ممـــكن .... أكـــيد

>> الخميس، 6 مايو 2010

ممــــكن ..... أكــيد








فى حياة كل شخص مننا فى اشياء


ممكن انها تحصل وفى المقابل


فى اشياء اكيد انها تحصل


ممكن الحزن يمر فى حياتنا


اكيد ان الفرح لازم يجى



ممــكن ان يغرس احدهم شوكا فى قلبك


ممــكن ان يغرس احدهم انيابه فى جسدك


ممــكن ان يضحك الاخرين حينما يرون دموعك


ممــكن ان يحطمك شخص فى دقيقه


ممــكن ان يهاجمك احدهم فى لحظه قاسيه



ممــكن ان يتقرب احدهم منك


ويحاول جاهدا ان يملك قلبك بين يديه


وفى اول فرصه يعتصر قلبك بين اصابعه بكل قسوه



ممــكن ان تنخدع فى الطيبه

التى يرسمها احدهم



رغم قسوة الجمل السابقه لكنها




ممــكن ان تتحقق او لا تتحقق






أكيد ان هناك من يحمل قلبا ابيض نقى




أكيد ان هناك من يحمل الطيبه فى داخله



أكيد انك تحتاج العمر كله لكى تنسى شخص ما





أكيد ان هناك من يحمل لك كل الحب والخير





أكيد ان الخير موجود فى هذه الحياه بجوار الشر





اذا كان من الممكن ان نتقابل مع نموذج قبيح للبشر






فمن المؤكد ان النماذج الجميله كثيره





اذا كان من الممكن ان تجد الف وجه للكدب




لكن من المؤكد ان هناك وجه واحد للحقيقه والصدق





اذا كان من الممكن ان الشر ينتصر فى بعض الاحيان





لكن من المؤكد ان الخير هو الذى ينتصر على الدوام







إذا كان هناك ممـكن فى الحياه .... فأنه بجواره أكـــيد





ياترى كل واحد فينا





ايه اللى ممــكن فى حياته وايه اللى اكــيد







كانت معكم بين ممــكن واكــيد : زهـــراء



73 التعليقات:

إمرأه من ثلج 6 مايو 2010 6:32 م  

ازيك يازهراء اية الاخبار

بجد بحب اسلوبك اوى ومواضيعك ربنا يوفقك

ليلة شتاء فالت انها كلنتك بجد انا مان نفسى اكلمك واتعرف عليكى

تحياتى وودى

صيدلانيه طالعه نازله 6 مايو 2010 6:52 م  

ممكن جدا زى ما قلتى اننا نتخدع فى ناس
ممكن قوى اننا نتصدم بحقايق توجعنا
ممكن قوى اننا نغلط فى اختياراتنا
ممكن جدا اننا نروح فى السكه الغلط
ممكن قوى ان الغيوم تحجب عنا ضوء الشمس
ممكن قوى ان الليل ميبقاش فيه قمر و لا نجوم تهدينا و تدلنا للطريق

بس فى الاخر
اكيد لازم ربنا بيبعتلنا ناس تكشفلنا خداع بعض البشر
اكيد بعد ما بنتصدم فى حاجه بنفوق و نصحى و نفهم و نتعلم
اكيد بعد ما بنغلط فى اختياراتنا و نمشى فى الاتجاه الغلط ربنا بيبعتلنا دليل و هادى ياخد بايدنا و يرشدنا
اكيد ضوء الشمس حيطلع تانى و اكيد القمر حيظهر فى السما و حواليه النجوم بتلالى

ممكن قوى نتظلم و نتجرح و نتوجع
بس الاكيد بقى ان ربنا بيبعتلنا اللى يداوينا و يريح قلوبنا

خواطر شابة 6 مايو 2010 8:07 م  

ياعزيزتي في هذه الحياة كلنا نتأرجح بين الممكن والاكيد
دمتما بكل ود ومحبة

كيكى عوووووو 6 مايو 2010 8:08 م  

ممممممممممممممم
هو طبعا فى الحالتين
بس الوحش كتير اوى
والطيبة بقت نادرة

أحمد الصعيدي 6 مايو 2010 8:17 م  

ممكن جدا انك تنخدعي في أقب الناس ليكي لكن الأكيد إن إختيار الأفضل صعب جدا



هناك قول مأثور

كل يري الناس بعين عقله

هنا الكارثة

يعني أبو قلب أبيض يشوف الدنيا بيضة وأبو قلب أسود يشوفها زي الزفت


ربنا يسعدك


السلام عليكم

star in the sky 6 مايو 2010 9:35 م  

ممكن اصحى بكرة اعرف ان التدريب اتلغى
ممكن يقرر اخيرا والدى نسافر القاهرة
ممكن بكرة ابدا اعمل حاجات متاخرة عليا
ممكن بكرة تجى لى فرصة تغير حياتى
ممكن بكرة كل حياتى تتغير بموقف واحد
ممكن بكرة ملاقيش بعد بكرة ويكون اخر يوم
ممكن الاقى حد احبه ويحبنى
ممكن اتعلم العزف على الكمان

اكيد اممممممممم مش عارفة مفيش حاجة اكيدة فى حياتى

فاتيما 6 مايو 2010 10:06 م  

الله !!!

حلو قوى البوست يا زوزاّ

عارفة الاحلى ؟؟
فكرته و صياغتها

انتى متميزة فى التقاط الحكاية دى

كلمتين تقريبا عكس بعض لما بنستخدمهم
واحدة ف التخبط
و واحدة فى اليقين

و بينهم مسافة طالت او قصرت
بتوصلنا لنتايج

لو حسبتها
هلاقينى تقريبا فى كل حياتى
ممكن ..و أكيد

النقط دى هتتملى بحاجات كتييييييير قوى لكن اغلبها هينتهى زى الافلام العربى نهاية سعيدة لأنى هبص حتى للسىء منها على انه حلو
مش عشان نظرتى وردية و مش عايشة الواقع ..لاااااا
لأن اللى كان
ممكن
تشوفيه شر زمان
النهاردة هتشوفيه خير
أكيد

حلو البوست
و حلوة الفكرة
و حلوة الصياغة
و حلو قلبك يا زهراء بجد

دمت بكل الود و الخير و الفرحة
يا ذات الوجه المشرق
و الافكار المشرقة كمان

سندريلا 7 مايو 2010 12:49 ص  

ياااه اخيرا هعلق في المدونه وانا في مركز متقدم لا ال40 ولا ال70 طبعا ربنا يزيد ويبارك انا مش بحسد ولا حاجة

الممكن يا بطوط انتي عارفه ممكن حد يرسم مستقبل ليه ويحلم بحاجات ومش تتحقق
ممكن اوي تحلمي بالفارس الهمام صاحب الحصان الابيض وبعدين تجديه جاب راكب عجله
ممكن اوي تصدقي حد اوي ويطلع كداب
ممكن تفتكري حد صاحبك وعاوز مصلحتك وفجأه تلاقيه المادة الخام للغدر والخيانه

ووطبعـــــــــــــــا ممكن
ممكن لما تحسي ان خلاص الدنيا قفلت معاكي تلاقي باب منور مفتوح وبيقول عوضي اللي فاتك(انتي عارفه بتكلم علي ايه مش كده)
ممكن اوي تحلمي بحاجة وتحققي احسن من اللي حلمتيه
ممكن تقلبي حد ويكون مخلص ليكي بجد

ممكن
ممكن
ممكن
طالما في حياه فممكن هتكون مستمرة
يارب الممكن بتاعنا يكون سعيد علي طول

انا مبسوطة اوي من موضوعك يا بطوط ومبسوطة اكتر اني رديت بسرعه مش اتأخرت كالعادة
عاوزين نشوفك في السايت يا بطة وعلي فكرة انا ماسكة المايك الاسبوع الجاي يارب يعجبك علشان فيه مفاجأة كبيرة اوي اوي

ممكن اكون كتبت كلام كتير بس اكيييد انك قرأتيه بأهتمام علشان الاحترام عو اهم صفه فيكي
وحشاني يا قمر

مجرد حلم صغنتوت 7 مايو 2010 12:53 ص  

زهراء
جيتي على الجرح.. جاية في وقت بجد صعب اوي

مش قادرة اتكلم حتى
بس انا في مرحلة الممكن دي.. مستنية ان الاكيد ده يحصل علشان اخرج منها على خير
يا رب

مرايتى 7 مايو 2010 1:14 ص  

الممكن حكمه ربنا قدرها بمشيئته

الأكيد إن إختيار ربنا كله خير

تحياتى لموضوعاتك المتميزه

شذا الروح 7 مايو 2010 1:41 ص  

سطرتى محطات الحياة التى فرضا ان نمر بها

من لايمر بها فهو الطرف الاخر من قصتك

اقصد انه من لايمر بالغدر اذا هو الغادر

لااعتقد ان هناك شخص لم تسطر عليه الايام بعض او معظم ماكتبتى سواء كان انسان صالح ام طالح

ولكنى غاليتى سبحان الله اول ماخلقت البشريه تم جريمة القتل بين الاخوان قابيل وهابيل
تعتقدى لماذا كان هذا من ضمن اوائل الدروس للبشريه

ولكننا دائما لانرى الا بعد وقوع البلوى

صراحة اسلوبك جميل ومنسق تسلمى ننتظرك دائما بخير

هي وظروفها 7 مايو 2010 4:09 ص  

كل افتراضاتك قابله للتحقق

بس بعد ما جمعت من خلال عمر بسيط ليه

في الحياه دي مجموعه خبرات

اكتشفت

ان اعظم حد ممكن اخسره

هو انا ايون اناني زي ما جه في دماغك

اي حد في حياتي بصفه شخصيه

ام اب اخ حبيبه

بكل انصاف مش هبكي عليه طول عمري

لو اللي قبلي عملوا كده

كان ممكن اقلدهم

انما الدنيا مبتقفش لفراق

او غياب او عذاب او عتاب او بعد او انسحاب

حد من حياه حد

هو احنا انا او انتي

او اي حد يبقي شويه اسف بيتغابي

ويبص تحت رجله وانه اتأذي

من فلان واتضر من ترتران
وحب وصاحب علان وعلان ده طلع قليل

الاصل معاه

بس مبنبصش خالص ليه

علي ناس كتير حلوه موجوده في حياتنا

ليه بنحب وبنعشق وبندوب في تراب الماضي

رغم ان الماضي في الاول وفي الاخر ماضي

اسمه ماضي معناه ماضي

محتواه ماضي

اي حد دخل حياتنا اسعدنا او ابكانا

فرحنا او تنسانا

ميخلناش ننسي اللي حبنا لنفسنا بدون اي مصلحه

انما الناس الترانزيت
او اللي فارقو سواء بموت او ببعد او بقصد

لما نفتكرهم جميل قشطه

نفتمر الحلو ونبتسم ولو ماتو مثلا ندعلهم بالرحمه

وخصوصا حته الاهل ليها فروض دينيه

نبرهم بيها بعد موتهم
وكذلك الاصدقاء ليها فروض حياتيه

بصي يا زهرا هقولك حاجه

بعد ما ساااره وبكل شجاعه لا اخجل منها

انسحبت وقررت واستعجلت الرحيل

كنت فاكر اني هموت من غيرها
وانها اسودت وجابت اخرها

بس اقسم بلله اقسم بلله اقسم بلله

في اللحظه اللي بكلمك فيها

عااااااااااااااااااااااااااااادي

مش نسيتها نهائي ولا ابقي كداب

بس معادش بيقتلني الحنين

قررت ابص لقدام وافتكر الماضي عشان اشوف ايه كانت عيوبي

مش حسانتها

افتكر اخطائي عشان احافظ علي اللي باقي

اشوف بانصاف انا غلطت في ايه وليه

عشان مغلطش واقع فيه تاني

انما هفتكر واعيط واقول ليه بيفكروني عنيك ليه بيكلموني عليك
احط نفسي بقي في بير وادفن نفسي
ولذلك قررت اجمد واعيش واتعامل مع ماضيا بشيء من الحنين لا اكثر
وعلي راي المتنبي
ونفسي التي تملك الاشياء ذاهبه فكيف ابكي علي شيء اذا ذهب

طولت وكتبت بوست عندك
وممكن اساسا يكون تعليقي خارج اطار بوستك مش عارف

ذكري رحيل قلم 7 مايو 2010 4:17 ص  

السلام عليكم

ممكن اكيد وربنا يذيد من نقاء سريرتنا وقلبنا ويبعد عنا كل شر وناس الشر
ربنا يهدي من ظلم ويعوض كل مظلوم

تحياتي

هيثــم رمضـــان 7 مايو 2010 5:59 ص  

خبرة الحياة ..خبرة الحياة هي خلاصة المواقف اللي الواحد مر بيها في حياته المواقف بمختلف أنواعها وكمان الناس اللي أتعامل معاهم بمختلف أنوعهم كل اللي شافه في حياته من خير وشر بيكونوا عنده حاجه إسمها الخبرة اللي بتساعده بعد كده- كلاً علي حسب خبرته- في التعامل في المواقف المستقبلية ومع الناس بمختلف أنواعهم وكمان يقدر يساعد الناس القريبين منه أصحاب الخبرات القليلة يعني لو حد ما مرش بالمرحله دي أو مر بيها بس مرور الكرام من غير ما يركز في اللي بيحصله في حياته هيبقي ماعندوش خبرة وماعندوش وجهة نظر بتتكون من الخبرة في الحياة.

يعني الخلاصه لازم الواحد يقابل ويعرف ويتعامل مع الخير والشر لأن الخير والشر مقترنين بوجود الأنسان منذ بدء الخليقة عندما تمثل الشر في إبليس عدونا الأول وبعدين بدأ يعلمه لينا من أول ولدي أدم لما قتل الأخ أخوه وسيظل موجود حتي نهاية الدنيا ولكن بيقابل هذا الشر الخير فكما قال صلي الله عليه وسلم" الخير في أمتي إلي يوم الدين " أو كما قال ..صدق رسول الله صلي الله عليه وسلم

ومن هنا نعرف إزاي ننشر الخير ونقاوم الشر بأستخدام خبرتنا في الحياة وهو الأمر بالمعروف والنهي عن المنكر.

تسلم إيدك يا زهرا علي أفكارك الجميلة

تحياتي

مهموهـــــــة 7 مايو 2010 11:55 ص  

اللي ممكن في حياتنا حاجات كتييييييييييييييييييييييييييييييرة اوي اوي اوي
لا تعد و لا تحصى

لكن اللي اكيد في حياتنا هي حقيقة واحدة ( ربـــنـا )

فكرتيني باغنية خالد عجاج حقيقة واحدة

قعد يقول ممكنات كتير بردو
لكن اخر جملة في الاغنية كانت الاروع

يعني مفيش في الدنيا الا حقيقة واحدة
( ربــــنــا )


ربنا يرحمنا يا رب و يعوضنا خير عن الدنيا و بلاويها يا رب

وحشتيني اوي يا زهراء يا قلبي
و بجد بوست فوق الوصف عجبني اوي
و خليتيني اشغل الاغنية اسمعها لاني بحبها اوي

اموااااااااااااااااااااه

ليله شتاء 7 مايو 2010 4:54 م  

السلام عليكم ورحمه الله وبركاته
ليس كل ما يتمناه المرء يدركه أكيد

محاولات كسر القلوب ممكنة

أن لا نجد من يخفف جروحنا وألمنا ممكنة

الخيانة وهى القدر الممكن والأكيد

وجود أصحاب القلوب النقية الصافية أكيييييييييد

وأكيد كلمات الحق هى المسموعة ولو بعد امد بعيييييد

دمتى بموضوعاتك المتميزة

ليله شتاء 7 مايو 2010 4:56 م  

زهراء
فى حوارى معاكى تعلمت منك أحترام كل من يخط بحرف فى مدونتى كامل الاحترام والتقدير
مبسوطه أوى أوى بكلامك معى ومبسوطة بأكتساب صديقة جميييييلة مثلك

ربنا يديم حياتك بكل سعادة

جارة القمر 7 مايو 2010 5:21 م  

كل حاجة بحياتنا ممكن تتغير للأحسن

وأكيد مش حنكرر تصرفنا الغلط مرة تانية

بكل الحب انتي رائعة

ريمان 7 مايو 2010 7:28 م  

والله بجد بوست جميل جدا

وعجبنى جدا نظرتك للحياه

زى ما فيه الوحش فيه الحلو

وزى ما فيه الشر وان كان كتر اوى فى الزمن ده بس برضه لسه فيه خير


تحياتى بجد ليكى ولقلمك ولاسلوبك الجميل

زهراء 7 مايو 2010 10:05 م  

إمرأه من ثلج
-*-*-*-*-*-*-*

فطوووووومه
الحمد لله كله تمام
ربنا يعزك على كلامك
ان شاء الله فى اقرب فرصه نتعرف وليا الشرف طبعا

زهراء 7 مايو 2010 10:09 م  

صيدلانيه طالعه نازله

-*-*-*-*-*-*-*-*-*-*

دكتوره علاااااااااا

تمام حلو اوى كل اللى ممكن اللى انتى قولتيه
الاكيد يا علا فى هذا الزمن ان الخير موجود يمكن قليل بس موجود
ساعات بتمر علينا لحظات نفتكر ان الممكن ممكن يتحول فى لحظه الى اكيد لكن رحمة ربنا اوسع من كل شء واى شئ ....


طبعا بعد كل ممكن فيه اكيد
بعد الصدمه اكيد فى درس نتعلم منه
اكيد بعد الجرح هنلاقى اللى بيمد ايده علشان يساعدنا نفرح


كلامك بجد اكتر من رائع
الخير ان شاء الله اكيد فى حياتك جاى ...

تسملى على ردك شرفتى ونورتى

زهراء 7 مايو 2010 10:10 م  

خواطر شابة

-*-*-*-*-*-*

نــــــوجــــــا

فعلا كلنا نتأرجح بين الممكن والاكيد
وحياتنا ما هى غير ممكن 0000 اكيد

دمتى بكل سعاده وهنا

زهراء 7 مايو 2010 10:11 م  

كيكى عوووووو

-*-*-*-*-*-*--

والله الخير موجود بس زى ما تقولى كده الشر بقى كتير اوى الايام دى وبيكون باين اوى على السطح لكن اكيد ان الخير موووووجود

زهراء 7 مايو 2010 10:13 م  

أحمد الصعيدي
-*-*-*-*-*

يااااااااه صعب اوى انه يتحقق ممكن ده واتخدع فى اقرب الناس

فعلا كل واحد فينا شايف الدنيا من وجهة نظره هو وبقلبه هو اللى نقى او اللى لونه مش باين هو ايه

تحيه على ردك واسلوبك

دمت بكل خير وسعاده

زهراء 7 مايو 2010 10:15 م  

star in the sky
-*-*-*-*-*-*-*

يا هلا بالنجمه العاليه فى السماااا

ممكن برضه تصحى تلاقى التدريب اتلغى

ممكن تعملى كل حاجه تتمنيها وممكن كمان كل الحاجات اللى بتقولى عليها ممكن فجاه تبقى اكيييييد ...

الاكيد فى حياتك ان كل حاجه ممكنه ممكن انها تتحقق واكتر منها كمان
خلى بس عندك امل ان ربنا اكيد ان شاء الله هيحقق لكى كل احلامك ودى الحاجه الاكيده اللى فعلا متأكده منها

شرفتى ونورتى سعيده بكلامك جدا جدا

زهراء 7 مايو 2010 10:20 م  

فاتيما

-*-*-*-*

ايه النور ده كله يا هلا ... يا هلا


بجد احرجيتنى بذوقك وبكلامك ووشى بقى احمر كانه بيشجع الاهلى رغم انى زملكاويه بس ده سر بينى وبينك يعنى ....
مش متميزه ولاحاجه انتى عيونك وعقلك حلو اوى وبيشوف بين العبر والجمل



عارفه يا فاتيما كل حياتنا هى بين ممكن واكيد ....

تماموووووز كلامك


انتى عارفه ان كل ممكن فى حياتنا ممكن يتحول الى اكيد
رحمة ربنا اوسع من اى شء وده الاكيد

الاكييييييييد انى باكون فرحانه بتعليقك
الاكيد انى تشرفت بكلامك ومعرفتك رغم انها معرفه على المدونات فقط لكن الاكيد انى احترمك واحبك فى الله

ربنا يجعل كل حياتك خير اكيد

زهراء 7 مايو 2010 10:27 م  

سندريلا

-*-*-*-*-*

احلى واغلى ساااااااااندى فى الدنيا
انتى يا قمر تشرفنيا حتى لو كان تعليقك رقم 1000
عارفه انه مش حسد ياريت كل الناس قلبها زى قلبك الابيض الجميل

مش مهم الفارس يجى على عجله او على رجليه المهم انه يجى زى ما رسمته ...


ياااااه يا سندريلا على الجمله دى

"ممكن اوي تصدقي حد اوي ويطلع كداب
ممكن تفتكري حد صاحبك وعاوز مصلحتك وفجأه تلاقيه المادة الخام للغدر والخيانه "

انتى عارفه اننا تقريبا اتعرضنا لنفس الموقف من نفس الاشخاص


عارفه طبعا انتى بتتكملى على ايه حتى من غير كلامك فاهمه اوى مشاعرك ..


يارب كل ممكن حلو فى حياتك يبقى اكيد حلو لانك تستاهلى كل خير كفايه قلبك واخلاقك ....

ان شاء والله هتشوفينى فى السايت نفس طلب احمد انا عن جد مش عارفه ايه اللى بيحصل ومش بادخل ليه ربنا يسهل

المايك هينور طبعا وفى انتظار المفاجاه كل حاجه منك حلوه اوى اوى

عاوزين نشوفك في السايت يا بطة وعلي




انتى اللى وحشانى اوى اوى اوى
كل حرف بتكتبى فى اى مكان اهتم انى اقراه بكل عنايه لان عقل وقلب ساندى هو اللى كتبه

نورتى يا قمر

زهراء 7 مايو 2010 10:29 م  

مجرد حلم صغنتوت

-*-*-*-*-

والله مش اقصد انى اجى على اى جرح
سورى بجد مش اقصد


ان شاء الله الاكيد ان الخير جاى
الاكيد ان الفرح قادم بمشيئة ربنا
الاكيد ان شاء الله عن قريب هيبقى فى كومنت عندنا يتقال فيه ان الخير جه

ربنا يفرح قلبك ويسعد ايامك

زهراء 7 مايو 2010 10:31 م  

مرايتى

-*-*-***

ربنا يحفظك وتسلمى على كلامك
رغم ان عدد الجمل قليله لكنها تحوى الكثير والكثير من المعانى الجميله ..

زهراء 7 مايو 2010 10:33 م  

شذا الروح

-*-*-*-*-**

صح الكلام عجبتنى اوى الجمله دى

"اقصد انه من لايمر بالغدر اذا هو الغادر "



بصراحه فكرت فى معظم ما يمر بالبشر على اختلاف طبقاتهم وكتبت هذا البوست علشان كده لازم تلاقى ان كل واحد فينا مريت فى حياته ممكن او اكيد مما ذركته


اشكرك يا شذا على كلامك
بارك الله فيكى

زهراء 7 مايو 2010 10:37 م  

هي وظروفها

-*-*-*-*-*

وليدووووووووو

قرات كل حرف باهتمام بالغ
رغم انى شعرت فى بعض اللحظات انك كنت بعيد عن البوست ارجع تانى واكتشف ان هناك ربط خفى بين الكومنت والبوست

اشعر بمدى عقلانية كلامك

بالفعل كل الافتراضات قابله للتحقق
كل ممكن فى لحظه ممكن يبقى اكيد


انت عارف يا وليد لو انا خسرت انا يبقى خلااااااص نقطه وانتهى الدرس وانا كمان انتهيت مع الدرس وفى الحياه كمان ....

عارف يا وليد فرحانه اوى بكلامك وبشجاعتك وبثقتك فى نفسك

ربنا يكرمك ياااااااااارب

زهراء 7 مايو 2010 10:38 م  

ذكري رحيل قلم

-*-*-*-*-*

رهــف

وعليكم السلام ورحمة الله وبركاته

ارفع اكف الضراعه الى الله واكرر دعائك
وازيد عليه ربنا يسعدك ويفرح قلبك

زهراء 7 مايو 2010 10:41 م  

هيثــم رمضـــان
-*-*-*-*-*-*-*-*


تماموووووز يا هيثم ممكن واكيد هو ما نحصل عليه من خبرة الحياه

طول ما احنا عايشين هنشوف ناس ونقابل ناس ونتعرف بناس ونتخدع فى بعضهم وممكن نخدع كمان ايه المشكله ...

اصناف والوان من البشر قد نقابلها فى حياتنا بين ممكن .... اكــيد


انت اللى تسلم على ردك
عن جد اتعلم من كلامك واشعر بمدى عمق ثقافتك ربنا يحفظك يارب


بتشرفنى بتواجدك

زهراء 7 مايو 2010 10:44 م  

مهموهـــــــة

-*-*-*-*-*

مهـــــــــا

وحشااااااااانى جدا جدا

فعلا كلامك صح
على فكره النهارده طول النهار باسمع اغنية حقيقه واحده لانى باموووووووت فيها برضه
فعلا صدقتى فيما قولتى ان الاكيد فى حياتنا هو وجود ربنا سبحانه وتعالى والممكن هو كل شء عدا ذلك


شوفتى بقى انى كنت اتناقش معاكى فى ممكن وممكن وكنت بافكر فى البوست ده
الحمد لله انه عجبك

عن جد بافرح بكلامك الجميل اللى زيك بالضبط

زهراء 7 مايو 2010 10:45 م  

ليله شتاء
-*-*-*-*

احلى ليله من ليالى الشتاء الجميله


وعليلكم السلام ورحمة الله وبركاته

تسلمى على كل ممكن واكيد ذكرتيه

كلامك اكتر من رائع بجد

شرفتى ونورتى

زهراء 7 مايو 2010 10:47 م  

ليله شتاء

-*-*-*-*

يا خبر على كلامك يا ليله

هو المفروض فعلا ان اى حد بيدخل يكتب كلمه حتى لو نقد لازم ارد عليه
لانه حد اخد من وقته علشان يقرا كلامى ويرد عليه

انا اللى فرحانه اكتر انى اتعرفت على حد جميل اوى زيك

زهراء 7 مايو 2010 10:48 م  

جارة القمر

-*-*-*-*-

يا هلا ... يا هلا ....

فعلا كل حاجه فى حياتنا ممكن تتغير الى الافضل ...
نتمنى ان كل حاجه مريت فى حياتنا نتعلم منها

شرفتى ونورتى يا احلى جاره للقمر

زهراء 7 مايو 2010 10:50 م  

ريمان

-*-*-*
ريرى

الحمد لله ان البوست عجبك ونظرتى كمان عجبتك 00000



ربنا يحفظك وباشكرك على كلامك الجميل اللى زيك بالضبط

شرفتى ونورتى

Timo.. 8 مايو 2010 3:33 ص  

كل شيء في الدنيا دي ممكن..
والاكيد حاجة واحدة بس...الموت..!!
وعشان كده بيبقى صادم لينا..مع انه (اكيد)...!!

Haytham Alsayes 8 مايو 2010 5:59 م  

السلام عليكم

وهكذا الدنيا يازهراء فيها كدة وكدةولازم نستحملها عشان نعرف نعيش

تحياتي علي طرح الفكرة

فكرة من الزمن ده 8 مايو 2010 6:01 م  

زهورة الشطورة
الاول اعتذر عن غيابي الكتير
لكن ده حالةنفسية غريبة ليس لها تفسير عندي
بعدين ايه الافكار اللي بتجيبيها كل مرة
تسلم ايدك
واكيد بتتارجح حياتنا بين الشك واليقين في كل حاجة في الحياة نشك في شيء معين
والايامتاكد لنا او تنفي
ونبقى متاكدين من شيء معين
وتثبت لنا الايام غلطنا وعبطنا

تسلم ايدك يازهورة
بس فين لولا لوس محتي طمنيني عليها
تحياتي

momken 9 مايو 2010 12:13 ص  

ازيك يا زهراء

كالعاده طريقتك هايله واختيارك للموضوع متمز ومتفرد جداً
لا ينافسك احد فى طريقه العرض واباع الموضوع

وانا ارى ان الممكن هو ما نحاول ان نصل اليه بطموحنا وبتوفيق الله لنا
ودائنا المستمر بان ييسره الله كى يكون موجوداً

الممكن هو مانتمنى وجوده وتوافره

اما الشىء المؤكد فهو ما حدث وانتهى
ههو دروب الماضى التى قدها الله واصبحت حتميه

الممكن والاكيد ليسوا اضاد ولا متناقضان
وانما هما وجهان
للمتاح والمرغوب

بوستك رائع فعلا
تسلم ايدك


كل دى ممكن

دانا ممكن ادفع كتير اوى فى البوست ده



تحياتى

زهراء 9 مايو 2010 1:55 ص  

Timo..

-*-*-*

تيـــمو
يا هلا .. يا هلا

الموت هو الحقيقه الواحد فى حياتنا مش الحاجه الاكيده وبس
شرفت ونورت

زهراء 9 مايو 2010 1:57 ص  

Haytham Alsayes
-*-*-*-*-*-*-*-*

هــيثم

وعليكم السلام ورحمة الله وبركاته

صح كلامك الدنيا فيها اللى ممكن واللى اكيد ونتارجح بين هذا وتلك


بتنورنى بجد وبتشرف بكلامك

زهراء 9 مايو 2010 2:00 ص  

فكرة من الزمن ده

-*-*-*-*-*-*-*-*

فكــــوره الامــــــوره

مافيش اعتذار بين الاخوات
يافكروه ربنا يفرح قلبك ويسعد ايامك وتبقى منوره كده على طول
الاول لولا تبغلك سلامها هى والله عندها مشكله فى النت وده اللى مانعها انها تظهر لكن ان شاء الله راجعه عن قريب ببوستات تحفه بجد واريحكم منى شويه بقى اكدي زهقتم من البوستات الغريبه العجيبه بتاعتى ....



لازم اشكرك على كلامك ومدحك الزياده فيا اوى ده
طبعا ابناء بلد واحده
كلامك صح حياتنا هى دائره بين الشك واليقين

اتمنى لكى سعاده على الدووووووووام

زهراء 9 مايو 2010 2:09 ص  

momken
-*-*-*-*

ممـــــكن

الحمد لله انا بخير

اشكرك على اطرائك على كلامى ده من بعض ما عندكم يا فندم


الممكن هو ما نحاول ان نصل اليه وقد يصل الينا بطريقه الصدفه ...

نحن بطموحنا نحاول ان نصل من ممكن الى اكيد .....


ممكن قد يكون حلم او امل فى شئ ما ونسعى جاهدين ان نحوله الى اكيد فى حياتنا
الاكيد هو ما كتبه الله سبحانه جل فى علاه علينا وممكن يكون القدر هو ده الاكيد ...


لم اقل ان ممكن هى ضد اكيد
كنت عاوزه اوصل فكره من البوست ان الحاجات السيئه فى حياتنا هى مجرد ممكن حدوثها او لا ام الحاجات الجميله فهى الاكيده فى حياتنا ....


اشكر على رايك ....

شوفت بقى كام ممكن فى البوست
ههههههههههههههه

اللى عاوز يشترى بوست مش يعرض التمن علشان افكر لو كنت ابيعه او لا ;;)

البوست ده ممكن ابيعه بالدولار وممكن باليورو بس الاكيد انه غير قابل للبيع

تحياتى

الحب الجميل 9 مايو 2010 2:46 م  

السلام عليكم
ممكن ....... أكيد كل شىء فى عالمنا هذا .
بوست جميل وألى الأمام دائما
وأود زيارتك لمدونتى الجديدةوالتشجيع ويسرنى دوام التواصل بأنسانة مثلك لما قرأتة عنك فى تعليقات بعض أصدقائك .
دومتى بخير وسعادة.
الحب الجميل

miroooo 9 مايو 2010 4:04 م  

السلام عليكم
ازيك يا زهراء ؟ وحشتونى والله كتير اوى
البوست جميل جدا كالعاده وحلو اوى الامل اللى فيه احب اقولك بقى عن الممكن والاكيد فى حياتى
ممكن اتخدع فى ناس كتير بسبب طيبتى
ممكن اكون ساذجه زياده عن اللازم
ممكن اكون قابلت الشخص الغلط وافتكرت انه بيحبنى
ممكن اكون انسانه كويسه زى ما الناس بتقول عليا
ممكن اعمل حاجات غلط انا مكنتش اتوقع انى اعملها
فى ممكن كتير اوى والله خلينا فى الاكيد

اكيد ربنا هيهدينى واتقرب منه زياده عن كده
اكيد ربنا شايلى الخير
اكيد هاقابل الانسان اللى يستحقنى
اكيد انى اتعرفت عليكم وحبيتكم جدا وبقيت مش قادرة استغنى عن وجودكم
اكيد انى سعيده بزيارتى ليكم وانى واحده من صديقاتكم
اكيد انى بحبكم اوووووووى
تسلم ايدك يا زهراء
سلامى للولا

ليله شتاء 9 مايو 2010 8:27 م  

عليكى التوجه سريعا الى مدونتى وتنفي ها الواجب

ghada mOhsen 10 مايو 2010 7:11 ص  

هلا زهراء الجميله ...

طبعا إسلوبك كتير حلو ماشاء عليكي
وإختيارك للموضوع أحلى ...

أنا راح أقول بإختصار ...
إن طول ماعندي أمل بربنا وثقه فيه يبقى كل شي في حياتي أكيده
يمكن راح تقولي إني ببالغ شوي .. بس بجد هي دي الحقيقه ...

طول ماأنتي حاطه شي في بالك تأكدي إنك هتلاقيه بأذن ربنا ...

أنا ماليش في الممكن :) ...

بجد تسملي وسلامي ل لولا

... ;) ,,, ;) ...

محمد فؤاد (صاحب عمود النور) 10 مايو 2010 11:22 ص  

خط رفيع بين ممكن واكيد
فلحظة لشئ الممكن يتحول لاكيد
زى
ممكن البنت دى تكون بتبادلنى نفس الشعور وفى ليلة وضحها تعرف انها بتحبك واصبح احساس الشك دا مؤكد
ممكن= اشك
اكيد=واقع حقيقى
بحاول احول الممكن الى اكيد بس لسه ماكتبتش المعادلة

بجد فكرة عاااااااااااالية جدااا يا تيمو

زهراء 10 مايو 2010 12:02 م  

الحب الجميل
-*-*-*-*-

وعليكم السلام رحمة الله وبركاته

اشكرك على كلامك الرقيق اللى اكتر من رائع
ان شاء الله جارى زياة المدونه

شرفتى وان شاء الله نتبادل الزيارات
اتمنى لكى السعااده الدائمه

زهراء 10 مايو 2010 12:09 م  

miroooo

-*-*-*-

ميروووووووووووووووووو


وعليكم السلام ورحمة الله وبركاته

انتى اللى اجمل يا ميرو ...

حلو اوى الممكن فى حياتك
بس الاكيد انك حد كويس اوى اوى

الاكيد انى احبك فى الله كثيرا
الاكيد ان الفرح هيزورك عن قريب ان شاء الله ....


ربنا يحفظك ويسعدك وجارى توصيل السلام للولا ان شاء الله

زهراء 10 مايو 2010 12:12 م  

ليله شتاء
-*-*-****

جارى تنفيذ الواجب ان شاء الله اول ما ترجع لولا

اشكرك على ذوقك
ص

زهراء 10 مايو 2010 12:19 م  

ghada mOhsen
-*-*-*-*-*-*

اهلا بالقمر غاده

الله يكرمك على ذوقك وادبك واخلاقك


الحقيقه يا غاده ان الواحد طول ما هو عايش عنده امل فى ربنا وفى رحمته اللى وسعت كل شئ .....


بجد فرحانه بكلامك اوى
ربنا يحفظك ويكرمك ويحقق لكى كل احلامك

زهراء 10 مايو 2010 12:25 م  

محمد فؤاد (صاحب عمود النور)

-*-*-*-*-*-*-*-

مـــحمــــد

انت عارف انك فكرتنى بالتتر بتاع مسلسل قلب ميت رغم انى مش اطيق المسلسل
مابين الجُبن وراحة البال يادوبك خيط ....

الاكيد انى اتمنى لك حياه كلها فرحه وسعاده وحب وخير ......

الاكيد انى كسبت حاجات كتير من عالم التدوين بس بكل تأكيد ان من الجمل الحاجات انى كسبت صديق واخ هو انت

ان شاء الله المعادله تكمل وكل حاجه حلوه فى حياتك تكون اكيد

اميرات الاسرار 10 مايو 2010 6:06 م  

بجد كلامك جميل اوي واسلوبك رائع كمان

والموضوع واقعي جدا

ربنا يوفقك يارب

فاتيما 11 مايو 2010 10:47 ص  

صباح الخير علي الجميع

يا جماااااااعة
أنا بعتذرلكم بشدة
لأن حد ابن حلال
دخل مدونتى
و بعت لينكات
و نشر بوست بشع عليها
و أذى مشاعركم
و عيونكم


انا شيلت الحاجات
دى خلاص

و حطيت بوست جديد
عشان اشرح فيه اللى حصل
بس مش راضى يطلع ف الريدر


معرفش ليه؟؟


المدونة شكلها
فيها مشاكل فنية


انا غيرت الباس ورد القديمة
لأنها كانت سهلة
و غالبا ابن الحلال خمنها
و تخمينها نجح
أخويا عملى باسورد
جديدة معقدة
و عالله اللى دخل دا
ميعرفهاش هيا روخرا


و أختكم بخير
متقلقوش
ماما بس جالها حالة هلع
و عشان كدا
مش هفتح المدونة تانى
الا لما أعرف اصلح اللخبطات دى


الناس اللى إتبعتلها لينكات منى فيها سخافات
معلش .. بجد معلش


و عاوزة أشكر خيخة جدااااا
و علا صيدلانية طالعة نازلة
و بطوط حبوب و خالد همس
و د.ستيتة و وندا
و كل حد نبهنى و كلف خاطره يتصل
من الساعة اربعة الفجر
لحد كتابة التعليق دا

منحرمشى منكو

وأسفة للمرة التانية

Ms Venus 11 مايو 2010 4:41 م  

زهرااء

اولا العنوان جميل اوى ومعبر جدا

والبوست نفسه فكرته جميلة

صحيح هى دى الحياه


ممكن نتعب بس اكيد هنرتاح


ممكن نلاقى الغلط فى وقت بس اكيد الخير هيسود


ممكن واكيد


تحية ليكى يا قمر

ووردة لعيونك

زهراء 12 مايو 2010 11:45 ص  

اميرات الاسرار

-*-*-*-*-*-*

يا اهلا باحلى واجمل اميرات للاسرار فى الدنيا كلها

بجد انتم اللى كلامكم وذوقكم عالى اوى اوى
بتشرفونا وتنورنا

زهراء 12 مايو 2010 11:53 ص  

فاتيما
-*-*-*

احلى فاتيما
صباح الفل على احلى فطومه
ياست الكل ماكنش فى اى داعى لكل الكلام ده كله .....


المهم اننا نطمن عليكى ربنا يحفظك

زهراء 12 مايو 2010 11:59 ص  

Ms Venus

-*-*-*-*

اهلا يا ارق فينوس ....

تسلمى على كلامك .....

فعلا هى دى الحياه بين ممكن واكيد ...


نورتى وشرفتى

حصان المرجيحة 12 مايو 2010 12:28 م  

بجد الموضوع ده كاني انا اللي كاتبه
لانك كتبتي حاجات كتير عايز اقولها
بجد تسلم ايدك
تقبلي مروري

حـــــ الــجــنــة ـــــور 12 مايو 2010 9:33 م  

سلام عليكم

أكيد بنحب بس ممكن حبنا ميكملش
أكيد بنحس بس ممكن إحساسنا مابيبنش
أكيد بنفارق بس ممكن لقانا مايتعوضش
أكيد في ممكن وممكن في أكيد...

بجد أسلوب راقي ياقمر دمتي في تجدد

تحياتي وتقديري لكي


دمتي بخير وود

طالبة مقهورة ..درجة أولى 12 مايو 2010 9:46 م  

زهراااااء ولولا

وحشتوني يا عساسيل

مكنتش لاقية وقت اظبط حتى مدونتي كانت بتكتب لوغاريتمات بعدي عنكوا ^_^


سيبك م الرغي ده
___________

ايه يبنتي الكلام الجامد ده...تعرفي حسيت بمشكلة بتحصل عندنا ف المدرسة اكيد سمعتي عنها لانها انتشرت اوي ف الجرايد وبدأ الكل يفقد ثقته ف التاني ..معنى اننا فقدنا الثقة والايمان

اننا متنا بالحيا
_____

انا مش بقيت اشوف لولا خااالص:(
هيا كويسة ولا ايه اخبارها..سلميلي عليها كتير اووووووي اوووووووي

وكمان ضروري هعدي هنا اول ما اقعد ع النت تكوني طمنتيني

وده ايميلي لو تحبي تضيفيه عندك
lonely_cinderella1@yahoo

زهراء 13 مايو 2010 10:42 ص  

حصان المرجيحة

-*-*-*-*-*-

اســـــــلام

يشرفنى طبعا ان الموضوع عجبك وكأنك انت اللى كاتبه مافيش اى مشاكل

ممكن اشيل اسمى من عليه ;)


اشكرك على المرور شرفت ونورت

زهراء 13 مايو 2010 11:07 ص  

حـــــ الــجــنــة ـــــور
-*-*-*-*-*-*

وعليكم السلام ورحمة الله وبركاته

انتى اللى اسلوبك اكتر من رئاع تحفه بجد

عجبنى اوى ممكن واكيد بتاعتك

ان شاء الله تتكرر الزيارات فى انتظار تشريفك على الدواااااااااام

زهراء 13 مايو 2010 11:10 ص  

طالبة مقهورة ..درجة أولى

-*-*-*-*-*-*-*

رضوووووووووى

وحشاااااااانى جدا جدا
مدونتك دى عملت فى دماغى هسهس وقلق لدرجة انى تقريبا شكيت انى اتعلمت لغه عربيه اصلا ....


انتى عارفه باموووووووووت فى رغيك

لا كلام جامد ولا حاجه انا حاسه ان مواضعيى بقيت كئيبه كده وتوجع القلب والدماغ ....
لولا عندها مشكله فى النت وان شاء الله راجعه قريبا جدا جدا

تمت الاضافه وشرفتينا بالايميل بتاعك يا احلى رضوى


ذاكرى كويس ممكن يكون لا طبعا مش ممكن ده اكييييييد

love is life 13 مايو 2010 8:06 م  

السلام عليكم
بصراحه دى اول زياره ليا لمدونتك
انا بعتبرها مدونه رائع اسلوبك جميل
جدا ومواضيعك رااااااااائعه بجد
تسلمى ويارب دايما نشوف مواضيع احسن

لـــولا وزهراء 15 مايو 2010 11:25 ص  

love is life

اهلا بيك فى اول زياره
اشكرك على كلامك

ان شاء الله تتكرر الزيارات
دمت بكل خير وسعاده


Free CursorsMyspace LayoutsMyspace Comments

    © بالحب اتجمعنا. Friends Forever Template by Emporium Digital 2009

Back to TOP