رســـاله الى السيد الرئيس ...
>> الأربعاء، 20 يونيو 2012
السيد رئيس الجمهوريه
اولا مبروك على تولى المنصب الجديد
ثانيا ربنا يعينك على المهمه الشاقه
عارفه ان مشاغل سيادتك كتير لكن
اسمح لى ان اخد من وقتك سيادتك دقايق
بصراحه يا ريس نفسى احس بالامن فى بلدى
نفسى ابطل افكر فى موضوع السفر
والبعد عن اهلى واصحابى
نفسى احس ان الناس كلها زى بعضها
مافيش فرق ابن وزير وابن غفير
وكمان مافيش فرق بين مسلم ومسيحى
عارف يا ريس عاوزه اتكلم معاك
فى حاجات كتير بس عارفه ان وقتك ضيق
وعشان كده هاسيب باقى الكلام
لاصدقاء المدونه
زهــراء
فرصه لكل الاصدقاء
عاوز تقول ايه للرئيس الجديد
18 التعليقات:
ربنا يعينه ع ما بلاه :)
الرئيس القادم راح تكون مهمته صعبة جدا
سواء مرسى أو شفيق .. مع اني اتمنى عدم فوز الثاني وإلا ع الثورة السلام ..
المهم الان يالولا نطمن انه مرسى :)
علشان لو كان شفشق يبقى علينا وعلى الثورة السلام
ورسالتك مش ممكن توصل لشفيق لانه مش هيحققلك اى طلب فيها :)
يارب يعدى بكرة على خيييييير قولى امين
تحياتى لك اختى الحبيبة ويارب يحقق لنا مانتمنى
البلوجر مايقضش
:))
ده احنا هنهبله طلبات
الصحة
التعليم
السكن
الطعام
عيش حرية عدالة اجتماعية
سيادة الرئيس طلبتنا كتير بس لما هنحس ان في حاجه بتتحق هتلاقيني وراك وبنساندك ونساعدك اخترناك لتاتي بحق الشهداء اخترناك لنتخلص من النظام القديم توحد الصفوف خلفك ونسينا اختلافنا الفكري من اجل الوطن فلا تخيب ظننا فيك
والف مبروك ياريس
الطلبات كتير
لكن اولها العدل
حكمت فعدلت فامنت فنمت يا عمر
تحياتى
حلوة الفكرة اوووووووووووى بس اللى انا عايزة لا مرسى والتانى هايعرفوا ييحققوا الحقيقه بس كان لازم اكون معاكم :) يارب ديما بالف خير
عايز اقوله
دم الشهداء
بارك الله لكم فيه.
وأرجو من الله أن يكون خيرا لمصر ولأهل مصر.
تحيتي
وجع البنفسج
*-**-**-*
عندك حق والله ربنا يعينه على ما بلاه ويقدره على التركه التقيله
ليلى الصباحى.. lolocat
-*-*-*--*-*-*-*-*-**-
ان شاء الله ربنا يعدى كل الجاى على مصر بخير وسلام يارب
شمس النهار
-*-*-*-*-*--
اوجزتى فانجزتى
شوية طلبات كل الناس تتمنى ان تتحقق عما قريب يارب
eng_semsem
-*-*-*-*-*-*-
يوم ما نلاقى الريس بدا على الطريق الصح كلنا هنبقى معاه قلبا وقالبا ونساعده كمان فى كل حاجه
ابراهيم رزق
-*-*-*-*-*
طول ما انا باكتب البوست فى دماغى وبالى عمر بن الخطاب واشهر الجمل التى قيلت له
richardCatheart
-*-**-*-*-*-*-*-
يا عالم مش يمكن الريس يحقق كل ما تمناه
amr elsharqawy
-*-*-*-*-*-*-*-*
اعتقد ان دم الشهداء من اولى الطلبات لمعظم الناس
أبو حسام الدين
-*-*-*-*-*-*-*
ربنا يسمع دعواتك يارب
احبتى جميعا ....
كل الاصدقاء الغاليين اللى كتبوا رسايل للسيد الرئيس وحتى اللى دخل قرا البوست وقال الرساله فى باله ....
تحية تقدير لكم جميعا ويارب يكون فى اى حد يقدر يوصل الرسايل دى للسيد الرئيس
زهــــراء
عايزة أقوله أولا ألف مليون مبروك هذا الفوز الجدير بالثقة ..
وثانيا أحب أقوله خليك مع الله تكسب ..
رسالة جميلة جدا وعفوية
إرسال تعليق