعا عارفه انى متاخره بس غصب عنى شويت مشاغل بس عوزه اقولك كان فى مسلسل بنفس اللى بتحكى عنه كان بيجى فى رمضان اللى فات بردو كان فاقد الذكره وحب الشخصيه وعندما تذكر نسى اللى حبها ومكنش فكرها انا بقول ممكن تحصل ليه لا لان ده بيكون قدر ونصيب وربنا هو القادر على كل شىء اكيد هيكون موقف صعب ان هو يفقضها لكن هو ربنا وحده هو اللى عوز كده
تحياتى

زهراء 30 أبريل، 2010 5:20 م  

Ms Venus

*/*/*/*/*/

فينووووووووس

مسا الهنا والجمال وكل حاجه حلوه على ارق فينوس فى العالم كله


الموضوع فعلا موجود هو غريب والغريب اللى فيه اننا مش اتكملنا فيه او يمكن فكرنا فيه قبل كده



عندك حق والله فى اوقات كتير نتمنى اننا نفقد الذاكره فى احلة لو حد فينا مريت عليه ذكريات سيئه

ربنا يجعل نصيبك كله خير وهنا وسعاده يااااااااااااارب

زهراء 30 أبريل، 2010 5:25 م  

هي وظروفها


-*-*-*-*-*-*-*

مسا الفل يا وليدووووووووووو


فيلسوووووف يا ابنى فعلا فى ناس مهما حصل مش ممكن يتنسوا لانهم بيكون لهم علامه فى حياتنا واثر

تماموز كلامك ياريت كلنا نقدر اننا يبقى عندنا المقدره اننا ننسى اللى جرحنا وخدعنا ونفضل متذكرين الناس اللى لنا معاهم ذكريات حلوه وجميله
بس انا عن نفسي محبش افقد الذاكره


انت عارف يا وليد الناس الوحشه اللى الواحد قابلهم فى حياته بيتعلم منهم ان فى ناس حلوه لما يتعرف بهم لازم يتمسك بهم



بجد كلامك اكتر من رائع
بالنسبه للولا هى بس عندها شوية ظروف وهى بتحاول جاهده تكون متواجده وان شاء الله لها شغل كتير نازل عن قريب وانا بقى اريحكم منى على الاقل علشان اعرف اذاكر شويه

مشكوور على سؤالك يا اجدع اخ

بجد يا وليد انت من الناس الجميله اللى تشرفت بمعرفتها فى عالم التدوين

زهراء 30 أبريل، 2010 5:30 م  

طالبة مقهورة ..درجة أولى
-*/-*/-**/-*//-**/-*//-*/

رضووووووووى
ازيك يا قمر وحشاااااانى جدا جدا سو ماتش كوره هههههههههه

انتى عارف يا رضوى ان على طول مواضيعى ملفته وغريبه وعجيبه كمان ههههههههههههههههه

فعلا احساس بيوجع اوى
لما قعدت افكر فى الموضوع ده تعبت جدا جدا ازاى انسى كل الناس اللى بيحبونى وباحبهم ياه احساس صعب اوى اوى


نورتى يا قمرايه
مش تتاخر علينا

كلامك حلو
تسلمى يا احلى رضوى فى الدنيا كلها

زهراء 30 أبريل، 2010 5:33 م  

NeVeN

-*-*-*-

نيفين

ازيك يا نيفووووووووو


الحمد لله انها كانت مرحله وراحت لحال سبيلها

ياااه على كلامك من كتر ما هو صادق يتعب اوى
احنا ممكن نرجع نبدا من تانى نتجرح ويضحك علينا و.... و.....

عندك حق والله فى كلامك

على فكره ممكن الواحد من غير فقدان للذاركه ينسى اى حد حبه لو اتجرح منه جرح غائر

ربنا يحفظك وبوسه لعيونك يا قمرايه

زهراء 30 أبريل، 2010 5:36 م  

Mona

-*-*-*-*-*


منى

للاسف مش شوفت فيلم ميكااااااانو

بس فعلا فقدان الذاكره سواء مؤقت او دائم حاجه صعبه حتى الزهايمر برضه شئ صعب اوى
ربنا يكفيكى ويكفينا الشر



يارب تفضلى بخير وسعاده وحب وهنااااااااا

زهراء 30 أبريل، 2010 5:38 م  

حياه بلا عنوان

-*-*-*-*-*-*

اهلا .. اهلا ... اهلا
باغلى الناس

وعليكم السلام ورحمة الله وبركاته
مش متاخر او حاجه وبعدين احنا مقدرين ظررروفك يا قمر
ربنا يوفقك فى كل خطوه من خطوات حياتك

انتى تقصدى مسلسل لحظات وبنعيشها بتاع ليلى علوى وفعلا كان حاجه صعبه اوى انه ينسى الانسانه اللى بحها وكان مشهد قاسى اوى اوى


فعلا كل شئ بقدر ونصيب
وقل لن يصيبنا الا ما كتب الله لنا

ربنا يوفقك ويحفظك ويكرمك يااااااارب

مرايتى 30 أبريل، 2010 6:16 م  

أكيد كلنا بنتمنى فى لحظات الحزن والظروف القاسيه وأوقات الالام إننا نفقد الذاكره علشان ننسى اللحظات المره

بس فعلا الذاكره دى نعمه لأن لو فقدناها لاقدر الله زى ما حصل فى الفيلم مش أنا إلى حملا الفراغ إلى فى دماغى لا غيرى هو إلى حيملاه يعنى مش حبقى حاسه بطعم أى حاجه ومش ححس الناس

أما إنى أنسى ناس معينه حتى لو بحبهم مش قادره أجاوب لأنى ما أعرفش بس أكيد الإحساس بيهم حيبقى موجود لأنه إحساس قبل الذاكره
المشكله بقى إننا للأسف بينا ننسى كتير عن نفسى يعنى وربنا يستر أمال لما نكبر شويه إن شاء الله حيحصل إيه

شكرا يا قمر على المناقشه دى
مودتى وحبى يا قمرات

Butterfly 30 أبريل، 2010 9:56 م  

بصراحه دايما بتمنى الحكايه دى
عشان انسى حاجات كتير مواقف وأحداث وأشخاص.
على قد ماممكن يكون الموضوع مؤلم ومحير فى بعض الأحيان على قد ما هو مريح!

norahaty 30 أبريل، 2010 11:37 م  

فقدان الذاكرة
من الممكن أن يكون
بسبب عضوى أو نفسى
ومن الممكن ان يكـون
مؤقتاًأو دائماً كما يمكن
أن يكون كاملاً او جزئياً
وبما لا شك فيه أن الذاكرة
نعمة من الله حتى ولو تصورنا
عكس ذلك الا اننا بدونها ما تعلمنا ولا استفدنا مما تعلمنا شيئاً.

norahaty 30 أبريل، 2010 11:39 م  

وايهيازهوررررة
المواضيع الحلوة دى
انتى حتنافسينا فى
الطب ولا ايه؟:)

صيدلانيه طالعه نازله 1 مايو، 2010 12:03 م  

اقولك حاجه بقى
امتى الواحد حيتمنى انه يفقد الذاكره
اما تحصله حاجه وحشه و يتمنى انه ينساها مهو مش معقول حينسى الذكريات الجميله

اما حفقد الذاكره حتمنى من قلبى انى انسى اى حد جرحنى
اى حد بكانى و مكلفش نفسه انه يمسح دموعى
اى حد خاين حتى لو مخانيش انا شخصيا
لان الخيانه اصلا شيىء صعب
حتمنى انسى اى مشاعر قاسيه قابلتها فى حياتى

فى مقابل ده عمرى ما حنسى الايد اللى اتمدت ليا فى وقت ضعفى عشان تساعدنى و تقومنى بعد ما وقعت

عمرى ما هنسى الايد الحنينه اللى مسحت دموعى وقت ما نزلت
عمرى ما حنسى اى انسان اتكلم معايا و هدانى فى وقت ملقيتش فيه ناس كان المفروض انهم اقرب ليا من اى حد
انا لوحدى اللى كنت فاكره كده

عمرى ما حنسى نظره حب حقيقيه لمحتها فى عيون اى حد ناحيتى

حاجات كتير قوى مينفعش تتنسى

صدفة جميلة 1 مايو، 2010 1:19 م  

السلام عليكم
عرفه انا نفسى افقد الذاكره يوم الاربع وهو الواحد ينسى انه راجع الشغل تانى وللصحراء القحطاء التى لازرع بها ولا ماء ولا حتى الوجه الحسن انا عارف هما عملوها للرجال فقط ليه
مش عارف لو راحت ذاكرتى هايحصل ايه بجد هاكون سعيد بس ياريت تروح فى بلد غير البلد ويفضل الاسكندريه شرم الشيخ الغردقه البحر الاحمر الواحد ينسى كل الراح المشكله ان بالرغم من انه ساعتها هايكون مبسوط انه نسى الماضى بكل الامه وقسوته هايكون تعيس عرفه ليه لانه هايكون طول الوقت بيبحث عن الماضى وخايف منه مهو مش عارف ايه كان فيه بس الانسان بطبيعته فضولى ولو زى هايكون فضولى حبتين يعنى الدنيا مفيهاش راحه حتى لو قولت ارتاح ونسى الذاكره مفيش هروب ياحلو لو حتى حصل ايه يبقى مش كويس علشان كده قررت انى مش هافقد الذاكره ويلاش وجع قلب
ياله سلام

جارة القمر 1 مايو، 2010 2:59 م  

انا جاية اسلم عالحلوين

لولا وزهرة وحشتووووووووووووووني

أحمد الصعيدي 1 مايو، 2010 4:19 م  

فقدان مؤقت خير من لامبالاة تحيا طيلة العمر


ينقصنا الكثير حتي نسمو لمرتبة الادارك الحسي


أسعدك الله

كلام من قلبي 1 مايو، 2010 4:46 م  

فقدان الذاكرة مبيكن ديما حلو لان اكيد في حجات الانسان بيحب ديما يفتكرها واكيد في ناس وحجات عمرنا مهما حصل ما هننساها

زهراء 1 مايو، 2010 7:06 م  

مرايتى

-*-*-*-
يا هلا يا مليون اهلا وسهلا

طبعا كل واحد فينا فى وقت الالم بيتمنى انه يفقد الذاكره علشان يقدر يكمل حياته ويدبا من جديد
وجهة نظرك حلوه اوى برضه وشوفتى الموضوع من حته مش اخدت بالى منها خالص مالص

يا ترى ممكن الاحساس يفضل جوه فى داخل مشاعرنا وقلوبنا حتى مع فقدان الذاكره ؟؟؟؟؟
سؤال صعب بجد والاصعب منه الاجابه لو كانت اه فعلا كل حاجه هتتنسى

انتى عارفه فعلا من مشاكل العصر الحديث ونقمه علينا اننا بننسى كل حاجه وبسرعه غير عاديه

ربنا يحفظك ويبارك فيكى
نورتى وشرفتى

زهراء 1 مايو، 2010 7:07 م  

Butterfly

-*-*-*-*-*-***

ازاى يبقى مريح وهتنسى كل لحظات حلوه عشيتها وهتنسى كل الناس اللى بتحبك
هو فعلا الموضوع مريح انك هتنسى اى حاجه وحشه مريت فى الحياه السابقه قبل فقدان الذاكره بس برضه الموضوع صعب اوى

تحيه عطره لزيارتك

زهراء 1 مايو، 2010 7:09 م  

norahaty

-*-*-*-*

دكتوره نوررررا

هى برضه العين تعلى عن الحاجب دى حاجه صغيروه جدا جدا
كنت محتاجه لرايك معنا علشان نفهم من الناحيه الطيبه موضوع فقدان الذاكره

عارفه يا نورا
الذاكره مهمه اننا هنفضل فاكرين اللحظات القاسيه علشان نشعر بقيمة اللحظات الحلوه

ومش اقدر انافسك هو ان اطول برضه

احلى تحيه لكى بتشرفينا بجد

زهراء 1 مايو، 2010 7:16 م  

صيدلانيه طالعه نازله


-*-*-*-*-*-*-*-*-*
دكتوره علا انتى تقولى اى حاجه وكل حاجه وفى اى وقت

فعلا لما الواحد يتمر عليه حاجه وحشه يتمنى فى اللحظه دى بس انه ينسى كل حاجه ويتمنى انه يفقد الذاكره
بس فقدان الذاكره بيخلى اننا ننسى الذكريات الحلوة والسيئه كل حاجه هتتنسى


اولا بعد الشر عليكى من فقدانا لذاكره

ثانيا من اكبر نعم ربنا سبحانه وتعالى علينا النسيان يعنى تقدرى انك تاخدى القرار انك تنسى اى حد جرحك او كان السبب فى دموعك
المهم الواحد ياخد القرار ويكون عنده اصرار انه ينفذه وكل مع الوقت بيعدى وهتلاقى نفسك نسيتى كل الذكريات السيئه وكل الناس السيئه برضه

كل واحد فينا برضه بيحاول يفتكر الناس اللى اهتمت به مش وفى وقت ضعفه وبس لكن فى اى وقت انك تفتكرى مكالمه حلوه من حد بيطمن عليكى وبس
اى باقة ورد جت لكى على البيت من حد من اصحابك اللى الزمن خلاهم بعيد عنك

كلمه حلوه اتقالت لكى من حد حتى لو كان بعيد عنك فى الزمان والمكان


اكتر حاجه مش ينفع تتنسى لو فقدت الذاكره انى قابلت ناس فى حياتى اغلى من الماس
ناس صادقين بالقلب والاحساس
ناس بيسالوا عليا لله فى لله من غير مصلحه من الناس دى اللى ليا الشرف انى عرفتهم هى دكتوره علا
ربنا يديم الاخوه والصداقه بينا الى اخر العمر

زهراء 1 مايو، 2010 7:19 م  

صدفة جميلة

-*-/---*//

ايهاااااااااااب
وعليم السلام ورحمة الله وبركاته

ههههههههههههههههههههه
حلوه اوى حكاية تفقد الذاكره علشان شغلك وبس

انت كمان بتختار الذاكره هتروح فين
طبعا انت اخترت المدن اللى بتطل على البحر ان يا خوفى اقوم الصبح الاقى البحر اتنقل بقى عندكم فى الصحرا
ياترى وقتها هتعمل ايه هتتمنى ان الذاكره تفقدها يوم الاربعاء برضه ههههههه
هو فعلا الموضوع بيوجع القلب اوى
كل لما افكر فيه مع نفسى انى ممكن لو فقدتها لاقدر الله حياتى هتكون شكلها ايه
ربنا يسترها علينا
وسلامووووووووووووز

زهراء 1 مايو، 2010 7:20 م  

جارة القمر
-*-*-*-*

احلى جاره للقمر
وحشاااااااااااااانى جدا جدا
ابقى طمنينا على اخبارك

زهراء 1 مايو، 2010 7:20 م  

أحمد الصعيدي


-*-*-*-*-*-**

ما شاء الله كلامك حلو اوى
رغم الجمل القليله
لكن محتواها عمييييييق اوى اوى

شرفت ونورت

زهراء 1 مايو، 2010 7:22 م  

كلام من قلبي
-*-*-*-*****

صح الكلام
فى حاجات الواحد صعغب ينساها
لكن فى حالة فقدان الذاكره مش هيكون باليد حيله كله هيروووووووووووح

اتمنى السعاده الدائمه

إمرأه من ثلج 2 مايو، 2010 12:55 م  

ازيك ياقمر
اسفة على تاخيرى

لا متمناش بس لو ممكن كام حدث كدة من حياتى نفسى انساهم
لكن افقد الذاكرة دى لا لان مش عايزة انسى الناس الى بحبهم

ببقى سعيدة بوجودك فى مدونتى

تحياتى

MOHAMMED ELBANNA 2 مايو، 2010 5:27 م  

زهراء
البوست جميل ويحمل معلني طيبه وعميقه فعلاً .
تسلم افكارك .
تقبلي مروري
محمد البنا

momken 3 مايو، 2010 1:10 ص  

فكره رغم غرابتها الا انها جديده

لكنى اعتقد ان الانسان ما هو الا مجموعه ذكريات تشكل تاريخه
وهذا التاريخ ما هو الا مجموعه عظيمه من التجارب تشكل شخصيته

كنت استعجب عندما ارى شخص فاقد للذكره فى احد الافلام يستطيع قياده سياره او يحب البطله من اين عرف ان هناك حب وقد نسى اصلا اسمه
والاغرب اجده يحفظ ايات قران واحاديث ويعلم الحلال والحرام
فكنت اضحك على سزاجه المؤلف والمخرج وحتى الممثل

لانى اتصور من فقد الذاكره ينسى كل شىء حتى اين يهعيش اقصد على اى كوكب

لا اتمنى ابداً ان افقد ذاكرتى لانها تعنى ثقلى وقيمتى وهويتى هى ببساطه تعنى ذاتى
وانا لا احلم لحظه ان افقد ذاتى


اعجبنى موضوعك للغتيه وبهرتنى الفكره

ولا اخفى سراً ان قلت انه اعجبنى تكرار كلمه (ممكن) كثيرا بالبوست

دمتى بخير

تحياتى

محمد فؤاد (صاحب عمود النور) 3 مايو، 2010 11:13 ص  

فكرة البوست حلووووة قوووى
انا فعلا فكرت كتير هو انا لو فقدت الزاكرة ايه اللى ممكن يحصل؟
تمنيت كتير انى افقدها لمجرد التجربيه
بس اكتشفت انها ممكن تبقى مريحه لكن هتنسى حاجات كانت بتضيقك وبتوجعك
واعتقد ان الحاجه الوحيده ان الانسان ميقدرش ينساها مع فقدان الزاكرة هو ربنا وانه مسلم وموحد لله

ياريت افقد الزاكرة لمده 24 ساعه عشان اتوه يمكن لما اتوه اقدر ابدأ من جديد

زهراء 3 مايو، 2010 12:10 م  

إمرأه من ثلج

-*-*-*-*-*-*

فطوووووووومه
مافيش اى تاخير تشرفى فى اى لحظه

انتى عارفه يا طمطوم ان ممكن الواحد ينسى احداث من حياته لو هو عاوز كده بجد لان النسيان من افضل نعم ربنا سبحانه وتعالى علينا
عن جد مدونتك جميله اوى وبيشرفنى لما اكون متواجده فيها

شرفتى ونورتى

زهراء 3 مايو، 2010 12:11 م  

MOHAMMED ELBANNA

-*-*-*-*-*-*-*-*

محمد

ازيك واخبارك ايه
مشكور على مدحك فى البوست

شرفت ونورت

زهراء 3 مايو، 2010 12:16 م  

momken

-*-*-*-*

ممكن
يا اهلا ... يا اهلا

عارفه ان الفكره غريبه والله فكرت انى اشيل البوست تانى يوم ما حطيته بس قولت بلاش يمكن يعجب حد

اقول لك على حاجه غريبه انت عارف انى اكتر كلمه استخدمها فى حديثى هى ممكن ههههههههههه بجد والله ومش اخدت بالى ان اسمك اتكرر اكتر من مره فى البوست وعلى العموم بافكر اعمل البوست الجديد اسمه ممكن وممكن بس افكر له فى فكره جامده بقى علشان تليق بالاسم ....

صح كلامك بجد كل واحد فينا هو عباره عن مجموعة ذكريات تشكله تاريخه وصعب اوى انه يفقد منها جزء لانه بيتعبر كده فقد جزء من حياته

على فكره السواقه مش تتنسى بفقدان الذاكره وكمان اللغه اللى الواحد اتعلمها رغم انه ممكن يهذى بكلمات غير مفهومه بلغه غير معروفه
هناك اشياء لا يمكن ان تتنسى بفقدان الذاكره
رغم انى مش طبيبه ودراستى بعيده كل البعد عن الطب لكن قرات فى الموضوع ده كتير قبل ما اكتب فيه

عن جد رايك وكلامك باتعلم منه جدا جدا
اتمنى لك السعاده الدائمه

زهراء 3 مايو، 2010 12:25 م  

محمد فؤاد (صاحب عمود النور)

-*-*-*-*-*-*-*-*



يا اهلا بالفناااااااااان

انت عارف بيهمنى رايك اوى اوى بشكل غير عادى لانى باتعلم من كلامك وافكارك

بلاش تفكر انك تفقدها لمجردا لتجربه لان فى بعض الاحيان التجربه ممكن تكون صعبه وقاسيه



من غير ما تفقد الذاكره انت عارف ان كل واحد فينا عنده المقدره انه يبدا من جديد فى اى لحظه

كالعاده طبعا فنان وكلامك جامد اخر حاجه

شرفتنى يا محمد ونورتنى


Free CursorsMyspace LayoutsMyspace Comments

    © بالحب اتجمعنا. Friends Forever Template by Emporium Digital 2009

Back to TOP