أوقــــــات .....

>> الأحد، 8 فبراير، 2015



أوقات باشتاق فيها لكتير من البسمات

أوقات باحن لزمن خلاص عدى وفات

أوقات بافتكر نصايح والدى رغم انه رحل ومات

أوقات باجرى زى الاطفال والعب مع الفراشات

أوقات باحس انى كبيره وعندى شوية خبرات

أوقات نفسى ما اقولشى كلمة خد واقول بدل منها هات

أوقات بتعدى عليا ساعات افراح وأحس انها لحظات

أوقات بتمر عليا ساعات حزن واحس انها سنوات

اوقات اتمنى اقابل اصدقاء زمان اللى الزمن خلاهم ذكريات

أوقات اتمنى اغير من حياتى وادخل فيها شوية تعديلات

أوقات اقعد ارسم فى احلام وفى الاخر تطلع تهيؤات

أوقات باحس ان العمر بسرعه عدى وفات

أوقات باحس انى لازم احقق كتير حاجات

والعمر كله بيعدى ما بين أوقات وأوقات 

28 التعليقات:

P A S H A 8 فبراير، 2015 4:16 م  

إزيك يا أستاذتنا ؟ يا رب تكوني بخير إن شاء الله وفي أتم صحة وسعادة وراحة بال
:)
مش عارف ليه حاسس أن الوزن ضايقني وأنا باقراها خاصة مع تكرار المفتتح في كل بيت ؛ حسيت أن الكلام كله شبه بعضه ؛ متهيألي لو كان الكلام مش مقفي كنت ممكن أحسه أكتر أو لو كانت الأبيات موزونة بالمازورة زي ما بيقولوا
:)
البوست اللي فات برضه كتبتي حاجة حلوة :

لسه بادور فى الوشوش .. إلخ بس الوزن هرب منك شوية وكمان فيه بعض الكلمات اللي كانت تقيلة وجمل طويلة:)
وبمناسبة العمر .. لسه واحد من يومين في الشغل بيقول لي فلان بيسلم عليك .. قلت له الله يسلمك ويسلمه ؛ بس أنا ما شفتوش من تلات أربع سنين .. قعدت أحسب كده في دماغي لقيتني ما شفتش فلان ده من خمستاشر سنة :)
أرجو أن تتقبلي رأيي بصدر رحب ؛ خالص تحياتي وعميق احترامي وتقديري

لـــولا 8 فبراير، 2015 4:28 م  

ساعات بحس اني عايزة اروح ملاهي واركب العبة اللي بدور رأسيا دي واعد ألف وألف وألف وتقف بيا اللعبة فوق وابص ع الدنيا من هناك واخاف م الحظة اللي فجاءة اللعبة هتلف وتنزلني بسرعة شديدة ببقى مترقبة اللحظة دي وخايفة منها وف نفس الوقت عايزاها وحباها

نفسي اجري والدنيا بتمطر في وسط الورد وانا بجري والهوا بيجؤري معايا ويخبط في وشي ويطير شعري

نفسي ارجع طفة والعب مع نور ونسمع ااني اطفال ونتنطط ونجري


اوقات بقا :)


لولا

زهــــراء 8 فبراير، 2015 4:32 م  

شريف باشا


يا هلا بأول تعليق الحمد لله بخير على فكره احترم رايك جدا جدا انا لست بشاعره هي مجرد حروف جت موزونه إلى حد ما بالنسبه لكلمة أوقات اللي متواجده في بداية كل سطر كنت بافكر احذفها بس حسيت ان الكلام مش هيبقى مفهوم ده كان إحساسي مش عارفه بقى صح او غلط وعن جد كل كلامك احترمه جدا كلنا بنتعلم من بعض
بالنسبه للبوست اللي فات لسه بادور في الوشوش دي حاله كتبتها في الطريق من مكان إلى مكان قعدت ابص على وشوش الناس وكتبت السطرين

بمناسبة العمر اللي بيجري امبارح باحكي مع احد الأصدقاء على موقف حصل لي و باقوله من حوالي عشر سنوات ساد الصمت شويه كده وقولت يا لهوي ده الموقف من خمسه عشر سنه هو العمر بيجري بسرعه كده ازاي
نورت وشرفت وان شاء الله هاطبق كلماتك على قدر الاستطاعه

زهــــراء 8 فبراير، 2015 4:53 م  

لولا


يا هلا بشريكتي في المدونه أين أنتي يا ست الكل

عاوزه تروحي الملاهي وتركبي البتاع دي ازاي انا باترعب من منظرها وانا على الأرض بذمتك انتي شركتي في المدونه دي وعندك كل الجراه دي ههههههه

تقدري تفضل طفله وتسمعي الأغاني وتمشي تحت المطر في الصعيد بقى وش بيغمز

منوره مكانك يا قلبي

مدونة الفرسان 8 فبراير، 2015 6:47 م  

سادتى
أعتذر عن التأخير
أحاسيس جميله وكلمات فى داخل
كل واحد فينا يشعر بها من
يفتقدها
خالص اعتزازى واحتراماتى

زهــــراء 8 فبراير، 2015 7:12 م  

مدونة الفرسان

مافيش اي تأخير البوست لسه نازل النهارده تنور وتشرف في أي وقت

ربما مريت على كل إنسان منا هذه الأحاسيس

خالص تقديري

قمر وليل وغيوم 8 فبراير، 2015 11:23 م  

الله على كلامك
انتى بتحكى عن اوقات كلنا بنمر بيها
بس انتى اختصرتيها فى جمل جميله زيك
تحياتى ليكى والى الامام دوما

norahaty mo 8 فبراير، 2015 11:39 م  

أوقات اواقات
ساعات ســـاعات
حاجات حــاجات
كلمات كــلمات
احساسات شعريات
جميلات سكــــرات

زهــــراء 9 فبراير، 2015 11:17 ص  

قمر وليل وغيوم


عن جد اشكرك عل تلك الكلمات
البوست ده كتبته من فتره طويله بس كان عباره عن مواقف انا بتحصل معايا او لحد قريب مني يمكن قدرت اني اعبر عنها بشكل ما وكان نفسي اعبر عنها بشكل أكبر وأفضل

تتشرف المدونه وأصحابه بتواجدك المعطر

زهــــراء 9 فبراير، 2015 11:19 ص  

دكتورتي الغاليه نورا

انتي قمرايه و حلوات
تواجدك بتنور من غير لمبات
وهاخلص فيكي كل الكلمات
بحبك في الله يا أغلى الدكتورات

romansy 10 فبراير، 2015 6:26 م  

وساعات يشتاق ليوم عشته وانا صغير
انا برضه بحس باكتر من كده يا زهراء بس اجمل حاجه فى الدنيا تنوع الاوقات علشان منملش حياتنا وكل ثانيه بتعدى علينا اعتقد اننا لازمم نستغلها بحب

زهــــراء 10 فبراير، 2015 7:50 م  

Romansy


ساعات بشتاق ليوم عشته وأنا صغير لشكلي قبل ما اتغير ههههههههه دي نغمه الرسائل على الموبايل عندي.....

كلنا نمتلك هذه الأوقات التي نحن فيها لشويه حاجات ورغم أن العمر بيكون عدي علينا وفات تفضل جوه مننا وليها حنين وذكريات


منور يا احمد


Free CursorsMyspace LayoutsMyspace Comments

    © بالحب اتجمعنا. Friends Forever Template by Emporium Digital 2009

Back to TOP