رسالة إلي لمن يهمه الأمر 1.....
>> الأربعاء، 2 مارس 2016
اياك أنك تطلب الاهتمام من أى انسان
اياك انك تضايق او تزعل من اى انسان اساء اليك
اوعى تكون فاكر الخير اللى عملته بيروح
كله عند ربنا ... وما كان ربك نسيا
مهما قدمت للبشر خدمات وجمايل وحاجات حلوه
اوعى تزعل ان الرد كان نكران للجميل
او تزعل لو حد فسر اهتمامك به غلط
او تتضايق ان كلمة شكرا كان بدل منها طعنه فى ظهرك
او تزعل ان اللى عملته اتنسى
مجهودك ... وقتك .... عمرك ...
كله محفوظ لك وهيترد لك فى الوقت المناسب
كل انسان طبعه بيظهر ويبان بعد فتره من الزمن
فيهم اللى هيقولك ظروفى ... احوالى ... دنيتى
الغالى بس هو اللى هيغليك
الصديق عمره ما يفكر يأذيك
الحبيب عمره ما يقدر يعكنن عليك
باقى البشر اوعى تتعب نفسك معاهم
حافظ على علاقتك بكل الناس
وخلى لك اثر فى قلوبهم
اوعى تدى لحد حجم مش بتاعه
عامل كل واحد على قدر عقله
خلى الخير اللى بتعمله يزيد ويزيد
وخلى لهم اثم ما يفكرون به
كلماتى هى رساله لمن يهمه الامر
6 التعليقات:
والله يا بطة الواحد تعب من التعامل مع البشر
مكبقاش فيه اخلاص ولا حب بين الناس وبعضها زى الاول
ساعات بحس ان الناس قلوبها ماتت
وضميرها اندفن من زمان
كلام من ذهب فى عالم من صفيح
المصلحة اصبحت هى المعيار الى النا ببتعامل بيه
وعلى اساسه يحدد مقدار الحب أو الكره
ولو لقينا حب صادق ومشاعر صادقه بنحس بيها بسرعه لانها مبقتش موجوده
الله ينور ...شوية في العضل
الفرسان...
صديقي المحترم...
لازال الخير في الناس بس للأسف النوعيه السيئه بقيت منتشره جدا وعلى كافة المستويات
عن جد في الفتره الاخيره أصبحت افكر في التعامل مع الناس رغم اني على طول تلقائيه بس للاسف الناس بتفسر كل حاجه على مزاجها
ربنا يكرمك يا صديقي وبلاش تغيب عننا تاني
مستر جمال....
الناس بقيت بتتعجب لما تلاقي حد بيتعامل باحترام أو بتعامل حد لوجه الله والكارثة الكبيره بجد لما تعمل مليون حاجه حلوه لحد وفجأه تحصل غلطه بدون قصد هنا بقى تاريخك كله يضيع وكل الخير اللي عملته يتنسي في مقابل موقف واحد
ربنا يوعدنا جميعا بالناس الرائعه
Tarkieb
منك نتعلم يا تيكو.....
إرسال تعليق