سنه راحت 2009

>> الثلاثاء، 29 ديسمبر، 2009


اصدقائنا الغاليين كل لحظه وانتم بسعاده وخير

ويااااااااااااارب تكونوا طيبين

ما هى غير ساعات قليله وينتهى

عام 2009

شهدنا فى هذا العام لحظات مليئه بالافراح

واخرى كانت تحمل فى داخلها الاحزان

ولكن هذا حال الدنيا

عشنا هذا العام بكل ما فيه من الآم

وتمنينا الكثير من الأحلام

ممكن تكون اتحققت حاجات من امنياتنا

لكن الاكيد عندنا كتير من الامنيات

اللى نتمنى انها تتحقق لنا

*******************

فى خلال 2009

قابلنا ناس اتعلمنا منهم

وقابلنا ناس اتجرحنا منهم

قابلنا ناس زى الماس ويمكن اغلى كمان

وقابلنا ناس تانيه دهب قشره ويمكن اتخدعنا فيهم

لكن الاهم اننا كل يوم بنتعلم حاجه جديده

********************

ياترى لو طلبت ان كل واحد يقول 2009 فى جمله واحده او اكتر

او لو حد عاوز يحكى عن حاجه حصلت له فى هذا العام

احنا عاوزين نسمع منكم كل حاجه

********************

يااااااااااااااااااارب يهل علينا 2010

بالحب والسعاده والخير

ياااااااااااااااارب

كل واحد فينا عنده حلم يتحقق له عن قريب

كل سنه وانتم بخير

********************

هذا البوست من تصميم وتنفيذ : زهراء

ملحوظه صغيره : فى كثير من التساؤلات عن اختى وصديقتى لولا

هى بفضل من الله كويسه بس عندها مشكله مع شركة النت

دعواتكم انها تتحل عن قريب وتعود لكم ان شاء الله

97 التعليقات:

(_( شذا روحي) _) 29 ديسمبر، 2009 10:15 م  

كل سنة وانتم طيبين ويارب عام سعيد باذن الله

العام يعتبر مضي بما فية من حلو ووحش وحزن ومرض

فلا بد ان ننسي الحزن ونتجاهل الزعل

ونستعد نفسيا لعام سعيد علينا جميعا يارب

مشكورين احبابي علي التوبيك الرائع

تقبلوا تحياتي

روح بلا فرح 29 ديسمبر، 2009 10:17 م  

السلام عليكم و رحمة الله و بركاته
\\
ياترى لو طلبت ان كل واحد يقول 2009 فى جمله واحده او اكتر
\\
الحمد لله الذى رزقنى بنصيحة من انسان أحيتنى فاللهم وفقه دائما فى حياته و ادخله جنتك
بصراحه ده اللى كان نفسى أقوله


نفسى أقول بقى مره ف حياتى البلوجيه
أنا أول تعليق
سلام

ريمان 29 ديسمبر، 2009 10:27 م  

السلام عليكم

كل سنه وانتم طيبين

يا رب تكون سنه جميله سعيده عليكم وعلينا كلنا يا رب


تحياتى وبجد سعيده بمرورى هنا

sookra 29 ديسمبر، 2009 10:32 م  

كل سنه وانتوا طيبين ويارب يارب
2010 تبقى احسن من اختها اللى ماشيه دى
مع السلامه 2009 واوعى تيجى تانى

a7med-Mado 29 ديسمبر، 2009 10:46 م  

أولا كل سنة وإنتم طيبين وإن شاء الله سنة سعيدة عليكم

عايز أقول

يجب أن ننسى الماضى ونفارقة ونعيش اليوم ولا نعانقة وننتظر الغد ولا نوافقة حتى نعيشة ونسكنة

من كلماتى

دمتم بكل خير وسعادة

Mona 29 ديسمبر، 2009 10:53 م  

كل سنة وأنتم طيبين ياقمرات وكل أحلامكن تتحقق أن شاءالله

خواطر شابة 29 ديسمبر، 2009 10:55 م  

اختيار الاغنية رائع اول مرة اسمعها كلماتها بسيطة ومعبرة وصوت محمد فؤاد انا أعشقه تسلم اختياراتك وتسلم ايدك على التصميم الحلو
2009 لو حبيت ألخصها في جملة حأقول 365 يوم نقصوا من عمري ياترى كام يوم انا عشتوا فعلا وكام يوم ضاع هباء منثورا على رأي أم كلثوم ماينحسبش من عمري
سنه سعيدة أتمناها لكما وان شاء الله 2010 تكون سنة خير وسعادة وتحققوا فيها كل ما تتمنيان يارب
تحياتي لكما

مدونتى إسمها مرايتى 29 ديسمبر، 2009 11:35 م  

كل سنه وأنتوا طيبين يا بنوتات
بصراحه شوفت فى 2009 حاجات ما احبش افتكرها ومش عاوزه أحكى عنها

المهم ربنا يغفر لنا
ويكرمنا فى 2010 ويعينا على طاعته اللهم أمين ويرزقنا فيها الخير كله ويرزقنا طاعته وحسن عبادته

ربنا يفرحكوا يارب

زهراء 30 ديسمبر، 2009 12:23 ص  

شذا روحى

-----------------
كل سنه وانتى بصحه وسعاده ياااااااارب
يارب يهل عليكى 2010 بكل سعاده وحب وخير
تقبلى ارق الامنيات بالسعاده

زهراء 30 ديسمبر، 2009 12:26 ص  

روح بلا فرح

---------------
وعليكم السلام ورحمة الله وبركاته
ربنا يوفق كل انسان بينصح غيره من قلبه
ههههههههههههههههههههه
يا ستى اوى تعليق او التانى او حتى العاشر انتى بتشرفينا

زهراء 30 ديسمبر، 2009 12:30 ص  

ريمان
-------------
وعليكم السلام ورحمة الله وبركاته

نورتى وشرفتى اهلا بيكى
يارب كل لحظه تمر عليكى بسعاده وخير

زهراء 30 ديسمبر، 2009 12:32 ص  

sookra
-----------------
كل ثانيه وانتى طيبه وبخير
اضم صوتى لصوتك وان شاء الله يارب 2010 كلها سعاده وهنا

زهراء 30 ديسمبر، 2009 12:34 ص  

a7med-Mado

-------------
يا مراحب يا احمد
كل سنه وانت بخير وسعاده يارب
ايه الكلام الجامده اوى ده كله
تسلم الايادى يارب

تقبل ارق الامنيات بعام كله هنا وسعاده يارب

زهراء 30 ديسمبر، 2009 12:36 ص  

Mona
------------
كل سنه وانتى بسعاده وبخير يا ارق منى
ربنا يحقق لكى كل ما تتمنى واكثر

زهراء 30 ديسمبر، 2009 12:41 ص  

خواطر شابة

--------------

اهلا يا قمرايه نورتى
الاغنيه دى قديمه شويه هى موجوده فى البوم اسالى واسمها سنه راحت
ربنا يحفظك على الكلام الجميل ده كله

يارب 2010 تكون افضل واحلى من 2009
وكل ايامك تكون سعاده وهنا

يااااااااااااااارب كل احلامك تتحقق لكى فى هذا العام الذى سوف يهل علينا بعد ساعات قليله

زهراء 30 ديسمبر، 2009 12:43 ص  

مدونتى إسمها مرايتى
--------------

كل سنه وانتى بخير
ان شاء الله عام 2010 يحمل كل السعاده والهنا وتحمل ايامه ولياليه الفرح الدائم
كل لحظه وانتى بخير ياااااااااااارب

جارة القمر 30 ديسمبر، 2009 12:53 ص  

كل سنة وانتو طيبين


ويارب السنة الجاية تكون سنة خير عليكو

وتتحقق كل امنية حلوة تمنيتوها


تعالو نودع كل حاجة وحشة حصلت لينا

/
/
انا حستنى بابا نويل عالشباك عشان اخد هديتي

تيجو نستناه سوا

:)

حنين 30 ديسمبر، 2009 8:37 ص  

السلام عليكم
كل سنه وانتم طيبين
والسنه الجديده
تكون سعيده
علينا جميعا

momken 30 ديسمبر، 2009 9:33 ص  

كل عام وانتم تستمتعون بنعم الله عليكم
وترجون فضله ورضاه

تحياتى

جوجو 30 ديسمبر، 2009 11:20 ص  

السلام عليكم

اخباركم ايه؟

كل سنة وانتم طيبين
عام 2009 كانت بدايته حلوة جدا بس للاسف اصعب نهاية

تحياتى

فراشة 30 ديسمبر، 2009 1:09 م  

فكرة حلو قوى يا لولا ويا زهراء اننا نتكلم عن 2009

الاول طبعا كل سنه وانتم طيبين ويارب العام الجديد يأتى بالخير والسلام على امه محمد صلى الله عليه وسلم وعلى العالم كله يارب

اما بالنسبه ل 2009
احب اقول عنها فى جملة واحدة
سنه تحمل بالنسبة لى تغيرات غريبة بحياتى واحاسيس مختلفة
بس بصراحه محبتهاش لكن والحمد لله كان ختامها مسك بخبر حلو
يارب 2010 تكون خير هى كمان

(Joudy) 30 ديسمبر، 2009 1:32 م  

كل سنة وانتم طيبين ويارب الجاى أحلى عليكم وعلى الجميع وإن شاء الله 2010 تمسح دمع وحزن سنين فات وتيجى ببسمة وفرحة وسعادة للجميع

دمتم بكل الخير والسعادة

زهراء 30 ديسمبر، 2009 3:58 م  

جارة القمر
-----------------
يارب كل لحظه وانتى بخير وسعاده
انا موافقه على كلامك احنا نودع كل حاجه وحشه وان شاء الله العام الجديد يحمل لنا كل سعاده يارب

لما نشوف اونكل نويل هيجيب لنا ايه معا
تقبلى ارق امنياتى لكى بالسعاده

زهراء 30 ديسمبر، 2009 3:59 م  

حنين
------------
وعليكم السلام وحرمة الله وبركاته
يارب 2010 تكون كلها سعاده عليكى وعلى كل احبائك
كل ثانيه وانتى بخير

زهراء 30 ديسمبر، 2009 4:00 م  

momken

-------------

اللهم امين ولك بالمثل

زهراء 30 ديسمبر، 2009 4:04 م  

PakKaramu

اهلا بحضرتك وبسكان ماليزيا
Welcome
Welcome to all the people of Malaysia

زهراء 30 ديسمبر، 2009 4:05 م  

جوجو
------------
وعليكم السلام
كل سنه وانتى بخير
وان شاء الله عام 2010 يكون كله خير وسعاده ويكون اول سعاده وخير واخره برضه ان شاء الله

زهراء 30 ديسمبر، 2009 4:07 م  

فراشة

-------------

كل سنه وانتى بخير وسعاده يارب

يارب العام الجديد يكون كله سعاده على العالم كله


ان شاء الله 2010 تكون كلها اخبار حلوه تفرح قلبك

زهراء 30 ديسمبر، 2009 4:08 م  

(Joudy)

-------------
كل سنه وانتى بخير يا جودى يا قمر
ويارب الجاى يبقى احسن واحلى وافضل
يارب يسمع منك كل دعواتك وكلامك الجميل اللى زيك بالضبط

غروب 30 ديسمبر، 2009 5:45 م  

كل سنه وانتوا طيبين يا قمرات ويارب السنه الجايه تكون اسعد باذن الله

تحياتى

ليس فقيرا من يحب 30 ديسمبر، 2009 7:02 م  

ازيكم يا قمرات

كل سنه وانتم بالف خير يارب

ربنا يسعدكم ويحقق كل احلامكم

سنه 2009 سنه كانت قاسيه جدا

اخدت ناس من اغلى الناس بس برده ادتنا

اغلى الناس فهيا سنه كده غريبه

ومش قادرة اكون عنها احساس محدد

ان شاء الله 2010 تكون اجمل بكتير

ربنا يوفقكم يارب

said 30 ديسمبر، 2009 9:39 م  

لولا وزهراء
كل سنة وانتو طيببين
وكل رواد البلوج
وكل اللى بتحبوهم
فى خير وصحة وسعادة وهنا
وبالنسبة لسنة 2009
اقول انها سنة التغيير الداخلى .. وسنة المكاشفة
وهيا السنة اللى عرفت فيها ان ليا اخوات بيخافو عليا بجد منغير مصلحة
ربنا يخليهم يا وميحرمنيش منهم ابدا
شكرا على الموضوع الجميل

سامر محمد عرموش 30 ديسمبر، 2009 10:27 م  

كل سنة وانتم طيبين
ونسأل الله ان تكون سنة تقربنا الى الله اكثر
تحياتي

blue-wave 30 ديسمبر، 2009 11:16 م  

انا كفايه انى اتجوزت فى السنه دى:)))

انا مش معاهم 30 ديسمبر، 2009 11:40 م  

كل سنه وانت الي الله اقرب

هيثــم رمضـــان 31 ديسمبر، 2009 8:29 ص  

كل سنه وإنتم طيبين جميعاً
بصراحه 2009 علي المستوي العام كانت حزينه بدأت بالحرب علي غزه وأحتقان العلاقه بين مصر وبعض الدول العربية بسبب الحرب ثم المشكلة بين مصر والجزائر بسبب مباراة كرة قدم!! ,وكمان موضوع أنفلونزا إتش وان إن وان اللي عمل رعب وهلع للمصريين .
أما علي المستوي الشخصي فكانت سعيدة والحمد الله وحصلي فيها حاجه أسعدتني جداً, ويارب السنه اللي جايه تكون سعيده علي كل المسلمين.

تحياتي

زهراء 31 ديسمبر، 2009 9:30 ص  

غروب

-------------
كل ثانيه وانتى بسعاده وبخير
يارب تحقق كل احلامك فى 2010
نورتى وشرفتى

زهراء 31 ديسمبر، 2009 9:32 ص  

ليس فقيرا من يحب

-------------
القمر رانيا كل سنه وانتى بخير وسعاده
طبيعى اننا فى كل سنه نفقد ناس ونتعرف ناس تانيه ده هو حال الدنيا

اتمنى لكى من قلبى انها تكون سنه كلها خير يااااااااااااااااارب

زهراء 31 ديسمبر، 2009 9:34 ص  

said
-------------
سعيد كل سنه وانت بخير
كل سنه وانت متمتع بالسعاده وربنا يفرح قلبك بأولادك يارب

ربنا يبارك لك فى كل الناس اللى تعرفهم وفى كل الناس اللى بيخافوا عليك

انت عن جد شخصيه محترمه واخ فاضل سعيده انى كسبته فى 2009

يارب كل احلامك تتحقق فى 2010

زهراء 31 ديسمبر، 2009 9:35 ص  

سامر محمد عرموش

-----------------
استذ سامر كل سنه وحضرتك بخير
وربنا يكرمك ويفرح قلبك
يارب 2010 كلها سعاده وهنا
تقبل ارق الامنيات بالسعاده

زهراء 31 ديسمبر، 2009 9:37 ص  

blue-wave
----------------
دكتور عمرو
هو فى احسن من كده برضه ربنا يفرح قلبك معها
ربنا يرزقك بالذريه الصالحه

عمووووووووووور من الشخصيات المحترمه جدا جدا اللى عرفتها فى 2009

كل سنه وانت طيب انت وزوجتك

زهراء 31 ديسمبر، 2009 9:38 ص  

انا مش معاهم
----------------
سيف
اول زياره لنا وان شاء الله مش تكون الاخيره شرفتنا


كل سنه ونحن جميعا الى الله اقرب

زهراء 31 ديسمبر، 2009 9:40 ص  

هيثم رمضان

------------------
يارب كل الحاجات اللى تحصل لك فى 2010 على المستوى الشخصى تكون كلها سعاده وخير يااااااااااااارب

فى ناس كتير ماكانتش مبسوطه من 2009
كلنا ندعى ربنا ان الجايه تكون افضل على مستوى العالم ومستوى البشر وعلى المستوى الشخصى

كل سنه وانت بخير
ربنا يفرح قلبك بأسرتك

عمــود نــور 31 ديسمبر، 2009 10:47 ص  

مش هقول ان السنه الجديده تتحق فيها احلامى بس انا بتمنى من ربنا انى اخد خطوة تبقى بداية كويسه لحاجات هتحصل باذن الله تعالى فى السنين اللى جاية ويارب تبقى سنه كويسه علينا كلنا

norahaty 31 ديسمبر، 2009 11:36 ص  

الحمد لله رب العالمين
يكفى أننا منها سلام
البدن والدين مش عايزة
اكتر من الدنيا .كل لحظة وأنتم
طيبين يارب وفرحانين ومبسوطين
وساااااااااااااااااااالمين.

زهراء 31 ديسمبر، 2009 1:33 م  

عمود نور
--------------
محمد
يارب يحقق لك كل ماتتمنى لانك هن جد انسان فاضل
كل سنه وانت بخير

زهراء 31 ديسمبر، 2009 1:34 م  

norahaty

-------------

دكنوره نورا
كل ثانيه وانتى بخير وسعاده
ربنا يحقق لكى كل الخير والسعاده

اعذب تهنئه
لاعذب احساس
ياللي غلاك
ماله قياس
كل عام وانت اسعد ناس

الحــ ــزين 31 ديسمبر، 2009 2:33 م  

كل سنة وانتو طيبين
ويارب سنة جديدة سعيدة عليكو وعلى الآمة الاسلامية

كلام من قلبي 31 ديسمبر، 2009 2:45 م  

كل سنة وانت طيبة
باي 2009
هاي 2010

نهر الحب 31 ديسمبر، 2009 4:09 م  

كل سنة وانتوا طيبين

2009
اتخرجت فيها
وووووووووووبس
حسيت اني فقدت فيها كتير
متفائلة بالسنة دي اوي

سنة سعيدة ان شاء الله

Mo7ammed 31 ديسمبر، 2009 7:00 م  

اهلا يازهراء
والله انا بقول ل 2009 شكرا

كفاية كده
ههههههههههه

هابى نيو يير ليكى ولولا

القدر و انا 1 يناير، 2010 4:14 ص  

كل سنة وانتم بالف خير
ويارب العام الجديد يكون سعيد عليكم وعلى اسركم..
ومحقق لكل امانيكم ..
نورتونى ويا رب دائما فى سعادة

saragebaly 1 يناير، 2010 4:49 ص  

السلام عليكم ،،

ازيكم .. عامكم سعيد ان شاء الله

كل عام وانتم بخير وكل عام وانتم الى الله اقرب واتقى

عام 2009 مضى بحلوه ومرّه
ولم يبقى لنا الا استقبال 2010 ببسمة وصفاء قلب وأمل

مر 2009 بما يحمله من لحظات حزن وألم ولحظات سعادة وفرح

لكنه لم يكن سيء

واجمل ما فيه

انه عام تخرجي
واختتم في آخر ايامه بحصولي على شهادة (ICDL)

يارب يكون 2010 عام سعيد على الجميع
ملئ بالفرح والنجاحات والمناسبات السعيدة

عام سعيد ان شاء الله

تحياااتي لقلوبكم

سارة

زهراء 1 يناير، 2010 1:30 م  

الحزين

--------------
كل لحظه وانت بخير وسعاده ويارب يحقق كل احلامك فى 2010

زهراء 1 يناير، 2010 1:31 م  

كلام من قلبى
-----------------
كل سنه وانتى بخير
اهلا 2010

زهراء 1 يناير، 2010 1:32 م  

نهر الحب
----------
يارب 2010 تبقى افضل لكى من 2009
كل لحظه وانتى بخير

زهراء 1 يناير، 2010 1:33 م  

Mo7ammed
-----------
كل سنه وانت طيب يا محمد
وعلى رايك كفايه اللى شوفناه فى 2009
ان شاء الله 2010 تبقى افضل فى كل شئ

زهراء 1 يناير، 2010 1:35 م  

القدر وانا
-----------
كل سنه وانتى بخير
مدونتك تحفه بجد
يارب تحققى كل احلامك فى 2010
ان شاء الله ربنا يجعله عام سعيد عليكى وعلى كل احبائك

زهراء 1 يناير، 2010 1:38 م  

saragebaly

---------------------

القرمايه ساره
وعليكم السلام ورحمة الله وبركاته
عام سعيد عليكى ان شاء الله وعلى كل احبائك يارب

كل عام ونحن جميعا لله اقرب
ان شاء الله 2010 تبقى سعاده وهنا
وكل حاجه مش قدرنا نحققها فى 2009 ربنا يكرمنا ويحققها لنا فى 2010

مبروك التخرج معلش بقى جت متاخره
ومبروك الاى سى دى ال عقبالى انا كمان لما اخلصها يارب

يارب تحمل ايام وليالى 2010 كل السعاده والهنا

OlIvE TrEe 1 يناير، 2010 4:20 م  

كلــــــــــ
سنـــــــــه
وانتـــــــى
بخيـــــــــر

2010 احلى عليكى وعلى كل البشر يارب

اما 2009 بقى كانت نقطه فاصله فى حياتى كان فيها كل المكسات اللى ممكن تتخيليها :) فى كل المواقف والحكايات والحمد لله عدت ومتفائلين خير ان شاء الله فى 2010


تحياتى ليكى

كرسي أعتراف 1 يناير، 2010 9:32 م  

لولا وزهرا

كل لحظة في العام الجديد أتمني أن تقضيانها معا في حي وسعادة

وعام سعيد 2010

لجين أبو الدهب 1 يناير، 2010 9:50 م  

هو الكلمة الوحيدة المناسبة على السنة اللى فاتت دى

سنة
غـــــــــريبة


يارب سنة سعيدى عليكم
لانى اللى فهمته انكم اتنين ..

دمتما بخير ..

amirelhob 2 يناير، 2010 6:09 م  

يا رب السنه الجديده فعلا تكون زى ما انتى بتقولى بخير وسعاده لكن الحب دا استحاله يبقى لسه موجود فى قلوب البشر ويتحس بجد ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

زهراء 2 يناير، 2010 6:20 م  

OlIvE TrEe
---------------
القمر اوليف
كل سنه وانتى بخير وسعاده

يارب 2010 كلها سعاده وهنا

وان شاء الله تتحقق كل احلامك وامنياتك

زهراء 2 يناير، 2010 6:22 م  

كرسى اعتراف

-------------
القمر ياسمين
كل سنه وانتى بخر وسعاده
يارب تتحقق كل احلامك وامنياتك عن قريب ان شاء الله

زهراء 2 يناير، 2010 6:24 م  

لجين ابو الدهب

------------------
كل سنه وانتى بخير
اضم صوتى لصوتك فعلا 2009 كانت سنه غريبه جدا جدا يلا عديت على خير
احنا فعلا اتنين وموشكرين على الكلام الجميل

زهراء 2 يناير، 2010 6:27 م  

amirelhob

--------------

عموووووووووور
يارب السنه الجديده فعلا تكون كلها هنا وسعاده
ليه يا عمور بتقول ان الحب مش موجود
لسه الحب موجود فى قلوب كل البشر دى معلومه اكيده حتى الناس الانانيين بيحبوا نفسهم يعنى كل واحد بيحب بطريقته
اتمنى لك يا عموووووور سنه كلها حب وحب وخير وسعاده

Just Smile 2 يناير، 2010 8:51 م  

زهراء..وبرضه لولا :)

كل سنة وانتوا طيبين يا قمرتين وربنا يسعدكوا ويفك ازمة لولا وترجع من تاني^_^

تحياتي

Tears 2 يناير، 2010 9:57 م  

صراحة كانت سنة كلها كوارث و مشاكل و لم ارى مثلها فى حياتى و اتمنى ان لا ارى مثلها

اقصوصه 2 يناير، 2010 11:31 م  

سنه زاخره بالطاعات

اتمناها لك :)

كرسي أعتراف 3 يناير، 2010 1:54 ص  

زهراء
سلمت يداك علي مجهوداتك في المدونة حقا
لولا
دمتما بكل حب

MOHAMMED ELBANNA 3 يناير، 2010 9:57 ص  

زهراء
كل عام وانتى بخير انتى ولولا وكل العائله
دمتى طيبه وبخير
محمد البنا
طريق النجاح

زهراء 3 يناير، 2010 10:20 ص  

Just Smile
-.-.-.-.-.-.

رضوى القمر
يارب كل لحظه وانتى بخير
شكرا على دعواتك للولا وكلامك وصلها وهى بتسلم عليكى كتير وبتقول ربنا يسهل وتكون معنا عن قريب ان شاء الله
دمتى بكل خير

زهراء 3 يناير، 2010 10:23 ص  

Tears
-------------
دموع
كل لحظه وانتى بخير ويارب 2010 يبقى كلها فرح وسعاده وهنا وخير
ولو فيها دموع تبقى دموع فرح وبس
تقبلى اطيب الامنيات بالسعاده

زهراء 3 يناير، 2010 10:23 ص  

اقصوصه
------
ولكى مثلها يارب

زهراء 3 يناير، 2010 10:25 ص  

كرسى اعتراف
----------
القمر ياسمين
تسلمى على كلامك الرقيق اللى زيك بالضبط
دمتى بكل سعاده وحب

زهراء 3 يناير، 2010 10:26 ص  

MOHAMMED ELBANNA
------------------------
كل لحظه وانت طيب يا محمد
يارب سنه كلها نجاح وخير وسعاده عليك وعلى كل احبابك ياااااااااااارب

صدفة جميلة 3 يناير، 2010 5:01 م  

السلام عليكم
تعطرت مدونتى بمرورك بها وما ان راتنى حتى قصت على كيف رواتها زيارتك واعادت لها النبض والاحساس
اميرتى العزيزة ازدات كلماتى برونق خاص ليس الا انها نطقت منكى فهذا يكفيها ان تتفاخر بين كل بوستاتى السابقه وكلمات وكلام الكون
بجد كل حروف البوست تشكرك على مافعلتيه لها وتتمنى لكى عام سعيد
وتسالك المرور الدائم لانه بلنسبه لها عيد لا يضاهى
كف الكلام وعجز اللسان ولن اقول غير السلام
صدفه جميله

مي 3 يناير، 2010 6:03 م  

كل سنة وانتوا طيبين يا قمرررررررررات معلش اعذرونى عالتاخير عاااااااااااا
انا كان سنة 2009 كانت عبيطة طحن معايا بس بصراحة احلوت اوى فى اخرها عشان مدونتى وعرفتكم يا حبايبى وعرفت الحب فيها
بحبكم جدا

زهراء 3 يناير، 2010 6:50 م  

صدفة جميلة
-.-.-.-.-.-.
إيهاب
وعليكم السلام رحمة الله وبركاته
حمد لله على السلامه
ايه الكلام الجامد اوى ده كله
بجد مش عارفه ارد على كلامك
عجزت الكلمات عن ان تقوم بالرد عليك
يارب هذا العام يحمل لك الكثير من الحب والسعاده والخير
وان شاء الله الزيارات تتكرر مرات اخرى

زهراء 3 يناير، 2010 6:52 م  

مى
------
شكرا يا قمرايه على كلامك ومافيش اى تاخير
يارب عام 2010 كله سعاده وهنا
واحنا عن جد اتشرفنا بمعرفتك
يارب تحمل لكى ايام وليالى العام كل الحب والخير يااااااااااااارب

جارة القمر 4 يناير، 2010 12:25 ص  

كل سنة وانتو حلوين وبتحبو بعض

خلونا نودع اي حاجة وحشة حصلت معانا ونستقبل العام دة بكل حب

زي الورقة البيضا


يارب تكونو دايما بخير وفرح

عاشقة حبيبتى 4 يناير، 2010 6:43 ص  

صباح الخير

كل عام وانتم بخير التهنئة جاية متاخر لكن احنا لسة فى اول السنة تمنياتى بالسعادة

تحياتى

miroooo 4 يناير، 2010 10:40 م  

كل سنه وانتن طيبات يارب والسنه الجديده تكون اجمل سنه عليكن اما بالنسبه للكلمه اللى انتى طلبتى انى اكتبها عن 2009 هى اجمل سنه فى حياتى وعمرى ماهنساها لانى عرفت الحب فيها لكنه انتهى مع نهايتها وبدايه السنه الجديده اللى هى مش سعيده خالص
اتمنى لك السعاده
دمتى بكل الخير

زهراء 4 يناير، 2010 11:05 م  

جارة القمر
-.-.-.-.-.
القمر علياء
يارب كل لحظه وانتى بخير وسعاده
ياااااااااارب هذا العام يحمل لكى ولكل احبابك كل الهنا والخير والسعاده والحب

زهراء 4 يناير، 2010 11:08 م  

عاشقة حبيبتى
-.-.-.-.-.-.

كل ثانيه وانتى بخير وما فيش اى تاخير حتى لو قولتيها فى شهر مايو هى جميله ورقيقه منك

دمتى بكل سعاده وحب وخير

زهراء 4 يناير، 2010 11:10 م  

miroooo
-.-.-.**--...
كل لحظه واتى بسعاده ويارب 2010 كله حب وخير عليكى
ان شاء الله هذا العام يكون اجمل من السابق وتجدى الحب الحقيقى الذى يعيش معاكى طوووووووول العمر

دمتى بكل خير وحب وسعاده

norahaty 6 يناير، 2010 6:48 ص  

ايه يابنات!!
أحنا بقينا 6فى الشهر
الجديد من السنة الجديدة
فين التدوينة الجديدة بقى :)

نهــــــــــار 6 يناير، 2010 10:23 ص  

السلام عليكم..
كل يوم وأنتم بخــير ...
وأن شاء الله يرجع النت للولا قريبا ..
وتمتعينا يازهراء معاها بكل جديد ..
....
في امان الله

زهراء 6 يناير، 2010 8:59 م  

norahaty
-.-.-.-.-.
ارق واحلى واغلى دكتوره نورا
معلش بجد اعتذر على التاخير بس فى ظروف صعبه شويه وربنا يعديها على خير
ان شاء الله البوست القادم هتعرفوا الظروف اللى كانت عندنا
والله هو البوست جاهز بس دعواتك ربنا يسهل الاحوال
بجد انتى من اجمل ارق واغلى الناس اللى عرفتهم فى حياتى كلها

زهراء 6 يناير، 2010 9:01 م  

نهار
-*-*-*-*----
ربنا يكرمك ويفرح قلبك
وربنا يكرم لولا وييسر لها الاحوال وترجع لنا بكل خير

عالم الحب 8 يناير، 2010 6:30 م  

كل عامٍ وأنتم بألف خير
كل سنة وانتو طيبين ياطيبن:)
مدونتكم جميلة ورائعة سلمت يمناكم التي خطت
نتمنى بأن لا تحرمونا من زيارتكم لعالم الحب
http://www.al7ob1.blogspot.com


Free CursorsMyspace LayoutsMyspace Comments

    © بالحب اتجمعنا. Friends Forever Template by Emporium Digital 2009

Back to TOP