كل عام وانتم ونحن بكل خير
>> الخميس، 26 نوفمبر 2009
لولا : كل سنه وانتى طيبه يا زهراء
زهراء : وانتى طيبه يا لولا والسنه الجايه ان شاء الله نكون على عرفات
لولا : ياااااااااااااااااارب
زهراء : فاكره العيد واحنا صغيرين
لولا: ايه الكلام ده واحنا بقينا كبار يعنى احنا لسه برضه صغيرين
زهراء : اقصد واحنا اطفال
لولا : طبعا فاكره لما كنت ألعب مع الخروف انا واخواتى
زهراء : وفاكره لما كنا نلعب ونضحك ومش فى دماغنا اى حاجه
لولا : احنا لغاية دلوقتى كده
زهراء : ياسلام هههههههههههههه هو العيد اللى اتغير او احنا اللى اتغيرنا
لولا: احنا اللى اتغيرت فرحتنا بالعيد بقيت مختلفه
زهراء : فرحتنا بكل حاجه بقيت مختلفه
لولا : المهم سيبك من كلام الفلاسفه ده كله ناويه تدعى تقولى ايه فى يوم عرفات
زهراء : كل سنه اكتب دعوات كتيييييييييير وانتى بقى هتدعى تقولى ايه
لولا : هاقول يارب ارضى عننا كلنا وفرح قلبنا واسعد ايامنا وبارك لنا فى كل احبابنا وانتى هتقولى ايه
زهراء: هاقول يارب عالم بحالى وغنى عن سؤالى ارضي كل واحد فينا باللى قسمته له واغفر لنا وسامحنا
**************
لولا وزهراء احنا الاتنين هنقول مع بعض يارب حقق لكل انسان ما يتمنى ياااااااااااااارب
كل سنه وانتم بخير وسعاده
Read more...
