مطــــلوب صديق ....
>> الخميس، 7 يوليو 2011
مطلوب صديق فيه العديد من الصفات
يفهمنى من غير كلام
من نظرة عين يعرف اللى جوايا
مطلوب صديق نكون قريبين من بعض
مش شرط فى المكان
المهم نكون قريبين فى الزمان
مطلوب صديق يمسح دموعى قبل نزولها
مش يكون السبب فيها
مطلوب صديق نكون عون لبعض
فى وقت الاتراح قبل وقت الافراح
مطلوب صديق رغم اختلافنا
فى الشكل فى الطباع فى كل حاجه
لكن يكون صديق بجد
مطلوب صديق
نلعب مع بعض
مطلوب صديق يكون شبهى
مش فى الملامح ولكن فى ال..
مطلوب صديق نتعلم مع بعض
نتعلم من بعض
نعلم فى بعض
اذا اردت ان يكون لك صديق
فكن انت اولا صديقا
فكرة البوست والصور : زهــــــــراء
50 التعليقات:
الصديق دلوقتي بقي عمله نادره و صعب انك تلاقيها
ياريت فعلا الاقى صديق فيه الصفات دى
الخل الوفي من المستحيلات
لكن بعض المستحيلات تتحقق
بالتاكيد كلنا نتمنى مثل ذلك الصديق وقد نقضي عمرنا كله في البحث عنه ولا نجده
تحياتي لكي
يازهراء ياحبيبتي
انتي بتدوري علي المستحيل
ياريت تلاقي ربع اللي قلتيه ده
بجد صفات كلها راقية ومطلوبة في الصداقة وياريت الإنسان يلاقي في حياته ناس بالصفات دي
:)
خليهم اتنين بقى :)
لو لاقيتي الي بتدوري عليه ابقى جبيلي واحد معاكي
:):)
السلام عليكم
مصطفى رد بالكلام اللى عايزة اقوله
ياريت تدورى لى معاك على صديق :)
تحياتى لك غاليتى
رغم انى البوست عن الصداقة وطلبها
وختام البوست هو طلب ان تتوافر فينا صفات الصداقة اولا
الا اننى عندما قرءات البوست اعطت الكلمات التى فى البوست لى معنى الحيرة
فمن كتب البوست ومعانيه لم يكن غرضه ان يقول كن صديق لنفسك قبل ان تطلب
ولكن الذى قراءته
هو اننا الان فى هذا الزمن وتلك الظروف فى حيرة
ولم تعد المفاهيم واضحة ناصعة نقية
ولكن كل يوم بحال
مثل سكانى البحر
يراون البحر كل يوم بحال
لذا مواصفات الصديق التى نطمح اليها
اصبحت تقاس بصفة يومية
وليست بصفة طويلة المدى
الانسان يعيش فى هذا الوقت على نقطة او حرف او مذبذب
احيانا تضيق علينا الدنيا
فنكره ان نتكلم حتى مع اصدقاءنا ونفضل ان نغلق على انفسنا الابواب
حتى تمر تلك الموجه ونعود ثانيا لنتكلم او نتشارك مع غيرنا
الصداقة لها مفهوم ثابت وهو المشاركة فى الحياه وتبادل الخبرات فى سلاسة كأن من تتكلم معه هو نفسك
كلما ابتعد الناس عن بطن الدين والتخلق باخلاقه
سيشكون من قلة الاصدقاء والاخلاء وان الصداقة انعدمت
لان الصداقة تبنى على الصدق والامانة
وتلك الصفات يضمنها فقط الدين
لذا البعد عن الدين
هو الذى يقلل الاصدقاء الحقيقين فى الحياه
لذا هولاء الاصدقاء يا سيدتى متواجدين
ولكن حينما نقترب كلنا من بوتقة الدين والعمل به
وطالما بعدنا عنه
ستظل الكلمات تكتب والحروف تنادى وتتندر على ما فات من زمن جميل
جميل تلك المعانى التى طرحيتها
التى اتمنى ان تتواجد فينا كلنا
بغض النظر عن الصداقة ولكن تحت صفة انسان
كل التقدير
مساء الغاردينيا
ويبقى ذلك الصديق مطلبنا ورغبتنا في الحياة فهل تكتمل حياتنا دون صديق يستمع لأوجاعنا ويضمد جراحنا ويكون معنا ويستمع إلينا ..
حفظ الله لي أعز صديقاتي ولاحرمني منها فهي فعلاً نعم الصديقة "
؛؛
؛
لروحك عبق الغاردينيا
كانت هنا
reemaas
من قدي انا يا بختي
انا لاقيت كل المواصفات في صديقتي
.............................
يفهمنى من غير كلام
من نظرة عين يعرف اللى جوايا
مطلوب صديق نكون قريبين من بعض
مش شرط فى المكان المهم نكون قريبين فى الزمان
مطلوب صديق يمسح دموعى قبل نزولها
فى وقت الاتراح قبل وقت الافراح
مطلوب صديق رغم اختلافنا
فى الشكل فى الطباع فى كل حاجه
لكن يكون صديق بجد
مطلوب صديق نلعب مع بعض
.....................
للاسف عمرنا ما لعبنا مع بعض هههههه
مطلوب صديق يكون شبهى
مش فى الملامح ولكن فى ال..
...........................
في ايييييييييه؟
في الروح
الاحساس
القلب
الحنان
الحب
...............................
مطلوب صديق نتعلم مع بعض
نتعلم من بعض نعلم فى بعض
.........................
انا اللي بتعلم منها على طول واعتقد اني لست اهل لان تتعلم مني فهى ارق واجمل وانضج
اذا اردت ان يكون لك صديق
فكن انت اولا صديقا
.......................
معرفش ان كنت نجحت اكون لها صديق بس متاكدة انها ليا اجمل صديق (:
لولا
ياريت فعلا نلاقي صديق بالمواصفات دي. صحيح موجودين بس نادرين أوي أوي
أتمنى تكوني لقيتيه يا زهراء
تحياتي
موجود عاوزه كام؟
استني بس
في الجنه بئا ونعيمها
هو فعلا صعب فى الزمن ده لكن موجود علينا نبحث عنه اولا داخلنا
اذا اردت الصديق المثالى فكن انت صديق مثالى
جميل البوست يا زهراء
تحياتى
غالبا الطيور على اشكالها تقع
و رب اخ لك لم تلده امك
ما اجمل الصداقة الحقيقية
تحياتى و احيكى على اختيارات الصور لكن لى ملاحظة اشعر بالغربة فى اختيار اغلب الصور التى ينشرها المدونين لا الملامح ملامحنا و لا الوجوه وجوهنا و لا الذهور زهورنا لماذا لا نرى طفل قمحى ملامحه ملونة باشعة الشمش لماذا لا نرى وردة بلدى تتفتح للحياة بامل لماذا و لماذا
ملحوظة هذه الملاحظة لكافة المدونين و انا اعد لها بوست
تحياتى مرة اخرى
معظم الاشياء تشترى بالمال اما المعنويات وتدخل فيها الصداقة فتشترى بالمشاعر
نحن كبشر لا يمكن ان نقابل الاحسان الا بالاحسان وهل جزاءالاحسان الا الاحسان كما قال الخالق فى سورة طه وبالتالى سنجد حتما الصديق الذى نريده واى تقصير سنقابله فحتما سيكون من تقصيرنا فبقدر ما نعطى بقدر ما سنأخذ
زهرااااااء ازيك
ولولا كمان
انتوا وحشتونى اوى اوى
البوست هااايل يا زهراااء بجد رائع وياري كلنا يبقى عندا اصدقاء كدة بجد بس احلى حاجة اخر جملة ان نكون احنا الاول الاصدقاء دى
تحياتى ليكم دايما ويارب تكونوا دايما بخير
صعب اوي ان احنا نلاقي صديق كدة
دا اذا مكنش صعب ان احنا نلاقي كدة في نفسنا
كلمك جميل اوي
تسلم ايدك
مــــــــنـــــــي
****************
اذا كان صعب انك تلاقى الصديق لكن مش مستحيل وده سبب اننا لما نعثر على صديق بمعنى الكلمه مش نفرط فيه او نبعد عنه
نورتى وشرفتى
Butterfly
**********
ان شاء الله تجدى صديق يحمل اكثر من هذه الصفات ....
ولكن بشرط اننا نطبق اخر جمله فى البوست اننا نحمل هذه الصفات حتى نعثر على من يحمل مثلها ايضا لانها كما يقال الطيور على اشكالها تقع
مصطفى سيف
***************
طول عمرى وانا طفله كنت اسمع ده من رابع المستحيلات ولما كبرت سألت ما هى المستحيلات الثلاث التى تسبق هذه الرابع الذى نتحدث عنه ^_^
وقد اكتشفت ان من ضمن المستحيلات هو الخل الوفى بصراحه اتضايقت اوى لانى على الاقل باعتبر هناك بعض البشر اطلق عليهم لفظ الخل الوفى
وقبل ما ابحث عنه لازم اكون انا خل وفى ....
ربنا يهبك السعاده وكل ما هو رائع ...
شمس النهار
/-/-/-/-/-/
ست الكل احلى شمس فى النهار
عاوزه اقولك على سر انى لاقيت فى اصدقائى اكتر مما كتبت بس على فكره هما عددهم مش كتير لكن اعتبرهم نعمه من ربنا ليا وهبه من الرحمن
كل التقدير لانسانه غاليه على قلبى
علاء سالم - Alaa salim
**************************
الشاعر الكبييييييير عــــــــلاء
سهل اننا نلاقيها بس لو احنا كنا فى الاول قبل ما نطلب ان الصفات دى تكون متوافره حولنا لازم فى الاول تتوافر فى انفسنا
نورت يا شاعر يا فنان ^_^
saragebaly
--------------
ســـــــــــاره
وليه اتنين بس ^_^
فى ناس كتير موجوده الحياه تحمل مثل هذه الصفات واكتر بس المشكله اننا مش بنعرف نحافظ عليهم لما نجدهم فى حياتنا
او يمكن هما قريبين مننا بس مش واخدين بالنا .........
دعواتى ان تجدى فى حياتك كل ما هو جميل ورائع
أم هريرة.. lolocat
***************
وعليكم السلام ورحمة الله وبركاته
من السهل ان نعثر على هذا الصديق
ولكن محتاج شوية مجهود وقبل المجهود محتاجين نكون احنا فينا الصفات دى عشان نلاقى صديقى يحمل نفس الصفات
لان الطيور على اشكالها تقع وقديما
قالوا قل لى من تصادق اقول لك من انت
نورتى وشرفتى
SHAPE YOUR LIFE (ABOALI)
********---------*******
ابــــــــو على
مش عارفه ابدا كلامى ازاى لانك فهمت كل حاجه فى البوست وحسيت بما بين السطور بس طبعا ده مش غريب على انسان بدرجة انسان قدير ^_^
اخر جمله فى البوست كان هدفها اننا نبحث داخل انفسنا على الصفات التى نتمنى ان نجدها فى الاخرين ....
سيدى الفاضل فى هذا الزمن الذى اختلط فيه كل شئ بكل شئ ولم نعد نستطيع التفرقه بين الصديق الصالح والصديق الطالح لم نعد بوسعنا ان نختار وعلى ذلك تلمست الحيره فى هذه الجمل البسيطه
وعجبنى اوى وصفك للحيره مثل ساكنى البحر وانت عارف طبعا انى اعشق البحر ومن يسكنون بجواره ^_^
دعنى اختلف معك ان صفات الصديق تتغير تبعا لكل مرحله عمريه او سنيه او ربما لاسباب كثييييره وليست تقاس بصفه يوميه ...
احياانا تضيق علينا الدنيا ولا نريد ان نتحدث مع اى شخص ولكن فجاه يقفز امامنا وجه صديق نحتاجه لكى ننظر له وينظر لنا او حتى يسمع كل منا صوت الاخر لان الصديق الحقيقى لا نحتاج الى الحديث معه كثيرا لانه يفهمنا من نظرة عين او مجرد لفته بسيطه
بالفعل سيدى ان كل مشاكلنا فى الحياه هى سببها الرئيسى البعد عن روح الدين وليس الدين كمظهر فقط ، هناك بالفعل اصدقاء حقيقيون فى الحياه ولكن قد نجدهم بصعوبه ولابد من المحافظه عليهم وان نحاول جاهدين ان نتمسك بهم الى اخر العمر ...
اذا كانت مجرد هذه الجمل البسيطه قد لاقت استحسان فهذا يدل على ان ما قراها له بصيره خاصه وله وجهة نظر فى الحياه نتعمل منها على الدوام
كل الدعوات بالخير والسعاده وان يهبك الله اكثر مما تتمنى ...
اشكرك مره اخرى على تحليلك لما بين السطور
ريــــمــــاس
***********
يا هلا بالقمر ريمااااااااس
لا تكمل حياتنا بدون اصدقاء ونشعر ان هناك شئ مهم ناقص مننا لو لم نجد هذا الصديق الوفى .....
ربنا يحفظ لكى اعز صديقاتك ويحفظك لها ويبارك لكم فى بعض ويبعد عنكم الحسد والحاسدين
باشكرك على عبق الغارديينا الذى تنثريه هنا
لـــولا
***********
ربنا يبارك لكى فى اصدقائك ويحفظك لهم ويحفظهم لكى ...
على فكره مش شرط اللعب معناه كوتشينه او طاوله دومينو لكن المقصود باللعب مجرد حتى الهزار او المزح او الضحك او حتى مجرد البسمات
كان مقصود انى احط نقاط وكل واحد ويكتب ايه الحاجات اللى عاوز تكون فى صديقه وتشبهه
عارفه يا لولا مافيش اتنين اصدقاء مش بيعلموا فى بعض وبيتعملوا من بعض حتى لو كان فيهم صديق اصغر من التانى لكن الاصدقاء اللى بجد بيتعملوا من بعض ...
اعتقد ان الصديق اللى بتقولى عليه الكلام ده لازم يكون شايف انك من اجمل الاصدقاء فى حياته برضه
القلب احيانا يضيق
والعين يخدعها البريق
والعمر يمضى
ودائما يبقى الصديق
Wish I were a Butterfly ...
------------*****---------
الاصدقاء اللى فيهم الصفات دى موجودين فعلا بس زى ما قولتى نادرين اوى
الحمد لله ربنا وقفنى وعثرت على من يحمل تلك الصفات
كل الدعوات بالسعاده
مصري جدا
****************
مش محتاجه ولا واحد لانى لازم اعثر عليهم بنفسى عشان يكون صديق بجد
وفى منهم على الارض مش فى الجنه بس
نورت وشرفت
mrmr
*--**
مــــــــــرمـــــــــــــر
الله عليكى وعلى كلامك
فعلا لازم نبحث داخل انفسنا الاول
باتشرف بتواجدك هنا يا قمرايه
Ms Venus
**********
فينوووووووووووووووس
قبل ما نبحث عن الصديق المثالى لابد ان نكون انسان مثالى وطبعا بما انى مافيش مثاليه يبقى صعب نلاقى حد مثالى ههههههههههههه باهزر طبعا لكن كلامك صح الصح
اجمل باقة ورد لعيونك يا قمرى
ابراهيم رزق
****************
طبعا اسمح لى ان اعلق على موضوع الصور عاوزه اقول لحضرتك ان موضوع الصور لان معظم الصور المنتشره على النت بتكون لصور غربيه
عاوزه اقولك ان صورة الوردتين دول بلدى بجد مش استيراد يعنى ^_^
على العموم وجهة نظرك تمام فعلا وسوف نحاول جاهدين فى المرات القادمه ان نحاول العثور على صور شرقيه او صور اشخاص بلون قمحى
باشكرك على هذه الملاحظه وسوف نحاول جاهدين تنفيذ هذه النصحيه التى اعتز بها عن جد
وفى انتظار البوست االجديد عما قريب ان شاء الله
نورت وشرفت
faroukfahmy58
----*******-----
استاذ فاروق
كلام حضرتك صح ان المعنويات تشترى بالمشاعر وده شئ صعب اوى
عاوزه اقول لحضرتك ان الايه الكريمه التى تفضلت بكتابتها فى سورة الرحمن وهى الايه رقم 60 وكلنا نتعلم من بعض سيدى الفاضل
عجبنى اوى جملة بقدر ما نعطى بقدر ما سنأخذ لانها بالفعل سليمه مليون فى الميه وليست فى الصداقه فقط ولكن فى كل شئ
نورت حضرتك وشرفت
yasmina
-----------
ياسمينااااااااااااااا
ازيك يا قمرى ويارب تكونى بخير وسعاده
البوست بسيط وكلماته بسيطه جدا ومن السهل ان اى حد يكتب كلام اعمق واكبر من كده بس زى ما تقولى هو لقى صدى بداخل انفسنا عشان كده نال الاعجاب ثم ان العيون اللى قرات عيون حلوه وتنظر الى مواطن الجمال عشان كده برضه قالت كلام حلو
ربنا يحفظك ويبارك لكى وفيكى
كلام من قلبي
-----------
صعب فعلا العثور على صديق يحمل هذه الصفات ولكن مش مستحيل بس لازم نبحث فى انفسنا الاول قبل ان نبحث عن الاخرين
كل الدعوات بالسعاده يا قمر
اعتقد لولا ان ده بقى صعب جدا
وانا دائما اؤمن ان ليس هناك صديق
بلا عيب
ومن يطلب صديق بلا عيب سيظل دائما بلا اصدقاء
تحياتى
جميل اوى ويارب تكونى لقيتى الصديق اللى انتى تتمنيه ويارب تكونو مع بعض علطول وربنا يكرمك ف حياتك كلها ويكون كل واحد انتى اخترتيه عند حسن ظنك بيه بس بجد تسلم ايدك ع الصور والكلام والصور معبرة بشكل غير عادى طول عمرك استاذة يبطوط ربنا يحفظك ويزيدك moro kramel
جايدا العزيزي
**********
مافيش اى حد من غير عيوب واكيد اللى هيطلب صديق من غير عيوب يبقى شخص غير طبيعى ....
اذا كان الموضوع صعب هو مش مستحيل يعنى محتاج شوية مجهود واحنا نلاقى اصدقاء فيهم صفات كتييييييييييير حلوه وبرضه فيهم عيوب لان اى انسان فى مزايا وفى ايضا عيوب
ملحوظه صغيره على جنب كده
على فكره يا جايدا المدونه هنا فيها شخصين لولا هى النص الاول وزهراء هى النص التانى وبالاحظ انك لما بتردى على البوستات بيكون الرد الى لولا طبعا مع كامل احترامى انك بتشرفينا بس دى كانت ملحوظه ع الماشى
نورتى
moro kramel
**************
ميووووووووووش
اعتقد انك اكتر حد عارف انى لاقيت صديق كده او لا وعارفه كمان انى ضيعت ناس من ايدى كان فيها صفات اجمل من كده بس نقول ايه بقى النصيب يا حبى ^_^
باشكرك على دعواتك الجميله ويارب يكون ليا نصيب فيها ولكى بالمثل ياااارب
مين لا يتمنى ذلك الصديق ..
=)
تسمحيلي اخد الموضوع دا عشان نفسي اوصل منو رسالة لشخص معين
ويا رب بس يفهما
انا مش هخدوا غير لما تسمحي
Radwa Ashraf
-*-***-*-*****
رضـــــــوى
اهلا وسهلا باول زياره وان شاء الله مش تكون الاخيره
كلنا نتمنى مثل هذا الصديق
نورتى وشرفتى
كلام من قلبي
**********
الموضوع وصاحبته تحت امرك فى اى وقت
اتفضلى يا ستى ويارب الشخص المقصود يفهم الكلام ^_^
بس ابقى قولى ان الموضوع اتنشر عندك عشان اعلق عليه من نفسى ههههههه
زهراء
اعود اليك حاملا عظيم شكرى على هذا الاستدراك الكبير فى حق قلمى الذى غفل واغفلنى عن الذكر الصحيح واحتمال كثرة قراءتى للقرآن وبصفة خاصة سورة طه التى كانت تروق كثيرا وبصفة خاصة الى المرحوم والدى وكان يسألنى دائما قراءتها حين ضعف بصره ، واننى اذكر شيخنا الجلبل المرحوم الشعراوى فى بعض مواقف محاضراته عند استدراك حاضرين له فى عناوين الآيات
ويغفر لى كليمها ربى هذا الخطأ عاذرا زلة قلمى فالآيات كلها متشابهات فى عظمتها وحلاوة نطقها وتعدد ابوابها وسطوع انوارها فهى صادرة عن لسان واحد لسان الحق
ومن ترديدها وترتيلها وتنغيمها تتوه اعيننا احيانا فى فى تحديد ابوابها من انبهار الضوء الباهر الساطع من اكنانها
انى اعترض
وفى حد هيتعور
مممممممممممممممم
اه
faroukfahmy58
**************
استاذ فاروق
لن اصف لك مدى سعادتى ان حضرتك رجعت للبوست مره اخرى وقرات ردى عليك لانى عن جد بافرح بالمناقشه البنائه الهادفه وفى النهايه كلنا انسان ونتعلم من بعض
ربنا يرحم والدك ووالدى وكل اموات المسلمين
لما قرات الايه الكريمه التى تفضلت بذكرها قراتها عدة مرات ولانى بفضل الله احفظ سورة الرحمن اختلط عليا الامر وقولت يجوز الايه مكرره مرتين فى سورة طه وكذلك الرحمن وقد سالت احدى اصدقائى وقال انها فى سورة الرحمن قولت لازم امسك المصحف واراجع سورة الرحمن وبالفعل وجدتها فيها ...
اخيرا وليس اخرا تشرفت المدونه بتواجد حضرتك ومناقشتك واتمنى ان يتم تكرارها على الدوام ان شاء الله
ولا تنسى سيدى اننا نتعلم من بعضنا البعض
The illusionist
******************
زنوووووووووووت
مين اللى معترض ؟؟
مين اللى هيتعور هههههههههههههه
كنت عاوزه اعرف رايك كامل متكامل
نورت وشرفت ومش تنسانا
السلام عليكم
يكفينى اخر شئ كتبتيه
طبعا كلامك كله صح بس فى حاله ان يكون فى صديق فعلا
دلوقتى بقى شىء صعب جدا الصداقه والحب كمان تحسيهم انهم بقو انانيه ومحدش يحب يشوف حد سعيد ولو قولتى تتعاملى معاهم بمعاملتهم ما تقدريش مع انه سهل اوى بالنسبالهم تخيلى بقى
نصيحه من اختك بلاش تدورى على صديق عشان الاصدقاء الاوفياء انقردو
إرسال تعليق