اشترى المصرى

>> الخميس، 15 ديسمبر، 2011



احبابى المصريين

بكره ان شاء الله

حملة اشترى المصرى

ياريت كل واحد ينزل يشترى

حتى شئ بسيط

المهم اننا نشترى

فى اماكن كتير اوى عامله

تخفيضات وعروض وهدايا

الفيديو ده من تاليف واداء

لــــــــــــــولا

التنفيذ كان ليا

وهو كان سريع جدا فى تنفيذه

عشان نقدر نبعته لعمرو اديب

صاحب الحمله








على جنب كده دى صفحتى على الفيس

اتمنى انكم تقولوا رايكم فيها

شـــــروق انسان



زهـــــــــــراء

17 التعليقات:

أم هريرة.. lolocat 15 ديسمبر، 2011 9:09 م  

برافو عليك يالولا انت وزهراء
بارك الله فيكم وياارب ينصر بلادنا الحبيبة مصر ونشوفها دايما رايتها فوق فى العلا والحضارة والتطور

حملة اشترى المصرى حميلة بتفكرنى بثورة غاندى فى الهند رغم اختلاف العقائد والمضمون لكن بتتفق انها كانت لصالح البلد والشعب

نسأل الله السلامة لمصرنا الغالية

شكراااااااااا لولا
شكراااااااااا زهرا

تحياتى وتقديرى

ابراهيم رزق 15 ديسمبر، 2011 11:36 م  

تصفيق حاد

و الله العظيم سعيد جدا بكم

لما عمرو اديب بدء الحملة تقريبا كان يوم الاثنين لم اتوقع ان تنجح الحملة مثل هذا النجاح
لدرجة انه اثناء حديثه كانت مئات اللوجهات للحملة قد نفذت
مصر بخير طالما بها امثالكو
انا بكرة هافطر فول و طعمية
و اشترى جلبية اصلى بها
و اتغدى كوارع
و اتعشى كشرى
ههههههههههه

بجد اعلان جميل للحملة و ياريت عمرو يذيعه

تحياتى لكى يا لولا و زهراء

مصطفى سيف الدين 16 ديسمبر، 2011 12:38 ص  

الفيدو جميل اوي تسلم ايديكو
وربنا يحفظكو ويبارك فيكو
اتمنى ان تؤتي الحملة ثمارها ليس في يوم واحد لكن ان نظل دوما نشتري المصري
تحياتي

norahaty 16 ديسمبر، 2011 7:34 ص  

ربنا ينصر مصر
وأهل مصر وولاد مصر
يـــــــــــــــــــــارب

faroukfahmy58 16 ديسمبر، 2011 9:25 ص  

اولا اشكركما على مبادرتكما السريعة فى التعليق على (لماذا)
التقيت باقلام وطنيات كثيرات ولكن يا زهراء وطنيتك من نوع فريد
اجتمعت فيها رشاقة الكلمة والاداء والتغم
ربنا يزيد من امثالكما
انا من دلوقتى بجهز جيبى لبكرة ومش هبخل بالنفيس فى حبك يامصر

محمود احمد 16 ديسمبر، 2011 10:40 م  

حمله جميله جدا من عمرو اديب
و انا كمان كتبت عنها في مدونتي
و رغم اختلافي مع عمرو اديب في حاجات كتيره الا انه بيعمل حاجات كويسيه قوي زي الحمله دي مثلا و الحمله الى عملها قبل كده للمصابين من السيول

زهــــراء 16 ديسمبر، 2011 11:19 م  

أم هريرة.. lolocat

****************

سيدتى الفاضله

ربنا يبارك فيكى ويعزك

على فكره عاوزه اقولك ان من اجمل الشخصيات اللى اثرت فيا هى غاندى وياااااااااااااارب تكون حملة اشترى المصرى تصلح حال البلد ونشوف انتعاشه اقتصاديه

نحياتى وتقديرى لتواجد حضرتك

زهــــراء 16 ديسمبر، 2011 11:26 م  

ابراهيم رزق

**********
استاذ ابراهيم


انا كمان مش تخيلت ان الحمله تنجح بالشكل ده عاوزه اقولك انى قولت يادوب اللى هيعرف الحمله هما اللى بيتفرجوا على البرنامج وانا منهم لكن بصراحه اللى حصل كان اكتر من رائع النهارده الناس كانت بتسال على المنتج هو ده مصرى قبل ما يشتروا والله فرحت من قلبى

على فكره الاعلان تم نشره على صفحة برنامج القاهره اليوم على الفيس بوك

بالف هنا يااااااااااارب الاكل ومبروك على الجلابيه الجديده


نورت وشرفت ومشكوووووور على المشاركه فى الحمله

زهــــراء 16 ديسمبر، 2011 11:29 م  

مصطفى سيف الدين

*********

استاذ مصطفى

الحمله ان شاء الله تؤتى ثمارها ويارب يكملها بخير يااااااااارب وان شاء الله نقدر اننا نقف مع بعض ومصر تقف على رجليها ونبعد عن الناس المتشائمه اللى مش فاضيه غير للكلام وبس


كل التقدير لتواجد حضرتك

زهــــراء 16 ديسمبر، 2011 11:32 م  

norahaty

*********

دكتوره نوراااااااا

يااااااارب انصر مصر واحفظها يارب

زهــــراء 16 ديسمبر، 2011 11:38 م  

faroukfahmy58

*************

استاذ فاروق

الشكر واجب الى لولا لانى بصراحه كنت بعيده عن المدونه والتدوين فتره ما وان شاء الله راجعه لكم من تانى وهاتابع معاكم كل الكتابات ان شاء الله

ربنا يعزك على كلامك وانا مش وطنيه ولا اى حاجه مجرد انسانه عاديه عجبتها فكره من الاعلامى عمرو اديب وقولت انشرها وعلى فكره الشكر كل الشكر الى صديقتى لولا لانها صاحبة الكلمات والاداء الصوتى وعن جد ارهقتها لانى اتصلت بها فى وقت متاخر وطلبت منها فكرة اعلان وقد كان وهى بصراحه عمرها ما خذلتنى فى اى حاجه ......


باشكر لحضرتك تواجدك الذى يشرف المدونه

زهــــراء 16 ديسمبر، 2011 11:41 م  

محمود احمد
***********
استاذ محمود

اعتقد ان اول زياره لنا وان شاء الله تتكرر مرات ومرات

عمرو اديب قد تختلف معاه فى الكثير من الاراء والافكار ولكن يظل اعلامى له حضوره وطبعا لازلت اتذكر حملته فى الشتاء الماضى وكمان حملات ليلة القدر فى كل عام

نورت وشرفت وان شاء الله جارى زياة مدونتك

ابراهيم رزق 17 ديسمبر، 2011 5:22 ص  

ازيك يا لولا

طبعا المقولة اللى انتى ذكرتيها مش صحيحة لعدة اسباب
تصدقى انى لم اذهب الى الانتخابات لانى معترض عليها من اصله هى ليست عرس او اى شىء هى ضحك على الدقون
انا ارفض ان يدخل الدين فى لعبة السياسة القذرة التى مليئة بالاكاذيب و لعلك تابعتى كم الاكاذيب و الخدع التى خرجت على لسان متحدثين باسم النور و الحرية و العدالة و بقية الاحداث
تصدير الدين كواجهة كارت يلعب به لا اكثر بدليل انه فى الاعادة بين الاخوان و السلفيين لو صدر الاخوان كارت الدين لخسروا فصدروا كارت السياسة اللعبة الميكافئلية الشهيرة
هل شاهدتى احتفال السلفيين بفوزهم فى السويس هل هذه طريقة احتفال فوز بانتخابات ام غزوة حربية و هل نطمئن لمستقبل مصر مع هؤلاء
انا مش عارف انتى فهمتى ايه من الا انا كتبه و انا مش بحب اشرح لكن انا اللى انا كتبه انى ضد المسرحية المسماه بالانتخابات من اليبراليين و الاخوان و السلفيين اى من الجميع
لان الديمقراطية لا تجتمع مع الجهل و الفقر و الامية و لعلك لاحظتى انى الشكوى العظمى من معظم القضاه ان الناخبين يصلوا الى الصندوق دون ان يعرفوا معنى الانتخابات من الاصل
انا لم اقل وجهة نظرى فى الاخوان و لكن ساقول لكى نبذة بسيطة
من لم يتسع صدره لوجهة نظر لقامة مثل محمد حبيب و اكثر من خدم فى الثلاثين عام الاخيرة الدكتور ابو الفتوح و وجع صاعد مثل عصام سلطان و غيرهم لان يتسع صدرهم لبقية الشعب
الاخوان يتنفسوا ديكتاتورية و لكنهم يتشدقوا بالديمقراطية
خلاصة الرغى اللى فوق انا ضد الانتخابات الماضية بكاملها لان الضحية هى مصر
تحياتى

شمس المغيب 4 يناير، 2012 11:26 ص  

نسأل الله ان يحفظ مصر وشعبها الانقياء

ونسأله عز وجل ان يرفع الغمة وينصر الامة بإذن الله ..

وان شاء الله يكون القادم اجمل

بارك الله فيكن اخواتى الاعزاء

كل التقدير لجهدكن الرائع الراقى

وخالص تحيــاتى

شمس المغيب


Free CursorsMyspace LayoutsMyspace Comments

    © بالحب اتجمعنا. Friends Forever Template by Emporium Digital 2009

Back to TOP