اعـــتذار ....
>> الأربعاء، 9 مارس 2016
فى بعض الاحيان ...
قد نخطئ ولا نظن اننا اخطأنا
فى حق أحدهم او فى حق أنفسنا
تسير بنا الحياه وقد ننسى او نتناسى الاخطاء
وفجأه نتذكر الاعتذار ...
كلمة اسف ....
ربما نقولها فى وقتها الصحيح او بعد فوات الاوان
وتتعدد صور الاعتذار وتتنوع ايضا
ربما اخذت شكل كلمة اسف وبس
او تكون فى شكل اقرار واعتراف بالخطأ
او تكون فى شكل دموع اعترافا بالخطأ
ايا كان شكل وطريقة الاعتذار
تعلمت ان انظر فى عيون من أقدم لهم اعتذارى
حتى يسمعوا كلماتى ويشاهدوا نظرات الاسف فى عيونى
ربما اكون قد جرحت قلب او ادمعت عين
ولكن ما اجمل ان اعتذر بعد خطئى
للاعتذار لمسه سحريه على القلوب
اليوم اقدم اعتذارى لنفسى اولا
على تقصيرى فى حقها فى بعض الاحيان
اعتذر لكل احبابى الذين يتحملونى فى لحظات جنونى
اعتذر لكل من اخطأت فى حقه بدون قصد
تعالوا نشوف كل واحد مين زعلان منه
يحاول يعتذر له .... كلمة اسف مش هتكلفنا كتير
لكنها بتساوى كتييييييييييييير عند اللى بيسمعها
يلا كده فكروا كده واعتذروا
ليس هناك متسع من العمر يا اصدقائى
12 التعليقات:
كلمة آسف فعلا
كلمة سحرية
مفعولها
جبار لو
قيلت بصدق
الاعتذار ليس الا لانسان شجاع يستطيع ان يواجه نفسه قبل ان يواجه الاخريين .
أن نعتذر عن الخطأ دليل فوة الشخصية وحسن الخلق
دمتى بخير
دايما لما يتفتح الموضوع ده
أقول
إنى ماشى أوزع الأسف على الناس
وناس كتير بتقولى انى حساس زيادة عن اللزوم
بس مختلف معاكى
إنى مابقدرش أعتذر وجها لوجه لو الخطأ كبير سنة
حيائى ممكن يخلينى أعيط
فبأفضل أعتذر كرسالة أو مكالمة :)
حبيبتى زهراء
اسفه عالتاخير
وشكرا على سؤالك عنى
انا كنت مسافره بعمل عمره
هروح بقه اشوف البوست
قد ايه كلامك اثر فيها يازهراء عن الاعتذار
حقيقى احسنتى
وجميل اننا نعتذر ومش نتكبر على حد ومنعترفش بأخطائنا
طبعا انا اول حد المفروض اعتذرله هو نفسى لانى احيانا بظلمها
بوست جميل اوى اوى ومعاكى حق مفيش متسع من الوقت والعمر قصير فلازم بجد كل اللى غبطنا بحقهم بقصد او غير قصد نعتذرلهم
norahaty mo
*-*-*-****-
صح يا دكتورتى اعرف ناس ممكن تقول اسف حتى لو مش هى اللى غلطانه عشان بس خايفه على العشره
Gamal Abu El-ezz
*-***-*******
مش اى حد يقدر يعتذر لازم يكون انسان عنده شجاعه ويعرف يواجه بس قبل كل ده يكون عارف انه غلطان ويكون بعيتذر بكل حواسه مش مجرد كلمه على طرف اللسان
محمد سلامه
*-**-*-*-
مش مهم انك تمشى توزع اسف على الناس انت فى الاول وفى الاخر بتعامل ربنا وبس اوعى تفكر الناس ممكن تبص لك ازاى او حد يقول وفين كرامته او اى كلام وهرى من النوعيه دى
بص يا محمد لما يجى لى شعور مجرد شعور صغنن كده انى غلطت باحاول انى اعتذر وابص فى عيون اللى غلطت فى حقه عشان يوم لما اقابل ربنا اقابله وانا مافيش فى قلبى زعل من اى حد
ربنا يكرمك
قمر وليل وغيوم
*-****-
ربنا يتقبل ويارب نكون صحبه عما قريب ان شاء الله
قمر وليل وغيوم
*--********-
ربنا يعلم ان كل حرف كتبته عن اقتناع تام وكمان كل حرف فيه باعلمه وانفذه عشان مقتنعه ان ممكن فى اى لحظه اكون تحت الارض مش فوقها وقتها هاقابل ربنا ازاى وعلى كتفى ذنوب بسبب فلان زعلان بسبب كلمه او دى زعلانه بسس حركه ربنا يحسن ختامنا جميعا
الكلمة فعلا سحرية
برغم ان هناك درجة من العلاقات لا تحتاجها
تحياتي
حاول تفتكرنى
*-**--*-*
بعض العلاقات لا تحتاج الى اعتذرات لان اطرافها فاهمين بعض وواثقين فى بعض
كل التحيه والتقدير
إرسال تعليق