ابدأ بنفسك ...
>> الخميس، 2 فبراير 2012
من فتره طويله بافكر
فى حاجه نقدر نعملها كلنا
والفكره كانت عباره عن حمله
كل واحد هيكون فيها زعيم
هيكون فيها قائد
انتشرت فى الاونه الاخيره
كلمات وحوارات
كل واحد بيتكلم واللى مش بيتكلم
بينقل كلام ويعمل له شير
والدنيا بقيت عباره عن مكلمه
بكل هدوء فكرتى
اننا هنبدا بانفسنا
يعنى عشان البلد دى ينصلح حالها
كل واحد هيبدا بنفسه
وخلينا فاكرين الايه الكريمه
ان الله لا يغير ما بقوم
حتى يغيروا ما بأنفسهم
بعد اللى تابعته امبارح
واللى شوفتهم دول مش مصريين
قولت كل واحد لازم يبدا بنفسه
كل واحد فينا هيغير من نفسه
الحمله دى هتكون بداية رجوعى
لعالم التدوين ان شاء الله
كل واحد هيشوف اوحش صفه فيه
ويغيرها وارجع واقول كل واحد يبدا بنفسه
عاوزين نكون بنى ادميين بجد
مش اى حاجه تانيه
مش مهم هتغير بعد كام يوم
لكن الاهم اننا نبدا نهتم بانفسنا
نحسن من شكلنا امام انفسنا
مش عارفه بصراحه الفكره واصله
او اسلوبى غريب عن جد
انا مش قادره اكتب اى حاجه
يارب تكون الفكره وصلت
واى حد تعجبه الفكره ياريت
يبدا معايا واى حد مش تعجبه
يقول فكره تافهه من انسانه
اتفه وكأنك مش قرات اى حاجه
على جنب كده
عندى طلب صغير بكره ان شاء الله
فى صلاة الجمعه وكمان اخواتى الاقباط
عندهم قداس ياريت كلنا نوحد الدعوات
ونصفى النيه لرب السموات
زهـــــــــراء
32 التعليقات:
صباحكم هنا يارب
طبعا كلام صح ولازم الكل يبدء بنفسه احنا النواه الحقيقيه للتغير
انا عن نفسى بدأت واتمنى الكل
يارب يصلح الحال وييسر الامور
طبعا وحشتونى جدااااااااااااا دى مش عايزه كلام عذرا على انقطاعى الفترة دى يارب ديما بخير وصحه
السلام عليكم
كلمات ونصائح طيبة وهذا ما اقتنع به عن شخصى
يجب ان نصلح من انفسنا اولا حتى نستطيع اصلاح كل من حولنا
بارك الله فيك غاليتى وسعيدة برجوعك للتدوين
فى انتظار جديدك حبيبتى
تحياتى لاجمل لولا وزهراء
التغيير بنطلق من الذات طبعا
وليس هناك من ليست عنده قدرة للتغيير فقط هو وهم المستحيل من يدعونا إلى أن نجعل الأمر غير ممكن.
تحية طيبة أخت زهراء وقد وصلت فكرتك
وأسأل الله للجميع التوحد.
انا معاكى يا زهراء
عندك حق فى كل كلامك و مقتنعة بيه جدا و ده رايى من زمان
اشكرك لانك وضحتى الفكرة اكتر
عبرتى عن اللى جوايا حقيقى
richardCatheart
****************
مـــارووو
صباح الفل والورد عليكى يارب وعلى كل احبابك
صح كلامك اوى واحنا فعلا النواه الحقيقيه للتغيير
انتى كمان وحشنا تواجدك وعن جد نتشرف بتواجدك هنا
يارب كل واحد يقدر ويبدا بنفسه اعتقد وقتها هنكون ناس جميله اوى
دعواتى لكى بالتوفيق والسعاده
أم هريرة.. lolocat
***************
وعليكم السلام ورحمة الله وبركاته
لابد ان نبدا بانفسنا سيدتى الفاضله ولكن ما يحدث الان ان كل انسان يريد ان يبدا بغيره ولا بد ان يتغير الاخر قبل ان اتغير انا وللاسف ده عواقبه وخيمه جدا وفى النهايه ماحدش هيتغير
ربنا يحفظك وعن جد اشكر لحضرتك تواجدك هنا على الدوام
أبو حسام الدين
**************
استاذ رشيد
رغم حروف حضرتك البسيطه لكنها عميقه جدا وتحمل الفكره التى اتمنى ان تصل الى الجميع ولنبدأ بانفسنا حتى يتغير كل ما حولنا
دعنى اضم صوتى الى صوتك اسال الله للجميع التوحد
miroooo
*********
ميروووووو
يارب اكون فعلا قدرت اوصل الفكره وتكون عجبتك ويقدر كل واحد فينا يبدا بنفسه
يارب تكونى بخير وسعاده
انا معاكى
وبدأت التغيير بنفسى وقررت مكونش متفرج
ونزلت وشوفت وسمعت وحكمت عشان اقدر اتناقش
انا هغير من نفسى
وهسمع كلامك
الفكر جميله ويباريت نبدا فعلا ونا هشارك معاكى وهعمل شير للبوست ده حال البلد دى هينصلح لما كل واحد يبداء يراقب نفسه ويغير من نفسه
حبيبي عليا تغطرش
وعيونه تكب المدامع
أعمي ينادي علي أطرش
لاده شايف ولاده سامع
اتمني ان الناس تسمع وتنفذ
معاكي يا كبيرة
السلام عليكم ورحمه الله وبركاته
واحشتونى اوووووووووووووووى
انا رجعت تانى للتدوين ونفسى اتكلم تانى معاكو كتيييييييير يارب تكونوا دائما بخير يااااااااارب
ربنا يحمى مصر ويعدى الازمات دى على خير ياااااااااارب
فكرة حلوة اوى وياريت كل واحد يبدا بنفسه وحشتينى اوى
The illusionist
***********
زناااااتى
جميل انك تبدا بنفسك وانت شخصيه اكتر من رائعه وبيعجبنى فيك انك بتحاول تفهم كل الامور الغامضه والملتبسه عليك عشان تقدر تكون رأى وتفهم
تحياتى وتقديرى لك على الدوام
BNT ELISLAM
***************
يا هلا بالناس الغاليه المحترمه اللى باتشرف بتواجدهم ومجرد مرورهم من هنا
فعلا حال البلد هينصلح لما كل واحد يبدا بنفسه والبوست تحت امرك طبعا لانه فكره عامه اتمنى انها توصل لكل الناس
شرفتى ونورتى
أحمد الصعيدي
**********
احمد
انت اختصرت كلام كتييييييير فى جمله بسيطه
لا ده شايف ولا ده سامع او تقدر تقول مش عاوزين يسمعوا او يفهموا
ادعو الله ان كل واحد يبدا يسمع صوت ضميره وبعدين نبقى نكلم الاخر
نورت وشرفت يا شاعر
ليله شتاء
**********
وعليكم السلام ورحمة الله وبركاته
يا هلا بيكى يا غاليه من تانى نورتى اكيد عالم التدوين مره اخرى
احنا بخير طول ما انتى بخير يا غاليه
ليله شتاء
*********
يارب يحمى مصر من كل الشرور ويسمع منك كل الدعوات الصالحه يارب
شفـقــة و إحســــان
**************
ربنا يعزكم ويبارك فيكم
مشكوره على التواجد والتعليق
يارب استجب لدعواتنا كلنا
ياريت يازهرا نعمل اللى بتقولى عليه والاهم يا زهرا نشوف العيب اللى جوانا ونفهم انه عيب ساعتها هنمسحه من جوه وهنرميه بره
وانا ايضا على جنب بقول ان الدعوات بتطلع من جوه النفس ولازم النفس تنضف الاول وبعدين دعواتنا نطلع نقيه ويتقبلها الرب
وامانه تسلمى على حبيبتنا لولا اللى وحشنى كلامها الحلو
فعلا كل واحد يبدا بنفسه فعلا لو كل واحد حاول يغير نفسه عن صدق بلدنا هتتغير بجد
صباح الغاردينيا زهراء
ماذكرتيه صحيح الانسان حتى يتغير لابد أن يبدأ بذاته "
؛؛
؛
لروحك عبق الغاردينيا
كانت هنا
reemaas
Ms Venus
*************
ربنا يسمع منك يا فينووووس ويستجيب كل الدعوات يارب
faroukfahmy58
*************
استاذ فاروق
ياريت فعلا كل واحد يشوف العيب اللى فيه وكل واحد يبدا بنفسه ونبطل نبص للاخرين
حاضر ان شاء الله ابلغ لولا السلام وهى ان شاء الله تكون معاكم فى البوست القادم على خير
مشكور حضرتك على المرور الطيب
محمود(باحث عن حب)
**********
لو كل انسان بدا بنفسه والله مصر هتبقى احلى بلد فى الدنيا كلها بس للاسف كل واحد منتظر ان الاخر يبدا هو الاول
نورت وشرفت يا محمود
ريـــمـــاس
*******
ريماس
يا صباح الروائح العطره التى تعطر المدونه
بالفعل عشان نتغير لازم نبدا بانفسنا وهى بالفعل رساله لنفسى قبل ان تكون رساله لاى انسان
عن جد تمتعت بالعبق الذى يخرج من بين حروفك
ان الله لا يغير ما بقوم
حتى يغيروا ما بأنفسهم
صدق الله العظيم
----------------
زهراء اولا بقالى ايام والفكرة مسيطره عليا
وفعلا عندك حق لن يغير الله ما بانفسنا الا اذا حاولنا نحن ذلك واجتهدنا
والنهارده قبل ما اقرا البوست صممت اغير نفسى
واحاسبها واعاقبها
وفعلا بدأت العوده لمدونتى بعد ان سيطر الفبس على
ويارب انجح
بس دى البدايه لازم زى ما قولتى التغير يكون شامل مش مقتصر على حاجه واحده
شكرا غاليتى
وجزاك الله خيرا انت ولولا واسعدكما وحفظكما دائما
تحياتى
أول حاجة المفروض نفكر نعملها في مصر هو السرير المتنقل
فكرة رائعة بجد
اهم حاجة ان الانسان يواجه نفسه
ويتصالح مع نفسه
شركة رش مبيدات بالرياض
شركة مكافحة حشرات بالرياض
شركة مكافحة النمل الابيض بالرياض
رش مبيدات بالرياض
مكافحة حشرات بالرياض
مكافحة النمل الابيض بالرياض
رش مبيدات
مكافحة حشرات
مكافحة النمل الابيض
إرسال تعليق