جــــــــواز سفـــر
>> السبت، 15 أكتوبر 2011
لو جت لك الفرصه ان تهاجر
ومعاك جواز السفر الامريكى او الكندى
او اى جنسيه تانيه
ياترى ممكن تفكر تسيب مصر
وتبعد عنها وتبدأ حياتك
فى مكان جديد
فى انتظار ارائكم
بس كل واحد يقول هيسافر او يهاجر
او يفضل قاعد هنا
والسبب فى رايه اييييييييه
تتحاور معاكم : زهــــراء
51 التعليقات:
انا مش بحب اسيب مصر وبحس بغربه لو سيبت بلدى ... بس نفسى اروح رحلات لبلاد تانيه عشان اتعلم
نفسى اووووووووى اروح تركيا مش عشان مسلسلاتهم طبعاً D: ... عشان بجد نفسى اعرف اكتر واكتر عنها
بسسسسسسس كده (: (:
ليس معنى ان يهاجر اى انسان أنه لايحب مصر
فهو عندما يتخذ هذا القرار يتخذه بصعوبه بالغه
لأنه سوف يرحل عن الأهل والأحباب والأرض التى نشأ وترعرع بها
وعاش فيها اجمل الذكريات
ليبدأ حياة جديدة لايعلم هل سيتأقلم عليها ويحقق مايريد ام يفشل
فإحتملات النجاح ليست مضمومة .. وإحتمالات الفشل واردة
وانا شخصيا أنصح كل من يريد أن يهاجر ان يفكر جيدا
لأنه لن يجد ابدأ الطريق مفروش وروداً في بلد المهجر
بل شقاء وتعب وعناء
فعليه ان يجتهد ولا يكون كسولا ويبحث عن عمل فى بلده
فالعمل متوفر ولكن العيب فينا نحن .. الكل يريد عمل مريح
ولا يريد ان يبذل اى جهد
وإذا ركز طموحه فى بلده .. سيحصل علي مايريد دون هجرة
فهناك امثلة كثيرة لشباب خرجو من أجل حلم الحصول المال .. وحياة أكثر رفاهية
فلم يجدو ماهاجرو من اجله .. لم يجدو سوى الوهم والخيبة
وانا شخصيا سافرت الى دوله خليجية .. ورغم انها كانت لمدة محددة
لم اتحمل الإبتعاد عن رائحة تراب بلدى فرجعت اليها والحمد لله
وليعلم الجميع أن الأرزاق بيد الله
...
صباح الخير زهراء
طرح اكثر من رائع
ولكِ تحياتى
السلام عليكم
احكى لكى عن تجربة شخصية
اثناء الكلية سافرت فى الاجازة الصيفية الى احد الدول الاوربية لم اطيق شهور الصيف هناك كانت تجربة قاسية على
لم اطيق العيش بعيدا عن مصر فمصر لها دفء غريب ربما برودة الطقس تؤثر عليهم
لتراب مصر رائحة ميزة
لشعب مصر وحشة
اما صديقى الذى سافر معى فمازال هناك و لكنه عندما يأتى لزيارة مصر اشعر انه فقد نفسه يبحث عن نفسه فلا يجدها
عمار يا مصر بسندوتشات الفول و الطعمية
عمار يا مصر بسمار اهلها و طيبتهم و معدنهم اللى بيبان وقت الشدة
مش عايز اطول اكثر من كده
تحياتى
ا
أزيك يا زهرة
عارفه يمكن قبل كده كنت عاوز اهاجر او على الأقل اخد فرصة السفر بره للتجربة
حالياً لأ
ليه يمكن برغم الصعوبات الموجودة فى الحياة فى مصر
و حالياً أكتر من الأول
لكن صعب انى اعيش بره مصر يمكن مصر عمله زى خيوط العنكبوت كل ما تعوز تفلفس منها تُشبك فيها بزيادة ((:
يمكن عاوز اسافر علشان ازيد من معرفتى بس و يمكن علشان اعمل تجديد لطاقة الأحتمال ((:
بس بقى البلد اللى بحبها جداً و نفسى ازورها هى لبنان ((:
هى مش بره قوى يعنى (:
يمكن كمان نفسى اكتر اروح امريكا الجنوبية
(:
ايه تانى
كتيييير
متنسيش تسلملنا على لولا
شخصيا
لأ طبعا
وجت لي فرص لا تعد ولا تحصى كلها مرفوضه وبلا نقاش
وبعدين مصر تقيله أوي اشيلها أزاي معايا وأنا مسافر؟
ممكن اسافر بره مصر لكن مهاجرش مقدرش ابعد عنها ... ابعد ازاي وهي روحي
انا زي السمكة لو طلعت م الماية ... تتخنق
كان عندنا في الجامعة حاجة اسمها مهرجان الدول
كان كل دولة عاملة ركن خاص بيها فيها الفلكلور بتاعها
ملابسها وازيائها وادواتها كنت بدخل الركن بتاعها بحس اني مخنوقة وكأني مش في مصر وعايز اخرج بسرعة من الركن الخاص بالدول عشان اعرف اتنفس
انا اوردي برة مصر ومش عيشة فيها
بس حية كمان اني مش هعرف اعيش فيها
ومش عرفة اتاقلم على الحياة فيها
طبعا لاء
لانى بعشق مصر لحد الجنون
بعشق ترابها ونيلها وحواريها
وشعبها المطحون
جايز انتماء
وجايز عشق منفرد
شكرا على الطرح سعيده لانك خرجتى اللى جوايا
بحبها جدا
تحياتى
السلام عليكم
كيف حالكم لولا وزهراء
تعالى ياستى من غير ما ترفعى لى كارت ارهاب وتخوفينى واقول كلام حلو وانى ما شربتش من نيلها وما قدرتش اغنى لها مع ان اللى شرب من نيلها وقدر يغنى لها ما عملهاش حاجه خالص غير انه يغنى لها ولما حملت وحبت توضع طفلها راحت امريكا عشان طفلها ياخد الجنسيه الامريكيه
هو فيه ايه يا جدعان ..كلكم عمالين تحطوا ايديكم فى جيوبكم عشان تطلعوا الكارت الاحمر لينا .. بترهبونا ولاايه
ومن غير ارهاب .. بصراحه وبكل صراحه ما لقتش فى حبك راحه
يا ستى من يوم ما صحيت على الدنيا والاقى الحكومه بتقول شد الحزام .. وقلت اشد .. شد يا جدع .. ربنا حيفكها قريب .. قعدت اشد واشد واشد لحد الحزام ما اتقطع وراح ميت حته .. وبرضه ما فرجتش ولا حاجه
قعدوا شويه وسابوا شد الحزام دى وقالوا خلاص قربنا نخرج من عنق الزجاجه .. قلت طيب يا سيدى هانت وبانت وابص الاقينا فى قعر الزجاجه .. يا دى الغلب اللى احنا فيه
اليومين اللى فاتت كانوا بيقولوا بص لنص الكبايه المليانه .. يا مسهل يا رب مادام وصلنا للنص يبقى هانت وبانت والنص التانى حيبقى مليان واتارينا ما فيش حتى ربع مليان وكله فاضى وعلى فيض الكريم
بذمتك شفتى منطقه جغرافيه فيها مشاكل زى المنطقه الجغرافيه بتاعتنا من اول الجزيره لحد المغرب .. كلها مشاكل ولسه يا دوب عايزين نظبط البلاد من الطغاه اللى كانوا حاكمينا فى عام 2011 والعالم كله اتظبط من زمان قوى من الاربعينات والخمسينات واحنا لسه فى عام 2011 عايزين نظبط ..
يا ستى هاتى لى اى جواز اوربى ولا امريكا وانا على طول فريره اهرب من البلد دى وادور على بلد تانيه عشان انا من يوم ما اتولدت ما شفتش فى البلد دى حاجه حلوه خالص وقمت بكل الواجبات اللى على ومالاقيتش مقابل ابدا
من فضلك ابعدى ايدك عن جيبك وعن الكارت الاحمر والا حـ اعمل شغب ملاعب وحـ اولع الشماريخ
تحياتى
دعاء العطار
**************
دودو
جميل اننا نسافر نتعلم او نتفرج او نشوف ومش مهم بقى عاوزه تسافرى تركيا ليييه بس اوعى تنسى الهديه بتاعتى وانتى جايه
الجوكر
**********
لم اقصد ان اى حد بيهاجر انه بيكره مصر او ان اللى قاعد فيها بيحبها بل على العكس اعرف ناس عايشين بره بيعشقوا تراب البلد ونفسهم يرجعوا ويستقروا لكن هما فى اماكن تقدرهم وعايشين فى بلاد تعطى كل انسان حقه فى الحياه وتحترمه ورغم كل ده مصر فى قلوبهم
اضم صوتى الى صوتك ان العيشه بره مصر صعبه جدا ومش بالساهل ان اى حد يتأقلم عليها او فيها
وفيها احتمال النجاح زى احتمال الفشل بالضبط
عن جد اشكرك على رايك واحترمه بشده
نورت وشرفت
ابراهيم رزق
**********
ابراهيم
وعليكم السلام ورحمة الله وبركاته
عاوزه اقولك انى لما سافرت العمره وهى رحله كنت باحلم بها كتيييييييييير وكان نفسى فيها اوى اوى بعد ما اديت الشعائر رجعت الفندق نمت وصحيت من النوم اقول لماما عاوزه اروح المدينه المنوره ونرجع مصر ضحكت ماما وقالت احنا لحقان قولت لها خلاص كفايه المهم خلصنا ايام مكه ورحت على المدينه يادوب صليت فى الروضه قولت لماما عاوزه اسافر مصر بقى كده كفايه
سبحان الله مصر لها سحر غريب حتى التراب فى الشوارع له ريحه مميزه حتى صوت الدوشه كل حاجه لها مذاق مختلف ...
تحياتى وتقديرى لشخصك الكريم
Ramy
*********
رامـــــــــى
ازيك ؟؟؟ عامل ايه ؟؟؟ يارب تكون بخير وسعاده
اعرف ناس كتير كان نفسها تسافر بره مصر لكن بعد الثوره رايهم اتغير كتيييييييييير واعرف العكس فى ناس تانيه كان موضوع السفر ابعد ما يكون عن خيالهم ودلوقتى نامين صاحين عاوزين يهاجروا من مجرد سفر وبس
اوعى تنسى تجيب لنا هدايا من لبنان وخاصة شوية تفاح ^_^
اما اذا سافرت البرازيل يبقى مش تنسانا فى شوية بن المهم مش تنسانا وخلاااااااص
تحياتى لك وتقديرى
مصري جدا
**********
باين من اسمك يا مصرى جدا انك صعب تعيش خارج مصر ^_^
مصر تقيله لان فيها ذكريتنا ومشاعرنا واهلنا وكل حاجه حلوه
لـــولا
********
ههههههههههههههههههههههه عجبنى اوى لفظ زى السمكه حسيت انك سكندريه بالمناسبه هو انتى تعرفى حد من اسكندريه ^_^
على فكره كلامك اللى ذكرتيه بيدل على انك شخصيه عاطفيه جدا جدا وبتفكر بقلبها كتيييييييييير يعنى حتى المهرجان جوه مصر وبتحسى بكده عاوزه اقولك انك صعب على حد زيك يعيش بره مصر بس اسكندريه ممكن ولا ايييييييييييييه
كلام من قلبي
***********
عشان انتى عايشه بره مصر ومش جربتى تعيشى فيها بتقولى كده
لكن لو انتى عايشه فيها فتره من حياتك هتلاقى الوضع مختلف شويه
جايدا العزيزي
***************
جــــايـــدا
مش انتى لوحدك اللى عاشقه مصر بترابها بكل حاجه فيها فى ناس بتعشق حتى الدوشه اللى فيها فكرتينى باغنية واحنا ماشيين على الحدود لانها كانت بتحمل معانى قريبه من كلامك
اشكر لكى تواجدك
فشكووول
**********
وعليكم السلام ورحمة الله وبركاته
ولا اقدر ارفع كارت احمر لاى حد عشان انا زملكاويه ^_^
للاسف فينا كتير بيغنى وبس وفينا اللى بيتكلم وبس والقليل اوى هما اللى بيعملوا حاجه لمصر ...
بصراحه ضحكت على كلماتك رغم انها تحمل الكوميديا السوداء لكن ده حال بلدنا نعمل ايه يعنى نهاجر ونسيبها تبنى نفسها بنفسها ههههههههه ينفع كده
ان شاء الله الجاى افضل علينا وعلى مصر ياااااااااارب
بالتأكيد مش هأسافر
ودا عن تجربة تم عرضها على أكثر من مرة
وببساطة لإنى كان عندى ومازال قناعة إن البلد هتقوم على إيدين أولادها
يبقى لو ولادها سابوها
مين يبنيها ؟؟؟؟؟؟
ولو مش لقيتى الامان تعملى ايه ؟
الوطن امان
هااااى زهراء ازيك ؟
يارب تكونى بخير
انا احب انا الاسئلة دى
عن نفسى
مش احب اسافر حتى لو جاتلى الفرصة دى
اى نعم ساعات بتبقى غصب عن الواحد انه يسافر زى كل العيلة عندنا مثلا
بس صعب صعب اوى
ولو خلاص يعنى هسافر هنعتبرها فسحه
لفرنسا او تركيا او ديييييزنى
ههههههههههه
تحياتى
زهراء
انا بحب مصر اوي واسكندرية بالذات متخيلش نفسي ابعد عنها بس ساعات احوال البلد بتخنقني لدرجة فعلا مش ببقي طايقاها
بس يمكن نقول
ده وانتي مطلعة عيني بحبك موت
يمكن مقدرش اسافر ومبحبش السفر
بس لو اتيحت ليا فرصة كويسة ممكن افكر فيها بس اني ارجع تاني مش هجرة يعني
وكمان نفسي اسافر اتفرج علي بلاد كتير زي باريس مثلا
:))
اولا وجود جواز سفر امريكى او كندى مش هى دى القضية ما انا ممكن اسافر بجواز مصرى بس المهم غعلا حسافر و اسيب البلد و لا لاءة ؟ طبعا انا مش حسافر لان لو كل واحد فينا سافر و ساب البلد مين اللى حينهض بيها ده مش كلام انشاء دى حقيقة انا سافرت لبنان كذا مرة الحلو اللى فى اللبنايين انهم يسافروا و يتعلموا برة لكن لازم يرجعوا لبنان يستثمروا فيها و يعمروها و هو ده اللى نهض بلبنان بسرعة بعد حربها الاهلية ! انا بحب مصر و اتمنى من الله انى اقدر انفعها و اعملها حاجة لانها بجد ام الدنيا و تستحق منا كل التعب و انا بعتز انى مصرية وان ربنا جعلنى اتولد فى البلد دى و عشان كده باذن الله أنا مش حهاجر عن مصر و اسيبها.يا رب
الازهرى
**********
اســــــامه
كل انسان مننا له وجهة نظره الخاصه فى موضوع السفر ورغم ان رايك كتير جدا بيقولوه لكن برضه فى ناس عاوزه انها تهاجر وتبعد سواء للعمل او العلم ثم العوده او الهجره بلا عوده
تحياتى ونورت
Ms Venus
*************
فينوووس
برغم كل ما حدث فى الشهور الماضيه لازلت مصر هى بلد الامان ويارب احفظها على الدوام
yasmina
**********
ياسمينااااا
ازيك يا حبى يارب تكونى بخير وسعاده
اوعى تنسى تاخدينا معاكى وانتى رايحه ديزنى عشان نلعب مع بعض ونتفرج ونتصور
عسوله انتى يا قمرى
نهر الحب
*******
انا كمان باحب اسكندريه اوى وهى احلى بلد فى الدنيا كلها ^_^ معلش بقى متحيزه شويه لمدينتى الجميله
انتى خليتنى سمعت اغنية حسين الجاسمى ده وانتى مطلعه عينى باحبك موووووووت
اوعى تنسى تجيبى لنا معاكى واحد بارفان من باريس
بشيرة
*********
اولا : اهلا بيكى معانا وسعيده جدا جدا انى اقرا لكى كومنت عندنا
ثانيا : ان شاء الله تكونى معانا على الدوام
ثالثا : كل الشكر لمن عرفك على المدونه لانه من اغلى الناس على قلبى واكيد انتى عارفه طبعا ^_^
رابعا : ياريت نكون زى البنانين اللى بيسافروا يتعلموا ويرجعوا لبلدهم عشان يقدموا خبرتهم لكن للاسف احنا اللى بيسافر يتعلم بيكون عاوز يشتغل ويكمل حياته فى المكان اللى اتعلم فيه او اى مكان تانى لان بصراحه انتى عارفه هنا وضع الشغل شكله ايه
على فكره الغرض من جواز السفر الامريكى او الكندى انه هيتيح ليا جنسيه اخرى اقدر اتمتع معها بالكثير والكثير من المميزات
نورتى وشرفتى ومهما وصفت لكى مدى فرحتى مش هاقدر بجد
بأختصار أهـ
هنا انا مصرية
وهناك حاكون مصرية
برضه ولو حتى بالقلب
بس لكنى حياتى حتتغير
كتير وممكن مش حاقولك
اكيد لكن ممكن افيد مصر
أكتر وأن ما افدتهاش مش
حأضرها ابداً
وبيييج لايك
اددددددددد
كده هووووة
يازهووووورة
بالنسبة لي .. صحيح انا بأحب السفر ونفسي اسافر كثير وخاصة انه احنا محرومين من هالميزة بسبب الحصار إلا اني عمري مافكرت ان اهاجر من فلسطين رغم المذابح والقتل الممنهج والاحتلال الجاثم على صدورنا .. مش متخيلة نفسي عايشة في مكان ثاني غير هنا .. بلد ثانية غير فلسطين .. حتى لو كانت من اجمل بلاد الدنيا ..
مافي بعد أرضي .. أرض الرباط ..
في رايي الشخصي كل انسان وله متطلباته في الحياه
في ناس تتاقلم مع ظروف بلدها مهما كانت
وفي ناس تتعب من صعوبة الحياه وتحس ان الوضع لا يطاق
لهالسبب تختلف الاختيارات :)
اظن ان اي واحد سوي يحب وطنه برغم كل شيء و مهما كانت الظروف ...
بلادي وان جارت علي عزيزة ****واهلي وان جاروا علي كرام
تحياتي
مدونة الزمن الجميل يسعدها دعوتك إلى جديدها:جولة مع الذكاء !
*
جاءتنى فرصة السفر فى شبابى لأمريكا للدراسة المؤقته ...وفر بعض زملائى ومكثوا هناك ولكنى عدت فى موعدى ...وسافرت كبيرا الى كل من امريكا وكندا ثلاث مرات ولم ازد يوما عن الموعد الذى حددته للعودة ...انا شخص احب موطنى واشيائى وجيرانى بعبلهم وطبائعهم كما هم ...ارى الجمال والنظام فى الخارج ويعجبنى واتمنى مثله لبلدى لكنى لست من هواة الهجرة والانغراس فى مجتمع جديد مهما كان صحيا وغنيا ...تربة هذا الوطن منبتنا وترابه نغسله بالماء والصابون فقط نتعلم الجيد من المجتمعات والبلاد الأخرى
مهما هاجر الانسان فلن يجد أفضل من دفء الوطن.
كل سنة و انتم طيبين
لولا و زهراء الطيبين
عيد سعيد عليكم
تحياتى
حبايبى ازيكم ؟
كل سنة وانتم طيبين وبخير ومع بعض
عيد سعيد عليكم يارب
تحياااااتى ليكم دايما
زهراء و لولا
لولا و زهراء
كل سنة و انتم طيبين
و عيد أضحى سعيد عليكم يارب
و على كل الأسرة
(:
norahaty
*********
نـــــــــورا
صح كلامك انتى هنا مصريه وهناك برضه مصريه لكن اكيد فى فرق وبنحس به لما نبعد عن البلد
نورتى وشرفتى يا دكتوره
norahaty
************
تسلمى يا غاليه على البيج لايك
ربنا مش يحرمنا من تشريفك لنا
وجع البنفسج
************
ربنا يفك الحصار ويكرمكم ويكون العيد وشه خير عليكم يارب
مشاعرك باينه اوى بين الحروف
عاوزه اقولك مهما شوفنا بلاد كتيييييير تظل بلدنا هى الاجمل والاحلى والاغلى
كل سنه وانتى بخير واهل واحبابك وبلدك بخير وسعاده
اقصوصه
********
صح كلامك وكل واحد وكمان الظروف تختلف من رجل الى امراه وحسب تربية كل انسان وطريقة معيشته
المنجي باكير
***********
الموضوع ليس له اى علاقه انى باحب بلدى او لا كل ما فى الموضوع الظروف والحياه والعيشه وهكذا تختلف الامور من انسان الى اخر
maxbeta3zaman
**********
مش اى انسان يتحمل الغربه والسفر بعيد عن الاهل والاحباب كان فى اغنيه زمان لفريق الاصدقاء اسمها الحدود كان فيها جزء بيقول قبل ما نسيبك وحشتينا يا مصر يا امنا
كلماتك تحمل مشاعر قد يشعر بها بعض البشر والبعض قد لا تستهويه المشاعر ويتحكم مصيره المادى فى كل شئ
نورت وشرفت وسعدت برأى حضرتك
أبو حسام الدين
***************
استاذ رشيد
هكذا تقول المشاعر الانسانيه لكن احيانا الظروف تجعل البعض يفكر بطريقه اخرى
ابراهيم رزق
///**//**//
كل لحظه وحضرتك واسرتك بكل خير وسعاده
yasmina
**********
ياسمينااااا
كل لحظه وانتى بخير وصحه وسعاده ويارب الجاى عليكى اجمل واحلى
Ramy
*******
رامــــــى
وانت بخير وبصحه وسعاده
وعن جد مش عارفه اشكرك ازاى على التهنئه الجميله
لولا
زهراء
كل سنة وانتوا بألف خير يا قمرات
عيد سعيد على الجميع يارب
مصر فعلا بلد الامن والامان ...وان شاء الله هتكون احسن بآذن الله
....................................تحياتى ليكى يا هبه..............انا احمد محيى
لا اخاف الا من الله وحده
إرسال تعليق