بره نفسي ....
>> الثلاثاء، 10 مايو 2016
من كام يوم بافكر لو خرجت من نفسي وأتفرج على الناس
يا ترى مين بيحبنى بجد ومين بيمثل
يا ترى مين بيضحك فى وشى ومن ورايا بيغشنى
اتفرج بهدوء ......
يا ترى مين صادق وبيتعامل من قلبه
اشوف افراحى واللى فرح معايا
واللى اتمنى لى الشر وزعل لسعادتى
هاتفرج شوية على ناس كانت بسمتهم غش
وضحكتهم فى وشى كلها شر
هارجع لورا شويه واتعلم ازاى اعرف أرد عليهم
هاشوف حبايبى اللى الاهمال خلينا بعيد
هارجع اقرب منهم وادعى لهم
هاعمل حاجات كتييييييييييير
موضوع خيالى جدا ياترى لو قدرت تخرج بره نفسك هتعمل ايه
18 التعليقات:
والله يازهراء دايما بتمنى كده انى اكون مثلا جنيه اقدر اختفى واطير لاى مكان احب اروحه واراقب ناس معينه كده اشوف احوالهم عامله ازاى اشوف هل كانوا صادقين معايا ولا كانوا ضاحكين عليا
واقدر اشوف ناس مش عاوزاهم يشوفونى
واتابعهم بقه واعرف اللى انتى اتكلمتى عنه فى البوست ياترى هما بيقولوا عنى ايه وياترى كدابين ولا منافقين ولا بيحبونى او بيكرهونى
بوست جميل يازهراء ياريت الخيال يتحقق
يعني يوم ما أخرج بره نفسي، أخرج علشان أتفرج ع الناس يا أستاذتنا؟؟ .. وأشغل نفسي بمين قال ومين عاد؟؟ ومين بيحبني ومين بيكرهني؟؟ ما كل واحد حر وربنا هو اللي هيحاسب.
وبعدين لو عكسنا الآية،، أعتقد أن ما حدش فينا هيحب أن حد يطلع على مكنوناته،، لأن في النهاية احنا بشر.
:)
أن الواحد يخرج بره نفسه ده في حد ذاته ......... مممممم بصراحة مش عارف حالياً .. مش لاقي تعبير دقيق .. لأني محتاج أحرر خيالي مني الأول .. أخليه جامح .. جريء .. مش متقيد بيا .. ما بيعملش حساب لحد ولا حتى أنا .. لو نجحت أني أعمل ده أعتقد أني ساعتها هاكون خدت أول خطوة في الخروج بره نفسي.
:)
جميل إننا نتخيل إننا خرجناعن نفسنا وبنشوف الواقع
بس لو خرجت عن نفسى مش هضيعها فى العوالم الأرضية تانى
هيبقى الخروج للحرية
ماحبش أعمل كدة
عشان لو شفت الناس بجد
مش حأطيقهم أكتر ما أنا :)
أنا ممكن أشوف عيوبي بس وأحاول أصلحها
ساعات بحس ان مش لازم اخرج بره نفسي اكتر من اني اخرج برة المكان الهادي اللي في عقلي و اصنف الناس على حقيقتهم فعلاً ممكن يكون الخروج من النفس مجرد بعض التفكير ابزائد و هتوصلي لغايتك
تصدقي لمستي حاجة جوايا
نفسي فعلا اعرف ده ويمكن من ناس معينه
يالا ربنا اللي عالم باللي في القلوب
كل سنه وانتِ طيبه .. رمضان كريم :)
اوعى تشغلى نفسك
نصيحة ... سيبى الدنيا زى ما هية ماشية ... مش ممكن تقدرى تستحملى انك تعرفى ان حد بيكرهك أو حد بينافقك ... لما تعرفى من التصرفات اهون بكتير
كونى متسامحة دايما .. واللى يزعلك ارميه ورا ضهرك
حتى لو انتى عارفة ان الابتسامة اللى بيبتسموها فى وشك نفاق او رياء .. ابتسمى انتى من قلبك
اعملى اللى عليكِ وسيبى كل واحد يعمل اللى هو عاوزه
كل سنة وانتِ طيبة وبخير يارب
وكل الأصدقاء
زهورتى الجميله
كل سنه وانتى طيبه
رمضان اخدك مننا ولا ايه
وحشتينى جدااا
قمر وليل وغيوم
قمر التدوين وحشاني....
احيانا بيكون الجهل حلو برضه وشوية تركيز هنعرف مين اللي بيعاملنا كويس ومين اللي من بره حاجه ومن جوه حاجه تانيه بس اقولك على حاجه هناك فئه من البشر عندها مقدره على التمثيل بشكل غير طبيعي ربنا يبعد عننا هؤلاء البشر
Pasha
شريف باشا...
الفكره جت في دماغي يا سلام لو عرفت الناس جوه قلوبها ايه ومشاعرهم ايه تجاهي يمكن لاني اتخدعت في مجموعة من البشر ورغم أن الجميع بيقول عني اني اجتماعيه بشكل مبالغ فيه بس برضه باتخدع عشان كده اتمنيت لو كنت اعرف قلوب بعضهم
نورت وشرفت وعجبني كلامك جدا جدا
جمال....
حلو اوي التحرر اللي تتمنى تعمله
ربنا يحقق أحلامك
محمد سلامه...
مش يمكن لو شوفت قلوب الناس تكتشف حاجات رائعه فيها وتغير وجهة نظرك
نورت....
هبه....
حروفك رائعه وحسيت فيها باكتر من معنى
شرفتي عالم بالحب اتجمعنا واتمنى تكرار الزيارات
مروه فهمي
كل عام وانتي بخير وسعاده
ربنا يصلح حال الجميع ويبعد عنا القلوب القاسيه
سعيد....
يا هلا والله فينك
على فكرة انا اكتر حد بيكبر دماغه بس لاني اتخدعت في بعض القلوب كنت فاكره انها مليانه حب 'خير بس للاسف اخدت مقلب محترم
بلاش تغيب عننا
قمر وليل وغيوم
كل لحظه وانتي بخير وسعاده ويارب يجعل الجاي أجمل عليكي وعلى أسرتك كلها وربنا يحفظ لكي أحبابك
فعلا وقت رمضان كان ضيق أوي وان شاء الله نقدر نرجع تاني عن قريب
محتاجة طاقية الاخفا ولو لاقيتها ابقى اديهاني لفة
كل سنة وانت طيبة وعيد سعيد
تركيب
الموضوع محتاج قبعات الاخفاء مش مرجد طاقيه واحده وهيكون الوكيل الحصرى لها المدونه هنا ههههههه
وانت بخير وسعاده
إرسال تعليق