وحشتنى دنيتى ....

>> الثلاثاء، 2 فبراير 2016




فعلا وحشتنى دنيتى اللى كلها تفاؤل وامل فى بكره


كلامى اللى بيشجع الناس على ان بكره احلى من النهارده


كمية التفاؤل اللى بتكون معايا فى كل أحداث حياتى



بسمات وضحكات لا حدود لها اهديها لأى عابر سبيل فى حياتى 


اهتمام بالغريب زى القريب ...


مدينتى الفاضله التى اسعى لها واحاول بناء طوبه فيها




فجأه ..........


بدون مقدمات او بدون توقعات  أنسحبت من هذه الدنيا


يلاحظ المقربين  تغيير فى اسلوبى حتى كلامى


 بسماتى التى بتطلع ممزوجه بالوجع

حتى نظراتى تحمل تشويش واضح للجميع



فجاه الكل اجمع انه مش هيحكى


 وانما هيرد لى اللى كنت باعمله


الجميع ينصح بكلامى ويعاد على مسامعى مره اخرى


بس المره دى باسلوبهم الذى أعشقه

ابتسم من حديثهم وحروفهم التى اخبرتهم بها ذات يوم



الكل يتساءل امتى هترجعى الى دنيتك 


احد الاصدقاء يخبرنى على الدوام اننى مريضه بالتفاؤل والامل


والاخر يخبرنى ان فى رقبتى ناس كتير فى انتظار دفاعات ايجابيه

ابتسم لهم واحاول ان اجاهد كمية اليأس التى تسللت الى اعماقى 


رغم فرحتى بكلامهم ولانى لاول مره فى حياتى اسمعه منهم


لانه فى الاصل كلامى واحاديثى 


 راجعه تانى لدنيتى عما قريب ان شاء الله


 لكن لكل جواد كبوه 


ربما علينا ان نعيد ترتيب الاولويات فى حياتنا من جديد


 يمكن عين حسود ورشقت  


كل الشكر لمن يهتم ويطمئن ويشعر


كل الدعوات للناس المخلصه اللى فى حياتى


أنتم ثروتى فى هذه الحياه ...........


وحشتنى دينتى ....................









35 التعليقات:

Tamer Moghazy.. 2 فبراير 2016 4:16 م  

ان شاء الله فترة وتعدي وترجعي تاني لدنيتك كما تحبين .

محمد التركى 2 فبراير 2016 11:42 م  

مدينتك الفاضله عشقناها كما هي يافاطمه
تمسكي بيها وبكل مبانيها وكل شوارعها اللي هي اجمل مافيها
واكيد الرياح والاعاصير فتره لايام
والمناخ هيهدأ وتعود الاوضاع كما كانت
بجد جميله فوووي يابطه ربنا يبعد عنك اي شي وحش ويسعد ايامك

Gamal Abu El-ezz 3 فبراير 2016 3:02 ص  

المدينة الفاضلة
مدينة المراهقين التى بحثنا عنها جميعا ولم نجد لها وجود فحاولنا أن نبنيها بعقولنا ,وحسب رؤيتنا فلم ينجح البناء لان البناؤون القدامى فعلوا كما فعلنا وإستسلموا لأفكار سابقيهم .
ويبقى اختلاف طابع البشر هو الوحيد القادر على بناء مجتمع يحمل الكثير من اللبنات الفاسدة والتى قد تكون سببا فى انهيار تلك المدينة التى تعودنا عليها حتى أصبحت فاضلة فى نظرنا .
ومن سخرية القدر الحالكة وطبائع الأمور وأصعب اللحظات مرورا ان يصبح الطبيب هو المريض فلا يجد شفاء فيما وصفه من دواء ولا يجد ما يسكن جراحه ..

نظرتك عميقه للأمور أختى زهراء
أتمنى من الله أن يريح قلبك وبالك وتعودى لأفضل حالاتك
تحياتى

norahaty mo 3 فبراير 2016 3:58 م  

تعودى وتنورى
تانى بإذن الله

Tarkieb 3 فبراير 2016 4:25 م  

عودة حميدة يابط...ويارب يفرجها ع الجميع

زهــــراء 4 فبراير 2016 4:48 م  


Tamer Moghazy
*-**-*-**-*-**-

اتمنى انها تعدى بسرعه
ربنا يسعد قلبك يا تيمو

زهــــراء 4 فبراير 2016 4:51 م  


محمد التركى

*-*--*-*-**-

مدينتى الفاضله استمدت روعتها ممن فيها والرياح والاعاصيره وكل التغييرات بتاخد فترة من حياتنا وتعدى من بعدها بس الخوف انها تاخد حاجات حلوه من جوانا

ربنا يسمع منك دعواتك ولك بالمثل يارب

زهــــراء 4 فبراير 2016 4:55 م  


Gamal Abu El-ezz
*-*-***-*-*-****

لم ابحث عن المدينه الفاضله فى عقول او افكار غيرى ولكننى حاولت ان ابدأ فى بنائها بنفسي واضم فيها البشر الرائعين فى حياتى حتى وان كانت افكارهم مختلفه ولكن يجمعهم السلام الداخلى
اصعب حاجه زى ما قولت يا جمال هو ان يصبح الطبيب هو المريض وخاصة فى الامور النفسيه وكل اللى كان بيقوله يتعاد عليه مره تانيه حتى التجارب اللى كان بيقولها للاخرين عن معارفه واصدقائه تصبح هى بنفس تفاصيلها واحداثها ما يرويه الاخرين ...

دعواتى لك بالسعاده .........

زهــــراء 4 فبراير 2016 5:00 م  


norahaty mo
*-***-*-*-*-*-*

ربنا يكرمك يا دكتورتى ويبارك لك

زهــــراء 4 فبراير 2016 5:01 م  


Tarkieb

*-*-*-*-*-*

يارب يسمع منك يا تيكو ويفرجها وييسرها على الجميع

محمد سلامة 7 فبراير 2016 6:10 م  

لابد وأن يحزن السعيد
ويفرح المكتئب
والأيام دول
ومن استقر به الحال على جانب
فليعلم أنه استدراج أو جنون

قمر وليل وغيوم 8 فبراير 2016 12:09 ص  

زهراء الجميله
انا كمان طان ليا زمان دنيتى اللى كنت حباها اوى بس صعب ارجع تاتى ليها
اتمنى انك ترجعى تانى لدنيتك
وجميل ان يكون فى حياتك ناس مخلصين ربنا مايحرمك منهم يارب
اجمل تحياتى لاجمل زهراء

زهــــراء 9 فبراير 2016 1:32 م  


محمد سلامة
*-**--*-

كلامك صح جدا واتذكر جمله لاحد اصدقائى المقربين قالى فيما معناه ان خط القلب لو اصبح مستقيم هذا يعنى الوفاه وطالما هناك حياه لابد ان يكون خط القلب متأرجح بين فوق وتحت

ربنا يكرمك .........

زهــــراء 9 فبراير 2016 1:38 م  

قمر وليل وغيوم

-***-*-*-

قمر التدوين ........

بصى يا قمر عنوان البوست هو اقتباس من اغنية جديده للمطرب حسين الجاسمى ولانى حابه فعلا ارجع دينتى اللى كنت عايشه فيها يمكن التفاؤل اللى فيها وحشنى عشان كده عاوزه ارجع لها رغم انى متفائله بالحاضر والمستقبل بس برضه وحشنى الماضى

ان شاء الله الجاى علينا وعليكى يكون اجمل
كل الدعوات ين يهبك الله السعاده والحب والخير


Free CursorsMyspace LayoutsMyspace Comments

    © بالحب اتجمعنا. Friends Forever Template by Emporium Digital 2009

Back to TOP