باقى من الزمن ساعه

>> الأربعاء، 30 يونيو، 2010

باقى من الـــزمن ســــــــــاعه





























طبعا العنوان غريب ممكن يفكرنا بأيام الامتحانات





لكن اقصد من باقى من الزمن ساعه





على اصعب امتحان ممكن يمر علينا فى حياتنا





تخيلوا لو باقى من حياة كل واحد فينا ساعه واحده فقط





هنرحل عن دنيا البشر .. هنبعد عن كل الاحباء




هى ساعه واحده اللى باقيه فى عمرنا





ياترى هنعمل ايه فى الساعه دى





هنجرى بسرعه نتوضأ ونصلى ونقف بين ايادى الرحمن





هنجرى على ابائنا ونقعد تحت ارجلهم شويه





هنجرى على اولادنا نحضن فيهم





هنجرى على حد يكون زعل مننا ونصالحه






هنمسك التليفون ونودع احبابنا






ياريت ماحدش يستغرب من كلمة نجرى






خلاص مافيش وقت هى ساعه اللى باقيه من العمر





فى مقوله بتقول اعمل لدنياك كأنك تعيش ابدا






واعمل لاخرتك كأنك تموت غدا






ماحدش يقول البوست كئيب







كل ما فى الموضوع انى عاوزه اذكر نفسى











ان العمرقصير جدا











وفجأه ممكن يكون باقى من العمر ساعه واحده فقط







يبقى من دلوقتى نجرى على اهالينا واحبابنا وياريت



نحاول اننا مش نزعل اى حد منهم




اللحظه اللى بتمر علينا مش هترجع تانى





مهما حاولنا اننا نرجعها خلاص اللى بيعدى مش بيرجع





ياترى لو باقى فى عمرك ساعه واحده فقط





هتعمل فيها ايه ؟؟؟








اتمنى لكم العمر كله فى طاعة الرحمن









كانت معاكم : زهــــــــــراء

102 التعليقات:

Ramy 30 يونيو، 2010 3:34 م  

زهراء

حمد الله على السلامة نورتى المدونة

يا رب تمونى اتوفقتى فى اللى كان شغلك الفترة اللى فاتت
(:

البوست بقى

البوست مش كائيب خالص

لا دة بوست واقعى جدا

بوست خليك تفكر ان الحياة مهما طالت ليها اخر و الخر لازم تكون مش خايف منه لازم تكون حابه علشان انت ان شاء الله تكون مستعد له

بوست جميل يخليك تفكر فى الحياة و انت عامل فيها اية كويس ولا وحش
تقدر تقابل ربنا باللى انت فيه و لا لأ


يااارب كلنا نكون مستعدين للساعة دى

انا فى الساعة دى هكلم ربنا و هقول لأمى تسمحنى على اى لحظة ضايقتها فيها


شكرا البوست اجميل دة يا زهراء

(:

على فكرة انا لما قريت البوست ما افتكرتش الأمتحانات لا افتكرت مسلسل قديم كان ليه نفس الأسم (:(:



دمتى بخير و سلام

Tears 30 يونيو، 2010 3:43 م  

فكرة البوست جميلة اوى و جديدة

الحياة اقصر من نقضيها فى خناق و عراك و مشاكل



دمتى بحب

richardCatheart 30 يونيو، 2010 4:57 م  

تعرفى لو فاضل من عمرى ساعه بس ماتستغربيش
ههههههههههه

هاجرى انقى حته مقطوعه على البحر اى بحر
وقاعد فيها الساعه دى
وخلصت

تسلمى يابطوط يارب ديما بخير

Said Elhawary 30 يونيو، 2010 5:36 م  

احب اولا انى ابدى اعجابى الشديد بالموضوع وفكرته الرائعة
لكن
لو فاضل فى عمرى ساعة
مش عارف هاعمل ايه حقيقى .. فى الحالة دى تفكيرى هيقف .
شكرا على الموضوع الرائع

سبايدرمان 30 يونيو، 2010 6:08 م  

جزاكي الله خيرا على التنبيه ولا زم كلنا ناخد بالنا

الدنيا ساعه فاجعلها طاعه

momken 30 يونيو، 2010 6:11 م  

بوست رائع وفكره مذهله
الغريب ان بعضنا فضله اقل من ساعه
والبعض باقى له عدد بسيط من الانفاس الى بيها حتى ميلحقش يردد الشهاده


لكنى وانا موقن انه لم يبق لى الا القليل ساجدد التوبه الى الله
وانا على يقين تام من انه هو التواب الذى يقبل توبه عباده

وانا مجرد عبد واحيا حياه العبيد فى محراب سيدى
فاللهم يا غافر الذنب ويا قابل التوب اقبل عبدك فيمن عندك
اشهد ان لا اله اله الا الله واشهد ان محمد رسول الله

mrmr 30 يونيو، 2010 6:15 م  

احيكى على هذا الموضوع
فعلا موضوعك واقعى جدا
لازم كل شخص يحط هذه الساعه قدام عنيه
لان العمر اللى عدى مش قد العمر اللى جاى

بس ربنا طبعا يديكم طولت العمر

بالنسبه للعنوان انا مفتكرتش الامتحانات خالص كل اللى جه على بالى انه قدامك ساعه واحده على رحله سفر قد تستغرق بضعه ايام او اسابيع

لكن انا لو باقى من عمرى ساعه عارفه ح اقضيها اذاى

ح اقضيها قدام ربنا بدموع غزيره علشان يرحمنى ويغفر ليا وعلشان يقبلنى كما انا
ودموعى تغسلنى
علشان اكون مستعده للقائه وانا خاليه من الخطيه ويغسلنى من ذنوبى لكى اصبح بيضاء كالثلج

متندهشيش من كلامى ما فيش انسان كامل غير ربنا ومهما فعلنا كل البر فنحن امام ربنا عبيد بطالين
تحياتى لكى ولموضوعك
وربنا يدينا الاخره الصالحه ونكون مستعدين للقائه
ربنا معاكى ويحافظ عليكى

حالة ملل 30 يونيو، 2010 6:27 م  

بصراحه يا زهرا
حاعمل كل اللى قلتى عليه
بس فيه سؤال بقى
ليه استنى لغايه ما يبقى فاضل من الزمن ساعه
ليه ميكونش ده سلوكى دائما
ليه العب دايما فى االوقت الضايع
ليه ميكونش ده عملى و اسلوب حياتى دائما
بس اهم حاجه حاعملها انى اسلم علىوالدى ووالدتى اللى ظروفى منعانى انى اكون معاهم
و بعدها حاقول الشهاده

sweet angel 30 يونيو، 2010 6:33 م  

السلام عليكم

عندك حق والله يا زهراء

ساعات كتير بسال نفسي السؤال ده ؟؟

وفعلا ده مش بوست كئيب ولا حاجه

الواحد محتاج كل فتره حاجه تذكره وتصحي قلبه

ربنا يكرمك ويرزقك السعاده

زهــــراء 30 يونيو، 2010 7:39 م  

Ramy

-*-*-*-

رامـــــــــــى



الله يسلمك انا فعلا لسه مشغوله بس قولت اجى اتكلم معاكم شويه لانكم وحشتونى اوى اوى ....

دعواتك كلها اقل من شهر ان شاء الله
انت عارف انى كنت خايفه من البوست ده اوى اوى لانى فى ناس ممكن تبص له من منظور دينى وانى حرام انى اتكلم كده لكن عن جد اول ما شوفت كلامك ارتحت اوى لانك حد محترم ورايه بيكون عميق جدا جدا ...

انا ماكنتش اعرف انه فى مسلسل اسمه كده ....

اشكرك على كلامك ومدحك

زهــــراء 30 يونيو، 2010 7:42 م  

Tears

-*-*-*-*-*

الحياه قصيره جدا جدا ولكن هناك من يضيعها فى كلام وخناق ومشاكل


نورتى وشرفتى

دمتى بكل سعاده

زهــــراء 30 يونيو، 2010 7:45 م  

richardCatheart

-*-*-*-*-*-*-*


مــــــــــــارووووووووووو


ياترى فين الحته المقطوعه دى ههههههههههههههههههههههههههههههه


فكره غريبه برضه
اتمنى لكى عمر مديد مليان سعاده وهنا وحب

زهــــراء 30 يونيو، 2010 7:51 م  

Said Elhawary

-*-*-*-*

ســـــــعيد


بجد فرحانه اوى اوى ان فكرة الموضوع عجبتك

ربنا يبارك لك فى عمرك
يارب العمر كله فى سعاده وهنا

زهــــراء 30 يونيو، 2010 7:52 م  

سبايدرمان

-*-*-*-*-*


اشكرك هو مش مجرد تنبيه للناس اكتر من انه تنبيه لنفسى

اللهم اعنا على ذكرك وشكرك وحسن عبادتك

جوجو 30 يونيو، 2010 8:05 م  

السلام عليكم
بصراحة سؤال صعب لان فى حالة زى دى هنكون عاوزين نعمل حاجات كتيييرة قوى هنبقى عاوزين نصلى وندعى ربنا ونستغفر هنبقى عاوزين نصالح اى حد كان فى خلافات بينا وبينه هنبقى عاوزين........مش هنقدر نعد اللى احنا عاوزينه
بوست متميز جدا
بحيكى عليه

زهــــراء 30 يونيو، 2010 8:15 م  

momken

-*-*-*-*-*


ممـــــــــكن


ممكن بعضنا يكون فاضل له فى الحياه مجرد دقايق معدوده لكن للاسف ممكن تضيع مننا ومن غير ما نحس
ممكن يبقى باقى فى حياتنا كتير لكن نضيعها كلها وتمر علينا مجرد دقايق مش اكتر ....

الله على كلامك تحفه بجد فيه مناجاه لرب العالمين عاليه اوى
لازم اننا نجدد التوبه فى كل لحظه
دربنا يتوب علينا ياااااااااااارب
اشكرك يا ممكن على ردك اللى اسعدنى بجد

زهــــراء 30 يونيو، 2010 8:19 م  

mrmr

-*-*-*

مـــــرمــــــر


ماحدش عارف هو باقى له فى الدينا كام ساعه او حتى كام لحظه بس المفروض نعمل للاخره كاننا على بعد خطوات منها


عن جد مش استغربت من كلامك لانه معظمنا عارف اننا مهما فعلنا من اعمال البر والخير نحن مقصرين فى حق الله

احييكى على كلامك وردك

شرفتى ونورتى

اتمنى لكى حياه كلها طاعه لله وحب فى فعل الخيرات

زهــــراء 30 يونيو، 2010 8:24 م  

حالة ملل


-*-*-*-*

يا هلا بالدكتوره علااااااااااااااااا


اجايتى على السؤال اننا بطبع البشر عندنا تسويف يعنى نبقى نعمل بكره نبقى نكمل ده بعد شويه

انتى عارفه ياعلا لما ازعل مع حد من اصحابى افكر واقول اجرى بسرعه اصالحه لان ممكن العمر يمر واحنا على خصام وزعل باخاف اقابل ربنا واى حد زعلان منى ...

ربنا يجعل كل ايامك هنا وسعاده وحب وخير وفرح

اتمنى لكى حياه مليئه بطاعة الله

زهــــراء 30 يونيو، 2010 8:25 م  

sweet angel

-*-*-*-*

وعليكم السلام ورحمة الله وبركاته


عن جد كنت خايفه ان البوست يكون كئيب او حد يفهمه بطريقه غلط

ربنا يكرمك ويفرح قلبك ويسعد ايامك

زهــــراء 30 يونيو، 2010 8:28 م  

جوجو


-*-*-*

وعليكم السلام ورحمة وبركاته



حاجات كتير عاوزين نعملها فعلا وكل اللى باقى من الزمن ساعه واحده فقط
ياريت بقى نعمل اللى عاوزينه قبل فوات الاوان

اتمنى لكى حياه كلها خير وهنا


اشكرك على كلامك

دمتى بكل خير

أتنين حبيبين 30 يونيو، 2010 8:32 م  

السلام عليكم
رغم انى زعلانه منكم على الغياب كل ده ومعتوش بتسئلو لعل المانع خير

حمدالله على السلامه ويارب منورين الدنيا كلهاااااااااا

البوست جميل وكل تنبيه بذكر الله لان العمر لحظه مش ساعه ولاذم نعمل كلنا لاخرتنا لان مش ضمنين نفسنا
ربنا يسترك يارب ويعزك ويكرمك خير

بوست رائع

مودتى
توتا

اميرات الاسرار 30 يونيو، 2010 9:28 م  

بوست جميل فعلا يازهراء وعند حق فى اللى قولتيه

انا لو فاضل ساعه وهموت هجرى اتوضأ واقف بين ايادى ربنا استغفر عن اى ذنب عملته فى دنيتى واجمل حاجه انك تموت وانت بتصلى لا ن الواحد بيبعث على اخر عمل كان بيقوم بيه

زهراء

مدونه ما كفايه بقى 30 يونيو، 2010 10:54 م  

ذكرتى نفسك وذكرتينى معك

ربنا يجعل فضل اعمالنا خاتمتنا

اشكرك على البوست اللى (مش كئيب نهاااااائى)

جعله الله فى ميزان حسناتك

نحياتى لكى زهراء

مي 30 يونيو، 2010 11:14 م  

وحشانى يازهراء انتى ولولا جداااااااااا
اخباركم ايه ياقمرات يارب تكونوا بخير
سؤال صعب اوى بس حاسة انى هبقى عايزة اعمل كل ده بس للاسف هى ساعة واحدة
وعشان كده لازم نفكر ان كل ساعة فى حياتنا ممكن تكون اخر ساعة يبقى لازم نعمل حسابها

الزهرة البرية 30 يونيو، 2010 11:47 م  

لو باقى ساعة واحدة فى عمرى يا زهراء هقضيها استغفار ودعاء إنها تنتهى وربنا راضى عنى وإن أكون عملت فى حياتى اللى يشفع لى يوم الحساب

ربنا يتوفنا جميعا وهو راض كل الرض عنا وعن أعمالنا

على الهامش الموضوع مش كئيب زى ما انتى قولتى دى تذكرة المفروض تكون على بالنا وفى أفعالنا ديماً

دمتى بكل الخير والحب والسعادة

ليس فقيرا من يحب 1 يوليو، 2010 12:18 ص  

السلام عليكم

ازيك ياروح قلبى وازى اخبارك

ولولا اخبارها ايه يارب تكونو بالف خير

البوست مش كئيب ده كلام حقيقى ولازم

كلنا نبقى عارفين ان النهايه قريبه

واننا شويه وماشيين ولازم نعمل لكده

لو باقى فى عمرى ساعه هاصلى واستغفر

واقعد تحت رجلين بابا وماما

مش عارفه بصراحه

ربنا يحسن ختامنا ويعينا على الطاعه

ويسعدكم يارب

غير معرف 1 يوليو، 2010 1:39 ص  

انتى مسحتى التعليق بتاعى ليه لو عندك شجاعه ردى على كلامى
انتى هتعرفى ازاى ان باقى من عمرك ساعه
بتشوفى الطالع او بتعلمى الغيب
عارفه ان فكرتك فيها نوع من الكفر يعنى لو اى حد بيفهم فى الدين هيقولك انك كافره

زهــــراء 1 يوليو، 2010 1:55 ص  

اعتذر لكل الناس اللى مش رديت عليهم بس لازم ارد على الغير معرف


اولا
-*-

انا فعلا مسحت تعليقك لسبب بسيط لان حضرتك دخلت تشتم فيا وبكل صراحه بيدخل عندى ناس محترمه اوى اوى واخاف اى حد فيهم يشوف كلام حضرتك واخدشه


ثانيا
-*-*

حضرتك لو البوست مش عجبك كنت مش كملت القراءه ومن الواضح فعلا انك مش كملت قراءة البوست

ثالثا
-*-*

حضرتك بتقول انى باعلم الغيب حاشا لله انى اكون قولت كده وان اى حد يقدر يقول كده حتى رسولنا الكريم صلى الله عليم وسلم لم يكن على علم بالغيب
حضرتك كل الهدف من البوست انا افكر نفسى واحبائى فى الله ان ممكن يكون باقى فى العمر لحظات مش مجرد ساعه وياريت نعمل لاخرتنا كأننا نموت غدا


رابعا

-*-*

حضرتك تتهمنى بالكفر اشكرك طبعا بس لو حضرتك تعرف ابسط تعاليم الدين هتعرف ان ماحدش يقدر يكفر اى حد


خامسا

-*-*

حضرتك شرفتنى واتمنى الا تتكرر الزياره مره اخرى


سادسا واخيرا

لو حضرتك عاوز تتناقش معايا يبقى تدخل بحسابك علشان اقدر اعرف على الاقل حضرتك ذكر او انثى

شفـقــة و إحســــان 1 يوليو، 2010 2:06 ص  

البوست مش كئيب خالص بالعكس ده فكرنا بالى احنا ناسينه
ربنا يكرمك يارب
وتسلمى

زهــــراء 1 يوليو، 2010 12:20 م  

أتنين حبيبين

-*-*-*-*

وعليكم السلام ورحمة الله وبركاته


اولا احنا مش نقدر على زعل احلى اتنين حبيبين
ثانيا هى بس شوية مشاغل وظورف اللى تمنعنا عنكم
ثالثا بالاصاله عن نفسى وبالنيابه عن لولا اعتذر لتوتا وحسام

رابعا اشكرك على كلامك الحلو اوى وفعلا العمر لحظه ومن فترة كنت بالفعل بدأت فى كتابة بوست تحت عنوان العمر لحظه وتراجعت عن نشره كده بقى ختخلينى ارجع اكمله وانشره

مش نقدر على زعلك يا توتا يا قمر

زهــــراء 1 يوليو، 2010 12:22 م  

اميرات الاسرار

-*-*-*-*-*

زهــــــــــراء
ازيك يا قمرايه شوفتى بقى لما اتنين زهراء يتكملوا مع بعض هيعملوا قفله فى البلوجات كللها ههههههه


ربنا يجعل عمرك كله سعاده وهنا وفرح ياااااااااااااااارب

سلامى لباقى الاميرات

زهــــراء 1 يوليو، 2010 12:28 م  

مدونه ما كفايه بقى

-*-*-*-*-*-*-*

جزاك الله كل خير
والله انا كنت خايفه من البوست حد يقول انه كئيب وهو فعلا كان الغرض منه انى اذكر نفسى واياكم ان العمر قصير جدا جدا جدا

اشكرك على المرور الطيب

زهــــراء 1 يوليو، 2010 12:30 م  

مي

-*-*

ميوووووووووش

انتى فين وحشاااااااااااااانى جدا جدا كل ده غيااااااااااب

انتى فهمتى البوست حلو اوى فعلا ان ممكن كل ساعه فى حياتنا تكون هى اخر ساعه وممكن كمان باقى لحظه من عمرنا مش مجرد ساعه ....

اوعى تغيبى عننا تانى

اتمنى لك عمر مديد وحب وسعاده طووووووووول العمر

زهــــراء 1 يوليو، 2010 12:32 م  

الزهرة البرية


-*-*-*-*-*-*


جـــــــودى


اضم صوتى الى صوتك ربنا يتوفنا وهو راضى عنا جميعا ....


نورتى وشرفتى
وبجد اكررها مره تانيه انى كنت خايفه ان البوست يكون كئيب بس الحمد لله ان كل الناس فهمت قصدى


اتمنى لكى مزيد من السعاده والحب والهنا

زهــــراء 1 يوليو، 2010 12:34 م  

ليس فقيرا من يحب

-*-*-*-*-*

رانـــــــــــيا



وعليكم السلام ورحمة الله وبركاته



الحمد لله انا كويسه ولولا تمام ولله الحمد يارب انتى كمان تكونى بخير وسعاده وهنا



انتى عارفه يا رورو فى بعض الاحيان نتناسى ان النهايه ممكن تكون اقرب مما نتخيل ....

ربنا يحفظ لكى بابا وماما ويسعد قلبك ويفرحهم بيكى يااااااااااااارب

شرفتى ونورتى

زهــــراء 1 يوليو، 2010 12:35 م  

شفـقــة و إحســــان
-*-*-*-*

يا اهلا ... يا اهلا ...

فعلا الغرض من البوست هو تذكير نفسى واياكم
ربنا يهب لكم السعاده والفرحه على الدوووووووام

لـــولا 1 يوليو، 2010 11:13 م  

Ramy يقول...
زهراء

حمد الله على السلامة نورتى المدونة

يا رب تمونى اتوفقتى فى اللى كان شغلك الفترة اللى فاتت
(:

البوست بقى

البوست مش كائيب خالص

لا دة بوست واقعى جدا

بوست خليك تفكر ان الحياة مهما طالت ليها اخر و الخر لازم تكون مش خايف منه لازم تكون حابه علشان انت ان شاء الله تكون مستعد له

بوست جميل يخليك تفكر فى الحياة و انت عامل فيها اية كويس ولا وحش
تقدر تقابل ربنا باللى انت فيه و لا لأ


يااارب كلنا نكون مستعدين للساعة دى

انا فى الساعة دى هكلم ربنا و هقول لأمى تسمحنى على اى لحظة ضايقتها فيها


شكرا البوست اجميل دة يا زهراء

(:

على فكرة انا لما قريت البوست ما افتكرتش الأمتحانات لا افتكرت مسلسل قديم كان ليه نفس الأسم (:(:




دمتى بخير و سلام

" ساااامي ..منورنا...اعتقد اني عارفة المسلسل ده كان ملون بس قديم وكان طالع اشاعة ان يوم القيامة بكرة او بعد يومين كان مسلسل جميل ... ربنا يطول في عمرك وتكون مامتك دايماَ راضية عنك"

لـــولا 1 يوليو، 2010 11:14 م  

Tears يقول...
فكرة البوست جميلة اوى و جديدة

الحياة اقصر من نقضيها فى خناق و عراك و مشاكل



دمتى بحب

" هلاا بالقمر ..ربنا يطول في عمرك ويجعل حياتك كلها سعيدة وهنية"

لـــولا 1 يوليو، 2010 11:15 م  

richardCatheart يقول...
تعرفى لو فاضل من عمرى ساعه بس ماتستغربيش
ههههههههههه

هاجرى انقى حته مقطوعه على البحر اى بحر
وقاعد فيها الساعه دى
وخلصت

تسلمى يابطوط يارب ديما بخير

" اهلا بضيوفنا..نورتي"

لـــولا 1 يوليو، 2010 11:24 م  

Said Elhawary يقول...
احب اولا انى ابدى اعجابى الشديد بالموضوع وفكرته الرائعة
لكن
لو فاضل فى عمرى ساعة
مش عارف هاعمل ايه حقيقى .. فى الحالة دى تفكيرى هيقف .
شكرا على الموضوع الرائع

" سعيييييييييييييد منورناااااااااا حمد الله ع السلامة ومش هقولك اهلا لانك مش ضيف انت صاحب مكان ...ربنا يطول في عمرك ويخليك لاولادك ويسعد قلبك "

لـــولا 1 يوليو، 2010 11:24 م  

سبايدرمان يقول...
جزاكي الله خيرا على التنبيه ولا زم كلنا ناخد بالنا

الدنيا ساعه فاجعلها طاعه

" اهلاَ يافندم جزاكم الله كل الخير على كلامك الجميل ...نورت"

لـــولا 1 يوليو، 2010 11:25 م  

momken يقول...
بوست رائع وفكره مذهله
الغريب ان بعضنا فضله اقل من ساعه
والبعض باقى له عدد بسيط من الانفاس الى بيها حتى ميلحقش يردد الشهاده


لكنى وانا موقن انه لم يبق لى الا القليل ساجدد التوبه الى الله
وانا على يقين تام من انه هو التواب الذى يقبل توبه عباده

وانا مجرد عبد واحيا حياه العبيد فى محراب سيدى
فاللهم يا غافر الذنب ويا قابل التوب اقبل عبدك فيمن عندك
اشهد ان لا اله اله الا الله واشهد ان محمد رسول الله

" ممكن نورتنا... كلامك جميل ... اللهم اغفرلنا خطايانا وما انت به اعلم منا ياارحم الراحمين"

لـــولا 1 يوليو، 2010 11:25 م  

mrmr يقول...
احيكى على هذا الموضوع
فعلا موضوعك واقعى جدا
لازم كل شخص يحط هذه الساعه قدام عنيه
لان العمر اللى عدى مش قد العمر اللى جاى

بس ربنا طبعا يديكم طولت العمر

بالنسبه للعنوان انا مفتكرتش الامتحانات خالص كل اللى جه على بالى انه قدامك ساعه واحده على رحله سفر قد تستغرق بضعه ايام او اسابيع

لكن انا لو باقى من عمرى ساعه عارفه ح اقضيها اذاى

ح اقضيها قدام ربنا بدموع غزيره علشان يرحمنى ويغفر ليا وعلشان يقبلنى كما انا
ودموعى تغسلنى
علشان اكون مستعده للقائه وانا خاليه من الخطيه ويغسلنى من ذنوبى لكى اصبح بيضاء كالثلج

متندهشيش من كلامى ما فيش انسان كامل غير ربنا ومهما فعلنا كل البر فنحن امام ربنا عبيد بطالين
تحياتى لكى ولموضوعك
وربنا يدينا الاخره الصالحه ونكون مستعدين للقائه
ربنا معاكى ويحافظ عليكى

" ياحبيبتي كلامك مؤثر جداااا ربنا يسعد قلبك ويحلي ايامك ويغفر ذنبك "

لـــولا 1 يوليو، 2010 11:26 م  

حالة ملل يقول...
بصراحه يا زهرا
حاعمل كل اللى قلتى عليه
بس فيه سؤال بقى
ليه استنى لغايه ما يبقى فاضل من الزمن ساعه
ليه ميكونش ده سلوكى دائما
ليه العب دايما فى االوقت الضايع
ليه ميكونش ده عملى و اسلوب حياتى دائما
بس اهم حاجه حاعملها انى اسلم علىوالدى ووالدتى اللى ظروفى منعانى انى اكون معاهم
و بعدها حاقول الشهاده

" مافيش شئ اسمه ظروف تمنعك عن والديك كوني جوارهم باراَ بهما وكوني تحت اقدامهم ..ربنا يسعدك بكل خير ويبعد عنك كل شر ..منوراني يا قمر):"

لـــولا 1 يوليو، 2010 11:26 م  

sweet angel يقول...
السلام عليكم

عندك حق والله يا زهراء

ساعات كتير بسال نفسي السؤال ده ؟؟

وفعلا ده مش بوست كئيب ولا حاجه

الواحد محتاج كل فتره حاجه تذكره وتصحي قلبه

ربنا يكرمك ويرزقك السعاده

" شوفتي يازهرة بتقولك مش كئيب ...تسلمي ياقمراية على كلامك"

لـــولا 1 يوليو، 2010 11:28 م  

جوجو يقول...
السلام عليكم
بصراحة سؤال صعب لان فى حالة زى دى هنكون عاوزين نعمل حاجات كتيييرة قوى هنبقى عاوزين نصلى وندعى ربنا ونستغفر هنبقى عاوزين نصالح اى حد كان فى خلافات بينا وبينه هنبقى عاوزين........مش هنقدر نعد اللى احنا عاوزينه
بوست متميز جدا
بحيكى عليه

" مهما العمر طال هنفضل حاسين ان لسة قدامنا الكتير اللي عايزين نعمله ...جميل كلامك وواقعي"

لـــولا 1 يوليو، 2010 11:40 م  

أتنين حبيبين يقول...
السلام عليكم
رغم انى زعلانه منكم على الغياب كل ده ومعتوش بتسئلو لعل المانع خير

حمدالله على السلامه ويارب منورين الدنيا كلهاااااااااا

البوست جميل وكل تنبيه بذكر الله لان العمر لحظه مش ساعه ولاذم نعمل كلنا لاخرتنا لان مش ضمنين نفسنا
ربنا يسترك يارب ويعزك ويكرمك خير

بوست رائع

مودتى
توتا

" منورة ياتوتا ...ربنا يخليكِ على دعواتك الجميلة دي جزاكي الله الجنة"

لـــولا 1 يوليو، 2010 11:41 م  

اميرات الاسرار يقول...
بوست جميل فعلا يازهراء وعند حق فى اللى قولتيه

انا لو فاضل ساعه وهموت هجرى اتوضأ واقف بين ايادى ربنا استغفر عن اى ذنب عملته فى دنيتى واجمل حاجه انك تموت وانت بتصلى لا ن الواحد بيبعث على اخر عمل كان بيقوم بيه

زهراء

" زهوووووورة...جمييييييل عملك وامنيتك تسلمي على كلامك الجميل يازهورة "

لـــولا 1 يوليو، 2010 11:41 م  

مدونه ما كفايه بقى يقول...
ذكرتى نفسك وذكرتينى معك

ربنا يجعل فضل اعمالنا خاتمتنا

اشكرك على البوست اللى (مش كئيب نهاااااائى)

جعله الله فى ميزان حسناتك

نحياتى لكى زهراء

" اللهم يجعل اخر اعمالك خواتيمها كماطلبت لنا... تسلمي"

لـــولا 1 يوليو، 2010 11:41 م  

مي يقول...
وحشانى يازهراء انتى ولولا جداااااااااا
اخباركم ايه ياقمرات يارب تكونوا بخير
سؤال صعب اوى بس حاسة انى هبقى عايزة اعمل كل ده بس للاسف هى ساعة واحدة
وعشان كده لازم نفكر ان كل ساعة فى حياتنا ممكن تكون اخر ساعة يبقى لازم نعمل حسابها

" ميوية... وحشااااني جدا جدا جدا ياقمراية...انتي بكدة قولتي حديث عن رسولنا الحبيب صلى الله عليه وسلم "

لـــولا 1 يوليو، 2010 11:42 م  

الزهرة البرية يقول...
لو باقى ساعة واحدة فى عمرى يا زهراء هقضيها استغفار ودعاء إنها تنتهى وربنا راضى عنى وإن أكون عملت فى حياتى اللى يشفع لى يوم الحساب

ربنا يتوفنا جميعا وهو راض كل الرض عنا وعن أعمالنا

على الهامش الموضوع مش كئيب زى ما انتى قولتى دى تذكرة المفروض تكون على بالنا وفى أفعالنا ديماً

دمتى بكل الخير والحب والسعادة

" ربنا يطول في عمرك يازهورة ويبارك في عملك ويسعد ايامك"

لـــولا 1 يوليو، 2010 11:42 م  

ليس فقيرا من يحب يقول...
السلام عليكم

ازيك ياروح قلبى وازى اخبارك

ولولا اخبارها ايه يارب تكونو بالف خير

البوست مش كئيب ده كلام حقيقى ولازم

كلنا نبقى عارفين ان النهايه قريبه

واننا شويه وماشيين ولازم نعمل لكده

لو باقى فى عمرى ساعه هاصلى واستغفر

واقعد تحت رجلين بابا وماما

مش عارفه بصراحه

ربنا يحسن ختامنا ويعينا على الطاعه

ويسعدكم يارب

" الغنية بالحب ): وحشتيني...اللهم امين يارب العالمين ربنا يحسن ختامك وختامنا جميعاَ "

فتاه من الصعيد 1 يوليو، 2010 11:46 م  

طبعا هصلي واستغفر ربنا

وهعيط شويه :)

تحياتي

لـــولا 1 يوليو، 2010 11:47 م  

غير معرف يقول...
انتى مسحتى التعليق بتاعى ليه لو عندك شجاعه ردى على كلامى
انتى هتعرفى ازاى ان باقى من عمرك ساعه
بتشوفى الطالع او بتعلمى الغيب
عارفه ان فكرتك فيها نوع من الكفر يعنى لو اى حد بيفهم فى الدين هيقولك انك كافره

" اولا بخصوص اننا مسحنا التعليق بتاعك ليه...لاننا ببساطة لما نحب نتكلم مع حد نحب نتكلم مع حد عنده الجرأة انه يتكلم ويكون واضح اسمه مبنحبش نتكلم مع حد مجهول... عرفنا انت مين او امضي بأسمك عشان كل الناس المحترمة بتعمل كدة "

لـــولا 1 يوليو، 2010 11:54 م  

غير معرف يقول...
انتى مسحتى التعليق بتاعى ليه لو عندك شجاعه ردى على كلامى
انتى هتعرفى ازاى ان باقى من عمرك ساعه
بتشوفى الطالع او بتعلمى الغيب
عارفه ان فكرتك فيها نوع من الكفر يعنى لو اى حد بيفهم فى الدين هيقولك انك كافره

" ثانياَ تأدباَ منا وبناءَ على الحاحك سنقوم بالرد ويارب تستحمل الكلام ...

من المشين ان نتحدث اليك بالحسنى وتتحدث الينا بالسوء

من البغض ان نتحدث اليك بالادب وتوجه الينا كلاماَ ينافي الرد


من العار ان تتهمنا بالكفر

قال رسولنا الكريم في المعنى العام لاحد الاحاديث لا تتهم مسلماَ بالكذب لانه ان لم يكن كاذباَ فسترد اليك الكلمة وتكون انت الكاذب..ما بالك بمن يكفر المسلم !!!

يعني اللي يرمي مسلم بالكذب وهذا المسلم برئ من هذه التهمة يكون هو الكاذب طب واللي بيتهم الناس بالكفر زي سيادتك يكون ايه ؟....( لساني عفيف لا ينطقها"

لـــولا 1 يوليو، 2010 11:57 م  

غير معرف يقول...
انتى مسحتى التعليق بتاعى ليه لو عندك شجاعه ردى على كلامى
انتى هتعرفى ازاى ان باقى من عمرك ساعه
بتشوفى الطالع او بتعلمى الغيب
عارفه ان فكرتك فيها نوع من الكفر يعنى لو اى حد بيفهم فى الدين هيقولك انك كافره

" اعتقد ان اي حد بيفهم في الدين مش هيتهمنا بالكفر هيتم سيادتك بالجهل ...عفواَ دي مش شتيمة دا واقع"

لـــولا 2 يوليو، 2010 12:00 ص  

غير معرف يقول...
انتى مسحتى التعليق بتاعى ليه لو عندك شجاعه ردى على كلامى
انتى هتعرفى ازاى ان باقى من عمرك ساعه
بتشوفى الطالع او بتعلمى الغيب
عارفه ان فكرتك فيها نوع من الكفر يعنى لو اى حد بيفهم فى الدين هيقولك انك كافره

" رسولنا بيقول في المعنى العام للحديث ان لم يكن بنصه اعمل لدنياك كأنك تعيش ابدا واعمل لاخرتك كأنك تموت غداَ ... قول بقى ان رسولنا صلى الله عليه وسلم يعلم منين الغيب وقول انه بيقول اننا هنموت بكرة !!! افهم من فضلك الحديث وافهم الكلام من قبل ما تتلفظ بالفاظ تسئ اليك قبل ان تسئ لمن تحدثه"

لـــولا 2 يوليو، 2010 12:02 ص  

شفـقــة و إحســــان يقول...
البوست مش كئيب خالص بالعكس ده فكرنا بالى احنا ناسينه
ربنا يكرمك يارب
وتسلمى
" هلاااااا تسلمي يارب ويعزك ويرفع من شائنك"

زهــــراء 2 يوليو، 2010 12:04 ص  

فتاه من الصعيد
-*-*-*-*

اهلا باحلى فتاه فى الصعيد

ربنا يجعل ايامك كلها سعاده وهنا
ربنا يغفر لنا ذنوبنا

شرفتى ونورتى

لـــولا 2 يوليو، 2010 12:06 ص  

فتاه من الصعيد يقول...
طبعا هصلي واستغفر ربنا

وهعيط شويه :)

تحياتي

" ربنا يديكي الصحة وطولة العمر"

ذكري رحيل قلم 2 يوليو، 2010 2:57 ص  

السلام عليكم
حمدلله ع السلامة وحشتيني جدا يارب تكون الكورسات خلصت علي خير

جميل البوست مش كئيب بالعكس بارك الله فيكي علي احساسك علي التذكرة
انها محاولة وان شاء الله الكل يستفيد ويعمل لاخرته
اللهم امتنا علي طاعة
دمتي في حفظ الرحمن

norahaty 2 يوليو، 2010 3:26 ص  

المشكلة أننا عارفين
أن فعلاً العمر قصير وبيجرى
لكن وللأسف الحياة وسرعتها
بتنسينا دايماً ونفتكر أننا
خالدين وده طبعاً مش صح:(
شكراً للتذكرة يازهورررة

لـــولا 2 يوليو، 2010 1:24 م  

2010 12:06 ص

ذكري رحيل قلم يقول...
السلام عليكم
حمدلله ع السلامة وحشتيني جدا يارب تكون الكورسات خلصت علي خير

جميل البوست مش كئيب بالعكس بارك الله فيكي علي احساسك علي التذكرة
انها محاولة وان شاء الله الكل يستفيد ويعمل لاخرته
اللهم امتنا علي طاعة
دمتي في حفظ الرحمن

" الاجمل مرورك... اللهم امتنا على طاعة اللهم امين...نورتينا"

لـــولا 2 يوليو، 2010 1:24 م  

norahaty يقول...
المشكلة أننا عارفين
أن فعلاً العمر قصير وبيجرى
لكن وللأسف الحياة وسرعتها
بتنسينا دايماً ونفتكر أننا
خالدين وده طبعاً مش صح:(
شكراً للتذكرة يازهورررة

" دكتورا نورا نورتينا ياقمراية...لعل التذكرة تنفع اللهم اصلح اعمالنا واجعل اعمالنا خالصة لك"

ليله شتاء 2 يوليو، 2010 2:56 م  

بقى من الزمن ساعة

هقعد فى حضن ماما طبعااااااا

ولو عندى اولاد هخدهم فى حضنى كمان


معلش يلبطوط متأخرة كتيييييييييير

ربنا يسعدك ويفرح قلبك

فكرة من الزمن ده 2 يوليو، 2010 4:46 م  

ازيكم ياقمرات
انا جيت متاخرة كتير كا عادتي طبعا
ههههههههههه
لدرجة اني الامس نمت بعد العصر شوية وقمت قلت انا لازم ادخل لزهراء ولولا اول حاجة اعملها
وفعلا دخلت لقيت فاتني حاجات كتيرة جدا
وقلت لازم اقرا واسمع
وكمان دلوقت لما دخلت كملت
وحبيت اقول لكم ربنا يحميكم
اما بالنسبة للبوست ده فهو مش كئيب ولا حاجة
لازم نفكر روحنا والا حوالينا دائما اننا مسافرون
تسلم ايدك يازهوووورة الشطورة
تحياتي

Hager ZaǮbal 2 يوليو، 2010 6:47 م  

بالعكس البوست مش كئيب خالص وفكرته جميله اوي :)

المشكله كلها ان احنا عارفين .. بس بنتناسي ..

انا في الساعه دي هصلي هدعي ربنا وهقعد مع امي واقرب الناس ليا ..
بس بيتهيألي الوقت ساعتها هيبقي بيمر بسرعه رهيييييبه ..

مهموهـــــــة 2 يوليو، 2010 9:36 م  

لولا وزهـــراء يا حبايب قلبي
وحشتوني موت موت موت موت موت موت موت
بجد والله انا سعيدة اوي النهاردة اني جيت المدونة وقرات الموضوع الجميل ده
بجد وحشتوني اوي
بجد يا حبايبي انا اسفة اوي اني مقصرة معاكم وانشغلت عنكم بس غصب عني والله انتوا عارفين اللي فيها
ربنا ما يحرمنيش منكم ولا من سؤالكم يا رب

اما زهورتي حبيبتي رناتك يا قلبي كل يوم بتفرح قلبي ما تتصوريش قد ايه

بجد بفرح بيها اوي
اوي
اوي
والمدير كل يوم يقولي مين بيرن عليكي وانتي مش بتردي عليه
اقوله دي حبيبتي زهورتي بتصبح عليا

بجد وحشتوني اوي
خالص حبي وتقديري واشواقي الحارة

Ms Venus 2 يوليو، 2010 9:52 م  

زهراء


حبيبتى اولا يارب تكونىت بخير


الوست مش كئيب ولا حاجة

وكتير فكرت فى السؤال ده


ممكن اروح فى مكان بعيد لوحدى

لكن اهم حاجة انى ادعى لربنا ان محدش يتعب ولا يزعل علشانى من الناس القريبين منى


وردة لعيونك حبيبتى ويارب دايما تكونى بكل خير

The illusionist 2 يوليو، 2010 10:24 م  

سؤالك ده انا شوفته ومشيت
معرفتش اعلق
هحس انى منافق قوى لو جاوبته
فاكره عرض الالف رساله بتاع فودافون
لما محدش يبعتلك ويسال عليكى غير لما العرض يبتدى
عشان الرسايل مجانيه
ياااااااااه
كنت بحس قوى بكميه نفاقهم
يعنى انا مكنتش اساوى عندكم تمن رساله الا لما بقت مجانيه
يبقى فاضلى ساعه فى عمرى
هعمل فيها ايه
ساعه بس
يا خبر ابيض
اعمل ايه
اقرا قران
اتضرع لربنا
اجرى على ابويا وامى
ايه ولا ايه ولا ايه
هفتكر ربنا فى الساعه دى
لو انا مسلم حق فعلا
ولا الساعه دى هتفرق معايا
هعاملها كاى ساعه لانى بتقى ربنا
لو انا شاب روش
من اللى بيضيعوا وقتهم كتير بدون حساب
هتلاقى النفاق كتير قوى
هو مش منافق من جواه فى الساعه دى
لانه نفسه يلحق اى حسنه زى بتاع رغيف العيش بس عامه
هو منافق
لانو معملش اى حاجه من دى لما كان فى وقت
زى فرعون
لما لقى انو هيموت
قال امنت برب موسى
وجبريل نزل شال من طين البحر وحط فى فمه
الخلاصه
فعلا لو باقيلى ساعه
اموت بكرامتى احسن
واخش اوضه فاضيه اقعد الساعه دى لوحدى
وابكى على الوقت اللى ضيعته فى الساعات الكتيره قوى اللى كانت متاحه ليا
وفى الحاله دى مش بكاء على اللبن المسكوب
لان مفيش لبن بعده
او بالاصح
الوقت اللى راح مش هيتعوض تانى
وبس

مختص بالرد على الغير معرفين 2 يوليو، 2010 10:38 م  

ايها الكائن الغير معرف

بدايه ردى احب ان اخبرك شيئا

انا للاسف ولهو شئ مخزى انك تدخل بغير معرف لتدلى برايك

مما يدل على جبنك الواضح

وانك تخشى ان يعرفك من هم يعتقدوا انك ذو راى

ولكنك اثبت انك شئ لا يدعو للاهميه بردك باسم غير معرف

ولكن للاسف مضطر للرد عليك

وستجد فى اسلوبى اختلافا ممكن هما اجابوك

حتى لا تظننى احد مالكى المدونه

ولكن يجب ان اخبرك

انك دجـــــــــــــــــــــــــــــاجه

مختص بالرد على الغير معرفين 2 يوليو، 2010 10:42 م  

بسم الله
اولا ايها الدجاجه اريد ان اخبرك انك منغلق فكريا عن العالم
ومن الواضح ان فكرك الضيق لم يتسع لفكره الموضوع
وانك متشدد بشده

فاولا انت تناولت جزء انك ستموت بعد ساعه
فاخذت تلقى باتهامات الكفر والفسوق والزندقه على اصحاب المدونه

فاريد اخبارك اولا ان من كفر مؤمنا فقد كفر

فاعتقد اننى اخاطب دجاجه كافره الان
ولكن ما علينا

الكفر تهمه عظيمه
ولو حتى ادعيت الان وبعلى صوتى
انى اعرف ميعاد يوم القيامه
فلن يكفرنى احدهم
وانا استطيع تماما ان اخبرك انك ستعيش لمده ساعه فقط
اذا كنت انوى قتلك بعدها
ولكننى لن افعل

ففكره الموضوع تتلخص فى انه نقاش عام لمعرفه راى المدونين
وليس الدجاجات امثالك
فلم يطلب منك احدهم التعليق
فيكفى ان تستغفر الله لهذا الفجور وتذهب
ولكنك اثبت انك دجاجه لا تفقه شيئا
وعلقت تعليق لا يليق سوى بدجاجات اصيبت بانفلونزا الدجاج

مختص بالرد على الغير معرفين 2 يوليو، 2010 10:46 م  

ثالثا سيدى لنرد على تهتمتك بكل المنطق والعقلانيه
انت تتهمهم بالكفر
اليس كذلك
وذلك لانهم قالوا انهم سيموتوت بعد ساعه
فماذا هم فاعلون فى هذه الساعه
لا اعرف من اخبرك ان من يدعى انه يعرف ميعاد يوم القيامه كافر
اعتقد ان يكفى ان نقول عليه كاذب
فانت قولت انهم كاذبون
اوافقك الراى
لو انهم قالوا ان يوم القيامه بعد يومين الساعه العاشره
امام مدخل المبنى
اعتقد انهم لم يقولوا كذلك
اعتقد انها لم تزعم اصلا معرفه ميعاد يوم القيامه
وعليه
فانت لا تفقه شيئا فيما يتعلق بالدين او الفهم
ولننتقل لنقطه اخرى

مختص بالرد على الغير معرفين 2 يوليو، 2010 10:53 م  

النقطه الاخرى ايها الدجاجه
انك اصلا من المؤكد انك مدون
وانك تنافق الكثيرين
ولكنك احببت ان ترد وانت متخفى
وذلك لانك اولا جبان وهذا ما ذكرناه سابقا
ثانيا ان بالتاكيد لك باع فى النفاق للاخرين
ولكنك لا تريد ان تقول كلمه حق باسمك

ومن الملاحظ انك تشك فيما تقول
والا كنت قلته باسمك

واخيرا

لو انك تعتقد انها كلمه حق

لكن قلتها باسم مدونتك
وشخصيتك
ولكن ما نستشفه من هنا انك دجاجه

مختص بالرد على الغير معرفين 2 يوليو، 2010 10:59 م  

انتى مسحتى التعليق بتاعى ليه لو عندك شجاعه ردى على كلامى


للاسف ايها الدجاجه انت تكلم انثى
والاناث عامه خصوصا ذوو الراى الجيد
لا يتصفون بالجبن ولا بقله الادب
والشجاعه التى تتحدث عنها
يجب ان تتاكد اولا انك تملكها
فانت بعد شرحى السابق
دجاجه




انتى هتعرفى ازاى ان باقى من عمرك ساعه


اكيد مش هتعرف
لكن بعقلك الضيق
انت فاكر انها تقصد كده
وانا ارشح لك مركز البسمه
نحن نرعاك
والله يشفيك
وهو متخصص لمثل هذه الحالات من الاعاقات الذهنيه



بتشوفى الطالع او بتعلمى الغيب
عارفه ان فكرتك فيها نوع من الكفر


هى اكيد مقصدتش كده يا ذو الفكر الضيق
بس انت مخك اللى صورلك ده





يعنى لو اى حد بيفهم فى الدين هيقولك انك كافره



لو حد بيفهم فى الدين
الله اكبر الله اكبر
انت كمان مبتفهمش فى الدين
وكفرتها
تصدق وتأمن بالله انى استخسرت كلامى اللى فات
حسيت انى بكلم انسان جاهل تماما
ودى بقى
شتيمه فى الحاله دى
مش واقع
ده انت انسان معندكش اى نوع من الفكر
ولا كمان فقه فى الدين
وداخل بتسب وتلعن وتكفر
روح ارجع لربنا وشوف اى شيخ يرجعك للاسلام بعد ما كفرت ناس مؤمنين وانت اصلا شكلك متعرفش لا احكام فقه ولا تعرف ايه الدين الاسلامى غير انو صلاه وصوم وقرايه قران
ربنا معاك فى محنتك العقليه
وااخيرا


نحن نرعاك
ولكن الله لن يشفيك

miroooo 3 يوليو، 2010 12:14 ص  

السلام عليكم
اولا البوست مش كئيب ولا حاجه البوست ده هيفوق ناس كتير وبعدين انا اقولك انا هاعمل ايه لو باقى من عمرى ساعه اولا انا مش بازعل ماما وبابا والحمد لله بيحبونى جدا وباطيعهم على قد ما ربنا يقدرنى بس انا مقصره فى حق ربنا فممكن اخد بابا وماما واخواتى ونقعد نتعبد الساعه اللى فضلالى فى الدنيا
يبقى كده قضيت الوقت فى طاعه ربنا وانى خليت ابويه وامى يعملوا حاجه لاخرتهم باردو
مش هالحق اعمل حاجه تانيه يارب بس الساعه تكفينى

بس بجد البوست ده هيخلينى افكر كتير اشكرك والله انك فكرتى فى الموضوع ده
ربنا يعينا ان احنا نعمل حاجه تخلى ربنا راضى علينا
ربنا يكرمك يا زهراء
سلامى للولا

SHAPE YOUR LIFE (ABOALI) 3 يوليو، 2010 10:02 ص  

من حكمة الله البالغة عدم تعريف بنى البشر بالغيب
حتى تكون الحياه دائما فى حالة حراك كامل
مابين الطاعة احيانا والمعصية احيانا
حتى يغفر الله لمن عصى ويثاب من اطاع
وذلك فى حدود بشرية الانسان
وانه ليس ملاك لا يخطىء

فالله يحب من يعصاه ويحب من يتقرب اليه بعد المعصية ليغفر له
ويحب الطائع الذى ينهى غيره عن المعصية

وهكذا

وهذا يشكل دوام الحياه ودورانها

اذا فهمنا ان الدين جاء لتهذيب النفس وشهواتها وانارة الطاقات التى خلقها الله فينا و اراد ان نستكشفها باءنفسنا
ليزيد التواضع فينا ونعرف اننا لم نؤت من العلم الا القليل

ثم وعد الله من خلال الدين ان هناك جنة وهناك نار
ولكن من اراد محبة الله والقرب منى والنظر الى وجهه الكريم وهذا الانسان سيكون احرص على اتباع دينه واكتشاف نفسه

دقات الوقت وان كانت صعبة احيانا على البعض ان تضيع بدون فائدة
فالبعض الاخر يجتهد فى اضاعتها
لذا كان موضوعك يا زهراء
اذا ربما نجد انفسنا اثناء الانشغال فى المعاصى قد حان الاجل
فمن كان فى كازينو ليلى وحدث زلزال
فماذا سيكون مشهده وهو يلقى ربه
ومن كان يجلس فى الطريق يقطعه ماذا يكون مصيره
لذا كان يا سيدتى الوقت له اهمية

وايضا الرصيد السابق لهذا الانسان من الطاعات

فمن كان يجتهد ثم غلبه احيانا هواه وضل قليلا
يجب ان يعرف انه يسحب من الرصيد السابق له

موضوعك يا سيدتى هو دعوة فهمت منها
ان استغل وقتك واشحن واشحن فى رصيدك

حتى اذا حانت الاجال وجدت فى الرصيد مايسمح لكى تكون ذلك الانسان الذى شرفه الله ان خلقه بيده وجعل ملائكته يسجدون له سجود تكريم وطاعة


امثلة تلك الموضوعات او البوست
هى نماذج احب ان حتفظ بها فى مكان ما فى عقلى وفى دفتر مذكراتى
لكى اقرء فى وقت ما واذكر نفسى
كيف يفكر غيرى وكيف كانوا افضل منى وعبروا وكتبوا نداء اعتبره خاص لى

وقالوا لى ام الم يحن الوقت ان تستفيق
وتقترب

لذا وجب ان اسطر حروف الثناء لمن ارسل ذلك الثناء وادعو الله ان يهبه فضل ما كتبه وما سطره له وان ينير دربه فيراه ضياء" محفوف بالسعادة والبركة من على جانبيه

تقديرى المستمر

زهــــراء 3 يوليو، 2010 3:01 م  

ذكري رحيل قلم
-*-*-*-*-*


رهـــــف

وعليكم السلام ورحمة الله وبركاته

انتى كمان وحشاااااااانى اوى اوى
لسه الماستر مش خلص ان شاء الله فى خلال شهر يخلص دعوااااااااااتك



والله يا رهف المقصود التذكره لنفسى ولكل احبائى والحمد لله ان فى ناس كتير قالت انه مش كئيب
ربنا يفرح قلبك ويسعد ايامك

زهــــراء 3 يوليو، 2010 3:03 م  

norahaty

-*-*-*-*-*


دكتوره نوراااااااااااا

الحياه فعلا بقيت سريعه اوى اوى وساعات نغفل ان عمرنا فى الحياه قصير جدا واقصر مما نتخيل كمان


اشكرك على مرورك الطيب اللى بيسعدنى وبيشرفنى بجد

زهــــراء 3 يوليو، 2010 3:06 م  

ليله شتاء

-*-*-*-*

احلى ليله من ليالى الشتاء الجميله

انتى مش متخره ولا اى حاجه
ربنا يحفظ لكى ماما ويرزقك بزوج صالح يتقى الله فيكى ويهبك الذريه الصالحه
ربنا يجعل عمرك كله سعاده وهنا

زهــــراء 3 يوليو، 2010 3:08 م  

فكرة من الزمن ده

-*-*-*-*

فكووووووووره الاموووووووره


وحشانى جدا وبتشرفنى بطلتك هنا لانك حد مميز اوى اوى
احان بخير الحمد لله طول ما انتى بخير وسعاده وهنا

يارب يكون كل الشغل اللى فات عجبك


احان فعلا محتاجين كل فتره اننا نفتكر اننا عابرى سبيل فى هذه الدنيا

ربنا يكرمك وفى انتظارك فى اى لحظه بتشرفى وتنورى

زهــــراء 3 يوليو، 2010 3:12 م  

Hager ZaǮbal

-*-*-*-*-*

هــــــــاجر

اهلا بيكى تقريبا اول زياره لنا

احنا فعلا نتناسى عن الحقيقه الوحيده فى حياتنا


احنا حياتنا قصيره جدا جدا واقصر مما نتخيل وازى ما قولت احنا فعلا عابرى سبيل فى هذه الحياه ...

ربنا يهب لك مزيد من الصحه والسعاده والهنا

زهــــراء 3 يوليو، 2010 3:17 م  

مهموهـــــــة

-*-*-*-*

مـــــــها

لو قولت لك وحشانى من هنا لغاية السنه الجايه مش كفايه مفقتده الكلام معاكى اوى اوى ونفسى نتكلم ونحكى كتيييييييييييييييييييير

مش تعتذر لانى مقدره ظروفك كويس اوى اوى وعارفه ان مافيش اى حاجه تمنعك عننا غير الشديد القوى ربنا يوفقك ويحفطك ياااااااارب



نزود الرنات كمان لانها على الاقل نطمن بها على بعض

"اجمل صبا
وناس طيبه "

فاكره الاغنيه كل لما اسمعها افتكر مها حبيبة قلبى وكلامنا مع بعض

يارب اشوفك على خير وسعاده

زهــــراء 3 يوليو، 2010 3:19 م  

Ms Venus

-*-*-*

ارق فينووووووووس

الحمد لله بخير طول ما انتى بخير

يااااه على الرقه هتدعى ربنا ان ماحدش يزعل علشان
انتى رقيقه اوى يا قمرايه

مليون ورده لعيونك

ربنا يهب لكى السعاده والصحه على الدوااااااااااااااام

كلام من قلبي 3 يوليو، 2010 3:21 م  

ازيك وحشتيني اوي يا جميل

البوست رائع وفعلا كل انسان لازم يفكر في الاخرة لانها اهم من الدنيا

زهــــراء 3 يوليو، 2010 3:29 م  

The illusionist

-*-*-*-*

زنـــــــاتى


ومشيت ليه بقى مش كنت تفكر شويه علشان تخلينا نستمتع بالكلام الاكتر من رائع كله ده ...

فاكره طبعا عرض الالف رساله وتفسيرك للعض ده والربط بينه وبين البوست اكتر من رائع بجد ....

انت دماغك عاليه اوى اوى ...

هو عمرنا كله مش عباره عن ساعه ده مجرد شوية لحظات مش اكتر ولا اقل وبيمروا بسرعه غير عاديه واحان لا نشعر بهذا المرور ابدا ابدا

على فكره يا زناتى المسلم اللى بجد الساعه دى برضه هتفرق معاه لان اخر ساعه فى الدنيا بتكون اهم ساعه لاننا هنحشر عليها
على فكره عجبتنى تشبيهاتك اوى اوى
حاسه انك فكرت فى الموضوع قبل ما تكتب الكومنت بتاعك
باشكر على كلامك اللى استفدت منه بصفه شخصيه

اتمنى لك حياه كله طاعه لله وربنا يبارك لك فى كل احبابك

زهــــراء 3 يوليو، 2010 3:32 م  

مختص بالرد على الغير معرفين

-*-*-*-*-*

عاوزه اشكرك لانى عن جد استمتعت بكلامك جدا جدا ومش هازود اى حرف عليه
بس كنت اتمنى ان حضرتك تقول على اسمك علشان اشكرك

ربنا يجازيك كل خير
الحمد لله ان زى ما فى غير معرفين مش كوريسين فيه برضه ناس محترمه تقدر ترد بدلا مننا

Butterfly 3 يوليو، 2010 4:03 م  

ممم, ممكن اكون هبقى عاوزه أعمل كل ده

بس فى البدايه اول حاجه خطرت علة بالى انى هقعد أستغفر ربنا على قد ما أقدر

زهــــراء 3 يوليو، 2010 7:36 م  

miroooo

ميرووووووووووووو

وعليكم السلام ورحمة الله وبركاته


اتمنى فعلا ان البوست يفوق ناس كتير وادعو الله ان اكون اولهم ...


ربنا يبارك لكى فى بابا وماما

على فكره كلنا فعلا بنشعر فى كثير من الاحيان اننا مقصرين فى حق ربنا ونلوم انفسنا ونرجع تانى وهكذا ...

جميل اوى اننا نجمتع مع اهلنا واحبائنا ونذكر ربنا وياريت نعمل كده فى كل وقت واوان ...

ربنا يكرمك على كلامك الجميل

تم تبليغ سلامك الى لولا ...

زهــــراء 3 يوليو، 2010 7:43 م  

SHAPE YOUR LIFE (ABOALI)


-*-*-*-*-

سيدى الفاضل ابوعلى عندنا يا مراحب يا مراحب ....


عدم معرفتنا بيوم القيامه له حكمه بالغه علشان نعمل لليوم ده كانه غدا بس مع الاسف فى وسط زحمة الحياه قد ننسى او نتناسى ...

حضرتك فهمت البوست وحللته بطريقه بسيطه ولكنها عميقه عندما اكتب اى موضوع اتخيل بعض من الاشخاص الذين تتشرف مدونتى بوجودهم ومنهم حضرتك لان كل كلمه لسيادتك هنا اضعها تاج على راسى لانها تنير طريقى وتعلمنى الكثير مما جهلت ....

اشكر لسيادتك كلماتك التى افتخر بها بين كل من اعرفهم واقولهم لهم ان استاذى ابوعلى قد اثنى على كلماتى البسيطه الرقيقه


جزاك الله كل خير

زهــــراء 3 يوليو، 2010 7:45 م  

كلام من قلبي

-*-*-

يامرااااااااحب بالقمر اللى بيغيب عننا كتيييييييييييير اوى اوى


الاخره ننساها فى زحمة وصخب الدنيا

اشكرك على كلامك الطيب

زهــــراء 3 يوليو، 2010 7:46 م  

Butterfly

-*-*-*-*

جميل ان الواحد يستغفر ربنا فى كل وقت وفى كل لحظه

اتمنى لكى حياه كلها سعاده وهنا وطاعه لله

Alaa Salim - علاء سالم 4 يوليو، 2010 1:38 ص  

السلام عليكم

متميزه كالعاده يا زهراء في أفكارك وعرضك الجميل لهذه الأفكار

فما أجمل أن نتخيل أنفسنا في المستقبل لكي نعمل له ونتهيأ لإستقباله

فمن يتخيل يوم القيامه والجنه والنار سيجد الدافع القوي لعمل الخيرات والبعد عن المعاصي

ومن يتخيل لحظة الموت سيعمل نفس الشيئ


وهذا التخيل والخوف هو من أهم معالم الإيمان الصحيح

وأما عن اختيار العنوان باقِ من الزمن ساعه فهو اختيار دقيق

فحياتنا كلها ما هي إلا ساعه أو أقل

هاجر 5 يوليو، 2010 12:08 ص  

فكرتينى بابراهيم الفقى وهو بيقول عيش كل لحظة كانها اخر لحظة

مرسى على البوست

زهــــراء 5 يوليو، 2010 10:13 ص  

Alaa Salim - علاء سالم
-*-*-*-*-*-*-*

عــــــــــلاء
وعليكم السلام ورحمة الله وبركاته

الله يكرمك على كلامك ...

انت عارف ان اوقات كتير بيكون المستقبل لا يفصله عننا سوى لحظات قليله ولابد ان نستعد له بكل طاقتنا

حياتنا ما هى غير لحظات قليله اتمنى ان نحياها فى طاعة الرحمن

شرفت ونورت

زهــــراء 5 يوليو، 2010 10:14 ص  

هاجر
-*-*-
صح كلام دكتور ابراهيم الفقى لان كل لحظه بتمر علينا ممكن تكون اخر لحظه فى حياتنا
نورتى يا هاجوووووووووره

هديـــل الـروح 6 يوليو، 2010 3:06 ص  

فعلاً العمر قصير أوى
ومفيش وقت وللأسف احنا عارفين كده وبرضه الدنيا بتاخدنا
أسأل الله أن يجعل أحسن أعمالنا خواتيمها وأن يتوفانا وهو راض عنا
جزاكى الله خيرا حبيبتى على التذكير

ابو فارس 23 سبتمبر، 2013 10:22 م  

يا ريت تكون الساعه
تحت اقدام امى

P A S H A 17 مايو، 2015 5:05 م  

ياااااااه
كل دي ناس حلوة اختفت !!
تنهيــــدة طويــلة قوي قوي قوي
ـــــــ
بصي بالنسبة للبوست؛ عن نفسي كنت أفضل أنك تغزلي الفكرة في قصة بدل المباشرة؛ أعتقد أنه كان هيكون أفضل
:)
خالص تحياتي


Free CursorsMyspace LayoutsMyspace Comments

    © بالحب اتجمعنا. Friends Forever Template by Emporium Digital 2009

Back to TOP