دوائر العلاقات ...

>> الثلاثاء، 26 يوليو، 2016


الدائرة الاولى 

هى اقرب العلاقات الى القلب والعقل تضم الاصدقاء الاوفياء 


وبعض افراد العائله يشعر كل منكم بالاخر بدون كلام 

لا تخجل منهم وتتحدث معهم بتلقائيه تعلموا عن بعض ادق 

التفاصيل هى علاقه متماسكة ولا تهتز لأى حادث عابر لا نطلق 

عليها علاقة حب او صداقه ولكن هى راحة نفسيه الجميع 

يتعامل فيها مع الاخر على انه انسان ولا يجد تصنيف ذكر او 


انثى .


الدائرة الثانية 

 حينما تتلاقى الوجوه لا ينتهى الحديث فى كل الامور 

معظم افرادها كانوافى الدائرة الاولى ولكن ظروف الحياه قد 

تجبرهم على التراجع 


الدائرة الثالثة

 بها العديد من المعارف وهى  اكثر الدوائر عددا قد تصحب 

أحدهم فى دعواتك لانك تشعر به ولا تخبره فى هذه الدائرة كل 

واحد بيحكى للاخر عما يريد ان يخبره به قد يكون احد اطرافها 

كتاب مفتوح امام الاخر كل حسب قدرته قد يقفذ احدهم الى 

الدائرة الاولى .



الدائرة الرابعه


تضم معظم افراد العائله والكثير من المعارف علاقه روتينيه 

رسمية تعتمد على المجاملات التى لا تحمل اية مشاعر احاديثها 

ممله وعادة تكون فى السياسه واحوال البلاد قد تلاحظ ان معظم 

افرادها لديهم فضول لمعرفة كل شئ يخصك وفى المقابل لا 

يتحدثون عن أنفسهم اطلاقا هى علاقه متعبه .


الدائرة الخامسة 


تضم الزملاء والجيران والاقارب الذين لا تتبادل معاهم سوى 

الواجبات الاجتماعيه ولا يجمع بينكم اى حديث يستمر اكثر من

 ثلاث دقائق .

اخيرا وليس اخرا هناك علاقه لا يوجد لها تصنيف فى دوائر 

علاقاتى انسان دخل الى حياتك فجاه تقترب منه ويقترب منك 

يصبح كل منكم كتاب مفتوح امام الاخر ولا يستغرق الامر وقتا 

طويلا وتجد ان احد اطراف العلاقه قرر الانسحاب فجأة وبدون 

اية مقدمات هى علاقه مرهقه جدا ولابد ان تعلم ان هذه العلاقه 

تدخلت فيها المشاعر بشكل او بآخر.


هذه هى دوائر علاقاتى ماذا عنكم ... يلا نرغى 

25 التعليقات:

P A S H A 26 يوليو، 2016 9:25 م  

هما دايرتين: دايرة كبيرة قوي أكبر من الكون ده كله فيها الكام نفر اللي باحبهم بالاسم والعدد .. ودايرة تانية صغيرة قوي (قد رقم خمسة كده) فيها الآخرون.
الدايرة الكونية الكبيرة رغم براحها الشاسع، إلا أني ما بافتقدش فيها اللي باحبهم ولا عمرنا بنتوه فيها عن بعض، بالعكس باحسهم دايماً جنبي وسندي. باشوف البراح ده زي .. مممم .. عارفة كده لما تلاقي أب بيهشك ابنه الصغير وبيرفعه لفوق بإيديه الاتنين؟؟ أهي المسافة الزمنية المكانية بالإحساس المفرح اللي بيكون متزامن معاهم هو اللي أنا أقصده بالظبط.

الدايرة الصغيرة قوي اللي قد رقم خمسة .. فيها الآخرون،، الكتير جداً جداً جداً جداً .. كلنا فيها بنفعص بعض.

Gamal Abu El-ezz 27 يوليو، 2016 1:55 ص  

علاقاتى الاجتماعيه متقسمه لدواير متداخله وبتضم اربع دوائر فقط
الدائرة الاولى مفيهاش غير الناس الى بينا قاسم مشترك يعنى ممكن نسميهم مجازا الصور الأخرى لأجزاء من شخصيتى
الدائرة الثانيه أشخاص احبهم كثيرا لاى سبب ولكنهم مقربون لى
الدائرة الثالثه اشخاص احبهم لانى ما زلت لم اتعامل معهم
الدائرة الرابعه اشخاص لا احب طباعهم او اسلوبهم فى الحياة

Tarkieb 28 يوليو، 2016 8:01 ص  

دايرتي بها زملاء العمل...دول اكتر ناس بشوفهم الان

زهــــراء 29 يوليو، 2016 10:03 م  

شريف

وصفك للدوائر اكتر من رائع وعندك حق الدائره البراح بنعرف نكون قريبين فيها من بعض مش شرط قرب مادي إنما قرب معنوي...

الدايره الصغننه بنكون مش عارفين ناخد نفسنا فيها تحس انها خاليه من الأوكسجين

ربنا يحفظ لك الدايره البراح بكل ما فيها

شرفتني يا عبقري

زهــــراء 29 يوليو، 2016 10:07 م  

جمال

تقسيم الدواير رائع ومختصر وحتى الدايره الرابعه وصفك لها رائع
ربنا يجعل الدواير القريبه منك تسعدك وتسعد قلبك

زهــــراء 29 يوليو، 2016 10:09 م  

تركيب...

الدواير مش لازم نشوف اللي فيها كل يوم ممكن اللقا يكون معنوي مش مادي
نصيحة حاول تكبر الدواير شويه

نورت يا تيكو

قمر وليل وغيوم 30 يوليو، 2016 3:21 م  

ايه ده
ايه عنوان البوست الجامد ده
انا كنت داخله اكتبلك رساله بس لقيت عنوان بوست عايز قعده رايقه وكوبايه شاى هههههه
بحب موضوعاتك دايما يازهراء
بصى ياسيتى الرساله اللى كنت جايه اقولهالك بخصوص الفيس..
والله مش عارفه اقولك ايه بس بصراحه فى ظروف جعلتنى اقاطع كل مواقع التواصل .
وانا والله سعيده بتواصلى معاكم هنا وبمعرفتكم وبمدونتى مع ان عدد المدونين قليل بس ده يكفينى والله ان كلكم مميزين عندى
انا بجد بعتذر بصراحه مكنتش عارفه اقولك ايه بس بجد ظروف خارجه عنى
هروح بقه اقرأ البوست
وياريت تعتذرى لابتسام بالنيابه عنى

زهــــراء 30 يوليو، 2016 3:26 م  

قمر وليل وغيوم
يا قمر التدوين مافيش اي اعتذار احنا كلنا اخوات الغرض بس اننا نشوفك على الفيس هو الإيقاع السريع هناك وأحيانا بننشر حاجات لا تصلح للمدونة

انتي تنوري اي مكان التدوين أو الفيس او اي مكان

يلا في انتظار الدوائر بس ارغي بقى براحتك...

قمر وليل وغيوم 30 يوليو، 2016 3:36 م  

البوست هايل جدا جدا جدااا
ودوائر العلاقات بقه دة تعتبر اساس من اساسيات حياتنا
انا عندى الدائره التالته اللى انتى اتكلمتى عنها دى بس هى عندى تانى دائره وفعلا فى افراد منها ممكن يقفزوا للدائره الأولى وممكن يبقوا اقرب ليا من اخواتى اللى من دمى
اول دائره عندى فيها الاهل بس اللى هما مقربين من قلبى وبعشقهم ومنهم اللى توفاهم الله
الدايره التانيه اللى فيها ناس قريبين منى بشكل شخصى وممكن حد منهم يقفز لاول دايره وودول ناس انا بثق فيهم جدا وقريبين منى اوى ويستحيل اعيش من غيرهم
الدايره التالته بقه دى بتكون الناس اللى بتكون زى ماقولتى المعارف والحيران والاصحاب اللى بتحمعنى بيهم علاقات سطحيه
الدايره الرابعه دى بتضم بقه بعيد عنك كل حد اساء ليا ودول بقه فى اللسته السودا ههههههه انا بس بكتفى انى اكون بعيده عنهم واتقى شرهم ولو حد منهم ظلمنى بكتفى بالدعاء عليه بس بجد بفضل الله دعوتى بتستجاب لدرجه انى بقيت بخاف ادعى على حد
بس تعرفى يازهراء قبل كل الدواير دى فى دايره كده بعيش فيها مع نفسى مع افكارى وخيالى وكتاباتى وذكرياتى واحزانى وافرحاى
اكيد برضه انتى عندك الدايره دى
بس الدايره دى محدش بيشاركنةطى فيها ولا حد دخلها
انا بس اللى جواها وده الافضل طبعا
انما اخر علاقه انتى اتكلمتى عنها دى من اصعب العلاقات بوجهه نظرى دى فيها موت للحياه
بس اكيد اللى بينسحب فجأه وبالشكل ده اكيد ليه اسبابه
انا احييكى بشده عالبوست الرائع ده
فكرته رائعه

قمر وليل وغيوم 30 يوليو، 2016 3:37 م  

حبيبتى يازهراء انتى بجد عسل
بس بقولك ايه مش عايزه الفيس يشغلك عن المدونه
ههههههه
يارب دايما تفضلى منورانا هنا فى اجمل عالم
عالم التدوين

Ebtesam Hoseen 2 أغسطس، 2016 7:22 م  

الدواير فعلا بتختلف من شخص لاخر حسب حسه الانسانى وارتباطه بالاخرين من حوله
بالنسبالى دايرة اولى ولادى واخواتى ووالدتى دول اهم الاولويات والارتباط وياهم بيكون متفرد اكيد
الدايرة الثانيه بتكون الاصدقاء المقربين ودول بعتبرهم صفوة القلب المقرب واعتبر نفسى ويا اخوانى فى التدوين هكذا شعور جميل فعلا وتقرب روحى اكثر منه شخصى اخوات واصدقاء لم اتشرف بمعرفتهم وجه لوجه ولكنى اكن للجميع الحب والاحترام
الدايرة الاخير دايرة الارتباط النفسى والروحى بمن تحب اكيد ودا بيكون من نصيب شخص واحد وفقط اين كان البعد والتعامل بتفضلى تكنى له المشاعر الصادقه وبيكون جميل موضوع الناغشات والحوارات مع اللى فى الدايره دى هههههه
اظن رغيت كتير اوى اهو .... مساء الحب يااجمل زهراء

زهــــراء 16 أغسطس، 2016 11:53 ص  

قمر وليل وغيوم

تمتعت بقراءة التعليق للمره التالته أو الرابعه وقعدت اتخيل شكل الدايره اللي فيها الذكريات والإحلام وحاجات كتيره جدا محتاجه مكانه خاصه بعيد عن الدوائر دي كلها
بالنسبه لآخر علاقه هي بالفعل علاقه صعبه جدا ولو احد الأطراف كان ضعيف ممكن ينهار نفسيا وجسديا في ناس وهي بتنسحب مش بيكون عندها حتى المقدره انها تقول سبب الانسحاب البعض ينسحب هروب والآخر خوف وكل واحد وله ظروفه ولعلمك الطرفين بيكونوا في حالة تعب نفسي مش واحد بس
باعشق الرغي بصفه عامه والرغي بتاعك انتي بصفه خاصه ربنا يجعل كل اللي حواليك في الحياه خير وسعاده وحب

زهــــراء 16 أغسطس، 2016 11:55 ص  

قمر وليل وغيوم

ولا أقدر انشغل عن المدونه ابدا بس الفتره اللي فاتت انشغلت عن كل حاجه كنت بغير الكاريير بتاعي .... دعواتك وفي انتظار بوست جديد منك

زهــــراء 16 أغسطس، 2016 11:57 ص  

الشاعره المميزه سومه...


صباح الرومانسيه

حروفك بسيطه وهاديه زيك بالضبط ربنا يحبب خلقه فيكي ومبسوطة جدا بكلامك

مستشار اسري 17 سبتمبر، 2016 6:03 م  

موضوع رائع فعلا
بارك الله فيكم


Free CursorsMyspace LayoutsMyspace Comments

    © بالحب اتجمعنا. Friends Forever Template by Emporium Digital 2009

Back to TOP