عــــــــــام جديد ....

>> الخميس، 30 ديسمبر، 2010

عـــــــــــــام جـــــديـــــد










































السلام عليكم ...





اصدقائي واخواتي المدونين والمدونات











المبدعين منهم والمبدعات









بعد ساعات قليلة نودع عام ونستقبل عام جديد...






يقولون انه حتى نشعر بالسعادة











فلابد وان نتذوق شيئاً من الدموع








يارب يكون عام سعيد ومليئ بالكثير من الافراح والابتسامات والحب








والقليل من الاحزان والدموع ....








احنا سعداء جداً عشان بنقضي سنة جديدة








وسط ناس محترمة وجميلة ومبدعة زيكم









العام الجديد اللي بنستقبلة هو عام 2011





لو جمعنا ارقام السنة دي هنلاقيها 4








كل واحد يدخل يقول على اربع امنيات خاصه






بلاش امنياتى للمجمتع والناس و العالم ...









عاوزين نعرف امانيكم الخاصه


















اختــــــاروووااااااا





معاكم تورتات




















شموووووووووووع










دبادييييييييب













كل واحد يدخل يختار هديه من الهدايا









ويكتب اهداها لمين وليه اختار الشخص ده









سواء من المدونين او من غيرهم









وعندنا خدمة توصيل الطلبات مجااااااااااانا






كل سنه واحنا وانتم بخير



سنه راحت بالسلامه ... سنه جايه بابتسامه












فكرة وتنفيذ الكليب : زهــــــراء





فكرة وتنفيذ البوست والصور : لــــــــولا

Read more...

افتــح قلــبك ....

>> الاثنين، 20 ديسمبر، 2010

افتــح قلـــبك













منذ عدة ايام كنت ابحث عن كتاب



لا تحزن للدكتور عائض القرنى


وقد اهداه لى خالى منذ فتره


ليست بقليله وما ان وجدت الكتاب حتى فتحت اول


صفحه فيه لكى اقرا الاهداء لانه من عادتى


حينما يهدينى اى شخص كتاب فلابد ان يكتب لى اهداء


على اول صفحاته ووجدت هذه الجمله


" اذا وهبنى الله قطعه اخرى من الحياه


فسوف اكتب احقادى


على قطع من الثلج


وانتظر ظهور الشمس


لكى تذيب تلك الاحقاد "



حينما فكرت فى هذه الجمله جلست اتحدث مع نفسى


لبعض الوقت


لما انتظر ان يهبنى الله قطعه اخرى من الحياه


لكى افعل


اشياء كثيره


لماذا لا ابدأ من الان ربما لا يكفى عمرى


ان افعل شئ غدا او بعد ساعه


لماذا لا افتح قلبى لمن احببت واتحدث معه


لماذا لا اسامح كل ما اخطأ فى حقى


لماذا لا اعتذر لمن اخطئت فى حقهم


لماذا انتظر الغد حتى اصلح حالى


لماذا لا ابدأ من الان


انها دعوه لنفسى كى افتح قلبى


واطلب من الله العفو والغفران


ان اطلب من كل من اخطئت فى حقهم


ان يسامحنى ولنبدا من جديد


ان اطلب من كل احبابى ان يظلوا


معى فى حياتى ويتذكرونى بعد الرحيل


افتح قلبك لله ولا تخشى فى الحق لومة لائم


افتح قلبك للدنيا وانتظر الخير




كانت معاكم : زهــــراء

Read more...

رساله مفقوده "مـــدينُُُ انا ..... لـــها "

>> الثلاثاء، 14 ديسمبر، 2010

رساله مفقوده " مدينُُُُ ُ أنا ... لها "





اشياء كثيره اسعدتنى


اشياء جميلة اعادتنى الى الحياة


مدين انا لها بأيامى التى اعيشها


بين زوجه محبه وابناء افاضل


اتذكر لقائى الاول بها


وكيف كنت افكر فيها


وفى مفرداتها ... وكلماتها


فجأه تملكتنى مشاعر جديدة


وفكرت ان تكون لى زوجة


نعم زوجة .. ولكنها زوجة ثانية


اريدها بجوارى فى كل خطواتى


فجأه تحدثت معها عن زوجتى وابنائى


بدأت هى فى الانصات لى


ثم الحديث العذب


ثم النصيحة التى استمعت لها


كنت انفذ نصائحها لى مع اهل بيتى


وحينها تغيرت...


تغيرت حياتى .. تغيرت نظرتى لها


لأول مره افهم معنى ان يكون لك صديقة


فجأه تبدلت احوالى ...


اصبحت اهتم بشئون ابنائى ..


اتشارك معهم فى مشاكلهم الدراسية


لاول مره اكتشف ان زوجتى


لازالت جميله ......


نعم جميلة الشكل والجوهر


تغيرت حياتى للافضل ...


وفى هدوء رحلت صديقتي عنى


بل عن دنيا البشر


رحلت بعد ان اصبحت مدين لها


بحياتى الجديدة


والان اتسائل ....


هل يجود الزمان بمثلها مرة اخرى ؟؟


اتسائل يوميا هل ما كنت اشعر به تجاهها


صداقة ام ... ؟؟


سأحتفظ بالأجابة لها..وحدها



الشكر لصاحب الرساله المفقوده



وسوف نوالى نشر الرسايل تباعا



نحن فى انتظار باقى رسائلكم المفقوده


Read more...

مع خالص الشكر ...

>> الثلاثاء، 7 ديسمبر، 2010

مع خالص الــــشكر







احبتى ... احبائى



ها هو عام هجرى جديد يطل علينا



ادعو الله ان يكون فيه الخير لكل الناس



ان يسود السلام والحب لكل احبابى



حينما انقضى العام الهجرى المنقضى



توقفت لبعض الوقت مع نفسى كى افكر فيه



وجدت اننى اكتسبت العديد من الخبرات



اكتسبت العديد من الاصدقاء الذين اود ان اقدم لهم



الشكر والحب والعرفان ...



هذه صديقتى التى تحدثت معى عن



اسرارها وحياتها الشخصيه وفتحت لى قلبها



لاكتشف انه لازال هناك قلوب طيبه فى الحياه



اقدم لها خالص الشكر ...



هذا صديقى الذى لا يبخل عليا بنصيحه او كلمة



كلما احتجت له وجدته معى فى كل لحظه



اقدم له خالص الشكر



هذا انسان التقيته صدفه فى حياتى



لاكتشف كم يوجد من البشر



يعطون ولا ينتظرون المقابل



اقدم له كل الشكر ....



هذه صديقه فرقتنا الايام وباعدت بيننا الظروف



وحينما التقيتها وجدت الشوق فى عيونها



وجدت الحب فى كلماتها واللهفه فى نظراتها



اقدم لها الشكر ...



اما هؤلاء الذين اعتقدت انهم اصدقاء



قدمت لهم النصيحه حينما احتاجونى



كنت معاهم فى اشد اللحظات



كنت اقف على بابهم قبل ان ينطقوا



وفى الاخر كانت اقسى الطعنات منهم



اشد الكلمات ايلاما على نفسى



اقدم لهم كل الشكر لانهم جعلونى



اكتشف ان الحياه بدونهم افضل كثيرا



اما الشكر الواجب فهو لكل من حاول



ان يطمئن عليا بعد البوست الماضى



اكتشفت انه يوجد بشر لازالوا يحملون



قلوب نقيه صافيه ...



اقدم لهم اسمى ايات الشكر والعرفان



احبتى ... مهما قدمت لكم من شكر



فلن استطيع ... مهما حاولت ان اوفكيم حقكم



فلن اقدر ... كل اما استطيع ان اقدمه لكم



هو دعوات للرحمن ان يهب لكم السعاده



والخير والحب على مدى الزمان ...




تقدم لكم الشكر : زهــــــراء


Read more...

نفسى ... نفسى

>> الأربعاء، 1 ديسمبر، 2010

نفسى ... نفسى









نفسى اعيش واكمل حياتى مع الاطفال




اعيش احلامهم .. برائتهم .. خيالهم



نفسى الناس تفهمنى زى ما انا




وكلامى مش يحتمل معنى تانى





نفسى ربنا يعطى لكل انسان




أضعاف ما يتمناه لى





نفسى لما التزم الصمت ماحدش






يحاول يخرجنى من صمتى لانه هيكون





اول شخص يندم على الكلام اللى هيسمعه





نفسى اقول لكل الناس انى عمرى




ما بازعل من حد مش لانى ملاك حاشا لله




ولكن لانى مش باشيل فى قلبى اى حاجه وحشه




نفسى لما اقابل نصى التانى واقوله باحبك





يقدر قيمة الكلمه ومش يستغرب منها




نفسى لما حد يزعل منى فى حاجه يجى يقولها






نتكلم ... نتناقش ... نتفاهم




نفسى ارجع اكلم اصدقائى اللى الزمن






فرقنا واقولهم لسه قلبى شايل لكم






احلى ذكريــــــــــــــات






نفسى اكون زى ما انا ومش اضطر




انى البس رداء الحكمه فى بعض الاوقات





نفسى اشوف والدى الله يرحمه





واسأله ياترى راضى عنى وعن تصرفاتى




نفسى اسال كل انسان يعرفنى ياترى




ايه مش عجباك فيا ؟؟





نفسى لما ارحل عن الحياه يتذكرنى





كل من عرفتهم .. يقولوا فى حقى كلمه





حلوه .. ذكرى طيبه





حاجات كتير نفسى فيها باحاول احققها






والباقى على ربنا






البوست خاطره من خواطر زهراء

Read more...

رســــائل مفقوده - اعتــــراف

>> السبت، 27 نوفمبر، 2010

رسائل مفقوده - اعتـــراف





اعترف انك اصبحت الهواء الذى اتنفسه




و الذى يحيطنى و يغلفنى من كل اتجاه



اعترف انى اصبحت نجمه





تدور فى فلك شمسك المشرقه




اخاف ان اخرج عن مدارى فاحترق




و اهوى و من ثم اذوى و اختفى



اصبحت انت محور حياتى.....




اصبحت انت جل اهتماماتى




ربما لم تأتنى فى احلامى بعد



و لكنك شريكى فى صحوى و ايامى



اخاف ان اصارحك بحبى





فتكون النهايه لبدايه لم تأت بعد




اخاف ان اسلمك روحى و نفسى




فتكون غير امين عليهم


تقول انى مرآتك




التى ترى فيها نفسك واضحه صافيه



اصبحت اخاف على نفسى اكثر من ذى قبل




كى لا اخدش صفاء هذه المرآه




اصبحت ارى كل السبل مؤديه الي طريقك




كلماتك دقات اجراس فى اذنى




تطربنى و لا تزعجنى




اخاف عليك من هوايا




و اخاف على نفسى من جنونك




اخاف من الاقتراب منك اكثر




كى لا احترق كما تحترق الفراشات الحمقاوات




احبــك....احبــك....احبــك





اعشق تفاصيلك الدقيقه





اذوب عشقا فى شطحاتك المجنونه





اسمعك و انت تتكلم





و انت تعترف و انت تقسم لى






انك لم تكن يوما ذلك الذى يتحدثون عنه





اكاد اصدقهم و لكـــــــــن....






احب ان اصدقك انت





رغم كذبك الواضح وضوح الشمس



لم يكن فى وسعى غير ان احتويك و اصدقك





واوهم نفسى بالاقتناع





اقتناع المضطر الى التصديق




اخاف بل واموت خوفا من افتضاح امرى لك




لانه معناه ضياع كل شيىء





و اى شيىء جميل قد كان بيننا يوما



لانك لم تكن يوما لى و لن تكون ابدا



انت دوما ستكون الفاكهه المحرمه






الشكر لصاحبة الرساله





ملحوظه هامه : نعتذر لكل اصحاب الرسائل المفقوده






على التأخير ولكن وصلت لنا فى الفتره الاخيره العديد والعديد






من رسائل تصلح جميعها للنشر وسوف نقوم بنشرها تباعا






ولا زلنا فى انتظار كل رسائلكم المفقوده ....



Read more...

إليك يا الهى

>> الأحد، 21 نوفمبر، 2010

p>

Read more...

سنـــه اولـــى تــدوين ..

>> السبت، 13 نوفمبر، 2010

ســنه أولى تدوين


























كل سنة ومدونتنا الحبيبة لقلوبنا بخير ...


وفاتت بسررررعة اول سنة من عمرنا


في عالم التدوين





محسناش بيها من حلاوة الايام اللي قضيناها فيها


محسناش بيها من الصحبة الطيبة والناس الحلوة






محسناش بيها لاننا


بالحـــب اتجمعنا ..


وبالحــــب عشنا ..


وبالحـــب اتكلمنا من جوا قلوبنا...




كل بوست دوناه كان طالع من القلب


عشان كدا وصل للقلب






ومن كل قلبنا بنقولكم شكراً ..







شكراً على حاجات كتير قوي





شكراً لانكم سمعتونا




شكراً لانكم شجعتونا


شكراً لانكم وقفتوا معانا في حزننا قبل فرحنا




شكراً لكل دعواتكم الجميلة لينا في شدتنا ورخائناً


شكراً لانكم علقتوا عندنا بقلوبكم مش بقلمكم

قد ايه حسينا بكل تعليق


انتم اهتمتوا تحطوه




وتعبتوا عشان توصلونا اهتمامكم


مش قادرة اقولكم قد ايه كل تعليق


مهما كان بسيط كان بيزيد من سعادتنا


وكان بيحسسنا اننا مش لوحدنا


جايز معظمنا عمرنا ما اتقابلنا


وجهاً لوجه لكننا شوفنا احساسنا


من خلال التواصل عبر كل المدونات

كلمة اخيرة


احب اشكر الغالية على قلبي زهرة

انا مش ممكن انسب تعب ومجهود متعبتش فيه ليا...




انا عارفة قد ايه يا زهرة تعبتي




عشان تحضري لعيد ميلاد مدونتنا




وقد ايه الفيديو وتجهيزات الصور تعبتك وارهقتك



لكن اكيد الناس الحلوة دي اللي بيشرفونا

وبيمتعونا بمواضيعهم يستحقوا التعب ده .




السر في بيييييييييييييييييييييير










اقولكم على سر ...

زهراء هي صاحبة فكرة انشاء المدونة




وهي كمان صاحبة الاسم .


كلاكيت سر تانى مره ...


يوم ما زهرة فكرت تغلق المدونة مأخدتش رائي


وكان القرار اللي رفضته مفاجأة بالنسبه لي .



اقول سر كماااااان ...


ناس كتير بتفتكر ان لـــولا وزهــــراء




اسمين لشخصية واحدة ...


كلام في سركم دا شئ ساعات بيبسطني جدااااااً




سر كمان ..

زهراء فكرت تجيب معنا شريك تالت
.




متقولوش لحد..


الدكتوره نورا قومت الموضوع في دماغ زهراء


فقوم ايه زهرة دماغها سخنت


وفجأتني بين يوم وليلة انها عملت لنا مدونة .


سر كمان ....


زهرة هي اللي اختارت النيو لوك الاخير


وحللت لي صور البنتين وهما بيعبروا عنا



اخر سرررررررررر ..... انا وزهرة بنحبكم.





ومتقــــــــــولـــــــــــــــــــوش لحــــــــــــــــــــد ....


سامعة حد من بعيد بيقول هاتخدونا في دوكة فين التورتة


اهي وصلـ ـ ـ ـ ـ ـــت هييييييييييه









هابي بيرث داي تو يو





هابي بيرث داي تو يو







هابي بيرث داي تو يو بالحب اتجمعنا ..


هابي بيرث تو يو










فوووووووووووووو









اخيرا نتمنى لكم كلكم كل السعادة والحب





البوست والصور من تنفيذ : لـــولا






الكليب فكرة وتنفيذ : زهــــراء




Read more...

رســائل مفقوده - هل سيأتى ذلك اليوم ؟؟

>> الثلاثاء، 2 نوفمبر، 2010



رسائل مفقوده - هل سيأتى اليوم ؟؟








هل سيأتى اليوم و تُجيبى



رسالتى هذه...



هل ستكون مصيرها مثل عشرات الرسائل ؟؟




- لا أدرى...



هل ستكون لرسالتي صدى لديكِ



أم سأظل هكذا أحلم ..



أحلمُ بحُلم واتسأل هل يتحقق يوماً.



ً
- فكرت كثيراً ماذا سأكتب لكِ ..هنا



فى هذه الرساله



عتاب ... لا أستطيع



رجاء... كتبت و سأظل أكتب



لكني هذه المرة قررت ان أكتب مشاعرى فى تلك اللحظة




- حبيبتى



لازلت على وعدى سأظل أحبك



سأظل أحلم بلحظة لُقيانا حتى و أن كنتِ نسيتينى ونسيتيها .




- حبيبتى ..



لازلت أذهب لحروفكِ لأراكِ.



أشتياقى لكِ لا يزال كما هو لم و لن يفتور



رغم عدم وجود ادنى أشارة منكِ.




- لاأزال أبكى وحيدا.ً



- لاأزال أحارب عثراتى بكِ



لم يخطر فى بالى يوما أنى سأحب



كل هذا الحب لأحد ...



لكني لستُ نادماً و لن أندم يوماَ على حبك.


حبيبتى



حبكِ لى الحياة



فأنتِ تفيضى على دون أن تدرى ..



صدقينى لو أملك لأعطيتك حياتى ثمناً لأثبت لكِ حبى




لكن ما يوقفنى عن فعل هذا



أنى لن أكون بعدها معكِ.



حبيبتى ...



أنا فى أنتظارك



مهما طال الوقت



حبيبتي انا في انتظارك ....



بقدر ما بقيَ لي من العمر



أُحبك



الشكر كل الشكر لصاحب هذه الرساله



نحن فى انتظار كل رسائلكم المفقوده



لينك تحميل الفيديو



http://www.4shared.com/video/CRfieIhB/_____.html





الاداء الصوتى : هبه مصطفى " لــــولا "


Read more...

انا ... مش عارفه بجد

>> الأربعاء، 27 أكتوبر، 2010



أنـــا .. مش عارفه بجد















الاغنيه دى اسمها فى حاجات وسبب انى





حطتها هنا لان كلامى فى الفتره اللى فاتت






مع كل صديقاتى المتزوجات عنها






الحكايه بدات لما كنت بأكلم منى وسالتنى






عن الاغنيه دى وقالت انها بتعبر عنها




لانها نفسها تقول لزوجها حاجات كتير




بس تتمنى انه يعملها لوحده




سألتها :انتى عاوزه يعمل ايه





قالت الاقى مره منه بوكيه ورد وهو راجع



من الشغل ضحكت قولت لها يا بنتى





قولى كيلو طماطم لانها اغلى من الورد




قولت واضح ان الموضوع فى حاجه





اتفقت مع بعض صديقاتى وكلهم متزوجات ماعدا انا





المهم اول ما قعدنا مع بعض سالتهم على الاغنيه





قالت لى شيرين تصدقى انها بتعبر عنى




قولت فى سرى ايه الخيبه دى سالتها وعلى وشى ابتسامه





ليه يا شيرى يا قمر انتى نفسك جوزك يعمل ايه




قالتى نفسى يبعت لى مسدج





زى بتاعة ايام الخطوبه او مكالمه فيها كلمتين حلوين




قولت لها طيب ما تطلبى منه اواقولك على حاجه



احلى ابعتى انتى له مسدج او مكالمه حلوه كده





قالت لا هو اللى يعمل مش انا




فوجئت ان نهى بتدخل فى الحوار وتقولى





انا بقى نفسى جوزى يقولى تسلم ايديكى





بينى وبينكم نهى شاطره فى المطبخ جدا





وبتعمل اكلات احلى من اى مطعم





قولت لها وهو مش بيقول





قالت لا لما ياكل اقوله ايه رايك





يقولى حلو .. اول ايام جوزانا كان بيقول





تسلم الايادى .. احلى اكل دوقته فى حياتى




بصراحه القعده كانت فقريه اوى




وكان فيها كلام جامد اوى وكنت مستغربه




وقعدت افكر مع نفسى هو مش المفروض





زى اما باسمع ان الزوج والزوجه ستر وغطا على بعض






ليه مش تتطلب منه اى حاجه نفسها فيها




قررت بقى انى اشوف اصدقائى الرجال



اعرف رايهم وسالت اول حد فيهم



قال انا نفسى يكون فيه تفاعل رومانسى



بادره ولو صغيره المشكله ان الرجل



مطلوب منه كل حاجه



!!!!!!!!!!!!



قررت انى مش هاسال اى حد تانى



بس لما فكرت شويه تانى



قولت ليه الزوجه مش تقول انا عاوزه كذا





بصراحه مش بدافع عن الازواج





او الزوجات لكن باقول كلمة حق





الازواج برضه مطحونين وطالع عين اهلهم فى الشغل





والسعى ورا لقمة العيش والزوجه كمان مطحونه فى البيت





مع الولاد .. محتاره مع مصروف البيت





حاجات كتير متداخله





بس ياترى تفتكروا الحل ايه






عشان يرجع الحوار زى ما كان ايام الخطوبه






او حتى زى اول ايام زواج





ياترى هما كل المتجوزين كده بجد



انا .... مش عارفه بجد






مش لاقيه الاجابه : زهراء




Read more...

أوقـــــــــــات

>> الثلاثاء، 19 أكتوبر، 2010

أوقـــــــــــــات





اوقات باشتاق فيها لكتير من البسمات



اوقات باحن لزمن عدى وخلاص وفات



اوقات بافتكر نصايح والدى رغم انه رحل ومات



اوقات باجرى زى الاطفال والعب مع الفراشات



اوقات باحس انى كبيره وعندى شويه من الخبرات



اوقات نفسى ما اقولش كلمة خد واشتاق لكلمة هات



اوقات بتعدى عليا ايام من الفرحه واقول ليه لحظات



أوقات بتمر عليا ثوانى حزن وكأنها ساعات



أوقات اتمنى اقابل اصدقاء زمان اللى الزمن خلاهم ذكريات




أوقات اتمنى أغير حياتى وادخل عليها كتير من التعديلات



أوقات الدموع تنزل من عيونى وممكن تملأ محيطات



اوقات الضحكه تخرج من قلبى وكأنى محرومه منها من سنوات



اوقات اقعد ارسم فى احلام وفجاه الاقيها كلها مجرد تخيلات



هذه اوقات : زهــــــــــراء



Read more...

كـــــــــذب المنـــجموون

>> الاثنين، 11 أكتوبر، 2010

كــــذب المنجمون















فى جمله مشهوره بتقول







كذب المنجمون ولو صدفوا







يعنى حتى لو كلامهم جه صح بالصدفه







هما كذابين , وفى ناس بتقول الجمله







كذب المنجمون ولو صدقوا







يعنى حتى لو كانوا صادقين هما برضه كذابين







من فتره كان فى مسلسل لخالد صالح







اسمه تاجر السعاده ورغم انى مش شوفت المسلسل







لكنى كنت معجبه بالتيتر وكان بيقول






بيقولوا كتير فى قراية الكف






وفنجان على وشه بنيكف






ورا الكوتشينه ياما مشينا






عمل ايه بقى كل ده فينا






***********






كل واحد فينا بيسعى انه يعرف بكره






شايل ايه وجاى معاه ايه جديد لنـــا






عشان كده فينا بيلجأ للمنجمين






يعنى قراءة الكف او فتح الكوتشينه






او العديد من الخزعبلات الاخرى






والله باقول عن تجربه انها خزعبلات






كان لى تجربه من حوالى 8 سنوات






اتعلمت من صديق لاخويا فتح الكوتشينه






وبدأت اساله كل لما اشوفه






انت بتعمل كده ازاى وايه ده






فى الفتره دى الواد كان عنده مشكله فى مكان ما






قولت له انى هاحل لك المشكله وانت تعلمنى






ازاى افتح الكوتشينه .... وقد كان واتعلمت






وصدمنى لما قال ان كل حاجه كذب فى كذب






وانه بيعمل كده مع اصحابه ومعارفه






وهو عارف كل واحد فيهم حلمه وامله فى الحياه






وبيلعب على الوتر الحساس لاحلام اصحابه






المهم انى جربت طريقته فى التأليف والكذب






مع كل اصحابى وفجاه الكل انبهر بكلامى






الحمد لله ماحدش بيدخل منهم البلوج هنا






هههههههههههههههههههههه






بالنسبه بقى لموضوع القهوه






كنت مدمنه باشربها بشراهه






وفى كل مره اشرب قهوه






امسك الفنجان ابص فيه






وفى مره كنت فى كافيه وبعد ما شربت القهوه






مسكت الفنجان ابص فيه لاقيت واحده صاحبتى






بتقولى اشرب قهوه وتقرأى الفنجان






ضحكت فى سرى وقولت الكوتشينه كلها نصب وكذب






يلا نكمل مشوار النصب بقى





قولت للبنت انتى فى عندك مشكله مع خطيبك





بينى وبينكم والدتها كانت كلمتنى قبل ما انزل





وحكيت لى عن المشكله وطلبت منى انى اتكلم مع بنتها





وهو ده النصب على اصوله يا جماااااااااااااعه





وكملت فى قراءة الفنجان مع الكوتشينه





وفجاه قررت اوقف النصب ده





لانى كنت باخده على سبيل الهزار





لكن للاسف اللى معايا كانوا بيصدقوا كلامى





وكنت بانسى انا قولت ايه ويفضل اللى قرات له الفنجان





او فتحت له الكوتشينه فاكرين كلامى





بصراحه فجاه خوفت وحسيت انى باغضب ربنا





الهدف من البوست ان كل واحد فينا عاوز يعرف بكره فى ايه





خليها على الله وعن جد ماحدش يعرف الغيب





غير ربنا سبحانه جل فى علاه





يا جماعه ارزاق الخلق على الخالق





مش على المخـــلوق





على فكره انا من وقت ما بطلت افتح الكوتشينه





وانا حتى مش بالعب بها ولا امسكها فى ايدى



القهوه باحاول بقدر المستطاع انى ابعد عنها ومش اشربها



فى انتظار سماع كلامكم عن كذب المنجمون





تحدثت معاكم عن هذه التجربه : زهـــــــراء





Read more...

رســـائل مفقوده " اجمل شئ حدث لي ..هو انتي

>> الأحد، 3 أكتوبر، 2010
















شكر خاص



لاخويا الكبير سعيد الهواري لانه صاحب الصور في الرسالة الحالية والسابقة ذوقك جميل ياسعيد اشكرك كتير



رسائل مفقودة

انها رسائل مفقودة ...ضاعت في زحمة الطرقات..تاهت اصوات من خطوها وسط زخم الاصوات... سقطاً سهواً ممن ارسلو بها في المتاهات ..تلقفتها ايدينا فنشرناها علها ان تقرب بين المراسلين المسافات .



الرســــالـــة:



لطالما اكتشفت انانيتي معكِ


عندما حجبت عنكِ اهتمامي..ومع ذلك .. لم تعاقبيني وتحجبي عن انانيتي حنانك ..بل كنتِ قمة في العطاء والبذل.

لطالما اكتشفت مدى قسوتي عليكي عندما ارى دمعاتك في عينيكِ ولم اضمك لحنايا قلبي ولن افعلها يوماً مربتاً على كتفك.. ومع ذلك كنتِ اول حضن ارتمي بداخله حينما تضيق بي الحياة .

لطالما صممت اذاني عن سماعك وضقت بحديثك ذرعاً واشحت بوجهي عنكِ ومع هذا .. لم تصمي اذانك عني.. ولم يضيق صبرك يوماً عن حديثي.. ولم تتخلي عن ابتسامتك في وجهي حينما تجديني امامك.

لطالمااستأثرت بوقت فراغي عنكِ لسواكِ ومع هذا اجدك بين يدي في كل وقت احب ان اجدك فيه.

لكثيراً ما وقعت عيني على اشياء مفتعلة لاشعل الشجار بيننا ...ولطالما وقعت عينيكِ على مساوئي لتجملينها حتى لا تجرحيني.ِ

حينما جلست افكر بمفردي عنا انا وانتِ ..حينما بحثت عن ثمة شئ افتخر به بداخلي لم اجد شيئاً افتخر به سواكِ ... فأنت اجمل شئ حدث لي في حياتي بينما انا اسوأ شئ وجد في كل تاريخ حياتك.

الاداء الصوتي : هبة مصطفى

Read more...

Free CursorsMyspace LayoutsMyspace Comments

    © بالحب اتجمعنا. Friends Forever Template by Emporium Digital 2009

Back to TOP