احاسيس

>> الاثنين، 16 ديسمبر 2013








ثمة شئ يخصك بداخلي... نبضة لقلبك .






اريد ان اغرق في بحر قلبك بموج عناق لا ينتهي .. حتى انتهي.






حلمت فكنت انت ..وحلمي القادم سيكون قطعة منك. 









انا بحـاجتك.. 






حينما اريد ان اختلي بنفسي .. اهرب من كل العالم بصحبتكِ انتِ.








اخبرته انها بحاجة للدفئ فأقتنى لها شالاً من صوف  ..

 لكنه لم يفهم  لما  استمر بعدها شعورها بالاحتياج ...!






حينما يلامس اناملها يشعر بشحنة هائلة  تسري منها لعروقه

 تروي ظمأ نبضاته العطشى للسعادة .







هي مازالت تحاول ان تقنعه ان نقاش اي خلاف حدث هو امر مهم لتنظيف مشاعرها السلبية تجاهه وان معرفة اخطاء كل طرف سيجنبهم في المستقبل تكرار الاخطاء فكيف لها ان تتعامل معه وبينهم حاجز يحول دون الوصول بينهم!!
وهو يحاول اقناعها ان تكرار فتح الموضوع هو بمثابة صورة ضخمة تحاول ان تجلس امامها طيلة الوقت دون حراك.

هو يحاول اقناعها ان فتح مواضيع الخلاف التي لم تحل هي بمثابة جرح قديم تحاول نهشه لينزف من جديد!
وهي تحاول ان تخبره ان الجروح يجب ان تنظف اولاً قبل ان تلتئم 
وما بين محاولاتها وقناعاته يحاولان ان يتلمسوا درباً من ضوء يجمعهم تحت بؤرته.





أحاسيس بقلمي (:   هبة مصطفى  .. لـــولا  

Read more...

حـــكايات بنات "4 "

>> الاثنين، 7 أكتوبر 2013

  
جائها من سفره البعيد تحمله الاشواق اليها ...

 رغم اجهاده الواضح على ملامحه

 إلا انه أبى ألا تفارق وجهه الابتسامه ..

 ملأ اذنيها عشقا وشوقا 

وملأ قلبها قبل ان يغادرها فرحا

تمنت لو انها تستطيع ان تدلك قدماه المتعبتين

 وان تمسح عن جبينه حبات اللؤلؤ المنثور

  تمنت لو انها تشد على يديه

 تقبلهما... وتمسح بهما وجهها ...

 تمنت ... وتمنت ....

 لكنها لا تستطيع لانه لم يصبح زوجها بعد ...







مش عارفه ليه اتعلقت به ...

مش عارفه ليه مهتمه بحاله واحواله ..

 ليه باغير عليه ...

 هو ده الحب اللى بيتكلموا عنه

اشمعنى هو ؟؟
 ايه الميزه اللى فيه مش موجوده فى غيره ؟؟

 مش فاهمه علاقتى به !!!

 كل اللى متاكده منه انى على طول مشتاقه له ♥






مشكلتى اننى قررت  احلم ...

 نعم كل ذنبى اننى حلمت ..

 حلم بسيط ان اتزوجه وانجب منه اطفالى ...

 رغم كونه رجل عادى بل اقل من العادى ....

 وعندما تحدثت معه بكل صراحه ...

قال بالفعل احبك ولكننى لا استطيع الزواج منك ...

تعجبت من جملته ...

 قال بكل صراحه عاوز ابناء وانتى سنك .... 

وعشان تبقى ام يبقى ....







عارفه حظى كويس اوى.... 

 عمرى ما حلمت بشئ حلو وحصل لى ابدا ...

عارفه انى لما احب الدنيا مش هتسبنى فى حالى ...

 لو فرحت يومين هاحزن سنتين ... تلاته

 ماحدش يقولى حاولى تجربى انك تدخلى فى تجربه

 كل حاجه حلوه فى حياتى عمرها قصير ....  






الحكايات المره دى ليست بقلمى

لكن باقلامهن ... من عشن هذه التجارب

الصور فقط من اختيارى : زهــــــــــراء

Read more...

حـــكايات بنـــات " 3"

>> الثلاثاء، 24 سبتمبر 2013











































الصور من اختيار : زهـــــــراء

انتظروا عن قريب الجزء التانى من رجال اقوال 

Read more...

رجـــــال أقــوال

>> الأحد، 15 سبتمبر 2013






لسه باحبها ... وفاكر كل حاجه حلوه معاها عشتها

 ولا ينفع افكر غير فيها 

 عارف انها فارقت الحياه بس لسه حاسس انها معايا 

 عايشه فى قلبى وجوه كيانى ...

 كل لما اتفرج على صورنا ابتسم والدموع بتغسل وشى 

 عارف ان المشاعر دى نسائيه...

 لكن اللى جوه فى قلبى مشاعر انسانيه

 لاغلى انسانه شافتها عنيا ...

 احن واحده فى الدنيا كانت عليا

 عمرى ما هاقدر انساها ♥

/********************

 فجأه ومش عارف ازاى لاقيت نفسى باحبها ...

 حكيت لها عن كل حاجه ...

 احلامى ... طفولتى ... عيلتى ...

 حسيت انى شبه شوال الدقيق المدلوق ...

 كل حاجه قولتها ماعدا ... انى خاطب ..

 ولما عرفت لاقيتها بتعاملنى بنفس الاهتمام

 والحب والمشاعر الصادقه ...

 لأننى انانى او هى بتقول على الرجل الشرقى انانى ..

 كنت فرحان انها فى حياتى ..

 باتعلم منها.. بتكملنى فى كل حاجه ..

وبتسمع كلامى فى كل حاجه رغم شخصيتها القويه ...

 اتغيرت فى حاجات كتير عشان خاطرها ...

 كان لازم اتمم زيجتى ..

 قررت انى انسحب وابقى ندل ... 

 كان لازم اكون بعيد ومن غير مقدمات او كلام ...

 عشان هى تقدر تواصل حياتها من غيرى ...

 انسحبت ...


***********


من اول مره شوفتها فتحت لى قلبها ...

 رغم انى كنت مستغرب منها ومن كلامها ورد فعلها

  لكن جوايا حاجه كانت بتحب تسمع منها ...

لا عرفت اقفل باب قلبها اللى اتفتح

 ولا عرفت ادخل جوه منه واستقر فيه ...

 ويمر الوقت ومشاعرى واقفه محلك سر ...

 لا عارف اتقدم واقرب منها ولا عارف ابعد عنها ...

*****************



باحبها ...

 بس خايف اقرب منها واقولها ... 

صديقتى الرائعه ... اجمل انسانه القدر وهبها لى

 حاسس انها برضه بتحبنى ...

 كل كلمه بتقولها بتحمل معانى كتيييييييير ....

 اهتمامها بيا ...

 سؤالها عن اسرتى او عليا 

خايف وقلقان اخد اول خطوه وارجع منها ندمان ...

 حاسس انها فاهمه ... بس.....

 مش عارف ألمح ليها او اصرح ليها ...

 لو رفضتنى صعب الاقى زيها واحده تانيه ...

 خايف افقدها كصديقه فى حياتى ...

 خلينا كده بنتفرج على بعض ...

 مش يمكن يجى يوم وهى اللى تصرح ليا ....

 يمكن ....







بعض من اقوال الرجال 

ربما سمعت من بعضهم والباقى اعرفهم وعاشرتهم


انتظروا الجزء التانى عما قريب

نقلت لكم الاقوال : زهـــــراء

Read more...

حـــكايات بنات "2 "

>> الاثنين، 2 سبتمبر 2013





















الصور من اختيار زهــــــراء

انتظروا عن قريب رجال أقوال 

Read more...

حكـــايــات بنـــــات " الجزء الاول "

>> الاثنين، 12 أغسطس 2013




لما حصل الطلاق بينا كنت فاكره انها نهاية الكون ...

 وكل شويه اتخيل ازاى ابننا هيتربى بعيد عن ابوه

وكأنه يتيم وفجأه ..... 

اكتشفت انى لما خسرته كزوج كسبته كصديق ... اهلى واهله 

مش قادرين يصدقوا اننا انفصلنا .... لاول مره احكى معاه بكل 

حريه ... اخد رأيه فى كل تفصيله فى حياتى ... وهو كمان

 بيحكى معايا كل كبيره وصغيره فى حياته ....

فى رجاله كده مش تنفع تكون ازواج ... لانهم مش بيعرفوا 

يشيلوا مسئولية نفسهم ... ازاى يقدروا يشيلوا مسئولية حد 

تانى  ......




ازاى كنت خايفه من الحب  ؟؟!!!! ....

 اجمل ايام حياتى عشتها معاه ولسه عايشه فيها ....

 شكلى اتغير .... صوتى ... كل حاجه فيا اتغيرت

 وكأنى بقيت انسان تانى .... بيكمل كل كلامى ....

 قبل ما اطلب منه الحاجه بيحققها ....

 فاهم دماغى وعارف يحتوى افكارى ....

 ساعات باحس انه اتربى معايا ...

 نفس الافكار اللى مؤمنه بها ....

 نفس الكلام اللى باقوله ....

 توائمى اللى كان تايه منى ♥♥



يلا ... عيشه والسلام .... ما اقدرش اطلب الطلاق

  اعمل ايه فى العيال ؟؟؟

 امى على طول تقول مافيش واحده فى عيلتنا اتطلقت

 وجوده فى البيت زى عدمه .... محسسنى انه عايش فى فندق

 لما ابننا تعب والدكتور قال لازم نعمل له عملية اللوز

 هو ولا حس اننا مش فى البيت ...

 لما عاتبته قالى كنت فاكر انك عند امك بايته يومين ...






نفسى اصرخ واقول انى باحبه ....هو مش حاسس بيا ....

 ليه بيعاملنى كده ؟!!.... بيخاف عليا من الهوا الطاير ...

 كل شويه يتصل بيا يطمن عليا ......

 مش بيعرف ياخد اى قرار فى حياته من غير ما يرجع لى ....

 بيحكى تفاصيل حياته ومشاكله ....

 لما يقع فى مشكله يجرى عليا عشان ياخد رأيى ....

 باحبه اوى ... مش فاهمه هو عاوز ايه ...

هو ينفع اقوله انى باحبه ؟؟؟.... 

ليه البنت لازم تستنى ان الرجل يعترف الاول ؟؟؟ 












دى شوية حكايات لبعض البنات سمعتها

بعضهم عاشرتهم والبعض سمعت عنهم

لسه فى حكايات بنات كتيييييييييير

انتظروا الجزء التانى عما قريب ان شاء الله

زهــــــــــراء 

Read more...

عطرك سيدتي .

>> الاثنين، 22 يوليو 2013

خدعوك فقالوا ان العطر للمرأة حرام ...

تعطري كما شئتى سيدتي الجميلة ..

عطر المرأة هو الماء به تتطهر وبه تتجمل

وبه تتوضأ لتطفى نار الشيطان

بداخلها وبه تصلى فروضها.

عطر المرأة عطر بلا رائحة

واجمل من اي رائحه .

استخدمي عطر زكي الرائحة

البرفان - البرفيوم - في بيتك

.ولا تجعلي الغريب يشتم رائحة طيب عطرك.

ملحوظة الحواس خادعة

قد تضعين برفان في بيتك

وبعد ساعة تخرجين ظناًً منكِ ان الرائحة قد زالت

حواسك خدعتك سيدتي!!!

فالرائحة لا تزال فيكِ

فأن حاسة الشم لديكِ تعودت على عطرك

والغت خاصية الاحساس به

فيتهئ لكِ ان العطر قد زال

بدليل ان اي غريب يقترب منكِ

يتعرف على عطرك لان حاسة الشم

لدية لم تألف بعد رائحة عطرك.

روى ابن حبان،والحاكم و النسائي

في باب ما يكره للنساء من الطيب

و البيهقي و أبو داود عن أبي موسى الأشعري مرفوعا

(أيما امرأة استعطرت فمرّت على قوم ليجدوا ريحها فهي زانية).

عن أبي هريرة قال : قال رسول الله صلى الله عليه وسلم

(( طيب الرجال ما ظهر ريحه وخفي لونه

, وطيب النساء ما ظهر لونه وخفي ريحه ))

سنده صحيح أحمد وأبوداود.



عذراً اخوانى واحبائى فقد تم غلق التعليقات

وقد يعلم الله فرحنا بوجودكم معنا

ولكن هناك اوقات اثمن من ان نضيعها

في كتابة تعليقات شكر..

نكتفى منكم بالدعوات

فى ظاهر الغيب (:

لــــــــولا

Read more...

Free CursorsMyspace LayoutsMyspace Comments

    © بالحب اتجمعنا. Friends Forever Template by Emporium Digital 2009

Back to TOP