مطـــــــــلوب صـــديق .....

>> السبت، 21 مارس 2015






مطلوب صديق فيه العديد من الصفات





يفهمنى من غير كلام


من نظرة عين يعرف اللى جوايا 


نكون قريبين من بعض



مش شرط فى المكان



المهم نكون قريبين فى الزمان 




يمسح دموعى قبل نزولها


مش يكون السبب فيها 









نكون عون لبعض




فى وقت الاتراح قبل وقت الافراح






مطلوب صديق رغم اختلافنا



فى الشكل فى الطباع فى كل حاجه



لكن يكون صديق بجد 






نتعلم من بعض



نعلم فى بعض 


والاهم اننا ندعى لبعض



اذا اردت ان يكون لك صديق


فكن انت اولا صديقا 




اللهم احفظ لى اصدقائى ممن


يحملون هذه الصفات الرائعه


وأكثر ......

26 التعليقات:

النسر المهاجر 21 مارس 2015 في 9:40 م  

زمان قالوا
اختار الصديق قبل الطريق
أحيانا بيكون الاصدقاء أكثر من إخوات
واحيانا بيكونوا روح واحده رغم إن كل منهم ممكن يكون ليه شخصية مختلفه ولكن إحترامه لشخصية صديقة هى ما تجعل هناك تألف وود
وربنا يرزقك بالأصدقاء الى تتمنىوجودهم فى حياتك
تحياتى أختى العزيزة

زهــــراء 21 مارس 2015 في 9:53 م  


Gamal Abu El-ezz


*-**-*-*-*-*-*

مسا الورد يا جمال ...

قديما قالوا الصاحب ساحب وانا اتفق مع هذه المقوله وكذلك المرء على دين خليله

عارف يا جمال انا ليا جمله باقولها لكل اصدقائى " اصدقائى هم ثروتى فى الحياه "
اجمل حاجه بفضل الله امتلك صحبه لا ازكى اى انسان فيهم على الله رغم اختلافتنا فى الشكل والطباع وعندناالاختلاف الاتجاهات السياسيه كمان بس كيمة الاحترام والود غير عاديه وعلى فكره بقى كل الحاجات اللى كتبتها متواجده فى اصدقائى ربنا يحفظهم ويحفظك

Unknown 21 مارس 2015 في 9:58 م  

لى خال من سنى
كنا نتعامل مع بعضنا البعض كأصدقاء
كانوا يطلقون علينا الراجل ومراته
من شدة إرتباطنا ببعض
كنا لا نفارق بعض أبداً
لا ليل ولا نهار
حتى وصلت الأمر بيننا أننى خاطبت له بنت من غير ما يشوفها
قالولى فى العيلى إستنى أما يشوفها
قلت لهم أنا عارف هو عاوز إيه
وعندما نزل أجازته خدته وروحنا عندهم ووافق عليا وتزوجوا وأنجبوا الآن ولدان وبنت
احتراماتى

Unknown 21 مارس 2015 في 10:02 م  

الصداقة فى أسمى معانيها
هى أن تخلص لصديقك كل الإخلاص
وأن تؤصره على نفسك
بهذان الشرطان تستمر الصداقة وتدوم
إحتراماتى

زهــــراء 21 مارس 2015 في 10:08 م  



مدونة الفرسان
-*-*-*-*-*

صاحب الاحتلالات الاكبر صديقى فارس الفرسان

الله على صداقتك بخالك عن جد صداقه جميله والرائع انك تبقى فاهم متطلبات صديقى وعلى فكره دعغنى اقولك انه صديقك مش خالك لانه عادى يكون عندك خال او عم انما يبقى صديق ده شئ رائع
ربنا يحفظه ويبارك له فى ابنائه
ويبارك لك فى كل احبابك

زهــــراء 21 مارس 2015 في 10:10 م  



مدونة الفرسان
-*-**-*-*-*-

تستمر الصداقه التى يكون اساسها الصراحه والصدق والاحترام ومهما الايام تباعد بين الاصدقاء بيرجعوا بسرعه تانى وكأن الايام لم تؤثر فيهم واعتقد انك شوفت البوست الاخير على الفيس اللى كان مكتوب فيه عن الصداقه


دمت بكل خير وسعاده يا صديقى الطيب

Unknown 21 مارس 2015 في 10:13 م  

زهراء
آسف على الأخطاء فى التعليق الثانى لى
وتصحيح الخطأ
تؤثره
احتراماتى

Butterfly 21 مارس 2015 في 10:22 م  

اه والله
ويابخته اللي عنده صديق بالصفات دي

غير معرف 21 مارس 2015 في 10:33 م  

زهراء الجميله الرائعه
وحشتينى ياعسل
كلماتك جميله اوى عن الصداقه وصفات الصديق اللى بجد
انتى مخلتيش حاجه نضيفها اصلا
بجد احلى حاجه فى الدنيا الصداقه الحقيقيه
اصلا الدنيا بتبقى صعبه اوى لو.مفيش صديق وفى يبقى جمبنا
ربنا يخليلك اصدقائك الطيبين اللى زيك يارب
تحياتى لاجمل زهراء

غير معرف 21 مارس 2015 في 10:35 م  

على فكره
عجبتنى اوى اوى الصور

غير معرف 21 مارس 2015 في 11:13 م  

اللهم آمين..
عن نفسي ما عندي مشكلة أن يبكيني صديقي حين ينصحني وإن قسى علي ولكن في السر..لأن الصديق اذا لم يكن مرآة لصديقه فتلك صداقة ناقصة أو بالأحرى عرجاء
جميل ما خطه قلمك يازهراء..

Unknown 22 مارس 2015 في 12:00 ص  

الصديق الصدوق
عملة نادرة ادعو الله
أن تجديها وانا ايضـــا

زهــــراء 22 مارس 2015 في 1:17 م  


مدونة الفرسان

-*-**-*-*-*-*-

اعلم تمام العلم تلك الاخطاء الغير مقصوده لانى استاذه ورئيسة قسم فى تلك الاخطاء ههههههه
منور مكانك يا فارس الفرسان

زهــــراء 22 مارس 2015 في 1:18 م  


Marwa Fahmy

*-**-**-*-*-*-

مرموره الاموووره

يا بختى اناااااا لان بفضل الله اصدقائى يحملوا صفات اكتر من ذلك بكثيييييييير
ربنا يهب لكى الصحبه الصالحه

باتشرف بتواجدك

زهــــراء 22 مارس 2015 في 1:20 م  



قمر وليل وغيوم

*-**--*-*-*-*

قمر التدوين المنوره

اؤمن ان الاصدقاء الصالحين هم هبه من الرحمن وعلىفكره هم كمان رزق وعن جد اعتبر نفسى من الناس اللى اخدت جزء كبير من رزقها فى نوعية الاصدقاء اللى اتشرف بيهم وبيكى

منوره يا قمرى

زهــــراء 22 مارس 2015 في 1:22 م  



قمر وليل وغيوم
*-***-*-*-*-*-*
الصور كانت مقصوده رغم انها فوتو شوب لكن مش باينه وكل اللى يشوفها يفتكر انها صور بجد ....
شعرت ان الحيوانات ممكن تعمل صداقات رغم اختلافهم لكن الكثير من البشر بيفشل فى هذا بمجرد اختلافنا فى الانتماء السياسي

منوره فى تانى ظهرو وابقى طمنينا على اخبارك مش لازم نعمل بوست عشان نطمن عليكى

زهــــراء 22 مارس 2015 في 1:37 م  


طــيف
-**-*-*

يا هلا بيكى فى اول ظهور عندنا وان شاء الله تتكرر الزيارات ..
الصديق هو بالفعل مراة صديقه وقديما قالوا رحم الله من عاقبنى فهذبنى فربانى وده المقصود به الصديق الحقيقى اللى بينصح بجد مش بيكدب ويتجمل على صديقه

اشكرك على كلامك الرائع

زهــــراء 22 مارس 2015 في 1:38 م  


norahaty mo


-*-**-*-*-*-

دكتورتى الغاليه

بالفعل هذا الصدسق اصبح عمله نادره ادعو اله لكى من قلبى ان تجدى مثل هذا الصديق فى حياتك مثلما وجدته

تحياتى وكل الدعوات بالسعاده

Tarkieb 22 مارس 2015 في 7:56 م  

في مثل الماني بيقول لما تعدي الاضدقاء تلاقيهم كتار لما يكون عندك مشكلة بيتبخرو هههههههههه...انا الحمد لله ماكانش عندي اصدقاء كتار ...

زهــــراء 22 مارس 2015 في 8:10 م  


Tarkieb

*-****-

المثل حلو جدا جدا وحقيقى كمان لان فى الشده يبان عدد الاصدقاء اللى بجد ...
مش مهم الواحد يكون عنده مائة صديق لانه صديق حقيقى واحد فقط يعادل مائة الف صديق مزيف

نورت ...

محمد سلامة 24 مارس 2015 في 1:21 م  

احب أقولك يا بختك
كم بحثت عن صديق ولم أجد
ليا صحاب كتيييييييييييييير
ولكن واحد بس أقدر أقول عليه صديق
وكتبت موضوع قبل كدة عن الموضوع ده
http://khwatirmoslem.blogspot.com/2011/10/blog-post_28.html

زهــــراء 24 مارس 2015 في 2:35 م  

مــحمد سلامه ...

اعلم انه من حسن حظى تلك الصحبه التى وهبنى الله اياها ربنا يوعدك ويرزقك بصحبه صالحه عن جد من اجمل الحاجات اللى ممكن تحصل لنا هو اختيار الصحبه الصالحه التى ادعو الله ان نكون معا فى الجنه

تحياتى ...

م م 27 مارس 2015 في 6:11 م  

السلام عليكم
وده اول تعليق عندكم
الكلام عن الصداقة مهم جدا
والانسان بدون صديق نقدر نقول مرض نفسيا
حاجة الانسان لصديق مثل حاجته للماء والهواء
لا تستقيم الحياة بدون صديق
وللاسف الشديد
اتا بتكلم عن شيء غير موجود في حياتي من سنين
لاسباب متعددة
عشان كده اقدر اقول
اني في طريقي للعباسية
تقبلي التحية

زهــــراء 28 مارس 2015 في 2:56 م  



م . م

*-*-*-*

يا هلا فى اول طله على المدونه وان شاء الله مش تكون الاخيره ...
الصداقه شئ رائع فى حياة البشر واعتقد ان الصداقه دى رزق زيها زى حاجات كتير ماديه بس لانها شئ معنوى مش بنعرف قيمته غير بمرور الوقت عن جد دعواتى ان يهب الله لكل كل السعاده ويهب لك العديد من الصداقات الناجحه


Free CursorsMyspace LayoutsMyspace Comments

    © بالحب اتجمعنا. Friends Forever Template by Emporium Digital 2009

Back to TOP