زهراء ستايل 1
>> السبت، 27 أغسطس 2016
فى شهر ابريل من هذا العام قررت انى اعمل هاشتاج لنفسي
بصراحه مش فاكره السبب ايه
النهارده بالصدفه قولت اجمع الكلام بتاعى
قررت انقل لكم بعضه
وطبعا لان فى ناس مالهاش فى الفيس وحتى لو لها
الهاشتاج مخصص لبعض الاصدقاء
كلام الناس ... نظراتهم
اشاعتهم ...همساتهم
كل ما فعلوه ويفعلوه
لن يضرنا فى شئ
جميع الناس مقصرين ...محاسبين
لا تهتم بهم ولا تلتفت لهم
رب الناس يكفينا شر الناس
**********
الحب اقتراب وجدان
وليس اقتحام كيان
*********
لو حسيت إنك مظلوم
وكل الناس والدنيا جايه عليك
فكر مع نفسك شويه
يجوز انت ظالم وده عقاب ربنا ليك
***********
فى كل مناسبه يتحدثون عن قطار الزواج
الذى يجرى ولا انتظره ولا ينتظرنى ..
العيب ليس فى القطار ولكنه فى حقائبي
الممتلئه بأحلامى ... أمنياتى
صموحى .. ضحكاتى .. خيالاتى
هى أثقل من أن يتحملها أى قطار عادى
هناك قطار خاص جدا سوف يتوقف فى محطتى ذات يوم
أو ربما طائرة من نوع خاص جدا .. من يدرى
هذه بعض من كلماتى البسيطه وان شاء الله هناك المزيد
17 التعليقات:
صباح الورد زهراء :)
كل منا يرى فى نفسه مالا يراه غيره ويظن غيره أنه يرى هذا الشخص دون خطأ وكل منا يحكم على غيره ولا يحكم على نفسه وهناك من يحاكم نفسه لأنه يريد اصلاحها .
معظم ما كتبتيه يرقى لمستوى النصيحة والحكمة وتقدير الذات
دمتى بخير وربنا ميحرمنا كلماتك الجميلة
كلام جميل
الحب هو اقتراب كيان و اقتحام وجدان و اهتمام بقلب ليكون داخل قلبك
---
عليك ان تعيد التفكير دائما في كل الامور و تسأل الله البصيرة
حقائق الاحلام ستفتح يوماً عليك أن تكون جديرا بها
بتضحكي علينا يا أستاذة وجايبة لنا بوست قديم من أربع شهور؟؟ ينفع كده؟؟
* استفسار بعد إذن حضرتك: باسمع كلمة هاشتاج دي كتير بس ما أعرفش معناها،، يا ريت توضحي للجهلاء أمثالي المقصود بهذا المصطلح،
يمكن يعجبني وأهشتجني أنا كمان :))
- حلو تشبيه القطر والشنط رغم اختلافي معه
- الفقرة التانية "الكيان والوجدان" وبغض النظر عن الوقع الموسيقي الجميل للجملة،، إلا أن لي فيها رأي خاص، اسمحي لي أأجله وقت تاني
:))
ربنا يحقق لك كل أحلامك
Gamal Abu El-ezz
صباح السعاده عليك جمال بيه
حروفى بسيطه وطبعا لا ترتقى لمستوى النصيحه باشكرك على كلامك الراقى وحاجه مش جديده عليك طبعا
مـحمد سلامة
شرفت ونورت
hasona
تعريف الحب يختلف من كل انسان عن الاخر ويختلف ايضا تعريفه بين الرجل والمراه
نسأل الله السلامه
نورت المدونه
P A S H A
شريف باشا
البوست مش من اربع شهور بايدة الهاشتاج كانت فى ابريل لكننى لازلت اكتب فيه كل كام يوم حاجه جديده ...
الهاشتاج بقى زى ما بيقولوا علامة # وهى منتشره على تويتر وفيس بوك الهدف منها انك عندك عنوان كبير او خلينا نقول هاشتاج ده هو العنوان اللى كل فتره تكتب تحته حاجه فى نفس الموضوع ونظرا لانى متجدده ( بلاش تضحك فى سرك كده اضحك بصوت عالى ) اخترعت ان الهاشتاج يبقى خاص بيا اكتب فيه ما يحلو لى والهاشتاج انت تعمل علامة الشباك دى # وتكتب بعدها اللى انت عاوزه من غير ما تدوس مسافه يعنى ممكن تحط شرطه او اندر سكور وبالمناسبه الهتاشتاج بتاعى #زهراء_ستايل يفضل انه يكون كلماته قليله ومعبره ويا ترى فى تعبير اكتر من اسلوب زهراء هههههههههههههه
كنت عاوزه اعرف الاختلاف فى موضوع القطار والشنط يهمنى اسمع كل الاراء
وفى انتظارك تانى عشان اعرف رايك فى الكيان والوجدان
عن جد منور المكان بحروفك الراقيه الرائعه
-شكراً جزيلاً للتوضيح،، اللي فهمته من حضرتك أن الهاشتاج ده عنوان للـ quotes أو الاقتباسات، مش عارف فهمت صح ولا غلط؟ باكرر شكري لحضرتك على تعبك في التوضيح.
-بخصوص "القطر والحقائب" .. باعتذر لأني ما لاحظتش كلمة "العيب" الواردة في أول السطر الثالث؛ واللي وفرت كل الرغي اللي كنت هاقوله.
- "الحب اقتراب وجدان وليس اقتحام كيان" .. رأيي الشخصي، أنها عبارة غير دقيقة .. الحب - من وجهة نظري – حاجات كتيرة قوي متلخفنة في بعض .. كر وفر، جد ولعب، فرح وحزن، نوم وأرق، ضحك وبكاء، ووو....... "خناقة مشاعر" كبيرة قوي قوي بين حاجات كلها عكس بعض بتحصل في وقت واحد .. ممكن تبقى الخناقة لذيذة زي مثلاً لما تكوني بتلعبي وبتهزري مع أطفال صغيرين وممكن تبقى الخناقة حرب وممكن وممكن وممكن .. في كل الأحوال شايف أن الاقتحام لازم علشان الحب يستوي وينضج ويتأكد .. ولو حضرتك تقصدي بالكيان هنا الخصوصية،، فأعتقد برضه أن الاقتحام (مش الانتهاك) مهم للطرفين بشرط قبولهم ورضاهم واتفاقهم على الأسلوب / الطريقة اللي يتم بيها الاقتحام الناعم ده، اللي بيسموه بالبلدي كده السرسبة،، أن طرف يلاقي الطرف التاني اتسرسب (فجأة) لروحه وكيانه من غير ما يحس.
باعتذر جداً عن الإطالة (عادتي ولا هاشتريها؟)
:)
خالص تحياتي وتقديري
كلنا هاشتاجنا لكلامك الحلو
لا لا لا
الكلام ده والله خساره فى الفيس عوك
الكلام ده تستحقه المدونه والله
وكل فقره فى بوست منفرد كمان
جميله كلماتك يا زهراء
واقعيه
وفيها ردود قويه على واقع حقيقى
تحياتى لاجمل زهراء
بس كلمينى اكتر عن الهاشتاج ده انا مش فاهماه
معلش بقه اختك عندها محو اميه فيس
شريف باشا....
انا مش فاهمه موضوع الاقتباسات بصراحة يعني... بص يا سيدي هدفي من موضوع الهاشتاج ده أن كلامي يكون متجمع في مكان واحد وكل لما احد اكتب حاجه جديد اكتبها تحت العنوان ده عشان الموضوع يبقى سهل اي حد يدوس على #زهراء_ستايل يتفتح له كل اللي كتبته من وقت ما اخترعته لغاية آخر لحظه... فاهمني كده ولا اييييه
معلش أنك مش ملاحظ كلمة العيب خطي صغننن ههههههههههه
بصي بقى انت لا رغيت ولا اي حاجه انت مش بتاخد بالك تعليقاتي عندك
بمناسبه الكلام عن الحب اللي اقتحام كيان هناك علاقات يفضل الرجل فيها أن يلغي كيان انثاه وتبقى مجرد تابع وهدفه وغايته انه بيحبها وأنهم كيان واحد عن جد تمتعت بحروفك الرائعه ولازم تدخل تقولي رايك تاني منور المكان بس ابقي هات معاك كيلو مانجو بالمره بدل الموز ههههههههههه
تركيب....
دي مجرد حروف بسيطه تستمد روعتها من عيونكم...
قمر وليل وغيوم
فينك يا بنتي كل ده غياب..... حروفي بسيطه جدا جدا ولا أجد فيها أي حاجه حلوه غير أن عيون افصل الناس تقراها...
بالمناسبه بقى عندي هاشتاج تاني اسمه #رسائل_إلي_ابن_الحلال تقدري تدخلي على جوجل واعملي بحث عن الهاشتاج ده هيفتح معاكي من غير اي اكونت على الفيس
حاولت في هاشتاج #زهراء_ستايل اني اجمع معظم بوستاتي عشان اللي يحب يقرأ يشوفها كلها على بعضها.. قال يعني كلامي مهم ههههههههههه
عن جد كلامكم الرائع شجعني اعمل لكم جزء تاني وتالت من البوست
منوره يا قمر
كل سنة وانت طيبة عيد مبارك
تركيب...
وانت بخير وصحة وسعاده....
رائع جدا
يسلمووووووو
إرسال تعليق