انا ... مش عارفه بجد

>> الأربعاء، 27 أكتوبر، 2010



أنـــا .. مش عارفه بجد















الاغنيه دى اسمها فى حاجات وسبب انى





حطتها هنا لان كلامى فى الفتره اللى فاتت






مع كل صديقاتى المتزوجات عنها






الحكايه بدات لما كنت بأكلم منى وسالتنى






عن الاغنيه دى وقالت انها بتعبر عنها




لانها نفسها تقول لزوجها حاجات كتير




بس تتمنى انه يعملها لوحده




سألتها :انتى عاوزه يعمل ايه





قالت الاقى مره منه بوكيه ورد وهو راجع



من الشغل ضحكت قولت لها يا بنتى





قولى كيلو طماطم لانها اغلى من الورد




قولت واضح ان الموضوع فى حاجه





اتفقت مع بعض صديقاتى وكلهم متزوجات ماعدا انا





المهم اول ما قعدنا مع بعض سالتهم على الاغنيه





قالت لى شيرين تصدقى انها بتعبر عنى




قولت فى سرى ايه الخيبه دى سالتها وعلى وشى ابتسامه





ليه يا شيرى يا قمر انتى نفسك جوزك يعمل ايه




قالتى نفسى يبعت لى مسدج





زى بتاعة ايام الخطوبه او مكالمه فيها كلمتين حلوين




قولت لها طيب ما تطلبى منه اواقولك على حاجه



احلى ابعتى انتى له مسدج او مكالمه حلوه كده





قالت لا هو اللى يعمل مش انا




فوجئت ان نهى بتدخل فى الحوار وتقولى





انا بقى نفسى جوزى يقولى تسلم ايديكى





بينى وبينكم نهى شاطره فى المطبخ جدا





وبتعمل اكلات احلى من اى مطعم





قولت لها وهو مش بيقول





قالت لا لما ياكل اقوله ايه رايك





يقولى حلو .. اول ايام جوزانا كان بيقول





تسلم الايادى .. احلى اكل دوقته فى حياتى




بصراحه القعده كانت فقريه اوى




وكان فيها كلام جامد اوى وكنت مستغربه




وقعدت افكر مع نفسى هو مش المفروض





زى اما باسمع ان الزوج والزوجه ستر وغطا على بعض






ليه مش تتطلب منه اى حاجه نفسها فيها




قررت بقى انى اشوف اصدقائى الرجال



اعرف رايهم وسالت اول حد فيهم



قال انا نفسى يكون فيه تفاعل رومانسى



بادره ولو صغيره المشكله ان الرجل



مطلوب منه كل حاجه



!!!!!!!!!!!!



قررت انى مش هاسال اى حد تانى



بس لما فكرت شويه تانى



قولت ليه الزوجه مش تقول انا عاوزه كذا





بصراحه مش بدافع عن الازواج





او الزوجات لكن باقول كلمة حق





الازواج برضه مطحونين وطالع عين اهلهم فى الشغل





والسعى ورا لقمة العيش والزوجه كمان مطحونه فى البيت





مع الولاد .. محتاره مع مصروف البيت





حاجات كتير متداخله





بس ياترى تفتكروا الحل ايه






عشان يرجع الحوار زى ما كان ايام الخطوبه






او حتى زى اول ايام زواج





ياترى هما كل المتجوزين كده بجد



انا .... مش عارفه بجد






مش لاقيه الاجابه : زهراء




100 التعليقات:

Ramy 27 أكتوبر، 2010 2:09 م  

يااااااه

دة أنا بقالى أسبوع عمال اسمع الأغنية دى كل ما اروح اى حتة

و قلت لازم اعمل بوست عليها

سبقتينى (:(:

المشكلة بقى

أنا معاكى أن الواحد بيكون مطحون بس لو فى كلمة حلوة

و لو بسيطة أكيد هتفرق

لو برضه الست قدرت التعب ده و قالت له انها مقدره دة

أكيد الزوج هيقدر قد ايه هو ممكن يكون ظالمها

بس فى الكليب بقى دة كان مطنش

تطنيشه سودا دا كنت عاوز اضربه أصل الجو اللى فى الكليب دة جو مناسب لحاجات تقدر تقولها كتير مش هيلاقى الفرصة ليها

الصراحة التصوير خُرافى

و نانسى تألقت الصراحة وصلت الأحساس بطريقة رائعة

الحب ما بيموتش بس محتاج يتجدد محتاج زقه من الأتنين

مش مهم مين يبتدى دة لو هما بيحبه بعض مش داخلين حرب مين الأول و كرامتى و الكلام دة

الموضوع كبيييير على فكرة محتاج كومنتات كتيييير


بأحيكى ع البوست الرائع دة

سلامى لأهل أسكندرية الجدعان (:

همسات وبحــ الحياه ــر 27 أكتوبر، 2010 2:16 م  

احجز اول تعليق وبجداااااااااره

همسات وبحــ الحياه ــر 27 أكتوبر، 2010 2:16 م  

لالالالا
كدا عيييب اوى يعنى هههههه

صيدلانيه طالعه نازله 27 أكتوبر، 2010 2:18 م  

للاسف اه
ده حال كل المتجوزينبعد ان تروح السكره و تأتى الغفله
الست برضه عليها عامل
بتبقى روتينيه اووووى
بس برضه الراجل لو مش كده الست حتبقى مفرفشه زيه واكتر
و حتعمله كل اللى نفسه فيه
بسحبه اهتمام و حيشوف هيا حتعمل ايه
الاهتمام بقى مش يبقى اكل وشرب و لبس شيك
لااااااااااااااا
الاهتمام هو حضن دافى و ايد تطبطب و تحن
و عين تبص لاحلى ما فيكى وتعمل نفسها مش واخده بالها من الوحش
ايد تتمد ليكى اما تبقى حتوقعى عشان تسندك و تطلع بيكى و نوصل مع بعض لبر الامان

الزوجه العاقله مش بتطلب من جوزها اكتر من طاقته و الله العظيم
دى ممكن تعمل نفسها مش محتاجه حاجه و هيا فى قمه الاحتياج
عشان متحسسش جوزها انه مقصر

ليه بقى الراجل بيبقى كل همه انه يحسس الست انه مطحون عشانها و انها مش مقدره تعبه

الكلام كتييييير يا زهرا
و اعتقد انى انا و انت اتكلمنا كتير فى الحاجات دى و حنفتح الكلام تانى


انا اتكلمت باسمى اهه لانى مش بخاف و لا بتكسف من كلامى

mrmr 27 أكتوبر، 2010 2:21 م  

بصى بقى يا بطوط
الموضوع ده عايز توعيد شديده من الطرفين
بمعنى
لازم الزوج والزوجه مهما كانت ضغوط الحياه فكل من الطرفين محتاج لبعض الكلمات الحلوه اللى ترطب على القلب
وكل فتره والتانيه لازم كل واحد بعبر باى طريقه عن حبه وتقديره للاخر
كتير من الستات تعرف كويس قد ايه جوزها بيحبها لكن برضه بتبقى محتاجه لكلمه حلوه
عايزه اقولك مهما مرت السنين مش بيضيع الحب بين الزوجين ولا الكلمات بتخلص
انا ليا 18 سنه اشغال شاقه لذيذه
لكن ما زالت حاسه انى لسه فى شهر العسل
والهدايا والمسجات ما زالت موجوده
ده بيزود ويقرب الزوجين من بعض
لكن ان الزوجه تقول لجوزها قولى كلمه حلوه ولا هات بوكيه ورد ولا ابعتلى مسج ده بيبقى حرج لمشاعرها
المفروض الزوج يجى من نفسه مش حد يقوله تعمل ايه ومتعملش ايه
الزوج فعلا محتاج حد يعرفه كيفيه التعامل مع الزوجه وايه اللى يسعدها وينفذه بدون ما تتطلب منه
فتك بعافيه يا قمر
ههههه

همسات وبحــ الحياه ــر 27 أكتوبر، 2010 2:23 م  

بصى يازهورتى
المشكله
انك لما تقعدى مع البنات المتزوجات تقولك انا نفسى فى كلميتن حلوين ونفسى ونفسى
طيب ماتقولى او تبدأى تقولك لالالا هو اللى يبدأ
تقعدى مع الرجال الافاضل بجد ربنا يكون فى عونهم يقولك نفسى فى حبه رومانسيه وكلمتين حلوين
تقوليله ابدأ يقولك لالالا
وهى دورها فين لما ارجع من الشغل لما لما
لما
المشكله هنا ان كل واحد مكابر شايف انه لو بدأ هيقلل من كرامته او قيمته
بس ياجماعه مفيش حاجة اسمها كرامه بين الزوجين والمفروض هى لما تعوز حاجة تطلب بس بإسلوب رومانسى
عارفه هى لو بدأت هى هيخر رومانسيه ههههه والله
هى تعوده كل يوم الساعه كذا وهو وفى الشغل تكلمه اصل صوتك واحشنى اصل مش عارف ايه كدا ستات اخر زمن هههههههه
وخليها كدا فى يوم متتكلمش هو اللى هيتصل ويسألها ويوقلها وحشتينى ههههه
انا شكلى بتكلم كلام خيالى ولا ايه هههههه
اصلى يااوختى لسه متجوزتش وبحلم وبحلم
بس ياخوفى ابقى زى صحابتك كدا وانضم معاهم للسته

بس صدقينى
ازرعى اهتمام هتحصدى اهتمام
ازرعى رومانسيه هتحصدى رومانسية

وبعدين هى الواحده المفروض تنقى الوقت المناسب مش تروح وهو لسه راجع من الشغل وتعبان وهلكان وتحط الاكل وتكون عايزة تسمع كلمه حلوة
وبعدين تانى حاجة

ايه يعنى الراحل سهى عليه يقول تسلم ايدك
هى بقى بكل دلع كدا وتقوله ايه
اخص عليك مفيش تسلم ايدك كدا ولا انت مش معايا حد يرد عليااااااااا
اصل بحس انى بسرح بخيالى كتير ههههههههههه

بجد موضوع جمييييل وعايز رغى
وكفايه كدا عليكى حكم انا لو فتحت فى الكلام
بقى هتلاقى غرقت ههههههههههه

زهــــراء 27 أكتوبر، 2010 2:48 م  

يوميات شحات

-*-*-*-*-*-

اكيد مرورك يشرف بس كنت عاوزه اعرف رايك

VOltaa 27 أكتوبر، 2010 2:54 م  

الحل الوحيد ان واحد مجنون زيي يعمل عصابة مخصصة لخطف الازواج
وهدفها خطف احد الزوجين علشان التاني يحس بقيمته واما يبدى الندم والاسف واللزى منه نبقى نرجعله جوزو
وبكده يبقى كسرنا الملل ورجعنا الحب لكل الازواج

وربنا معانا بقى D:

زهــــراء 27 أكتوبر، 2010 2:59 م  

Ramy

-*-*-*-*
رامـــى

فى انتظار البوست بتاعك لانه اكيد هيكون له روح جميله

وفين الرغى انا فى انتظاره
اتكلم براحتك وكل شويه ادخل قول رايك
انت عارف بيشرفنا كلامك ونحترمه جدا جدا



اعتقد ان الكلام الحلو بيكون له مفعول السحر بس المشكله ان الزوج منتظر مراته تبدا والزوجه منتظره زوجها يبدا وماحدش عاوز يبدا

شكلها هاروح ابدا انا ههههههه

بصراحه الكليب الزوج كان فاقع مرارتى ونفسى اقوله يا عم انت دى نانسى اللى معاك ده اهبل يا ابنى هههههههههههه

وبعدين انت مش قومت ضربته ليه يا رامى انت رجل برضه انا لو كنت ضربته هيبقى شكله زباله اوى وبصراحه الواد كان حلو برضه هههههههههه

انا فى انتظارك كلامك تانى ويهمنى رايك

سلامى لك وسلام من اهل اسكندريه وبحرها

زهــــراء 27 أكتوبر، 2010 3:06 م  

همسات وبحــ الحياه ــر

-*-**-*-**-*-*-*-*

والله اول تعليق زى اخر تعليق
وانتى تشرفى فى اى لحظه

زهــــراء 27 أكتوبر، 2010 3:16 م  

همسات وبحــ الحياه ــر
-*-**-*-*

اكشن تانى مره

معلش بقى
المره الجايه احجز اول تعليق لكى ان شاء الله

star in the sky 27 أكتوبر، 2010 3:25 م  

مش عارفة ليه مقتنعة ان اقرب حد هيكون ليا هو جوزى لانه الشخص الوحيد اللى انا بختاره وهو بيختارنى مش الظروف بتحطنا مع بعض زى الاهل اتولدنا ولاقياناهم اهلنا من غير ما نخترهم ولا زى الاصحاب او الجيران او حتى اى ناس بنعرفها عشان الظروف
ومقتنعة بان من حقى اطلب منه اى حاجة انا عاوزاها واعمل اى حاجة نفسى اعملها وانا معاه وهو كمان يطلب اللى هو عاوزاه وقت ما يحب برده بمعنى ان الجواز ده حاجة بتقربنا انما فى علاقاتنا زى الاصحاب فى حتة انهم مكشوفين قدام بعض ومحدش بيخبى حاجة على التانى ولا بيدارى عليه حاجة حتى لو هتزعله بس بيقولها برده عشان يبقى صريح وعارف عنه كل حاجة اما يبقى كل واحد قدام التانى عارف عيوبه ومميزاته نجاحاته واخطائه
هيبقى سهل ان اى حد يعمل حاجة يفرح بيها التانى
بيقولوا لى دى خيالية منى وانى عاوزة الحياة رومانسية
بالعكس والله انا زى ما عاوزاه يحكى لى على نجاحاته والحاجات الكويسة عاوزاه يحكى اخطائه وهسامحه لانه صريح ولان كان ممكن اكون انا مكانه وانا مش عاوزة كل الاوقات يبقى رومانسى ويظهر لى حبه بالعكس انا عاوزة اوقات اشوف فيها شجاته اوقات اشوفه ضعيف محتاج لى اوقات اشوفه حد انا بجرى عليه واقوله معايا مشكلة ساعدنى اوقات اشوفه شهم وجدع ومن الناس اللى تحسسك ان الدنيا لسة بخير مش عاوزاه رومانسى عاوزاه بنى ادم حاسس من جواه انه بنى ادم بيغلط وبيصيب بيبعد وبيقرب
لو الستات بتقول ان الراجل بيبطل يحبها بعد الجواز طب ما ده طبيعى جدا وهى كمان بتبطل تحبه والحاجات اللى كانت بتعملها اول الجواز بتبطل تعملها بعد كده اشمعنا هو مش هيبطل يعنى ما الحياة الطبيعية بتنسينا حاجات كتيرة ايه هيحصل لو انا عملت له مفاجاة وفرحته ففرحنا احنا الاتنين مع بعض واحنا جنب بعض
امممممم مش عارفة عشان مش متجوزة عايشة اوهام الحياة المتفاهمة ولا فى كده الله اعلم

معلش بقى رغيب كتير :D

أبو حميد 27 أكتوبر، 2010 4:10 م  

أنا بقى بجيب لمراتى ورد
وساعات هدايا لما بيبقى معايا فلوس
وبقولها تسلم الأيادى
نياهاهاهاهاهاهااااااااااا

محمد التركى 27 أكتوبر، 2010 4:57 م  

السلامو عليكم

زهراء
وحشتينى ووحشتنى مدونتك

أنا مش عارفه بجد
والله ولا انا عارف بجد
ههههههههههه

بس أنا يمكن علشان مش متجوز مش هعرف اعلق فى صميم الموضوع
بس من خلال صحابى المتجوزين
اقولك حاجه
والله فى صحاب ليا يقعد كده يقولى انا مراتى يااختى مش مقدره تعبى فى الشغل وانى بيطلع عينى
وده على فكره شغال شغلتين
وشغلنا متعب قوووى
فانا ببقى متغاز من مراته ديه
اقوله بتعمل ايه معاك
يقولى اول ماادخل من الباب
تبدأ بقا النشره اليوميه وبالفنتو ثانيه
تقوله ايه اللى حصل
يقولى ببقى هموت وعايز اقولها ياحببتى ارجوكى عندى صداع مش قادر هموووووووت
ومش برضى احرجها
وفى الاخر تقولى انته هتسبنى وتنام مش بترد عليا ليه
امك مش بتسأل ليه
اختك مش بتتصل ليه
ابوك مش بيطمن علينا ليه

يقولى مش قادر ببقى فى اوقات عايز اقوله بحبك
بمووووو تفيكى
بعشقك
لكن فى لحظه تعمل حاجه تخلينى مش طايق ابص فى وشها

فياريت الزوجات قبل ما تسأل جوزها اتغير ليه
مبقاش رومنسى زى ايام الخطوبه ليه
تسأل نفسها الاول
أكيد هى السبب

وفى اخر كلامى الله يكون فى عون المتجوزين
تصدقى السيم اللى مابين المتجوزين بيقولو على زوجاتهم ايه
الحكومه
هههههههههههههه
يخرب بيت الحكومه

الحمد لله انى من غير حكومه تقرفنى
هههههههههههه

موضوع جميل جدا ومفيد بجد
تسلم الايادى يازهراء
وقولى لصحبتك بالنيابه عن جوزها تسلم الايادى ههههههههه

تقبلى تحياتى ليكى
وسلامى للولا كتييييييييير قووووووى

محمـــد التركـــى

زهــــراء 27 أكتوبر، 2010 4:58 م  

صيدلانيه طالعه نازله...


-**-*-*-*-*-*-*-*

عــــــلا

الله يطمن قلبك يعنى كل اللى متجوزين كده كنتى اضحكى عليا قولى فى لسه ناس برضه غير كده هههههههههههههههههههههههههههه

بصى يا لوله انا مش باقول ان الست صح او الرجل صح كل واحد فيهم عليه دور
للاسف المشكله ان كل واحد منتظر الاخر ياخد اول خطوه والانتظار لما مدته بتطول هنا بتكون المشكله او اسمحى انى اقول هنا تكون الكارثه بجد ...

الاهتمام يكون معنوى مش مادى....

كلمة شكرا فى حد ذاتها لها مفعول السحر بين الناس فمابالك بين الازواج لكن للاسف ماحدش بيقولها وماحدش بيتحرك ..

قبل ما اعمل البوست ده سالت ناس كتير واتناقشت مع اطراف كتير رجال وسيدات واكتشفت انهم كلهم فى الاخر رغم تنوع الثقافات لكن المشكله واحده ...



" و عين تبص لاحلى ما فيكى وتعمل نفسها مش واخده بالها من الوحش "

عجبتنى الجمله دى اوى اوى وفكرت فيها كتير ليه كل واحد يبص على الوحش ومش شايف الحلو..

ياترى كل واحد فيهم محتاج يلبس نظاره عشان يشوف الحلو اللى فى التانى ؟

او كل واحد بيدور وينقب على العيوب وبس ومش شايف حلو فيه خالص مالص ...

انتى شطوره وجدعه وبتتكلمى باسمك كمان ههههههههههههههه
احنا اتناقشنا كتير قبل كده بس نفسى اعرف حل واوصل لاجابه لسؤال هو حال المتجوزين كلهم كده لو بالطريقه دى يبقى كفى الله المؤمنين شر القتال ويبقى خلينا بعيد عن التجربه ونتفرج من بره احسن
نورتى يا علا وشرفتى واكيد رايك سمعته من ناس غيرك كتير بس المميز عندك انك قولتيه بكل وضوح وصراحه وبراءه

ربنا يسعد اوقاتك على الدوام

زهــــراء 27 أكتوبر، 2010 5:18 م  

mrmr

-*-*-*-*
بصيت يا مـــرمـــر

بصى انتى كل واحد فينا محتاج لكلمه حلوه يعنى المتجوزين وغيرهم الكلام الحلو له مفعول السحر على الناس فمابالك بالمتجوزين اللى المفروض صاحيين ... نايمين .... قايمين ... فى وش بعض
هههههههههههه

جميل ان كل واحد يرطب على قلب التانى تعبير جميل وعسل اوى بس ياترى مين يبدا يا مرمر هى او هو ؟؟

يارب يجعل ايامك كلها شهر عسل وحب وهنا
بصى يا مرمر مهما كانت الزوجه عارفه ان زوجها بيحبها لازم يبقى فى حاجه ماديه يعنى حاجه ملموسه مش محسوسه وبس

ايه الحرج لما الفت نظر زوجى على حاجه انا باحبها وهو كمان يعمل كده المشكله ماحدش عاوز يبدا وكمان الصراحه بينهم تنتهى بعد فتره يبقى الحل ايه وقتها
برضه يعنى الزوجه مش تيجى تقول لزوجها قولى كلمه حلوه لكن تبدا هى تفكره بكلمه هو قالها .. بموقف لكن مش تلتزم الصمت وتقول اعرف لوحدك واعمل اى حاجه ...
مع كامل احترامى لرايك المجمتع الشرقى والتربيه للبنات بتخلى فى نوع من الحرج انها تعبر عن مشاعرها او احساسها لزوجها
زى ما الزوج محتاج يفهم ازاى يتعامل مع زوجته ويجدد الحب كل فتره
الزوجه كمان محتاجه لكده وهى بيكون عليها العامل الاساسى فى الموضوع ده

شرفتى ونورتى وربنا يديم عليكى الهنا والحب والخير فى حياتك الخاصه والعامه

زهــــراء 27 أكتوبر، 2010 5:33 م  

همسات وبحــ الحياه ــر

-*-**-*-**-*-*-*

ايوه يا هموستى ههههههه بصيت

صح كلامك والله بدايه موفقه لرايك الرجال الافاضل والنساء الفضليات كل واحد عاوز حبة رومانسيه تفتكرى يشتروها ويريحوا نفسهم ههههههههههههه
المشكله ان كل واحد فاكر نفسه على صواب ...

وطبعا الستات لما يقعدوا مع بعض كل واحده تاكل دماغ التانيه وتقولها اوعى تبدئى انتى هو اللى لازم يبدا
نيجى بقى للرجال تلاقى واحد صاحبه يقول هما الستات مش شايفين احنا طالع عين اللى جابونا عشان نوفر لهم حياه كريمه يا عم سيبك منها خليها هى اللى تقول وتبدا الكلام
وكأن الموضوع حرب وكل واحد واقف للتانى ...
هى لو بدات هو هيخر هههههههههههه تقدصى هيشع رومانسيه وكلام حلو وكده يعنى ههههه

تعالى نتخيل موقف كده الزوجه الحلوه الاموره اتصلت بزوجها فى الشغل فى وقت هو بقى عنده مشكله ورد عليها بتوتر وقالها ايوه خير تقول له صوتك واحشنى عارفه وقتها هيقول ايه ههههههههههههه للاسف رقابة البلوجر هتحذف الكلام اللى هيتقال هههههههههههههههههههههه

انا كمان باحلم زيك كده بس واضح ان اللى فى خيالنا غير ارض الواقع وعلى هذا باقول خلينى فى الخيال احسن لى ....

انتى حطيتى ايدك على لب المشكله الوقت المناسب للاسف مشكلة الوقت دى عامل مهم اوى اوى وهنا ممكن تقع الكارثه لو الوقت كان غلط
انتى عسل وسكر بجد وبتقولى كلام كل واحد وواحده المفروض يطبقوا وعلى هذا احنا ممكن نعمل كتاب وتشتركى معايا فيه وبيكون دليل لكل المتجوزين والله الكتاب هيبيع هوا يا بنتى هههههههههههه

بصى كل لما تلاقى نفسك فاضيه ادخلى ارغى انا اصلا باعشق الرغى بس انتى كلامك بجد حلو اوى واسلوبك تحفه
تسلم الايادى

ربنا يهب لكى زوج يكون ونعم الزوج وتكونى انتى له نعمه الزوجه ومش تنضمى لصديقاتى اصحاب البوست ان شاء الله تكون حياتك كلها حب ورومانسيه وخير ياااااااااااااااااارب

طالبة مقهورة ..درجة أولى 27 أكتوبر، 2010 6:54 م  

:)

يخبر ابيضاني
كل ده حصل بسبب اغنية
..بيني وبينك الاغنية عبقرية ولمست جزء مفيش اغاني حديثة لمسته

الموضوع ده مش غريب..لأنك بتتوقعي دايما م اللي بتحبيه ان يكون فوق مستوى توقعاتك

انتي محتاجة تحسي حجات وفي حجات لو طلبتيها يبقى بتشحتيها

مينفعش مثلا واحدة تروح تقول لزوجها قولي بحبك!!!!
مهو لو مش حاسسها يبقى طلبها مفيش فيه فايدة

كما ان لو واحدة زي حالاتي ..وقالتله او طلبت منه حاجة وهوا مقدرش يعملها هتحس بانه خذلها وهيكسر جواها حجات كتير

لازم يبقى فيه تواصل اكتر عشان منحتاجش لحجات ونفتقدها من اللي بنحبهم

ده مجرد رأي

تسلم ايديكي يا زهراء

BNT ELISLAM 27 أكتوبر، 2010 7:05 م  

حلو اوى
وكويس اوى اننا نتعرض لحاجه زى دى
بصى عندى مبدا
انا ماشيه بيها
فى حياتى هموما
انا لسه بنوته فى بيت بابا
وبحاول اكتسب خبرات على اد ماقدر
فتعملت شىء مهم
لو وانا الطرف تانى اللى بتعامل معاها استنينا حد فينا يقرب اوالطرف تانى يفهمه ويفهم هو عاوز ايه منغير مايتكلم هنفضل زى ماحنا والفى والمشاعر والبرود هيحل مكان الحب لاكن لو هو اتقدم خطوه ونا اتقدمت خطوه
او العك ابداء انا بتلميح لو مش عاوزه اصرح واقول انا نفسى فى كذا او اتعامل بطرقه الفلانيه لا المح والمرأه الذكيه هى التى تخلى وزها يفهمها من نظره عين لو بتعاتبه لو بتدلع عليه لو عاوو تقوله حاجه لو زعلانه منه لاكن نقف وكل واحدمستنى الطرف تانى يبداء
مش هنتغير وسبب هدم بيوت كتير هو ده
اننا عاوزين نقف مكان وكل واحد منهم يقولك ماهى السبب
طيب ونت سكت عليها ليه مفهمتهاش وتناقشت معها ليه
ماشوفتش هى عاوزه ايه له
ونتى متكلمتيش ليه وطلبتى او لمحتى باللى بتتمنيه لازم تخلى الزعل يكبر لحد مايوصل بركاتن من قله المشاعر والاهمال


ده راى

تقبلى مرورى

همسات وبحــ الحياه ــر 27 أكتوبر، 2010 7:13 م  

اممممم
كتااب
دليل الزوجه المخنوقه من زوجها :)
طب والله هيكسر الدنيا ههههههه
علفكرة انا ضفتك على الفيس عشان نرغى براحتنا

زهــــراء 27 أكتوبر، 2010 7:27 م  

star in the sky

-*-***-*-*-*-*-*-*-*

احلى نجمه فى السما

والله رايك يحترم هو بصراحه انا على ما باسمع ان المفروض يكون اقرب حد هو الزوج لكن الصراحه اللى بيحصل فى الواقع بيكون غير كده ...

فكرتينى بأغنيه قديمه لايمان البحر درويش كان اسمها دار الزمن وكان بيقول فيها لا اخترنا يوم درانا ولا حتى مين جارنا ...

صح كلامك المفروض الزوجه تطلب من زوجها اى حاجه وهو كمان لانهم بيكونوا المفروض قريبين من بعض ده احنا بنتكلم هنا على اللى المفروض يحصل لكن اللى شوفته غير كده خالص مالص واللى اتناقشت معاهم صدمونى بصراحه ...


انتى عارفه تقريبا كده احنا بنتكلم من على البر لسه مش جوه البحر ومشاكله يعنى احنا بنحلم شويه لعل وعسى نقدر نحقق احلامنا ونعمل اللى عاوزينه فى حياتنا واللى نفسنا يكون مع ازواجنا علاقه كلها ود واحترام ومصارحه وكل اللى فى قلبه حاجه اول باول ييقول ده رأيى انا كمان

ماحدش قال ان الزوج طول النهار قاعد يقول فى كلام حب او الزوجه لكن كل اللى مطلوب ان اللى نفسه فى حاجه يطلبها من الطرف الاخر ويحاولوا يكون فى لغة حوار بينهم واهتمامات مشتركه
مره كنت باكلم واحده صاحبتى قولت لها ايه المشكله لما اقعد اتفرج معاه على فيلم الكارتون اللى بيحبه واتشارك معاه لحظاته رغم انها لحظات فى نظر البعض قد تبدو تافهه لكنها الحقيقه بتعمل اثر عمييييييييييييييييييييييق فى النفس وخاصة بين الازواج ...
بصراحه موافقه على كل حرف انتى قولتيه المفروض ان علاقة الزوجه بالزوج تكون متكامله يعنى يكملوا بعض فى كل حاجه ومش هى تقول وانا اعمل ليه وهو كمان
ياريت كل واحد فيهم يعمل اللى نفسه انه التانى يعملوا وان شاء الله هتكون حياه ناجحه

ادعو الله ان يهبك الزوج الصالح وحياتك تكون كلها خير وسعاده ان شاء الله

مافيش رغى انتى تشرفى فى اى لحظه

زهــــراء 27 أكتوبر، 2010 7:29 م  

أبو حميد

-*-*-*-*-*

الله عليك يا ابو حميد
ربنا يبارك لك فى زوجتك ويفرح قلبك معها
ربنا يرزقك من حيث لا تحتسب عشان تجيب لها هداي كتيييييييييييير

فرحانه بكلامك اوى اوى

زهــــراء 27 أكتوبر، 2010 7:31 م  

VOltaa

-*-*-*-*-*
فــــولـــــتا


الله على تفكيرك حلو اوى اوى
هى دى الناس اللى بتفكر بجد
الخوف بقى ان اللى تخطف مراته يطنش ولا يسال عنها واللى تخطف زوجها تقول احسن انا كده مستريحه

ههههههههههههههههههه

وقتها بجد لازم نقول ربنا معاك يا فولتا عشان هتصرف على كل الناس دى اكل وشرب ولبس وعيشه من فين ههههههههههههههههههههههههه

نورت وشرفت ورايك حلو اوى

SHAPE YOUR LIFE (ABOALI) 27 أكتوبر، 2010 7:41 م  

كلمة غضاضة كلمة محيرة
تأتى فى المعاجم العربية ولها معانيان

مرة تاءتى بمعنى نقص او عيب
ومرة تاءتى بمعنى طرواة ونضارة

و عندما حدث الزواج حدث كل العجب
رجع الزوج امام زوجته كاءنه مولود طفل
يحتاج الى من يداعبه ويسرى عنه ولا يغضبه احد
ورجعت الزوجة وليدة طفلة تتهدهد بين يدى زوجها

اذن فقد سقطت كل الفواصل
لا يوجد فاصل واحد متبقى
لاءن خلق ادم وحواء كان من بعضنا لبعض
وهنا اتى معنى كلمة غضاضة
اى نضارة وحالة انسجام

حاليا
تغير الحال
واصبحت كلمة الغضاضة تعنى عيب

الزوجة هى ياسمينة الرجل
وذلك حل الحلول
ان تكون كذلك
يراها الرجل فيحاء تطلق اريج وجميل العطر جميلة المنظر تسر الناظر اليها
فيدخل فى قلب الرجل السعادة وبريق الانتعاش والتجديد فى حياته

ثم ياءتى دور الرجل فيروى تلك الياسمنية بما تستحق ويجعلها ماسة القلب وروح الكيان

ولكن لم تعد الزوجة ياسمينة
اصحبت ياسمينة مودرن بلاستيك
ليس لها رائحة فكانت عبء على الرجل
فلم يروى
لانه لا يرى ما يستحق ان يرويه

وعلى جانب اخر
كان هناك زوجات ياسمينات
ولكن كانا ينتظرن جزاء انهن ياسمينات
ونسوا ان الياسمين يعطى الاريج
وهو موقن ان من سيروى اتى اتى
فاءن تعطرت احدى الزوجات يوما
ولم يتجاوب الزوج كاءن الحرب العالمية قد قامت واشتعل الراس غضبا

وهنا جاء الرجل فاخذ يقسو ويقسو لانه لا يجد اللين او من يساعد فى ان يلين


لذا كانت الهمسات
فى اذن ادم واذن حواء

لا تجعل غضاضة بينك وبين زوجتك
واجلسا جلسة صفاء وصلح مع النفس
وليعبر كل انسان منهما عن ما يحتاجه من الاخر ويساعد الطرفان فى ذلك

ولا يمن احدهما على الاخر فكلاهما يرى من الاخر ما لم تراه الام او الاب

كلمات التغير كثيرة
ولكن من يفعلون هم القلة
لان هولاء هم العقلاء المدركون

وبينى وبينك
الزوجة المصرية استفردت بالزوج المصرى واعتبرته شقة تمليك
وان فكر ان ياءتى بمن يشعل حماس حياته
وجد قائمة الخلع وقوائم العفش
فى انتظاره وتهديد ووعيد

فبدل ان نتناحر لابد نتناغم و ننسجم


ولالالالالالالالالالالالالالالالازال الحديث له ابعاد

زهــــراء 27 أكتوبر، 2010 7:44 م  

محمد التركى

-*-*-*-*-*-*

مـــــحمد

وعليكم السلام ورحمة الله وبركاته

بصره انا وانت مش عارفين ههههههههههه بصراحه قولت حد بقى يدخل يعرفنا بالحل ايه وتقريبا فتحت على نفسى فتوووووووووووحه وربنا يستر

عارف انا لما قررات اعمل البوست ده قعدت مع كميه من البشر رجال وستات ولاقيت كلام بيتقال مش عاوزه اقولك بقى وطبعا خبرتى بقى ايه زيرو ههههههههههه بس الحمد لله اتصدمت ......

المشكله يا محمد فى الصحاب بجد كل رجل يقعد مع اصحابه يشتكى وهما طبعا كل واحد فيهم عنده مشكله فى بيته اسمها مراته بلاش الحكومه دى هههههههههه المدونه عليها رقابه شويه الايام دى

المهم كل واحد يشتكى والرجال تقعد تنصح بعض بكلام من نوعية يا عم خليها تخبط دماغها فى الحيط او سيبك منها او ... او ...
نفس القصه مع الستات بالضبط وهنا بقى الكارثه لان كل واحد بيتشكى لحد اصلا مخنووووووووووووووووووووووق من الطرف التانى
انت اوعى تبص لاصحابك دوووووووووول خالص مالص
ربنا يرزقك بزوجه تقدرك وتسعد قلبك

وصاحبتى فعلا اكلها حلو اوى اوى وزوجها مش بيقول تسلم الايادى ههههههههه
تسلم انت يارب ويسلم كلامك وسلامك وصل الى لولا

شرفت ونورت

أتنين حبيبين 27 أكتوبر، 2010 7:55 م  

وحششششششششتونى يا اطعم بنوتات موت
معلهش راجعه من غياب كبير قلت اطمن حبايبى اللى بحبهم
يارب تكونوا بخير
تحياتى ليكم
وهرجع تانى اتابع كل جديد

توتا

زهــــراء 27 أكتوبر، 2010 7:57 م  

طالبة مقهورة ..درجة أولى

-*-*-*-*-*-*-*-*-*-*


رضـــــــــــــوى

الاغنيه حلوه اوى ورد الفعل اللى عملته كان عالى اوى اوى وانتى عارفه اصحابى بقى ودماغهم هههههههههههههههههههههههههههههههه

على فكره تصوير الاغنيه هو اللى اعطى لها هذه النوع من التمييز

كل واحد وواحده لما يتجوزا المفروض يكونوا اقرب الناس لبعض لكن اللى بيحصل فى الحقيقه بعد فتره كل واحد يبعد عن التانى واحدش بيصارح التانى وهنا بقى المشكله بتحصل
انا معاكى مش ينفع واحده تقول لزوجها قولى باحبك لكن هى تبادر وتقوله باحبك او اى كلام تانى كلام حلو يعنى ليه على طول الزوجه بتكون رد فعل مش تكون هى الفعل ليه الزوج اللى يبدا ممكن برضه ان الزوجه تبدا وتقول وتاخد المبادره وبطريقه مش تجرحها
زى ما انتى قولتى يا رودى لازم يكون فيه تواصل

نورتى وشرفتى

زهــــراء 27 أكتوبر، 2010 8:15 م  

BNT ELISLAM

-*-*-*-*-*-*-*-*-*-*-*

بنت الاسلام

جميل ان كل بنت تتعلم بجد وهى لسه فى بيت ابوها ازاى تكون زوجه صالحه
كلامك صح ميه فى الميه كل طرف عاوز التانى ياخد اول خطوه وهو واقف مكانه
جميل ان الاتنين يكون بينهم تفاهم وحوار ومش ينتهى ابدا واى حد فيهم يبدا مافيش مشاكل المهم خطوه البدايه تيجى من حد فيهم ....

ممكن الزوجه تبدا بتلميح بلاش تصريح المهم حد يبدا واضح ان المشكله كلها فى مين يبدأ
الزوجه الذكيه هو ده الكلام مره صديق لى قال ان البنت لما تتجوز بتحط ذكائها فى بيت ابوها مع الحاجات القديمه اللى مش تحتاجها فى بيت زوجها وقتها ضحكت اوى بس تصدقى انى اكتشفت ان الذكاء بيقل عند بعض الزوجات اوى اوى

رايك جميل موافقه عليه كمان

هاضمك معنا للكتاب هههههههههههههههه

ربنا يهب لكى الزوج الصالح وتكونى قرة عين له

زهــــراء 27 أكتوبر، 2010 8:18 م  

همسات وبحــ الحياه ــر

-*-*****-**-*-**-*-*

الكتاب نتكلم فيه عن الزوجه والزوج كمان عشان نكون شطار ونبيع اكبر عدد من النسخ
شرف ليا انك تكونى من اصدقائى على الفيس

زهــــراء 27 أكتوبر، 2010 8:32 م  

SHAPE YOUR LIFE (ABOALI)

-*-*-*-*-*-*-*-*-*-*-**
ابوعلى

يامراحب باستاذى ...

اول مره اعرف معنى كلمة غضاضه التانى لانى اعرف الاول من زمان
المفروض مش يكون فيه اى فواصل بين الزوجين انا باقول كده بصوت عالى وصوتى رااااااااااح بس اكتشفت بقى الحقيقه ان كلامى مجرد كلام وبس ...


حلو وصفك الى الزوجه انها ياسمينه بس فى بعض الحالات بتكون الياسمينه ريحتها بصل وتوم
والله حد من اصدقائى قال لى بنفس الجمله كل يوم ارجع البيت الاقى ريحة بصل وتوم حتى اليوم اللى نكون نتغدى فيه بره طبعا ضحكت ومش عرفت ارد شوفت الياسمينه ساعات بتكون ايه !!!!
تفتكر الرجل اللى يرجع بيته يلاقى الريحه كده يعمل ايه ؟؟ هيكون فيه برضه بريق انتعاش ههههههههههههههه

الزوجه اصبحت اى حاجه غير انها ياسمينه بلاسيتك وليه نظلم البلاستيك معنا اصلا ههههههههههه بجد انا باشوف حالات ما انزل الله بها من سلطان
على فكره كل زوجه فاكره انها اول ما تعمل حاجه كويسه لزوجها انها تتفضل عليه او انها بتعمل حاجه فوق مستوى البشر الطبيعى مش كل الزوجات بعضهن قبل ما حد يبلغ عنى كفايه بلاغااااااااااااااااات فيا هههههههههههههههههههههه

القله القليله هم من يسمعون تلك النصايح وينفذونها
فى نوع بيسمع ويسكت ..
وفى نوع بيسمع ويجادل ويقول .. هو يبدا .. هو يعمل .. هو يتحرك
والنوع الاخير بيسمع وينفذ ربنا يبارك فيه النوع ده ....


الجمله دى ضحكتنى اوى اوى اوى

" وبينى وبينك
الزوجة المصرية استفردت بالزوج المصرى واعتبرته شقة تمليك
وان فكر ان ياءتى بمن يشعل حماس حياته
وجد قائمة الخلع وقوائم العفش
فى انتظاره وتهديد ووعيد "


ههههههههههههههههههههههههههههههه
الزوجه المصريه ما شاء الله عليها هو فى زيها ولا فى وصفها
انا باتكلم وانا على البر وربنا يستر لما احصل على اللقب هاكون شكلى ازاى
اوعى يكون فى حد متابع من اى جمعيه او مؤسسه والاقى نفسى فى المعتقل
والله يا ابوعلى استمعت بحديثك الجميل
ربنا يحفظك ونتعلم منك على طووووووووووووووول

زهــــراء 27 أكتوبر، 2010 8:37 م  

أتنين حبيبين

-*-*-*-*-*

تــوتا

وحشااااااااااااااااانى فينك يا قمر كل ده غياااااااااااااب
الحمد لله احنا بخير طول ما نتى بخير

فى انتظار تشريفك لنا على الدواااااااااااااام

Tears 27 أكتوبر، 2010 10:12 م  

ما احنا بنقول ما حدش راضى بحاله

الحب الجميل 27 أكتوبر، 2010 10:30 م  

ياترى هما كل المتجوزين كده بجد

انا .... مش عارفه بجد
مع الأسف الشديد الاجابة اه
واوافق رأى علا بشددددددددددة
ومن موقعى هذا هغنى زى نانسى وعارفه انها مش هتوصله


فى حاجات تتحس ومتتقلش وان جيت اطلبها انا مقدرش
ولو انت عملتها بعد ما انا اطلبها يبقى مينفعش
فى حاجات تتحس ومتتقالش توجع فى القلب ومبتبانش
وافضل علطول تعبانه مابين طب اقولك ولا مقولكش
مقدرش اقولك غير كل طريقة حبك ليا
او غير عليا ولا فجأنى فى مرة وهاتلى هديه
الا عنيا بتعمل حاجه انا مش عارفاها
مقدرش اقولك حلى الدنيا فى عينى وغير فيا
لو مهما كنت قريب منى وكنت قريب ليا
مقدرش اقولك شكل حياتنا اللى اانا عيزاها
اعرف لوحدك شكل حياتنا اللى انا عيزاها

اوقات بيبان انى سكت وهديت ورضيت واتعودت
مش معنى كده انك علطول تحسبنى انى استسلمت
وساعات بتحس انى زهقت مع انى بخبى انى تعبت
متوصلنيش ياحبيبى اقول ده ياريتنى اتكلمت
مقدرش اقولك غير كل طريقة حبك ليا
او غير عليا ولا فجأنى فى مرة وهاتلى هديه
الا عنيا بتعمل حاجه انا مش عارفاها
مقدرش اقولك حلى الدنيا فى عينى وغير فيا
لو مهما كنت قريب منى وكنت قريب ليا
مقدرش اقولك شكل حياتنا اللى اانا عيزاها
اعرف لوحدك شكل حياتنا اللى انا عيزاها

الحب الجميل 27 أكتوبر، 2010 10:32 م  

نسيت اقولك وحشتنى يا بطتى كتيرررر

gogo!sf 28 أكتوبر، 2010 2:24 ص  

بصى يا زهراء
الموضوع ده فعلا زى ما اصدقائك بيقولو بس اللى انا عاوزة اقوله انه بيكون عيب الست مش الراجل
يعنى لو الراجل نسى كان ايه ايام الخطوبه فعلى الزوجه انها تفكرة ده مش عيب ولا حرام يعنى ولا حتى فيه جرح لكرامتها ابدا

وطبعا انا لازم ابخر نفسى على اللى هاقوله بس والله يا اختى احنا متخصمين اصلا ايوة يا جماعه شيلو عنيكم من عليه شويه بقى الله ههههههههههههه

بجد انا ممكن اكون عانيت من الموضوع ده فترة قصيرة اوى بس الحمد لله رجع واكتر من ايام الخطوبه والله يا بنتى الستات هما اللى ظالمين الجواز والرجاله كمان

انا عايزة اقولك ان لحد وقتنا هذا جوزى بيشتريلى ورد
ولو مرة نسى وانا اشتقت للورد لمجرد انى ببص على محل الورد بينزل يشتريلى احلى بوكيه واجمل معانى بتعبر عن الحب من اختيارة للالوان

وبنبعت لبعض ماسدج تحفه كله شوق وحب ورومانسيه جدا بردو

ولو هو انشغل عنى وده طبيعى جدا انا ببعتالو المسدج يعنى مش شرط انه هو اللى يعمل ده
لما هو يلاقيكى بسبقه بده هتلاقيه دايما هو ملتزم بيه قبل منك

بجد يا زهرا العلاقه الزوجيه اجمل واحلى كتير من القصص اللى بتسمعيها
وانا طول عمرى وانا مقتنعه ان سوء العلاقه الزوجيه من الزوجه مش من الزوج

دايماً يا بنتى قوليلو بحبك وهتلاقيه يقولك وانا بموت فيكى بجد الكلمتين دول بيبعدو كل الهموم عن البيت

كفايه كده بقى

تسلمى على الاغنيه

زهــــراء 28 أكتوبر، 2010 1:29 م  

Tears
-*-*-*-*-

وياترى الحل ايه ؟؟

عشان كل واحد يرضى بحاله

محمود(باحث عن حب) 28 أكتوبر، 2010 3:22 م  

الله
عليكى
نانسى
بتختار
صح
وانتى
كمان

Ms Venus 28 أكتوبر، 2010 5:12 م  

زهوورة

موضوع بجد ومشكلة كل البيووت

كتيررررررررر اوى انا فكرت فيها وكنت بسأل نفسى

ليه ده حال المتجوزيين ؟

فين رومانسية الخطوبة وايام الحب ؟


ليه ده بيروح ؟

وبينى وبينك ده بيخلينى اخاف من الجواز

الاتنين محتاجين اهتمام من بعض

بس الدنيا صعبة ومش بتدى فرصة لحاجات كتير مفتقدينها فى حياتنا


بوست فعلا جميل وواقعى والاغنية جميلة اوى

وردة لعيونك حبيبتى

زهــــراء 28 أكتوبر، 2010 7:59 م  

الحب الجميل

-****-*-*-*-*

ايمووووو

اطمنى مش اتصدمت لما قولتى ان كلهم كده لانه واضح ان الوضع كله كده

يا ستى هتوصل ان شاء الله غنى يا ست نانسى يووووووه اقصد يا ايمى
ارد بقى على الاغنيه واقولك يا ستى

ايه المشكله بقى انك تقولى ومش بتقدرى ليه
انا باقول لنانسى اوعى تفكرى غلط انى باقولك انتى الكلام ده ...
وليه تفضلى تعبانه بين انى تقولى او مش تقولى يا ستى محمد حماقى بيقول دوس خد قرار جت يا مجتش وياريت بقى ناخد قرارت ايجابيه ونتكلم ونقول ونعبر عن انفسنا .....
وبعدني هو يعرف من فين يا ست نانسى ما تقولى على اللى انتى تحبيه وهو ينفذ على طوووووووووووول
وشكلك يا نانسى رحية البارفان كانت مش حوله اكيد تركيبه اللى هى ب 10 جنيه فى الاكشااااااااااك حد قالك مش تشترى واحده غاليه شويه وانتى
كفايه ارد على الست نانسى برضه باحبها
نورتى يا اجمل حب

زهــــراء 28 أكتوبر، 2010 7:59 م  

الحب الجميل

-*-***-****-*-

ايمااااااااااااااااااان وانتى كمان وحشاااااااااااااانى كتير يا قمر

زهــــراء 28 أكتوبر، 2010 8:00 م  

gogo!sf

-*-*-*-*-*-*-*-*

جــــوجــــو

بصيت وبحلقت عيونى هههههههههههههه
شكلنا هنختلف يا جوجو بصراحه العيب بيكون مشتر بين الاتنين انتى كده بترمى الحمل على الزوجه وهو فين بقى سى السيد ...

طبيعى ان اللى كل بيحصل ايام الخطوبه بيتغير بس برضه الست بتتغير يعنى مافيش ان الرجل هو الاهتمام الاول والاوحد لها بيكون فى البيت والولاد ونصايح اصحابها اللى بيحبوا يخربوا البيووووووووووووت ربنا يكفينا جميعا الشر ...


بالنسبه بقى لموضوع البخور يا ستى خليها علينا
http://www.lqta.com/gallery/data/media/1/DSC017841.jpg
دى المبخره بالبخور بتاعها كمان هديه منى لكى

وفضلت ابحث عن عين زرقا كمان بس مش لاقيت ههههههههههه
اول مره الاقى ست تدافع عن الرجال بالطريقه دى بصراحه انتى كده حاله غريب عجيبه بس خير برضه انا باشوف حاجات كتير غريبه ..
بسم الله ما شاء الله على زوجك ربنا يحفظكم لبعض ويكفيكم شر عيون الحسد والحاسدين ويبعد عنكم كل حاجه وحشه
هو ده اللى باتكلم فيه يا جوجو انتى كمان تبدئى مش هو اللى يبدا عمال على بطال يعنى كل واحد يعمل حاجه عشان الحياه تسير نحو الافضل والاجمل ...
حاضر هاسمع النصيحه وابقى اقولك باموت فيك يوووه اقصد اقوله باحبك
هههههههههههههههههههههه
ربنا يكرمك يا جوجو فى حياتك كلها

زهــــراء 28 أكتوبر، 2010 8:04 م  

محمود(باحث عن حب)

-*-*-*-*-*-*-*-*-

محموووووووود

الله عليك انت
ادعو لم ان تجد الحب الذى تبحث عنه على الدوااااااااااام

زهــــراء 28 أكتوبر، 2010 8:07 م  

Ms Venus

-*-*-*-*-*-*
ارق فينووووووس

وحشااااااااانى يا قمر

بصى يا قمر احنا فعلا بنرمى كل حاجه على احوال الدنيا ومشاغل الحياه بس مش اقدر انكر اننا بنتغير ولو الطرف اللى معنا شعر باهتمامنا اكيد هو كمان لازم يبدى اهتمامه

الاغنيه فعلا جميله ونانسى عسووله اوى اوى

نورتى وشرفتى يا احلى واجمل واغلى فينووووووووس

باقة ورد لعيونك يا قمر

Crazy Nemo 28 أكتوبر، 2010 9:17 م  

بصى انا مش متجوزه بس فعلا الاغنيه دى بحس ان كلامها معبر جدا عن ستات كتير يعنى باختصار كده الست بحب تتدلع من جوزها يحسسها انه لسه بيحبها و بيقدرها مش مجرد انسان بيشوفه كل يوم بعد ما يرجع من الشغل يحطله فطار و غدا و عشا و خلاص
انا عارفه ان مشاكل الحياه كتير بس برضه لو فضلنا طول الوقت نبصلها و منفكرش ف غيرها هنفضل طول الوقت عايشين منتكدين و قرفانين طب ليه منحاولش نكسر النكد ده باى حاجه جميله تسعدنا و تسعد اللى معانا
انا معاكى طبعا ف ان الست هىى اللى ممكن تحاول تلفت انتباه جوزها و ان الراجل مش مطلوب منه انه يعمل كل حاجه يعنى ممكن لما تزود اهتمامها بيه مثلا و تفتكر المناسبات اللى بتسعده و تجيبله هديه بسيطه او حتى لو مفيش فلوس تعمله اكله حلوه هو بيحبها اكيد ده هيلفت نظر جوزها ليها :)

انت حياتى 28 أكتوبر، 2010 9:19 م  

السلام عليكم ورحمه الله وبركاته انا اول ادخل المدونه بس بجد جميله
تقبلى مرورى دمتى بخير

لـــولا 28 أكتوبر، 2010 9:23 م  

يوميات شحات يقول...
تقبلي مروري

" هلا وسهلا (:"

لـــولا 28 أكتوبر، 2010 9:23 م  

Ramy يقول...
يااااااه

دة أنا بقالى أسبوع عمال اسمع الأغنية دى كل ما اروح اى حتة

و قلت لازم اعمل بوست عليها

سبقتينى (:(:

المشكلة بقى

أنا معاكى أن الواحد بيكون مطحون بس لو فى كلمة حلوة

و لو بسيطة أكيد هتفرق

لو برضه الست قدرت التعب ده و قالت له انها مقدره دة

أكيد الزوج هيقدر قد ايه هو ممكن يكون ظالمها

بس فى الكليب بقى دة كان مطنش

تطنيشه سودا دا كنت عاوز اضربه أصل الجو اللى فى الكليب دة جو مناسب لحاجات تقدر تقولها كتير مش هيلاقى الفرصة ليها

الصراحة التصوير خُرافى

و نانسى تألقت الصراحة وصلت الأحساس بطريقة رائعة

الحب ما بيموتش بس محتاج يتجدد محتاج زقه من الأتنين

مش مهم مين يبتدى دة لو هما بيحبه بعض مش داخلين حرب مين الأول و كرامتى و الكلام دة

الموضوع كبيييير على فكرة محتاج كومنتات كتيييير


بأحيكى ع البوست الرائع دة

سلامى لأهل أسكندرية الجدعان (:

" ههههههههه مش عارفة ليه دايماَ يطلعوا مع نانسي عجرم كدا عايزين يضربوا واحد بيخونها في انت ايه والتاني فارد عضلاته والتالت مطنش هو ايه اللي بيحصل معاكي يانانسي ده ... وجهة نظر تحترم تنطوي على اتخاذ الاعذار وتقدير كل طرف للاخر..منور وربنا(:"

لـــولا 28 أكتوبر، 2010 9:23 م  

همسات وبحــ الحياه ــر يقول...
احجز اول تعليق وبجداااااااااره

" ههههههه طلعت اوت ياقمر(:"

لـــولا 28 أكتوبر، 2010 9:24 م  

همسات وبحــ الحياه ــر يقول...
لالالالا
كدا عيييب اوى يعنى هههههه

" على اللي بيحصل ولا على ان الحجز منفعش :d"

لـــولا 28 أكتوبر، 2010 9:24 م  

صيدلانيه طالعه نازله يقول...
للاسف اه
ده حال كل المتجوزينبعد ان تروح السكره و تأتى الغفله
الست برضه عليها عامل
بتبقى روتينيه اووووى
بس برضه الراجل لو مش كده الست حتبقى مفرفشه زيه واكتر
و حتعمله كل اللى نفسه فيه
بسحبه اهتمام و حيشوف هيا حتعمل ايه
الاهتمام بقى مش يبقى اكل وشرب و لبس شيك
لااااااااااااااا
الاهتمام هو حضن دافى و ايد تطبطب و تحن
و عين تبص لاحلى ما فيكى وتعمل نفسها مش واخده بالها من الوحش
ايد تتمد ليكى اما تبقى حتوقعى عشان تسندك و تطلع بيكى و نوصل مع بعض لبر الامان

الزوجه العاقله مش بتطلب من جوزها اكتر من طاقته و الله العظيم
دى ممكن تعمل نفسها مش محتاجه حاجه و هيا فى قمه الاحتياج
عشان متحسسش جوزها انه مقصر

ليه بقى الراجل بيبقى كل همه انه يحسس الست انه مطحون عشانها و انها مش مقدره تعبه

الكلام كتييييير يا زهرا
و اعتقد انى انا و انت اتكلمنا كتير فى الحاجات دى و حنفتح الكلام تانى


انا اتكلمت باسمى اهه لانى مش بخاف و لا بتكسف من كلامى

" مافيش جسر تواصل وتفاهم بين الطرفين حلها قاعدة صفا في روقان بهدوء وكل واحد يصارح الاخر تقولي انا زعلانة من كذا وكذا بحب فيك كذا وكذا مبحبش فيك كذا وكذا وهو كمان لازم يسمعك وانتي بتتكلمي وانتي تسمعيه كويس وهو بيتكلم مايبقاش فيهع انانية ولا حد ياخد الحوار لحسابه لازم يبقى فيه احترام وعدم سخرية والمناقشة تكون جدية وهادية زي ما بيقول حوار على نار هادية"

لـــولا 28 أكتوبر، 2010 9:24 م  

mrmr يقول...
بصى بقى يا بطوط
الموضوع ده عايز توعيد شديده من الطرفين
بمعنى
لازم الزوج والزوجه مهما كانت ضغوط الحياه فكل من الطرفين محتاج لبعض الكلمات الحلوه اللى ترطب على القلب
وكل فتره والتانيه لازم كل واحد بعبر باى طريقه عن حبه وتقديره للاخر
كتير من الستات تعرف كويس قد ايه جوزها بيحبها لكن برضه بتبقى محتاجه لكلمه حلوه
عايزه اقولك مهما مرت السنين مش بيضيع الحب بين الزوجين ولا الكلمات بتخلص
انا ليا 18 سنه اشغال شاقه لذيذه
لكن ما زالت حاسه انى لسه فى شهر العسل
والهدايا والمسجات ما زالت موجوده
ده بيزود ويقرب الزوجين من بعض
لكن ان الزوجه تقول لجوزها قولى كلمه حلوه ولا هات بوكيه ورد ولا ابعتلى مسج ده بيبقى حرج لمشاعرها
المفروض الزوج يجى من نفسه مش حد يقوله تعمل ايه ومتعملش ايه
الزوج فعلا محتاج حد يعرفه كيفيه التعامل مع الزوجه وايه اللى يسعدها وينفذه بدون ما تتطلب منه
فتك بعافيه يا قمر
ههههه

" حلو انك عارفة ان فيه ضغوط على الطرفين يبقى يستحملوا بعض على قدر المستطاع وجهة نظر جميلة يا اجمل مرمر (:"

لـــولا 28 أكتوبر، 2010 9:24 م  

همسات وبحــ الحياه ــر يقول...
بصى يازهورتى
المشكله
انك لما تقعدى مع البنات المتزوجات تقولك انا نفسى فى كلميتن حلوين ونفسى ونفسى
طيب ماتقولى او تبدأى تقولك لالالا هو اللى يبدأ
تقعدى مع الرجال الافاضل بجد ربنا يكون فى عونهم يقولك نفسى فى حبه رومانسيه وكلمتين حلوين
تقوليله ابدأ يقولك لالالا
وهى دورها فين لما ارجع من الشغل لما لما
لما
المشكله هنا ان كل واحد مكابر شايف انه لو بدأ هيقلل من كرامته او قيمته
بس ياجماعه مفيش حاجة اسمها كرامه بين الزوجين والمفروض هى لما تعوز حاجة تطلب بس بإسلوب رومانسى
عارفه هى لو بدأت هى هيخر رومانسيه ههههه والله
هى تعوده كل يوم الساعه كذا وهو وفى الشغل تكلمه اصل صوتك واحشنى اصل مش عارف ايه كدا ستات اخر زمن هههههههه
وخليها كدا فى يوم متتكلمش هو اللى هيتصل ويسألها ويوقلها وحشتينى ههههه
انا شكلى بتكلم كلام خيالى ولا ايه هههههه
اصلى يااوختى لسه متجوزتش وبحلم وبحلم
بس ياخوفى ابقى زى صحابتك كدا وانضم معاهم للسته

بس صدقينى
ازرعى اهتمام هتحصدى اهتمام
ازرعى رومانسيه هتحصدى رومانسية

وبعدين هى الواحده المفروض تنقى الوقت المناسب مش تروح وهو لسه راجع من الشغل وتعبان وهلكان وتحط الاكل وتكون عايزة تسمع كلمه حلوة
وبعدين تانى حاجة

ايه يعنى الراحل سهى عليه يقول تسلم ايدك
هى بقى بكل دلع كدا وتقوله ايه
اخص عليك مفيش تسلم ايدك كدا ولا انت مش معايا حد يرد عليااااااااا
اصل بحس انى بسرح بخيالى كتير ههههههههههه

بجد موضوع جمييييل وعايز رغى
وكفايه كدا عليكى حكم انا لو فتحت فى الكلام
بقى هتلاقى غرقت ههههههههههه

" هههه عزومة كل واحد مستني التاني يعمل خطوة ويعزمه على كلمتين حلوين ...بس ملحوظة متدلوش بالكتف وهي بتقوله اخص عليك لحسن يتقلب منها على الارض وتبقى حوسة بقى ..عثثثثثثثثثثثثثل(:"

زهــــراء 28 أكتوبر، 2010 11:03 م  

Crazy Nemo

-**-*-*-*-*-**

يا هلا يا هلا

ربنا يرزقك بعريس ابن حلال ...

عندك حق طبعا مشاغل الحياه كتيييييييييييير والضغوطات وسرعة رتم الحياه كمان ...

على فكره انا مش قولت الست تلفت النظر كل اللى قولته ان المشكله على الطرفين مش طرف واحد والحل برضه بيكون على الطرفين مش طرف واحد
كلامك صح الصح الموضوع مش محتاج ان حد يجيب للتانى هديه غاليه عارفه مجرد كلمه حلوه او نظره كلها طيبه بتفرق كتييييييييير
تشرفت بوجودك وكلامك

زهــــراء 28 أكتوبر، 2010 11:05 م  

انت حياتى

-*-***-*-*-*
وعليكم السلام ورحمة الله وبركاته

يا هلا باول زياره وان شاء الله تتكرر لمرات ومرات ..


نورت وشرفت وفى انتظارك على الدوااااااام

هيثــم رمضـــان 29 أكتوبر، 2010 12:48 ص  

يااااه ده أنا جيت متأخر قوي..معلش..

بصراحه كان نفسي أقرا كل التعليقات قبل ما أكتب بس ما قدرتش بس هقراها بعدين إن شاء الله.

المشكله دي مش مسئولية طرف من الطرفين هي بصراحه مسئولية الأتنين مع بعض..إزاي؟

الرجاله اللي هتقول الشغل والضغوط والحياة والحاجات دي معذورين بس يا جماعه طب ما الرسول صلي الله عليه وسلم رغم إنشغاله بالدعوه وتأسيس الدوله كان زوج في غاية الرومانسيه,وبعدين كمان وصانا علي النساء وقال رفقاً بالقوارير وكمان قال"خيركم خيركم لأهله" أو كما قال صلي الله عليه وسلم وهو قضوتنا مش كده ولا إيه!!
فدي مش حجه لأن طبيعة الست وتكوينها ديماً بتبقي محتاجه الكلمه الحلوه واللمسه الحنينه والراجل الحاجات دي مش من إهتمامه لكن المفروض نحاول علي قد ما نقدر وأنا معاكوا نهتم بالمرأه لأن الراجل كل ما أهتم بالمرأه أكثر هتزيد من جمالها وحيويتها وأنوثتها.

دلوقتي سامع واحده بتقول قولهم والنبي ياخويا.
بس عايز أقول للستات كمان إن إنتي لازم توفري الجو المناسب لكده يعني لما الراجل يرجع تعبان من بره يلاقي إبتسامه وحمدالله علي السلامه ووحشتني علشان إتأخرت النهاره..الخ فهو هيقولها وإنتي كمان وتسلم إيدك ...والخ.

لكن لو قلتله حمدالله علي السلامه مالسه بدري ماكنت تبات في الشغل أحسن عيالك قرفوني ربنا ياخدني علشان أستريح بقي أكيد هيقول في سره أميين وأكيد أكيد مش هيعبرها ويقول تسلم إيدك حتي لو كانت طبخه خروف مشوي.

ولو الصبح قالها أنا هعدي علي أمي وأنا راجع لو قالت له ترجع بالسلامه وسلم عليها أكيد هيبقلها أثر في نفسه هينعكس علي معاملته وكلامه ليها, لكن لو قالت له يعني هي حبكت أمك النهارده أكيد هيضايق وده هيأثر عليها بالسلب.

وزي ما الرسول وصي الرجال علي النساء قال فيما معناه لو أمرت أحد يسجد لأحد لأمرت الزوجه بأن تسجد لزوجها"أو كما قال صلي الله عليه وسلم وطبعاً يقصد الزوج الصالح مش الزوج عديم المسئوليه وعديم الأحساس.

ولو واحده قالت إنها بتعمل الحاجات الكويسه دي ومافيش فايده برضه وهو سكتم بكتم هقولها يبقي هو من الناس اللي مالهاش في الكلام ومش بتعرف تعبر باللسان عن مشاعرها وده مشكلته سهله عليكي بس إنك تطلبي منه مره واتنين وتلاته وهو هيتعود بس إنتي شجعيه ,يعني قوليلو الأكل عجبك هيقول حلو قوليلو طيب ماقولتليش ليه تسلم إيدك في الأول هيقولها مضطر وهو مخنوق منك بس بعد كده صدقيني هيتعود.

يعني يا جماعه لو كل طرف كان حريص علي الطرف التاني ويخلي باله قوي ويدور علي إيه اللي بيسعده ويعمله وإيه اللي بيزعله وما يعملوش الحياه هتكون هاديه وجميله يعني شوية عطاء بحب وتضحية بحب ويكون أساس العلاقه هو الموده والرحمه قبل الحب لانهم لو موجودين الحب هيجي ويبقي قوي كمان ولو فيه حب ومافيش موده ورحمه وفيه أنانيه وتسلط الحب هيتلاشي ويختفي لأنه مالوش أساس وفي الغالب بيكون حب غير صادق حب من بتاع كلمتين حلوين قبل الجواز وأتنين لمون وتليفون بالليل وبعد كده مافيش ولا كلام ولا أفعال.

أنا طولت عليكوا قوي بس الخلاصه إن إحنا لو عايزين نعيش في رومانسيه وسعاده هنعيش بس بشرط يكون الاتنين عايزين كده ويكون عندهم الأستعداد إنهم يعملوا أي حاجه علشان الطرف التاني والمستفيد الحقيقي من الجو ده هما الاولاد أكيد بتفرق معاهم جداً.

وربنا يوفق الجميع ويسعد الجميع

ندى الياسمين 29 أكتوبر، 2010 12:11 م  

انا ما سمعتش الاغنيه بس عشان الصلاه شغال لكن هابقى اسمعها

انما طبعا مش كل المتجوزين كده

انا جوزي ياختي بيقولي بعد كل اكل تسلم اديكى بقاله 11 سنه

بس ما بيجيبش ورد ولا بيبعت ماسجات انا الى باعمل كده ههههههههههههه

بس ده ما مينعش انه بيرد الماسج اوقات

بصي يا جميل هى الحكايه مش حكاية تطلب منه

بذمتك لما اطلب من جوزي انه يقولي باحبك يبقى الكلمه لها معنى بقى

عمرك امتنيتى لبتاع الدليفرى ؟؟؟
بالعافيه بتقولي شكرا وتديله بقشيش
انما فى عقل بالك بتقولي ده شغله

لو ما كانتش الكلمه او التصرف الحلو طالع منه هو من قلبه يبقى مالوش لازمه

بس طبعا لو حصل والزوج متنح وده اغلب حال الرجاله

لازم هى تبدأ ... يعنى مش معقول هاتقوله وحشتنى هايقولها طز فيكى

بس برضه خدوا بالكم يا رجاله فى وقت الست بتحب تسمعها من غير كمان ما تقول هى الاول خلي عندكم دم

الحكايه كبيره اوي على فكره عايزه قاعده طويله

تسلمى يا جميل

محمد فؤاد (صاحب عمود النور) 29 أكتوبر، 2010 5:28 م  

اولا بجد انتى اتكلمتى فى موضوع مهم جدااا وحساس فى نفس الوقت
ثانيا انا شايف ان الزوجة مافهاش حاجة لما تقول لجوزها على اى شئ هى نفسها فيه طيب هو هيعرف مننين رغم كل الضغزط اللى عنده لية لسه فى حاجه رغم كل سنوات الجواز دى؟؟ الحاجز فى انه لا انا مش هقوله

دا احدى اسباب تفكك الاسرة المصرية اللى اكتر من نص الاسر المصرية مفكك نحن نعيش فى مجتمع مفكك

زهــــراء 29 أكتوبر، 2010 7:02 م  

هيثــم رمضـــان

-**-*-*-*-*-*-*-*

هـــيثم

مافيش تاخير ولا اى حاجه انت تشرف فى اى لحظه واى وقت ...

التعليقات تحت امرك فى اى لحظه تقرا وتعلق تانى وتالت ورابع انت بتشرف وتنور وارائك محل احترام مننا اكييييييييييييييييييد

اتفق معاك فى اول كلامك ان المسئوليه تقع على عاتق الطرفين , جميل منك استشهادك بخير خلق الله سيدنا ونبينا محمد صلى الله وعليه وسلم كان نعم الزوج والاب فى حياته الخاصه
على فكره الرجل زى الست كل واحد فيهم بيحب يلاقى كلمه حلوه او اهتمام او نظرة رضا النفس البشريه كلها بتحب كده باختلاف نوعها رجل او امراه
انت بجد قولت على سيناريو ممكن يحصل فى بعض البيوت بلاش اقول معظم لان ممكن حد يدخل يزعق فيا ونروح القسم ههههههههههه يبقى الطيب احسن وفعلا هناك بعض الزوجات مهمتها الاساسيه ازاى اعكنن على زوجى واهله واى حد يعرفه


انت كمان اكلمت فى نقطه مهمه جدا يا هيثم وهى علاقة الزوجه باهل زوجها وخاصة حماتها دى من الحاجات اللى المفروض كل زوجه تاخد بالها منها اوى اوى لانها بيكون لها تاثير قوى على علاقة الرجل بزوجته ......

فى رجال فعلا مش بتعرف تعبر عن مشاعرها بالكلام ولان بيقال ان اقرب طريق الى قلب المراه هو اذنيها بتكون مشتاقه تسمع كلمه حلوه ولان زوجها مش بيعرف يعبر بالكلام ممكن يعبر بالاهتمام او بهديه رقيقه او نظرة رضا او بسمه فى وشها مش لازم كله كلام .. كلام ... فى حاجات تانيه برضه

لازم كل واحد يحافظ على مشاعر الطرف الاخر والاتنين يكون عندهم الرغيه فى انجاح الشركه اللى بينهم واللى هى اسمى علاقه وهى الزواج


والله يا هيثم كلامك ميه ميه ربنا يحفظك ويبارك لك وفيك ويحقق كل احلامك يااااااااااااااارب
انت مش طولت ولا اى حاجه هو فعلا الموضوع محتاج كلام كتير ونقاش عشان اقدر اوصل لاجابه لانى بجد زى ما اطلقت على البوست انا مش عارفه بجد هو ده حال كل المتجوزين زى الست نانسى عجرم لما عملت الكليب بتاعها او فى انواع تانيه
اخر حاجه اقولها ان بجد فى طرف مظلوم بين الزوج والزوجه وهما الابناء اللى هما زينة الحياة الدنيا
اشكرك على كلامك وفرحت اوى اوى برد فعلك كرجل
بارك الله فيك

زهــــراء 29 أكتوبر، 2010 7:02 م  

ندى الياسمين

-**-*-*-*-*-

يا هلا يا هلا بندى الياسمين
اسمعى الاغنيه فى اى وقت يا قمرايه انا بس قولت استشهد بها مع البوست

جميل ان الموضوع يكون مشترك بينكم يعنى هو يعمل حاجه وانتى تعملى حاجه تانيه بالطريقه دى المركب تمشى فى الاتجاه السليم
بصى يا قمرايه انا مش قولت تطلب منه وش كده وتقوله تعالى يا ابن الناس قولى باحبك لا طبعا تستخدم ذكائها الانثوى
بتاع الديلفرى مش هو زوجى اللى ستر وغطا عليا اللى ربنا وصانى عليه والرسول صلوات الله عليه وسلم تكلم على علاقة الزوجه بزوجها فى العديد من الاحاديث النبويه الشريفه علاقتى بتتاع الديلفرى هى شكرا مع ابتسامه لكن الرجل اللى عايشه فى وشه ليل ونهار وحياتنا كلها مع بعض بأدق تفاصيلها لازم تكون معاملته غير معاملة اى حد تانى .....


بصى يا ندى مش كل صوابعك زى بعضها فى رجال فعلا بتكون عاوزه تقول وتتكلم وتخرج كل المشاعر الرقيقه اللى جواها لكن للاسف بيكون معها ستات وشها يقطع الخميره من البيت وبرضه فى ستات بتكون جميلة الشكل والجوهر ومعاها رجل ولا كانهم شايفين اى حاجه وكأن الست دى هوا بالنسبه ولا تمثل اى شئ غير جاريه فى البيت لا اكثر من هذا او اقل

مبسوطه من كلامك وانتى ترغى براحتك فى اى لحظه المدونه تتشرف بيكى اكييييييييييييييييد

زهــــراء 29 أكتوبر، 2010 7:04 م  

محمد فؤاد (صاحب عمود النور)

-------***********
فـــؤش

اوجزت فانجزت

صح كلامك وميه ميه
اللى بيحصل فى البيوت وبين الازواج بيكون من اهم اسباب التفكك والانهيار الاسرى

ربنا يكرمك يا محمد ويفرح قلبك ويسعد ايامك

norahaty 29 أكتوبر، 2010 9:32 م  

للأسف ثقافة
الكلمة الحلوة
واللفتة الطيبة
والهدية البــسيطة
مش موجودة فى قاموسنا
الحياتى وللأسف الشديــد

كلام من قلبي 30 أكتوبر، 2010 12:19 ص  

انا شيفة ان المبدرة تكون من الزوجة
وعلى فكرة الاغنية حلوة انا اصلا اول مرة اسمعها
بس على فكرة الجكاية دي بتكون مش بس مع الازواج دي ممكن تكون مع الاصحاب او حتى الاهل

اميرات الاسرار 30 أكتوبر، 2010 4:28 م  

بصراحه يازهراء موضوعك فى غاية الاهميه بجد

واضح ان كل المتزوجين بقوا كده فعلا ايام الخطوبه شئ وفى اول الجواز شئ ولما يدخلوا اكتر شئ تاااانى خاااااااااااااااالص وبيتغيروا وانا نفسى خايفه اعانى من المشكله دى

ليه ميكونش الازواج فى كل الاحوال واحد
يكون بينهم رومانسيه الخطوبه وكلامهم مع بعض ميتغيرش

تسلمى على موضوعك الجميل

مستنينك فى التوبيك الجديد

زهراء

غير معرف 31 أكتوبر، 2010 7:21 م  

زهراء

الموضوع مش اغنيه من نانسى بتتكلم عن علاقة الزوج بزوجته لكن الموضوع اكبر من كده بكتير
ازاى البنت تتربى فى البيت وكمان ازاى الرجل اتربى وبالتالى احنا بنكبر على كل حاجه واى حاجه بتعملها البنت عيب وفى ناس بتخليها كمان تدخل تحت بند الحرام
يعنى لو البنت قالت لجوزها كلمه حلوه يبقى ازاى وليه وهى تعرف الكلام الحلو من فين اكيد سمعته من حد قبل كده اكيد حد قاله لها بشكل او باخر ويبدا نوع من الشك دى نوعيه من الرجال بتفكر كده ومش عايزه اظلم حد لان تقريبا الرجل بيرفض البنت اللى تعبر عن اى حاجه جواها واحنا اتكلمنا فى الموضوع ده انتى وانا وتعبت من كتر الكلام فيه وعنه

عارفه يا فاطمه المشكله لو قولت لجوزى فى المستقبل يعنى نفسى فى حاجه معينه او عاوزه حاجه كده ياترى رد فعله هيكون ايه وياترى هيقول عليا ايه ياترى هافضل محترمه فى عيونه او وقتها هيندم انى اتجوزنى
كل ست بيكون جواها حاجات بتخاف تقول لجوزها عليها اه بتخاف ووشك مش يتقلب عليا كده الله يكرمك بتخاف والله العظيم
تلاته وغلاوتك عندى بتخاف

مــى

زهــــراء 31 أكتوبر، 2010 8:26 م  

norahaty

-***-*-*-*-*-*
دكتوره نورا عندنا يا مرحبا يا مرحبا

والله صدقتى فيما قولتى هى فعلا ثقافه احنا اتربينا عليها مش هنا فى مصر وبس لكن كل الدول العربيه اتربيت على عادات وتقاليد بنفس الطريقه
رغم انها حاجات بسيطه لكن مش اتعودنا عليها

نورتى وشرفتى

زهــــراء 31 أكتوبر، 2010 8:33 م  

كلام من قلبي
-*-*-**-*-*-

يا هلا يا هلا
الاغنيه بتتذاع على قناة ميلودى كتير اوى وهى كمان فى البوم نانسى الاخير
بصى يا قمر المبادره مره من الزوجه ومره من الزوج لانها شراكه بينهم
الموضوع ممكن يكون بين الازواج وبين اى علاقات اخرى لكن انا هنا كنت باتكلم على الازواج فقط

شرفتى ونورتى يا قمر

زهــــراء 31 أكتوبر، 2010 8:39 م  

اميرات الاسرار

-*-*-*-*-*

زهووووره الاموووووره

فعلا ايام الخطوبه حاجه والزواج حاجه تانيه انا مش باقول ان الوضع يبقى على ما هو عليه ليكن يكون فيه برضه كلام كويس واهتمام زى فى فترة الخطوبه

ربنا يكرمك يا زهوره وجارى الزياره ان شاء الله
سلامى لكل الاميرات

زهــــراء 31 أكتوبر، 2010 8:44 م  

مــــــــــــــــى

وحشااااااااااااااااانى وانتى فى بالى طول النهار
انتى دخلتى نت من فين يا بنتى كنتى تعالى ونتكلم ونحكى وتردى من هنا براحتك لانى حسيت انك قطمتى الكلام مره واحده هههههههههههههههه

ايه الكلام الكبيره ده شكلك فاهم يا نصه هههههههههههه

بصى يا قمر فعلا البنت بتتربى غير الولد ودى بتكون اول المشكله واحنا اتكملنا فى الموضوع ده كتير وطبعا فاكره رايى اللى صدمك ورعبك هههههههههههههه
يلا بقى بلاش فضايح ههههههههههه


بصى يا مى مش كل الرجال زى بعضهم اكيد فيهم اللى بيقدر وفيهم اللى مش بيفهم اصلا والستات كمان انا شايفه انك جايه على الرجال اوى لكن والله يا مى فى ستات بعيد عنك يلا الله المستعان

فرحانه بيكى وبكلامك واعملى اكونت على جوجل بقى ومش تدخلى غير معرف دى مش باحبها
فى انتظارك فى البوستات القادمه فى مفاجات ان شاء الله

miroooo 2 نوفمبر، 2010 8:21 ص  

متقلقيش خالص يا زهراء مش كل المتجوزين كده اى نعم هى الاغلبيه بس ممكن يكون فى امل انا مش متجوزه اى نعم بس اعرف ناس كتير متجوزين وطالع عينهم وناس تانيه سعيده ومبسوطه
بس الصراحه السبب وراء كل ده المعيشه الصعبه والالتزامات اللى بتبقى على الراجل والست دى كمان الست بقت بتشتغل زيها زيه
على العموم الحل فى ان كل واحد فيهم يعرف واجباته كويس وكمان يقدر تعب الاخر من اجله سواء الست او الراجل
وميقفوش لبعض على الواحده زى ما بيقولوا يعنى هى تعديله مرة وهو يعديلها مرة والحياه هتمشى
ياريت بقى لو فى يوم الاجازة يخرجوا مع بعض من غير الاولاد طبعا ههههه والله هتبقى الحياه لذيذه
انا عارفه ان الاحلام دى ورديه لانى لسه على البر بس ان شاء الله هاحاول اكون زوجه مش نكديه واختار زوج لذوذ كده ههههه
ربنا يرزقك بزوج لذوذ زيى هههههه
تمنياتى لك بالسعاده
سلامى للولا

لـــولا 2 نوفمبر، 2010 10:32 ص  

VOltaa يقول...
الحل الوحيد ان واحد مجنون زيي يعمل عصابة مخصصة لخطف الازواج
وهدفها خطف احد الزوجين علشان التاني يحس بقيمته واما يبدى الندم والاسف واللزى منه نبقى نرجعله جوزو
وبكده يبقى كسرنا الملل ورجعنا الحب لكل الازواج

وربنا معانا بقى D:

" هههههه فكرة وانا ابلغ عنكم :d"

لـــولا 2 نوفمبر، 2010 10:33 ص  

star in the sky يقول...
مش عارفة ليه مقتنعة ان اقرب حد هيكون ليا هو جوزى لانه الشخص الوحيد اللى انا بختاره وهو بيختارنى مش الظروف بتحطنا مع بعض زى الاهل اتولدنا ولاقياناهم اهلنا من غير ما نخترهم ولا زى الاصحاب او الجيران او حتى اى ناس بنعرفها عشان الظروف
ومقتنعة بان من حقى اطلب منه اى حاجة انا عاوزاها واعمل اى حاجة نفسى اعملها وانا معاه وهو كمان يطلب اللى هو عاوزاه وقت ما يحب برده بمعنى ان الجواز ده حاجة بتقربنا انما فى علاقاتنا زى الاصحاب فى حتة انهم مكشوفين قدام بعض ومحدش بيخبى حاجة على التانى ولا بيدارى عليه حاجة حتى لو هتزعله بس بيقولها برده عشان يبقى صريح وعارف عنه كل حاجة اما يبقى كل واحد قدام التانى عارف عيوبه ومميزاته نجاحاته واخطائه
هيبقى سهل ان اى حد يعمل حاجة يفرح بيها التانى
بيقولوا لى دى خيالية منى وانى عاوزة الحياة رومانسية
بالعكس والله انا زى ما عاوزاه يحكى لى على نجاحاته والحاجات الكويسة عاوزاه يحكى اخطائه وهسامحه لانه صريح ولان كان ممكن اكون انا مكانه وانا مش عاوزة كل الاوقات يبقى رومانسى ويظهر لى حبه بالعكس انا عاوزة اوقات اشوف فيها شجاته اوقات اشوفه ضعيف محتاج لى اوقات اشوفه حد انا بجرى عليه واقوله معايا مشكلة ساعدنى اوقات اشوفه شهم وجدع ومن الناس اللى تحسسك ان الدنيا لسة بخير مش عاوزاه رومانسى عاوزاه بنى ادم حاسس من جواه انه بنى ادم بيغلط وبيصيب بيبعد وبيقرب
لو الستات بتقول ان الراجل بيبطل يحبها بعد الجواز طب ما ده طبيعى جدا وهى كمان بتبطل تحبه والحاجات اللى كانت بتعملها اول الجواز بتبطل تعملها بعد كده اشمعنا هو مش هيبطل يعنى ما الحياة الطبيعية بتنسينا حاجات كتيرة ايه هيحصل لو انا عملت له مفاجاة وفرحته ففرحنا احنا الاتنين مع بعض واحنا جنب بعض
امممممم مش عارفة عشان مش متجوزة عايشة اوهام الحياة المتفاهمة ولا فى كده الله اعلم

معلش بقى رغيب كتير :D
" يا سلاااااااااااااام ربنا يهنيكي يارب اجمل كلام بجد اختارك وانتي اخترتيه مش امر اتفرض عليكي ملكيش دخل في وجوده ...ربنا يرزقك ياحبيبتي ويسعدك ويهنيكي كلامك رزين جدا وعاقل جدا واكيد لو احنا اتعاملنا مع اللي قدمنا انه بشر زينا ليه هفواته وغلطاتة زي ما ليه حسناته هنوفر كتير علينا وعليه "

لـــولا 2 نوفمبر، 2010 10:34 ص  

أبو حميد يقول...
أنا بقى بجيب لمراتى ورد
وساعات هدايا لما بيبقى معايا فلوس
وبقولها تسلم الأيادى
نياهاهاهاهاهاهااااااااااا
" متقولش بس خليها في سرك لحسن الحيطان بتحسد(:"


محمد التركى يقول...
السلامو عليكم

زهراء
وحشتينى ووحشتنى مدونتك

أنا مش عارفه بجد
والله ولا انا عارف بجد
ههههههههههه

بس أنا يمكن علشان مش متجوز مش هعرف اعلق فى صميم الموضوع
بس من خلال صحابى المتجوزين
اقولك حاجه
والله فى صحاب ليا يقعد كده يقولى انا مراتى يااختى مش مقدره تعبى فى الشغل وانى بيطلع عينى
وده على فكره شغال شغلتين
وشغلنا متعب قوووى
فانا ببقى متغاز من مراته ديه
اقوله بتعمل ايه معاك
يقولى اول ماادخل من الباب
تبدأ بقا النشره اليوميه وبالفنتو ثانيه
تقوله ايه اللى حصل
يقولى ببقى هموت وعايز اقولها ياحببتى ارجوكى عندى صداع مش قادر هموووووووت
ومش برضى احرجها
وفى الاخر تقولى انته هتسبنى وتنام مش بترد عليا ليه
امك مش بتسأل ليه
اختك مش بتتصل ليه
ابوك مش بيطمن علينا ليه

يقولى مش قادر ببقى فى اوقات عايز اقوله بحبك
بمووووو تفيكى
بعشقك
لكن فى لحظه تعمل حاجه تخلينى مش طايق ابص فى وشها

فياريت الزوجات قبل ما تسأل جوزها اتغير ليه
مبقاش رومنسى زى ايام الخطوبه ليه
تسأل نفسها الاول
أكيد هى السبب

وفى اخر كلامى الله يكون فى عون المتجوزين
تصدقى السيم اللى مابين المتجوزين بيقولو على زوجاتهم ايه
الحكومه
هههههههههههههه
يخرب بيت الحكومه

الحمد لله انى من غير حكومه تقرفنى
هههههههههههه

موضوع جميل جدا ومفيد بجد
تسلم الايادى يازهراء
وقولى لصحبتك بالنيابه عن جوزها تسلم الايادى ههههههههه

تقبلى تحياتى ليكى
وسلامى للولا كتييييييييير قووووووى

محمـــد التركـــى

" وعليكم السلام ورحمة الله وبركاته..ازيك يا محمد
مبسوطة انك بتسلم عليا ... الحكايات اللي حكتها للاسف كتير منها حالات بقت موجودة وسايرة كمان ومحدش بياخد باله منها يمكن تكون عشان حاسة بوحخدة طول النهار فبتشتغل مساءَ لما بيدخل راديو ومحطة اخبار يمكن لما يمسك ايديها ويحط ايده التانية على بقها ويقولها اديني فرصة اعبرلك عن حبي واقولك وحشتيني يمكن مرة على مرة تعرف ايه اللي بيضايقه وايه اللي بيريحه...مش عيب ان صديقك يقولها انا بيضايقني فيكي كذا وكذا وهي كمان بدل ما يكتم جواه ويتحول كل الغضب تجاهها لسور مبني بينهم لازم يكلمها بصراحة باسلوب شيك بلطف ممكن يكلمها زي ما وضحت باسلوب غير مباشر وممكن باسلوب مباشر بدون ان يجرحها ممكن توصله الرسالة "

لـــولا 2 نوفمبر، 2010 10:35 ص  

طالبة مقهورة ..درجة أولى يقول...
:)

يخبر ابيضاني
كل ده حصل بسبب اغنية
..بيني وبينك الاغنية عبقرية ولمست جزء مفيش اغاني حديثة لمسته

الموضوع ده مش غريب..لأنك بتتوقعي دايما م اللي بتحبيه ان يكون فوق مستوى توقعاتك

انتي محتاجة تحسي حجات وفي حجات لو طلبتيها يبقى بتشحتيها

مينفعش مثلا واحدة تروح تقول لزوجها قولي بحبك!!!!
مهو لو مش حاسسها يبقى طلبها مفيش فيه فايدة

كما ان لو واحدة زي حالاتي ..وقالتله او طلبت منه حاجة وهوا مقدرش يعملها هتحس بانه خذلها وهيكسر جواها حجات كتير

لازم يبقى فيه تواصل اكتر عشان منحتاجش لحجات ونفتقدها من اللي بنحبهم

ده مجرد رأي

تسلم ايديكي يا زهراء
" حلو التواصل ده وده جسر مابيتبنيش بين يوم وليلة يا جميل محتاج اساسات ودعامات وروابط صلة ووو لحد ما الجسر يتبيني"

لـــولا 2 نوفمبر، 2010 10:36 ص  

BNT ELISLAM يقول...
حلو اوى
وكويس اوى اننا نتعرض لحاجه زى دى
بصى عندى مبدا
انا ماشيه بيها
فى حياتى هموما
انا لسه بنوته فى بيت بابا
وبحاول اكتسب خبرات على اد ماقدر
فتعملت شىء مهم
لو وانا الطرف تانى اللى بتعامل معاها استنينا حد فينا يقرب اوالطرف تانى يفهمه ويفهم هو عاوز ايه منغير مايتكلم هنفضل زى ماحنا والفى والمشاعر والبرود هيحل مكان الحب لاكن لو هو اتقدم خطوه ونا اتقدمت خطوه
او العك ابداء انا بتلميح لو مش عاوزه اصرح واقول انا نفسى فى كذا او اتعامل بطرقه الفلانيه لا المح والمرأه الذكيه هى التى تخلى وزها يفهمها من نظره عين لو بتعاتبه لو بتدلع عليه لو عاوو تقوله حاجه لو زعلانه منه لاكن نقف وكل واحدمستنى الطرف تانى يبداء
مش هنتغير وسبب هدم بيوت كتير هو ده
اننا عاوزين نقف مكان وكل واحد منهم يقولك ماهى السبب
طيب ونت سكت عليها ليه مفهمتهاش وتناقشت معها ليه
ماشوفتش هى عاوزه ايه له
ونتى متكلمتيش ليه وطلبتى او لمحتى باللى بتتمنيه لازم تخلى الزعل يكبر لحد مايوصل بركاتن من قله المشاعر والاهمال


ده راى

تقبلى مرورى
27 أ" مسموحلك تقولي انا بحب كذا وبكره كذا وتتكلمي بصراحة من غير ما تجرحي اللي قدامك دا من الاساسيات ..ربنا يسعد كل ايامك وتحتلي بيت جديد يكون فيه انسان محظوظ سعيد تعيشي وياه اسعد لحظات عمرك في الحياة (:"

لـــولا 2 نوفمبر، 2010 10:36 ص  

همسات وبحــ الحياه ــر يقول...
اممممم
كتااب
دليل الزوجه المخنوقه من زوجها :)
طب والله هيكسر الدنيا ههههههه
علفكرة انا ضفتك على الفيس عشان نرغى براحتنا
" هههههههه الله يسهلوا ياعم يابختك ياست زهرة بالرغي مع القمر (:"

لـــولا 2 نوفمبر، 2010 10:37 ص  

SHAPE YOUR LIFE (ABOALI) يقول...
كلمة غضاضة كلمة محيرة
تأتى فى المعاجم العربية ولها معانيان

مرة تاءتى بمعنى نقص او عيب
ومرة تاءتى بمعنى طرواة ونضارة

و عندما حدث الزواج حدث كل العجب
رجع الزوج امام زوجته كاءنه مولود طفل
يحتاج الى من يداعبه ويسرى عنه ولا يغضبه احد
ورجعت الزوجة وليدة طفلة تتهدهد بين يدى زوجها

اذن فقد سقطت كل الفواصل
لا يوجد فاصل واحد متبقى
لاءن خلق ادم وحواء كان من بعضنا لبعض
وهنا اتى معنى كلمة غضاضة
اى نضارة وحالة انسجام

حاليا
تغير الحال
واصبحت كلمة الغضاضة تعنى عيب

الزوجة هى ياسمينة الرجل
وذلك حل الحلول
ان تكون كذلك
يراها الرجل فيحاء تطلق اريج وجميل العطر جميلة المنظر تسر الناظر اليها
فيدخل فى قلب الرجل السعادة وبريق الانتعاش والتجديد فى حياته

ثم ياءتى دور الرجل فيروى تلك الياسمنية بما تستحق ويجعلها ماسة القلب وروح الكيان

ولكن لم تعد الزوجة ياسمينة
اصحبت ياسمينة مودرن بلاستيك
ليس لها رائحة فكانت عبء على الرجل
فلم يروى
لانه لا يرى ما يستحق ان يرويه

وعلى جانب اخر
كان هناك زوجات ياسمينات
ولكن كانا ينتظرن جزاء انهن ياسمينات
ونسوا ان الياسمين يعطى الاريج
وهو موقن ان من سيروى اتى اتى
فاءن تعطرت احدى الزوجات يوما
ولم يتجاوب الزوج كاءن الحرب العالمية قد قامت واشتعل الراس غضبا

وهنا جاء الرجل فاخذ يقسو ويقسو لانه لا يجد اللين او من يساعد فى ان يلين


لذا كانت الهمسات
فى اذن ادم واذن حواء

لا تجعل غضاضة بينك وبين زوجتك
واجلسا جلسة صفاء وصلح مع النفس
وليعبر كل انسان منهما عن ما يحتاجه من الاخر ويساعد الطرفان فى ذلك

ولا يمن احدهما على الاخر فكلاهما يرى من الاخر ما لم تراه الام او الاب

كلمات التغير كثيرة
ولكن من يفعلون هم القلة
لان هولاء هم العقلاء المدركون

وبينى وبينك
الزوجة المصرية استفردت بالزوج المصرى واعتبرته شقة تمليك
وان فكر ان ياءتى بمن يشعل حماس حياته
وجد قائمة الخلع وقوائم العفش
فى انتظاره وتهديد ووعيد

فبدل ان نتناحر لابد نتناغم و ننسجم


ولالالالالالالالالالالالالالالالازال الحديث له ابعاد

" يا سلااااااااااااام يافيلسوف ايه الكلام والحكم التي تفوه بنا حكيم الفلاسفة الاجلاء رائعة تلك الحكم والمعاني ولخصتها في سطرين "

لا تجعل غضاضة بينك وبين زوجتك
واجلسا جلسة صفاء وصلح مع النفس
وليعبر كل انسان منهما عن ما يحتاجه من الاخر ويساعد الطرفان فى ذلك

ولا يمن احدهما على الاخر فكلاهما يرى من الاخر ما لم تراه الام او الاب

"
يارب ترجع يسمينا المصرية ياسمينة ذات رونق وغضاضة التانية مش الاولى و الراوي يرجع بحنانه وصبره فرفقاً بالقوارير "

لـــولا 2 نوفمبر، 2010 10:37 ص  

أتنين حبيبين
وحششششششششتونى يا اطعم بنوتات موت
معلهش راجعه من غياب كبير قلت اطمن حبايبى اللى بحبهم
يارب تكونوا بخير
تحياتى ليكم
وهرجع تانى اتابع كل جديد

توتا
" انتي كمان وحشتينا موت موت مووووووووووووت كلامك ووجودك ينورنا ويشرفنا "

لـــولا 2 نوفمبر، 2010 10:38 ص  

Tears يقول...
ما احنا بنقول ما حدش راضى بحاله
"مين اللي يشوف القمر ويبقى زعلان بس من غير دموع الحزن خليها دموع الفرح وبس"

لـــولا 2 نوفمبر، 2010 10:38 ص  

الحب الجميل يقول...
ياترى هما كل المتجوزين كده بجد

انا .... مش عارفه بجد
مع الأسف الشديد الاجابة اه
واوافق رأى علا بشددددددددددة
ومن موقعى هذا هغنى زى نانسى وعارفه انها مش هتوصله


فى حاجات تتحس ومتتقلش وان جيت اطلبها انا مقدرش
ولو انت عملتها بعد ما انا اطلبها يبقى مينفعش
فى حاجات تتحس ومتتقالش توجع فى القلب ومبتبانش
وافضل علطول تعبانه مابين طب اقولك ولا مقولكش
مقدرش اقولك غير كل طريقة حبك ليا
او غير عليا ولا فجأنى فى مرة وهاتلى هديه
الا عنيا بتعمل حاجه انا مش عارفاها
مقدرش اقولك حلى الدنيا فى عينى وغير فيا
لو مهما كنت قريب منى وكنت قريب ليا
مقدرش اقولك شكل حياتنا اللى اانا عيزاها
اعرف لوحدك شكل حياتنا اللى انا عيزاها

اوقات بيبان انى سكت وهديت ورضيت واتعودت
مش معنى كده انك علطول تحسبنى انى استسلمت
وساعات بتحس انى زهقت مع انى بخبى انى تعبت
متوصلنيش ياحبيبى اقول ده ياريتنى اتكلمت
مقدرش اقولك غير كل طريقة حبك ليا
او غير عليا ولا فجأنى فى مرة وهاتلى هديه
الا عنيا بتعمل حاجه انا مش عارفاها
مقدرش اقولك حلى الدنيا فى عينى وغير فيا
لو مهما كنت قريب منى وكنت قريب ليا
مقدرش اقولك شكل حياتنا اللى اانا عيزاها
اعرف لوحدك شكل حياتنا اللى انا عيزاها
" وكنتم مع القمر الحب الجميل دا انتي تكسري الدنيا وتنافسي نانسي عجرم كمان ..على فكرة انا كان نفسي اشوف كلام الاغنية عشان فيه كلام مبسمعوش كويس اخيراااا قرتها معاكي(:"

لـــولا 2 نوفمبر، 2010 10:39 ص  

الحب الجميل يقول...
نسيت اقولك وحشتنى يا بطتى كتيرررر
" بطتي دي ماركة مسجلة على فكرة (:"

لـــولا 2 نوفمبر، 2010 10:39 ص  

gogo!sf يقول...
بصى يا زهراء
الموضوع ده فعلا زى ما اصدقائك بيقولو بس اللى انا عاوزة اقوله انه بيكون عيب الست مش الراجل
يعنى لو الراجل نسى كان ايه ايام الخطوبه فعلى الزوجه انها تفكرة ده مش عيب ولا حرام يعنى ولا حتى فيه جرح لكرامتها ابدا

وطبعا انا لازم ابخر نفسى على اللى هاقوله بس والله يا اختى احنا متخصمين اصلا ايوة يا جماعه شيلو عنيكم من عليه شويه بقى الله ههههههههههههه

بجد انا ممكن اكون عانيت من الموضوع ده فترة قصيرة اوى بس الحمد لله رجع واكتر من ايام الخطوبه والله يا بنتى الستات هما اللى ظالمين الجواز والرجاله كمان

انا عايزة اقولك ان لحد وقتنا هذا جوزى بيشتريلى ورد
ولو مرة نسى وانا اشتقت للورد لمجرد انى ببص على محل الورد بينزل يشتريلى احلى بوكيه واجمل معانى بتعبر عن الحب من اختيارة للالوان

وبنبعت لبعض ماسدج تحفه كله شوق وحب ورومانسيه جدا بردو

ولو هو انشغل عنى وده طبيعى جدا انا ببعتالو المسدج يعنى مش شرط انه هو اللى يعمل ده
لما هو يلاقيكى بسبقه بده هتلاقيه دايما هو ملتزم بيه قبل منك

بجد يا زهرا العلاقه الزوجيه اجمل واحلى كتير من القصص اللى بتسمعيها
وانا طول عمرى وانا مقتنعه ان سوء العلاقه الزوجيه من الزوجه مش من الزوج

دايماً يا بنتى قوليلو بحبك وهتلاقيه يقولك وانا بموت فيكى بجد الكلمتين دول بيبعدو كل الهموم عن البيت

كفايه كده بقى

تسلمى على الاغنيه
" ازاي ينسى !!! مش خطأ انه ينسى برضه؟ الست يجب الا نلقي عليها بكل الاحمال نسي يبقى اخطأ تفكره عشان تصلح خطاؤه مافيهاش مشكلة لكن المشكلة طرفاها اخطئوا كل واحد فيهم ساهم بنسبه في الخطأ سواء عن عمد او سهواَ ...وجهة نظر ياقمر برضه شرفتينا ياجميلة (:"

لـــولا 2 نوفمبر، 2010 10:40 ص  

محمود(باحث عن حب) يقول...
الله
عليكى
نانسى
بتختار
صح
وانتى
كمان
" تسلم ع المرور الطيب (:"

لـــولا 2 نوفمبر، 2010 12:12 م  

Ms Venus يقول...
زهوورة

موضوع بجد ومشكلة كل البيووت

كتيررررررررر اوى انا فكرت فيها وكنت بسأل نفسى

ليه ده حال المتجوزيين ؟

فين رومانسية الخطوبة وايام الحب ؟


ليه ده بيروح ؟

وبينى وبينك ده بيخلينى اخاف من الجواز

الاتنين محتاجين اهتمام من بعض

بس الدنيا صعبة ومش بتدى فرصة لحاجات كتير مفتقدينها فى حياتنا


بوست فعلا جميل وواقعى والاغنية جميلة اوى

وردة لعيونك حبيبتى

" ربنا يسعدك يا حبيبتي وادام بتخافي يبقى أي خطوة هتخطيها هتحسبيها صح وهتلافي اخطاء غيرك وهتتعلمي منها ومش هتكرريها في حياتك انتي كمان "


l

لـــولا 2 نوفمبر، 2010 12:13 م  

Crazy Nemo يقول...
بصى انا مش متجوزه بس فعلا الاغنيه دى بحس ان كلامها معبر جدا عن ستات كتير يعنى باختصار كده الست بحب تتدلع من جوزها يحسسها انه لسه بيحبها و بيقدرها مش مجرد انسان بيشوفه كل يوم بعد ما يرجع من الشغل يحطله فطار و غدا و عشا و خلاص
انا عارفه ان مشاكل الحياه كتير بس برضه لو فضلنا طول الوقت نبصلها و منفكرش ف غيرها هنفضل طول الوقت عايشين منتكدين و قرفانين طب ليه منحاولش نكسر النكد ده باى حاجه جميله تسعدنا و تسعد اللى معانا
انا معاكى طبعا ف ان الست هىى اللى ممكن تحاول تلفت انتباه جوزها و ان الراجل مش مطلوب منه انه يعمل كل حاجه يعنى ممكن لما تزود اهتمامها بيه مثلا و تفتكر المناسبات اللى بتسعده و تجيبله هديه بسيطه او حتى لو مفيش فلوس تعمله اكله حلوه هو بيحبها اكيد ده هيلفت نظر جوزها ليها :)
" جميل كلامك لمستي جذور الحقيقة هي دي الحياة نتعايش معاها زي ما هي ونواجه مشاكلها ونحافظ على رومانسيتنا افضل من اننا نطحن في ساقية المشاكل وتنتهي حياتنا على كدة"

لـــولا 2 نوفمبر، 2010 12:14 م  

انت حياتى يقول...
السلام عليكم ورحمه الله وبركاته انا اول ادخل المدونه بس بجد جميله
تقبلى مرورى دمتى بخير
" تسلموا على المرور الطيب والكلام الجميل(:"

غير معرف 2 نوفمبر، 2010 12:14 م  

هيثــم رمضـــان يقول...
يااااه ده أنا جيت متأخر قوي..معلش..

بصراحه كان نفسي أقرا كل التعليقات قبل ما أكتب بس ما قدرتش بس هقراها بعدين إن شاء الله.

المشكله دي مش مسئولية طرف من الطرفين هي بصراحه مسئولية الأتنين مع بعض..إزاي؟

الرجاله اللي هتقول الشغل والضغوط والحياة والحاجات دي معذورين بس يا جماعه طب ما الرسول صلي الله عليه وسلم رغم إنشغاله بالدعوه وتأسيس الدوله كان زوج في غاية الرومانسيه,وبعدين كمان وصانا علي النساء وقال رفقاً بالقوارير وكمان قال"خيركم خيركم لأهله" أو كما قال صلي الله عليه وسلم وهو قضوتنا مش كده ولا إيه!!
فدي مش حجه لأن طبيعة الست وتكوينها ديماً بتبقي محتاجه الكلمه الحلوه واللمسه الحنينه والراجل الحاجات دي مش من إهتمامه لكن المفروض نحاول علي قد ما نقدر وأنا معاكوا نهتم بالمرأه لأن الراجل كل ما أهتم بالمرأه أكثر هتزيد من جمالها وحيويتها وأنوثتها.

دلوقتي سامع واحده بتقول قولهم والنبي ياخويا.
بس عايز أقول للستات كمان إن إنتي لازم توفري الجو المناسب لكده يعني لما الراجل يرجع تعبان من بره يلاقي إبتسامه وحمدالله علي السلامه ووحشتني علشان إتأخرت النهاره..الخ فهو هيقولها وإنتي كمان وتسلم إيدك ...والخ.

لكن لو قلتله حمدالله علي السلامه مالسه بدري ماكنت تبات في الشغل أحسن عيالك قرفوني ربنا ياخدني علشان أستريح بقي أكيد هيقول في سره أميين وأكيد أكيد مش هيعبرها ويقول تسلم إيدك حتي لو كانت طبخه خروف مشوي.

ولو الصبح قالها أنا هعدي علي أمي وأنا راجع لو قالت له ترجع بالسلامه وسلم عليها أكيد هيبقلها أثر في نفسه هينعكس علي معاملته وكلامه ليها, لكن لو قالت له يعني هي حبكت أمك النهارده أكيد هيضايق وده هيأثر عليها بالسلب.

وزي ما الرسول وصي الرجال علي النساء قال فيما معناه لو أمرت أحد يسجد لأحد لأمرت الزوجه بأن تسجد لزوجها"أو كما قال صلي الله عليه وسلم وطبعاً يقصد الزوج الصالح مش الزوج عديم المسئوليه وعديم الأحساس.

ولو واحده قالت إنها بتعمل الحاجات الكويسه دي ومافيش فايده برضه وهو سكتم بكتم هقولها يبقي هو من الناس اللي مالهاش في الكلام ومش بتعرف تعبر باللسان عن مشاعرها وده مشكلته سهله عليكي بس إنك تطلبي منه مره واتنين وتلاته وهو هيتعود بس إنتي شجعيه ,يعني قوليلو الأكل عجبك هيقول حلو قوليلو طيب ماقولتليش ليه تسلم إيدك في الأول هيقولها مضطر وهو مخنوق منك بس بعد كده صدقيني هيتعود.

يعني يا جماعه لو كل طرف كان حريص علي الطرف التاني ويخلي باله قوي ويدور علي إيه اللي بيسعده ويعمله وإيه اللي بيزعله وما يعملوش الحياه هتكون هاديه وجميله يعني شوية عطاء بحب وتضحية بحب ويكون أساس العلاقه هو الموده والرحمه قبل الحب لانهم لو موجودين الحب هيجي ويبقي قوي كمان ولو فيه حب ومافيش موده ورحمه وفيه أنانيه وتسلط الحب هيتلاشي ويختفي لأنه مالوش أساس وفي الغالب بيكون حب غير صادق حب من بتاع كلمتين حلوين قبل الجواز وأتنين لمون وتليفون بالليل وبعد كده مافيش ولا كلام ولا أفعال.

أنا طولت عليكوا قوي بس الخلاصه إن إحنا لو عايزين نعيش في رومانسيه وسعاده هنعيش بس بشرط يكون الاتنين عايزين كده ويكون عندهم الأستعداد إنهم يعملوا أي حاجه علشان الطرف التاني والمستفيد الحقيقي من الجو ده هما الاولاد أكيد بتفرق معاهم جداً.

وربنا يوفق الجميع ويسعد الجميع
"

مضبوط كلامك يافندم
: المشكله دي مش مسئولية طرف من الطرفين هي بصراحه مسئولية الأتنين مع بعض..إزاي؟:
لا بالعكس انت مطولتش ولا حاجة استمتعت بقراءة كل حرف ما شاء الله على المعلومات الجميلة والنصايح الهايلة دي ربنا يعزك ويزيد من اعمالك الصالحة وياريت الكل يكون قرأ كل تعليقك ...شرفتنا (:"

غير معرف 2 نوفمبر، 2010 12:14 م  

هيثــم رمضـــان يقول...
يااااه ده أنا جيت متأخر قوي..معلش..

بصراحه كان نفسي أقرا كل التعليقات قبل ما أكتب بس ما قدرتش بس هقراها بعدين إن شاء الله.

المشكله دي مش مسئولية طرف من الطرفين هي بصراحه مسئولية الأتنين مع بعض..إزاي؟

الرجاله اللي هتقول الشغل والضغوط والحياة والحاجات دي معذورين بس يا جماعه طب ما الرسول صلي الله عليه وسلم رغم إنشغاله بالدعوه وتأسيس الدوله كان زوج في غاية الرومانسيه,وبعدين كمان وصانا علي النساء وقال رفقاً بالقوارير وكمان قال"خيركم خيركم لأهله" أو كما قال صلي الله عليه وسلم وهو قضوتنا مش كده ولا إيه!!
فدي مش حجه لأن طبيعة الست وتكوينها ديماً بتبقي محتاجه الكلمه الحلوه واللمسه الحنينه والراجل الحاجات دي مش من إهتمامه لكن المفروض نحاول علي قد ما نقدر وأنا معاكوا نهتم بالمرأه لأن الراجل كل ما أهتم بالمرأه أكثر هتزيد من جمالها وحيويتها وأنوثتها.

دلوقتي سامع واحده بتقول قولهم والنبي ياخويا.
بس عايز أقول للستات كمان إن إنتي لازم توفري الجو المناسب لكده يعني لما الراجل يرجع تعبان من بره يلاقي إبتسامه وحمدالله علي السلامه ووحشتني علشان إتأخرت النهاره..الخ فهو هيقولها وإنتي كمان وتسلم إيدك ...والخ.

لكن لو قلتله حمدالله علي السلامه مالسه بدري ماكنت تبات في الشغل أحسن عيالك قرفوني ربنا ياخدني علشان أستريح بقي أكيد هيقول في سره أميين وأكيد أكيد مش هيعبرها ويقول تسلم إيدك حتي لو كانت طبخه خروف مشوي.

ولو الصبح قالها أنا هعدي علي أمي وأنا راجع لو قالت له ترجع بالسلامه وسلم عليها أكيد هيبقلها أثر في نفسه هينعكس علي معاملته وكلامه ليها, لكن لو قالت له يعني هي حبكت أمك النهارده أكيد هيضايق وده هيأثر عليها بالسلب.

وزي ما الرسول وصي الرجال علي النساء قال فيما معناه لو أمرت أحد يسجد لأحد لأمرت الزوجه بأن تسجد لزوجها"أو كما قال صلي الله عليه وسلم وطبعاً يقصد الزوج الصالح مش الزوج عديم المسئوليه وعديم الأحساس.

ولو واحده قالت إنها بتعمل الحاجات الكويسه دي ومافيش فايده برضه وهو سكتم بكتم هقولها يبقي هو من الناس اللي مالهاش في الكلام ومش بتعرف تعبر باللسان عن مشاعرها وده مشكلته سهله عليكي بس إنك تطلبي منه مره واتنين وتلاته وهو هيتعود بس إنتي شجعيه ,يعني قوليلو الأكل عجبك هيقول حلو قوليلو طيب ماقولتليش ليه تسلم إيدك في الأول هيقولها مضطر وهو مخنوق منك بس بعد كده صدقيني هيتعود.

يعني يا جماعه لو كل طرف كان حريص علي الطرف التاني ويخلي باله قوي ويدور علي إيه اللي بيسعده ويعمله وإيه اللي بيزعله وما يعملوش الحياه هتكون هاديه وجميله يعني شوية عطاء بحب وتضحية بحب ويكون أساس العلاقه هو الموده والرحمه قبل الحب لانهم لو موجودين الحب هيجي ويبقي قوي كمان ولو فيه حب ومافيش موده ورحمه وفيه أنانيه وتسلط الحب هيتلاشي ويختفي لأنه مالوش أساس وفي الغالب بيكون حب غير صادق حب من بتاع كلمتين حلوين قبل الجواز وأتنين لمون وتليفون بالليل وبعد كده مافيش ولا كلام ولا أفعال.

أنا طولت عليكوا قوي بس الخلاصه إن إحنا لو عايزين نعيش في رومانسيه وسعاده هنعيش بس بشرط يكون الاتنين عايزين كده ويكون عندهم الأستعداد إنهم يعملوا أي حاجه علشان الطرف التاني والمستفيد الحقيقي من الجو ده هما الاولاد أكيد بتفرق معاهم جداً.

وربنا يوفق الجميع ويسعد الجميع
"

مضبوط كلامك يافندم
: المشكله دي مش مسئولية طرف من الطرفين هي بصراحه مسئولية الأتنين مع بعض..إزاي؟:
لا بالعكس انت مطولتش ولا حاجة استمتعت بقراءة كل حرف ما شاء الله على المعلومات الجميلة والنصايح الهايلة دي ربنا يعزك ويزيد من اعمالك الصالحة وياريت الكل يكون قرأ كل تعليقك ...شرفتنا (:"

غير معرف 2 نوفمبر، 2010 12:14 م  
أزال أحد مشرفي المدونة هذا التعليق.
لـــولا 2 نوفمبر، 2010 12:15 م  

ندى الياسمين يقول...
انا ما سمعتش الاغنيه بس عشان الصلاه شغال لكن هابقى اسمعها

انما طبعا مش كل المتجوزين كده

انا جوزي ياختي بيقولي بعد كل اكل تسلم اديكى بقاله 11 سنه

بس ما بيجيبش ورد ولا بيبعت ماسجات انا الى باعمل كده ههههههههههههه

بس ده ما مينعش انه بيرد الماسج اوقات

بصي يا جميل هى الحكايه مش حكاية تطلب منه

بذمتك لما اطلب من جوزي انه يقولي باحبك يبقى الكلمه لها معنى بقى

عمرك امتنيتى لبتاع الدليفرى ؟؟؟
بالعافيه بتقولي شكرا وتديله بقشيش
انما فى عقل بالك بتقولي ده شغله

لو ما كانتش الكلمه او التصرف الحلو طالع منه هو من قلبه يبقى مالوش لازمه

بس طبعا لو حصل والزوج متنح وده اغلب حال الرجاله

لازم هى تبدأ ... يعنى مش معقول هاتقوله وحشتنى هايقولها طز فيكى

بس برضه خدوا بالكم يا رجاله فى وقت الست بتحب تسمعها من غير كمان ما تقول هى الاول خلي عندكم دم

الحكايه كبيره اوي على فكره عايزه قاعده طويله

تسلمى يا جميل
" حلو انك فكراله انه ساعات بيرد على الماسدجات :d ....
اوعي تفتكري اني بوقع ما بينكم بالعكس هههههه بصي مش لازم يجيب ورد ويبعت ماسدجات ويقولك تسلم ايدك بعد كل اكله مش لازم يعمل كل ده مع بعضه يكفي عمل شئ او اتنين من دول
عشان يعبرلك عن حبه وممكن يعبر بطريقة تانية مش لازم ورد انتي هتعرفي
الاسلوب لواحدك "

لـــولا 2 نوفمبر، 2010 12:16 م  

محمد فؤاد (صاحب عمود النور) يقول...
اولا بجد انتى اتكلمتى فى موضوع مهم جدااا وحساس فى نفس الوقت
ثانيا انا شايف ان الزوجة مافهاش حاجة لما تقول لجوزها على اى شئ هى نفسها فيه طيب هو هيعرف مننين رغم كل الضغزط اللى عنده لية لسه فى حاجه رغم كل سنوات الجواز دى؟؟ الحاجز فى انه لا انا مش هقوله

دا احدى اسباب تفكك الاسرة المصرية اللى اكتر من نص الاسر المصرية مفكك نحن نعيش فى مجتمع مفكك

" اهلا بالناس المختفية هههههه ... ايه الكلام الجميل ده حطيت ايدك ع المشكلة ..."

لـــولا 2 نوفمبر، 2010 12:17 م  

norahaty يقول...
للأسف ثقافة
الكلمة الحلوة
واللفتة الطيبة
والهدية البــسيطة
مش موجودة فى قاموسنا
الحياتى وللأسف الشديــد

" لانهم مطحونين وسابوا الحياة تاخدهم وهما مستسلمين ... هلا بالقمراية الدكتورة نوراااااااا وحشتيني (:"

لـــولا 2 نوفمبر، 2010 12:32 م  

كلام من قلبي يقول...
انا شيفة ان المبدرة تكون من الزوجة
وعلى فكرة الاغنية حلوة انا اصلا اول مرة اسمعها
بس على فكرة الجكاية دي بتكون مش بس مع الازواج دي ممكن تكون مع الاصحاب او حتى الاهل

" جميل ان زهرة خلتك تشوفيها (: ... الحكاية حلقات كتير متداخلة مع بعض الزوجة والزوج حلقة من الحلقات دي ...نورتي"

لـــولا 2 نوفمبر، 2010 12:33 م  

اميرات الاسرار يقول...
بصراحه يازهراء موضوعك فى غاية الاهميه بجد

واضح ان كل المتزوجين بقوا كده فعلا ايام الخطوبه شئ وفى اول الجواز شئ ولما يدخلوا اكتر شئ تاااانى خاااااااااااااااالص وبيتغيروا وانا نفسى خايفه اعانى من المشكله دى

ليه ميكونش الازواج فى كل الاحوال واحد
يكون بينهم رومانسيه الخطوبه وكلامهم مع بعض ميتغيرش

تسلمى على موضوعك الجميل

مستنينك فى التوبيك الجديد

زهراء

" متاخفيش ادام عرفتي جذور المشكلة وحلها يبقى بلاش خوف انتي اتعلمتي دروس عمليه قبل الرتباط عن الحاجات اللي بتخلي فيه فتور في المشاعر بين الاطراف ..وحشتيني يا زهراء "

لـــولا 2 نوفمبر، 2010 12:33 م  

غير معرف يقول...
زهراء

الموضوع مش اغنيه من نانسى بتتكلم عن علاقة الزوج بزوجته لكن الموضوع اكبر من كده بكتير
ازاى البنت تتربى فى البيت وكمان ازاى الرجل اتربى وبالتالى احنا بنكبر على كل حاجه واى حاجه بتعملها البنت عيب وفى ناس بتخليها كمان تدخل تحت بند الحرام
يعنى لو البنت قالت لجوزها كلمه حلوه يبقى ازاى وليه وهى تعرف الكلام الحلو من فين اكيد سمعته من حد قبل كده اكيد حد قاله لها بشكل او باخر ويبدا نوع من الشك دى نوعيه من الرجال بتفكر كده ومش عايزه اظلم حد لان تقريبا الرجل بيرفض البنت اللى تعبر عن اى حاجه جواها واحنا اتكلمنا فى الموضوع ده انتى وانا وتعبت من كتر الكلام فيه وعنه

عارفه يا فاطمه المشكله لو قولت لجوزى فى المستقبل يعنى نفسى فى حاجه معينه او عاوزه حاجه كده ياترى رد فعله هيكون ايه وياترى هيقول عليا ايه ياترى هافضل محترمه فى عيونه او وقتها هيندم انى اتجوزنى
كل ست بيكون جواها حاجات بتخاف تقول لجوزها عليها اه بتخاف ووشك مش يتقلب عليا كده الله يكرمك بتخاف والله العظيم
تلاته وغلاوتك عندى بتخاف

مــى

" لا يامي الدين نفسه بيسمحلك تقوليله وتطلبي منه اللي انتي عايزاه بالطريقة اللي انتي ترتاحي ليها وهو كمان لازم يعبر عن مشاعره ويخبرك عن مطلباته والطريقة اللي يرتاح ليها دايماَ اتناقشوا بأسلوب راقي وهتلاقوا نقطة تتواصلوا من خلالها الصراحة والوضوح هما اساس اي علاقة "

لـــولا 2 نوفمبر، 2010 12:35 م  

هيثــم رمضـــان يقول...
يااااه ده أنا جيت متأخر قوي..معلش..

بصراحه كان نفسي أقرا كل التعليقات قبل ما أكتب بس ما قدرتش بس هقراها بعدين إن شاء الله.

المشكله دي مش مسئولية طرف من الطرفين هي بصراحه مسئولية الأتنين مع بعض..إزاي؟

الرجاله اللي هتقول الشغل والضغوط والحياة والحاجات دي معذورين بس يا جماعه طب ما الرسول صلي الله عليه وسلم رغم إنشغاله بالدعوه وتأسيس الدوله كان زوج في غاية الرومانسيه,وبعدين كمان وصانا علي النساء وقال رفقاً بالقوارير وكمان قال"خيركم خيركم لأهله" أو كما قال صلي الله عليه وسلم وهو قضوتنا مش كده ولا إيه!!
فدي مش حجه لأن طبيعة الست وتكوينها ديماً بتبقي محتاجه الكلمه الحلوه واللمسه الحنينه والراجل الحاجات دي مش من إهتمامه لكن المفروض نحاول علي قد ما نقدر وأنا معاكوا نهتم بالمرأه لأن الراجل كل ما أهتم بالمرأه أكثر هتزيد من جمالها وحيويتها وأنوثتها.

دلوقتي سامع واحده بتقول قولهم والنبي ياخويا.
بس عايز أقول للستات كمان إن إنتي لازم توفري الجو المناسب لكده يعني لما الراجل يرجع تعبان من بره يلاقي إبتسامه وحمدالله علي السلامه ووحشتني علشان إتأخرت النهاره..الخ فهو هيقولها وإنتي كمان وتسلم إيدك ...والخ.

لكن لو قلتله حمدالله علي السلامه مالسه بدري ماكنت تبات في الشغل أحسن عيالك قرفوني ربنا ياخدني علشان أستريح بقي أكيد هيقول في سره أميين وأكيد أكيد مش هيعبرها ويقول تسلم إيدك حتي لو كانت طبخه خروف مشوي.

ولو الصبح قالها أنا هعدي علي أمي وأنا راجع لو قالت له ترجع بالسلامه وسلم عليها أكيد هيبقلها أثر في نفسه هينعكس علي معاملته وكلامه ليها, لكن لو قالت له يعني هي حبكت أمك النهارده أكيد هيضايق وده هيأثر عليها بالسلب.

وزي ما الرسول وصي الرجال علي النساء قال فيما معناه لو أمرت أحد يسجد لأحد لأمرت الزوجه بأن تسجد لزوجها"أو كما قال صلي الله عليه وسلم وطبعاً يقصد الزوج الصالح مش الزوج عديم المسئوليه وعديم الأحساس.

ولو واحده قالت إنها بتعمل الحاجات الكويسه دي ومافيش فايده برضه وهو سكتم بكتم هقولها يبقي هو من الناس اللي مالهاش في الكلام ومش بتعرف تعبر باللسان عن مشاعرها وده مشكلته سهله عليكي بس إنك تطلبي منه مره واتنين وتلاته وهو هيتعود بس إنتي شجعيه ,يعني قوليلو الأكل عجبك هيقول حلو قوليلو طيب ماقولتليش ليه تسلم إيدك في الأول هيقولها مضطر وهو مخنوق منك بس بعد كده صدقيني هيتعود.

يعني يا جماعه لو كل طرف كان حريص علي الطرف التاني ويخلي باله قوي ويدور علي إيه اللي بيسعده ويعمله وإيه اللي بيزعله وما يعملوش الحياه هتكون هاديه وجميله يعني شوية عطاء بحب وتضحية بحب ويكون أساس العلاقه هو الموده والرحمه قبل الحب لانهم لو موجودين الحب هيجي ويبقي قوي كمان ولو فيه حب ومافيش موده ورحمه وفيه أنانيه وتسلط الحب هيتلاشي ويختفي لأنه مالوش أساس وفي الغالب بيكون حب غير صادق حب من بتاع كلمتين حلوين قبل الجواز وأتنين لمون وتليفون بالليل وبعد كده مافيش ولا كلام ولا أفعال.

أنا طولت عليكوا قوي بس الخلاصه إن إحنا لو عايزين نعيش في رومانسيه وسعاده هنعيش بس بشرط يكون الاتنين عايزين كده ويكون عندهم الأستعداد إنهم يعملوا أي حاجه علشان الطرف التاني والمستفيد الحقيقي من الجو ده هما الاولاد أكيد بتفرق معاهم جداً.

وربنا يوفق الجميع ويسعد الجميع
"

مضبوط كلامك يافندم
: المشكله دي مش مسئولية طرف من الطرفين هي بصراحه مسئولية الأتنين مع بعض..إزاي؟:
لا بالعكس انت مطولتش ولا حاجة استمتعت بقراءة كل حرف ما شاء الله على المعلومات الجميلة والنصايح الهايلة دي ربنا يعزك ويزيد من اعمالك الصالحة وياريت الكل يكون قرأ كل تعليقك ...شرفتنا (:"

لـــولا 2 نوفمبر، 2010 12:40 م  

miroooo يقول...
متقلقيش خالص يا زهراء مش كل المتجوزين كده اى نعم هى الاغلبيه بس ممكن يكون فى امل انا مش متجوزه اى نعم بس اعرف ناس كتير متجوزين وطالع عينهم وناس تانيه سعيده ومبسوطه
بس الصراحه السبب وراء كل ده المعيشه الصعبه والالتزامات اللى بتبقى على الراجل والست دى كمان الست بقت بتشتغل زيها زيه
على العموم الحل فى ان كل واحد فيهم يعرف واجباته كويس وكمان يقدر تعب الاخر من اجله سواء الست او الراجل
وميقفوش لبعض على الواحده زى ما بيقولوا يعنى هى تعديله مرة وهو يعديلها مرة والحياه هتمشى
ياريت بقى لو فى يوم الاجازة يخرجوا مع بعض من غير الاولاد طبعا ههههه والله هتبقى الحياه لذيذه
انا عارفه ان الاحلام دى ورديه لانى لسه على البر بس ان شاء الله هاحاول اكون زوجه مش نكديه واختار زوج لذوذ كده ههههه
ربنا يرزقك بزوج لذوذ زيى هههههه
تمنياتى لك بالسعاده
سلامى للولا

" يا سلااام على الكلام الكبير والجميل جبتي م الاخر زي ما بيقولوا
:ان كل واحد فيهم يعرف واجباته كويس وكمان يقدر تعب الاخر من اجله سواء الست او الراجل
وميقفوش لبعض على الواحده زى ما بيقولوا يعنى هى تعديله مرة وهو يعديلها مرة والحياه هتمشى
:
نورتي وميرسي على سؤالك وسلامك"


Free CursorsMyspace LayoutsMyspace Comments

    © بالحب اتجمعنا. Friends Forever Template by Emporium Digital 2009

Back to TOP