علمتنى الحياه ....

لو حسيت قلبك موجوع ومن جواك بتتألم 

ابكى ... اقرا .... فضفض ...اتكلم .. ارسم 

اسرح فى ملكوت الله .... علم او اتعلم ....

 
لكن اوعى فى يوم لحزنك تستسلم

****************************************************

لازلنا ندمن التفكير

رغم ان الله ولى التدبير

                        ****************************************************

اذا سامحت الناس على الدوام 

فانهم لا يشعروا بأخطائهم 

واذا كنت مهتم على الدوام

 

فانهم يهملوك

ولانك تبادر بالسؤال عنهم 

فانهم ينسوك

هكذا بعض البشر فى الحياه ....

*******************************************

معظم قصص الحب الرائعه تنتهى فجأه .....

         

                **************************************************************



       

الناس اللى شكلها حلو بتتغير ملامحهم مع الزمن

بس الناس الرائعه بتفضل رائعه مهما يمر الزمن

***************************

الغياب شكل من أشكال الحضور .....

يغيب بعض البشر وهم حاضرون فى الاذهان

حاضرون فى العقول ... حاضرون فى الوجدان

أكثر من وقت حضورهم فى حياتنا

Read more...

كشـــف حســـاب ....

احبتى ...

وحشتونى من بعد طول غياب

ايام قليله ويمر عام ونستقبل عام

يارب الجاى علينا كله خير وفرح وسعاده

حصلت احداث كتير فى سنة 2014

منها الحاجات الصح ... الغلط ... الحزن ... الفرح

مشاكل ... تجاهل ....

فى السنه دى اهديت لنا احباب

قربت مننا اغراب ...

حاجات حصلت عمرنا ما كنا نتخيلها  

عرفنا ناس وكنا نتمنى نعرفهم من زمااااااان

وفى ناس تانيه كنا نتمنى لو ما تجمعناش بيهم الايام تانى

اتصدمنا فى ناس .... اتعرفنا على حقيقة بعض البشر

شوفنا قلوب مليانه غش وخداع ...

بعض الاقنعه سقطت ومسحنا اصحابها من حياتنا


اتعلمنا فى السنه دى حاجات كتيييير

اتعلمت ان الحب شعور قبل ما يكون مشاعر

الاحترام اساس اى تعامل مهما كان نوع العلاقه

عن جد باشكر كل الناس اللى تحملتنى

باشكر الناس اللى بتعلمنى وبتقف معايا

كل الشكر لناس بتدعى لى وربنا يسمع دعواتهم

خالص اعتذارى على ناس سقطوا من الذاكره سهوا

وقررت انى ارجع علاقتى بيهم او اقدر اقول رجعتها فعلا

خالص اعتذارى وتقديرى لكل انسان تحملنى فى لحظات ضعفى

لكل الناس اللى هتقرا وتعلق

واللى هتقرا وتبتسم

واللى مش هتقرا وحد هيحكى عن البوست ده

لكل اى انسان له مكان ومكانه فى قلبى

اتمنى لكم جميعا عام قادم خالى من الاوجاع .....


زهــــــــــــــــــــراء.....

Read more...

احاسيس

ثمة شئ يخصك بداخلي... نبضة لقلبك .

اريد ان اغرق في بحر قلبك بموج عناق لا ينتهي .. حتى انتهي.

حلمت فكنت انت ..وحلمي القادم سيكون قطعة منك. 

انا بحـاجتك.. 

حينما اريد ان اختلي بنفسي .. اهرب من كل العالم بصحبتكِ انتِ.

اخبرته انها بحاجة للدفئ فأقتنى لها شالاً من صوف  ..
 لكنه لم يفهم  لما  استمر بعدها شعورها بالاحتياج ...!

حينما يلامس اناملها يشعر بشحنة هائلة  تسري منها لعروقه

 تروي ظمأ نبضاته العطشى للسعادة .

هي مازالت تحاول ان تقنعه ان نقاش اي خلاف حدث هو امر مهم لتنظيف مشاعرها السلبية تجاهه وان معرفة اخطاء كل طرف سيجنبهم في المستقبل تكرار الاخطاء فكيف لها ان تتعامل معه وبينهم حاجز يحول دون الوصول بينهم!!

وهو يحاول اقناعها ان تكرار فتح الموضوع هو بمثابة صورة ضخمة تحاول ان تجلس امامها طيلة الوقت دون حراك.

هو يحاول اقناعها ان فتح مواضيع الخلاف التي لم تحل هي بمثابة جرح قديم تحاول نهشه لينزف من جديد!

وهي تحاول ان تخبره ان الجروح يجب ان تنظف اولاً قبل ان تلتئم 

وما بين محاولاتها وقناعاته يحاولان ان يتلمسوا درباً من ضوء يجمعهم تحت بؤرته.

أحاسيس بقلمي (:   هبة مصطفى  .. لـــولا  

Read more...

حـــكايات بنات "4 "

  

جائها من سفره البعيد تحمله الاشواق اليها ...

 رغم اجهاده الواضح على ملامحه

 إلا انه أبى ألا تفارق وجهه الابتسامه ..

 ملأ اذنيها عشقا وشوقا 

وملأ قلبها قبل ان يغادرها فرحا

تمنت لو انها تستطيع ان تدلك قدماه المتعبتين

 وان تمسح عن جبينه حبات اللؤلؤ المنثور

  تمنت لو انها تشد على يديه

 تقبلهما... وتمسح بهما وجهها ...

 تمنت ... وتمنت ....

 لكنها لا تستطيع لانه لم يصبح زوجها بعد ...

مش عارفه ليه اتعلقت به ...

مش عارفه ليه مهتمه بحاله واحواله ..

 ليه باغير عليه ...

 هو ده الحب اللى بيتكلموا عنه

اشمعنى هو ؟؟

 ايه الميزه اللى فيه مش موجوده فى غيره ؟؟

 مش فاهمه علاقتى به !!!

 كل اللى متاكده منه انى على طول مشتاقه له ♥

مشكلتى اننى قررت  احلم ...

 نعم كل ذنبى اننى حلمت ..

 حلم بسيط ان اتزوجه وانجب منه اطفالى ...

 رغم كونه رجل عادى بل اقل من العادى ....

 وعندما تحدثت معه بكل صراحه ...

قال بالفعل احبك ولكننى لا استطيع الزواج منك ...

تعجبت من جملته ...

 قال بكل صراحه عاوز ابناء وانتى سنك .... 

وعشان تبقى ام يبقى ....

عارفه حظى كويس اوى.... 

 عمرى ما حلمت بشئ حلو وحصل لى ابدا ...

عارفه انى لما احب الدنيا مش هتسبنى فى حالى ...

 لو فرحت يومين هاحزن سنتين ... تلاته

 ماحدش يقولى حاولى تجربى انك تدخلى فى تجربه

 كل حاجه حلوه فى حياتى عمرها قصير ....  

الحكايات المره دى ليست بقلمى

لكن باقلامهن ... من عشن هذه التجارب

الصور فقط من اختيارى : زهــــــــــراء

Read more...

حـــكايات بنـــات " 3"

الصور من اختيار : زهـــــــراء

انتظروا عن قريب الجزء التانى من رجال اقوال 

Read more...

رجـــــال أقــوال

لسه باحبها ... وفاكر كل حاجه حلوه معاها عشتها

 ولا ينفع افكر غير فيها 

 عارف انها فارقت الحياه بس لسه حاسس انها معايا 

 عايشه فى قلبى وجوه كيانى ...

 كل لما اتفرج على صورنا ابتسم والدموع بتغسل وشى 

 عارف ان المشاعر دى نسائيه...

 لكن اللى جوه فى قلبى مشاعر انسانيه

 لاغلى انسانه شافتها عنيا ...

 احن واحده فى الدنيا كانت عليا

 عمرى ما هاقدر انساها ♥

/********************

 فجأه ومش عارف ازاى لاقيت نفسى باحبها ...

 حكيت لها عن كل حاجه ...

 احلامى ... طفولتى ... عيلتى ...

 حسيت انى شبه شوال الدقيق المدلوق ...

 كل حاجه قولتها ماعدا ... انى خاطب ..

 ولما عرفت لاقيتها بتعاملنى بنفس الاهتمام

 والحب والمشاعر الصادقه ...

 لأننى انانى او هى بتقول على الرجل الشرقى انانى ..

 كنت فرحان انها فى حياتى ..

 باتعلم منها.. بتكملنى فى كل حاجه ..

وبتسمع كلامى فى كل حاجه رغم شخصيتها القويه ...

 اتغيرت فى حاجات كتير عشان خاطرها ...

 كان لازم اتمم زيجتى ..

 قررت انى انسحب وابقى ندل ... 

 كان لازم اكون بعيد ومن غير مقدمات او كلام ...

 عشان هى تقدر تواصل حياتها من غيرى ...

 انسحبت ...

***********

من اول مره شوفتها فتحت لى قلبها ...

 رغم انى كنت مستغرب منها ومن كلامها ورد فعلها

  لكن جوايا حاجه كانت بتحب تسمع منها ...

لا عرفت اقفل باب قلبها اللى اتفتح

 ولا عرفت ادخل جوه منه واستقر فيه ...

 ويمر الوقت ومشاعرى واقفه محلك سر ...

 لا عارف اتقدم واقرب منها ولا عارف ابعد عنها ...

*****************

باحبها ...

 بس خايف اقرب منها واقولها ... 

صديقتى الرائعه ... اجمل انسانه القدر وهبها لى

 حاسس انها برضه بتحبنى ...

 كل كلمه بتقولها بتحمل معانى كتيييييييير ....

 اهتمامها بيا ...

 سؤالها عن اسرتى او عليا 

خايف وقلقان اخد اول خطوه وارجع منها ندمان ...

 حاسس انها فاهمه ... بس.....

 مش عارف ألمح ليها او اصرح ليها ...

 لو رفضتنى صعب الاقى زيها واحده تانيه ...

 خايف افقدها كصديقه فى حياتى ...

 خلينا كده بنتفرج على بعض ...

 مش يمكن يجى يوم وهى اللى تصرح ليا ....

 يمكن ....

بعض من اقوال الرجال 

ربما سمعت من بعضهم والباقى اعرفهم وعاشرتهم

انتظروا الجزء التانى عما قريب

نقلت لكم الاقوال : زهـــــراء

Read more...

حـــكايات بنات "2 "

الصور من اختيار زهــــــراء

انتظروا عن قريب رجال أقوال 

Read more...