ابدأ بنفسك " استر نفسك "

>> الأربعاء، 29 فبراير، 2012



تكمله لحملة ابدأ بنفسك

النهارده هاتكلم عن حاجه نبدأ بها

استر نفسك

اكيد فينا ناس تابعت حملة الستر

اللى قام بها الاعلامى عمرو اديب

مع بنك الطعام وجمعية الاورمان

وبغض النظر انت مختلف مع عمرو اديب

او متفق معاه لكن تظل حملاته من اقوى الحملات

فى الفتره الاخيره

اكيد برضه اننا عارفين اللى بيستر

انسان فى الدنيا ربنا بيستره دنيا واخره

الغرض النهارده من كلامى هو مش مجرد

ستر مادى يعنى فلوس او اكل او شرب

انما كمان ستر معنوى

يعنى بفرض اننا سمعنا عن انسان شائعه

مش ننقلها ونعيد ونزيد فيها

انما نستر عليه حتى لو كان غلطان

اتمنى ان كل انسان يستر نفسه بطريقته

يعنى شوف حد تعرفه مسكين او

روح لاقرب جمعيه خيريه

مش شرط تدفع مبلغ كبير

لكن ممكن بحاجه بسيطه من عندك

مايكونش لها اى قيمه بالنسبه لك

لغيرك تكون هى قمة الستر

مين قال هيكمل معايا الحمله


تتابع معاكم الحمله : زهـــــــراء

22 التعليقات:

amirelhob 29 فبراير، 2012 1:27 م  

يااااااااه زمن الكلام الجميل والاصدقاء اللى بجد بجد بجد بجد وحشنى اوى التدوين ووحشنى اكتر الناس الحلوه
وطبعا عمرى ما هعلق على البوست لان كتابتك اكبر بكتير من انى اتكلم عنها :)

شمس النهار 29 فبراير، 2012 2:03 م  

من ستر انسان في الدنيا ستره الله يوم القيامة

ريـــمـــاس 29 فبراير، 2012 3:13 م  

مساء الغاردينيا
رائع لو طبقت وشعر الإنسان بحجم تلك المسؤلية ونال ذلك الجزاء الذي نتمناه جميعنا في الآخرة "
؛؛
؛
لروحك عبق الغاردينيا
كانت هنا
reemaas

ليلى الصباحى.. lolocat 29 فبراير، 2012 3:16 م  

من لا يهتم بأمر المسلمين ليس منهم

واجب المسلم على المسلم ان يشاطره الفرح والاحزان
وان يرحم كل الخلائق والبشر ويعمل على راحتهم دائما
كلام جميل ومشاعر طيبة وكلنا معك ان شاء الله حبيبتى
تسلمى يارب
لك ارق تحياتى

مصطفى سيف الدين 29 فبراير، 2012 5:34 م  

هي دعوة لعلاج مرض اجتماعي خطير يهددنا جميعا
كثيرون هم ضحايا الشائعات
و نحاول بقدر الامكان معالجة امراضنا الاجتماعية
و كمان فكرة انك تعرف حد مسكين تقف معاه لو كل واحد فينا عمل كده هنكفلهم عن السؤال
تحياتي

faroukfahmy58 29 فبراير، 2012 7:15 م  

اقسم بالله العظيم يا زهراء انتى ولولا لسه كنتما على بالى ومشتاق خالص لكلماتكما
بجاتب الستر المعنوى
انا بجد اول مؤيدى هذه الحملات الانسانية
بس فين وامتى وازاى
البوست معلشى يتقصه الخطه التى ستمشى بهداها
جزاكى الله كل الخير ومتظرين تفصيل اكثر

لـــولا 1 مارس، 2012 2:27 م  

دايماً مميزة قي مواضيعك الخيرة يا زهرتي ربنا يسعدك يارب

لولا

لـــولا 1 مارس، 2012 2:29 م  

faroukfahmy58 يقول...
اقسم بالله العظيم يا زهراء انتى ولولا لسه كنتما على بالى ومشتاق خالص لكلماتكما
بجاتب الستر المعنوى
انا بجد اول مؤيدى هذه الحملات الانسانية
بس فين وامتى وازاى
البوست معلشى يتقصه الخطه التى ستمشى بهداها
جزاكى الله كل الخير ومتظرين تفصيل اكثر

........................
ربنا يعزك يارب استاذ فاروق فيك الخير جزاك الله خيراً

جايدا العزيزي 1 مارس، 2012 7:53 م  

دعوة جميله

لو فعلا قمنا بتنفذها لن يكون بيننا بائس او جائع

وسنصير مجتمع خالى من النميمه والذم

جزاكم الله كل خير

وبارك فيكم

تحياتى

زهــــراء 1 مارس، 2012 8:44 م  

amirelhob
**********

عموووووووور

ياااااااااه اخيرا شوفت لك كومنت فى المدونه عن جد وحشتنى تدويناتك الرائعه
انت كلامك بنتعلم منه لانه كلام راقى من انسان رائع

فى انتظارك على الدوام

زهــــراء 1 مارس، 2012 8:46 م  

شمس النهار

*****

ست الكل صح كلامك

اللهم استرنا فوق الارض وتحت الارض ويوم العرض عليك يا ارحم الراحمين

زهــــراء 1 مارس، 2012 8:48 م  

ريـــمـــاس

***********

يا هلا بالروائح الرائعه التى تفوح فى ارجاء المدونه وتجعل لها عبق مختلف حينما تطل عليها ريماس حامله معاها الغاردينيا
اتمنى ان نحاول جاهدين تطبيق تلك الحمله ونحن الفائزين فى النهايه من تطبيقها

نورتى يا غاليه

زهــــراء 1 مارس، 2012 8:51 م  

ليلى الصباحى.. lolocat


***********************

سيدتى الفاضله ليلى

رائع ما قرات لحضرتك هنا وفى بداية تفكيرى فى حملة استر نفسك كام ذكرت هو التسر المادى ولكننى حاولت ان افكر فى المعنى العميق لكلمة الستر وهى الستر المعنوى ووجدت انه شئ اكتر من رائع

تحيه لتواجدك على الدوام

زهــــراء 1 مارس، 2012 8:56 م  

مصطفى سيف الدين
*************

استاذ مصطفى

لو كل واحد فينا فكر فى الاخر وخاصة من يسال الله اعتقد كان هنبقى امه رائعه وكمان لو طبقنا الستر المعنوى وقتها كتير اوى حاجات هتتغير فى حياتنا لكن للاسف احنا بنشارك فى فضح الاخرين حينما نذيع عنهم اسرار عرفناها بالصدفه

اشكر تواجد حضرتك

زهــــراء 1 مارس، 2012 9:01 م  

faroukfahmy58

**************

استاذ فاروق
اولا لاداعى للقسم او الحلفان لانى باصدق اى حرف من اى انسان

ثانيا مش هاقدر انى اكتب خطه وكل الناس تلتزم بها يادوب كتبت رساله لنفسى وحاولت ان اشارككم فيها واعتقد ان الملامح العريضه للحمله كتبتها سواء الستر المعنوى او المادى يعنى مثلا لو سمعت انسان بينقل كلام او اشاعه عن انسان اخر يبقى بلاش اردد الكلام واخليه يقف عندى واكتفى بهذا وكمان الستر المادى معروف اقدر اعمل ايه فى نطاق معارفى او حتى اسرتى او جمعيه خيريه او ما الى هذا

تشرفت بتواجد حضرتك

زهــــراء 1 مارس، 2012 9:02 م  

لـــولا

***********

مواضيعى الاخيره بس يا لولا *_0 ماشى يا حبى

ربنا يسعد قلبك

زهــــراء 1 مارس، 2012 9:11 م  

جايدا العزيزي

***********

جايدا

هى ليست بدعوه لأى انسان لكنها دعوه الى نفسى او بالادق هى رساله منى الى نفسى وباحاول انى اطبقها وعلى فكره كلنا نقدر نطبقها لو كل انسان قرر انه يبدا بنفسه مش ينتظر الاخر انه يبدا وعلشان كده الحمله اسمها ابدا بنفسك

شرفتى ونورتى

زهــــراء 8 مارس، 2012 8:43 م  

الى الغير معرف صاحب مدونة الزمن الجميل

اشكرك على كلماتك وارجو ان اكون هذا الانسان


Free CursorsMyspace LayoutsMyspace Comments

    © بالحب اتجمعنا. Friends Forever Template by Emporium Digital 2009

Back to TOP