صــــــدفه
>> الخميس، 10 يناير 2013
فى حياة كل منا صدفه
قد تغير من حياته او اتجاهاته
اعلم ان كل شئ عند الله بقدر
ونحن لا نعلم القدر وما يحمله لنا
نطلق على بعض المفاجات فى حياتنا صدفه
فى حياتى حدثت لى الكثير من الصدف
قابلت الكثير من البشر صدفه
بعضهم خرج من حياتى ايضا صدفه
اليوم سوف اتحدث عن انسانه
دخلت الى حياتى صدفه
انتى وانا ...
عرفنا بعض صدفه
فرحنا ...بكينا ...
شوية حزن على حبة فرح
هى دى حياتنا مع بعض
من
غير ما ناخد عهود على بعض
اتفقنا
نكون اخوات لنهاية العمر
مهما
واجهتنا مشاكل
كل
واحده بتلاقى التانيه واقفه معاها
وقبل
ما تطلبها بتكون جنبها
مش
شرط وجود مادى ولكن يكفى التواجد المعنوى
اكتفى بسماع ضحكاتك كى اشعر بالفرح
تفهمنى
بدون ان اتحدث
تشعر
بى رغم البعاد
تعلمت
منها الكثير والكثير ولكنها لا تعى ذلك
ادعو
الله ان اشاركها لحظات فرحها
وارى
دموع الفرح فى عيونها
مثلما
رايت دموع الحزن والالم
اعترف لكى اليوم ان سعادتى
بوجودك فى حياتى مختلفه عن ذى قبل
حينما قرات جملة " هناك بشر لا تستطيع ان توقف
قلبك عن ان تحبهم او تدعى لهم "
شعرت ان هذه الجمله تتحدث عنكى ولكى
أشعراننى مدينه لكى بالكثير من الاشياء
ستبقى من أعز من
عرفت فى حياتى ♥
من اجمل الصدف التى حدثت فى حياتى
انتظرونى فى الصدفه الاخرى الاجمل
فى انتظار احاديثكم عن الصدف
فى حياتكم
زهــــــــراء
15 التعليقات:
دائما هو القدر الذى يسوق الينا اجمل الاشياء والاحداث بحياتنا
ودائما هى الروح الطيبة والقلوب الرقيقة التى تنسى الشر ولا تفكر الا بالخير والسعادة
مثل قلبك وقلبها ( لولا وزهراء ) لكم ارق تحية و ود ومحبة
وشكرا لك حبيبتى على التدوينة التى نثرتيها حروف ود ومحبة هنا
تحياتى لك بحجم السماء
القدر يسوق لنا الاحداث ودائما ما ينصر الحق على الباطل
قلوبكما الرقيقه تمنحنا الامل وتزيل كل الم
شكرا لكما دوما ودائما انتما معنا قلبا وقالبا
"رُب صدفة .. خير من ألف ميعاد"
أنا مش عارف أكتب حاجة تانية بجد غير كده .. ربنا يخليكوا دايما أصحاب و أحباب .. :)
:)))
ده انا الصدف ربع حياتي
:))
بنتي مثل صاحبت بنت جديده جت عليها راجعه من دوله عربيه
واكتشف ان مامتها كانت صديقه من زماااااااااان في ثانوي :))
خدي من ده كتير
يارب ميحرمكوش من بعض
بس مش هى تستحق انك تكتبى اسمها
طبعا هى عارفة نفسها
لكن احنا مش عارفين
طبعا اللى كتبته ده بعيد عن الصدف
لكن ممكن تحطيه تحت بند حب الاستطلاع
ههههههههههههه
تحياتى
بسمع اغنية عبد الوهاب يا مسافر واحدك
وانا بقرأ البوست الجمييل الراائع اللي شايفة كل حروفة راقية وجميلة وكتير عليا جداً
دموعي بجد هي اللي بتتكلم مع البوست ولاقيت عبد الوهاب بيقول " دي عنيا دموعها دموعها بتتكلم .."
بجد انا بحبك قوي واللي احبه لازم ابوس ايديه حب وحنان وتعبير عما بداخلي
لكِ مني ارق البسمات والفبلات .. اختي وحبيبتي وصديقتي وامي الصغيرة (:
انا كمان نفسي اشوف بسمتك واسمع ضحكتك وكفاية بقى مرة سمعت فيها صوتك هزني ومعرفتش انام يومها وكنت بحاول انام نوم هروب عشان انسى صوتك وقتها كان ازاي
يارب بقى اسمع صوت فرحتك وضحكتك وامسك طرف فستانك وازفك لعريسك (:
* ملحوظة انا معتقدش ان حياتي كانت مهمة لدرجة انك تتعلمي مني حاجة (: .
لـــولا
ليلى الصباحى.. lolocat
-*-*-*-*-**-*-*-*-*-*-**-
سيدتى الفاضله ليلى ...
بالفعل انه القدر الذى يضع فى طريقنا بشر مثل الجواهر النادره
والروح الطيبه هى التى تجذبنا قبل الاشكال الجميله
اشكرك على كلماتك الرائعه ومتابعتك وتشجيعك على الدوام
بعض البشر الذين تتشرف المدونه بتواجدهم هم فى الحقيقه درر لا تقدر بأى ثمن وحضرتك منهم بلا ادنى شك
faroukfahmy58
-*-*-*-*-*-*-**
استاذ فاروق
اشكر حضرتك على الكلمات الرائعه التى اضعها فوق رأسى
MTMA89
-*-*-*-*-
مــــحمد
ربنا ما يحرمنى منك ولا من ذوقك يا محمد وانت عن جد من اجمل الاصدقاء فى حياتى
شمس النهار
-*-*-**-*
ست الكل شمس الشموس
سبحان الله على الصدف اللى ممكن ترجع لنا حد كان فى يوممن الايام صديق
أنه القدر يا غاليتى واجمل الصدف
ابراهيم رزق
-*-***-**-**
انا مش كتبت اسمها عشان هى اسمها يتكتب بماء الدهب مش بمجرد حروف من الكيبورد
ربنا يبارك لنا فى بعض يارب ويحفظك وتفضل على طول كده متابع لنا
لـــولا
-*-*-*
مافيش اى حاجه كتير عليكى يا لولا
وعاوزه ابدأ ردى عليكى من اخر جمله يجوز انتى شايفه حياتك مش فيها حاجه اتعلم منها لكن انا بقى اتعملت من حاجات بسيطه وعميقه فى نفس ذات الوقت
بلاش بقى تفكرينى باليوم الغريب العجيب ده انا نسيته خلاووووووويص وانتى لسه فاكره
واشمعنى طرف الفستان انا مش هاخلى العيال يقربوا منه هههههههههه
ربنا يبارك لنا فى بعض ويبعد عنا عين الحسود
أجمل كلام سمعتة :)
أجمل كلام سمعتة :)
أجمل صدفة !
إرسال تعليق