شبيــك لبيــك .....

>> الاثنين، 9 مارس 2015






ايوه العنوان صح والصوره كمان 




فاكرين قصة علاء الدين والمصباح السحرى



لما خرج له العفريت وقال له شبيك لبيك 




بصراحه فكرت شويه لو فجأه لاقينا هذا المصباح



هنطلب ايه من العفريت !!!



طبعا ماحدش يقولى الصحه والستر لان دى حاجات 




نطلبها من ربنا واكيد كل حاجه نطلبها من ربنا 



بس الفكره خياليه خلينا نعيش فى الخيال شويه كده




الواقع بقى غريب عجيب تعالوا نسرح شويه كده




لو فجأه ظهر لى هذا العفريت هاقوله ...
 



عاوزه طياره عشان اعرف اتنقل بين الاماكن بسرعه 




لان الزحمه هتقضى عليا قبل ما اعرف اعمل اى حاجه  



عاوزه مطعم كبيييييييييير يبقى بتاعى 



ماحدش يقولى اجى اكل ببلاش ^_^




لازم تنفعوا اختكم بقى وبعدين هيبقى مطعم معفرت 




عشان اللى ياكل يرجع يجوع بسرعه 




ويرجع عندى من تانى ههههههههههه




عاوزه يبقى عندى قناه تليفزيونيه 



عشان اقدم فيها اعلام بجد من اللى درسته




واقدم فيها فن بجد من اللى شوفته  



عاوزه اسكندريه تكون عاصمة مصر




عشان احنا نحتل المركز الاول فى عدد القنابل 





 ايه كمااااااااان امممممممممممممم 



كفايه كده .....



كل واحد بقى يتخيل انه معاه المصباح



شبيك لبيك ... اطلب واتمنى ....



ملحوظه صغننه



ماحدش يتكلم فى ان الفكره حلال وحرام




39 التعليقات:

لـــولا 9 مارس 2015 في 2:56 م  

انا موافقة ان الاسكندرية تكون عاصمة مصر الاولى خلي شغل القنابل تخف من عندنا شوية ويمكن تكون فيه مشاورات خاصة لنقل العاصمة لاماكن تانية تباعا :)


وبالنسبة للمطعم انا هاجياتفرج بس مش هاكل عشان مهياش ناقصة اكل واجوع بسرعة وارجع اكل تاني مش هنخلص احنا بقا


بما اني مش مقتنعة من زمان بخصوص المصباح اللي بيحقق كل الاماني فمش هطلب منه حاجة

خليها ع الله :)

زهــــراء 9 مارس 2015 في 3:02 م  

لــــولا
-*-*-*-

مسا الورد على الناس الحلوه اللى كسلانين

بصى يا ستى بالنسبه للمكان اللى عاوزه يكون عاصمة مصر انا مافيش عندى اى مانع انتى عارفه اغلى الناس فى حياتى من هناك ههههههههه

المطعم بقى هيبقى مطعم كله شغل عفاريت بس اطمنى الاكل بتاعك هيكون من ايديا مش من عند العفاريت
يا ستى خلينا نتخيل شويه

منوره مكانك ويارب اشوف لكى اى حاجه قريب

النسر المهاجر 9 مارس 2015 في 4:20 م  

مدام بنتخيل بقى
كل الطلبات مدام بعيد عن الصحة والستر والأخلاق والمشاعر فهى طلبات ماليه يبقى العقل يقول ايه
إنى هطلب من العفريت أملك أموال قد كل الفلوس الى مع عائلة (روثتشايلد)العائلة التى تتحكم فى اسعار الذهب ومعظم الحروب فى العالم بسببهم والى ليهم أكبر نسبة أسهم فى البنك المركزى ومعظم الشركات العالمية ليهم فيها حق الإدارة بس طبعا انا عايز الفلوس بس إنما هما كعائلة فميلزمونيش كفاية على النفوز بتاعهم على الأقل أقدر أتحكم شوية فى اقتصاد العالم

ملحوظه : محدش يقول على إنى إتجننت دى أمنية عاديه جدا هههههههه

P A S H A 9 مارس 2015 في 4:23 م  

طالما فيها تخيل قشطة
:)
أول حاجة هخلي العفريت ييجي من عند الحدود الجنوبية والغربية كده ويقصها ؛ حلو ؟؟ كده مصر بقت جزيرة ؛ ويقوم جي زاققها شوية لفوق (ناحية الشمال) وبعدين يمسكها من شراشيبها اللي تحت وينفضها تنفيضة جامدة ينطر كل الشعب على أوروبا أو في البحر ما عنديش مشكلة ؛ معايا ؟؟

كده البلد فضيت وبقت جزيرة حلوة الواحد يعرف يعيش فيها براحته ؛ وإن كان ع النيل ؛ أبقى أروح كل شهر أملا بحيرة السد من السودان وأرجع تاني .
الميزة هنا في إيه ؟؟ عاوز أروح السعودية أحج ولا أعمل عمرة يا دوب الجني يحود بالدركسيون يمين أبقى هناك وأما أحب أروح أوروربا في الصيف ؛ الجني يطلع بالجزيرة لقدام وفي الشتا يرجع لورا .. حاجة لوز اللوز ولوكس اللوكس .. ولو زهقت خالص أخليه يضمها على بعضها ويبرمها ونعدي من البحر الأحمر وألف العالم وأنا في مكاني .. جزيرتي معايا وزرعي ونهري وبحيراتي معايا ومش محتاج لحد !! بالعكس ده أنا هأجر الآثار للسياح في البلاد اللي هزورها .
كل ده علشان تعرفوا بس أنا قد إيه وطني وباحب بلدي ولا يمكن أسيبها أبداً.
:)
أفكر في حاجة كمان وأرجع

P A S H A 9 مارس 2015 في 5:09 م  

افتكرت دلوقت أن الفكرة اللي أنا قلتها كنت قريتها قبل كده زمان في رواية لـ ساراماجو اسمها "الطوف الحجري" وفيها تخيل انفصال شبه جزيرة ايبريا (اسبانيا والبرتغال) عن أوروبا لتصبح طوف حجري كبير في البحر .. بس بصراحة ما كانتش في بالي خالص وأنا باكتب التعليق ؛ ما افتكرتهاش إلا دلوقت !
:)

Unknown 9 مارس 2015 في 6:24 م  

طالما فيها أطلب واتمنى بقى
أنا بتمنى بقه هاتمنى براحتى بقة
أتمنى إنى أحتل التعليق الأول فى كافة المدونات هههههههههههه
وأتمنى إن واحدة صاحبتى إسمها زهراء
متشفشى جديد المدونات إلا بعد ماأحتل
ههههههههههههه

دمت ودامت إبداعاتك

Unknown 9 مارس 2015 في 6:37 م  

معلشى أنا طماع شوية ليا كمان طلب
أيوة بقى العفريت بتاعى وأنا حر فيه
بطلب يكون عندى قصر زى قصرأوردغان
الذى يحتوي القصر الجديد على 1000 غرفة وتزيد مساحته 30 مرة عن مساحة البيت الأبيض الأمريكي، كما أنه أكبر من قصر فرساي الشهير في فرنسا
ههههههههههه
خالص الإحترام

Unknown 9 مارس 2015 في 6:40 م  

ليا كمان طلب محدش يحوشنى أناحر العفريت بتاعى وأنا حر فيه
أنا بطلب إنى أعرف أمسح النقط السوداء فى قلوب الناس كلها ونبقى كلنا نحب بعض
ومفيش حد يكره التانى ياريت
دمت فى رعاية الله

زهــــراء 9 مارس 2015 في 8:26 م  


Gamal Abu El-ezz

-*-*-*-*-*-*-*-*

جـــمال .........

اطلب و اتمنى والعفريت قاعد يسمع ويضحك علينا ولو ظهر لنا احنا هنترعب ومش هنعرف نطلب منه اى حاجه

تصدق انى اول مره اسمع عن الاسره اللى تتحكم في اسعار الدهب وتفتكر اخبار الالماظات ايييييييه ياترى هتديني خاتم صغنن كده ويكون في فص قيمة 3 قيراط انا مش طمعانه ههههههههه

ربنا يحقق لك اكتر مما تتمني يارب

لو عاوز حاجه تانيه من العفريت ابقي تعالي وهتلاقيه قاعد منتظرك ....

Tarkieb 9 مارس 2015 في 8:33 م  

لو لقيته ح اخليه يجيبلي عمرو أديب م قفاه واخليه يمسح م التاريخ اني كنت بسمع لواحد زي ده ومش قادر اسامح نفسي ههههههههههههه

زهــــراء 9 مارس 2015 في 8:52 م  

P A S H A

*-*-*-*******

شــــــــريف

تخيل براحتك خالص بس كده مصر بقيت عباره عن خريطه جديده بس عارف سيبك انت من كل ده اهم حاجه ان الاثار معاك فى كل مكان ياه لو فى منك اتنين كانت مصر دى بقى اعظم حاجه كده طبعا مش هتبقى دوله ههههههههههه

انت عارف ان المسافه اللى الطياره قطعتها من مطار برج العرب الى مطار جده لما كنت مسافره اخر مره اخدت بالضبط ساعتين يعنى انت لو عاوز تعمل مشوار جوه القاهره هياخد وقت اطول بس بطريقتك دى يا دوب اخد التوك توك يوصلنى على هناك دوغرى لا فى بحار ولا انهار ولا اى حاجه هههههههههه

على فكره انت فصلتنى ضحك اقولك على حاجه بس مش تقول انى اتجننت خلاص انا جهزت خريطه لمصر وبدات اتخيل الشكل هيبقى عامل ازاى يا لهوى تحفه تحفه تحفه ههههههههههههههههه

وبعدين خلى البلد تفضى فى البحر بس اه يا خوفى وانت بتحدف كل الناس تيجيى تقعد فى اسكندريه لو الحدفه بتاعتك من قويه يا لهوووووووووووى كده هاغنى زحمه يا دنيا زحمه الله يكرمك ابقى احدف بقوه وبذمه عشان كل الناس تنزل البحر متفقين اوعى تضحك عليا

انت تنور تانى وتالت ورابع وطول ما العفريت قاعد معانا بالمناسبه انا بانطق كلمة العفريت بطريقة احمد مكى فى فيلم طير انت ههههههههههه وشكلها لايق اوى على الحلم بتاعك


زهــــراء 9 مارس 2015 في 8:54 م  



P A S H A

*-*-**-*-*-*-*

شريف

انت لسه معانا والله منور افتكرت انك بدات تنفذ الخطه انت والعفريت وكل شويه اطلع اطمن ان اسكندريه عدد السكان مش زاد وعلى اعتبار انى قريبه من البحر خايفه الاقى اسوان بقيت على البحر ههههههههههههههه

اول مره اسمع عن الروايه بس واضح انى هاشوفها واقراها

منور والله

تعالى التانى العفريت لسه قاعد لو افتكرت حاجه

زهــــراء 9 مارس 2015 في 8:56 م  


مدونة الفرسان


*-*****-*

المحتل الاكبر

يا هلا فيك والله ....

والله انت طيووووب يا عم خلاص نسيب لك اول تعليق ده العفريت ممكن يعلب فى ام الريدر وفجاه الاقى جديد المدونات مش بيظهر عندى اصلا

دى اخرتها برضه واضح انك عاوز انى ارجع اتفق تانى عليكى مع صديقتى الجميله زهره ....

زهــــراء 9 مارس 2015 في 8:58 م  



مدونة الفرسان

-**-*-**-

امحتل الاكبر اوعى تقول على نفسك انك طماع انت جميل فاكر اعلان اتصالات لما كانت بتقول كده اوعى تقول على نفسك كده انت جميل هههههه


والقصر بقى الكببير ده مش تقولنا عاوزه فين وهتعمل بكل الاوض دى ايييه باقولك انا ممكن اجيب عربيه جيب واشتغل جوه القصر بالنفر عشان ماحدش هيقدر يلف القصر كله على رجليه ههههههه

زهــــراء 9 مارس 2015 في 9:00 م  


مدونة الفرسان

*-**-*-*-**

صديقى فارس الفرسان

انت حر انك تعمل اى حاجه فى العفريت طلع عين امه ده جه مصر يبقى يستحمل اللى يحصل له بقى

على فكره اصعب حاجه انك تمسح النقط السودا لان فى ناس قلوبها اكثر سواد من القهوه ومهما اضفت للقهوه حليب هتفضل غامقه برضه

خلينا فى القصر الكبير وربنا يبارك فيك وفى كل احبابك يارب

عن جد باتشرف بالتحوار معاك سواء هنا او فى مدونتك او حتى على الفيس

دمت انسان راقى ومحترم

زهــــراء 9 مارس 2015 في 9:11 م  


Tarkieb

*-*-*-*-*-*


تيكووو

وانت هتعمل ايه بس بقفا عمرو اديب ههههههه ؟؟؟؟
لو مش قادر تسامح نفسك انك كنت بتتفرج عليه كفايه انك اتعرفت من خلاله على ناس حلوه يعنى ولا اييييه ؟؟؟؟؟ " وش بيغمز "

انت نسيت اللى كنت بتعمله فى وليد رشاد ههههههههه والله لسه فاكره

رحاب صالح 9 مارس 2015 في 9:48 م  

مقرأتش التعليقات
انا عايزة حاجة كدة رومانسية يعني يرجع بيا الزمن لورا واروح لجزيرة مفيهاش حد غير شخص واحد بس ...وبيت صغير وورد وبحر ...رومانسية بقي
حاجة تانية ....هخلي اعفريت يخليني رئيس مصر وأعيد تقسيم مصر من تاني واخلي بلطيم هي عاصمة مصر وههتم بالمحافاظات مش هخلي مصر تكون اسكندرية والقاهرة وبس...وهمنع منعا باتا زراعة الكوسة والسسبانخ والملوخية والتوم بكرهههم جدااا وهمنع عمايل البيض المسلوق لاني مبحبووووووووووووووووش
دي مش تريقة ...دي ديموقراطية ...
وعلي فكرة عجبني حلمك اووي بتاع الاعلام الي بجد ده ...:)

غير معرف 10 مارس 2015 في 1:17 ص  

زهراء اللجميله الناعمه المتألقه دوما
ازيك ياقمر
بصراحه الموضوع توحفه
اهو نتخيل شويه كده ونحلم ونخرج من المود شويه
انا بقه لو.معايا المصباح السحرى هطلب من العفريت انه يعملى رحلات سياحيه لبلاد العالم كلها وتكون شامله الاقامه بقه والاكل والمصروف كمان هههههههه
اصل انا بحب السفر اوى ونفسى ألف الدنيا

غير معرف 10 مارس 2015 في 1:19 ص  

تعرفى كمان نفسى فى حاجه اوى
نفسى يتمحى الشر كله من العالم
يتمسح بأستيكه وكأنه لم يكن
نفسى تبقى كل الناس طيبه

زهــــراء 10 مارس 2015 في 1:45 م  


رحاب صالح

-*-*-**-*

صباح الرومانسيات يا ميس رحاب
ابقى اقرى التعليقات عن جد هتفرحى اوى اوى بها والله ههههههههههههههه

ايه الرومانسيه دى كلها ورد وفل وشموع وكلام حلو وده عاوز عفريت برضه ده عاوز معجزه يا اوختى والله ههههههه

على فكره اللى عايشين بره القاهره والاسكندريه فاكرين ان الحال هنا افضل والله يا رحاب الوضع عندنا لا يفرق كتير عن اى حته فى مصر كل الحكايه ان الشوارع اللى بيتحرك فيها كريم شانيته المجتمع هى الشوارع اللى فله شمعه منوره انما غير كده الحال فظيع مريع
وبعدين انا باحب السبانخ ليه هتمنعيها بقى هههههههه خدى بالك العفريت قاعد عندى فى المدونه

وعلى فكره حلم الاعلام ده بجد نفسي فيه اوى اوى وخدى بالك انى اتعلمت النقد الفنى على ايد ناس سوريين يعنى فن بجد


نورتى وشرفتى يا قمر

زهــــراء 10 مارس 2015 في 1:47 م  

قمر وليل وغيوم ..


قمره يا قمرى وحشااااانى جدا جدا وكان نفسى اطمن عليكى معقول يعنى عشان نطمن عليكى نعمل بوست جديد هههههههه بصى يا قمرى الاكونت بتاعى على الفيس متواجد على جنب وفيه الايميل عشان نبقى نطمن عليكى ....

حلوه حكاية السفر وتبقى مجانا وابقى افتكرى اختك اللى طلعت عين ام العفريت لما هيطفش والله ههههههههههه

منوره يا جميله

زهــــراء 10 مارس 2015 في 1:48 م  

قمر وليل وغيوم

-*-*-*-*-*-*-

الحلم التانى مش هينفع للاسف لانه يتحقق فى الجنه انما البشر لازم يبقى فيهم كل الاصناف والانواع عشان نشوف ده ونتعامل معاهم ونتعلم منهم كمان

ربنا يحقق لكى كل الاحلام يارب

محمد سلامة 10 مارس 2015 في 4:38 م  

ممكن أقعد أقولك وأعيدلك وأعمل فيها محب الخير والحق والجمال :)
بس هو حلم واحد
عايز فلوس كتييييييييييير
وبيها ممكن أعمل كل اللى قالولك عليه قبلى رغم إنى لم أقرأه :)

زهــــراء 10 مارس 2015 في 8:42 م  

محمد سلامة

*-*-***-

أستاذ مـــحمد


ياريت كنت قرات اللى قبلك عشان تعرف انه مش كلهم احلامهم بالفلوس او الحاجات اللى عاوزينها من العفريت بفلوس .....

ربنا يحقق لك كل احلامك

Unknown 10 مارس 2015 في 11:53 م  

نفسى
اروح مكان معين
علشان اشوف إنسان معين
حاله وأحواله وحياته
وأطمن عليه وارجع

زهــــراء 11 مارس 2015 في 2:29 م  


norahaty mo

*-*-*-*-*-

دكتورتى الغاليه .....

ربنا ينولك اللى فى بالك ويحقق كل احلامك

غير معرف 11 مارس 2015 في 11:31 م  

زهراء العسوله
انا معنديش فيس الحمد لله هههههههه مش بطيقه
ومعاكى حق حلمى التانى مش هينفع الا فى الجنه
ربنا ينولهالنا يارب
ونتجمع فى الجنه كده ونفتكر ايام التدوين دى
سبحان الله

النسر المهاجر 12 مارس 2015 في 12:51 ص  

ليه طلب من العفريت
إنى أشوف الببوست الجديد بتاعك قريب :)

زهــــراء 12 مارس 2015 في 11:59 ص  


قمر وليل وغيوم
*-*-*-*-*-*-*
قمراية التدوين

ربنا يكرمك ويحقق كل احلامك وابقى طلى علينا كل شويه عشان نطمن عليكى

زهــــراء 12 مارس 2015 في 11:59 ص  



Gamal Abu El-ezz
*-*-***-*-*-*-*-*


صباح الورد يا جمال

عاوز تشوف البوست الجديد ههههههههههه خلى العفريت يسرقه وعلى فكره عندى اكتر من فكره ومكتوبه وجاهزه على النشر بس ان شاء الله على الاسبوع الجاى لان الايام الجايه وقتى مشغول شويه

اسلام 12 مارس 2015 في 7:36 م  

انا مش عاوز فلوس هاطلب منه تلات حاجات
اولا اغير شقتى اجيب شقه كبيره خمس اوض وريسبشن قطعتين
ثانيا اغير مكتبى اجيب مكتب كبير وواسع ويكون تمليك مش ايجار جديد
ثالثا اغير عربيتى يعنى اجيب عربيه موديل 2014 انا متواضع مش عاوز موديل 2015 وانا مش عاوز فلوس عشان لو معايا فلوس هاعمل حاجات تانيه هههههههههههه ضحكه شريره وانتى فاهمه معنى الضحكه

غير معرف 12 مارس 2015 في 8:03 م  

حواوشي
و هاطلب لعب كتير
باربي
طبقين
2 معلقه
2 كرسي
ترابيزه
احطهم فى شقتي
2 سكينه عشان اكل بيهم
2 شوكه
فيلا
بظه بجد العب معها و كتكوت



ساره
هنا

اسلام 12 مارس 2015 في 9:00 م  

انا عاوزه العفريت يبقى هو الشغاله اللى فى البيت من الغسيل للطبيخ ونظافة البيت ويلم لعب البنات ويبقى هو الفليبينيه اللى هنطلع عين امه ونمرمطه معانا

نجلاء


ده بقى الاكونت بتاع اسلام عشان الاكونت بتاعى واقف يلا بقى ورينا شطارتك ورجعى لى الاكونت او خلى العفريت يرجعه

Butterfly 12 مارس 2015 في 11:31 م  

انا هقولة عاوزه نفس اللي زهراء طلبته :D ;)

زهــــراء 13 مارس 2015 في 6:52 م  

إســــــــلام

-*****-*-*-*

يعجبنى فيك انك قنوع ههههههههههههه وليه العربيه موديل 2014 ايه رايك لو موديل 2020 ههههههههه وانا عارفه لو معاك فلوس هتروح تعمل ايه خليها فى سرك نج نج مراقبه المدونه

ربنا يحقق لك اكتر مما تتمنى ...

زهــــراء 13 مارس 2015 في 6:54 م  



ســـاره

هــنا

اصغر ناس بتابع المدونه فى الدنيا انتم علمتوا احتلال يا عيال من فين اه يا خوفى يكون من على جهازى ههههههه

نعم يا ست سيسو عاوزه باربى على اساس ان مش عندنا سطول من الباربى حرام عليكى يا مفتريه حواوشى انتى محرومه يا بت انتى ههههههه

ربنا يحفظكم ويبارك فيكم يا احلى واغلى الناس على قلبى

زهــــراء 13 مارس 2015 في 6:56 م  



نجـــلاء ...

اولا منوره

ثانيا ايه الاحتلال العائلى ده

ثالثا ان شاء الله اقدر ارجع لك الاكونت القديم

رابعا العفريت طفش خلااااااااااص من اللى بنتك عملته فيه ههههههه

يارب يكرمك يا نوجا وابقى ادخلى من اكونت سمسم لغايه ما نشوف للاكونت بتاعك حل

زهــــراء 13 مارس 2015 في 6:57 م  


Marwa Fahmy


*-*-*-*-*-*-*

مــــروه


تسلمى يا قلبى انك اخترتى نفس طلباتى وخصوصا ان تقريبا العفريت اعتزل وقرر يهاجر من هنا بعد اللى حصل فيه

منوره يا قمرى


Free CursorsMyspace LayoutsMyspace Comments

    © بالحب اتجمعنا. Friends Forever Template by Emporium Digital 2009

Back to TOP