نــقطة رجــــوع ....
>> الاثنين، 13 أبريل 2015
طبعا عنوان البوست غريب وعجيب
على فكره ده اسم فيلم شوفته من فتره طويله
كان بطولة شريف منير و نور
فى جزء من الفيلم بيحكى على فقد الذاكره
ياترى الانسان ممكن يبدأ حياته من جديد
فى حالة فقده للذاكره لا قدر الله
ياترى ممكن ينسى كل حاجه فى حياته السابقه
هينسى نفسه وكل الحاجات اللى كان بيحبها
عمرك تمنيت قبل كده انك تقفد الذاكره بجد
ياترى لو فقدتها فعلا
ايه الحاجات اللى مش ممكن تنساها ابدا
ياترى فى اشخاص صعب انك تنساهم
حتى لو فقدت الذاكره
معلش هو موضوع غريب شويه
السبب انى كتبته انى من فتره كده
اقرأ فى موضوع فقدان الذاكره
اتمنى ان الموضوع يعجبكم
رغم انى عارفه انه غريب
32 التعليقات:
نحجز
اول تعليق
ياه عشان شم النسيم والناس مرحرحة م الفسيخ
Tarkieb
.......
مبروووووووووك
Tarkieb
.........
كده بقوا اتنين مش واحد ههههههههههه
Tarkieb
.........
هو فسيخ بس ههههههههههه دي الشوارع ريحتها غريبه عجيبه
فقدان الذاكره ميختلفش كتير عن إن الشخص يصحى يلاقى نفسه على جزيره فى بحر وناس بتقوله إنت إسمك أمجد مش أحمد :)
واكيد لان مفيش إنسان يستحمل يعيش بدون ماضى فهو هيبحث عن الماضى قبل ميفكر يعمل ايه فى المستقبل لأنه أساسا مش عارف هو كان ايه قبل كده ولا هيكون ايه بعد كده
أنا عن نفسى لا أتمنى أن أتعرض لهذا الموقف ولو للحظه لأن فقدان الذاكره فقدان للهوية والتجارب
بحيكى على موضوعك لأنه مختلف
وكمان لأنه بيفكرنا بنعم ربنا علينا
الفيلم ده من احسن الافلام المصرية اللي اتعملت مؤخراوانا بحب اشوفه جدااا
انا اتمنيت اني افقد الذاكرة مرة او مرتين او تلاتة ...مش فاكرة بس أو يمكن مش عايزة افتكر أو مش عايزة اقول :(
بس الي ممكن اقوله اني اتمنيت افقد الذاكرة عشان محبش شخص معين
بس كفاية كدة قلبتي عليا المواجع بس يلا بحبك بقي اعمل اية
ممكن الواحد يتسرع في اﻻجابه ويقول ياريت لإنه بيفتكر اﻷلم اللي اتعرض له في حياته ، لكن في واقع اﻷمر صعب الواحد يتمني ينسي ماضيه والناس اللي حواليه حتي وإن كان بعضهم سبب اﻷلم ، وإن كان عن البداية الجديدة فمش محتاجه فقدان ذاكره بس محتاجه تسامح وإراده .مبدعه كالعاده يا زهره
هيثم
زوزو القمر
موضوعك مش غريب ولا حاجه انا قبل كده فكرت فى كده
وكتير اوى مننا بيتمنى انه يفقد بعض من ذاكرته او.كلها لو.مفيش حاجه فى حياته السابقه حلوه يفتكرها
بس للاسف حتى او الواحد فقد ذاكرته الناس هتفكره ومش هتسيبه فى حاله وهتنغص عليه عيشته
وطبعا فى اشخاص بيكون صعب نسيانهم سواء الناس دول كويسين او لاؤ
يعنى الناس الكويسه اوى اللى سابت أثر جميل ورائع فى حياتك صعب تنسيهم والناس اللى مش كويسه وسببت ليكى ألم وجرح من الصعب برضه تنسيهم
موضوعك جميل يا زهراء
تحياتى ليكى ياقمره
فكرة البوست جديدةولذيدة
بس أكيد الواحد لمايبقى عاوز ينسى
أو يفقد الذاكرة فيها هيعيش من غير هوية
خالص احتراماتى
حضرة المحتل الأكبر
حاجات كتيرة الواحد
عاوز يعملها delete l
منها أول حب فى حياته
خالص اعتزازى
موضوع مثيرا على فكره
جميل ان الواحد ينسى حاجات بتدايقه فى حياته اكيد
بس لو عن نفسى فقدت الذاكرة اتمنى منساش حبايبى ابدا وشعرى اكيد ههههههههه
مساء الفل عليكى .. راقت لى فلسفتك على فكرة
عمرى ما فكرت
فيه ولا تمنيته
لكن مر بــــحياتى
انسان اصابه الزهايمر
الحقيقى(مش بتاع الأفلام)
واد ايه كانت حياته وحياة
من حوله بائسة.ربنا يعافينا
Gamal Abu El-ezz
*-**-*-*-*-*-*-*-*
صباحك سعاده يا جمال
لما كتبت الموضوع كان هناك العديد من الاسباب رغم انه بوست قديم كتبته من حوالى خمس سنوات وقت ما شوفت الفيلم بس احد اسباب اعادة كتابة البوست اننا نحمد ربنا اننا فاكرين كل حاجه بنحبها وكل الناس اللى بتحبنا وانت وصلت لاحد اهم اسباب كتابته
عن جد باشكر تواجدك الراقى
رحــاب صالــح
*--*--*-*-
صباح الورد يا ميس رحاب ..
الفيلم كان رائع وانا كمان باحب اشوفه واول مره شوفته كان له اثر كبير فى نفسى وعقلى ....
اعتذر طبعا انى قلبك عليكى المواجع وانا كمان باحبك وباحترمك
بالنسبه انك تفقدى الذاكره عشان مش تحبى شخص معين ليه بس ؟؟ تجربة الحب دى لازم الواحد يفضل فاكر التجربه او التجارب اللى مريت عليه عشان يتعلم ويعرف قيمة الحب الحقيقى لما يقابله
دعواتى ان يهب الله لكى حب وخير وسعاده
هيثم
*-***
صباح الفل يا هيثوم ...
والله مش مصدقه نفسى انك عندنا يا مراحب يا مراحب لو كنت اعرف انك جاى كنت فرشت لك الارض رنجه وفسيخ هههههههه
والله كلامك حكم ودى مش حاجه جديده عليك انت عارف انى اتعملت منك حاجات كتير والموضوع مش محتاج نفقد الذاكر انما يكفى اننا نملك الارداه لكى نبدأ من جديد
تحياتى لتواجدك اللى بيشرف المدونه وفى انتظارك على الدوام ...
قمر وليل وغيوم
*-**-*-*-*-*
قمراية التدوين الرقيقه
لمستى الجرح يا قمر ان حتى لو حتى احنا فقدنا الذاكره لكن فى ناس هتفضل تزن فوق دماغنا عشان تفكرنا باللى حصل فى حياتنا ويبقى من حسن الحظ لو الناس دى ناس سيئه يبقى هتلاقيهم بحكوا عن كل ما هو سيئ واحنا طبعا مش فاهمين بس متغاظين عشان مش هنعرف نرد عليهم ...
هو موضوع شائك ورايى الخاص اننا نقدر ننسى ونبدا من جديد ده لو احنا عاوزين كده
تحياتى لكى يا قمر ومش تغيبى عننا
مدونة الفرسان
*-***-*-**
احيانا فى بعض اللحظات نتمنى ان ننسى كل شئ ونبدأ على نظافه ومن جديد وقتها مش هنهتم اذا كنا فاقدى الهويه ...
خالص التقدير
مدونة الفرسان
*-**-*-*-*-*
صديقى الفارس الرائع ...
تعجبت ان ممكن حد يتمنى يعمل ديليت لأول حب فى حياته ده الواحد وقتها بيكون بكر المشاعر والاحاسيس وبيتعلم من التجربه دى كتيييييييييييييييير
تحياتى وتقديرى ...
Ebtesam Hoseen ..
*-***----
صباح الكلمات الرقيقه
اولا كده ربنا يبارك لكى فى احبابك
ثانيا اذا تنسى شعرك واحنا نستمتع ونتمتع من ايه بقى ؟؟
اضم صوتى لصوتك من الرائع اننا ننسى اى حاجه وحشه حصلت والموضوع مش محتاج فقدان ذاكره محتاج تركيز على كل ما هو ايجابى فى حياتنا
تحياتى وتقديرى لصاحبة الكلمات الرقيقه
norahaty mo
*-**-*-*-*-*-
دكتورتى الغاليه
قبل ما اكتب البوست قرات الفرق بين فقدان الذاكره والزهايمر وكنت هاتكلم عن الزهايمر بدل من فقدان الذاكره ولما عرفت ان الزهايمر مرض ممكن يصيب اى انسان ربنا يسلمنا جميعا تراجعت ولما شوفت الفيلم قولت خلاص نخلى الموضوع عن فقدان الذاكره ...
فى حياتى كان هناك جار لنا اصابه الزهايمر ربنا يعفو عن الجميع وكان بيعمل حاجات بيتعب بها ولاده ومن قبله زوجته
ربنا مش يكتب عليكى و وعلينا وعلى كل احبابنا اى مرض
ربنا يكرمك يا حبى ويبارك فيكى
مساء الخير..
الموضوع ده صعب جدا..
واصعب ما فيه هو انك تكوني مسؤلة عن كل المعلومات الخاصة باللي فقد ذاكرته.. ده لو حصل بناء على حادث او مرض..
اما موضوع انه حد هو اللي يبقى عاوز يفقد جزء من ذاكرته
فا انصحك تتفرجي على فيلم:
Eternal Sunshine of the Spotless Mind
بس اتفرجي عليه بعمق وادعي لي :)
Tamer Moghazy
*-*-*-*
مسا الورد
يا هلا يا هلا والله زمان يا تامر ...
صعب اوى ان حد بتحبه يفقد ذاكرته وانت تبقى المسئول عن كل حاجه فى حياته يتكمله عن الماضى وبتعيش معاه المستقبل
عشان كده كلامى ان انا اللى افقد يعنى المتحدث هو اللى هيفقد ذاكرته مش حد غالى عليه
بالنسبه لفيلم وعد انى افترج عليه فى اقرب وقت ان شاء الله ومن غير حاجه انت عارف بادعى لك
ربنا يكرمك ويسعد قلبك
حبيبتى زوزو
انا كمان من رأيى ان مشكلتنا اننا دايما بنعمل حساب للناس
دايما نخاف من كلامهم ونسمع لكلامهم
بجد دى مشكلتنا خصوصا فى مجتمعنا المصرى
أريد ولا أريد
موضوع مثير للإهتمام.. فكرت فيه كثيراً ووصلت لهذه النتيجة
شكراً لإثارته
خالص تحياتي
قمر وليل وغيوم
*-**-*-*-*-
قمراية التدوين
اللى بيعمل حساب الناس فى الكبيره والصغيره مش بيعرف يعيش او يتمتع بحياته وللاسف دى مشكله تخص ناس كتييييييير فى المجتمع الشرقى ربنا يهدى الجميع يا قمر
طــيف
*-***
تصدقى حلوه حكاية أريد ولا اريد احيانا نريد ان نفقد الذاكره وبشده احيانا اخرى نتمنى ان نتذكر كل التفاصيل
خالص التقدير والاحترام
غن النسيان نعمة انعم الله علينا بها لكى نستطيع المضى قدما ونستطيع الحياة هو نعمة لمحاولة التغلب على الجراح والآلآم والذكريات المؤلمة
أما فقدان الذاكرة والبداية من جديد فلا نستطيع العيش بلا ماضى
من يصابوا بفقدان الذاكرة هو مرض ابتلوا به لا يعرفون من هم ولا اى وكيف كانوا
عندما تكثر آلامنا نتمنى النسيان وفقد الذاكرة كلها لنتغلب عليها
وعندما تمر بنا اللحظات الجميلة ويتملكنا النسيان نحاول وبكل طاقاتنا أن نستعيد ما مر وأن لا يتغلب علينا النسياان
ما أجمل الرضا ! طريق النجااة فى الفرح والألم
موضوعك شيق
تحيااتى
سعيد وحشه
*-***-
يا هلا بأول زياره وان شاء الله مش تكون الاخيره ...
النسيان هو اهم سمات الانسان والانسانيه وعن فقدان الذاكره هو نوع من انواع النسيان ولكن احيانا من يفقد ذاكرته يكمل حياته بهذه الطريقه ولا يتذكر أى شئ عن ماضيه وهو شئ صعب جدا جدا جدا وعن جد عندما تزداد الاوجاع على احدهم قد يتمنى ان يفقد ذاكرته ويبدأ من جديد على نظافه بقى هههههههههه
عن جد مشكور على الزياره والكومنت
شركة تنظيف قصور بالرياض
شركة نقل عفش بالرياض
شركة تنظيف كنب بالرياض
شركة نظافه بالرياض
شركة عزل اسطح بالرياض
شركة تنظيف وشفط بيارات بالرياض
شركة تنظيف واجهات حجر و زجاج بالرياض
شركة تنظيف مسابح بالرياض
شركة تنظيف مجالس بالرياض
شركة تنظيف بيوت بالرياض
شركة تسليك مجارى بالرياض
شركة تخزين اثاث بالرياض
شركة المثالية لتنظيف بالدمام
شركة المثالية لتنظيف المنازل بالدمام
شركة المثالية لتنظيف البيوت بالدمام
شركة المثالية لتنظيف الفلل بالدمام
شركة المثالية لتنظيف الشقق بالدمام
المثالية لنظافة
المثالية لنظافة المنازل
المثالية لنظافة البيوت
المثالية لنظافة الفلل
المثالية لنظافة الشقق
شركة المثالية لتنظيف بالخبر
شركة المثالية لتنظيف المنازل بالخبر
شركة المثالية لتنظيف البيوت بالخبر
شركة المثالية لتنظيف الفلل بالخبر
شركة المثالية لتنظيف الشقق بالخبر
إرسال تعليق