دعــــــوه للـــــسرقه

دعوه للسرقه


بلاش حد يتخض من العنوان والله مكتوب صح



فعلا هى دعوه للسرقه واضمن لكم مافيش اى عقوبه


وكمان فيه حسنات كتيييييييييييييير



مين هيقول انا جاى معاكى




اتعلم السرقه ونكون شركاء كمان


ومش هاقف لوحدى وانا باتعلم السرقه



بالعكس هاجمع اكبر قدر من اصدقائى



وهاشجعهم واقول لهم فى مكافاه




لكل واحد يتقن الدرس



تعالوا نتعلم السرقه بطريقه صحيحه


دعوه لسرقة بعض من وقتنا ونذكر فيه الله سرا



نزور مريض او نساعد محتاج ...


نقرأ قران ... نعطف على يتيم ...

دعوه لسرقة الابتسامه لان بصراحه الهموم



كبست على نفسنا اوى



ومافيش وقت لاى بسمه حتى لو مجامله




دعوه لسرقة الامل لان اليأس عشش فينا وعمل مستعمره




واحتل قلوبنا و انفسنا ...




دعوه لسرقة النور كفايه الظلام اللى عايشين فيه




ظلام داخل انفسنا واصبحنا لانرى اى شعاع للنور



بينى وبينكم كل هذه الاشياء



ألا تستحق ان نسرقها




ونجازف كمان واحنا بنسرقها




يلا مين قال انه جاى معايا



ونتعلم السرقه سوا



تحرضكم على السرقه : زهـــــــراء

Read more...

همسات " هــــروبى مــنك "

البوست من ابداعات شهرازاد الخليج

الاداء الصوتي هبة مصطفى

Read more...

همــــسات " منـــى القلب "

الاداء الصوتى " هبه مصطفى " لـــولا

Read more...

مـــــن أنت ؟؟؟

هل سألت نفسك يوماً من أنا ؟؟

هل وضعت نفسك تحت المجهر

وحللت شخصيتك بأمانة بكل عيوبها ومحاسنها الحقيقية

ممكن حد يرد على نفسه ويقول

انا فعلا عارف نفسى كويس اوى

اعرف عيوبى ومميزاتى

ولكن ممكن تخدع نفسك بكل سهوله

لانك مش عاوز تصارح نفسك بعيوبك

كمان ممكن بعض الناس تشوف نفسها كامله متكامله والعياذ بالله

هل تريد أن تتأكد أنك صادق مع نفسك في معرفة

من انت

لو كل واحد فينا فكر فى عيوبه وحاول انه يغيرها

هتلاقى نفسك مش بتشوف غير عيوبك انت وبس

ومشغول بنفسك عن الاخرين وعيوبهم

وقتها بس ممكن تعرف ان كل واحد فى عيوبه الخاصه

كل واحد عنده عيوبه مش قادر يتخلص منها

هتلاقى نفسك تلتمس اعذار للاخرين فى عيوبهم

هتلاقى نفسك اتغيرت وبقيت تفكر فى عيوبك انت وبس

تحاول تغيرها

*************************

هو ده سؤالى

كل واحد يدخل يجاوب

ويفكر قبل ما يجاوب

مـــــــــــــــن أنــــــــــــــــت

تفكر معاكم فى السؤال : زهـــــراء

Read more...

أنت انسان رائــع ....

ايوه انت انسان رائع ... بلاش تستغرب من الجمله ...

بما انك قررت تشوف اللى مكتوب فى المدونه

تبقى انسان رائع

لما تبدأ يومك بالصلاه والدعاء تبقى انسان رائع ...

لما تبدا يومك بابتسامه جميله وتفضل على وجهك طول اليوم

تبقى انت انسان رائع

لما تتعامل مع الاخرين بكل ود واحترام تبقى انسان رائع

لما تكون عارف اى الكلمه اللى بتقولها هى لك او عليك

وعشان كده بتفكر قبل ما تقولها لانها احتمال تكون ضدك

يبقى انت انسان رائع

لما تكون عارف ان الفرصه ممكن مش تتكرر فى حياتك

وتحاول تستغلها يبقى انسان رائع

لما تقول رأيك بكل صدق يبقى انسان رائع

عندما لا تتسرع فى الحكم على الاخرين من مظهرهم

او طريقة كلامهم وتنتظر شوية

وقت لحد ما تشوف معاملتهم وسلوكهم

يبقى انت انسان رائع

عندما لا تتردد فى السؤال عن الاخرين حينما تفتقدهم

يبقى انسان رائع

عندما تحافظ على مشاعر الاخرين ولا تجرحهم

يبقى انت انسان رائع

عندما تحب ولا تكره يبقى انت انسان رائع

عندما تعلم وتكون على يقين بأن العمر لحظه

ويجب ان نحيا فيها بكل حب وامان وخير

حينها انت انسان رائع

اهـــداء : الى كل انسان رائع قابلته فى حياتى وتعلمت منه

زهــــــــــــــراء

Read more...

مـــعنى السعــاده ...

قد تكون هذه القصه بسيطه فى صورها ومضمونها

ولكن هى عميقه فى المعنى من ورائها

ما هى معنى السعاده من وجهة نظرك ؟؟

الشكر لمن تعلمنا منه معنى هذه القصه

Read more...

رسائل مفقوده - اللون الرمادي

اعترف بأنك استطعت ان تغيرني ...

واعترف بانك استطعت أن تكشف لي انثى اخرى

تستوطن اعماقي لم اعلم بوجودها قبل ان اعرفك .....

فقد كنت دوما لا اقبل التراجع

باي قول او فعل قررته

حتى وان كان سيسبب لي الالم

كنت اشعر بانني قويه لن تستطيع

رياح أي رجل ان تكسر عنفواني

وكبريائي كامرأه ...

كنت لا اعرف من عالمي من الالوان

الا الاسود والابيض...

ليس لتدرج الالوان مكان في حياتى

ولكنني ومنذ عرفتك اصبحت ارى اللون

الرمادي يغطي اغلب مساحات حياتي

اغضب منك... تستفزني تصرفاتك...

تعصف بداخلي ثورة الغضب...

أقرر ان ابتعد

واقصيك عن حياتي

أقرر ان اقتلع جذورك الممتده

الى اعماق اعماقي

ولكن ما أن اسمع صوتك ورنين ضحكت

حتى اتناسى كل شىء....

فصوتك اصبح كشريط الماسح لكل مشاعر

الالم والغضب بداخلي....

اتحول في لحظات لقطة وديعة

تسعى لترى نظرة الرضى في مقلتيك وتعتذر

عن كل مابدر منها

رغم يقينى بأنك المخطئ

اصبحت افلسف الامور لاجعلك ضحية انفعالاتي!!

و لكن قد تعبت عيناي من اللون الرمادي

لم اعد اقوى على احتمال وجوده بحياتي ،

اريد ان اعود كما كنت

اريد ان اقتل تلك الانثى الضعيفه التي سكنتني

اريد ان اقتلعك من الجذور

وسادع لك الخيار في تحديد موقفك

ضمن المنطقه السوداء ام البيضاء بحياتى

والا فأرحل عن عالمي ولترافقك رفاة تلك

الدخيله التي حاولت هزم الانثى

التي عاشت داخلي طوال عمري।

استمع للعمل ع اليوتيوب:- http://www.youtube.com/watch?v=kJuJPIZytWU

شكراً لكاتب الرساله

الاداء الصوتى "هبه مصطفى " لـــــولا

Read more...