هى الدنيا جرى فيها ..... 1

>> الأحد، 29 نوفمبر، 2015



من كام اتصلت بيا سلوى احدى معارفى 

التى اتمتع بالحديث معها هى فتاه من اصول نوبيه

تحمل ملامح مصريه جميله وتحمل ايضا اخلاقيات رائعه

المهم سلوى منهاره نفسيا ..........

هى مرتبطه من حوالى اربع شهور بزميل  لها فى العمل

لغاية هنا الامور عاديه جدا جدا .....

فجأه كده وبدون مقدمات حاتم اللى هو زميلها


قالها انهم يبعدوا عن بعض

 وخلاص الامور بينهم مش هتنفع تكمل على كده 


ولما حبيت انها تفهم ايه السبب

كان السبب بكل بساطه ان والدته ووالده رفضوا سلوى

اه رفضوا ان سلوى تكون زوجه لابنهم 

ليه بقى عشان سلوى تحمل لون خمرى اقرب لاهل النوبه

تخيلوا ان ده السبب عشان اهل حاتم عاوزين ابنهم يتجوز

بنت قمر بيضا وشعرها اصفر وعيونها خضرا ...

 هى تعبانه نفسيا بسبب الرفض ده

حاولت اتكلم مع حاتم وافهم منه السبب الحقيقى 

اقسم لى بكل الايمانات ان ده السبب الحقيقى 

وان والده راح سال عن سلوى واهلها

 واكتشف انهم عيله قمه فى الاحترام

والتدين والاخلاق اللى مش متواجده دلوقتى

الاعتراض الوحيد انها سمرا ...

بصراحه كان نفسى اقوله نعم يا روح امك 

هو ده سبب ان البنت تترفض انها سمرا

هى الناس حصل لها ايه ؟؟؟

سلوى طبعا حالتها تصعب على اى حد

سي حاتم قرر انه يتنقل من شغله عشان يبعد عنها

عاوزه بقى رايكم بجد هو معقول زيجه تتفركش

عشان لون بشرة البنت او انها مش جميله 

هى التفاهه وصلت بينا لحد كده ؟؟؟

فى انتظار رأيكم .............. 

50 التعليقات:

norahaty mo 29 نوفمبر، 2015 3:20 م  

الناس أجناس واطباع
وما يفههمم إلا اللى خالقهم
سبحانه وتعالى فما تحاوليش
تعرفى أسباب الناس ايه؟ اللى
اقدر اقوله كل شىء قسمة ونصيب
وبإذن الله معوض مخلف على المظلوم

Gamal Abu El-ezz 30 نوفمبر، 2015 4:47 ص  

ممكن تتفركش لاقل من كده
بس هو اكيد خير كتير
الى زى دى خساره كبيره
وهى كمان كتير عليه صدقينى
خلى البيضا والشقرا تنفعه وهى بتخلعه
هى جميلة للى يقدرها غير كده إسمه كلام فاضى

P A S H A 30 نوفمبر، 2015 6:55 م  

بصي .. اللي أنا فهمته من الكلام (وده اللي هاتكلم على أساسه) .. أنهم مش مخطوبين .. يعني الموضوع كان ماشي ودي بينهم كده ((هما الاتنين)).
جايز يكون حس فجأة أنه مش هينفع يكمل معاها لأي سبب اتحرج يقوله (الله أعلم) .. جايز يكون الشاب كان بيتسلى ولما حس أن الموضوع دخل في الجد وخلاص هيتدبس ولازم يتقدم من الباب قال لك أحسن طريقة أخلع بيها أني أجيب أهلي وهما اللي يرفضوها بحيث يطلع هو براءة (برضه الله أعلم) .. وجايز فعلاً يكونوا أهله هما السبب الحقيقي وهو مش قادر يعارضهم لأنهم هيساعدوه في جوازه ومش عاوز يزعلهم .. وجايز لما أهله شافوها غيروا رأيه من ناحيتها وخلوه يشيل منها ...... إلخ
الافتراضات كتير لكن الحقيقة لا يعلمها إلا الله .. والتلاكيك صدقيني ما فيش أكتر منها برضه للي عاوز يخلع .. بس في النهاية (بخلاف أن كل شيء نصيب طبعاً) صدقيني دلوقت أحسن من كمان شوية .. أحسن ما كانت تتخطب له ولا يتكتب كتابها والموضوع يبوظ على آخر ثانية والسبب برضه هيكون تافه.
ممكن أقعد أذم في الشاب ده للصبح وأقول لك فيه العبر من أنه ما يستاهلهاش وأنه ندل وواطي ومش محترم ودلدول وفيه كل العبر ........إلخ (من باب تطييب الخواطر) .. لكن من باب الإنصاف لازم أقول برضه أن البنت هي كمان عليها مسئولية علشان سمحت يبقى فيه تجاوز (حتى لو بالكلام) لمدة أربع شهور تحت مسمى الارتباط (اللي مش بافهمه بالمناسبة) .. كان من المبتدأ كده فلان عاوز يرتبط؛ اتفضل شرفنا في البيت، كانت الأمور وضحت والنقط اتحطت ع الحروف وعرفت راسها من رجليها، علشان ساعة ما كان يحب يخلع تعرف أن ربنا نجاها من واحد دنيء وما كانتش اتصدمت فيه وفي نفسها زي دلوقت.

سعيد وحشة 6 ديسمبر، 2015 10:35 م  

بيقولوا فى المثل السمار نص الجمال
بس يا خسارة على السمر اللى ملهمش بخت


بصرااحة وبدون نقاش ولا جداا صاحبتك هية الكسبانة والله هية الكسبانة
الأخ حاتم ماشى ورا أمه
وامه اللى مش عاجبها اللون الخمرى الجميل ده هتوقع المعلم ده فى واحدة تطلع رووحه وتطين عيشته
على فكرة النوعية دى من الرجالة مش ينبكى عليها والله ... كان بمنتهى البساطة فهم أمه ان الشكل مش كل شىء وفيه سمر جمال جدا والرووح الجميلة والأدب والأخلاق أهم من كل شىء



قولى لصحبتك اتلهى على عينك يغور فى داهية هو وأمه وعلى فكرة مكنتش هترتاح مع الولية دى أبدااا ....
هتلاقى طبعا اللى يقدرهاا ويصونهااا



وحشتنى حكايااتك والله يا صديقتى الغالية
تحيااتى لك ِ ولكل الأصدقاء اللى وحشونى
وعذراا لإنقطااعى .. الحيااة تأخذناا إلى حيث تريد

بااقة ورد

Ebtesam Hoseen 7 ديسمبر، 2015 3:48 م  

دا كده انسان لمواخذه تافه لا يصلح لان يقود اسرة وبيت ..
طالما راضى بالسبب ده يبقى غلط انها تحزن وتدايق عليه ولا على السبب الهايف اللى اختلقه لاننا جميا خلق الله ولا يحق لنا ان نعترض ولا فرق بيننا الا بالتقوى فى القلوب
انصحها بان تبعد عنه ولا ترضى به ابدا وهى لها نصيب هيبعته ربها الخالق وتحمد الله على ذلك .. مساء الفل ياقمرايه .. وحشتنى بوستاتك جدا ووحشتينى اكتر

زهــــراء 9 ديسمبر، 2015 1:40 م  


norahaty mo
*-*-**-*-*-*-*-*

دكتورتى الغاليه .........
احيانا الواحد مش بيفهم دماغ الناس ولا تفكيرها بس على الاقل لما حد يرفض بنت انها تكون زوجه لابنه يبقى فى سبب معقول مش كون ان البنت سمرا شويه او ملامحها عاديه عن جد باتعجب وربنا يعوض عليها ويفرح قلبك

زهــــراء 9 ديسمبر، 2015 2:02 م  


Gamal Abu El-ezz

****-**-*-*-*

مستر جمال .......

اكيد كده افضل لها قولت لها كده احسن لما تتخطبى وتلاقى اهله بيعملوا مشاكل عشان تتفركش الخطوبه بس انت عارف يا صديقى لما الموضوع تدخل فيه المشاعر والاحاسيس البنت حاسه انه مجروحه فى كرامتها ربنا يعوض عليها بكل خير

زهــــراء 9 ديسمبر، 2015 2:09 م  



P A S H A

*-****-*****-

شرييييف
منور المدونه والله حمد لله بالسلامه ...
بص يا سيدى الواد عن جد كان عاوز يخطبها ويتجوزها ولانى على اعلم بالطرفين بس اعرفها هى اكتر ومن زمان وبحكم انهم مع بعض فى نفس المكان فى الشغل قربوا من بعض وهو صرح لها بحبه وكان منتظر الوقت المناسب لظروف خاصه به انه يتقدم لكن فعلا اهله رفضوا البنت رغم ان ابوه راح سال عنها وعن اهلها فى المكان اللى ساكنه فيه بمجرد ما الواد فاتح الاب انه عاوز يخطب فلانه بس الرفض كان لان البنت مش بيضا زى القشطه ولا عيونها خضرا ولا شعرها اصفر .......

اتكلمت معاها ان كان ممكن المشاكل تحصل بعد الخطوبه او كتب الكتاب وخاصة ان والدها مش بيفضل موضوع الخطوبه بيعملوا كتب الكتاب معاها قولت لها تاخدى لقب مطلقه فى مجتمع مشوه نفسيا واخلاقيا دى كارثه عند الناس الافضل لك ان الموضوع يتفركش من دلوقتى بس اكيد انت فاهم لما بنت تترفض بسبب شكلها بتحس بمشاعر كتييييييييييييييير اوى اوى

مبسوطه بكلامك ومعلش على الرغى وعلى فكره هابعت لها الرد بتاعك فى مسدج لان رائك عجبنى جدا جدا

زهــــراء 9 ديسمبر، 2015 2:11 م  


قمم التميز

*-*-**-*-

يا جماعة الخير ماحدش هيطلب منكم مساعده احنا بنسلك المجارى بنفسنا وبعدين مش عايشه فى السعوديه ومش كل يوم لازم ادخل امسح لى كومنتات من شغل الدعايه بتاعكم ده وبما انى درست دعايه احب اقولكم انها طريقه فاشله جدا جدا للدعايه

زهــــراء 9 ديسمبر، 2015 2:14 م  


سعيد وحشة

*-*****-

ياااااااااااااااااه فينك يا عم سعيد بس كل ده غياب انا قولت زعلان مننا فى حاجه

السمار نص الجمال طبعا يا فنان ههههههههه
قولت كل كلامك واكتر شويتين تلاته بس زعلانه جدا جدا البنت على سبب الرفض حاسه ان كرامتها اتهانت والبنت بالفعل حالها اتغير بقيت كئيبه على طول وحزينه وفى حالها ومش عاوزه حتى تروح شغلها عشان ما تشوفش وشه امه اقصد وشه يعنى ههههههههههه بس كله هيعدى

اوعى تغيب عننا تانى بقى عشان هاخلك تدفع غرامه او اخليك تروح تقابل ام حاتم وهى تتصرف معاك بقى ههههههههههههه

زهــــراء 9 ديسمبر، 2015 2:23 م  


Ebtesam Hoseen

*-***-*-**-

مسا النور والسرور على سومه القمرايه اللى بتغيب عننا كتييييييييير

هى بالفعل بعدت عنه بس عارفه يا سومه لما اتكلمت مع حاتم قال بصريح العباره مش عاوز ازعل امى لانى سهل الاقى عروسه تانيه بس لو امى زعلت هاندم طول عمرى رغم انه من البدايه عارف ان امه نفسها تجوزه هو واخواتها الرجال بنات بمواصفات محدده فى الشكل ومش مهم اى حاجه تانيه هى الست دماغها كده هنعمل ايه بقى ربنا يهدى الجميع

منوره يا غاليه

قمر وليل وغيوم 20 ديسمبر، 2015 11:31 م  

حبيبه قلبى
وحشانى موت
معلش عالتاخير غضب عنى
بصى ياقلبى بقه هقولك ان ممكن جواز يتفركش على اختلاف فى درجه لون بياض البشره
مره عريس راح يتقدم لوحده بيضه لكن مش عجبته لان ده مش درجه البياض المطلوبه
عالم هبله بعيد عنك
قولى لسلوى انها برقبته ورقبه عيلته
وبكره ربنا يجيبلها حقها منه ومن اهله.
وتحمد ربنا انها بعدت عن العيله الهبله دى

قمر وليل وغيوم 20 ديسمبر، 2015 11:37 م  

بقولك ايه يازوزو
ماتخلى واحده من شركات التنظيف دى ييجوا يعلقوا عندى
اهو يزودوا التعليقات شويه
ههههههههههههه
اشمعنى انتى بقه

زهــــراء 22 ديسمبر، 2015 2:08 م  

قمر وليل وغيوم
*-**-***-*-*

مسا السعاده والسكر الزياده وحشانى جدا جدا يا قمرايه ومقدره ظروفك والله ومعلش على تأخيرى فى تنزيل البوستات كمان زى ما تقولى كده افكار كتير ومافيش وقت او زحام افكار ومش عاوزه تخرج الافكار للنور بالنسبه بقى لموضوع سلوى هى فعلا برقبته هو وعيلته بس فى نفس الوقت مش عاوزه اظلمه لان شخصيته كده اضعف من انه ياخد قرار فى حياته لوحده

زهــــراء 22 ديسمبر، 2015 2:09 م  

قمر وليل وغيوم

-**-*-*-**

خديهم كلهم كلهم ومش عاوزه منهم حد تقريبا كل يوم ادخل امسح تعليق او اتنين وبرضه الاصرار غير عادى منهم باقولك لما بتدخلى المدونه عندى بذمتك يا قمر بتحسى انه عاوز رش او ريحتها وحشه ههههههههههههههههههههههه

شركة سواعد للخدمات المنزلية 26 يناير، 2016 5:56 م  

Mr. Director of the Forum and Gentlemen, Dear Thank you all invite you to visit our website on the following link
شركة سواعد شركة رش مبيدات بالدمام الخبر القطيف
شركة مكافحة حشرات بالدمام
شركة عزل اسطح مبلطة وغير مبلطة بالجبيل
كشف تسربات المياة بالدمام والاحساء
شركة مكافحة حشرات بالدمام والاحساء والجبيل
تسليك مجارى بسيهات وعنك
افضل شركة نظافة منازل بالاحساء
غسيل خزانات بالدمام
شركة مكافحة حشرات براس تنورة
شركة عزل اسطح بالجبيل
كشف تسريب المياة بالدمام
كشف تسربات المياة بابقيق
كشف تسربات المياة بابقيق
كشف تسربات المياة بسيهات وعنك
نظافة شقق بالدمام والقطيف
شركة عزل خزانات بالدمام
شركة غسيل خزانات بالدمام الخبر القطيف
كشف تسربات المياة راس تنورة
كشف تسربات المياة بالدمام والاحساء
شركة عزل مائى بالدمام والخبر والقطيف الجبيل
كشف تسربات المياة بالدمام والخبر والقطيف والجبيل
كشف تسربات المياة بالقطيف
كشف تسربات المياة بالجبيل
كشف تسربات المياة بالاحساء
شركة عزل مائى بالدمام والخبر والقطيف الجبيل
افضل شركة كشف تسربات بالخبر
شركة عزل أسطح بالدمام
شركة كشف تسربات المياه بالدمام
افضل شركة نظافة بالدمام والخبر
افضل شركة تسليك مجارى بالدمام
شركة مكافحة الحشرات بالدمام والخبر
شركة سواعد لكشف تسرب المياه بالدمام
شركة رش مبيد بالدمام
رش مبيدات بالدمام
"مكافحة حشرات بالدمام


Free CursorsMyspace LayoutsMyspace Comments

    © بالحب اتجمعنا. Friends Forever Template by Emporium Digital 2009

Back to TOP