رجـــــال أقــوال

لسه باحبها ... وفاكر كل حاجه حلوه معاها عشتها

 ولا ينفع افكر غير فيها 

 عارف انها فارقت الحياه بس لسه حاسس انها معايا 

 عايشه فى قلبى وجوه كيانى ...

 كل لما اتفرج على صورنا ابتسم والدموع بتغسل وشى 

 عارف ان المشاعر دى نسائيه...

 لكن اللى جوه فى قلبى مشاعر انسانيه

 لاغلى انسانه شافتها عنيا ...

 احن واحده فى الدنيا كانت عليا

 عمرى ما هاقدر انساها ♥

/********************

 فجأه ومش عارف ازاى لاقيت نفسى باحبها ...

 حكيت لها عن كل حاجه ...

 احلامى ... طفولتى ... عيلتى ...

 حسيت انى شبه شوال الدقيق المدلوق ...

 كل حاجه قولتها ماعدا ... انى خاطب ..

 ولما عرفت لاقيتها بتعاملنى بنفس الاهتمام

 والحب والمشاعر الصادقه ...

 لأننى انانى او هى بتقول على الرجل الشرقى انانى ..

 كنت فرحان انها فى حياتى ..

 باتعلم منها.. بتكملنى فى كل حاجه ..

وبتسمع كلامى فى كل حاجه رغم شخصيتها القويه ...

 اتغيرت فى حاجات كتير عشان خاطرها ...

 كان لازم اتمم زيجتى ..

 قررت انى انسحب وابقى ندل ... 

 كان لازم اكون بعيد ومن غير مقدمات او كلام ...

 عشان هى تقدر تواصل حياتها من غيرى ...

 انسحبت ...

***********

من اول مره شوفتها فتحت لى قلبها ...

 رغم انى كنت مستغرب منها ومن كلامها ورد فعلها

  لكن جوايا حاجه كانت بتحب تسمع منها ...

لا عرفت اقفل باب قلبها اللى اتفتح

 ولا عرفت ادخل جوه منه واستقر فيه ...

 ويمر الوقت ومشاعرى واقفه محلك سر ...

 لا عارف اتقدم واقرب منها ولا عارف ابعد عنها ...

*****************

باحبها ...

 بس خايف اقرب منها واقولها ... 

صديقتى الرائعه ... اجمل انسانه القدر وهبها لى

 حاسس انها برضه بتحبنى ...

 كل كلمه بتقولها بتحمل معانى كتيييييييير ....

 اهتمامها بيا ...

 سؤالها عن اسرتى او عليا 

خايف وقلقان اخد اول خطوه وارجع منها ندمان ...

 حاسس انها فاهمه ... بس.....

 مش عارف ألمح ليها او اصرح ليها ...

 لو رفضتنى صعب الاقى زيها واحده تانيه ...

 خايف افقدها كصديقه فى حياتى ...

 خلينا كده بنتفرج على بعض ...

 مش يمكن يجى يوم وهى اللى تصرح ليا ....

 يمكن ....

بعض من اقوال الرجال 

ربما سمعت من بعضهم والباقى اعرفهم وعاشرتهم

انتظروا الجزء التانى عما قريب

نقلت لكم الاقوال : زهـــــراء

Read more...

حـــكايات بنات "2 "

الصور من اختيار زهــــــراء

انتظروا عن قريب رجال أقوال 

Read more...

حكـــايــات بنـــــات " الجزء الاول "

لما حصل الطلاق بينا كنت فاكره انها نهاية الكون ...

 وكل شويه اتخيل ازاى ابننا هيتربى بعيد عن ابوه

وكأنه يتيم وفجأه ..... 

اكتشفت انى لما خسرته كزوج كسبته كصديق ... اهلى واهله 

مش قادرين يصدقوا اننا انفصلنا .... لاول مره احكى معاه بكل 

حريه ... اخد رأيه فى كل تفصيله فى حياتى ... وهو كمان

 بيحكى معايا كل كبيره وصغيره فى حياته ....

فى رجاله كده مش تنفع تكون ازواج ... لانهم مش بيعرفوا 

يشيلوا مسئولية نفسهم ... ازاى يقدروا يشيلوا مسئولية حد 

تانى  ......

ازاى كنت خايفه من الحب  ؟؟!!!! ....

 اجمل ايام حياتى عشتها معاه ولسه عايشه فيها ....

 شكلى اتغير .... صوتى ... كل حاجه فيا اتغيرت

 وكأنى بقيت انسان تانى .... بيكمل كل كلامى ....

 قبل ما اطلب منه الحاجه بيحققها ....

 فاهم دماغى وعارف يحتوى افكارى ....

 ساعات باحس انه اتربى معايا ...

 نفس الافكار اللى مؤمنه بها ....

 نفس الكلام اللى باقوله ....

 توائمى اللى كان تايه منى ♥♥



يلا ... عيشه والسلام .... ما اقدرش اطلب الطلاق

  اعمل ايه فى العيال ؟؟؟

 امى على طول تقول مافيش واحده فى عيلتنا اتطلقت

 وجوده فى البيت زى عدمه .... محسسنى انه عايش فى فندق

 لما ابننا تعب والدكتور قال لازم نعمل له عملية اللوز

 هو ولا حس اننا مش فى البيت ...

 لما عاتبته قالى كنت فاكر انك عند امك بايته يومين ...

نفسى اصرخ واقول انى باحبه ....هو مش حاسس بيا ....

 ليه بيعاملنى كده ؟!!.... بيخاف عليا من الهوا الطاير ...

 كل شويه يتصل بيا يطمن عليا ......

 مش بيعرف ياخد اى قرار فى حياته من غير ما يرجع لى ....

 بيحكى تفاصيل حياته ومشاكله ....

 لما يقع فى مشكله يجرى عليا عشان ياخد رأيى ....

 باحبه اوى ... مش فاهمه هو عاوز ايه ...

هو ينفع اقوله انى باحبه ؟؟؟.... 

ليه البنت لازم تستنى ان الرجل يعترف الاول ؟؟؟ 

دى شوية حكايات لبعض البنات سمعتها

بعضهم عاشرتهم والبعض سمعت عنهم

لسه فى حكايات بنات كتيييييييييير

انتظروا الجزء التانى عما قريب ان شاء الله

زهــــــــــراء 

Read more...

عطرك سيدتي .

خدعوك فقالوا ان العطر للمرأة حرام ...

تعطري كما شئتى سيدتي الجميلة ..

عطر المرأة هو الماء به تتطهر وبه تتجمل

وبه تتوضأ لتطفى نار الشيطان

بداخلها وبه تصلى فروضها.

عطر المرأة عطر بلا رائحة

واجمل من اي رائحه .

استخدمي عطر زكي الرائحة

البرفان - البرفيوم - في بيتك

.ولا تجعلي الغريب يشتم رائحة طيب عطرك.

ملحوظة الحواس خادعة

قد تضعين برفان في بيتك

وبعد ساعة تخرجين ظناًً منكِ ان الرائحة قد زالت

حواسك خدعتك سيدتي!!!

فالرائحة لا تزال فيكِ

فأن حاسة الشم لديكِ تعودت على عطرك

والغت خاصية الاحساس به

فيتهئ لكِ ان العطر قد زال

بدليل ان اي غريب يقترب منكِ

يتعرف على عطرك لان حاسة الشم

لدية لم تألف بعد رائحة عطرك.

روى ابن حبان،والحاكم و النسائي

في باب ما يكره للنساء من الطيب

و البيهقي و أبو داود عن أبي موسى الأشعري مرفوعا

(أيما امرأة استعطرت فمرّت على قوم ليجدوا ريحها فهي زانية).

عن أبي هريرة قال : قال رسول الله صلى الله عليه وسلم

(( طيب الرجال ما ظهر ريحه وخفي لونه

, وطيب النساء ما ظهر لونه وخفي ريحه ))

سنده صحيح أحمد وأبوداود.

عذراً اخوانى واحبائى فقد تم غلق التعليقات

وقد يعلم الله فرحنا بوجودكم معنا

ولكن هناك اوقات اثمن من ان نضيعها

في كتابة تعليقات شكر..

نكتفى منكم بالدعوات

فى ظاهر الغيب (:

لــــــــولا

Read more...

تسابيح

{ في الجنة غرفا يرى ظاهرها من باطنها ،

وباطنها من ظاهرها ،

فقال أبو مالك الأشعري :

لمن هي يا رسول الله ؟

قال : لمن أطاب الكلام ، وأطعم الطعام ،

وبات قائما والناس نيام }

لكي تفوزوا بتلك الغرف التي ليس لها مثيل

التى يرى باطنها من ظاهرها

وظاهرها من باطنها

هناك ३ شروط هل تستطيع تحقيقها؟

هي ليست شروط تعجيزية

بل هي شروط قمة في السهولة واليسر

1 - الكلام الطيب

( ولو كنت فظاً غليظ القلب لانفضوا من حولك )

صدق الله العظيم

طيب الكلام كالمغناطيس

الذي يجذب اليك كل ما هو جميل

من حب واحترام الجميع


ارشح لكم حلقة الداعية مصطفى حسني ( اهل الجنة ) عن حلو اللسان (:  .

2 - اطعام الطعام

كرم الضيافة لا تنسى ان الضيف يأخذ ذنوبك

ويلقيها معه وهو خارج

اطعام الطعام من افضل ما تحبون ان تطعموا لانفسكم 

( لا يؤمن أحدُكم حتى يحبَّ لأخيه ما يحبُّ لنفسه )

وعدم الايمان = نقص الايمان

وليس عدمه اي ايمانه غير كامل

فلتطعموا الفقراء والمساكين مما تحبون وتأكلون

3 - من العبادات التي يحبها الله تعالى

هي عبادات السر ...

قيام الليل لانها تكون لله

خالصة اليه لا يراك فيها احداً


اذا حققت الثلاث شروط

فهنيئاً لك بتلك الغرف

التي يرى فيها ظاهرها من باطنها

وباطنها من ظاهرها ...

انا تخيلتها غرف شفافة نقية

كالالماسة كيف تخيلتها انت؟

مهما تخيلت لن تكون كما تخيلت

ففي الجنة ما لا عين رأت ولا اذن سمعت

ولا خطر على قلب بشر

ما اسعد تواصلنا معكم وتواصلكم معنا عبر التعليقات ولكنه شهر كريم

اوقاته ضيقة فهناك دوماً اعمالاً وعبادات اهم من الرد على البوست

لذلك اثرنا غلقها ونرجو الاستفادة بما نقدمه ولا تنسونا من صالح الدعوات (: .

واعتذر عن انشغالي في الفترات السابقة عن المتابعة


لظروف كثيرة من بينها علاج امي الذي استغرق


شهور ولله الحمد تم شفاءها بفضل دعواتكم 


وسأكون معكم بأذن الله (: .. 

Read more...

الصداقه فى عيونى ....

الصداقه ليست بكلمه

 سهله على اللسان

انها مكان فى القلب 


انها روح ... كيان 



تعلمت ان اختار من رفقاء الحياه

من يحملون قلبا طيبا

وفكرا نقيا كى يكونوا لى السند والعون

كى يكون خير دليل اذا توهت فى زحام الطريق

علمتنى الحياه انه لا يوجد انسان صنع نفسه بنفسه

كل منا يحتاج الى صداقات متنوعه كى يبنى نفسه 

هذا صديقى الذى افتخر دوما به

الذى كان ولازال من افضل البشر الذين اهدتهم لى الحياه

الملجأ فى وقت الشده قبل وقت الرخاء

هو من اؤلئك البشر الذين ندعو لهم

ان يمنحهم الله السعاده والحب مدى الحياه 






هى الاقرب.... الاطيب .... الاغلى

نصفى الذى يكملنى فى كل شئ

تفهمنى من حروفى ... من نظراتى

حتى من صوتى تشعر بما يدور فى اعماقى

الوحيده التى تجيد ان تتحدث عما يدور فى عقلى

ولانها انسانه نادره فأننى اطلق عليها اختى ♥

هو الصديق الاحدث الذى ادخله القدر الى عالمى

منذ بضعة شهور ... لا يجيد الحديث عن نفسه طويلا

بمجرد ان تتحدث معه تجد نفسك امام انسان قمه فى التوضع

اعتبره صفقه صالحه فى عصر المصالح

نصيحتى له .. ابتسم يا صديقى فلا احد يستحق الحزن 

بفضل من الله سبحانه لدى صحبه من الاصدقاء

 لا ازكى اى انسان فيهم على الله

جميعهم قمه فى الاخلاق والاحترام

البعض يفتخر  بماله ولكننى افتخر على الدوام

بتلك الصحبه الفاضله التى اهداها لى القدر 





هذه هى الصداقه فى عيونى : زهـــــــــــراء

Read more...

مبروووووووووك لــــ♥ أحمد♥ـــولا

 حبابيب قلبى الحلوين ...

من فتره كده ونفسى احضر خطوبه او فرح

وعشان اصدقائى الحلوين بيحبوا ينفذوا 

كل طلباتى قرر

 احمد الصعيدى  خطوبة لـــولا 

بكل صراحه مافيش كلمه تقدر

توصف فرحتى لان بكل بساطه لولا صديقتى

 واختى اللى القدر وهبها لى وبنت قلبى

 واقرب الناس الى عقلى وقلبى

احمد بقى صديق واخ شهم وجدع وكريم جدا جدا

مش مجرد كرم مادى انما كرم معنوى وهو 

مش مجرد صديق عادى انما صديق لاسرتى كلها

الف مليووووووووون مبروك وربنا يتمم لكم الفرح

بكل خير وعلى خير وطبعا انا اول واحده معزومه

يارب كل الايام الجايه عليكم افراح وخير يااااااااااااارب

البوست اهداء من زهـــــــراء 

والصور من اختيار ســـــــاره *_0

Read more...