دعــــوه للقــــــرب ...
>> الثلاثاء، 26 يوليو 2011
فى اللى كام يوم اللى فاتوا
اضطررت انى اعمل اعادة
هدم وبناء لبعض متعلقاتى
وفجاه وقع فى ايدى اجنده قديمه
بافتحهالاقيت فيها جوابات
من هبة الله صديقتى
اللى كانت عايشه وقتها فى الكويت
وكمان جوابات من صديقتى نهى
اللى كانت عايشه مع اختها فى امريكا
فتحت الجوابات وبدأت اقرا واضحك
وعيونى تدمع على بعض المواقف
وكان عندنا عادة غريبه
فى نهاية الجواب
لازم نكتب التاريخ والتوقيت
اكتشفت ان الخطاب كان وقتها
بياخد حوالى اسبوعين لامريكا
يااااااه كان زمن جميل
دلوقتى بكبسه على زر الموبايل تتصل
بأى حد وتطمن عليه
وكمان الفيس قرب المسافات
والشاتنج وحاجات كتييييييييير
خليت الناس قربت
بس ياترى احنا فعلا قربنا بجد ؟؟
ياترى المسافات بينا بقيت بسيطه
او كل واحد عايش فى عالمه الوهمى
مع النت والموبايل والشات
ياترى المسافه قربت بين العائلات
بين الاصدقاء بين الاخوات ؟؟
لما قرات الجوابات دى قولت بما اننا
قربنا على شهر رمضان
يبقى نعمل دعوه
اننا نقرب من بعض بجد مش مجرد
قرب فى المكان لكن
الاهم القرب فى الزمان
تعالوا نسال على العيله
تعالوا نتصل ببعض البشر اللى
احتلت جزء من انفسنا ونتواصل
ناخد اول خطوه ومعاها هناخد ثواب
ماحدش ينتظر الخطوه الاولى
ملحوظه صغيرهكل سنه وانتم بخير وسعاده
ما هى غير ساعات تجرى ليهل
علينا شهر الرحمه والغفران
ان شاء الله عادتى زى كل سنه
انى اجازه فى رمضان ونلتقى على خير
زهـــــراء
34 التعليقات:
السلام عليكم
بس ياترى احنا فعلا قربنا بجد ؟؟
يالله
كلنا بنفكر كتير فى الكلمة دى
سؤال مفيش حد بيعرف يجاوب عليه
لان ضرية التكنولوجيا كانت بالفعل الابتعاد والفرقة عن بعضنا للاسف حتى فى الاعياد والمناسبات نكتفى (بكبسة زر)
لكن هى الحياة
كل سنة وانت طيبة حبيبتى
تقبل الله منا ومنك صالح الاعمال
تحياتى لك
هههههههههههه
فكرتينى بايام زمان عندى كرتونه
مليانه ذكريات وجوابات وباقعد اضحك كتير
قوى كل لما اقراهم
بس اعتقد ان التكنولوجيا سرعت ايقاع الحياه قوى وسهلته بردو
بس مش عارفه اذا كانت قربت الناس ولا بعدتها
كل سنه وانتى طيبه يا حبيبتى وبعوده الايام
ترجعى بالف سلامه يارب
السلام عليكم
الحقيقة أخت زهراء أن زمن الرسائل البريدية كان اجمل على القل كنا نتظر الرد بشغف.. الأن كل شيء متوفر بين أيدينا لكن قليل جدا عندما نسأل عن بعضنا البعض رغم توفر جميل الوسائل ويسرها.
رمضان كريم وكل عام وأنت بخير.
فكرتيني بايام الكلية
طبعا كنت مغترب
جبت اجندة و لففتها على اصحابي واصحابهم و اللي ساكنين معايا في مبنى المدينة الجامعية كل واحد يكتب كلمتين وبعدين يكتب اسمه وبلده ورقم تليفونه
طبعا مكنش الموبايلات منتشرة وكل النمر بتاعت التليفونات اتغيرت لما زادت رقم
تصدقي لو قلتلك من كام يوم بافتح الاجندة واشوف بعض الاسماء اللي بحاول اعصر دماغي علشان افتكر مين دول
تخيلي دول اكيد كانوا في يوم من الايام ليهم مواقف معايا بتشكل شخصيتي يعني جوايا حاجة منهم بس انا مش فاكرهم
هي دي الدنيا بتجمعنا علشان تفرقنا وبتفرقنا علشان تجمعنا
تحياتي
موضوع الرسائل ده كان فن و دفء مشاعر للاسف ادثرت مثل اشياء حلوة كثيرة
كان ادب و بلاغة و بلوك نوت و ذوق
اما بخصوص دعوتك
يارييييييييييييييت
كل سنة و انتم طيبين
تحياتى
كل سنه وانتى طيبه يا حبيبه قلبى
ياريت الكل ينتهز فرصه الشهر الكريم ويقرب بجد ويستمر التقرب ده على طول مش فتره الصيام واقلب وخلاص
ربنا يعيد علينا الايام بخير
^________^
فعلا عندك حق
احنا قربنا من ناس كتير
ومن عائلاتنا عن طريق النت
وكده
بس القرب من القلوب
محتاج حاجة اكبر من كده
:)
وكل سنة وانتى طيبة ياقمر
ورمضان كريم
كل سنه وانتم الاتنين طيبين
لسه من يومين كنت بدور علي ورقة وقع في ايدي كروت معايدة من اللي كنا بنبعتها زمان لبعض قريتها وكانوا من اصحابي في عيد ميلادي وانا مقيمة في ليبيا بعد ماقريتهم كلهم واسترجعت بعض الذكريات قمت كلمت اتنين بس من كل دووووووول اللي لسه علي صلة بعض حتي الان الكلام ده كان من سنيييييين طويلة
اصل طول مااحنا ماشين بتسقط مننا صداقات كتير تقريبا ماكانتش حقيقيه ومش بيدوم غير الحقيقي اللي لوجه الله
ورمضان كريم
يا ترى احنا فعلا قربنا ؟
للاسف لا
والناس بعدت عن بعضها اوى
كل سنة وانتى طيبة يا زهراء
أزيك يا زهراء
(:
كل سنة و انت طيبة
و رمضان كريم (:
عارفه انا حاسس لما الناس كانت بعيده بالمسافات كانت قريبة بالقلوب
مش عارف ليه دلوقت الحياة بقت كدة بتبعدنا مش بتقربنا
الحمد لله
كثرت الدعوات وتنوعت تلك الايام
وكثير ما مر بنا تاريخ العمر وشاهدنا بعض صفحاته المنثورة لنا
ومن حكمة الله ان تهب رياح المرور بين صفحات التاريخ فى اوقات معنية غير محسوبة
ولكنها مثل نداءات او اجراس لتذكرنا بشيىء ما
وكما فعلتى سيدتى فقد كان التقلب فى تاريخ متعلقاتك يحمل الكثير من عبق العمر وسنواته وكيف انها مضت تحمل ومضات من الافراح والذكريات والكلمات وكم امتلئت الافئدة من حروف راقية وسامية احيانا او مرت النفس على لحظات من الرقى فى القرب او حتى شعور ان الزمن قد كسر فى تلك اللحظات وتكاملت الارواح
ولكن دعوات القرب وكثرتها تدل اننا نفقد تلك العلاقات ولا نحافظ عليها والمقدرة على التواصل تقل مع مرور الزمان
احيانا اقول ان هذا من منظومة الحياه حتى نتعرف على مخلوقات جديدة تجدد الفكر وتفتح لنا افاق جديدة
واحيانا اقول انه تقصير مننا
ولكن الظاهر لنا
انه مهما كانت لحظات القرب تحمل الكثير والكثير من المعانى لها نكهتها الخاصة
التى نشتاق اليها بين الحين والاخر
ويهبنا الله الاوقات التى نستعيد فيها كل لحظات القرب
يهب الله لنا رمضان
يهب الله لنا عيد الفطر
يهب الله لنا عيد الاضحى
يهب الله لنا صلاة الجمعة
يهب الله لنا الصلاة فى جماعة
يهب الله لنا زيارة المرضى
يهب الله لنا تواصل الاراحام
ويهب ويهب
حتى نشعر اننا من طين واحد نتكامل مع بعض ونتشارك
كل سنة والسعادة تغمرك وتغمر اسرتك
وتتناسم معالم القرب بين ربوع ايامكم
وتقديرى لهذا البوست المتميز كلعادة
كل عام وانتم طيبين وبخير يا أجمل أصحاب وأخوات
زهراء ولولا
۩ رمضان كريم ۩
السلام عليكم
عندك حق العالم اصبح قرية صغيرة ابقوا ادعوا للفيس والشات والميل والموبايل
كل سنة وانت طيبة رسالة صغيرة من الموبايل نبقي صلنا الرحم سبحان الله
كل سنة وانت طيبة يا لولو
تحياتي
أم هريرة.. lolocat
-*-*-*-*-*-*-*-*-*-*
وعليكم السلام ورحمة الله وبركاته
التكنولوجيا المفروض لها مميزات كتييييييييير بس للاسف احنا اخدنا اسوأ ما فيها وبقينا ابعد ما نكون عن بعضنا البعض ونكتفى بمجرد كبسة زر فى المناسبات
امس قال لى احد اصدقائى المفروض التكنولوجيا توفر لنا وقت نقدر نستفيد به لكن وللاسف الشديد ضيعنا وقتنا فى حاجات تافهه كتييييييييير
كل لحظه وحضرتك واسرتك وكل احبابك بخير وسعاده ويارب تعود عليكم الايام بخير وسعاده
ليس فقيرا من يحب
***************
رانيااااااااااااااااااااا
اكتر حاجه فرحتنى انك ضحكتى فى اول الكومنت وبصراحه باحب البسمه والضحك خليكى متفائله كده يا حبى
المفروض ان التكنولوجيا تكون سهلت الحياه ووفرت لنا وقت ومجهود بس للاسف خلتنا ابعد ما يكون عن بعد خليت كل واحد فينا فى عالمه الخاص
كل لحظه وانتى بحب وسعاده وربنا يفرح قلبك ويسعد ايامك يااااارب
أبو حسام الدين
*************
استاذ رشيد
وعليكم السلام ورحمة الله وبركاته
تخيل ان فعلا كان فى لهفه وشوف لانتظار الرساله ونقرا السطور بسرعه عشان نعرف الاخبار وبعد شويه نرجع نقرا بالراحه بقى عشان نتفهم الكلام اللى بين السطور ^_^
دلوقتى بقينا بعيد عن بعض رغم كل الوسائل اللى المفروض تقربنا
كل سنه وحضرتك طيب وبسعاده
مصطفى سيف
*******
لما قرات الكومنت بتاعك افتكرت موقف مشابه انى قابلت واحده من زميلات المدرسه من فتره وهى فاكره اسمى بالكامل وسلمت عليا وانا اصلا مش فاكره اى حاجه منها حاجه تكسف بصراحه الزهايمر بقى صعب اوى ^_^
اكيد فى حياتنا هناك من البشر من استفدنا منه ولكن للاسف فى زحمة الحياه بننسى ناس كانوا فى وقت لهم اكبر دور فى حياتنا
تحياتى وتقديرى لتواجدك
ابراهيم رزق
*****---********
اضم صوتى الى صوتك فعلا موضوع الرسائل كان افكار جميله من زمن فات وروح حلوه نفتقدها كثيرا هذه الايام
ياريت نقدر نقرب من بعض
كل سنه وانت بخير وسعاده
mrmr
****----****
مــــــــــرمـــــــــر
ربنا يكرمك يا حبى ومش يحرمنى منك ولا من تهنئتك الرقيقه اللى زيك
انتى وحشاااااااااانى اوى ونفسى اشوفك تانى
ياريت نقرب من بعض مش فى رمضان بس وانما فى كل الايام
sara adel draz
********----*****
ســـــــــــــــــــــاره
كلامك فعلا صح واحنا قربنا من ناس كتير خارج العيله والاصدقاء والنت قربنا من نوعيه من البشر فيهم الصالح وفيهم الطالح
كل لحظه وانتى بحب وخير
شمس النهار
-****-*
ست الكل شمس النهار
كل لحظه وانتى بحب وسعاده وخير
لما كنت باروق الحاجات بتاعتى لاقيت برضه كروت معايده فى مناسبات كتير وخصوصا فى اعياد الميلاد كان زمان فى عاده حلوه اوى لما نجيب هديه نحط معاها كارت وفيه كلمتين حلوين وتلاقى اللى يكتب اشعار وحاجات روعه بجد ياااااااه كانت ايام حلوه اوى
فعلا كل فتره من الحياه تقع منا بعض الصداقات اعتقد ان هناك اسباب كتيره عشان تقع هذه الصداقات
يارب رمضان كله خير عليكى وعلى كل احبابك يارب
Ms Venus
*-*-*-*-*-*
فينووووووووووس
فعلا اصبحان بعيد اوى عن بعض حتى الناس اللى قريبه مننا فى المكان اصبحت بعيده فعليا وكل منا له عالمه الخاص
وانتى طيبه يا حبى وبخير يااااااااااارب
Ramy
**********
رامــــــــــــــــى
يارب كل لحظه وانت بخير وربنا مش يحرمنا من تهنئتك الجميله
جملتك حلوه اوى الناس كانت قريبه بالقلوب فعلا تحس اننا كنا بنحس ببعض اوى وفاهمين بعض اوى رغم اننا ممكن كل واحد فينا فى بلد ........
العيب من فى الحياه انما العيب فى اللى عايشين فى الحياه نفسها
نورت وشرفت يا رامى
SHAPE YOUR LIFE (ABOALI)
-----*******----*******
أبـــــــو على
هناك لحظات تمر فى حياتنا نقابل بعض البشر نظن اننا لن نبعد عنهم مهما حدث ولكن فجاه وفى زخم الحياه نكتشف اننا اصبحنا ابعد ما يكون عن هؤلاء الذين احتلوا جزء من حياتنا ومن قلوبنا
اكيد ربنا سبحانه وتعالى بيكون له حكمه اننا نبعد عن بعض البشر ونقابل غيرهم وغيرهم وكمان بيكون البعد عنهم فى الوقت الصح عشان يفضلوا جوه قلوبنا مهما مر الزمن وتظل الذكريات الجميله لهم ...........
بكل تأكيد كان هناك حكمه من الله سبحانه وتعالى حينما فتحت هذه الخطابات رغم مرور الكثير والكثير من السنون عليها يجوز عشان افتكر ناس جميله كانت فى يوم اقرب ناس ليا ويمكن عشان افتكر ايام كانت ولا اروع من كده او ... او...
كل لحظه وحضرتك بخير وسعاده وكل احبابك واسرتك فى فرح وخير
كل الدعوات لانسان يستحق التقدير
الحــب الجميـــل
****************
ايموووووووووووووووووو
كل سنه وانتى اجمل حب فى حياتنا كلنا يا قمرى
ذكري رحيل قلم
***********
وعليكم السلام ورحمة الله وبركاته
العالم اصبح قريه صغيره ولكن اصبح لكل منا كوكيه الخاص
كل لحظه وحضرتك بخير
راق لي ما كتبت ...
يسعدني أن تكوني من متابعي مدونتي :
http://thusmylife.blogspot.com/
عايزة اقولك يا زهرة اني انا ونهى بنت خالتي كنا نبعت لبعض برضه جوابات رغم ان الاميلات موجودة والشات والتليفونات بس تبقى الخطابات لغة جميلة يستمر المشاعر الموجودة بها وتحتوى على ذكريات شكلتها الحروف ذكريات لا تنتهى (:
لولا
لا يازهرا المسافات ملهاش علاقة بالقرب والبعد
وصدقينى عمر البعيد عن العين ماكان بعيد عن الخاطر زى مابيقولوا
انا ليا صحبات مابشوفهمش تقريبا بغيب اغيب عنهم بالشهور ولما اقابل واحده فيهم نقعد ونرغى ونحكى كأننا لا بعدنا ولا غبنا وناس قدامى كل يوم كتفى بيخبط فى كتفهم فى اليوم 10 مرات ومابشوفهمش !!
كل سنة وانتى ولولا طيبين ودايما متجمعين فى حب الله
رمضانكوا كريم :)
كل سنة وانت طيبة
وربنا يقرب البعيد يا رب ويجمع بين قلوب المتحابين في الله
dodo, the honey
*************
اهلا وسهلا فى اول زياره وان شاء الله تتكرر
جارى زيارة المدونه عما قريب
لـــولا
***********
الخطابات تحتوى احلى الذكريات وتحسى ان للحروف رائحه مميزه مش تقولى مسدج بقى او ايميل
ربنا يبارك لكى انتى ونهى
نـــــــــــــور
******************
اضم صوتى الى صوتك ان البعيد عن العين عمره ما يكون بعيد عن القلب
كل حرف انتى قولتيه صح
عندى صديقه بنغيب عن بعض فترات طويله ومجرد ان العيون تتقابل ومن غير كلام كل واحد بيفهم اللى التانى عاوز يقوله
سبحان الله هى دى الصداقه اللى حقيقيه
ربنا ما يحرمنا منك ولا من كلامك
ويارب على طول منوره
كل لحظه وانتى بخير
كلام من قلبي
**********
كل لحظه وانتى بخير
ويااااااااارب يسمع منك
إرسال تعليق