من غير عنوان ....

>> الجمعة، 16 سبتمبر، 2016


فى أى لعبه بنقابل الوحش أو التنين فى  اخر مراحل اللعبه


بعد ما تكون قابلت كائنات لطيفه ظريفه خفيفه 


تخيل بقى لو قابلت هذا التنين فى اول مرحله


اعتقد الوضع هيتغير تماما ..


ده فى الألعاب وضحك وهزار وكده 


تخيل بقى فى حياتك ..........


انك تقابل هذا التنين فى اول تجربه فى حياتك



او ربما تقابل الوحش فى اول خطوه لك 



لازم تشكر هذا الكائن ايا كان المسمى بتاعه 


لان اللى هتشوفه بعد كده شخصيات عاديه بسيطه


شخصيات فى الحياه تتعايش ومتعايشه 


مهما قابلت بعد كده خلاااااااص انت قابلت الكبييير بتاعهم


مشكور ايها التنين او الوحش 

20 التعليقات:

Tarkieb 19 سبتمبر، 2016 6:15 م  

ده الواحد ساعات بيقابل عش تنين مليان ويفتكر ده اوسخ تناين وخلاص بقي ..يطلع اللي اتنن منه وراه بفتره...التنين بيجري وري اللي اتن منه

Gamal Abu El-ezz 20 سبتمبر، 2016 2:49 ص  

مقابلة الشدائد فى البدايه بتهون الى بعدها
زى الى بيتعب علشان يحقق هدف فى حياته لما بينجح فى تحقيقه بيحس إنه وصل وبيكون التعب بتاعه بفرحه ولو محققوش وزعل بيخفف من زعله إنه حاول واجتهد المهم غنه يقابل التنين الأول ويواجهه وممكن الباقى يبقى مجرد لعبه
تحياتى أختى زهراء

زهــــراء 20 سبتمبر، 2016 12:02 م  

تركيب...

ضحكتني جدا بسبب الكومنت بتاعك طبعا لأسباب كتير أهمها ألفاظك الفظيعة هههههههه ويمكن لاني بعد ما كتبت البوست وكنت متخيله اني قابله أكبر التنانين اكتشفت انه لازال أنواع أقذر وأكبر....
يمكن لما الفتره بتطول الواحد بيقول خلاص مافيش وحوش أو تنين تانى لكن على رايك في اللي اتنين منه هههههه

زهــــراء 20 سبتمبر، 2016 12:05 م  

جمال....

لو الموضوع شدائد وصعاب ماشي لكن الموضوع أشخاص أو تنانين على هيئه بشر أو حشرات و كائنات عاملين نفسهم بشر ربنا يكفينا الشر

كنت متخيله لو قابلت الناس السيئه في البدايه اللي بعد كده هيكونوا أفضل لكن واضح ان في سلاله جديده نازله السوق



نورت المدونه...

P A S H A 22 سبتمبر، 2016 2:20 م  

أنتي أكيد قابلتي زوزونان (الوحش بتاع ياسين) وده وحش خطير بيعوم في البانيو وبيمشي ع الحيط وبيستخبى ورا الستاير وتحت السرير وفي الجزم .. زوزونان حضرتك هو المسئول الأول عن ضياع اللعب والألوان والصلصال والهدوم وهو اللي بيرمي سندوتشات الحضانة في الزبالة .. وحش ابن جنية يعني .. ما عندكيش وحش لطيف شوية للبدل؟؟

Ebtesam Hoseen 25 سبتمبر، 2016 8:59 م  

مقابله الشدائد بتعود على سرعة تخطيها باقل خسائر
جميل الكلام يازهراء احسنتى التعبير
مساء الفل ياقمره

زهــــراء 6 أكتوبر، 2016 2:18 م  

شريف باشا ....

عجبنى جدا جدا اسم الوحش ولعلمك بقى هاعمل حكاية للاطفال عنه ويبقى انت ليك الفضل فى الاسم الجميل ده
الوحش اللى قابلته ياريته ياخد اللعب او يضيعها او حتى ياكل السندويتشات ده بيلعب فى المستقبل وممكن يدمره او يوفقك فى الحياه لفتره من الوقت وتتخيل بقى لما تقابله انك خلاص مهما قابلت الموضوع انتهى وكده اللى ممكن تقابله بعد كده حاجات لطيفه ظريفهبس الكارثه بقى لما تقابل وحش من نوع تانى ههههههههههههه تكتشف وقتها ان الوحوش متنوعه ومتطوره

لازم اشكر ياسين على اسم الوحش ده بس خد بالك بقى ان الوحش ده لو فضل يضيغ الاكل بتاع ياسين وياخد اللعب كده هو هيبقى كبير وياسين ربنا يحفظه هيفضل انن صغنن

منور يا شريف وربنا يحفظ لك ياسين وادم يارب

زهــــراء 6 أكتوبر، 2016 2:22 م  

سومه ... ملكة الرومانسيه

صباحك بيضحك

احيانا نتخيل اننا تقابلنا مع الشدائد وفى حقيقة الامر هناك كل فتره شدائد من انواع مختلفه

منوره المكان وربنا ما يحرمنى منك


Free CursorsMyspace LayoutsMyspace Comments

    © بالحب اتجمعنا. Friends Forever Template by Emporium Digital 2009

Back to TOP