بكل لغــات العــالم ( الحياة مشاركة في كل شئ) - الحلقة الثانية .

الحياة مشاركة من الاهتمامات لابسط الاشياء

الاشعار الموجودة بالحلقة من تأليفي

ماعدا شعر يالؤلؤة قلبي من تأليف الاستاذ فاروق شوشة

فكرة الحلقة: زهراء

الاعداد والاخراج: هبة مصطفى ( لـــولا)

Read more...

خـــايف من ايه ؟؟؟؟

خااااااااايف من ايه ؟؟

من كام يوم كنت باتكلم مع حد

من اصدقائى المقربين وفجأه

سألته انت بتخاف من ايه ؟؟

سكت لمدة ثوانى ثم قال

بلاش اقول باخاف من ايه!!!

فكرت فى السؤال شويه وقولت اكيد

كل واحد فينا بيخاف من حاجات معينه

الخوف هو شعور انسانى عالى اوى

مافيش انسان على وجه الارض

غير وبيخاف من حاجه

باخاف من ربنا لانى اخشى انى

اعمل حاجه يغضب عليا بعدها

باخاف على كل الناس اللى باحبهم من قلبى

باخاف من المرض لانه ممكن يهزمنى

او يهزم اى حد من احبائى

باخاف من بكره لانه ممكن يجى

علشان يهد احلامى

باخاف لما افرح اوووى

ان الحزن يكون جاى بعد فرحتى بثوانى

خايفه احب واعشق علشان ماتجرحش

باخاف لما يقرب حلمى يتحقق

لانه ممكن يبقى سراب

باخاف من حاجات كتير

والغريب ان خوفى مش يبان لاى حد

خوفى جوانى اوى

يلا كل واحد فينا يقول

بيخاااااااااف من ايه

تحدثت معكم عن الخوف : زهـــراء

Read more...

كل لحظه وانتى بخير يا فاتيــما

كل ثانيه وانتى بخير

النهارده لاول مره اكتب بوست تهنئه

على المدونه , اعتادوا اصدقائى المقربين منى



انى اعمل لهم فيديو فى اعياد ميلادهم ويكون معاه



جملتين تلاته .... خلاص بقيت عاده



النهارده الموضوع بكل تأكيد غير



والسبب انى باكتب تهنئه لشخصيه



لم اتشرف ان التقى بها على ارض الواقع



لكننى تشرفت بسماع صوتها واشكر طبعا



دكتوره علا لانها كانت السبب الرئيسى انى سمعت

صوت حد غالى على قلبى ....



تعرفت عليها من خلال كتباتها لمست فيها كميه من الحنان



تكفى العالم بأسره ... اشعر من خلال حروفها بالحب



وانها تتمنى الخير لكل الناس ... تحمل قلب طفل



انها فـــــــاتــــيما تلك الانسانه التى لا ازكيها على الله



لمست فيها من فضائل الخَلق سمو الخُلق



اشعر من كتابتها باشياء كثيره ربما لا استطيع ذكرها



ادعو لها من قلبى بان يحمل لها هذا العام الحب



والسعاده والخير



واقول لها كما قال عبد الوهاب مطاوع رحمة الله عليه



احلم بيوم جميل لم يأت بعد سوف يأتيك فيه تعويض السماء



كل ثانيه وانتى بخير يا فاتيما



ويارب كل امنيه وكل حلم يتحقق لك



ربنا يهب لك افراح كثيره



وامنيات جميله

ان شاء الله هذا العام

ربنا يقر عيونك برجوع يوسف الى حضنك

وتفرحى به وتجوزيه كمان

ولو عاوزه عروسه انا موجوده

على الاقل اضمن ان حماتى سكره

يااااااااااااااااااااااااارب

مية سنه فى سعاده وهنا

هذا البوست اهداء من : زهــــــراء

Read more...

ممـــكن .... أكـــيد

ممــــكن ..... أكــيد

فى حياة كل شخص مننا فى اشياء


ممكن انها تحصل وفى المقابل


فى اشياء اكيد انها تحصل


ممكن الحزن يمر فى حياتنا


اكيد ان الفرح لازم يجى

ممــكن ان يغرس احدهم شوكا فى قلبك

ممــكن ان يغرس احدهم انيابه فى جسدك

ممــكن ان يضحك الاخرين حينما يرون دموعك

ممــكن ان يحطمك شخص فى دقيقه

ممــكن ان يهاجمك احدهم فى لحظه قاسيه

ممــكن ان يتقرب احدهم منك

ويحاول جاهدا ان يملك قلبك بين يديه

وفى اول فرصه يعتصر قلبك بين اصابعه بكل قسوه

ممــكن ان تنخدع فى الطيبه

التى يرسمها احدهم

رغم قسوة الجمل السابقه لكنها




ممــكن ان تتحقق او لا تتحقق

أكيد ان هناك من يحمل قلبا ابيض نقى

أكيد ان هناك من يحمل الطيبه فى داخله

أكيد انك تحتاج العمر كله لكى تنسى شخص ما

أكيد ان هناك من يحمل لك كل الحب والخير

أكيد ان الخير موجود فى هذه الحياه بجوار الشر

اذا كان من الممكن ان نتقابل مع نموذج قبيح للبشر

فمن المؤكد ان النماذج الجميله كثيره

اذا كان من الممكن ان تجد الف وجه للكدب

لكن من المؤكد ان هناك وجه واحد للحقيقه والصدق

اذا كان من الممكن ان الشر ينتصر فى بعض الاحيان

لكن من المؤكد ان الخير هو الذى ينتصر على الدوام

إذا كان هناك ممـكن فى الحياه .... فأنه بجواره أكـــيد





ياترى كل واحد فينا





ايه اللى ممــكن فى حياته وايه اللى اكــيد

كانت معكم بين ممــكن واكــيد : زهـــراء

Read more...

اصــــــعب حــــــب

أصـــعب حــــــب

من كام يوم كده كنت فى مكان ما

وكان فى اغانى كولكشن كتيييييييير اوى

لفت سمعى اغنية خالد عجاج

اصعب حب

طبعا هو بيوصف حاله صعبه اوى فى الحب

فكرت كده مع نفسى وقولت يا ترى يا هل ترى

ما هو اصعب حب ؟؟؟؟؟

قولت خلاص افتح الموضوع هنا مع اصدقائى القريبين

من وجهة نظرى ان اصعب حب

لما يكون الطرفين متفقين على كل حاجه

طرفين بيحبوا بعض بجد والاسرتين مرحبين بالحب ده

والطرفين متفقين على كل كبيره وصغيره

مكان اقامتهم

اسماء اولادهم

كل حاجه

وفجأه
.
.
وبدون مقدمات القدر يكون له كلمه اخرى

والموت يخطف احد الطرفين

بجد ده بيكون اصعب حب على الطرف التانى

لان القدر هو اللى اختار نهايه للحب ده

فى انتظار كلامكم واجابه على هذا السؤال

ما هو أصعب حب

تحدثت معكم عن اصعب حب : زهراء

Read more...

نقطة رجـــــــــــوع

نقطة رجــــــــوع

طبعا عنوان البوست غريب وعجيب

على فكره ده اسم فيلم شوفته من فتره

كان بطولة شريف منير و نور

فى جزء من الفيلم بيحكى على فقد الذاكره

ياترى الانسان ممكن يبدأ حياته من جديد

فى حالة فقده للذاكره لا قدر الله

ياترى ممكن يحصل ايه

ياترى ممكن ينسى كل حاجه فى حياته السابقه

هينسى نفسه وكل الحاجات اللى كان بيحبها

عمرك تمنيت قبل كده انك تقفد الذاكره بجد

ياترى لو فقدتها فعلا ايه الحاجات اللى مش ممكن تنساها ابدا

ياترى فى اشخاص صعب انك تنساهم حتى لو فقدت الذاكره

معلش هو موضوع غريب شويه

السبب انى كتبته انى من فتره كده

اقرأ فى موضوع فقدان الذاكره

اتمنى ان الموضوع يعجبكم رغم انى عارفه انه غريب

البوست الغريب العجيب فكرة : زهـــــــــراء

Read more...

غــــــريبه الناس !!!!

غريبه الناس

-*-*-*-*-

طبعا ده عنوان اغنيه للمطرب وائل جسار

من اجمل الاغنيات اللى سمعتها فى حياتى

لما فكرت كده مع نفسى قولت ياترى يا هل ترى

هو فعلا الناس اللى بقيت غريبه او الدنيا اللى اتغيرت

بصراحه كده بيت الشعر اللى بيقول

نعيب زماننا والعيب فينا

وما لزماننا عيب سوانا

صح ميه فى الميه

الناس هى اللى بتتغير النفوس بقيت سيئه

اكيد مش كل الناس لكن عن جد نسبه كبيره منهم اوى اتغيروا

كل واحد تتكلم معاه تحس انه مظلوم مقهور فى حياته

طيب لما كل الناس مظلومه كده مين اللى ظلمهم

غريبه الناس

تعالوا نقرب اوى من جملة غريبه الناس

ياترى فكرت لما تغلط فى حق حد

تجرى بسرعه وتعتذر له وتقول له اسف

والله مش قصدى تزعل منى

او تقول خلاص بالسلامه يزعل او حتى يتفلق

غريبه الناس

ياترى لما ربنا ينعم عليك بحاجه كويسه

بتقول للناس اللى بتحبهم انه جه لك حاجه كويسه

او تقول يا عم بلاش دارى على شمعتك احسن برضه

غريبه الناس

ياترى لما تلاقى حد من الناس

اللى كانوا فى يوم قريبيبن منك

بقى بعيد ومش يسال فيك بتريح دماغك

وتقول كبر كبر يا عم الحاج

يسال او ان شا الله عن اهله ما سأل

طيب ما تروح تسأل انت تفهم ماله

ليه اتغير معاك ليه بقى بعيد عنك

غريبه الناس

لما تفشل قصة حب بتزعل

وتقول ياترى ممكن اقابل حد تانى

فى حياتى احبه ويحبنى

او تقول يلا بالسلامه يا حبيبى

والقلب كمان داعى لك

وبكره اقابل احسن منك مليون مره

وتنسى بسرعه حبيبك فى ثوانى

غريبه الناس

ياترى عمرك كنت قاعد مع ناس

واحد فيهم مش لاقى شغل

ولاقيت حد بيتكلم عن فضل العمل

وازاى هو شغله مريح ويتكلم ويتكلم

ومش بيراعى اى مشاعر

للشخص اللى موجود معاكم

غريبه الناس

دى بعض مواقف جت فى دماغى وانا بافكر فى جملة

غريبه الناس

اكيد فى غيرها كتير وكتير

كل واحد فيكم يتكلم بقى على المواقف الغريبه

سواء المواقف دى قابلها فى حياته

او سمع عنها او حتى هو عملها

او ممكن تكون اتعملت فيه

همسه فى اذن كل واحد فيكم

حاولوا تحافظوا على شعور الاخرين

لاننا بصراحه من غير ناس احنا مش نساوى اى شئ

ده المثل بيقول جنه من غير ناس ما تنداس

اكيد كل واحد فينا بيحتاج لوجود الناس فى حياته

علشان يحكى ويفضفض معاهم

حتى لو كان الكلام اللى هيقوله كلام خاص اوى

الوقت لسه امامكم حاولوا تصلحوا اى غلط حصل قبل كده

بلاش نقول غريبه الناس بالمعنى الوحش

تعالوا نقولها بالمعنى الحلو

يعنى الناس بقيت غريبه علشان بقينا نحب بعض اكتر

نخاف على بعض اكتر نفهم بعض اكتر

وغريبه الناس

كانت معاكم تتحدث عن أحوال الناس : زهراء

Read more...