تـــــــــــــاج جــــــــديد .........

>> الأحد، 17 مايو 2015



صباح الفل ..... مسا السعاده

لابد من توجيه الشكر الى قمر التدوين و النسر المهاجر

وكذلك كل من أهدى لى التاج سواء بطريقه ضمنيه او صريحه


فى عام 2009 كنت مسافره دبى لعمل برنامج

وبعد ما بدأت فى تحضير كل الاجراءات

 فجأه الدنيا كلها وقفت والموضوع اتفركش .....

 زعلت جدا جدا بس قولت يلا كله خير 

وقتها اتكلمت مع صديقتى واختى الصغيره لولا

 وقولت لها على فكره المدونه وفى يوم وليله 

عملت المدونه بشكلها واسمها  وكانت البدايه

فى الاول ماكنتش عارفه اكتب اقول ايه

لولا بتحب العمل الاذاعى وصوتها ما شاء الله روعه

وانا كنت باكمل وقتها دراسة كورسات نقد فنى 

وبدأنا نكتب وعملت صداقات ويمكن اقرب الناس لقلبى وعقلى

من عالم التدوين اتقابلنا وضحكنا ودخلنا بيوت بعض 

وتمر الايام وفجاه الفيس يبعدنا عن المدونه

 وفى نهاية السنة اللى فاتت رجعت من تانى 

اتعرفت بناس جديده قمه فى الجمال والرقى 

مدونتى هى صديقتى اللى بتستحمل الهبل او الرغى بتاعى 

التعليقات اهم من التدوينه نفسها

 لانى باشوف ردود فعل المدونين وفى كثير من الاحيان

الردود بتكون اقوى من البوست نفسه 

عمرى ما خجلت انى اكتب عن حاجه تخصنى بالعكس

لا اخجل من كتابة اى شئ لانى بطبعى مش باتكسف اتكلم

او اعبر عن اللى جوه منى ...

بافرح اوى لما اعمل صداقه مع حد من المدونين

حتى لو كانت مجرد صداقه على الورق .......

بالنسبه بقى لموضوع النصيحه خلينى اقولكم 


اللى عند ربنا مش بيرووووح

المفروض اعمل اشاره لمواضيع قديمه

باقى من الزمن ساعه

بحبك ... من اعمال لولا

كفايه رغى كده عن جد فرحانه برجوعى لكم من تانى


ربنا يديم المعروف بنا ونتقابل فى خير وعلى خير

طبعا لازم حد يسألنى ايه موضوع دبى


هابقي احكى لكم في التعليقات

اه صحيح الورد اللي في الصوره  لكم ........





29 التعليقات:

P A S H A 17 مايو 2015 في 4:58 م  

ورد يا زهراء ؟؟
أنتي فاكرانا شمامين يا أمي ؟؟
ههههههههههههههههه
طب كنتي حطي جنبه رغيفين كفتة !! حطي صينية كنافة !! حطي كالونيا حطي جاتوه !!
D:
وبعدين فيه غلطة في البوست قلت ألحقك علشان تصلحيها ؛ بدل كلمة بنها كتبتي دبي !!
D:
عن جد عن جد استمتعت برجوعك للتدوين يا زهراء وعن جد عن جد بانبسط بتعليقاتك الجميلة اللي بتشف عن جد عن جد عن روحك الحلوة.
* ملحوظة: لو حسيتي أن تعليقي ضايقك !! عن جد عن جد امسحيه .. ربنا يعلم أني باهزر عن جد عن جد :)
هابص ع البوستين المشار إليهما
:)

زهــــراء 17 مايو 2015 في 7:10 م  


P A S H A
*-**-*-

مسا الورد يا شريف
اه والله ورد تخيل هههههههههه اصبر على رزقك الكنافه جايه فى رمضان ان شاء الله وبالمانجو كمان مش اى كنافه يعنى ههههههههه

بص بقى كلمة عن جد دى مش عارفه ابعد عنها خلاص بقيت لزقه فيا وبقيت من اشهر لزماتى والله مش عارفه اغيرها واقول بجد انت عارف انى كنت مشتركه فى منتدى فى ناس كانت فاكره انى لبنانيه بسبب عن جد دى
شوفت تعليقك فى بوست باقى من الزمن ساعه وان شاء الله هاعملها قصه قصره ويارب تعجبك
بالنسبه لموضوع بنها يا عم قول القاهره عشان احبابى هناك او قول الجيزه مثلا اقرب الناس لقلبى عايشين هناك
والله دبى بجد بس تقولى يا اخويا الفقرى فقرى ههههههههههه هابقى احكى عن موضوع دبى بس النت تعبان شويه
نورت يا شريف وعن جد بافرح بتواجدك

Unknown 17 مايو 2015 في 9:19 م  

جميلة ورقيقة
هكذا انتى ولـــن
تتغيرى فيما اعتقد ☺

بسمة الورد عطر المشاعر 17 مايو 2015 في 9:49 م  

يامساء الورد على اجمل زهراء
جميل اوى اسلوبك وسردك وعرضك للتاج بصراحه بموت فى الكلام بالعاميه المصرية شاعرة عامية بقى هههههههه
ربنا يفرح قلوبنا جميعا ونفضل اخوه محبين لرقى مشاعرنا ويا بعض
مساء الفل عليكى

غير معرف 17 مايو 2015 في 11:04 م  

يا مساء السكر والورد
ايه ياعم الاجابات الجامده دى
عجبتنى اوى ردودك يازهراء
واضحه وصريحه وشفافه اوى
وشكرا اوى انك تقبلتى التاج
وياربت بقه تحكيلى عن موصوع دبى ده

غير معرف 17 مايو 2015 في 11:04 م  

اه صحيح
وشكرا عالورد
كلك ذوووق

سعيد وحشة 18 مايو 2015 في 1:47 ص  

مساء الجمال زهراء
التاج جميل واسلوبك بسيط وراائع
بالتأكيد لنا أصحاب كتير اتعرفنا عليهم وأصبحوا جزء من حياتنا

ليا صديق من اعز اصدقائى كانت معرفتى به من الإنترنت واقسم بالله تليفون واحد ويكون بجانبى فى أى ضيق أو اى مشكلة وانا بالمثل أو فى الفرح أو فى اى شىء او فى اخذ المشورة .. صديقينى يا زهراء كما أن فى عالم النت الافتراضى ناس يسيئون استخدامه هناك من هم يبحثون فعلا عن الأفضل ويحسنون استخدامه

وأن ما يبقينى هم أصدقائى الذين تعرفت بهم وأصبحوا جزءا مني ولهم مكان كبير جدا فى قلبي

شكراا على التاج وشكراا على الورد ولو انى لقيتهم 6 وردات بس وأنا كنت عاوز 20 وردة هههههههههه

سعيد وحشة 18 مايو 2015 في 1:51 ص  

شوفى يا ستى ربنا يكرمك يارب
عاوز اعرف بتضيفى الرابط بتاع رسالة قديمة أو تضيفى اسم حد من الأصدقاء كدا ازاى أخوكى ساقط انجليزى قبل كدا ههههههههههههه
وهنيالك يا فاعل الخير والثواب عند الله


هدخل أقرأ الموضوعين وأستمتع
تقديرى وتحيااتى

زهــــراء 18 مايو 2015 في 11:45 ص  

norahaty mo
*-**-**-*

دكتورتى الرائعه ربنا يكرمك ويبارك فى صحتك وفى عمرك
لا انكر فضلك عليا انى اعمل مدونه
ربنا يديم المعروف بينا لاخر العمر

زهــــراء 18 مايو 2015 في 11:48 ص  


Ebtesam Hoseen

*-*-*-*-*-*-*-*-

صباح السعاده على ارق سومه فى الدنيا كلها

اقولك على سر ان العربى بتاعى ضاااااااااااااايع رغم ان والدتى اصلا مدرسة لغه عربيه بس باب النجار بقى ههههههه

ربنا يديم المرعوف والحب فى الله الى اخر العمر يا ارق شاعره فى الدنيا

زهــــراء 18 مايو 2015 في 11:51 ص  


قمر وليل وغيوم

*-*-*-*-*-*-*

قمر التدوين صباحك بيضحك

موضوع دبى هاحكى عنه فى كومنت لوحده عشان بس النت رخم وغلس معايا اليومين دول
بصى انا مش باحب نظام اسئله واجوبه لكن نحكى ونرغى وفى وسط الحكاوى هتلاقى الاجابات لوحدها ...
وبالنسبه لموضوع الصراحه ده نظام فى حياتى بس للاسف فى ناس مش بتحب الصراحه بس مش هاغير من طبعى طالما انه عجبك يا قمرى

زهــــراء 18 مايو 2015 في 11:52 ص  


قمر وليل وغيوم

*-*-*-*-*-*

اتعلمت الذوق منكم اكييد

زهــــراء 18 مايو 2015 في 11:57 ص  

سعيد وحشة

*-*-*-*-*-*

صباح الورد

المره الجايه نجهز لك بوكيه مخصوص يارب نهدى لك الورد فى المناسبات السعيده والافراح يارب

كلامك صح جدا فى كل مكان هتلاقى الانسان السيئ والجيد وكذلك فى عالم النت واقسم بالله اقرب الاصدقاء لقلبى وعقلى من هذا العالم بش عشره من زماااااااااااااااان من اول ما النت دخل مصر تقريبا ههههههه وبنقف مع بعض فى الوحشه قبل الحلوه

ربنا يديم عليك محبة الناس

زهــــراء 18 مايو 2015 في 12:02 م  



سعيد وحشة

*-*-*-*-*-

من غير ما تقول يا اخويا الكريم انك ساقط انجليزى هاقولك على الطريقه هههههههههههههههه
لما تيجى تكتب بوست جديد بيكون متواجد فوق المكان المخصص للكتابه ايقونات انت بتختار منها حجم الخط والتنسيق والحاجات دى هتلاقى كلمه الارتباط ودى مكانها قبل المكان اللى بتختار منه الصور انت بتدوس على كلمة الارتباط بتفتح معاك شاشه صغيره شويه هتلاقى مكتوب عليها تحرير الارتباط
هتلاقى تحتها النص المراد عرضه وتحتها بشويه ما عنوان url
انت بتاخد العنوان اللى نسخته بتحطه فى المكان الفاضى اللى تحت بتاخده كوبى من المكان اللى تحبه وتحطه بيست وبعدين تطلع على المكان الفاضى اللى جنب النص المراد عرضه وتكتب اللى انت عاوزه هو هتلاقى تلقائى نفس اللى كتبته تحت متواجد فوق ان تمسحه من فوق وتكتب اللى انت عاوزه وبس كده انتهيت لو فى اى حاجه مش واضحه تحت امرك

زهــــراء 18 مايو 2015 في 12:21 م  


حبايب قلبى الحلوين بالنسبه بقى لموضوع دبى

من فتره ليست بالطويله نقول كده من نص 2007 كنت بادرس نقد فنى وده كان مستويات يعنى فى نقد اذاعى وسنيمائى ومسرحى وفترة الدراسه كانت طويله شويه لانى وقتها درست فوتو شوب وكان بصراحه التدريس كله على ايدي متخصصين من سوريا وفى مصريين بس الاكتر كانوا من سوريا المهم وقتها كان فى احتفال بعيد الحب وبدانا نعمل شغل فوتو شوب عشان عيد الحب ولانى بطبعى باحب الاطفال كل اللى عمتله كان شغل للاطفال وما كان من احد الاساتذه الافاضل انه ارسل شغلى الى احدى شركات الانتاج اللى شغلها كله مع الاطفال وده كان فى سوريا والشغل عجبهم جدا جدا وتم اختيارى للسفر والعمل معاهم بس كنت قلقانه وكمان ماحدش من اهلى او اصدقائى شجعنى على السفر مافيش غير والدتى رغم احساسى انها كنت رافضه الموضوع بس قالت كملى معاهم شوفى هنوصل لايه بصراحه رفضت الموضوع وكملت الدراسه وفجاه اتعرفت على مديرة اعمال احدى المذيعات فى قناة دبى برضه عن طريق دراسة النقد النفى وقولت لها فكرة برنامج وللعلم بقى كان اسمه بالحب اتجمعنا والفكره اتوافق عليها وانا هاسافر بقى دبى واشتغل هناك معدة برامج بس طلبوا منى دراسة كورس معين وبالفعل بدات دراسته واجلت كل حاجه باعملها طبعا الوضع اتغير وكل اللى قريبين منى قالوا دبى وقناة دبى وسافرى وخلصت كل حاجه وكان فى بينا مراسلات وهوب تحصل المفاجاه البرنامج بتاعك نازل على الخريطه خلصى ورقك بسرعه وتعالى قطشات يا جماعه انا مسافره دبى ..
وفجاه هوووب ايميل صغنن نعتذر حصلت ظروف والبرنامج تم تاجيله من غير ما اسال ليه او عشان ايه او ازاى قررت اكمل دراستى اللى وقفتها وبالصدفه البحته عرفت ان احد البشر اللى عيونهم مدوره عرف موضوع سفرى ولاقيته بيقابلنى فى مناسبه وبيقولى الناس اللى مسافره دبى وفلوس دبى والله فرحت لك بس والله شكله باين عليه الغل والحقد ههههههههههههه وطار الموضوع قررت بقى انتقم من قناة دبى واعمل مدونه تحمل اسم البرنامج شوفتوا الانتقام ههههههههه
انا حكيت موضوع سوريا ودبى كمان يلا بقى كفايه رغى

سعيد وحشة 19 مايو 2015 في 9:43 م  

ربنا يخليكِ يا زهراء
شكراا يا اختى الكريمة
طبعا شرحك ممتاز ولو احتجت حاجة هسألك طبعااا


بالنسبة لسوريا ودبي على عينى وراسى .. بس تخلى بالك من اللى عينه مدورة ده ههههههههههه
منهم كتير
ربنا يحفظك

بالنسبة للفوتوشوب هنا ونقف .. اعمالك تظهر أو عينة منها ونحكم ونقيم .. اخوكي محترف جرافيك وبصمم اغلفة .. انا اصلا مصور وعندى استوديو

مساءك السعادة

زهــــراء 20 مايو 2015 في 1:36 م  

سعيد وحشة
*-****-*

لا داعى للشكر احنا اخوات واى حاجه تحت امرك فى اى لحظه
والله اللى عينه مدوره باحاول انى اتحاشاه بس نقول ايه بقى الحمد لله وكله خير من ربنا سبحانه وتعالى

ربنا يوفقك فى شغلك باعشق التصوير بس الجرافيك بقى والحاجات دى احنا مش قدك طبعا ابقى قول لنا عنوان الاستوديو عشان نيجى نتصور ببلاش ههههه

Unknown 22 مايو 2015 في 10:21 ص  

صباح الورد يا فيلسوفة التدوين
اجابات تتسم بالصراحة والوضوح
كما تعودنا من حضرتك
وشكراً على الورد
خالص احترامى

زهــــراء 22 مايو 2015 في 7:20 م  

مدونة الفرسان
*****-*-

مسا الورد يا صديقى المحترم
اين انت كل ده غياااااااااب عن التدوين واهله ...
تسلم يارب وحضرتك تستاهل كل الخير والدعوات الرائعه

محمد سلامة 23 مايو 2015 في 9:21 ص  

خيرها فى غيرها
حاولي تانى ولا تستسلمى
ولا تلومي أبو عيون مدورة
دى دبي مش بنها هههههههه
ربنا يوفقك

زهــــراء 23 مايو 2015 في 7:38 م  

مـحمد سلامه

*-***-**

اللى عند ربنا كتييييييييييير والحمد لله ولعله خير

ربنا يوفقك ويكتب لك الخير عاجل غير اجل

Unknown 30 سبتمبر 2016 في 11:11 م  

شركة تنظيف بالمدينة المنورة تقدم خدمات متعددة فى مجال النظافه العامة لاننا نعتبر رواد فى هذا المجال . شركة تنظيف تقدم خدمات النظافة العامة على اسس منتظمة وجودة عالية باستخدام ادوات وماكينات حديثة ومتطورة ومواد تنظيفه امنه معتمدة من قبل منظمة حماية البيئة لتكون امنه على البيئة وصحه الافراد مع شركة تنظيف بالمدينه المنوره انت واسرتك بين ايدى امينة

شركة تنظيف بالمدينة المنورة

ونحن نسعى للحفاظ على معايير خدمة التنظيف عالية من خلال تقديم كفاءة وفعالية ومرونة خصيصا لكل العملاء الكرام . تقدم افضل شركة تنظيف بالمدينة المنورة خدمات التنظيف للاماكن والمبانى العامة والخاصة (شقق – منازل – بيوت – مطاعم – مصنعك – شركتك – مسشفيات – مراكز تجارية – بيوت الشعر او غيرها ) كما ان عملية التنظيف تشمل (جلى البلاط – تلميع السيراميك – تنظيف الرخام وصيانته – تنظيف المسابح – تنظيف الخزانات– تنظيف السجاد والمجالس والموكيت– تنظيف الوجهات الزجاجية والحجرية).

شركة تنظيف بالمدينه المنوره



elmnzel 24 أكتوبر 2016 في 1:59 م  


شركة مكافحة حشرات بالمدينة المنورة


وجود الفئران بالمنزل يسبب الذعر لكل افراد الاسرة و نقل الامراض و الاوبئة كالطاعون و غيره من الامراض الخطيرة لذلك اذا ظهرت الفئران بمنزلك استعن فورا بشركة المنزل شركة مكافحة فئران بالمدينة المنورة بافضل فريق عمل متخصص في اصطياد الفئران و التخلص النهائي منها باقوي المبيدات الامريكية التي تقضي نهائيا علي ظهور الحشرات و الزواحف بمنزلك فشركة المنزل شركة مكافحة حشرات بالمدينة المنورة علي اعلي مستوي من الكفاءة و الجودة في الخدمة المقدمة

شركة مكافحة فئران بالمدينة المنورة


http://elmnzel.com/pest-control-medina/

elmnzel 14 نوفمبر 2016 في 3:43 م  


شركة غسيل خزانات بمكة


حافظ دائم علي حصولك علي افضل مياة صحية مع افضل خدمة غسيل خزانات بمكة تقدمها شركة المنزل شركة غسيل خزانات بمكة علي اعلي مستوي من الخبرة و الكفاءة تحت اشراف الخبراء و المتخصيين و بافضل الطرق الحديثة و اقوي مواد التنظيف المستوردة باقوي الاسعار بمكة


غسيل خزانات بمكة


http://elmnzel.com/cleaning-tanks-makkah

elmnzel 16 نوفمبر 2016 في 10:40 ص  


شركة تنظيف بمكة


تخلصي من بقع المفروشات و الموكيت مع شركة المنزل شركة تنظيف موكيت بمكة بافضل الطرق الحديثة و افضل اجهزة البخار التي لا غني عنهاي في تنظيف مفروشات بمكة , تنظيف موكيت بمكة باقوي عروض الاسعار و افضل الطرق التي لا تضر بالفمروشات و الموكيت و افضل لايادي العاملة و المدربة علي تنظيف شقق بمكة , تنظيف فلل بمكة بافضل الادوات و الطرق التي تعتمد عليها شركة تنظيف بمكة شركة المنزل


شركة تنظيف موكيت بمكة


اتصلوا بنا
0502024166

http://elmnzel.com/%D8%AE%D8%AF%D9%85%D8%A7%D8%AA-%D8%A7%D9%84%D8%AA%D9%86%D8%B8%D9%8A%D9%81/cleaning-makkah


Free CursorsMyspace LayoutsMyspace Comments

    © بالحب اتجمعنا. Friends Forever Template by Emporium Digital 2009

Back to TOP