البعيد عن العين
>> الأحد، 22 نوفمبر 2009
المثل الشعبى المشهور بيقول
البعيد عن العين بعيد عن القلب
ياترى المثل ده صح او غلط
ياترى احنا لازم نفضل فاكرين الناس اللى بنحبهم
علشان هما امام اعيننا
واول ما يبعدوا ننساهم وننسى كل حاجه معاهم
او الناس اللى احتلت واخدت جزء من قلوبنا صعب اوى
انها تتنسى مهما بعدت بينا الايام والمسافات
حبايبنا معنا مهما كانوا بعيد
او يجى ناس غيرهم وتاخد مكانهم
17 التعليقات:
ههههههههه ايه التفكير الموحد ده
من اسبوعين كنت بفكر ف نفس الكلمة واكتشفت خطأ كااااامل للمقولة ديه والصح ان البعيد عن العين وبنحبه بجد هيفضل مشحطط وراه القلب ..
ده بالعكس بقى اتصوروا ان الاشتياق اللي بيسببه البعد كفيل انه يخلي كل تفكيرنا ف البعيد عننا ده
خالص تحياتي :)
رضوى/ جست سمايل
سبحان الله يا رضوى هههههههههههههههه
ده توارد افكار
احنا كمان معاكى ان المقوله دى خطا مليون فى الميه والدليل على كده اننا لو فقدنا اى حد بالوفاه لا قدر الله وكان غالى علينا مش ممكن ننساه ابدا مهما مر علينا من وقت
بجد كلامك جميل اوى يا رضوى وبتشرفينا كل مره بزيارتك وكلامك
فى انتظارك معنا على الدوام
انا متفق معاكم تماما ومختلف مع المثل
بل على العكس تماما
البعد هوا اقوى اختبار للحب ولصدق المشاعر
لما تبعد عن حبيبك .. تشتاقله .. متفكرش فى غيره .. تحس ان الدنيا ملهاش طعم منغيره.
لكن لو استوى البعد والقرب او انشغلنا بغيره فى البعد
فده مكنش حب من البداية .
said
طعا البعيد عن العين مش بعيد عن القلب
ليه السبب بسيط ان المحبوب مكانه القلب وليس العين وطول ما القلب ينبض فالمحبوب اللى ساكن جواه فى العين دائما ومفتكره على طول
عندك حق والله يا سعيد ان البُعد بيخلى المشاعر تتعمق والواحد يعرف فى البُعد ده اذا كانت مشاعره دى حقيقيه او كدب
لو فعلنا فى بُعدنا انشغلنا بحد تانى يبقى مش حب ده كان كلام فارغ ولا كان مشاعر من الاصل
منور يا سعيد بتشرفنا على طووووووووووول
سمسم
نورت وفعلا الحبيب مكانه القلب مش العين
لكن فى ناس لما اللى بيحبهم يبعد عنهم بينسوه وده مش بيكون حب من الاول
احنا بس قولنا ناخد رأيكم فى المثل هل فعلا البعيد عن العي بعيد عن القلب
فى انتظار شغلك الجديد يا سمسم بتورنا بجد
اولا الف الف الف مبروووك علي البلوج
وطالما لولا وزهراء في الحكايه
يبقي الموضوع جامد وجميل وممتع جدا
بجد البلوج دمه خفيف جدا جدا
وهكون زبونه جامدة فيه
اما الموضوع فجميل جدا
فمش شرط ساعات بيكون الانسان الغايب فكرينه جدا ومفتقدينه وعلي طول في سيرته
والعكس ممكن البعيد ولا حد فاكره
علي حسب شخصيه الشخص ومقدار تأثيره في حياه الناس المحيطين بيه
كفايه كده كلام
الف مبروك علي البلوج وان شاء الله في تطور وتقدم مستمر
بالتوفيق يا بنات
ارق سندريلا فى الوجود نورتى يا قمرايه
بجد عجبك يعنى ولا كلام مجالمه
وكلامك عندك حق فيه والله
اللى غايب ممكن يكون هو اللى فى القلب وفاكرينه على طوووووووووول
بصى بقى تعالى نتفق مافيش حاجه اسمها كفايه كلام كده
انتى تيجى فى اى وقت وتدخلى وتتكملى فى اى حاجه وفى كل حاجه وان شاء الله هتلاقى كل الصحبه الحلوه معاكى هنا
نورتى يا اغلى سندريلا فى الدنيا كلها
said
"منور يا كابتن (: انا فرحانة بوجودك هنا الصفحة والدنيا نورتنا ويارب دايماً منورنا (: "
انا متفق معاكم تماما ومختلف مع المثل
بل على العكس تماماالبعد هو اقوى اختبار للحب ولصدق المشاعر
لما تبعد عن حبيبك .. تشتاقله .. متفكرش فى غيره .. تحس ان الدنيا ملهاش طعم منغيره.
"جميييييييييييل مبسوطة انا بالكلام ده قوي والمعنى في بطن الشاعر D: "
لكن لو استوى البعد والقرب او انشغلنا بغيره فى البعد
فده مكنش حب من البداية .
" ربنا يسعد بكل الخير قلبك ويجعل الحب في الله دربك ويسعدك بكل حبايبك ويسعد بيك كل اللي يحبك "
سمسم
" اهلاً بحضرتك معانا وشرفنا وجودك وتعليقاتك (: "
طعا البعيد عن العين مش بعيد عن القلب
ليه السبب بسيط ان المحبوب مكانه القلب وليس العين
" بالضبط كدة جميييييل "
وطول ما القلب ينبض فالمحبوب اللى ساكن جواه فى العين دائما ومفتكره على طول
" على فكرة اسعدتني جداً الكلمة دي والمقولة دي اول مرة اسمعها ربنا يسعد دايماً بكل الخير قلبك (: ومرة تانية نورتنا "
سندريلا
" ياهلا يا هلا بالقمر احلى وارق ساندي في الدنيا كلها (:"
اولا الف الف الف مبروووك علي البلوج
" الله يبارك فيكِ ياقمر (: "
وطالما لولا وزهراء في الحكايه يبقي الموضوع جامد وجميل وممتع جدا
" ربنا يعزك يارب ويسعدك"
ساعات بيكون الانسان الغايب فكرينه جدا ومفتقدينه وعلي طول في سيرته
والعكس ممكن البعيد ولا حد فاكره
علي حسب شخصيه الشخص ومقدار تأثيره في حياه الناس المحيطين بيه كفايه كده كلام
" وجهة نظر جميلة ياقمر فعلا .. حبيبتي قريبة مهما بعدت والتي ابغضها بعيدة وان قربت ..منورة ياقمر (: "
شكرا لولا على الرد الجميل
لولا وزهراء كل سنه وانتم طيبين
بوست جميل اوى ويمكن هو نفس عنوان بوست تانى قريتو من ويمن لكن الاسلوب والطريقه مختلفين وجمال جدا وبجد برافو على طريقه عرض الفكره وبجد مش هتبىق اخر مره اجى هنا دا طبعا بعد اذنك ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر
سمسم
يارب كل لحظه وانت بخير وسعاده وينعاد عليك الايام بكل خير ياااااااااااااااارب
انت بتنورنا بكلامك وطلتك علينا
amirelhob
نورت وشرفت واتمنى انها مش تكون المره الاخيره وان شاء الله تفضل منورنا على طوووووول
اتمنى لك المزيد من السعاده والحب والخير
شكرا للزيارة الاولي لمدونتي
وكل سنة وانتي طيبة
نورتنا يا احمد وان شاء الله مش تكون الاخيره لنا هناك
وتشرفنا فى اى وقت هنا
إرسال تعليق