حكـــايــات بنـــــات " الجزء الاول "

>> الاثنين، 12 أغسطس 2013




لما حصل الطلاق بينا كنت فاكره انها نهاية الكون ...

 وكل شويه اتخيل ازاى ابننا هيتربى بعيد عن ابوه

وكأنه يتيم وفجأه ..... 

اكتشفت انى لما خسرته كزوج كسبته كصديق ... اهلى واهله 

مش قادرين يصدقوا اننا انفصلنا .... لاول مره احكى معاه بكل 

حريه ... اخد رأيه فى كل تفصيله فى حياتى ... وهو كمان

 بيحكى معايا كل كبيره وصغيره فى حياته ....

فى رجاله كده مش تنفع تكون ازواج ... لانهم مش بيعرفوا 

يشيلوا مسئولية نفسهم ... ازاى يقدروا يشيلوا مسئولية حد 

تانى  ......




ازاى كنت خايفه من الحب  ؟؟!!!! ....

 اجمل ايام حياتى عشتها معاه ولسه عايشه فيها ....

 شكلى اتغير .... صوتى ... كل حاجه فيا اتغيرت

 وكأنى بقيت انسان تانى .... بيكمل كل كلامى ....

 قبل ما اطلب منه الحاجه بيحققها ....

 فاهم دماغى وعارف يحتوى افكارى ....

 ساعات باحس انه اتربى معايا ...

 نفس الافكار اللى مؤمنه بها ....

 نفس الكلام اللى باقوله ....

 توائمى اللى كان تايه منى ♥♥



يلا ... عيشه والسلام .... ما اقدرش اطلب الطلاق

  اعمل ايه فى العيال ؟؟؟

 امى على طول تقول مافيش واحده فى عيلتنا اتطلقت

 وجوده فى البيت زى عدمه .... محسسنى انه عايش فى فندق

 لما ابننا تعب والدكتور قال لازم نعمل له عملية اللوز

 هو ولا حس اننا مش فى البيت ...

 لما عاتبته قالى كنت فاكر انك عند امك بايته يومين ...






نفسى اصرخ واقول انى باحبه ....هو مش حاسس بيا ....

 ليه بيعاملنى كده ؟!!.... بيخاف عليا من الهوا الطاير ...

 كل شويه يتصل بيا يطمن عليا ......

 مش بيعرف ياخد اى قرار فى حياته من غير ما يرجع لى ....

 بيحكى تفاصيل حياته ومشاكله ....

 لما يقع فى مشكله يجرى عليا عشان ياخد رأيى ....

 باحبه اوى ... مش فاهمه هو عاوز ايه ...

هو ينفع اقوله انى باحبه ؟؟؟.... 

ليه البنت لازم تستنى ان الرجل يعترف الاول ؟؟؟ 












دى شوية حكايات لبعض البنات سمعتها

بعضهم عاشرتهم والبعض سمعت عنهم

لسه فى حكايات بنات كتيييييييييير

انتظروا الجزء التانى عما قريب ان شاء الله

زهــــــــــراء 

19 التعليقات:

غير معرف 12 أغسطس 2013 10:40 م  

رائــــيى من غير تحريج وانا اقدر اقول غير تسلم ايديك ويسلم ذوقك

ربنا يستر شكلها هتبقى فضايح البنات مش حكاوى البنات ههههههههههه
عموما مفيش احلى من جملة

I FALL IN LOVE

ابراهيم رزق 13 أغسطس 2013 8:35 ص  

ودايما يا زهراء
حكاوى البنات لم و لن تنتهى من الحياة
لانها من عمر حواء

كل سنة و انتوا طيبين انتى و لولا

تحياتى

لـــولا 13 أغسطس 2013 1:30 م  

فيه رجالة بتهرب من دايرة المسئولية وللاسف بتكون محسوبة على صنف الرجولة
لاما بتتهرب من واجباتها بالخروج من دايرة المسئولية او افتعال اللامبالاة

- هناك من القلوب ما هو ارق من جناح فراشة تخاف ان تخدش وتسأل الله ان يرزقها بمن يحافظ عليها (:


- حالة غريبة مش لاقيالها تفسير !!!!



لـــولا




شمس النهار 13 أغسطس 2013 1:51 م  

التدوينة رائعة
الاروع انك منورة البلوجر ومدونتك

الناس بتسمع كتير
لكن مش كل الناس بتعرف تترجم اللي بتسمعه لكلام منمق جميل كده

جارة القمر عليا 22 أغسطس 2013 2:00 ص  

نعم هذا هو الواقع

كثية هي حكايتنا

وحشتوووووووووووووووووووني

زهــــراء 29 أغسطس 2013 9:30 م  

الى الغير معرف رغم انى شكلى اعرفه *_0

اطمن مش هتكون فضايح البنات عشان لسه فى بوست اسمه اقوال رجال وهتشوف فيه حكايات للرجال كمان

نورت وشرفت وابقى اكتب اسمك المره الجايه

زهــــراء 29 أغسطس 2013 9:33 م  

الازهرى
*-*-*

انتظر معانا ومنورنا

زهــــراء 29 أغسطس 2013 9:34 م  

ابراهيم رزق

-*-**-*-*
حكاوى البنات زى اقوال الرجال لم ولن تنتهى

كل لحظه وحضرتك بخير يارب

زهــــراء 29 أغسطس 2013 9:35 م  

لـــــــولا

جميعا يبحث عن تفاسير لكثير من الاشياء لعلنا نجدها او نصل اليها

على الله التساهيل

زهــــراء 29 أغسطس 2013 9:38 م  

شمس النهار

ست الكل شمس الشموس منوره ربنا يكرمك على كلامك الجميل

على فكره كلامى بسيط اوى واللى سمعته نقلته مع بعض التحريف البسيط وحذف لبعض الكلمات اللى مش تصلح للنشر

منورانى على الدوام

زهــــراء 29 أغسطس 2013 9:39 م  

جارة القمر عليا


مثيره هى حكايات البنات مليئة بالاحزان والافراح وتبقى فى النهايه انها حكايات عجيبه

نورتى وشرفتى

لماذا الصعايدة أغبياء 15 يناير 2014 7:58 م  

لماذا الصعايدة أغبياء لماذا الصعايدة أغبياء لماذا الصعايدة أغبياء لماذا الصعايدة أغبياء لماذا الصعايدة أغبياء لماذا الصعايدة أغبياء لماذا الصعايدة أغبياء لماذا الصعايدة أغبياء لماذا الصعايدة أغبياء لماذا الصعايدة أغبياء


Free CursorsMyspace LayoutsMyspace Comments

    © بالحب اتجمعنا. Friends Forever Template by Emporium Digital 2009

Back to TOP