اصــــــعب حــــــب

>> الاثنين، 3 مايو 2010





أصـــعب حــــــب






















من كام يوم كده كنت فى مكان ما



وكان فى اغانى كولكشن كتيييييييير اوى




لفت سمعى اغنية خالد عجاج




اصعب حب




طبعا هو بيوصف حاله صعبه اوى فى الحب



فكرت كده مع نفسى وقولت يا ترى يا هل ترى




ما هو اصعب حب ؟؟؟؟؟

قولت خلاص افتح الموضوع هنا مع اصدقائى القريبين



من وجهة نظرى ان اصعب حب

لما يكون الطرفين متفقين على كل حاجه




طرفين بيحبوا بعض بجد والاسرتين مرحبين بالحب ده




والطرفين متفقين على كل كبيره وصغيره




مكان اقامتهم



اسماء اولادهم




كل حاجه




وفجأه
.
.
وبدون مقدمات القدر يكون له كلمه اخرى



والموت يخطف احد الطرفين



بجد ده بيكون اصعب حب على الطرف التانى



لان القدر هو اللى اختار نهايه للحب ده



فى انتظار كلامكم واجابه على هذا السؤال





ما هو أصعب حب








تحدثت معكم عن اصعب حب : زهراء






57 التعليقات:

Haytham Alsayes 3 مايو 2010 في 12:53 م  

السلام عليكم

الحق الكرسي الاول وبعدين ارجعلك

سلام

Haytham Alsayes 3 مايو 2010 في 12:56 م  

يساتر يارب
يبقي ابشع حب مش اصعب
بجد فكرة صعبة جدا ان حد انت بتحبه يموت فجأة حصلت معايا ان خالتي ماتت فجأة وكنت مذهول الاول ولكن ربنا بيصبر الواحد
بسب الايمان وربنا يرحمها

وبتهيقلي انت موفقة في اختيار الفكرة
وان فعلا اصعب حب كدة

تحياتي

Haytham Alsayes 3 مايو 2010 في 12:57 م  

http://eqaaz.blogspot.com/

مدونتي الجديدة يارب تعجبك

ليله شتاء 3 مايو 2010 في 1:30 م  

السلام عليكم
حبيبة قلبى زهراء موضوعاتك كلها بتجي على جروح الناس أوى وده دليل على أنك حد حاسس أوى بالغير يارب دائما كده تكونى فى سمو أحساسك الرائع ده

ليله شتاء 3 مايو 2010 في 1:38 م  

نقول بقى أه أصعب حب
يمكن لما القدر يفرض علينا الفراق وخاصة بالموت بجد تحمل فكرة أن اللى بنحبه مش موجود فى دنيتنا ومش معانا صعبة أوى أوى
لكن بيكون أمر واقع وبيكون فى أمل ولو بسيط أن نقابل حب تانى ونبدأ من جديد

لكن لما يكون أدامك وزى ما فى الاغنية ودموعك تنزل منك عليه وميشفهاش وأنت بتحبه وهو مبيحبكش نتفقد المل فى كل شئ وأعتقد أن مبيكونش فى فرصة البداية الجديدة لأنه بيفضل أدامك

الموت صعب بس أمر واقع وحقيقة ملموسة
لكن لما بيكون أدمنا بنفضل نبنى أحلام واحتمالات ونعيش من أوهام لأوهام



*********

دمتى يارب دائما بألف خير وسعادة

فاتيما 3 مايو 2010 في 2:20 م  

ايه يا ذات الوجه المشرق السؤال العويص دا ؟؟؟

اصعب حب ؟!!!

مظنش الموت بس
هوه اللى ممكن يخلى الحب أصعب ...

الفراق كمان
انك تفترقى عن حبيبك
و القصة دى مكتملشى

اللى اتقال فى مقدمة الغنوة
ان تلقى الى انتا تحبه
مبيحبكش


عارفة الأصعب
و الأصعب من وجهة نظرى ايه ؟


انك تحب حد
و متعرفش تعمله حاجة



دا أصعب انواع الحب



الحب اصله عطاء

لو لقيتى روحك بتحبى حد
و مش قادرة تنفعيه بحبك
و لا تخليه يبقى انسان احسن بسببك
و بعطائك ...
تبقى لازمتك ايه ؟؟


حاجة صعبة قوى قوى


السؤال دا موجع قوى يا زهراء
لأنه فكرنى بيوسف
و كمان بمحمد فوزى
و بعدم قدرتى
على منح اعز شخصين لقلبى
اى شىء ينفعهم بوجودى فى حياتهم
و لو حاليا حتى
بلاش زمان
او بكرة



حلو البوست قوى


هتابع باقى التعليقات
و اشوف الأجابات
اكيد باقى الاحباب
هيدهشونى بأرائهم زى ما ادهشنى السؤال تمام

بوسات و حضونات
يا ذات الوجه المشرق

و سلام كبير لولا الجميلة

مهموهة أحمد 3 مايو 2010 في 2:35 م  

هاي يا زهراء يا قلبي
واحشاني موت النهاردة و الله

بوست جميل و افكار مميزة كالعادة

انا ردي على السؤال ده هيكون ...

ان اصعب حب
لما الحبيب يلاقي حبيبه بيخونه
و يا ريته لما يعرف يبطل بالعكس
ده بيستمر في الخيانة
ساعتها الحبيب يبقى عايش بين نارين
نار خيانة حبيبه
و نار حبه ليه و انه مش قادر يستغنى عنه

دي وجهة نظري

خالص حبي و تقديري

SHAPE YOUR LIFE (ABOALI) 3 مايو 2010 في 2:39 م  

اصعب حب فى وجهه نظرى هو الحب الذى يتمكن من القلب وفجاه ترى وتجد نفسك ان هذا الحب ليس من حقك ..اصعب حب هو الحب الذى يوجد فيه صراع شديد دائم بين العقل والقلب ..اما اذا فرق الموت بين حبيبين فقد يجلس الانسان مع نفسه لفتره يعيد حساباته وعنما يتيقن ان لهذا الموت حكمه كبيره من الله سبحانه وتعالى قد يتحدى الظروف وتستمر حياته ويظل حبه سبب بسمه مصاحبه له فى طريقه الى ان يقابل حب جديد يفتح له قلبه من جديد لان حتما سيعوضه الله خيرا اذا صبر وتحلى بالايمان ..وفى النهايه صعوبه الحب نسبى يتوقف طبقا لطبيعه الانسان ومدى قدرته على التحمل ومدى قدره عقله على التاثير على قلبه ومشاعره فقد يكون انسان عقله اقوى من قلبه وقد يوجد العكس فى انسان اخر .

تحياتى لكى لطرحك لهذا الموضوع المميز وصحيح كان وجهه نظر خالد عجاج فى الاغنيه ان اصعب حب انه يكون من طرف واحد والطرف الاخر لا يقدر هذا الحب لهذا ستجدى لكل قلب راى فى هذا الموضوع .

شفـقــة و إحســــان 3 مايو 2010 في 2:44 م  

اصعب حب ده مشكلة
بس الصعب كتير
يعنى ان اتنين بيحبوا بعض والاهل ميوافقوش ويضطر واحد منهم يسيب التانى ويتجوز
واصعب حب ان تلاقى اللى انت تحبه ما بيحبكش
يعنى من طرف واحد

توفى 3 مايو 2010 في 2:54 م  

اصعب حب هو الحب اللى تحبيه و تتمني تداريه عشان مش عايزه حد يكتشفه او يعرفه

تخيلى نفسك بتحبى حد حب كبير قوى و مع كده مش عايزاه يعرف
لانه ببساطه مينفعش
صعب حدوثه
صعب اكتماله لظروف كتيره
تبقى بتحاولى تسعديه و تتمنى تشوفيه مبسوط بس عشان كده مش عشان حاجه اكتر

تبقى مبسوطه و هو بيحكيلك عن حياته و مشاكله و تلاقى نفسك بتدوبى فى تفاصيله و حياته
و هو حتى مش حاسس بيكى
و ممكن جواه يستغلرب انتى بتعملى كده ليه و ممكن يبقى فاهم و عارف
بس لانه مينفعش مبيقولش حاجه
بيفهم و يسكت

هو ده فى نظرى اصعب حب

غير معرف 3 مايو 2010 في 3:04 م  

انا خبرتي قليله في الموضوع ده

بس من زمان اعتقد ان اصعب ححب هو الحب من طرف واحد :)

تحياتي

محمد فؤاد (صاحب عمود النور) 3 مايو 2010 في 3:12 م  

انا فى وجهة نظرى اصعب حب
هو لما تحب حد قوووووووى وتلاقيه مرة واحده وبدون مبررات منطقيه يسيبك مرة واحده تلاقيه خرج من حياتك تلاقيه بيبعد وبيعدك عنه

جوجو 3 مايو 2010 في 3:31 م  

السلام عليكم
ازيك ياقمر اخبارك ايه؟
على فكرة انا متفقة معاكى جدا ودى وجهة نظرى
تحياتى

مرايتى 3 مايو 2010 في 5:04 م  

كل حد بيشوف صعوبة الحب من وجهة نظره
على حسب تجارب مر بيها

بس أكيد كمان إن إلى بتحبه موجود ومش قادر حتى تكلمه دى إحساسها صعب جدا

موضوعاتك دايما بتمس الناس ياقمر وبتحكى واقع

مودتى وحبى

Tamer Nabil Moussa 3 مايو 2010 في 5:56 م  

الموت محدش يقدر يعمل لية حاجة

دة نصيب كل انسان

بس اكيد بيكون صعب على الانسان اللى بيحب

ربنا يوفقك ويكرمك

مع خالص تحياتى

had-befham 3 مايو 2010 في 6:34 م  

انا بصراحه بعشق الأغنيه دى اوى
بس وجهة نظرى
اصعب حب هو الحب من طرف واحد
تحياتى

فتــافيت (رحاب الخضري) 3 مايو 2010 في 6:52 م  

انا اول مرة اجي هنا
وبصراحة مش فاكرة جيت راكبة تاكسي من اي مدونة

بس المدونة عجبتني جدا.. وعجبتني فركة انكم اصحاب وبتكملوا بعض

ربنا يديم عليكم نعمة الصداقة

نجي بقى للبوست

اصعب حب كانت اغنية جامدة جدا.. ولغيت دلوقتي بنسمعها

اصعب حب عندي.. اني احب الشخص الصحيح في الوقت الخطأ

ساعتها بتسود الدنيا.. او زي ما قال سيلن ديون.. في اغنيها عندما يحب الشخص الخطأ بالطريقة الصحيحة

برضو ده حب صعب جدا.. لاننا بنحس فيه قد ايه احنا محرمين من الحب.. واليوم اللي نلاقي فيه الحب اللي بنحلم بيه يجي من الشخص الغير صحيح

كمان الحالة اللي اتكلمتي عنها.. اللي هي موت واحد من الطرفين.. صعبة جدا

لكن الموت شيء متوقع في اي وقت.. صدقني صدمته اهون بكتير.. من انك تموتي جوه قلب حد هو عايش في دمك.. وانتم الاتين على ارض واحدة

تقبلي مروري الاول
وان شاء الله اجي تاني.. :)

أميرة الأحلام 3 مايو 2010 في 7:09 م  

لولا وزهراء
وحشتونى وبقالي كتير غايبه عن مواضيعكم الرائعه بسبب النت عندى
يارب تكونوا بخير
حلو قوى الموضوع ده ومؤثر قوي
في رايي ان اصعب حب لما فعلا بيكون زى ما قولتى كده الاتنين بيحبوا بعض جدااا ومتفقين ومتفاهمين
وكل واحد منهم يعاهد التانى انه عمره ماهيتخلى عنه وفي الاخر بيكون للقدر كلمه تانيه مش شرط انهم يفترقوا علشان الموت اخد حد منهم ممكن تحصل ظروف كتير تفرق بينهم
ويعيش كل واحد منهم بعيد عن التانى
ربنا مايفرق بين حد يارب
ويسعد الجميع
تحياتى ياقمرايه

خواطر شابة 3 مايو 2010 في 7:35 م  

اصعب حب هو اللي خالد عجاج قال عليه انك تلاقي اللي انت تحبه مبيحبكش ومهما بتعمل عشانه مبيحسكش ده فعلا هو أصعب حب اما الموت فهذا قدر ووقتها اللالم يكون للفراق ويكون مشترك بينك وبين كل محبي الشخص والكل يهون عليك ويصبرك ويتعاطف معك
دمتما بود عزيزتاي

Ms Venus 3 مايو 2010 في 8:58 م  

زهراء حبيبتى ازيك


يارب تكونى بخير


موضوع الوست صعب اوى

اوى اوى


ومش عارفة اقول ايه

اصعب حب بيفرق من انسان للتانى

يمكن انا بحس ان اصعب حب هو الحب اللى بلا امل


والاغنية طبعا ملهاش حل


وردة لعيونك حبيبتى

جارة القمر 3 مايو 2010 في 11:30 م  

برأيي أصعب حب يازهراء

لما نحب حد من كل قلبنا ومايحسش بينا

ده الحب الصعب

حتى الأغنية بتتكلم عليه

أما الموت دة قدر بيبقى الوفاء فيه موجود والذكرى حلوة

بس كدة

ليس فقيرا من يحب 4 مايو 2010 في 12:07 ص  

السلام عليكم

ازيكم يا قمرااااااااات

ازيك يا زهراء وازيك يا لولا

يارب تكونو بالف خير يا حبايبى

صعب اوى الموضوع ده يا زهراء

الموت مع انه حقيقه بس ان الواحد يفكر

انه مش هيشوف الانسان ده تانى او يلمسه
فعلا احساس قاتل

كمان اصعب حب لما يبقى قدامك حد اغلى من نفسك وبيعانى ومتبقاش عارف تعمله ايه او تساعده ازاى

واعتقد كمان ان الحب من طرف واحد برده من اصعب انواع الحب

انتى حكايه بجد

ربنا يسعد قلبك

زهــــراء 4 مايو 2010 في 12:32 ص  

Haytham Alsayes

-/-*/-*/-////

هـــيثم

مبروك مرتين
مره للحصول على اول تعليق
والمره التانيه على المدوونه الجديده حلوه اوى ان شاء الله يكون وشها حلو عليك ....

والله يا هيثم ده رأيى الشخصى انه ده اصعب حب لكن طبعا كل واحد حر فى رايه وفى اختياره
الله يرحم خالتك ويرحم كل امواتنا ياااااااارب

عن جد بتشرفنى بكلامك وتنورنى كمان
ربنا يكرمك

زهــــراء 4 مايو 2010 في 12:34 ص  

ليله شتاء

-*-*-*-*-*

احلى ليله فى الشتاء والصيف وكل فصول السنه

وعليكم السلام ورحمة الله وبركاته

بجد مش عارفه اشكرك ازاى على كلامك عليا الحمد لله الواحد حساس ودى مشكله فى حد ذاتها
يمكن ساعات باحس انى باتعب الناس اوى بكلامى ويمكن كمان لا اخفيكى سرا ان احد اسباب ان البوست ده نزل بسرعه كده مش فى ميعاده انى حسيت ان البوست اللى فات فى ناس كتير تعبت منه وانا شخصيا تعبت منه اوى اوى

باشكرك على كلامك الرقيق اللى مثلك بالضبط

زهــــراء 4 مايو 2010 في 12:40 ص  

ليله شتاء

-*-*-*-*-*
فعلا يا ليله لما الواحد فجاه يحب ويبنى احلام وفجاه الموضوع كله ينتهى والقدر يقول كلمته بجد شئ صعب اوى ...

حتى لما نقابل شخص تانى مش بيكون هو نفس الشخص اللى فقدناه فى لحظه
الاغنيه يمكن كان يقصد بها الحب من طرف واحد هو برضه صعب اوى
يمكن فى اللحظه دى الواحد بيحاول انه ينسى ويبعد ويبدا حياته من جديد ويمكن كمان يتمنى للطرف الاخر وانه يجد الحب مره اخرى

فعلا الموت هو الحقيقه الواحد لكن يمكن ساعات نهرب منها او مش بنحاول اننا نواجه انفسنا بها

باشكرك على كلامك وذوقك ورقتك
بجد انتى من الناس الجميله اللى صعب الواحد يعرف حد زيهم

زهــــراء 4 مايو 2010 في 12:46 ص  

فاتيما

-*-*-*

ايه النور ده كله
انا دخلت البلوج لاقيت فيه نور زياده قولت يا ترى يا هل ترى يمكن اكون باحلم تكونش فاتيما نورت المكان وفعلا صدق احساسى ولاقيتك منورانى


بصى يا فاتيما الفراق صعب اوى اوى على فكره الموت برضه نوع من انواع الفراق لكن فراق اجبارى مش بيكون لنا دخل فيه .....



صعب اوى لما احب حد ومش اعرف اعمل له حاجه اكيد حبى هيبان من اهتمام من لهفه من شوق من حاجات كتير برضه

بجد اعتذار واجب لكى ان سؤالى يكون تعب او وجعك
ربنا يقر عيونك بيوسف وان شاء الله يجرع اليكى سالما غانما وربنا يفرح قلبك معاه
اما بقى بالنسبه لمحمد فوزى اعتقد انه المطرب باعشقه والله زيك كده بس انتى واضح انك اكتر شويه ههههههههه


اشكرك على كلامك
سلامك وصل الى لولا
واسفه ان سؤالى تعبك بس عن جد شرفتينى اوى اوى

انا كمان فى انتظار باقى التعليقات اللى فعلا ادهشتنى بطريقه غير متوقعه

بوسات واحضان وزهور جميله لعيونك يا احلى فاتيما

زهــــراء 4 مايو 2010 في 12:48 ص  

مهموهـــــــة

-*-*-*-*-*-*-*

هاى يا مــــها

تسلم يارب على احلى تحيه
مشكوره على كلامك

وااااااو الخيانه احساس بشع اوى اوى وكمان لما يتعرف الطرف الخاين ومش يبطل ويفضل الحب مستمر بس عن جد كده بيكون ضعف او هوان مش مجرد حب


احترم وجهة نظرك بجد
شرفتى يا مهموهه
احلى سلام لعيونك يا قمرايه

زهــــراء 4 مايو 2010 في 12:53 ص  

SHAPE YOUR LIFE (ABOALI)

-*-*-*-*-*-*-*-*-*

سيدى الفاضل ابو على

ياااااااه صعب اوى الحب ده لان الواحد وقتها بيخاف انه ياخد حاجه مش من حقه .....


حتى كمان الصراع لما يشتغل بين القلب والعقل برضه بيكون حب صعب رغم انه فى كثير من الاحيان العقل بيقف فى قص الحب او فى البدايات على الاقل ....

طبعا كل واحد فينا عارف ان ربنا سبحانه وتعالى له حكمه فى موضوع الموت بس ممكن الطرف اللى موجود يظل متمسك بهذا الحب لفتره طويله من الزمن لانه خايف لما يحب برضه الموت يخطف حبيبه منه او يخاف ان الحب الجديد فى حياته يبقى غير الحب القديم ....

طبعا اتفق مع حضرتك ان كل واحد له وجهة نظر خاصه فى هذا الموضوع

اشكر حضرتك لتواجدك وعن جد كل كلمه من حضرتك اتعلم منها درس جديد فى الحياه
ربنا يحفظك ويبارك فيك

زهــــراء 4 مايو 2010 في 12:54 ص  

شفـقــة و إحســــان
-*-*-*-*-*-*-*-***

وجهة نظر برضه وتحترم جدا جدا
موضوع الاهل ده ممكن يكون فعلا نوع من اصعب انواع الحب وخاصة لو الواحد لازم ياخد قرار فيه اما اهله او حبيبه وعادة بيكون الاختيار لصالح الاهل


شرفتونى ونورتونى

زهــــراء 4 مايو 2010 في 1:00 ص  

توفى

-*-*-

يا هلا ... يا مراحب
اول زياره هنا ان شاء الله مش الاخيره وتتكرر الزيارت لمرات

صعب اوى الحب اللى بيكون فى الخفاء ده وليه يعنى احلى حاجاه فى الحب الوضوح والصراحه ....

صعب اوى حالة الحب دى يعنى احب واخاف انه يعرف انى احبه طيب ليه اعمل فى نفسى كده اصلا رغم ان احكام القلب بتكون بعيده عن احكام العقل لكن برضه من الحب ما قتل

بصى يا توفى الحب الحقيقى هو علاقه بين طرفين اخذ وعطاء مش ينفع طرف يعطى ويكون بيدارى علشان مش ينفع والطرف التانى بياخد وهو يقوم بدور المتفرج طيب ليه كده ليه اعذب نفسى اوى كده

ممكن بس تسامجينى بجد ده مش حب تقدرى تقولى ده ذل او هوان او اى حاجه تانيه لكنه مش حب ابدا
يعنى اسمع مشاكله واساعده وفى الاخر كمان هو مش حاسس
اسفه يا توفى اول زياره لكى هنا وكلامى ناشف شويه

صوره بشعه من الانانيه مش حب والله اللى بيعمل كده بيدمر نفسه ويدمر اللى حواليه كمان

ربنا يستر واشوفك عندنا تانى بعد كلامى ده

زهــــراء 4 مايو 2010 في 1:01 ص  

فتاه من الصعيد
-*-*-*-*-*-*-*

تماموووووووووووز كلامك
مش محتاج خبره او اى حاجه لكن هو فعلا الحب من طرف واحد صعب اوى اوى

احلى فتاه من الصعيد بتشرفينا بكلامك وزيارتك

زهــــراء 4 مايو 2010 في 1:04 ص  

محمد فؤاد (صاحب عمود النور)

-*-*-*-*-*-**
ياااااااااااااااه يا محمد
صعب اوى الحب ده وقتها بتكون مش فاهم اى حاجه وايه اللى حصل هو مره واحده كده حاله اتقلب وتقعد تسال نفسك هو ماله طيب ايه جرى له وفى الاخر ترضى بقدرك ونصيبك وتسكت
عن جد صوره صعبه اوى اوى

شرفتنى يا فنان

زهــــراء 4 مايو 2010 في 1:05 ص  

جوجو
-*-*

وعليكم السلام وحرمة الله وبركاته

الحمد لله ماشى الحال وكله تماموز
اشكرك على اتفاقك معايا فى وجهة نظرى

شرفتى

زهــــراء 4 مايو 2010 في 1:06 ص  

مرايتى

-*-*-*
صح كلامك كل واحد بيكون مريت فى حياته تجربه او فى حياته حد قريب منه بيكون لها اثر فى افكاره ...

صعب برضه لما احب حد ومش اقدر اتكلم معاه ومش اقدر انى ابوح له

اشكرك على كلامك


اتمنى لكى السعاده على الدوام

زهــــراء 4 مايو 2010 في 1:10 ص  

Tamer Nabil

-*-*-*-*-*-*-*



فعلا الموت بيكون صعب اوى على الانسنا بس كله فى الاول وفى الاخر نصيب

ربنا يكرمك يارب

زهــــراء 4 مايو 2010 في 1:13 ص  

had-befham
-*-*-*-*-

الاغنيه تحفه بجد
خالد عجاج كمان قالها باسلوب تحفه
الحب من طرف واحد شئ صعب اوى اوى

تحياتى

زهــــراء 4 مايو 2010 في 1:17 ص  

فتافيت
-*-*-

يا هلا .... يا هلا

عارفه اناه اول زياره وان شاء الله مش تكون الاخيره
لو عاوزه اجرة التاكسى تحت امرك :D

الحمد لله ان افكارنا نالت اعجابك

تسلمى يارب وربنا يديم علينا نعمة وجودك فى كومنتاتنا .........


فعلا صعب اوى لما تحبى شخص صح فى وقت غلط

وجهة نظرك حلوه اوى اوى

ياااااااااااااه على كلامك صعب اوى جملة انك تموتى جوه قلب حد هو عايش فى دمك


اسلوبك تحفه بجد
ان شاء الله تيجى تانى وتالت ورابع

زهــــراء 4 مايو 2010 في 1:19 ص  

أميرة الأحلام

-*-*-*
احلى اميره فى الاحلام

انتى فين وةحشااااااااااانى جدا جدا

النت ده الله يجازيه برضه لولا غايبه بسببه والله


فعلا كلامك صح وبتكون التجربه صعبه اوى بشكل ممكن مش اى حد يتخيله

مشكوره على كلامك ومش تغيبى عننا
ربنا يهدى لنا النت ياااااااارب

زهــــراء 4 مايو 2010 في 1:22 ص  

خواطر شابة
-*-*-*-

نـــــوجا

اتفق معاكى ان الموت قدر
والحب اللى قال عليه خالد عجاج صعب اوى
بس على فكره صدمة اللى بيحب والموت بيخطف حبيبه بتكون غير صدمة باقى الناس اللى قريبين منه

اتمنى لكى السعاده والفرح على الدوام

زهــــراء 4 مايو 2010 في 1:27 ص  

Ms Venus

-*-*-*-

فينوس القمرايه
الحمد لله بخير طول ما انتى بخير وسعاده
زهراء حبيبتى ازيك

عارفه ان البوست صعب
واضح كده انى بقيت تخصص بوستات صعبه
فى جمله كنت سمعتها مره بتقول ان الحب بلا امل اسمى معانى الحب طبعا ده كلام فارغ

احلى باقة ورد لعيونك يا فينوس يا قمر انتى

شرفتى

زهــــراء 4 مايو 2010 في 1:30 ص  

جارة القمر
-*-*-*-

يا هلا باحلى جاره للقمر

كلامك صح برضه يا قمر


شرفتى ونورتى
فرحانه بتواجدك معنا من تانى
ربنا يفرح قلبك ويسعد ايامك

زهــــراء 4 مايو 2010 في 1:34 ص  

ليس فقيرا من يحب

-*-*-*-*-*

رانيااااااااااااااا

وعليكم السلام ورحمة الله وبركاته

يارب انتى تكونى بهنا وسعاده وخير

كلامك صح اوى يا رانيا
وخاصة لما الواحد يقعد يبنى فى احلام وفجاه كل حاجه تنهار فجاه وبدون مقدمات




صح كلامك وكل اصناف الحب اللى قولتيها صعبه بجد

انا حكايه
ههههههههههههههههههه
وياترى حكايه حلوه او نص نص

شرفتى يا رانيا ونورتى

أنا - الريس 4 مايو 2010 في 11:43 ص  

رغم عدم اعترافي بالحب .. ليس انكارا له بل رفضا لسيطرته علي أفعال الإنسان . مما يؤدي لفعل ليس سوي .. يؤثر علي الآخري بالسلب ..
أصعب حب بالنسبة ليا الحب اللي يخلي ربنا مش يحبك .. لأنك كده خسرت كل حاجة .

سندريلا 4 مايو 2010 في 9:00 م  

هااااااي يا بطوط وحشاني
دورت عليكي في السايت بس لما لقيتك مختفيه قلت اكيييد هتكوني فاتحه هنا
وحشاني يا قمر وانا مقصرة من غير ولا كلمة

اصعب حب بجد كلمه صعبه مووت وقاسيه جدا علشان المفروض الحب يكون حاجة كويسه من غير عذاب ولا صعوبه فلما يكون صعب يبقي اكيييد فيه حاجة غلط
المهم يا قمر اعتقد انا لما القدر او الموت يفرق بين أتنين بيحبوا بعض ده مش اصعب حب لأننا ببساطة عندنا ايمان بالموت والقدر فالحبيب هيحزن ويزعل بس اكييييد هيكمل حياته ويعيش واكييد هيحب ويرتبط تاني

انما انك تكون بتحب حد وهو مش حاسس او مش عارف توصل له وهو موجود قدامك بأستمرا فهو ده العذاب بجد لما تشوف حبيبك مع حد تاني وحبيبك ده ولا هو هنا ولا حاسس بأي حاجة خالص
اعتقد انه اصعب احساس ممكن يوصل له الانسان بجد
شكرااا يا بطوط علي موضوعك
واسفه علي التأخير
سلامي للولا

Butterfly 4 مايو 2010 في 10:55 م  

يااااااااه أنا بحب الأغنيه دى جدااا ومن زمااااان
أما رأيى زى رأى خالد عجاج فى الأغنيه :)

هيثــم رمضـــان 5 مايو 2010 في 12:59 ص  

أصعب حب هو الحب المقترن بالفراق ويكون هذا الفراق خارج عن إرادة الطرفين بمعني إنه يكون ظروف أو أحداث بتحول بينهم ويظل كلاً منهم يعيش بجرحه بعيداً عن الأخر بجسده قريباً منه بروحه ومن ضمن هذا" الموت "الذي قد يفرق بين الحبيبين وهو أمر في منتهي الصعوبه ولكن الموت حق ومن نعم الله سبحانه وتعالي علينا إنه يلهمنا الصبر والسلوان والنسيان بعد الموت فالغائب عن الدنيا ليس كالذي يعيش فيها لكنه صعب المنال فمن أول وهله نقول أن الفراق بين الحبيبين بسبب الموت هو أصعب حب ولكن إذا تمهلنا في الإجابة ربما نجد الفراق رغم الحب ورغم الحياة للطرفين قد يكون أصعب فتخيلوا معي حالة أم مات ولدها بالطبع تحزن بشده ولكن هذا الحزن يهدأ بفضل الله حتي تستقر الأمور ولكن إذا حُرمت أم من ولدها وهو علي قيد الحياة فما بالكم بحالتها سوف تحزن ولكن حزنها سيزداد يوماً عن يوم بسبب فراق ولدها مهما كان سبب الفراق.

تحياتي

زهــــراء 6 مايو 2010 في 12:57 ص  

MR.PRESIDENT

-*-*-*-*-*-**

اهلا اهلا بالرئيس

صعبه اوى اول جمله انك مش تعترف بالحب اتخضيت اول ما شوفتها ....
لما شرحت سبب عدم اعترافك بالحب فهمت وجهة نزر وعلى فكره وجهة نظرة احترمها بشده ....


اكيد الحب اللى يغضب ربنا اصعب حاجه بجد لانه هيكون حب محكوم عليه بالعذاب

اشكرك على كلامك ووجهة نظرك

زهــــراء 6 مايو 2010 في 1:03 ص  

سندريلا
-*-*-*

سااااااندى
لو قولت لكى وحشانى ازاى مش ممكن اقدر اعبر انى بجد مفتقده وجودك اوى فى حاجات كتير وحشنى الرغى معاكى
بالنسبه للسايت لسه والله كنت باكلم احمد على نفس الموضوع هو مختفى وانتى يبقى انا بقى اعمل ايه لازم اختفى شويه برضه ....

فعلا عندنا ايمان بالنصيب والقضاء والقدر بس كل الموضوع ان دى وجهة نظرى الخاصه وطبعا كل واحد له اختياره اللى احترمه بشده ...


فعلا صعب اوى انى احب حد ومش عارفه اوصل له ده وخاصة البنت بيكون صعب اوى لان البنت لو راحت اعترفت لحد بحبها طبعا الطرف الاخر مش هيرحمها بجد وممكن يستهين بمشاعرها وفعلا وقتها هيكون عذاب مش حب


مشكووووووره على كلامك
سلامك وصل للولا طبعا
سلام وبوسه لحبيبة قلبى جنا

زهــــراء 6 مايو 2010 في 1:04 ص  

Butterfly
-*-*-*-*-

حلو راى خالد عجاج اللى هو رايك
وجهة نظر تحترم بجد

زهــــراء 6 مايو 2010 في 1:14 ص  

هيثــم رمضـــان

-*-*-*-*-*-*-*

هــيثم

الفراق دى اصعب كلمه فى الوجود سواء كان قدرى او باى طريقه
انت عارف ان الفراق مرتبط بالحزن عمرك ما تلاقى حد مفارق حد غير فى طرف فى عيونه دموع


هيثم اعترف انى مش قادره اعلق
كلامك صعب اوى ولمس بداخلى اشياء كبيره وكثيره
عن جد انت من الناس اللى انتظر الكومنت بتاعك لانك بتكون فاهم الموضوع ولك وجهة نظر تحفه
ربنا يحفظك ويبارك لك

هي وظروفها 6 مايو 2010 في 6:31 ص  

روحي يا زهره الله يسامحك

وربنا جسمي قشعر

اعتقد ان نهايه بالشكل ده

طرف بيخرج من الحياه بموته

وطرف تاني بيفارق الحياه بسكوته

طرف بيتلقي قضاء ربنا بساعه وفاته

وطرف يدعوا الله ان تحين لحظه وفاته

طرف فارق بدون اذن ولا ميعاد سابق

وطرف مهما استطاع ان يكمل حياته
لن يكون ولن يرجع لحلمه السابق

بين طرف ارتاح من عناء الدنيا
وترك طرف ياسي ويحزن عليه وعلي فراقه
اللي بقيله من الدنيا

بين طرف كان حلم وحياه وعمر لطرف

وفجأه فرقهم القدر واطاح باحلاموامال وعمر وقلب وعقلوروح وحنين وطموح وفرح طرف

ايه اللي انا بقوله ده
وجعتي قلبي الله يسامحك

momken 6 مايو 2010 في 2:58 م  

اهلا يا زهراء

موضوعك جميل زى العاده

بصى حضرتك اتكلمتى عن اصعب علاقه
او اصعب نهايه

مش اصعب حب

لان الحب مش بينتهى بموت احد الاطراف
بدليل اننا بنحب النبى وبنحب الصحابه
ولو حد مثلا اهله اتوفوا بيفضل يحبهم

يعنى حتى اى مصيبه بتحصل لاحد الطرفين مش معناها نهايه الحب ومش بتصعبه


لكنى شايف ان اصعب حب فى الحالات الاتيه

اولا

لما حد بيحب والطرف الاخر بينال من كرامته ومشاعره والطرف المجب بيوافق على امل انه يتغير ويبادله الحب بصدق

بمعنى انه بيقدم كرامته مقابل حصوله على لحظات الحب

تانى حاله

لما احد الطرفين يستنزف الاخر ويبداء بستغلاله مقابل اعطاءه شعور كاذب بالحب

ويكون طرف شرير والتانى مستسلم جدا لمجرد انه بيحب بصدق وبيعطى بلا حدود والطرف الاخر بياخد بلا حساب

تالت حاله

انه يكون بيحب وبعلن للجميع سعادته بالحب ده والطرف الاخر بيعلن استخفانه وسخريته من المشاعر دى امام الجميع


لكن فى الاخر ممكن اكون انا غلط جدا ومش فاهم اى حاجه

مين انا علشان اتكلم فى الحب



تحياتى

زهــــراء 6 مايو 2010 في 5:16 م  

هي وظروفها

-*-*-*-*-*-**-*

وليدوووووووووو

انت اللى ربنا يسامحك على كلامك دهع
انا اللى جسمى قشرع من كلامك
على فكره البوست كان بكل اختصار بيسال عن ما هو اصعب حب من وجهة نظر كل واحد اما بقى موضوع الموت دى كانت وجهة نظرى الشخصيه يعنى ممكن تكون صح او غلط



كلامك صعب بشكل فظيع رغم انك حللت رايى بصفه خاصه لكن كان ممكن تقول رايك بجد

على العموم كلامك صعب اوى اوى وتعبنى جدا جدا


مشكووووووووووور على التعليق اللى يوجع القلب

زهــــراء 6 مايو 2010 في 5:26 م  

momken

-*-*-*
يا مراااااااحب يا ممكن
قبل ما اعلق على الكومنت بتاعك تخيل انى اكتشفت ان اكتر كلمه استخدمها فى كلامى هى ممكن ....


بص يا ممكن انا اتكلمت من وجهة نظرى لكن رايى خطا وممكن اى حد يصححه او يقول رايه ...

فعلا حبنا للرسول عليه الصلاة والسلام رغم اننا لم نعاصر الرسول صلى الله عليه وسلم وكذلك الصحابه
لكن ده حب من نوع خاص يا ممكن


تعالى بقى نتناقش فى اصعب حالات الحب من وجهة نظرك ...

الكرامه لو ضاعت فى الحب يبقى مش حب اى حاجه ممكن تتعوض الا الكرامه والكلام اللى بيقول مافيش كرامه بين المحبين ده اسمه اى كلام فارغ ازاى حد يقبل على نفسه كده يقدم كرامته علشان يستمتع بلحظات من الحب

لو ان خلاص مش بقى فى حاجه مستحيله وممكن اى حاجه تحصل ....

تانى حاله دى بقى قمة الانانيه وبجد حاله متعبه جدا جدا وصعبه اوى وممكن الطرف التانى لما يعرف الحقيقه دى بتكون صدمته قاسيه بشكل غير متوقع



تالت حاله بقى مش عارفه اعلق اقول ايه عن جد انت كتبت اصعب حالات فى الحب بالمقارنه بموضوع الموت تبقى الحالات دى اصعب اوى عارف ليه؟؟ لانه بكل بساطه لما تحصل وفاة احد الطرفين ممكن الطرف الاخر يفضل شايل له ذكريات حلوه لكن كل الحالات اللى انت ذكرتها بجد صعبه بشكل غير طبيعى


بالعكس يا ممكن رايك حلو اوى بجد وكلامك مرتب ومنسق جدا جدا

عن جد بتشرفنى كل مره بكلامك وفى انتظار بوست جديد عندك علشان اقدر ارد لك الزيارات ...
شرفت يا ممكن ....

ساسو 19 مايو 2010 في 2:19 م  

حبيبتي الجميله زهراء
اصعب حاجه ممكن تجرحني وتهزني لما أحب واتحب واعيش اجمل ايام وفجأه حبيبي يبعد عني ساعتها قلبي بيمووووووووووت

نهى عيد 2 يونيو 2010 في 4:40 م  

احب لما القدر يفرقنا دة مش اسمه اصعب حب ولا كمان لما يكون مش حاسس بيك لانه حب من طرف واحد وساعتها مش تقدر تلوم الطرف الطرف التانى لانه اصلا ميعرفش انما اصعب حب بجد لما تحب حد والمفروض انه بيحبك وتكتشف انه كداب ومخادغ ساعتها بس تقدر تقول اصعب حب بس وانه فعلا ميستاهلكش وارجو الرد على تعليقى بس ابعتولى على الاميل باسم اصعب حب عشان اعرفكم واتمنى زيارتكم وانضمامى ليكو

غير معرف 6 مايو 2018 في 9:44 م  

صعل جدا ان تحب شخص عمرة ماحبك عمرة مافكر فيك ولاصعب ان تستمر فى حبك لية ببتمنى كل لحظة ان هو يكلمك نس انت دائما غلاطان الانة بيتكلم مع ناس قريلة منك جدا وانت لا وتنكسر كل لحظة وكل ثانية بتعدى عليك وتتمنى الموت فى كل لحظة تشوفة قدامك على طول وتحس انة غايب رغم انة جنبك وحوليك فى كل يوم وكل لحظة وثانية ورغم كل الحب الاانت بتحبهولة وهو ياريتة حاسس بيك وبهواك ومشاعرك وكل يوم تفتكر اليوم الااتقابلتم فية والخناق الاابتاديتو بية انا مش عارفة ازا اتخانقتو ولا لا بس قصتى للاسف ابتادت بخناق كل مااشوفة ويشوفنى عيونا تيجى فى اعيون بعضنا عشان كدة مش قادرة انساة ابدا عقلى بيقولى انسية وقلبى بيقولى لسة فى امل انة يحبك نظرتة ليا كنظرت العاشق عايزة ااخز رايك فى الموضوع دة برايك بيحبنى ولا احساسى هو اللى بيقول الكلا دة


Free CursorsMyspace LayoutsMyspace Comments

    © بالحب اتجمعنا. Friends Forever Template by Emporium Digital 2009

Back to TOP