مطـــــــــلوب صـــديق .....

مطلوب صديق فيه العديد من الصفات

يفهمنى من غير كلام

من نظرة عين يعرف اللى جوايا 

نكون قريبين من بعض

مش شرط فى المكان

المهم نكون قريبين فى الزمان 

يمسح دموعى قبل نزولها

مش يكون السبب فيها 

نكون عون لبعض

فى وقت الاتراح قبل وقت الافراح

مطلوب صديق رغم اختلافنا

فى الشكل فى الطباع فى كل حاجه

لكن يكون صديق بجد 

نتعلم من بعض

نعلم فى بعض 

والاهم اننا ندعى لبعض

اذا اردت ان يكون لك صديق

فكن انت اولا صديقا 

اللهم احفظ لى اصدقائى ممن


يحملون هذه الصفات الرائعه


وأكثر ......

Read more...

جــــوز الاتنين ....

من كام  يوم  جت لى مكالمه من صديق قديم

وبعد السلامات والحوارات فوجئت انه بيقول

انه اتجوز على مراته ... بعد دقائق من الصمت

لانى اعرفه كويس جدا واعرف مراته كمان

سالته ودى ظروفها ايه اللى اتجوزتها قالى بنت

وعمرها ما اتجوزت او حتى اتخطبت

وعندها 25 سنه

مافيش اى لزمه انكم تعرفوا باقى الحوار

تحدثت مع  بعض الاصدقاء 

تعالوا معايا شوفوا الكلام 

وكان لازم نسأل سؤالين

السؤال الاول ايه اللى يخلى الرجل يفكر فى تجربة الزواج التانى

والسؤال التانى ايه اللى يخلى بنت


 ترضى انها تكون الزوجه التانيه

 "N  وهى زوجه وام  " قالت ان الرجل بطبعه عيونه زايغه

وبعض الرجال بيفضل فى حياته اكتر من امرأه وكله بشرع الله

"K  متزوج " قالى الرجل اللى بيتكعبل فى حب


 يهز حياته ومش عاوز يغضب ربنا يتجوز تانى

" H متزوج من فتره بسيطه "  كلنا هذا الرجل


 عاوزين زوجه تانيه بس مافيش امكانيات

"T  انسه " وايه المشكله لما اكون الزوجه التانيه


 مش احسن من القعده اللى انا فيها

طبعا حذفت بعض الاجابات لاسباب

اخلاقيه ههههههههه 

عاوزه بقى رأيكم فى الموضوع ويبقى حوار ونقاش

امتى الرجل ياخد قرار الزواج بأخرى

وامتى البنت تقبل على نفسها انها تكون التانيه

على فكره كل  واحد يقول رأيه من الناحيتين

على راى المثل زوج الاتنين يا فاجر يا قادر

اعلم تمام العلم ان كل رجل وامراه لهم ظروفهم الخاصه

وفى بعض الاحيان قد لا تتكرر الظروف

Read more...

شبيــك لبيــك .....

ايوه العنوان صح والصوره كمان 

فاكرين قصة علاء الدين والمصباح السحرى

لما خرج له العفريت وقال له شبيك لبيك 

بصراحه فكرت شويه لو فجأه لاقينا هذا المصباح

هنطلب ايه من العفريت !!!

طبعا ماحدش يقولى الصحه والستر لان دى حاجات 

نطلبها من ربنا واكيد كل حاجه نطلبها من ربنا 

بس الفكره خياليه خلينا نعيش فى الخيال شويه كده

الواقع بقى غريب عجيب تعالوا نسرح شويه كده

لو فجأه ظهر لى هذا العفريت هاقوله ...

 

عاوزه طياره عشان اعرف اتنقل بين الاماكن بسرعه 

لان الزحمه هتقضى عليا قبل ما اعرف اعمل اى حاجه  

عاوزه مطعم كبيييييييييير يبقى بتاعى 

ماحدش يقولى اجى اكل ببلاش ^_^




لازم تنفعوا اختكم بقى وبعدين هيبقى مطعم معفرت 

عشان اللى ياكل يرجع يجوع بسرعه 

ويرجع عندى من تانى ههههههههههه

عاوزه يبقى عندى قناه تليفزيونيه 

عشان اقدم فيها اعلام بجد من اللى درسته

واقدم فيها فن بجد من اللى شوفته  

عاوزه اسكندريه تكون عاصمة مصر

عشان احنا نحتل المركز الاول فى عدد القنابل 

 ايه كمااااااااان امممممممممممممم 

كفايه كده .....

كل واحد بقى يتخيل انه معاه المصباح

شبيك لبيك ... اطلب واتمنى ....

ملحوظه صغننه

ماحدش يتكلم فى ان الفكره حلال وحرام

Read more...

مــكان فــى القــلب ....

فى حياة كل انسان هناك اماكن قريبه من قلبه

يحن اليها فى كثير من الاوقات

يشتاق الى معالمها وتفاصيلها

دعونى اتحدث عن المكان الاقرب

الى قلبى وعقلى وشعورى تجاهه 

كلما دخلت اليه اشعر اننى فى منزل وامامه حديقه

وحينما تصل الى صالة الاستقبال تندهش من الاثاث

لانك لا تعلم هل هو بالفعل غالى الثمن

ام انه بسيط ولكنه رقيق وشيك

وحينما تجلس لبضع ثوانى

تبدا الروائح الفواحه فى الدخول الى انفك

ولا تعرف ما نوعية هذه الروائح 

هل هى رائحة شجرة المسك التى شاهدتها

فى الحديقه قبل لحظات

ام رائحة تلك الباقه من الورود التى تقبع

على المنضده الاقرب منك

ام رائحة الياسمين التى يعشقها من يملك هذا المكان

ام رائحة اطعمه يفوح عطرها من المطبخ

لا تعلم من اين تاتى الموسيقى

وهل هى عربى ام غربى

لا تعلم كم طال الوقت بك وانت جالس بمفردك

ولكن تشعر انك مع بشر يحبونك ويفهمونك

هذا كان حالى مع المكان

اما الان فلا اكاد اقترب منه

حتى يفزعنى منظر العناكب التى تطل عليه

من كل الاركان

وكم يحزننى كم الاهمال الذى اصاب الحديقه

وكلما حاولت الدخول اجد ما يفزعنى

ولا استطيع الاقتراب

هذا حال بعضنا مع الاماكن التى يحبها

ويحزن عندما تتغير معالمها

لكل منا مكان فى القلب

دعوه لنتحدث جميعا

عن الاماكن الاقرب لنا

Read more...

هــــو و هــــــي 1 ....

هى فتاه لا تجيد التعبير عن نفسها

مثل معظم فتيات المجتمع الشرقى

تحبه لا .. بل تعشقه

تقول عليه اجمل رجل رأته عيناها 

 رغم انه يقول على نفسه غير وسيم

تؤثرها كلماته المعسوله

 رغم انه يقول لها انا مش باعرف احب

ليس لديها المقدره لتستجمع شجاعتها وتصارحه

 هو يخشى ان يخسرها كصديقه

 اذا صارحها بحبه ورفضته

كلاهما فى حالة التزام

هو يلتزم صمته وهى تلتزم شوقها

هى تتظاهر امام الجميع بالسعاده

 اما قلبها بيكى ألما ووجعا

هو يتظاهر بالقوه وانه لا يخشى اى شئ

وهو ضعيف من الداخل وعقله مشتت

كلا منهما ينتظر اشارة البدء من الاخر

انهم تعساء حقا .. 

Read more...

الفستان الأبيض ....

الفستان الابيض 

حلم كل فتاه وهى لسه طفله 

اوعى تلبسيه لأى حد

 عشان خايفه من كلام ناس

اوعى تلبسيه عشان نفسك تلبسيه وبس

خدى بالك ممكن تلبسيه ساعتين تلاته 

وتعيشى فى نكد وتعب باقى عمرك

اوعى تفكرى تلبسيه 

غير لما تلاقى الرجل المناسب 

اللى يتوافق مع قلبك

مع عقلك وروحك وأفكارك 

اوعى تتسرعى فى اختيار الفستان

الفساتين كتيييييير أوى 

لكن هى حياه واحده اللى هتتعاش 

Read more...