إليها .....
>> الخميس، 14 يناير 2010
اصدقائنا الغاليين
طبعا كثرت التساؤلات فى الفتره الاخيره
عن الغياب ورغم انى قولت لكم عن السبب
لكن فى ناس قالت اننا ناويين نغلق المدونه
هو احنا لسه لحقنا نقول اى حاجه
**** وش مستغرب ****
سبب الغياب بكل صراحه
هى ازمه صحيه كانت تمر بها والدة صديقتى لولا
الحمد لله بفضل من ربنا ودعوات الناس المخلصه الجميله
هى دلوقتى فى صحه افضل ربنا يتمم لها شفاؤها على خير
النهارده بقى بجد انا عاوزه اشكر كل اصدقائنا
المدونين وغير المدونين اللى سالوا عن لولا
وبجد مش عارفه اقول لكم ايه
لسانى عاجز عن شكركم وفرحانه جدا بمشاعركم الجميله
ربنا يديم بينا الاخوه والصداقه الى اخر العمر
*******************
البوست ده هديه إليها
الى السيده الفاضله والدة لولا
التى اسعدنى وشرفنى اننى تعرفت بها
وبمجرد ان نظرت لها وجدت فى عيونها
كميه من الحب والحنان تكفى الى العالم بأسره
لا ازكى هذه السيده على الله لكنها بالفعل
ام بكل ما تحمل الكلمه من مشاعر فياضه
مشاعر جميله راقيه ورقيقه
ربنا يبارك فى عمرها ويبارك لها فى صحتها
ويحفظ لها اولادها ويفرح قلبها
فى بعض الاحيان قد يكون بداخلنا الكثير
ولكن لا نستطيع ان نعبر عنه
طبعا كل واحد فيكم هيدخل يقول
الف سلامه على ماما يا لولا
وربنا يشفيها وربنا يحفظها
ده جميل جدا جدا
واحنا عاوزيين دعواتكم معنا
بس مع الدعوات الحلوه دى
ممكن كل واحد يدخل يقول رساله الى امه
انا عارفه انه لسه شويه على عيد الام
لكن تعالوا نتكلم عن الام فى يوم غير عيدها
لان كل يوم المفروض هو عيد للام
انا رغيت كتير طبعا وحشنى الكلام معاكم
يلا فى انتظار رسايلكم لامهاتكم
***************
هذا البوست من تصميم وتنفيذ :زهراء
Read more...
