جــــوز الاتنين ....

>> السبت، 14 مارس 2015




من كام  يوم  جت لى مكالمه من صديق قديم


وبعد السلامات والحوارات فوجئت انه بيقول


انه اتجوز على مراته ... بعد دقائق من الصمت


لانى اعرفه كويس جدا واعرف مراته كمان


سالته ودى ظروفها ايه اللى اتجوزتها قالى بنت


وعمرها ما اتجوزت او حتى اتخطبت


وعندها 25 سنه


مافيش اى لزمه انكم تعرفوا باقى الحوار

تحدثت مع  بعض الاصدقاء 


تعالوا معايا شوفوا الكلام 


وكان لازم نسأل سؤالين


السؤال الاول ايه اللى يخلى الرجل يفكر فى تجربة الزواج التانى


والسؤال التانى ايه اللى يخلى بنت


 ترضى انها تكون الزوجه التانيه

 "N  وهى زوجه وام  " قالت ان الرجل بطبعه عيونه زايغه


وبعض الرجال بيفضل فى حياته اكتر من امرأه وكله بشرع الله



"K  متزوج " قالى الرجل اللى بيتكعبل فى حب


 يهز حياته
ومش عاوز يغضب ربنا يتجوز تانى



" H متزوج من فتره بسيطه "  كلنا هذا الرجل


 عاوزين زوجه تانيه بس مافيش امكانيات



"T  انسه " وايه المشكله لما اكون الزوجه التانيه


 مش احسن من القعده اللى انا فيها

طبعا حذفت بعض الاجابات لاسباب

اخلاقيه ههههههههه 


عاوزه بقى رأيكم فى الموضوع ويبقى حوار ونقاش

امتى الرجل ياخد قرار الزواج بأخرى

وامتى البنت تقبل على نفسها انها تكون التانيه

على فكره كل  واحد يقول رأيه من الناحيتين


على راى المثل زوج الاتنين يا فاجر يا قادر


اعلم تمام العلم ان كل رجل وامراه لهم ظروفهم الخاصه

وفى بعض الاحيان قد لا تتكرر الظروف



36 التعليقات:

Unknown 14 مارس 2015 في 4:50 م  

أنا جيت
ههههههههه

Unknown 14 مارس 2015 في 4:51 م  

احتلال يا كبيره
ههههه

Unknown 14 مارس 2015 في 4:52 م  

التعليق التالت
ههههههه

Unknown 14 مارس 2015 في 4:52 م  

هحتل يعنى هحتل
عندك اعتراض؟
هههههه

Unknown 14 مارس 2015 في 4:54 م  

الخامس عشان الحبايب
ويبقوا خمسه فى عين العدو

Unknown 14 مارس 2015 في 4:55 م  

أقرأ وراجع تانى

زهــــراء 14 مارس 2015 في 5:05 م  

مدونة الفرسان....

يا هلا فيك منور ☺☺☺☺

Unknown 14 مارس 2015 في 5:05 م  

الكبيره بتاعتنا
أنا من رأيي الخاص إن الراجل اللى يتجوز واحده تانيه وتكون امكانياته تسمح ويعدل بينهم ،يبقى ريح نفسه طول العمر
ان زعلته دى يروح للتانيه
هههههه
أما بالنسبه للبنت فبتلاقى في الراجل صفات هي عايزاها مثل الإمكانيات الماديه والوسامه ويحفظها من الوقوع فى الخطأ
احتراماتى

زهــــراء 14 مارس 2015 في 5:06 م  

فارس الفرسان

يا له من احتلال رائع بس المهم انك تقول رأيك في البوست وبكل صراحه

Unknown 14 مارس 2015 في 5:07 م  

الكبيره بتاعتنا
بس أنا زعلان من الكاريكاتير اللى انتى حطاه فى البوست
هههه
مش كل الرجاله كده
احتراماتى

زهــــراء 14 مارس 2015 في 5:10 م  

مدونة الفرسان

اه يا خوفي أن الاتنين يتفقوا عليه وتبقى وقعته فله شمعه منوره هههههههه
انت عارف يا صديقي انه ممكن يوصل به الحال لمستشفى الأمراض العصبيه من اللي ممكن يحصل فيه ههههههههههه تخيل بقى كيدهن

بالنسبه لرأيك للبنت اتفق معاك بس لازم تكون حسبت كل خطوه بعقلها لأنها ممكن تفتح على نفسها أبواب جهنم من الزوجه الأولى

كل التقدير والاحترام لصاحب أكبر احتلال في عالم التدوين

على فكره موضوع الكبيره ده على الفيس هههههه ليس له علاقه بالتدوين

زهــــراء 14 مارس 2015 في 5:12 م  

مدونة الفرسان

الصوره ما هي غير إسقاط على حاله معينه وعن جد احترت في اختيار الصوره الي ان تفضل أحد الأصدقاء واهدي لي الصورتين ولا نقدر نزعلك ده انت عمنا والمحتل الكبييييير هههههههه

Unknown 14 مارس 2015 في 5:14 م  

الكبيره بتاعتنا
ما هو لو راجل بيفهم هيخلى كل واحده فى مكان مستقل
هههه
انما لو جمعهم مع بعض فى بيت واحد مثلا
تبقى شورته سوده
احتراماتى

زهــــراء 14 مارس 2015 في 5:21 م  

الفرسان
هو فعلا عمل كده كل واحده في مكان عن جد كنت فاكره انه هيعيش دور الحاج متولى هههههههه بس برضه ليه الرجل يتجوز على مراته ام عياله وده مش عشان يريح نفسه ويدلع ويبقى فاكر نفسه هيعيش عيشه فل أكيد لازم يكون فكر واخد القرار بعد تفكير طويل طبعا في قصه صديقي انا فاهمه وعارفه هو اتجوز ليه إنما كلامي في العموم

Unknown 14 مارس 2015 في 5:27 م  

انا اعرف واحد ظابط شرطه
قال لزوجته جهزى عزومه كبيره أوى
علشان أنا عازم ناس مهمين زمايلى فى الشغل بكره
الست عملت عزومه بقه مؤلكيش عليها
إشى حمام وإشى فطير مشلتت وعسل نحل وإشى بط ولبس واشيك وقالها أنا رايح أجيبهم
وفجأة لقت الست زغاريد على باب البيت بتاعهم ، آمت تبص
لقت جوزها ماسك إيد واحدة تانية
وداخل البيت صرخت الزوجة بشدة
وقالتله هما دول زمايلك
وعايشين الإتنين فى بيت واحد بقالهم ييجى خمستاشر سنة
هههههههههههههه
احتراماتى

زهــــراء 14 مارس 2015 في 5:36 م  

ههههههه ده جبار هههههههههه مش ممكن بس اكيد هو جاب آخره من الأولى وكمان التانيه دي وافقت ازاي على كده وأنها تعيش مع الأولى في بيت واحد فعلا صدق المثل اللي بيقول جوز الاتنين وصديقك ده قادر وفاجر ههههههههه بس الضباط معظمهم عيونهم زايغه إلا من رحم ربي واعرف ضباط قمه في الأخلاق والرقي واعرفهم برضه منهم فرده شمال بني برباط أخضر هههههههه

Unknown 14 مارس 2015 في 6:23 م  

صديقتى العزيزة
ما أعرفه ومن خبراتى المتواضعة
أن هناك أسرار بين الزوج وزوجته لا يعلمها إلا الله
مهما حكت الزوجة ومهما قال الزوج
عندما يدب الخلاف لاقدر الله
أو تزوج الزوج بأخرى
كل واحد فيهم بيقول على
التانى ما فى الخمر
وعندما يواجه بعضهما البعض
تجدى كلام مختلف
هناك أسرار لا يعلمها إلا الله والزوجين فقط عن حياتهماالخاصة
احتراماتى

Unknown 14 مارس 2015 في 6:48 م  

سيظل السؤال يُسئل
وستظل الجواب مبهـــم
ولكن ما اقول او ما اراهـ
انها طبيعة(جينية)ازاى؟
عفوا فى الطيور والحشرات
والحيوانات نادرا ماترى
♂اى(ذكر)يكتفى بـ♀ اى أنثى
واحدة(الأ فيما نُدر هى جينات
اعجبنىفى ذات مرة تفسير للشييخ
ممكن (الشعراوى)ولكنى غير متأكدة
قال فيه أن ♂وظيفته الأكثار على
العدد او النوع أما ♀فمهمتها
تحسين او أنتاج نوعية جيدة
من هذا العدد☺☺☺☻☻☻
ياترى قدرت اوصل رايى؟

زهــــراء 14 مارس 2015 في 8:12 م  

مدونة الفرسان


بالفعل هناك اسرار بين الزوجين لا يبوح بها ايهما ولكن فى بعض الاحيان الكيل لما بيطفح بتلاقى كل واحد بيقول اكتر من اللى المفروض يتقال

ولما يتطور الموضوع الى الزواج التانى طبعا الزوجه المصريه اللى مشهوره بالنكد بتقول ان الرجل مهما عملت له بيفضل برضه ولا يملا عيونه التراب

تحيه لك يا صديقى المحتل الاكبر

Tarkieb 14 مارس 2015 في 8:14 م  

زمان قالوها جوز الاتنين يا قادر يا فاجر

زهــــراء 14 مارس 2015 في 8:15 م  


norahaty mo

*-*-*-*-*-*-*

دكتورتى الغاليه ...
حاولت افهم وياريت ما حاولت ههههههههه عارفه دكر البط استحاله يفكر يرتبط ببطه تانيه بعد رحيل زوجته سواء بقى رحلت بالدبح او طفشت به شوفتى بقى انا باحب البط ازاى عشان على اسمى وعشان اخلاق البط كمان هههههههههههههههه
بس برضه تفتكرى الرجل ممكن ياخد خطوه الزواج التانى امتى الرجل اللى هو من بنى ادم مش بنى بط او بنى حيوان ههههه

تحياتى وتقديرى

زهــــراء 14 مارس 2015 في 8:17 م  


Tarkieb


*-**-*-*-*-

تيكوووووووو

واحيانا بيكون فاجر وقادر فى نفس ذات الوقت

النسر المهاجر 14 مارس 2015 في 9:53 م  

إلى يخلى إنسان يتجوز مره تانيه
إما إن زوجته الاولى مش مرتاح معاها يعنى بيحس ولا كأنه إتجوز ومش عايز يخونها ويغضب ربنا فبيتجوز شرعى وده مش خيانه على فكره لأن الحلال مينفعش يتوصف بصفات الحرام (خيانة)
السبب التانى إنه أساسا مزواج أو بيحب الستات يبقوا مالين حياته ههه فبيتجوز تانى وممكن تالت وده بالنسبه له أفضل بكتير من إنه يعك بره بيته فى الحرام

البنت ليه تقبل تتجوز واحد متجوز قبل كده لثلات اسباب
السبب الأول إنها إتأخرت فى الزواج وفى نفس الوقت نفسها تتجوز أو أمنية حياتها تتجوز لأسباب بيولوجيه
السبب التانى كلام الناس والبعض من البنات بتتاثر بيه فبتبقى مضطره لكده لانه بيبقى فى رايها إختيار أخير
السبب التالت إنها مش شايفه مشكله إنها تبقى زوجه تانيه وإنه مش عيب ولا حرام إنها إتجوزت راجل متجوز وإنه مغلطش لما إتقدم لها كزوجه تانيه

فى رايى
إن التعدد حاجه مشروعه ولما نحاول نحجمه بكلام الناس مخترعاه يبى كأننا بنحرم حلال
والحاجه لو حلال بس مش عايزنها يبقى مينفعش ندين الى بيعملها
الست لها عند جوزها الإحترام والحب وإنها مش تحتاج حاجه ولا يقصر معاها فى اى حاجه مدام الحاجات دى متوفره يبقى مش من حقها تمنعه يتجوز تانى او تالت إلا لو هيبقى فيه تقصير.
على المستوى الشخصى زوجة واحده أفضل بكتير من التعدد على الاقل بيبقى تركيزه كله فى بيت واحد وخصوصا لو زوجته إنسانه شبه كامله مش سايقه فيها وعامله نفسها بتتخنق بسرعه وعصبية والكلام التافه بتاع بنات اليومين دول وإلى تبقى كده أحسن علاج لحالتها إنه يجيب واحده هادية تعلما الأدب ههههه. إنما لو مش مقصره معاه فى حاجه أعتقد إحترام مشاعرها واجب عليه

النسر المهاجر 14 مارس 2015 في 10:09 م  

نسيت أعلق على الكاركتير
على فكره فيه البعض بيبقى زى الصورة التانيه مع زوجته الاولى والبعض بيبقى العكس
دمتى بخير

النسر المهاجر 14 مارس 2015 في 10:12 م  

على فكره يا زهراء دكر البط
بيبقى لواحده مع 30 أنثى عادى

لكن لو عايزه أوفى الذكر يبقى الذئب الحبوان الذى لا يمكن ترويضه عندما تموت أنثاه يستحيل أن يرتبط بأنثى أخرى وإن مات الذكر لا تتورع الأنثى عن الإرتباط بغيره ......

زهــــراء 15 مارس 2015 في 1:09 م  


Gamal Abu El-ezz

-*-*-*-*-*-*-*-*-

جمال ....
اوقات بيكون قرار الرجل انه يتجوز على مراته انه خايف يغضب ربنا وعلى هذا بياخد الطريق الحلال بس للاسف نادرا لما تلاقى امراه تعترف انها السبب ان زواجها اتجوز عليها وكأنها مش بتغلط او ملاك باقى له جناحين ويطير
والرجل من حقه انه يتجوز تانى وتالت ورابع وكله بما يرضى الله ههههههههه بس هى فين الامكانيات اللى بيتجوز واحده النهارده بيضيه شقا عمره فى البامبرز

بالنسبه بقى ان البنت تبقى زوجه تانيه عندى رايى الخاص وانه كل حاله له ظروفها يعنى النهارده انا باتكلم من وجهة نظرى يوم الاحد الموافق 15 مارس انما بعد شويه احتمال لو اتحطيت فى ظروف اخرى اغير رايى اقر واعترف ان كلام الناس بياثر فى حياة البنات كلها الا من رحم ربى وعلى هذا البنت ممكن تتجوز اى زيجه بحجة كلام الناس على فكره مش شرط تكون الزوجه التانيه دى ممكن تبقى اول زوجه وتختار اى رجل عشان بس كلام الناس

احيانا الرجل ممكن يتجوز عشان يعلم مراته الادب ههههههههههههه صح كلامك

منور يا جمال وعن جد باحترم رايك

زهــــراء 15 مارس 2015 في 1:10 م  



Gamal Abu El-ezz


*--**-*-*-*-*-

جمال عندنا يا مراحب فى تانى ظهور هههه
الصوره دى شكلها هتعمل لى مشاكل كتير انا فعلا كنت محتاره فى اختيار صور للموضوع ولما لاقيت دول شكلهم مناسب وكنت تعبت الناس معايا قولت وماله واتفق مع كلام ان فى رجال كده شبه الصوره

زهــــراء 15 مارس 2015 في 1:13 م  


Gamal Abu El-ezz

*-***-*-*
ههههههههههههه طول عمرى اعرف ان البط وفى وحبوب خلاص نغير المواصفات وابحث عن ذئب بلاش دكر البط ده هههههههههههههه

عن جد فرحانه بالحوار معاك

غير معرف 15 مارس 2015 في 1:48 م  

ايه ده ايه ده انا شكلى جيت متاخر اوى
بصى بقه يازوزو
احنا عايزين باقى الحوار ههههههه وباقى الاجابات كمان بليز
بصى ياقمر الموضوع خطير جدا
وعلى فكره اللى مانع الرجالخ عن الجوازه التانيه هو الفلوس والله
البنات فى ظل ظروف العنوسه بقه والكلام ده بتقبل انها تبقى زوجه تانيه
بس بصراحه انا مش بحترم اى بنت لسه فى بدايه حياتها تكلم راجل تجوز وتحبه وتفسد عليه حياته
وللاسف النوع ده بقه كتير اوى
انما الراجل بطبعه بقه مش بيكتفى بست واحده
فراغه عين بقه وقله اصل هههههههههههه
وعايزه اقولك ان بقى فى ستات متجوزه عايزين يجربوا بتجوزوا تانى هههههههه كنوع من التغيير
اصبح الكل نساء ورجال يعانوا من الملل

غير معرف 15 مارس 2015 في 1:53 م  

ياسلام
انا قرات تعليق جمال وهو بيتكلم عن الذئب
والله حبيت الذئب يازوزو
وكمان الاسد مش بيتجوز الا واحده بس

زهــــراء 15 مارس 2015 في 9:07 م  



قمر وليل وغيوم ...

*-***-*-*-*-

قمر التدوين الغاليه على قلبى وروحى ولا فى اى تاخير انتى عارفه بس اننا عندنا محتل اكبر ماسك كل المدونات رايح جاى هههههههههههههههههههههه

باقى الحوار هههههههه صعب شويه لانه حكى لى عن ظروف الزيجه وانه مخبى على زوجته الاولى وانه مرتاح جدا جدا دلوقتى وبحكم شغله انه مش بيكون فى البيت كل يوم وبالتالى قاعد انه يبات عند زوجته التانيه يومين فى الاسبوع والغريب العجيب انها موافقه كفايه كده انا فضحته ههههههههههههه

اما باقى الاجابات معلش بقى هناك الفاظ خارجه وفى اتنين اتخناقوا مع بعض زوج وزوجته والخناقه كانت امامى بعيد عنك يا قمرايه عندى شوية اصدقاء رائعين ههههههههههههه
اكتشفت ان الغالبيه الكبيره من الرجال عاوزين يتجوزوا تانى وتالت ورابع وكله بشرع الله ههههههه انما الظروف الاقتصاديه هى اللى وقفت حالهم
عارفه فيلم امراه واحده لا تكفى هذا هو حال غالبية الرجال وكمان الجديد ان الرجل بيكون عاوز زوجه لا تنجب عشان تدلعه هو وبس وغالبا دى بتكون التانيه هههههههه
غالبية الشعب يعيش حالة ملل

منوره يا قمرايه

زهــــراء 15 مارس 2015 في 9:11 م  

قمر وليل وغيوم

*-*-*-*-*

انا بصراحه كنت عارفه حكاية دكر البط انما جمال عرفنى موضوع الذئب وطبعا الاسد ده ملك الغابه عشان حاجات كتييييييير

انتى عارفه من فتره طويله كنت كتبت مسلسل وبيحكى عن الحيوانات فى اطار كارتونى ووقتها تعمقت فى عالم الحيوان والزواج والانجاب واكتشفت ان بعض الحيوانات فيهم خصال رائعه مش متواجده فى البنى ادميين

ربنا يوعدك بأسد هههههه

رحاب صالح 15 مارس 2015 في 9:46 م  

شوفي انا مبحبش اشتم
اصلا مبعرفش اشتم
بعيد عن ان كل واحدة او حالة ليها ظروفها بس انا من أشد الرافضين للمبدأ ده بدون اسباب مقنعة
يعني في سبب وجيه ان مثلا الزوجة الاولي مبتخلفش
أو مريضة
ففي الحالة دي يحق للزوج انه يتجوز لكن بق يلما تكون الزوجة ولادة وماشاء الله عليها صحة جمل لية نتجوز عليها الا لو كان راجل دون وناقص وعينة زايغة
عموما النوع ده كتير مثلا في المدرسة عندي نص الي في المدرسة ماشين علي مبدا طبق الشرع مثني وثلاث ورباع بس مفيش فلوس يا بنتي
واتقالتلي في وشي والله لو معايافلوس لاتجوزك يا رحاب حتي لو غصب عنك ...هبل بعيد عنك
انا استحالة اقبل اني اكون زوجه تانية واطحتيت في الموقف ده مع شخص حبيته جداا بس رفضت اني اكون وزوجة تانية وهفضل ارف حتي لو بقي عندي مليون سنة و ومتجوزتش
ده مبدأي
بقول لصحباتي دايما كدة وبيغلطوني لانهم مقتنعين تماما ان الفرصة لا تأتي لبابك مرتين اتجوزي قبل ما تعنسي يا ختي ...لالالا رفض رفض رفض
وان شاء الله هفضل عند ميدأي ده

زهــــراء 16 مارس 2015 في 8:27 م  



رحــاب صالح
-*-*-*-*-*

ميس روبى ...

تعالى نتفق ان كل انسان له ظروفه الخاصه اللى انتى مش تقبليه به غيرك هيقبل اقولك على حاجه عندى صديقه رفضات عريس مهذب ومحترم وكان جاى من طرفى ومش باشهد لانى اعرفه لا دى شهادة كل الناس فيه سبب الرفض انه خطب قبلها مرتين وحكيت لها على ظروف الخطوبتين وهى نفسها تكون اول خطيبه له حقها وماحدش يقدر يقول معاها نص كلمه لولا تباين الاذواق لبارت السلع

على فكره غالبية الرجال تتحكم فيهم الناحيه الماديه لو معاهم فلوس كانوا هيطبقوا شرع الله زى ما بيقالوا لان الاصل التعدد اما الزواج من واحده ده الاستثناء وقابلت نوعيات من اللى عندك فى المدرسه كتيييييييير

احترم رايك وان شاء الله هتلاقى الانسان اللى فيه كل الصفات اللى تتمنيها واكتر كمان بص يا رحاب انا عندى مثل مؤمنه به فى حياتى قعدة الخزانه ولا جوزاة الندامه ربنا يكرمك ويوفقك يارب

تحياتى ودعواتى


Free CursorsMyspace LayoutsMyspace Comments

    © بالحب اتجمعنا. Friends Forever Template by Emporium Digital 2009

Back to TOP