كــذب المنجمون ...

>> الأحد، 26 أبريل، 2015



فى جمله من زمان اتعلمتها بتقول

كذب المنجمون لو صدقوا واحيانا تتقال لو صدفوا

كل واحد فينا عاوز يعرف بكره جاى معاه ايه

خير او شر ... اخبار حلوه او مش تمام 

عشان كده احيانا يلجأ البعض للمنجمين

اللى يفتح الكوتشينه واللى يقرأ الفنجان

ولأن الموضوع تطور شويتين تلاته 

واصبح الموضوع بيتعمل اعلانات ومش عارف مركز مين

وبيعمل ايه ويصلح العلاقات ويرد المطلقات 

حاجه اخر هبل .. اه والله هبل وعبط كمان

 هاحكى  لكم  تجربتى مع الكوتشينه والفنجان 

 من حوالى عشر سنوات او اكتر

اتعلمت  فتح الكوتشينه من احد المعارف

واكتشفت ان الموضوع نصب فى نصب 

لان اللى علمنى قالى انه بينصب على اصحابه ومعارفه

وبدات من اصدقائى وطبعا انا عارفه كل واحد فيهم عاوز ايه

 احلامه وامنياته لبكره واشتغلت على الوتر الحساس

جربت طريقة التأليف والحوار والسيناريو هههههه

وللاسف كانوا بيصدقوا اللى باقوله 

ونفس الهبل اللى عملته مع الكوتشينه عملته فى قراءة الفنجان

امسك الفنجان اطيل النظر فيه 

واللى عاوزه تتجوز اقولها فى عريس

واغنى بقى واقول شوية كلام على نفس الموضوع

الكارثه بقى لما بنت عمى جه لها

 عريس بعد ما قرات لها الفنجان بيومين

والخيبه الكبيره انى قولت لها حد

 من عيلتك جاى ومعاه عريس

وقد كان خالها جاب لها عريس

هنا بدأت بقى تذيع انى باعرف الطالع

وقتها قررت انى اتوقف تماما

خوفت ... اه خوفت لان الموضوع هزار

وفى يوم وليله قررت انى ابطل العبط ده كله 

ولكن ... تيجى لى صديقه تبكى جاى لها عريس

وعاوز تعرف الكوتشينه بتقول ايه ...

يا بنتى حرام ... والله انا كذابه ... مش باعرف

المهم عيطت وانا قلبى ضعيف بقى ...

وفى يومها بعد ما خلصت نزلت اروح مشوار

وبافكر فى اللى حصل وفجأه ...

تطلع لى عربيه نص نقل فوق الرصيف

وتخبطنى فى دراعى ... حسيت انها رساله من ربنا

انى لازم ولابد امتنع عن الحوارات دى

الحمد لله الحادثه مرت بسلام

رجعت البيت رميت الكوتشينه

وامتنعت عن شرب القهوه 

كل الرغى اللى فات معلش 

بس عن جد كان لازم اقوله 

عشان نتعلم ان الموضوع كذب وهبل

وماحدش يجرى ورا الموضوع ده خالص مالص 













Read more...

كــلام بنــات ....

>> الأحد، 19 أبريل، 2015





ازاى كنت خايفه من الحب  ؟؟!!!! ....



 اجمل ايام حياتى عشتها معاه ولسه عايشه فيها ....



 شكلى اتغير .... صوتى ... كل حاجه فيا اتغيرت



 وكأنى بقيت انسان تانى .... بيكمل كل كلامى ....



 قبل ما اطلب منه الحاجه بيحققها ....



 فاهم دماغى وعارف يحتوى افكارى ....



 ساعات باحس انه اتربى معايا ...



 نفس الافكار اللى مؤمنه بها ....



 نفس الكلام اللى باقوله ....



 توائمى اللى كان تايه منى ♥♥ 




*************************************************




لما حصل الطلاق بينا كنت فاكره انها نهاية الكون ...



 وكل شويه اتخيل ازاى ابننا هيتربى بعيد عن ابوه 


وكأنه يتيم ...


وفجأه ..... 



اكتشفت انى لما خسرته كزوج كسبته كصديق ... 



اهلى واهله مش قادرين يصدقوا اننا انفصلنا


 لاول مره احكى معاه بكل حريه ....



 اخد رأيه فى كل تفصيله فى حياتى ...



 وهو كمان بيحكى معايا كل كبيره وصغيره فى حياته ....



فى رجاله كده مش تنفع تكون ازواج ...



 لانهم مش بيعرفوا  يشيلوا مسئولية نفسهم ... 



ازاى يقدروا يشيلوا مسئولية حد تانى  ......



***********************



انا مش عاوزه رجل فى حياتى


اكتفى بنفسى فقط ... ليس هناك مكان لرجل داخلى


لا أريد ان اتعذب ... لا اريد لأحدهم ان يخذلنى


كنت على طول لوحدى ... جه هو غير كل حياتى


فجأه انسحب وتخلى عنى وتركنى مره أخرى لوحدى 



***************************




مش عارفه ليه اتعلقت به ...



مش عارفه ليه مهتمه بحاله واحواله ..



 ليه باغير عليه ...


 هو ده الحب اللى بيتكلموا عنه


اشمعنى هو ؟؟



 ايه الميزه اللى فيه مش موجوده فى غيره ؟؟



 مش فاهمه علاقتى به !!!



 كل اللى متاكده منه انى على طول مشتاقه له ♥




***********************




عارفه حظى كويس اوى.... 



 عمرى ما حلمت بشئ حلو وحصل لى ابدا ...



عارفه انى لما احب الدنيا مش هتسبنى فى حالى ...



 لو فرحت يومين هاحزن سنتين ... تلاته



 ماحدش يقولى الحب تجربه ... جربى 



 كل حاجه حلوه فى حياتى عمرها قصير 



******************



دى شوية حكايات لبعض البنات سمعتها


بعضهم عاشرتهم والبعض سمعت عنهم


وهناك فى القريب كلام رجال  

Read more...

نــقطة رجــــوع ....

>> الاثنين، 13 أبريل، 2015





طبعا عنوان البوست غريب وعجيب 




على فكره ده اسم فيلم شوفته من فتره طويله 



كان بطولة شريف منير و نور


فى جزء من الفيلم بيحكى على فقد الذاكره



ياترى الانسان ممكن يبدأ حياته من جديد


فى حالة فقده للذاكره لا قدر الله



ياترى ممكن ينسى كل حاجه فى حياته السابقه


هينسى نفسه وكل الحاجات اللى كان بيحبها
 





عمرك تمنيت قبل كده انك تقفد الذاكره بجد



ياترى لو فقدتها فعلا 


ايه الحاجات اللى مش ممكن تنساها ابدا


ياترى فى اشخاص صعب انك تنساهم


 حتى لو فقدت الذاكره



معلش هو موضوع غريب شويه 



السبب انى كتبته انى من فتره كده


اقرأ فى موضوع فقدان الذاكره 



اتمنى ان الموضوع يعجبكم 


رغم انى عارفه انه غريب

Read more...

لــيس بقلمى ( 1 ) ....

>> الأربعاء، 8 أبريل، 2015



هذا البوست ليس بقلمى ولكن بأقلام

بعض الاصدقاء المدونين الذين ابتعدوا عن مدوناتهم

لا يربطهم سوى عشقى لكتاباتهم وصداقتهم التى اتشرف بها

هى محاوله لارجاعهم الى عالم التدوين مره اخرى 

وده هيكون البدايه وان شاء الله تتوالى البوستات 

دى مجموعه من حروفهم الرائعه على الفيس 

********************


أحيانا نولد فى مكان 

ولكن من يمتلك قلوبنا 

وتشتاق اليه أرواحنا 

فى مكان آخر 

فيا من تمتلك قلبى لك منى السلام 


*****************



شروخ إناء الحياه عند الناجحون

يتحول الشرخ الى حياه أخرى 


********************************




يا من تملكون ما لا أملك ...


أتملكون ضحكه كالتى أملك ... ؟؟؟


***********************************


ما أقبح الفقر

وما اجمل الفقراء 


************************************

عن جد أتقدم لهم بعميق الشكر

على منحى فرصة نقل كلماتهم الطيبه 

Read more...

أدركـــــــــــت ُ الآن ....

>> السبت، 4 أبريل، 2015








أدركتُ الآن



والآن فقط عرفت انك تحبنى 



أن اهتمامك بى وبأمورى لم يكن سوى حب 




ادركتُ الآن


اننى كنت مخطئه حينما بحثت عن الحب بعيد عنك 



أدركت ُ الآن



أن أجمل عبارات 
 الحب سمعتها منك 


و انها كانت لى ♥ ♥ ♥




أدركتُ الآن


ان فتاتك التى كنت تحدثنى عنها


هى انااااااا 




 أدركتُ الآن




حينما سألتك ذات مره اننى لم اتعرف على فتاتك




التى تكتب لها كلمات العشق ... 


 أدركتُ الآن




سر بسمتك حينما قلت لى
 



انها لا ترى بالعين ولكنها مثل الملائكه



 أدركتُ الآن




ان حبك لى لم يكن مجرد حب عادى


ان نظراتك ... بسماتك ... لم تكن سوى حب 




 أدركتُ الآن


اننى احـــــبـــك
 


 أدركتُ الآن


والان فقط اننى لم ارى مثلك فى حياتى 





 أدركتُ الآن


ان حبيبى هو انت 



Read more...

Free CursorsMyspace LayoutsMyspace Comments

    © بالحب اتجمعنا. Friends Forever Template by Emporium Digital 2009

Back to TOP