كـــــــــذب المنـــجموون
>> الاثنين، 11 أكتوبر 2010
كــــذب المنجمون
فى جمله مشهوره بتقول
كذب المنجمون ولو صدفوا
يعنى حتى لو كلامهم جه صح بالصدفه
هما كذابين , وفى ناس بتقول الجمله
كذب المنجمون ولو صدقوا
يعنى حتى لو كانوا صادقين هما برضه كذابين
من فتره كان فى مسلسل لخالد صالح
اسمه تاجر السعاده ورغم انى مش شوفت المسلسل
لكنى كنت معجبه بالتيتر وكان بيقول
بيقولوا كتير فى قراية الكف
وفنجان على وشه بنيكف
ورا الكوتشينه ياما مشينا
عمل ايه بقى كل ده فينا
***********
كل واحد فينا بيسعى انه يعرف بكره
شايل ايه وجاى معاه ايه جديد لنـــا
عشان كده فينا بيلجأ للمنجمين
يعنى قراءة الكف او فتح الكوتشينه
او العديد من الخزعبلات الاخرى
والله باقول عن تجربه انها خزعبلات
كان لى تجربه من حوالى 8 سنوات
اتعلمت من صديق لاخويا فتح الكوتشينه
وبدأت اساله كل لما اشوفه
انت بتعمل كده ازاى وايه ده
فى الفتره دى الواد كان عنده مشكله فى مكان ما
قولت له انى هاحل لك المشكله وانت تعلمنى
ازاى افتح الكوتشينه .... وقد كان واتعلمت
وصدمنى لما قال ان كل حاجه كذب فى كذب
وانه بيعمل كده مع اصحابه ومعارفه
وهو عارف كل واحد فيهم حلمه وامله فى الحياه
وبيلعب على الوتر الحساس لاحلام اصحابه
المهم انى جربت طريقته فى التأليف والكذب
مع كل اصحابى وفجاه الكل انبهر بكلامى
الحمد لله ماحدش بيدخل منهم البلوج هنا
هههههههههههههههههههههه
بالنسبه بقى لموضوع القهوه
كنت مدمنه باشربها بشراهه
وفى كل مره اشرب قهوه
امسك الفنجان ابص فيه
وفى مره كنت فى كافيه وبعد ما شربت القهوه
مسكت الفنجان ابص فيه لاقيت واحده صاحبتى
بتقولى اشرب قهوه وتقرأى الفنجان
ضحكت فى سرى وقولت الكوتشينه كلها نصب وكذب
يلا نكمل مشوار النصب بقى
قولت للبنت انتى فى عندك مشكله مع خطيبك
بينى وبينكم والدتها كانت كلمتنى قبل ما انزل
وحكيت لى عن المشكله وطلبت منى انى اتكلم مع بنتها
وهو ده النصب على اصوله يا جماااااااااااااعه
وكملت فى قراءة الفنجان مع الكوتشينه
وفجاه قررت اوقف النصب ده
لانى كنت باخده على سبيل الهزار
لكن للاسف اللى معايا كانوا بيصدقوا كلامى
وكنت بانسى انا قولت ايه ويفضل اللى قرات له الفنجان
او فتحت له الكوتشينه فاكرين كلامى
بصراحه فجاه خوفت وحسيت انى باغضب ربنا
الهدف من البوست ان كل واحد فينا عاوز يعرف بكره فى ايه
خليها على الله وعن جد ماحدش يعرف الغيب
غير ربنا سبحانه جل فى علاه
يا جماعه ارزاق الخلق على الخالق
مش على المخـــلوق
على فكره انا من وقت ما بطلت افتح الكوتشينه
وانا حتى مش بالعب بها ولا امسكها فى ايدى
القهوه باحاول بقدر المستطاع انى ابعد عنها ومش اشربها
فى انتظار سماع كلامكم عن كذب المنجمون
تحدثت معاكم عن هذه التجربه : زهـــــــراء
105 التعليقات:
فعلا عندك حق
الحكاية كلها نصب
وكذب المنجمون فعلا
تحياتي علي موضوعك الجميل
إزيك يازهرتي
^^
حكاية الكوتشينه أنا عملتها في ثانوي .. كنت أجمع البنات وأقعد ارغي رغي مالوش أول من أخر وكله هبل في هبل ...
والمشكله البنات كانوا يصدقوني بشكل أعمى ...
وأنا كنت أضحك عليهم في سري ...
بس أنا بطلت ده على طول .. عشان فعلا حسيت إنه كله هبل ونصب على عقول البنات الفاضيه ...
وأنا كنت وخداها هزار ليس إلا هههههههههه ...
...............
طبعا كل الحاجات دي تخاريف وحرااااام
فلا يعلم الغيب إلا الله
ونعمه بالله
...............
واحشني يابنوتين ياحلوين كتير
وبعتذر على تقصيري الدائم
فأنا مُدونه كسوله حبتين
:))))
سلامي لولا ...
^_^
اكيد عندك حق طبعا
لو الاحسن لينا اننا نعرف ايه اللى يحصل بكره
كان ربنا قدر لنا نعرف كل حاجه لكن ربنا له حكمه فى ذلك
ولو هنعرف كل شىء يبقى مفيش اختيا وهنلغى العق عشان يفكر ويقرر ومش هيكون فى قضاء وقدر
واشياء كتير اخرى
اسفه للتطويل بس هو موضوع مهم
تقبلى وجودى
لك احترامى وتحياتى
عندك حق فعلا يا زهراء
اغلب الناس بيفتكروا الكلام ده حقيقى وانهم مش نصابين ولا حاجه ومهما تقوليلهم وتعقليهم مفيش فايده يا اوختى
الصراحه انا عمرى ما جربت شىء زى كده ابدا ولا حتى فكرت لانى عارفه ان كل شىء بامر الله مع انى مريت بظروف مرضيه كانت صعبه اوى عليا كان ممكن الجا للسحر او الحاجات الفارغه دى بس الحمد لله التقرب من ربنا مفيش افضل ولا احسن منه
الحمد لله انك بعدتى عن الموضوع ده اصلا
تحياتى لعقلك المتفتح
سلامى للولا
صباحك فل يا زهراء
بكرا دا فى علم الله
الله يعلم الغيب ونحن لا نعلمه ويجب الا نسعى على معرفته لان كله باذن الله
وحرام أكيد اننا نسعى لمعرفته
وفعلا كذب المنجمون ولو صدقون لانها ممكن تيجى معاهم بالصدفة تكون صحيحه بس برضوا كاذبين ومنجمين
موضوع فعلا رائع
وحشتتتتتتينى اوى يا بنت بلدى
تحياتى لشخصك الطيب
حلو هذا البوست الامور الشطور الظريوف
لا حلو البوست ده من صميم قلبى بقولك انو حليوه
وبنعرف حاجات جدييييييييييييييييده
هه هه
ماشى ماشى
وربنا لييجى يوم بقى واعرف كل حاجه
عجبنى البوست دهون جدا وعلقت اهون جدا
معاكى حق و اعتقد ان المواضيع دى كلها للتسلية مش اكتر و مش لازم ناخدها بجد
انا لااؤمن بالحاجات دى و لا بالابراج مع انى بعترف انها بتصدق احيانا و لكنى اعدها مجرد صدفة
فعلا كلوا نصب
بس للاسف البيصدقوهم
مش بيعرفوا يكدبوهم تاني
تحياتي
زهرااااااء
(:
أزيك و أزى لولا
عارف بقالى فترة غايب بس بجد مضغوط فى الشغل
عارفة ان انت لولا التجربة الحقيقية اللى مريتى بيها مكنتيش أتكلمتى بقلب جامد كدة
دة طبعا ميصرحش ان احنا نجرب حاجات علشان نعرف تأثرها
بس بجد انا يمكن مش من المؤمنين بيها بس من الناس اللى كنت بأستعجب عليها و كان عندى فضول رهيب لمعرفة خفايا المواضيع دى
ربنا يوفقك دايما
وكان معكم رامى
من امام اللاب توب شرم الشيخ
(:
انا لا عايزه اعرف بكره ولا امبارح ولا النهارده
كله على الله :)
تحياتي
لو علمتم الغيب لاخترتم الواقع
يعنى خليها على الله احسن ونعيش اللحظة الحلوة وبكرة نسيبه على الله
وكذب المنجمون ولو صدقوا فعلا
احيانا كنت بحب اشوف حظك اليوم زمان وكان بالصدفة يكون المكتوب صح
بس عمرى ماصدقت حاجة زى كده وعارفة انها كلها لعبة
المستفز بقى ان التلفزيون دلوقتى بيعمل اعلانات لعالم الفلك فلان وعالمة الفلك فلانة
والناس ممكن تتصل تسألهم عن الغيب وهما عارفين ان الغيب فى علم الله
بوست رائع يازهراء
ههههههههههههه زهورة يا جميلة
طبعا كلامك صح
وكل ده نصب وكذب
بس تعرفى ليه الناس عاوزة تصدقه ؟
لان نفسهم فى امل حتى لو بالكدب
او لو حد فى حكاية فاشلة عاوز اللى يقوله مش انت السبب مثلا
يعنى كلها حاجات نفسية عاوزين يلاقوا الشماعة ليها
مش عارفة اذا كنت قادرة اعبر عن اللى عاوزة اقوله ولا لا
المهم انى موافقاكى وكله بايد ربنا اكييد
وردة لعيوونك يا قمراية انتى ولولا
بجد عندك حق يا زهوره
كله كلام فاضي
مفيش حد يعلم الغيب غير ربنا
كل دا ضحك علي العقول وخلاص
وشعبنا نقطه ضعفه انه خفيف ما بيصدق يلقا اي حاجه يجري وراها ويتعلق بيها حتي لو كانت حرام
فعلا موضوع جميل
بحييكي علي اختيارك
بحبك مووووت
النجوم تشد النظر دائما يراه البشر بعيده ولا يستطعون ملامستها والتأمل عن قرب فيها
فيجلس هذا وذاك
يرسل اشارات الى نفسه يحاول بها فك بعض الطلاسم التى تحيط فكره وتكاد تصيبه بالجنون ان لم يعرف ما هو غيب عنه وهولاء هما المرضى الحقيقيون
ومنهم جاء من سيطر على عقولهم واستغل ذلك التفكير الهوائى
فجاء من استطاع بقدراته الكلامية ومهارته فى استنباط غيره ومعرفة اتجاهات عواطفة
واستغل ذلك البناء الانسانى الهش
واستطاع ان ينبش فيه
وبعادة الطمع والرغبة فى معرفة ماهو بعيد
جاء الاحتراف وجاء المنجمون
تلك الحالة ومجاراة المجتمع لها بكافة فئاتها
هى حالة سقوط دينى فجة
فهى تعبر عن جوف فارغ سيطرت عليه احاسيس الغربة من واقعه
و بث الشيطان فيه السم المناسب
حتى بند الحذر واجب وانهم ناس بركة وهكذا
فحدث السقوط نتيجة الفراغ وغوغائية مجتمع دعائمه ليس العلم ولكن الهمبكة والفهلوة
ما تكلمتى عنه هو انموذج تراه الاعين وتمادى فيه بنى البشر حتى كدنا نراه على الفضائيات
ويخطط البعض حياتهم على قراءة الطالع وهكذا
وهذا يدل على عموم الجهل واجحاف وبعد الكثير عن تذوق دينه واصبح الدين له مراسم لا روح فيها
ومن جاعت روحه لجأ الى المنجمون
جميل تفكيرك يا زهراء وانسانيتك فى طرح الموضوع
لان اكثر المتأثرين بالمنجمون الوسط النسائى
لاعتلال ثقتهم فى انفسهم وضعف قدرتهم فى تغير وتحدى ما يقابلهم من معيطات حياه
ربنا يبارك ليكى دايما فيما تخطى وتكتبى وينقى سريرتك دائما
يابنتى عندك حق
انا ليا واحده صحبتى راحت للمنجمون وكده وقالوا لها حاجات عاديه تتماشا مع اى بنت انها لسه متخطبتش وكده
وجات حكت لى الكلام ده
قولت لها الكلام عادى وصدفه عاديه وهتلاقيها بصت فى ايدك وشافت انك مش لابسه دبله
وقولت لها روحى لها تانى وخدى دبلة اختك والبسيها هتلاقيها مش هتكلمك عن الجواز ولا الخطوبه
ده نصب وانا متأكده من كده
نسيتى ارمى بياضك ياشابه واوشوش الودع
انا بقى اتعاملت معاهم
وكنا فى المصيف وحصل ووقفنا وسمعنا وانبهرنا باللى قالته عن حيات خالى
بس
برضو كذب المنجمون ولو صدقوا
الحقيقه انا لا اؤمن بالموضيع دى
دى غير ان خبرتى فيها محدوده جداً
فايمانى بالقدر ايمان راسخ
ان لو ان هناك من يعرف مستقبل غيره او حتى مستقبله
ما كان ابليس ليخطىء ذلك الخطأ ويقع فى اوج لعنه الله الى يوم الدين
بوست مفيد جدا وبين سطوره نصائح غاليه
دمتى فى منتهى الحكمه
تحياتى
اجمل مافي التجربه انك تراجعتي بنفسك وعرفتي الصح وماكملتيش
مواجهت النفس ده شئ صعب
وطبعا ربنا لم يطلع احد علي الغيب ابدا
والحقيقه انا مش بامن بالخزعبلات دي
خالص
ولا حتي علي سبيل الهزار
ولا بقرا بختك اليوم
:))
زهراء ازيك اولا وعامله ايه
ثانيا :ليكي وحشة من يوم اللقاء :)
ثالثا:حلو دور هنيدي في فلم يانا يا خالتي ده اللي انتي قومتي بيه ... :D
تحياتي
حمدي ->واحد وخلاص
ازيك يا بطوط يارب تكونى بخير انت كل الاهل وحبايبى اللى عندك
بصى يابطوط علشان انا دورت فى الموضوع دا كتير واتفرجت على ناس بتعمل دا لايف
الحمد لله من انا طبعا لانى مقتنعه انى لما اعرف الغيب هاعمل بيه ايه ماهو لو حلو جاى ولو وحش جاى وخلاص
العمليه فيها ناس طبعا نصابه وشغل حركات بس دول زى ماقولتى بيعملوها فى اصاحبهم او معارفهم لانه جمعين عنهم المعلومات الكافيه
نيجى بقى لناس زى اللى انا شوفتهم
دول والعياذ بالله بيكنو ملبوسين من جان وشغل قرائن بمعنى الجنى اللى عليهم بيتعامل مع قرين البنى ادم ويعرف عنه
اللى حصل ومايقدروش يقولولك كلام مؤكد
غير اللى حصل انما كلامهم عن المستقبل بيبقى مبهم مالوش معام لانه مبنى عن المعلومات اللى الجان جمعهاله من القرين فايخاف يوسع يتفضح وحصلت انى زنقت وحده منهم كانت بتقرا الفنجان لاصحابى ودار بنا حوار زرجنها منى على الاخر بس ماعرفتش تفلفص ولميت الدور علشان البنات اللى قاعده ماتزعلش منى لو مشيت
وطول عمر الشغل شغال من زمان
كان الجان المسخر عن طريق المشعوذين دول والعياذ بالله بيشيلو بعض للسماء ويسترقو السمع واؤامر الله عز وجل للملائكه فاكانو بيعرفو المستقبل
ربنا عز وجل عمل الشهب دى لكده لحراسه السماء وجعل انواع الجن دى عبره
لبنى جنسهم وجنسنا
ومن يومها لو قابلتى حد جامد منهم
ومايعرفش حاجه عنك فعلا غير الفنجان
اللى فى ايدك هايقولك كتتتتتتتتتتتتتير من الماضى ويلملمك شويه استنتاجات منها ويلزقهالك فى المستقبل
والكلام اللى بقولهولك دا عن تجربه فعلا
وطبعا كذب المنجمون ولو صدقو او صدفو
جميل يابطوط تسلم ايدك
هههههههه
زهراء حبيبه قلبى
انتى بدون قصد ولا سابق حوار بينا كنتى بتحكى فعلا قصه حدثت معايا بالفعل
بس انا مش بعرف افتح الكوتشينه
كانت مجرد لعبه قراءه الفنجان
كنت بحب ديما اشرب القهوه واقعد اتفرج عليه
وفى يوم من الايام قاعده فى الشغل وكانت زميلتى عارفاها زعلانه من حماتها
ولما شافتنى بقرا الفنجان قالتلى تعالى اقريلى الفنجان وبالفعل فضلت اكلمها واقولها على مشاكل عاديه ممكن تحصل بين البنت وحماتها لقيتها صدقت بالفعل وطلعت عليا سمعه انى قارئه الفنجان
وخدتها لعبه وتسليه فتره
لدرجه ابتدى زميل ليا يلح ويصر بشكل غير عادى انى اقراله الفنجان وفضلت احلفله ميت يميت ان ده مش حقيقى وانى بكدب ومش بعرف اصلا اقرا وبعد الحاح قريت له الفنجان
ويا العجب لقيته صدق كل كلمه بقولها
وحزنت فعلا لاجل التسليه واللعبه اللى تغضب ربنا
ومن يومها ابدا ما افكر اقرا الفنجان حتى لو شربت ميه فنجان قهوه
كله كدب فى كدب
وفعلا كذبوا المنجمون ولو صدقوا
تحياتى اليكى جميلتى
السلامو عليكم
أولآ وقبل كل شئ أناأسف على التأخير فى التعليق
البوست نزل امبارح
وانا بارد جى النهارده اعلق
معلش
كنت مسافر فى الشغل سفريه صوغانتوته كده على الماشى يومين بس بره بتنا
وبعيد عن سريرى
نايم قاعد كده فى العربيه
والنبى ده الحاضر اعرف ايه بقى فى المستقبل
مش عايز
ههههههههه
أخس عليا نسيت أمسى وأسلم
أزايك ياقمر التدوين يازهراء
وبردو بمسى على لولا
ثانيآ نيجى بقى للمعلمين المنجمون
موقف عمرى ما اقدر انساه
كنت فى مكان ما مع مجموعه من الاصحاب
وبعدين شفنا واحده من اللى بتضرب الودع وتقرأ الكف وتفتح الكوتشينا وسبع صنايع والبخت متنيل بميت نيله وضايع
المهم راحت واحده خطيبت صاحبى شبطت وقالت لازم اروح
ولا والنبى علشان خاطرى ونقولها يابنتى حرام
مينفعش احنا ناس متعلمه وده تخلف
مفيش دماغه ميت جازمه
وبقيت البنات شبطو برضو
رحنا
بس صاحبى خطيب البنت ديه اتعارك معاها وزع وقالها ده دجل ودول غجر وحرميه وكدبين
وده بصوت عالى الست بتاعت الودع سمعته
وخدت باله منه
قالت ايه بقى لخطيبت صاحبى ده
ركزى بقى فى اللى جاى
وشوشى الودع ياشابه
وشوشه الست
راحت واخده الودع على ودنها
وقالت زين زين والله وزين
قولنا خير
قالت انتى فى حد فى حياتك قريب منك ورايدك
راحت البنت مبتسمه وبصه لخطبها بنظره كده
راحت قالتلها خلى بالك منه
يدبرلك مصيبه وهيكون قدمه شوم عليكى
ههههههههههههههه
راحت البت بصه للواد بقرف
وقالتلها وهيموت من حبايبك قريب لو كملتى معاه
لانه شؤم على اى بيت يدخله
ههههههههههه
البت اتعركت مع خطبها وقاتله انا هفك الخطوبه
وفعى فكت الخطوبه
كل ده بتنتقم الست الدجاله من صاحبى
شفتى الدجل عمل ايه
خرب الدنيا
من يوميها بقى وانا بقول يخرب بيت الدجالين
وأنا أساسآ مش بحب اعرف اى حاجه عن المستقبل لانه بتاع ربنا
وبعدين الحاضر منيل بستين نيله
يبقى المستقبل ايه
هههههههههههه
الحمد لله على كل شئ
لو علمتم الغيب لخترتم الواقع
وانا مؤمن بالله عز وجل
ومؤمن بقدرى واللى مكتوبلى هشوفه
الحمد لله على النصيب والرزق والحال مهما كان
بوست رائع زى العاده يازهراء
تقبلى منى تحياتى لأجمل قلب
محمــــد التركـــى
Haytham Alsayes
-**-*-*-*-*-*-*-*-*-*-***
هيـــــثم
اه والله الحكايه كلها نصب فى نصب بجد
تسلم على مرورك الطيب
ghada mOhsen
-*-*-*-*-***-*-*-*-
القمر غــــاده
عارفه يا قمر فى ثانوى تلاقى كل البنات تقريب او نقول معظمهم قبل ما حد يجى يضربنا من البنات الحلوين
المهم تلاقى كل بنت عاوزه تعرف هى هتدخل كلية ايه وهتحب امتى ؟؟ وهتخطب وهى فى الكليه او هتتجوز على طول ؟؟ واسئله كتيره بس هى متلهفه تعرف بكره شايل معاه ايه ورغم ان بكره ده لسه حكايه بعيده لسه فى عالم الغيب ..
انا كمان كنت اقعد اضحك على اصحابى ومعارفى وهما عاوزين يعرفوا كمان وكمان
على فكره انا كمان مش استمرت فى الموضوع ده كتير تقريبا 6 شهور لانى بعدها قررت انى ارتدى الحجاب والحمد لله رجعت الى عقلى وبطلت التخاريف والخزعبلات دى
انتى كمان وحشاااااااااااااااانى
يارب على طووووووووول بخير يا غاده يا قمر
BNT ELISLAM
-***********-*-**-***
بنت الاسلام
كل واحد فينا عاوز يعرف ايه اللى جاى بعد شويه
يمكن خوف من المجهول اوعاوزين نفهم ايه اللى هيحصل كل واحد وتفكيره
مافيش تطويل ولا اى حاجه
انتى تشرفى فى اى لحظه
اتمنى لكى السعاده على الدوااااااااااام
miroooo
-*-*-*-*-*-*-*-*
مـــــــــــــــيروووو
عارفه المشكله لما كانوا اصحابى يصدقوا كلامى وتلاقى واحده فيهم بعد يومين تتصل تقولى كل كلامك حصل بالحرف وانا اصلا نسيت قولت لها ايه وابقى زعلانه من نفسى بجد واقول يارب اغفر لى انا كنت باهزر ...
ربنا يهب لكى الصحه والسعاده على الدوام ..
على فكره انا بعدت عن الموضوع ده بقرار جامد والحمد لله قدرت انفذه
ادعو الله ان يهب لكى سعاده وخير وحب يا احلى ميرو فى الدنيا كلها
الحب الجميل
-*-**-****
ايمى
صباحك فل ابيض وورد بلدى احمر كمان هههههههه
فعلا بكره ده عند ربنا وماحدش يعرف فيه ايه بس اكيد كل واحد فينا عاوز يعرف ايه اللى جاى
بكل تأكيد الموضوع حرام وفعلا هناك الكثير من الفتاوى فى هذا الموضوع
على فكره انا اتكلمت على الموضوع من وجهة نظر شخصيه ويمكن لانها تجربه مريت بها
قولت انقل لاصدقائى خبره فى موضوع ما
تسلمى يا احلى حب جميل فى عالم التدوين
The illusionist
-***-*-*-*-*-*-*-*-*-*-*
زنــــــــــــــــــــــاتى
عجبنى اوى حكاية من صميم قلبك دى ههههههههه عارفه ان كل كلامك من صميم قلبك
انت تعرف حاجااااااات كتييييييييييير
اطمن انت عرفت كل حاجه وانا صريحه وباقول كل حاجه حصلت بكل صراحه
نورت يا زناااااااااتى باشا واتفضل كمان كوباية شاى وفيها اربع ملاعق سكر
أولا دا حديث مش مقولة
http://www.islamweb.net/ver2/fatwa/ShowFatwa.php?lang=A&Id=60708&Option=FatwaId
ثانيا بى ودا الأهم ومفيش أهم منه
نسيت كنت هأقول إيه
ما علينا
موضوع إن أى حد يتكلم عن الغيب وفى اليبسواء بفتح الكوتشينة أو الفنجان او الكف أو الودع ....إلخ
فكلام فارغ جدا وللأسف الشديد بنلاقى كمية بش مخيفة فى ظل الاختناق الموجود فى البلد ومع غياب التثقيف الدينى وغياب الدين نفسه بنسبة كبيرة من عند الناس نلاقى ضعاف النفوس ماشيين فعلا ورا الناس دى
كان فى لعبة بأحب ألعبها على أصحابى ويمكن لسه مستمرة معايا لحد النهاردة وهى إنى أعرف كل حاجة إزاااااااى
بسيطة كل واحد منهم بيقع بكلمة هنا وكلمة هناك وأنا ذاكرتى كويسة شوية وتلاقينى ربطت الكلام وبأتكلم معاه فى موضوع هو واثق إن مفيش حد يعرفه غيره
وحلق حوش وجلا جلا
كالعاده بوست جميل يا زهرا
انا برضه مش بقتنع بالكوتشينه ولا الفنجان
ولا عمرى اتشديت للفكره من اصله
بس واضح طبعا ان اللى بياخد الموضوع ده باب رزق اكيد نصاب وكداب
لان الموضوع ده حرام اصلا من الاول
ربنا يبعدنا كلنا عن الحرام واهله
للاسف فيه ناس كتير بتبدأ الموضوع بفضول وبعد كده الامر بيتطور
رغم ان الحديث النبوى واضح ان من ذهب لعراف أو كاهن لا تقبل طاعته 40 يوما
Tears
-********
المواضيع دى كلها تسليه بس مش كل الناس تاخد الموضوع تسليه فى ناس بتاخد الموضوع جد اوى وتصدقه كمان
بالنسبه للابراج فى بعض الاحيان تيجى بالصدف وتلاقى الكلام فعلا بيحصل بس برضه صدفه
نورتى وشرفتى
كلام من قلبي
-******---*-***-*
الموضوع كله نصب المشكله فى الناس اللى بتصدق الكلام ده
نورتى يا قمر
Ramy
-*-**-**-
راااااااااامـــــى
ربنا يقويك فى شغلك ويكتب لك الخير ياااااااااااااااااارب
انا فعلا اتكلمت عن تجربه شخصيه مريت بها عشان بجد بازعل اوى لما اشوف حد بيصدق الكلام ده وهو اصلا كذب فى كذب ونصب فى نصب
فى ناس بتاخد الموضوع عن طريق التسليه او الهزار والضحك
وفى ناس بتحب تجرب وبس وبرضه هزار
المشكله فى الناس اللى بتصدق يا رامى
نورت وشرفت يا اجدع رامى
Ramy
-*-*-*-*-
رامى من تانى يا هلا وغلا
محدثتك فاطمة الزهراء من امام البى سى والنت اللى قرب يجننى
وباشد شعرى من النت ههههههههههههه
فتاه من الصعيد
-**-*-*-*-**
احلى فتاه فى الصعيد كله
كله على الله
بس لازم الواحد ياخد عبره وحكمه من امبارح ويخطط لبكره ويحلم كمان بس بعيد عن كل الخزعبلات دى
نورتى وشرفتى
Noha Saleh
-*-*-*-*-*-*
صح كلامك يا نهى
بكره ده لسه حكايه بعيده لسه فى علم الغيب
برامج التى والاذاعه انتشرت اوى واللى يشوف البرج والتاروت وساعة الميلاد وبصراحه رزق الهبل على المجانين
اللى بيغظنى بجد ان الناس المتعلمه بتصدق الكلام ده وتجرىوراه فمابالك بالناس البسيطه تعمل ايه
ادعو الله ان يهب لكى الصحه والسعاده
نورتى يا ارق نهى
Ms Venus
-*-***-*-*-*-*-***
فيــــــــنوس
فعلا الناس عندهم امل وعاوزين يصدقوا اى حاجه وخلااااااااص
المهم حاجه تبشرهم وبس ...
الموضوع فعلا نفسى ميه فى الميه صح كل حرف انتى قولتيه يا احلى فينوس فى الدنيا كلها
كلامك واااااااااضح جدا جدا
ثانكس على الورد يا احلى وارق واجمل فينوس
نورتى وشرفتى يا قمر
ساسو
-*-*-*-*-*-*
صح كلامك يا ساسو كله ضحك على العقول وللاسف بتلاقى اللى بيصدق الضحك ده وماشى وراه وبيدور عنه كمان وعلى فكره الموضوع ده فى ناس بتاخده تجاره ويقولوا فتح الكوتشينه بكذا وقراءة الفنجان بكذا
باشكرك على كلامك الجميل
دمتى بكل خير وسعاده
SHAPE YOUR LIFE (ABOALI)
-*-*-*-*-*-*-*-*-*-*-*-*-*-*-*-*-*-*-*-*-
ابـــــــوعلى
والله عندك حق فى كل حرف انت كتبته ...
المنجمون بيكون كلامهم مشعول وله اثر فى النفوس عشان كده الناس بتصدقهم وتجرى وراهم وتقعد تسمع لهم
والنفوس الضعيفه تستغل هؤلاء البشر وتبدأ فى اللعب على احلامهم وامنياتهم للمستقبل سواء القريب او البعيد
اللى بيجننى بجد ان بقى فى برامج للمواضيع دى والناس تتلهف عليه وكمان فى ارقام تليفونات وكأن القدر اصبح فى ورقة كوتشينه او فنجان مقلوب او برج او ما الى ذلك ....
عاوزه اقولك من خلال تجربتى مش النساء وبس اللى متلهفين على الموضوع ده لكن ايضا هناك رجال وشباب
اتذكر حد من اصدقائى كان داخل مشروع تجارى وجه يقول افتحى لى الكوتشينه عشان اشوف المشروع هيخسر او يكسب يعنى هو حدد كمان عاوزه ايه ولانى كنت فاهمه طبيعة مشروعه وكمان طبيعة شخصيته بدات اقول كلام فيما معناه ان المشروع هيخسر وبعد كذا شهر فوجئت ان هذا الصديق يتصل ويقول انا مش صدقتك المشروع خسر اصابتنى دهشه وقتها لان قام بتصديق كلامى واقسم بالله اننى كن نسيت الامر بكل ما فيه ....
اشكرك على دعائك الجميل لى وبارك الله فيك يا استاذى
داليـ ـ ـ ـ ـ ـ ــــا
-*-*-*-*-*-*-*
صح كلامك يا داليا كله بيعتمد على درجة ذكاء اللى بيتعامل معاكى وطريقة تفكيره وكمان لان الشخص اللى بيلجا لكده بيكون عنده حاجه زعلان منها او متضايق منها او تعبان نفسيا وبيكون فى انتظار اى جمله او حتى كلمه تريحه
نورتى يا دوللى وفى انتظار تشريفك لنا على الدوام
همسات وبحــ الحياه ــر
-*-*-**-*-*-*-*-*
همسااااااااااااات
ههههههههههههههههههه مش نسيت ارمى بياضك لكن اتكلمت على تجربتى الشخصيه ومش كان فيه ارمى بياضك عشان كنت باعمل الموضوع ده من غير فلوس لانهم كلهم اصحابى واقاربى ومعارفى ....
هما فعلا بيكونوا منتشرين فى المصايف والناس ما بتصدق اى كلمه بس برضه كذااااااااااااابين مهما قالوا وعملوا
نورتى يا اجمل همسه
همسات وبحــ الحياه ــر
-*-*-**-*-*-*-*-*
همسااااااااااااات
ههههههههههههههههههه مش نسيت ارمى بياضك لكن اتكلمت على تجربتى الشخصيه ومش كان فيه ارمى بياضك عشان كنت باعمل الموضوع ده من غير فلوس لانهم كلهم اصحابى واقاربى ومعارفى ....
هما فعلا بيكونوا منتشرين فى المصايف والناس ما بتصدق اى كلمه بس برضه كذااااااااااااابين مهما قالوا وعملوا
نورتى يا اجمل همسه
momken
-**-*-**-*-****-*
ممـــــــــكن
مش لازم تكون مؤمن بها لكن الاكيد اننا بنشوف ناس حولينا مؤمنين بالكلام ده جدا وبيجروا وراه
متقفه معاك على موضوع الايمان بالقدر لكن فى ناس على سبيل التسليه او المزاح وشوية هزار ويبدا الموضوع فيهم اللى يفضل الموضوع بالنسبه له هزار وفيهم اللى يقلب جد ....
الناس عاوز تعرف بكره فى ايه ياترى شايل حزن ام فرح ده كل همهم فى الحياه
على فكره البوست كان المفروض يكون اطول من كده بس خوفت الناس تزهق من الرغى
اشكرك على كلامك يا ممكن
نورت وشرفت
شمس النهار
-*-*-**-**
احلى شمس ...
على فكره موضوع تراجعى جه مع قرارات اخرى والحمد لله نفذتها بجد
ويمكن كل اللى كانوا حواليا كانوا بيشجعونى استمر فى الموضوع ما عدا امى بارك الله فى عمرها
كانت تقولى حرام الناس اللى بتصدق كلامك اقولها يا ماما هما اللى عاوزين يصدقوا انا مش باضرب حد على ايده
والحمد لله اخدت القرار وزى ما قولت من وقتها لما امسك كوتشينه فى ايدى خالص مالص
ربنا يحفظك ويبارك لك يا شمس النهار
المدونه نورت واتشرفت بتواجدك بيننا
H@mdy
-*-*-*-****-*
حمـــــدى
انت كمان لك وحشه كبييييييييييره من يوم اللقاء
اها انا قومت بأدوار كتيييييييييييير بس خوفت اقول الكلام يوم اللقاء احسن تقول عليا انى ممثله هههههههههههههههههه
نورت وشرفت
يارب تكون بخير يا اجدع حمدى
richardCatheart
-****-*-*-*-*-*-*-*-*-*-*-*
مــــــــــــــــــــــارووووو
يا هلا وغلا الحمد لله كلنا بخير طول ما انتى وكل احبابك بخير وسعاده
الموضوع كله نصب فى نصب وورا كل واحد نصاب فى حد متلهف على انه يعرف بكره فى ايه وبتكون عادة الشخص ده عنده حاجه مخليه حياته تعبانه او نفسيته هشه ....
فعلا الناس اللى اتكلمت عنهم هما اصحابى ومعارفى انما الناس التانيه اللى بيكون نظام فلوس وارمى بياضك ربنا يكفينا الشر بصراحه انا باخاف اتعامل معاهم اوى اوى
عارفه يا مارو الناس دى مجرد انها تقول على حاجه حصلت فى الماضى تلاقى اللى بيتعامل معاهم انبهر ويقعد يسال نفسه بما انهم عرفوا الماضى يبقى هيعرفوا المستقبل " استغفر الله العلى العظيم " لازم كمان نحط فى الاعتبار ان اللى بيروح الى دجال بيكون اليأس متملكه وخلاص مش قادر يعمل اى حاجه وفى نفس الوقت بيكون عاوز يصدق اى كلمه هتتقال سواء وحشه او حلوه .....
صح كلامك كله يا مارو المشكله انك لو نصحتى حد وتقولى له يا عم بلاش ده شغل نصب وبيغضب ربنا طبعا مش كل الناس هتسمع الكلام ده لان زى ما قولت من شويه فيهم اللى بيتعلق بأى كلمه وكأنه غريق وبيتعلق فى قشه
ربنا يكفينا جميع الشرور
نورتى يا مارو وسلامى كل الناس الغاليه
mrmr
-*-*-*-*-*
مــــــــــــرمــــــــــر
ازيك يا قمر يارب تكونى بخير و سعاده
انا بقى كنت شغاله كونتشينه .... فنجان اى حاجه هههههههههههههه
كله نصب فى نصب وفى ناس بتصدق وهنا الكارثه فى اللى بيصدق .....
عارف هو بيصدق لانه عاوز يصدق والله العظيم انا كنت باقسم انى بانسى الكلام بعد ما باقوله لكن ماحدش كان بيصدقنى للاسف الشديد
هو فعلا يباد الموضوع هزار فى هزرا وتلاقيه فجاه قلب بجد
ربنا يكرمك ويسعد قلبك يا احلى مرمر فى الدنيا كلها
نورتى وشرفتى
محمد التركى
-*-*-*-*-*
محمـــــــــــــــد
وعليكم السلام ورحمة الله وبركاته
اولا وقبل كل شئ مافيش داعى للاسف زى ما انت شايف كل شويه ارد على مجموعه لان النت عندى فله شمعه منوره هههههههههههههههههههههههههههههههههههههه
حمد لله على السلامه ويارب تكون اتوفقت فى الشغلانيه الصغننونه
عاوز تعرف المستقبل .......... ان شاء الله
الحكايه اللى انت قولتها حصلت مع ناس متعلمه ومع ذلك صدقوا اللى حصل ووقعت المشكله بين البنت وخطيبها فما بالك لو الموضوع بين ناس جهله
اللى يغيظ يا محمد لما تلاقى ناس على قدر عالى من التعليم والثقافه ومع ذلك برضه بيجروا ورا الخزعبلات دى
لو كل واحد يعرف ان بكره ده لسه حكايه بعيده لسه فى علم الغيب كان اكيد هنرتاح
نصحيه لك بصفه شخصيه احلم بيوم جميل لم يأت بعد وسوف تنال فيه كل ما تتمناه واكثر
ادعو الله لك ان يهب صحه وسعاده وحب وخير
تحياتى لشخص الكريم الطيب
نورت وشرفت وفى انتظارك على الدوام وخد بالك انى ناويه اعمل عندك احتلال ان شاء الله فى المدونه
ربنا يحفظك فى كل مكان
الازهرى
-*-*-*-*-*-*
اولا شكرا على التوضيح ان هذا الكلام هو حديث شريف لانه الامر كان مختلط عليا
لما تفتكر اللى كنت عاوز تقوله تعالى بسرعه قوله قبل ما تنساه من تانى ههههههههههههههههههههههههه
المشكله بجد لما تلاقى الناس اللى المفروض متعلمه وفاهمه الدنيا والحياه والدين هى اللى بتجرى ورا الخزعبلات والكلام الفارغ
ربنا يسترها علينا فى الايام القادمه
شرفت ونورت
صيدلانيه طالعه نازله
-*-*-*-*-*-*-*-*-*-*-
علاااااااااااا
تسلمى انتى اللى جميله عشان كده شايفه كلامى حلو
فعلا الناس اللى بتاخد الموضوع ده باب الرزق لها بيحاولوا يقنعوكى بالكلام اللى بيقولوا عشان انتى تحكى لكل معارفك وبكده تكونى علمتى دعايه لهذا النصاااااااب
ربنا يكفينا شر ما يكون قبل ان يكون
نورتى يا قمر
موناليزا
-**-*-*-*-***
الخوف فعلا من االلى ياخده على سبيل الهزار وفجاه يقلب جد هنا بقى بتكون المصيبه الكبرى
ربنا يكفينا شر كل ما هو حرام ومحرم
نورتى يا ارق موناليزا
Haytham Alsayes يقول...
فعلا عندك حق
الحكاية كلها نصب
وكذب المنجمون فعلا
تحياتي علي موضوعك الجميل
" هلا وسهلا بيك يافندم عامل ايه؟ تحياتي على مرورك الجميل(:"
ghada mOhsen يقول...
إزيك يازهرتي
^^
حكاية الكوتشينه أنا عملتها في ثانوي .. كنت أجمع البنات وأقعد ارغي رغي مالوش أول من أخر وكله هبل في هبل ...
والمشكله البنات كانوا يصدقوني بشكل أعمى ...
وأنا كنت أضحك عليهم في سري ...
بس أنا بطلت ده على طول .. عشان فعلا حسيت إنه كله هبل ونصب على عقول البنات الفاضيه ...
وأنا كنت وخداها هزار ليس إلا هههههههههه ...
...............
طبعا كل الحاجات دي تخاريف وحرااااام
فلا يعلم الغيب إلا الله
ونعمه بالله
...............
واحشني يابنوتين ياحلوين كتير
وبعتذر على تقصيري الدائم
فأنا مُدونه كسوله حبتين
:))))
سلامي لولا ...
^_^
11" غدغوووووووووووووووووووووودة ازي القمر... بطلي كسلبقى :d"
BNT ELISLAM يقول...
اكيد عندك حق طبعا
لو الاحسن لينا اننا نعرف ايه اللى يحصل بكره
كان ربنا قدر لنا نعرف كل حاجه لكن ربنا له حكمه فى ذلك
ولو هنعرف كل شىء يبقى مفيش اختيا وهنلغى العق عشان يفكر ويقرر ومش هيكون فى قضاء وقدر
واشياء كتير اخرى
اسفه للتطويل بس هو موضوع مهم
تقبلى وجودى
لك احترامى وتحياتى
" هلا ببنت الاسلام .... مرورك طيب ياقمراية واتكلمي براحتك (:"
miroooo يقول...
عندك حق فعلا يا زهراء
اغلب الناس بيفتكروا الكلام ده حقيقى وانهم مش نصابين ولا حاجه ومهما تقوليلهم وتعقليهم مفيش فايده يا اوختى
الصراحه انا عمرى ما جربت شىء زى كده ابدا ولا حتى فكرت لانى عارفه ان كل شىء بامر الله مع انى مريت بظروف مرضيه كانت صعبه اوى عليا كان ممكن الجا للسحر او الحاجات الفارغه دى بس الحمد لله التقرب من ربنا مفيش افضل ولا احسن منه
الحمد لله انك بعدتى عن الموضوع ده اصلا
تحياتى لعقلك المتفتح
سلامى للولا
" ميروووووووووووووووو وصل سلامك ياقمراية ..الحمد لله ان ربنا هدانا ع الطريق المستقيم"
الحب الجميل يقول...
صباحك فل يا زهراء
بكرا دا فى علم الله
الله يعلم الغيب ونحن لا نعلمه ويجب الا نسعى على معرفته لان كله باذن الله
وحرام أكيد اننا نسعى لمعرفته
وفعلا كذب المنجمون ولو صدقون لانها ممكن تيجى معاهم بالصدفة تكون صحيحه بس برضوا كاذبين ومنجمين
موضوع فعلا رائع
وحشتتتتتتينى اوى يا بنت بلدى
تحياتى لشخصك الطيب
" اجمل كلمة بكرة في علم ربنا(:(:(: ... مرورك طيب (:"
The illusionist يقول...
حلو هذا البوست الامور الشطور الظريوف
لا حلو البوست ده من صميم قلبى بقولك انو حليوه
وبنعرف حاجات جدييييييييييييييييده
هه هه
ماشى ماشى
وربنا لييجى يوم بقى واعرف كل حاجه
عجبنى البوست دهون جدا وعلقت اهون جدا
" زنااااااااااتي ياقريب عبد الفتاح بيك الزوناتي ازييييييييييك فينك يا راجل!!"
Tears يقول...
معاكى حق و اعتقد ان المواضيع دى كلها للتسلية مش اكتر و مش لازم ناخدها بجد
انا لااؤمن بالحاجات دى و لا بالابراج مع انى بعترف انها بتصدق احيانا و لكنى اعدها مجرد صدفة
" اهلا بالقمر صاحبة اجمل دموع (: كيفك متقريهاش احسن عشان متزلزلش ايمانك"
كلام من قلبي يقول...
فعلا كلوا نصب
بس للاسف البيصدقوهم
مش بيعرفوا يكدبوهم تاني
تحياتي
" فيه حديث بيقول فيما معناه من اتى عرفاَ فأمن به فقد كفر على ما انزل على محمد صلى الله عليه وسلم"
Ramy يقول...
زهرااااااء
(:
أزيك و أزى لولا
عارف بقالى فترة غايب بس بجد مضغوط فى الشغل
عارفة ان انت لولا التجربة الحقيقية اللى مريتى بيها مكنتيش أتكلمتى بقلب جامد كدة
دة طبعا ميصرحش ان احنا نجرب حاجات علشان نعرف تأثرها
بس بجد انا يمكن مش من المؤمنين بيها بس من الناس اللى كنت بأستعجب عليها و كان عندى فضول رهيب لمعرفة خفايا المواضيع دى
ربنا يوفقك دايما
" ساااااااااااااااااااامي ازيك (: ربنا يعزك عرفت السر من زهرة خلاص ؟ هههههههههه ربنا يسعد قلبك بكل خير"
Ramy يقول...
وكان معكم رامى
من امام اللاب توب شرم الشيخ
(:
" ترجع بالف الف سلامة ..متكلملي اسامة منير :d "
فتاه من الصعيد يقول...
انا لا عايزه اعرف بكره ولا امبارح ولا النهارده
كله على الله :)
تحياتي
" هلاااااا باجمل فتاة للصعيد(:"
Noha Saleh يقول...
لو علمتم الغيب لاخترتم الواقع
يعنى خليها على الله احسن ونعيش اللحظة الحلوة وبكرة نسيبه على الله
وكذب المنجمون ولو صدقوا فعلا
احيانا كنت بحب اشوف حظك اليوم زمان وكان بالصدفة يكون المكتوب صح
بس عمرى ماصدقت حاجة زى كده وعارفة انها كلها لعبة
المستفز بقى ان التلفزيون دلوقتى بيعمل اعلانات لعالم الفلك فلان وعالمة الفلك فلانة
والناس ممكن تتصل تسألهم عن الغيب وهما عارفين ان الغيب فى علم الله
بوست رائع يازهراء
" عيش كل لحظة وسيب بكرة ع الله ...تسلمي على الكلام الجميل زيك(:"
Ms Venus يقول...
ههههههههههههه زهورة يا جميلة
طبعا كلامك صح
وكل ده نصب وكذب
بس تعرفى ليه الناس عاوزة تصدقه ؟
لان نفسهم فى امل حتى لو بالكدب
او لو حد فى حكاية فاشلة عاوز اللى يقوله مش انت السبب مثلا
يعنى كلها حاجات نفسية عاوزين يلاقوا الشماعة ليها
مش عارفة اذا كنت قادرة اعبر عن اللى عاوزة اقوله ولا لا
المهم انى موافقاكى وكله بايد ربنا اكييد
وردة لعيوونك يا قمراية انتى ولولا
" ميرسي ع الوردة ياقمراية كلك رقة وذوق"
ساسو يقول...
بجد عندك حق يا زهوره
كله كلام فاضي
مفيش حد يعلم الغيب غير ربنا
كل دا ضحك علي العقول وخلاص
وشعبنا نقطه ضعفه انه خفيف ما بيصدق يلقا اي حاجه يجري وراها ويتعلق بيها حتي لو كانت حرام
فعلا موضوع جميل
بحييكي علي اختيارك
بحبك مووووت
" خفيف دي ياعني عقله خفيف ولا دمه خفيف (: عثثثثثثثثثثثثثثثل يا ارق ساسو "
SHAPE YOUR LIFE (ABOALI) يقول...
النجوم تشد النظر دائما يراه البشر بعيده ولا يستطعون ملامستها والتأمل عن قرب فيها
فيجلس هذا وذاك
يرسل اشارات الى نفسه يحاول بها فك بعض الطلاسم التى تحيط فكره وتكاد تصيبه بالجنون ان لم يعرف ما هو غيب عنه وهولاء هما المرضى الحقيقيون
ومنهم جاء من سيطر على عقولهم واستغل ذلك التفكير الهوائى
فجاء من استطاع بقدراته الكلامية ومهارته فى استنباط غيره ومعرفة اتجاهات عواطفة
واستغل ذلك البناء الانسانى الهش
واستطاع ان ينبش فيه
وبعادة الطمع والرغبة فى معرفة ماهو بعيد
جاء الاحتراف وجاء المنجمون
تلك الحالة ومجاراة المجتمع لها بكافة فئاتها
هى حالة سقوط دينى فجة
فهى تعبر عن جوف فارغ سيطرت عليه احاسيس الغربة من واقعه
و بث الشيطان فيه السم المناسب
حتى بند الحذر واجب وانهم ناس بركة وهكذا
فحدث السقوط نتيجة الفراغ وغوغائية مجتمع دعائمه ليس العلم ولكن الهمبكة والفهلوة
ما تكلمتى عنه هو انموذج تراه الاعين وتمادى فيه بنى البشر حتى كدنا نراه على الفضائيات
ويخطط البعض حياتهم على قراءة الطالع وهكذا
وهذا يدل على عموم الجهل واجحاف وبعد الكثير عن تذوق دينه واصبح الدين له مراسم لا روح فيها
ومن جاعت روحه لجأ الى المنجمون
جميل تفكيرك يا زهراء وانسانيتك فى طرح الموضوع
لان اكثر المتأثرين بالمنجمون الوسط النسائى
لاعتلال ثقتهم فى انفسهم وضعف قدرتهم فى تغير وتحدى ما يقابلهم من معيطات حياه
ربنا يبارك ليكى دايما فيما تخطى وتكتبى وينقى سريرتك دائما
" حلو اعتلال دي عجبتني :d ربنا يبارك في عمرك ولاولادك (:"
داليـ ـ ـ ـ ـ ـ ــــا يقول...
يابنتى عندك حق
انا ليا واحده صحبتى راحت للمنجمون وكده وقالوا لها حاجات عاديه تتماشا مع اى بنت انها لسه متخطبتش وكده
وجات حكت لى الكلام ده
قولت لها الكلام عادى وصدفه عاديه وهتلاقيها بصت فى ايدك وشافت انك مش لابسه دبله
وقولت لها روحى لها تانى وخدى دبلة اختك والبسيها هتلاقيها مش هتكلمك عن الجواز ولا الخطوبه
ده نصب وانا متأكده من كده
" ههههههههههه قصة جميلة واستقبالك للموضوع جميل هي لو لبست دبلة كان الموضوع اختلف كتيييييييير هههه"
همسات وبحــ الحياه ــر يقول...
نسيتى ارمى بياضك ياشابه واوشوش الودع
انا بقى اتعاملت معاهم
وكنا فى المصيف وحصل ووقفنا وسمعنا وانبهرنا باللى قالته عن حيات خالى
بس
برضو كذب المنجمون ولو صدقوا
" ههههههههه احنا فيها اهو :d"
momken يقول...
الحقيقه انا لا اؤمن بالموضيع دى
دى غير ان خبرتى فيها محدوده جداً
فايمانى بالقدر ايمان راسخ
ان لو ان هناك من يعرف مستقبل غيره او حتى مستقبله
ما كان ابليس ليخطىء ذلك الخطأ ويقع فى اوج لعنه الله الى يوم الدين
بوست مفيد جدا وبين سطوره نصائح غاليه
دمتى فى منتهى الحكمه
تحياتى
" تسلم ع المرور الطيب وكلامك الجميل(:"
momken يقول...
الحقيقه انا لا اؤمن بالموضيع دى
دى غير ان خبرتى فيها محدوده جداً
فايمانى بالقدر ايمان راسخ
ان لو ان هناك من يعرف مستقبل غيره او حتى مستقبله
ما كان ابليس ليخطىء ذلك الخطأ ويقع فى اوج لعنه الله الى يوم الدين
بوست مفيد جدا وبين سطوره نصائح غاليه
دمتى فى منتهى الحكمه
تحياتى
" تسلم ع المرور الطيب وكلامك الجميل(:"
شمس النهار يقول...
اجمل مافي التجربه انك تراجعتي بنفسك وعرفتي الصح وماكملتيش
مواجهت النفس ده شئ صعب
وطبعا ربنا لم يطلع احد علي الغيب ابدا
والحقيقه انا مش بامن بالخزعبلات دي
خالص
ولا حتي علي سبيل الهزار
ولا بقرا بختك اليوم
:))
" جميل انها اللي مرت بالمزحة وتحولت معاها لمشكلة ثم هداها الله للحل "
H@mdy يقول...
زهراء ازيك اولا وعامله ايه
ثانيا :ليكي وحشة من يوم اللقاء :)
ثالثا:حلو دور هنيدي في فلم يانا يا خالتي ده اللي انتي قومتي بيه ... :D
تحياتي
حمدي ->واحد وخلاص
" ازيك يا حمدي يارب تكون بخير وسعادة ... انت واحد وخلاص ! هههههههه"
richardCatheart يقول...
ازيك يا بطوط يارب تكونى بخير انت كل الاهل وحبايبى اللى عندك
بصى يابطوط علشان انا دورت فى الموضوع دا كتير واتفرجت على ناس بتعمل دا لايف
الحمد لله من انا طبعا لانى مقتنعه انى لما اعرف الغيب هاعمل بيه ايه ماهو لو حلو جاى ولو وحش جاى وخلاص
العمليه فيها ناس طبعا نصابه وشغل حركات بس دول زى ماقولتى بيعملوها فى اصاحبهم او معارفهم لانه جمعين عنهم المعلومات الكافيه
نيجى بقى لناس زى اللى انا شوفتهم
دول والعياذ بالله بيكنو ملبوسين من جان وشغل قرائن بمعنى الجنى اللى عليهم بيتعامل مع قرين البنى ادم ويعرف عنه
اللى حصل ومايقدروش يقولولك كلام مؤكد
غير اللى حصل انما كلامهم عن المستقبل بيبقى مبهم مالوش معام لانه مبنى عن المعلومات اللى الجان جمعهاله من القرين فايخاف يوسع يتفضح وحصلت انى زنقت وحده منهم كانت بتقرا الفنجان لاصحابى ودار بنا حوار زرجنها منى على الاخر بس ماعرفتش تفلفص ولميت الدور علشان البنات اللى قاعده ماتزعلش منى لو مشيت
وطول عمر الشغل شغال من زمان
كان الجان المسخر عن طريق المشعوذين دول والعياذ بالله بيشيلو بعض للسماء ويسترقو السمع واؤامر الله عز وجل للملائكه فاكانو بيعرفو المستقبل
ربنا عز وجل عمل الشهب دى لكده لحراسه السماء وجعل انواع الجن دى عبره
لبنى جنسهم وجنسنا
ومن يومها لو قابلتى حد جامد منهم
ومايعرفش حاجه عنك فعلا غير الفنجان
اللى فى ايدك هايقولك كتتتتتتتتتتتتتير من الماضى ويلملمك شويه استنتاجات منها ويلزقهالك فى المستقبل
والكلام اللى بقولهولك دا عن تجربه فعلا
وطبعا كذب المنجمون ولو صدقو او صدفو
جميل يابطوط تسلم ايدك
" هلا يا رورو ...نورتي ازي الاولاد والحاج "
mrmr يقول...
هههههههه
زهراء حبيبه قلبى
انتى بدون قصد ولا سابق حوار بينا كنتى بتحكى فعلا قصه حدثت معايا بالفعل
بس انا مش بعرف افتح الكوتشينه
كانت مجرد لعبه قراءه الفنجان
كنت بحب ديما اشرب القهوه واقعد اتفرج عليه
وفى يوم من الايام قاعده فى الشغل وكانت زميلتى عارفاها زعلانه من حماتها
ولما شافتنى بقرا الفنجان قالتلى تعالى اقريلى الفنجان وبالفعل فضلت اكلمها واقولها على مشاكل عاديه ممكن تحصل بين البنت وحماتها لقيتها صدقت بالفعل وطلعت عليا سمعه انى قارئه الفنجان
وخدتها لعبه وتسليه فتره
لدرجه ابتدى زميل ليا يلح ويصر بشكل غير عادى انى اقراله الفنجان وفضلت احلفله ميت يميت ان ده مش حقيقى وانى بكدب ومش بعرف اصلا اقرا وبعد الحاح قريت له الفنجان
ويا العجب لقيته صدق كل كلمه بقولها
وحزنت فعلا لاجل التسليه واللعبه اللى تغضب ربنا
ومن يومها ابدا ما افكر اقرا الفنجان حتى لو شربت ميه فنجان قهوه
كله كدب فى كدب
وفعلا كذبوا المنجمون ولو صدقوا
تحياتى اليكى جميلتى
" مرمر هههههههههه حصلت معايا مهما احلف محدش بيصدق اني كنت بهزر :d تحسي انهم مابيصدقوا يصدقوا "
محمد التركى يقول...
السلامو عليكم
أولآ وقبل كل شئ أناأسف على التأخير فى التعليق
البوست نزل امبارح
وانا بارد جى النهارده اعلق
معلش
كنت مسافر فى الشغل سفريه صوغانتوته كده على الماشى يومين بس بره بتنا
وبعيد عن سريرى
نايم قاعد كده فى العربيه
والنبى ده الحاضر اعرف ايه بقى فى المستقبل
مش عايز
ههههههههه
أخس عليا نسيت أمسى وأسلم
أزايك ياقمر التدوين يازهراء
وبردو بمسى على لولا
ثانيآ نيجى بقى للمعلمين المنجمون
موقف عمرى ما اقدر انساه
كنت فى مكان ما مع مجموعه من الاصحاب
وبعدين شفنا واحده من اللى بتضرب الودع وتقرأ الكف وتفتح الكوتشينا وسبع صنايع والبخت متنيل بميت نيله وضايع
المهم راحت واحده خطيبت صاحبى شبطت وقالت لازم اروح
ولا والنبى علشان خاطرى ونقولها يابنتى حرام
مينفعش احنا ناس متعلمه وده تخلف
مفيش دماغه ميت جازمه
وبقيت البنات شبطو برضو
رحنا
بس صاحبى خطيب البنت ديه اتعارك معاها وزع وقالها ده دجل ودول غجر وحرميه وكدبين
وده بصوت عالى الست بتاعت الودع سمعته
وخدت باله منه
قالت ايه بقى لخطيبت صاحبى ده
ركزى بقى فى اللى جاى
وشوشى الودع ياشابه
وشوشه الست
راحت واخده الودع على ودنها
وقالت زين زين والله وزين
قولنا خير
قالت انتى فى حد فى حياتك قريب منك ورايدك
راحت البنت مبتسمه وبصه لخطبها بنظره كده
راحت قالتلها خلى بالك منه
يدبرلك مصيبه وهيكون قدمه شوم عليكى
ههههههههههههههه
راحت البت بصه للواد بقرف
وقالتلها وهيموت من حبايبك قريب لو كملتى معاه
لانه شؤم على اى بيت يدخله
ههههههههههه
البت اتعركت مع خطبها وقاتله انا هفك الخطوبه
وفعى فكت الخطوبه
كل ده بتنتقم الست الدجاله من صاحبى
شفتى الدجل عمل ايه
خرب الدنيا
من يوميها بقى وانا بقول يخرب بيت الدجالين
وأنا أساسآ مش بحب اعرف اى حاجه عن المستقبل لانه بتاع ربنا
وبعدين الحاضر منيل بستين نيله
يبقى المستقبل ايه
هههههههههههه
الحمد لله على كل شئ
لو علمتم الغيب لخترتم الواقع
وانا مؤمن بالله عز وجل
ومؤمن بقدرى واللى مكتوبلى هشوفه
الحمد لله على النصيب والرزق والحال مهما كان
بوست رائع زى العاده يازهراء
تقبلى منى تحياتى لأجمل قلب
محمــــد التركـــى
" عندك شهود انك كنت مسافر؟ وكام واحد شافك ورجعت الساعة كام وركبت قطر عادي ولا ديزل والتذكرة بكام والخيار النهاردة سعره ايه؟ هههههههههههههه ولا يهمك ع التاخير يافندم اخر ل تعليق اهتمامة عندنا زي اول تعليق"
الازهرى يقول...
أولا دا حديث مش مقولة
http://www.islamweb.net/ver2/fatwa/ShowFatwa.php?lang=A&Id=60708&Option=FatwaId
ثانيا بى ودا الأهم ومفيش أهم منه
نسيت كنت هأقول إيه
ما علينا
موضوع إن أى حد يتكلم عن الغيب وفى اليبسواء بفتح الكوتشينة أو الفنجان او الكف أو الودع ....إلخ
فكلام فارغ جدا وللأسف الشديد بنلاقى كمية بش مخيفة فى ظل الاختناق الموجود فى البلد ومع غياب التثقيف الدينى وغياب الدين نفسه بنسبة كبيرة من عند الناس نلاقى ضعاف النفوس ماشيين فعلا ورا الناس دى
كان فى لعبة بأحب ألعبها على أصحابى ويمكن لسه مستمرة معايا لحد النهاردة وهى إنى أعرف كل حاجة إزاااااااى
بسيطة كل واحد منهم بيقع بكلمة هنا وكلمة هناك وأنا ذاكرتى كويسة شوية وتلاقينى ربطت الكلام وبأتكلم معاه فى موضوع هو واثق إن مفيش حد يعرفه غيره
وحلق حوش وجلا جلا
"ههههه بس لازم تفهمهم سرها عشان ميعتقدوش فيك وفي ذكائك انه معرفة للغيب والعياذ وبالله"
صيدلانيه طالعه نازله يقول...
كالعاده بوست جميل يا زهرا
انا برضه مش بقتنع بالكوتشينه ولا الفنجان
ولا عمرى اتشديت للفكره من اصله
بس واضح طبعا ان اللى بياخد الموضوع ده باب رزق اكيد نصاب وكداب
لان الموضوع ده حرام اصلا من الاول
ربنا يبعدنا كلنا عن الحرام واهله
" هلا يا لولة عاملة ايه والاولاد ؟ يارب تكوني بخير وسعادة اسفة ع التقصير"
موناليزا يقول...
للاسف فيه ناس كتير بتبدأ الموضوع بفضول وبعد كده الامر بيتطور
رغم ان الحديث النبوى واضح ان من ذهب لعراف أو كاهن لا تقبل طاعته 40 يوما
"تسلمي مرتان ع المرور الطيب والمعلومة الجميلة(:"
اللى بيعمل الموضوع دا او بيصدقه بيفضل عمله غير متقبل لمده طويله لحد ما يتوب دا غير كميه الكدب واللعب بمشاعر وامانى الناس ربنا يتوب عليكى اوعى تعملى الموضوع دا تانى ربنا يبعدك عنه ويهديكى ويهديهم
بصراحه يا زهراء انا مش بعرف عن الموضوع ده حاجه خالص بس بجد
مرة اتحكى لى من صديقه عزيزة ان قابلتهم عرافه وشافت ليهم البخت وعملت معاهم حاجه غريبه جدا وانا وقتها قولتلها دى مخاويه يا بنتى اللى تعمل كده بتكون معاها جان هو اللى بيقوم بعمل الحاجات دى
ولو حد شاف الكوتشينه غريب عنك بردو بيكون كده او حتى الفنجان
انما انتى كنتى بتعمليها مع ناس قريبين ليكى عشان تقريبا عارفه عنهم كل حاجه
لكن لو حد مش بيعرفك اصلا وقال حاجه انتى عملتيها قبل كده هو ده اللى بيكون مخاوى واللى بيمشى فى الطريق ده بيتلط منه وبيكون فى اسوء حاله والله يا بنتى
ربنا يبعد عنا النصابين والدجالين والاشرار اللى فاضين لاذى الناس
نصيحه غاليه يا زهرا
وكويس ان اصحابك مش بيدخلو على مدونتك الا كانو قتلوكى وقتلو اهلهم عشان بيفتنو عليهم
صباحو ابيض يا قمر
كله نصب في نصب ومعلش انا جيت متاخر بعد كل الاصدقاء ما خلصوا كل الكلام بس بعد كده هاجي بدري بس اوعي تنصبي عليا
طوبه فضه وطوبه دهب
-*-***-**-**-*-****-*-**
الحمد لله الموضوع ده قعد معايا حوالى كام شهر لكن بفضل من ربنا استغفرت ربنا كتير اوى وبطلته خالص مالص
المشكله فى الناس اللى بتصدق الكلام ده وتجرى وراه ربنا يستر عليهم
ربنا يكفينا شر كل ما هو حراااااام
نورتى وشرفتى
gogo!sf
-*-*-*-*
جــــــوجـــــــو
اجمل حاجه ان الموضوع مش تعرفى عنه حاجه لانه بجد موضوع تافه اوى والبوست كان الهدف منه النصيحه لكل الناس ...
انا فعلا اسمع ان اللى بيمتهن هذا المهنه بيكون له علاقات غير معروفه
الناس اللى كنت باعمل معاهم كده ناس اعرفهم كويس اوى اوى عشان كده فاهمه احلامهم وامنياتهم
الحمد لله ماحدش منهم يعرف طريق المدونه والله لو حد فيهم دخل هيضحكوا على الايام دى الحمد لله ايام وراحت لحال سبيلها
نورتى وشرفتى يا جوجو
eng_semsem
-**-**-*-*-**
يا هلا وغلا
اهلا وسهلا بيك يا سمسم فى اى وقت
الموضوع فعلا كله نصب فى نصب
انت تنور فى اى وقت
اخر تعليق عندنا له اهمية اول تعليق
تشرف فى اى لحظه
رااااااااااااائعه بجد
شكرا على البوست
تجربة حلوة جدا يا زهراء
بالنسبة لي انا
بحب متابعة الابراج جدا من باب التسلية مش اكتر
لكن ماليش لا في القهوة و لا الكوتشينة
لكن في حاجة اهم نتعلمها من التجربة دي
في حياة كل واحد منا
ورق بيلعب بيه قدام الناس
حتى لو بيهزر معاهم او بيخدعهم
اكيد ده ممكن في يوم من الايام يجرح اللي حوالينا و اقرب الناس لينا
و مهما كنت مين
هيجي يوم
و ينقلب السحر على الساحر
و لا ايه رايكم؟؟
مدونه هنا السناهره
-***-*-*-*-*
ثانكس على الكلام
يوميات شحات
-**-**-**-*
لا شكر على واجب
نورت وشرفت
MTMA89
-**-***-**
مــــــــحمد
رغم مرور العديد والعديد من السنوات على هذه التجربه الا انها لازلت عالقه فى ذهنى وبصراحه اكتر قولت انقل لكم التجريه عشان الكل يستفيد منها ...
كتير مننا بيقرا الابراج من باب التسليه وليس اكثر بس الكوتشينه والقهوه والكف اعتقد انه حاجه تانيه خالص مالص ....
على فكره انا مش لعبت على حد
الموضوع كان مجرد هزار وكلهم اصحابى ومعارفى واقاربى
يمكن بعض الناس ممكن تعمل كده وكل واحد وخبثه وكل واحد وتفكيره
وبعدين حكاية السحر والساحر انا قولت ان الموضوع كان هزار وربنا اللى اعلم بالنوايا
صح ولا ايه رايك ؟؟؟
فى انتظار ردك تانى
نورت وشرفت يا محمد
صحيح يا فتاتي كذبوا ولو صدقوا أو صدفوا .....من سنين طويلة يمكن حوالي 20 سنة كنت في مكان وجت فيه واحده بتشوف الفنجان ...بصراحه مش عايزة أقولك الكلام اللي قالته حاجات كتير كإنها مرسومه على وشي وهي بتقراها وتحكيها لدرجة قعدت كام يوم دماغي بتفكر في كلامها وبعدين لجأت إلى الله استعين به و أساله ان يذهب هم قلبي و أفكاري التي جالت برأسي بسبب هذه المرأة والحمدلله ومن وقتها و أنا باستعذ بالله من شياطين الإنس والجن هؤلاء.تحياتي لقوة إراداتك وحبك لله
طوبه فضه وطوبه دهب يقول...
اللى بيعمل الموضوع دا او بيصدقه بيفضل عمله غير متقبل لمده طويله لحد ما يتوب دا غير كميه الكدب واللعب بمشاعر وامانى الناس ربنا يتوب عليكى اوعى تعملى الموضوع دا تانى ربنا يبعدك عنه ويهديكى ويهديهم
" برافو يا قمراية...بارك الله فيكي (:"
gogo!sf يقول...
بصراحه يا زهراء انا مش بعرف عن الموضوع ده حاجه خالص بس بجد
مرة اتحكى لى من صديقه عزيزة ان قابلتهم عرافه وشافت ليهم البخت وعملت معاهم حاجه غريبه جدا وانا وقتها قولتلها دى مخاويه يا بنتى اللى تعمل كده بتكون معاها جان هو اللى بيقوم بعمل الحاجات دى
ولو حد شاف الكوتشينه غريب عنك بردو بيكون كده او حتى الفنجان
انما انتى كنتى بتعمليها مع ناس قريبين ليكى عشان تقريبا عارفه عنهم كل حاجه
لكن لو حد مش بيعرفك اصلا وقال حاجه انتى عملتيها قبل كده هو ده اللى بيكون مخاوى واللى بيمشى فى الطريق ده بيتلط منه وبيكون فى اسوء حاله والله يا بنتى
ربنا يبعد عنا النصابين والدجالين والاشرار اللى فاضين لاذى الناس
نصيحه غاليه يا زهرا
وكويس ان اصحابك مش بيدخلو على مدونتك الا كانو قتلوكى وقتلو اهلهم عشان بيفتنو عليهم
صباحو ابيض يا قمر
" هي مخاوية لان العفاريت متقدرش تقولك غير على شئ حصل فعلا حتى ولو كان محدش شافك فيه هما بيشفوكي لانهم غير مرئيين فبتقولي ازاي دا محدش يعرف الموضوع ده .هو محدش يعرفه من الانس لكن الجن شيفينك فبينقلوه فبتفكري انه حقيقة"
eng_semsem يقول...
كله نصب في نصب ومعلش انا جيت متاخر بعد كل الاصدقاء ما خلصوا كل الكلام بس بعد كده هاجي بدري بس اوعي تنصبي عليا
" ولا يهم القمراية تنوري في اي وقت(:"
مدونه هنا السناهره يقول...
رااااااااااااائعه بجد
" تسلموووو ع المرور الطيب"
يوميات شحات يقول...
شكرا على البوست
" شكراَ ع المرور (:"
MTMA89 يقول...
تجربة حلوة جدا يا زهراء
بالنسبة لي انا
بحب متابعة الابراج جدا من باب التسلية مش اكتر
لكن ماليش لا في القهوة و لا الكوتشينة
لكن في حاجة اهم نتعلمها من التجربة دي
في حياة كل واحد منا
ورق بيلعب بيه قدام الناس
حتى لو بيهزر معاهم او بيخدعهم
اكيد ده ممكن في يوم من الايام يجرح اللي حوالينا و اقرب الناس لينا
و مهما كنت مين
هيجي يوم
و ينقلب السحر على الساحر
و لا ايه رايكم؟؟
" مينفعش حتى تتابعيهم من باب التسلية لانه شرك ...كلامك جميل عن اوراق اللعب والحياة والسحر تسلم الايادي(:"
كلمات من نور
-*-*-*-*-*-*
اللى بيقرا الفنجان وبيحكى عن الماضى كما قيل هو اكيد على صله بحد من عالم اخر وعشان كده بيخبره بالماضى
فى كل الاحوال هما كذاااابين ....
المشكله اننا بنصدق الكلام اللى بيتقال لنا وممكن ننبهر كمان ونقعد نفكر كتييييييييييييييييير فى الكلام اللى اتقال
الحمد لله ان ربنا تاب عليا من الموضوع وهو مش استمر اصلا غير كام شهر
بيشرفنى تلك الكلمات التى هى بالفعل من نور
بغض النظر هو كان بقصد الهزار ولا لأ..
بس الغريب قوووي واللي اكتشفته مؤخرا انه الناس عندها استعداد غريب لتصديق اي حد يتكلم عن مستقبلها..
مش عارف جابوا الثقة دي منين..!!
وطبعا احسن حاجة عملتيها هي انك حكيتي انك كنت بتعملي كده بهزار ومع ذلك وردود افعال الناس هي اللي كانت بتدفعك تكملي..!!
شكرا لولا و زهراء على ردكم
انا لما اتكلمت عن الورق اللي في حياة كل واحد
أنا قصدت ان كل انسان منا عنده ميزة او مهارة ممكن يلعب بيها على الناس و ممكن يفيدهم
هوا ده الأهم انه نطلع بيه من تجربتك
و ان كانت معاكي مجرد ورق
لكن في ناس عندها مهارات ممكن فعلا تأذي أو تساعد
و هنا
هينقلب السحر عالساحر حتى من غير ما ياخد باله
تحياتي
محمد
:)
Timo
-*-*-*-*
تيــــــــــمو
يا هلا وغلا ...
يارب تكون بخير وسعاده
كل واحد فينا عاوز يعرف بكره شايل له ايه ويسمع اى كلمه ويصدقها كمان
الموضوع مش له اى علاقه بالثقه لكن له علاقه ان الناس عاوزه تتطمن وهما فاكرين كده اطمئنان
انا فعلا كنت باقول فى وشهم ان الموضوع هزار فى هزار
وكنت استغرب من رد فعلهم اوى اوى ولسه رغم مرور سنوات على هذا الموضوع لسه برضه لما افتكر اقعد اضحك
نورت يا تيمو وشرفت
MTMA89
-*-****
محـــــــمد
كل واحد فينا لديه ميزه او اكتر اذا احسن اتسغلالها يقدر يوصل لحالجات كتير اوى لكن ل اسف فى احيان كتير بعضنا يستغل هذه الميزه استغلال سيئ ...
شرفت يا محمد وسعيده بالتواصل معاك وبمناقشتك
اشكرك واتمنى زيارتك عن قريب فى مدونتك ان شاء الله
اللي نفسي افهمه...
في تعليقات كتير تحت اسم لولا بتقول إن في حد تاني بيقول كذا كذا كذا ، انا مش فاهم حاجة هوا مين اللي بيقول بالظبط :) انا عايز الكبير هنا :))
بالنسبة للكوشتينة و اي لعبة فيها ذكاء أو تفكير فنحمد الله الذي رزقني بالغباء و دوام الخسارة فيها :))
إرسال تعليق